:: التسجيل :: :: الرئيسية :: :: اتصل بنا ::
  #1  
قديم 9/8/2008, 09:17
الصورة الرمزية blue tornado
blue tornado blue tornado غير متواجد حالياً
هلالي محترف
 
التسجيل: Feb 2008
الإقامة: fairfax
المشاركات: 4,288
ثاني محترف اجنبي تبين علومه

السلام عليكم

حيالله سكان منتدى الرياضة السعودية والعالمية مرتـ(ن) اخرى

بعد خبر امس حق الاتي ونور الدين بوخاري

واللي بلع فيه ولد بوخاري 17 مليون وتوكل على الله

اليوم جايب لكم خبر

بس اشد وقعا

واكثر ايلاما

ومفاجاة من العيار الثقيل



الظاهر ان هالوجه مهوب غريب عليكم

هذا اللاعب العالمي اللي وقع للعالمي

رزاق اموتويوسي

اللي قالوا انه راح يحدث نقله نوعية في الدوري السعودي

وراح يرفع من مستوى الدوري السعودي

خطر انه مايصقع بالسقف

المهم هاللاعب جاهم وفيه ملاريا

شكله شارب حليب خلفه مغشوش

مشوها اخونا النصراوية يعني مافرقت معهم

لعب اكثر من مباراة في معسكرهم الاسكندراني

رفس اللعيبة المصاروا

ورجم عليهم الكدايس - تكرمون -

يهابد في هالملعب رايح جاي

ولا يدري من وين هي هابه

طبعا وعلشان نكون على بينة

اللاعب مكلف الاخوان في النصر

25000000

المبلغ كتابتا

خمسة وعشرون مليون ريالا فقط لاغير

الزبدة

امس بعد المغرب

اجتمع مدرب العالمي الكابتن رادان

مع المشرف على كرة القدم بنادي النصر الاستاذ طلال الرشيد

وبعد مداولات ومناقشات

صار بينهم هالحوار الحضاري

رادان : انا مايبي رزاق هازا مافيه كويس

وهوا في اسكندريه مافيه سوي مستوى زين .

طلال : ياابن الحلال هذا مكلفنا 25 مليون ريال .

رادان : مافيه حاول ياتلال " ذس از لاست دسكشن يا تلال "

انا فيه خطه يلعب ون سترايكر وهازا مافيه يصلح لهاله .

وحتى هذه الساعة

وطلال ورادان في الملحق يتداولون موضوع رزاق

طبعا اكرر ماقلته امس

انا ماكتبت هالموضوع من باب الشماتة

ولكن حتى نعرف اننا كسعوديين مستهدفين

ويغلب علينا العجلة والتسرع والطفاقه

والله يستر الله يستر من الجاي

و يا ( ويلي ) يا ( ويلي ) لو يصير اللي في بالي

الـــــــــــــــــــــــــلـــــــــــــــــــه يخارجنا


مراسلكم من نادي النصر

م/ بندر







رد مع اقتباس
قديم 9/8/2008, 09:46   #2
مفاهيم الغلا
هلالي فعال
 
الصورة الرمزية مفاهيم الغلا
 
التسجيل: May 2005
الإقامة: " الريــاض "
المشاركات: 2,437
رد: ثاني محترف اجنبي تبين علومه

خخخخخخخخ
الكره السعوديه في دمار !


مفاهيم الغلا غير متواجد حالياً   رد مع اقتباس
قديم 9/8/2008, 13:17   #3
فورزا هلال
هلالي نشيط
 
الصورة الرمزية فورزا هلال
 
التسجيل: Jun 2007
المشاركات: 477
رد: ثاني محترف اجنبي تبين علومه

طيب ممكن هالاعب يبدع ؟؟؟؟؟؟؟ لا نستعجل بالحكم بكره المباريات تبين معدنه

تحياتي


فورزا هلال غير متواجد حالياً   رد مع اقتباس
قديم 9/8/2008, 13:29   #4
Il Fenomeno
Neuer ღ Muller
 
الصورة الرمزية Il Fenomeno
 
التسجيل: Aug 2005
الإقامة: Luis Nazario ღ
المشاركات: 13,906
رد: ثاني محترف اجنبي تبين علومه

يا اخي عندنا عقليات مدري وش تبي ..
يبون اللاعب يبدع أول ما يجي عـ الطول .. أي لاعب مهما كان لازم ياخذ فترة عشان يتاقلم ويقدم مستواه المعروف ..
أما انك تصرفه عشان وزنه او أنه مالعب زين بـ المعسكر التدريبي ، وش هـ السباكه ؟؟
يعني زي هـ الخال دامهم وقعوا معه أربع سنين وش يضرهم لو صبروا عليه سنة كاملة .. ونفس الحال ينطبق علينا مع ويلي ..
أي لاعب توقع معه مدة طويلة عطه الفرصة الكاملة لـ التأقلم ..
اقتدوا بـ الاهلي المصري جاب فلافيو ونكب ابوهم سنة كاملة وما سجل الا هدف واحد حتى البلنتيات كان يضيعهن وبعد سنة صار أفضل لاعب عندهم وكلنا شفنا تألقه بـ كأس العالم ..


Il Fenomeno غير متواجد حالياً   رد مع اقتباس
قديم 9/8/2008, 13:34   #5
el-messafr
هلالي محترف
 
التسجيل: Dec 2005
المشاركات: 4,173
رد: ثاني محترف اجنبي تبين علومه

^
^
ان شالله مايشوف الابداع ولا يعرف له طريق ..

بندر لافض فوك


el-messafr غير متواجد حالياً   رد مع اقتباس
قديم 9/8/2008, 14:09   #6
الصاروخ الازرق
هلالي محترف
 
الصورة الرمزية الصاروخ الازرق
 
التسجيل: Mar 2002
الإقامة: في الهلال
المشاركات: 4,847
رد: ثاني محترف اجنبي تبين علومه

اقتباس:
يهابد في هالملعب رايح جاي


الصاروخ الازرق غير متواجد حالياً   رد مع اقتباس
قديم 9/8/2008, 19:01   #7
spanish eyes
مشرف سابق
 
الصورة الرمزية spanish eyes
 
التسجيل: Sep 2004
المشاركات: 11,282
رد: ثاني محترف اجنبي تبين علومه

اذا هالكلام صحيح فالمشكلة راكبة راكبة في هالعقليات الي تدير الاندية السعودية الله لا يعوق بشر

يا انهم جابوا لاعب اي كلام او انهم ما عرفوا يقيمونه ص

كرة القدم ما هي بالسهولة الي تتصورها بعض العقليات وهذا شيفشنكو كمثال لاعب عالمي له تاريخه الى الان رغم مضي سنتين لم يستطع التأقلم مع فريقه

اللاعب يحتاج للراحة النفسية والانسجام مع البيئة والثقة من قبل المدرب والنادي عشان يعطيك الي عنده


spanish eyes غير متواجد حالياً   رد مع اقتباس
قديم 9/8/2008, 19:14   #8
زعيم ميلان
مشرف
 
الصورة الرمزية زعيم ميلان
 
التسجيل: Jun 2007
الإقامة: 2721FD8F
المشاركات: 19,636
رد: ثاني محترف اجنبي تبين علومه

ماسرع ما حكمو عليه بنو فقر


زعيم ميلان غير متواجد حالياً   رد مع اقتباس
قديم 9/8/2008, 20:12   #9
ماجد الناصر
فقراوي موقوف
 
التسجيل: Feb 2003
الإقامة: شبكة الهلال
المشاركات: 40,256
رد: ثاني محترف اجنبي تبين علومه

نااس همها الفشخره قدام الاخرين وانتظر السقوط الاكبر


ماجد الناصر غير متواجد حالياً   رد مع اقتباس
قديم 9/8/2008, 21:37   #10
أزرق مرح
~ تــاج الشبـكه ~
 
الصورة الرمزية أزرق مرح
 
التسجيل: Jan 2005
الإقامة: في قلوب أحبابي
المشاركات: 45,492
رد: ثاني محترف اجنبي تبين علومه

أنا خايف بعد من السويدي

الشماتة شينة

الطنزة مدتن باليد


أزرق مرح غير متواجد حالياً   رد مع اقتباس
قديم 9/8/2008, 22:19   #11
زعيم النوادي
هلالي نادر
 
الصورة الرمزية زعيم النوادي
 
التسجيل: Nov 2005
المشاركات: 18,034
رد: ثاني محترف اجنبي تبين علومه

اللاعب من ناحية المستوى الفني ممتاز وهو من أفضل ثلاث هدافين في كأس الاتحاد الاوروبي 2007/2008
لكن مشكلته انه مهايطي درجة أولى وأوقف أكثر من مرة لضربه لاعبي الخصم ,
طبعا ما لعب للنصر الا لأنه يحب الـ $$ أكثر من نفسه , والدليل شف هالتصريح اللي يدل على محدودية تفكيره:

he compared football players with prostitutes, saying that "we go where there is money"
ترجمة التصريح وانتم بكرامة : شبه لاعبي كرة القدم بالعاهرات , فهم يذهبون حيث تواجد المال !!

http://en.wikipedia.org/wiki/Razak_Omotoyossi



الله لا يبلانا .


زعيم النوادي متواجد حالياً   رد مع اقتباس
قديم 9/8/2008, 22:50   #12
Hilali ChelseawY
هلالي مبدع
 
الصورة الرمزية Hilali ChelseawY
 
التسجيل: Jun 2005
الإقامة: مع الكفيل
المشاركات: 1,539
رد: ثاني محترف اجنبي تبين علومه

لا حول ولا قوة إلا بالله


Hilali ChelseawY غير متواجد حالياً   رد مع اقتباس
قديم 10/8/2008, 18:48   #13
جداوي بس هلالي
هلالي عالمي
 
الصورة الرمزية جداوي بس هلالي
 
التسجيل: May 2006
الإقامة: JEDDAH
المشاركات: 10,802
رد: ثاني محترف اجنبي تبين علومه

اللهم لاشماته


جداوي بس هلالي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 19:43.
التعليقات المنشورة لا تعبر عن رأي شبكة الهلال ولا تتحمل أي مسؤولية حيال ذلك (ويتحمل كاتبها مسؤولية النشر)


Powered by vBulletin® Version 3.8.2
Copyright ©2000 - 2019, Jelsoft Enterprises Ltd.
:: اتصل بنا :: :: الرئيسية :: :: تصميم كاكا ديزاين ::