امحــق يــوم وطـــنـــي !! [الأرشيف]

مشاهدة النسخة كاملة : امحــق يــوم وطـــنـــي !!

+ R a B e 7 +

24/9/2006, 03:20

السسلام علييكم > هدو لحد يطب فيني

كل عام وانتم بخير ؛ والله يتقبل منا ومنكم الصيام والقيام ؛

قبل امس الي هو يوم الجمعه ، مالي ومال الشيطان طاري ، جالسسن ع النت الا وذاك الاتصال الو مسيك بالخير انجز ابيك تجيني الشباب مجتمعين بالملحق بلوت وفله نحتريك ..

> خبركم واحد عاطل باطل يحتري الي يناديه ولايعزمه ..

المهم بيتي في حي الروضه ، والربع في حي السليمانيه ، حركت من البيت وصلت لـ طريق الملك عبدالله ، اتشوف ياولد وين التفتيش غريبه العاده قدام بنده يكون تفتيش مالقيت . . قلت الوكاد ان عندهم علم ،

مالكم بالطويله يالربع ، انا نسيت ان فيه يوم وطني اشوف المواتر تشطفني اعلام
وصابغين مواتر قلت الوكاد ان المنتخب جاب بطوله حواري ولاشي ..

طبيت التحليه كنت ناوي اجيب للعيال عشاء وياليتني ماطبيتها ياالربع

وقسم بالله اني قمت اتلاعن انا وياهم ..

المهم الشارع مسكر وصوت الدوريات تقول كنه تفجير ياكافي ..!

مادريت الا وذاك الجمس المطيح يدزني من ورا الصدام بالصدام

قلت هاذا والله الي يبيني اجيب فيه العيد ونزلت الشاكوش يالسنايدي وقلت مافيه

فالقه فالقه الله لايعوق بشر .. نزلت فتحت باب موتره > الاخو ناوي هالجحلطي

الا واذا بي اعرفه هو وخشمه قلت يلعن يومك هاذا مزح . .

المهم هالرجال هيضني وقال اليوم يوم وطني الحبيب الذي مالي سواهو > ابوك يالوطنيه

قلت اها انجز وش تبي مواعدن لي رجال شرواك ومن يسمع > تخسى شرواك

سو لموتري تلميع بعدين نتفاهم شرواك ولا لا ..

قال الحقنا بس واي حركه نسويها سوها قلت قدام يبو صدام > وش اخبار صدام ياشباب ؟

المهم اول ماحرك وانا وراه اول حركه سواها نزل وقام يرقص ،

قلت ايه مدام بدايتها كذا انقز الرصيف يابعدي .. > وين يبو تراك منتب في الروضه

قام يرقص ويهز وانا اتحمد ربي ونحرك ، المهم جينا نديور مع الاشاره حقت موبايلي لقيناهم مسكرين ودحخلنا مع الحارهـ همن طبينا التحليه مرتن اخرى . .

موقف اعجبني الصراحه من رقال المرور

قاموا يقشون هالعالم قش يجون من وراهم ويشغلون السفتي وكلهم خقوا وحركو خخخخ . .!

الــزبـدة !

للاسسـف بعـض النآس فآهمين اليوم الوطني غلط !

واحد في الدوريات اعرفه يقولي فيه ناس قاموا يفتحون البيبان على سيارات العوايل ويستهبلون !!

للآسسـف لـهـ الدرجــه !

نبي نتاقش انا وياكم الي تششوفنه يرضـيـكـم !!

اوكيه ماقلنا لاتفرحون بس مو لـذيك الدرجــه !!

هاذا الي عندي ، ،

،

كان معكم مراسلكم من ارض الحدث مسستر هلآلي

،

هلالي اكاديمي

24/9/2006, 03:29

:kany:

الحمد لله كبرت الموضوع وقريته :fghty:

هلا بك مستر هلالي ..
اخوياك ذولا يكرهونك .. شكلهم لقوا رابع وتوهقوا فيك :d: :d: قالوا يصرفونك :d:

بس تبي الصراحه هاليوم الوطني أحسن شي فيه ان الشرطه والمرور يصيروا اخوياك :d:
يعني ما فيه أمل يعطوك قسيمه ولا توقيف ..
البارح بالخبر عسكري وراكب دوريه ولابس شعار أخضر حق المنتخب :d: :d: ==> انواااع الزحف :d:

وانت صادق امس شتهم فاتحين اكورد بيضا وفيها عوايل مع سواق . بس البنات مووش ولا بد :ignor:

عموما .. جت الدوريه علىة طوووول ووخرتهم !! ;)

وانت صادق احتففلوا بس العوايل خلوووهم على جنب ..
تسلم موضوع رااااااايق (himo)

الــــنــــاقــــــــد

24/9/2006, 03:30

والله يقوللون عيال الرياض أمس أنهبلوا .. من فرحتهم باليوم الوطني !!

اذوا الناس .. !!

وكسروا السيارات !

وقلبوها رقص ومسخرة في ليلة شهر كريم !!

ياخي الظهر .. قايل لأخوي الصغير شغل التلفزيون .. الا ويطلع لي محمد عبده .. وجالس يغني !

قلت معقولة ذا التلفزيون السعودي اللي من أول يستحي على وجهه في رمضان !!

صار الوطن عنده أهم من الدين !!

للأسف إجازة اليوم الوطني أضرت بالوطن أكثر من أن تنفعه .. فالشباب صار يصيع .. ويحط اليوم الوطني عذر للأي عمل صبياني وقح يقوم به !!

من جد ساءني ماسمعته من تعرض عوائل في الرياض للتحرش من قبل " صُيع " مراهقين .. يشمون رائحة إحتفال .. ويخلونه نكد في نكد !!

يوم وطني جعل تلفزيونا العزيز .. واللي من أول مضرب للمثل .. جعله مضرب للسخرية !!

البارح سيارات كثيرة شاهدتها في مكة مضروبه بويه خضراء .. وشباب مراهقين يرفعون صوت المسجل والاغاني في ليلبة رمضان !!

للأســـف يوم وطني .. أضحى فيه الوطن أهم من الدين .. فضحى الجميــع بتعاليم دينه .. من أجل حفل بــدعة !!

عجبي !!

تحياتي لك ,,

سآم9

24/9/2006, 03:32

:d:

اجل وش تقول بالمتخلفين اللي عندنا بالقصيم (himo)
هاللي متسدحين بالشوارع والسيارات مدري وش مسوين فيها ..

الا بم انك قلت قصتك انا ابقول القصه اللي صارت ليه امس يوم الجمعة ليلة السبت

المهم الاهل يبون اغراض مدري اكل حق السحور .. وكانت الساعه 12 تقريبا
المهم انا ابروح للسوبر ماركت وانا طالع للسوبر ماركت واشوف الا البشريه منتثره بالشوراع وانواع الاستهبال على الدوريات ومن زود الميانه في بعضهم يحد الدوريات وبعدها يكفخ :kany:

المهم ان اول شيء انلحست اول ما شفت هالعالم والله اني حسبت ان فيه حادث قوووي او واحد مات :q: ولا ماسكين لهم ارهابي او صاير شيء عظيم :eek:
وانا مدرعم بموتري وامشيء ولا ادري وش القصه والعالم تشطفني وانواع البواري اللي ما ادري من وين تجيء :req:
واللي لابسين اخضر وماسكين اعلام ورقص وحالتهم حاله :confused: ..

من جد امر غريب ومحزن في نفس الوقت !

بس السؤال اللي يطرح نفسه .. وش معنى السنه هذي اللي فقط طاحوا بهالحركه ؟؟ يعني لعيون ابو متعب ولا وش الهرجه ؟؟ (rambo)

تحيتي :sheto:

’М5ťŁƒ

24/9/2006, 03:44

اجل وش تقول بالمتخلفين اللي عندنا بالقصيم
هاللي متسدحين بالشوارع والسيارات مدري وش مسوين فيها ..

الا بم انك قلت قصتك انا ابقول القصه اللي صارت ليه امس يوم الجمعة ليلة السبت

المهم الاهل يبون اغراض مدري اكل حق السحور .. وكانت الساعه 12 تقريبا
المهم انا ابروح للسوبر ماركت وانا طالع للسوبر ماركت واشوف الا البشريه منتثره بالشوراع وانواع الاستهبال على الدوريات ومن زود الميانه في بعضهم يحد الدوريات وبعدها يكفخ

المهم ان اول شيء انلحست اول ما شفت هالعالم والله اني حسبت ان فيه حادث قوووي او واحد مات ولا ماسكين لهم ارهابي او صاير شيء عظيم
وانا مدرعم بموتري وامشيء ولا ادري وش القصه والعالم تشطفني وانواع البواري اللي ما ادري من وين تجيء
واللي لابسين اخضر وماسكين اعلام ورقص وحالتهم حاله ..

من جد امر غريب ومحزن في نفس الوقت !

بس السؤال اللي يطرح نفسه .. وش معنى السنه هذي اللي فقط طاحوا بهالحركه ؟؟ يعني لعيون ابو متعب ولا وش الهرجه ؟؟

تحيتي

البركان الأزرق

24/9/2006, 03:47

8
8
حتى السنه اللي فاتت مثل هالهبال واردى بس هالسنه متولمين :d:

هم يبون شي يفرحون بوه ويتلونون بوه خضر والا حمر موب مهم :d:
اهم شي يفحطون وينبسطون ويذون خلق الله :slv:

ياخي اصبغ سيارك خضرا ما قلنا شي بس لا تروح تزحم خلق الله وتسوي شي ما يرضي رب العالمين انبسطوا وافرحوا بس موب كذا اعوذ بالله من تقبل شارع الثلاثين والا جسر الخليج تشوف ناس ما تدري وش هم :confused: :confused:

ياخي خلاص صبغت سيارك خضرا حطيت لك علم اخضر يسد خلاص درينا انك سعودي :d: هذا كافي للتعبير عن وطنيك ماله داعي تطلع من الشباك وتسوي قلق < الا ما يخافون يطيحون :angel:

والله انا اذا شفتهم ارحم امهاتهم اللي ذولا المهبل عيالهم :(

الله يحمينا بس ..

السجين بتهمة حب الهلال

24/9/2006, 03:57

اقسم بالله ثلاثة ارباعهم مايدرون وين الوطنية!!!

ناس راعية استهبال وفراغ فقط ويستغلون الاحداث!!!

هذولا شباب الرياض وعيال النعمة !!!

اعرفلك شباب يحضرون المباريات النهائية للهلال مو حب فيه ولكن عشان الاستهبال اللي بعد المباراة من تشجيع ورقص!!!

ناس فارغة وعقول طموحها محدود

وتلفزيوننا العزيز غارق في علمانية اياد مدني

الـدرة

24/9/2006, 03:59

بس السؤال اللي يطرح نفسه .. وش معنى السنه هذي اللي فقط طاحوا بهالحركه ؟؟ يعني لعيون ابو متعب ولا وش الهرجه ؟؟

كــل العالم تسأل هـالســـؤال ...

وش معنى هالسنه ؟؟

حتى عندنا في المدرســـه ..

الهم لك الحمد أنواع الهبــــال ..

ربطات خضر .. شرايط خضر .. بروشات خضرا .. حتى المعلمات حاطين ..

وبعضهم ملونين وجوهم .. قلب اخضر وقلب ابيض .. ( تحس انك في ملعب )

ماقلنـــا لا تحتفلون .. بس مب كذا ..

للاسسـف بعـض النآس فآهمين اليوم الوطني غلط !

صادق والله ..

للأســـف يوم وطني .. أضحى فيه الوطن أهم من الدين .. فضحى الجميــع بتعاليم دينه .. من أجل حفل بــدعة !!

عجبي !!

للأســــــف..

يعني بعض البنات تمرين منها تقولك كل عام وانتي بخير ..

وين عايشين

يعني هذي أول سنه يحتفلون بهالشكـــل ..

السنوات الجايه وش بيسوون ..

الله يستر مايخلونه (عيـــد)

موضوع جميــــــل ..

تشكــر عليـــه أخوي مستر هلالي ..

محمد الدوسري

24/9/2006, 04:06

:angel:

احد شافني امس

<---<<الناس ترقص

<----<<وهوي يخرع الناس لابس قناع :jhgy: توني باش به

واخرع وراعين الرياض عند الاشارات :kany:

bremooo

24/9/2006, 04:14

اشـوى أن مب كل يـوم يوم وطنـي :yuupy: ..

والله ياعندنا مهبّل .. بس يبون لهم أيّ منفس (rambo) .. اليوم واللي هو اليوم الوطني وانا طالع قبل شوي ماشفت مثل زحمات وهبال الاربعاء والخميس والجمعه .. مدري عشان الشياطين ربّطت يوم دخل رمضان :kello: .. والا يحسبون أن اليوم الوطني قضى :jhgy: .. وانا صراحة أرشّح الثانية :d: ..

يعــطيــك العــافيــه :magkiss: ..

ســلام.."ابوناصر"..

!! دمعة المقهور !!

24/9/2006, 04:26

اقسم بالله ثلاثة ارباعهم مايدرون وين الوطنية!!!ناس راعية استهبال وفراغ فقط ويستغلون الاحداث!!!

كبير يالسجين ورد واقعي جداً .!

نوااااااااف11

24/9/2006, 05:00

هذا اخر الزمان عش رجب تشوف عجب
الحين صارت عش رمضان تشوف العجب

bmbsa

24/9/2006, 05:24

توني واصل للبيت بعد ساعة ونص في الطريق وكله من الزحمة اللي في الشوارع :(

أصوات مسجلات السيارات تتعالى بأصوات الاغاني والتبرير يوم وطني!!

وآخرين لبسوا الاقنعة وصبغوا وجوههم باللون الاخضر للرقص والشكشكة في الشوارع والتبرير هو يوم وطني !!

سيارة ممتلئة بالشباب كلهم طالعين مع الشبابيك ويحتكون بسيارة فان فيها عائلة ،، احدهم يقول افتحي الشباك ياحلوة باعطيكي الرقم بس!! والثاني يصور بالجوال والثالث يرقص :(

ومجموعة شباب اوقفوا سياراتهم في طريق الملك فهد ومعطلين سير آلاف السيارات خلفهم ليتراقصوا على اغاني في الثلث الاخير من ليلة من ليالي شهر رمضان :(

معقولة كل هالحركات حبا ً في الوطن ؟

اقسم بالله العظيم انها ليست كذلك والحركات هذي ماراح تكون مقياس للوطنية ابدا فنحن نحب الوطن ونتمنى له الامن والخير ولكن ليس بهذه الطريقة

معقولة هالحركات تصير؟ لا وفي شهر رمضان ؟

انا لست ملتزما واسأل الله الهداية لي ولشباب المسلمين ولكني لا أرضى بتصرفات شاذة ومنافية للفطرة الاسلامية والاخلاقية

اختلط الامر بين مخالفة امر الرسول صلى الله عليه وسلم واستحداث البدع وبين أوامر ولي الأمر فاصبح معظم الناس يفتي حسب هواه وحسب مايناسبه

يارب لاتؤاخذنا بما فعل السفهاء منا

ســعــود

24/9/2006, 05:27

هذا اخر الزمان عش رجب تشوف عجب
الحين صارت عش رمضان تشوف العجب

ثــامـر

24/9/2006, 08:32

ياحبي لي صاكه نومه من الساعه 9 مادري وش الي صار ووش الي ماصار :n:

سلا1م

24/9/2006, 09:49

اقول ما حولك احد بس ناس تبي ترقص وتستخف وتنهبل

ناس ما عندهم شغل ولا مشغله

ما قول الى من حزام يمحطهم مع ظهورهم لين يعرفون ان الله حق

حتى بنات خلق الله ما خلوهم في حالهم

وجع يوجعهم

اجل خواجه تشطف جنبه سيارة عوايل ويطلع قدام خلق الله يقول لهم الرقم يا عمري :amle:

وين صارت ذي :amle:

ترقبو موضوع اليوم الوطني مدعما بالفيديو والصور قريبا وحصريا على الشبكه

o0o زراق o0o

24/9/2006, 09:52

للاسف كانت ليالي الاحتفال باليوم الوطني همجية وصار مشاكل كثيرة وحوادث وووو الخ..

والامر من ذلك ان هذه الاحتفالات في اول ليالي الشهر الفضيل :(

ومانقول الا الله يهدي شبابنا وفتياتنا :rolleyes:

هلالي مهمايقولون

24/9/2006, 14:12

انا غسلت يدي من هالشعب اللي يدور الفلة باللعنة :angel:

حتى العرابجة صارو يحتفلووووووووووون :jhgy:

قلبها ازرق

24/9/2006, 15:07

والله كله من هاالإجازة حقت اليوم الوطني وإلا لو مافيه إجازة

ماكان صار اللي صار

والبنات بالمدرسه فالتها ولا يدرن وش سالفته مير ليتهم يعطون دروس عن اليوم الوطني لا كله احتفالات ورقص

امس اسأل بنت اختي اقولها وش لون اليوم الوطني تقول على شان بابا عبدالله

بيزور المملكه :ignor: :ignor: :ignor: :q: :q: <موليه مثل خالتها :angel:

دمــ أزرق ــه

24/9/2006, 15:43

الله يسترنا ولايبتلينا

وهذي والله العظيم انها مصيبة والله يستر من عواقبها
اخاف على انفسنا من كفر النعم والعياذ بالله

ومارأيته بالامس فهو من كفر النعم والله يغفر لنا ولايبتلينا :(

محمد الدوسري

24/9/2006, 17:03

ترقبو موضوع اليوم الوطني مدعما بالفيديو والصور قريبا وحصريا على الشبكه

ننتظر :angel:

+ R a B e 7 +

24/9/2006, 17:25

ششـآكر للجميع مروركم العطر ، ، انستوا وشرفتوا ، ،

برايفت لمحمد الدوسري > لاتكون انت راكب مع راعي الدب الي طالعن من الفتحه

تراني من اليوم وانا اقزك :d

[[ عبود ]]

24/9/2006, 17:34

:::
::
متخلفيييييييييييييييين :rolleyes:

والله ما يدورن عن شي بوطنهم والله والله :rolleyes:
بس !
استهبال و بزرنجية و صيَع و دشير :q: :nrey:
::
:::

نادي البطولات

25/9/2006, 01:38

الحمد لله كبرت الموضوع وقريته

هلا بك مستر هلالي ..
اخوياك ذولا يكرهونك .. شكلهم لقوا رابع وتوهقوا فيك قالوا يصرفونك

بس تبي الصراحه هاليوم الوطني أحسن شي فيه ان الشرطه والمرور يصيروا اخوياك
يعني ما فيه أمل يعطوك قسيمه ولا توقيف ..
البارح بالخبر عسكري وراكب دوريه ولابس شعار أخضر حق المنتخب ==> انواااع الزحف

وانت صادق امس شتهم فاتحين اكورد بيضا وفيها عوايل مع سواق . بس البنات مووش ولا بد

عموما .. جت الدوريه علىة طوووول ووخرتهم !!

وانت صادق احتففلوا بس العوايل خلوووهم على جنب ..
تسلم موضوع رااااااايق

25/9/2006, 02:10

نـاس " متخلفـه " :rolleyes: ..

قاهرهم(هلالي)

25/9/2006, 02:23

للأسف
المساجد يصلون التراويح
وبعض الشباب مشغلين اغاني :( :slv:
مو مشكلة ما يحتاج يصلي التراويح
بس يستحي على دمه ويطفي الأغاني :jeng:
ما اقول الا
"الحمد لله على نعمة الإسلام والعقل"
:noo:

شلهوبي&موهوبي

26/9/2006, 03:09

الحمد لله أني من يوم الأربعاء الى يوم السبت ماطلعت من البيت الى يوم الجمعه رحت العب كوووووووره من بعد العشاء الى منتصف الليل ورجعت بلا يوم وطني بلا خرابيط الله لا تبلانا فيما ابتليتهم به

alkateb

26/9/2006, 04:38

شوف ياطويل العمر

الشبابا فاضيين (فاي)

يدورون اي مناسبة عشان يسوون هبالاتهم>>>>واحد منهم :d:
يعني هل هو حب باليوم الوطني او احتفال..؟
لا والله بس كذا صرقعه يبون مناسبه عشان يسوون هالهجوله

اما فتح البيبان على العوايل ذ قله ادب ولو شفت احد يسويها بانزل واتوطي كرشته

بقلم المستشار

26/9/2006, 05:12

لا بد بأن نعترف باننا
شعب يحتاج الى تثقيف وتوعية !؟

هلالي الصبيخه

26/9/2006, 14:40

حسبي الله ونعم الوكيل !!

من متى ونحن نحتفل بهذه البدعة !!!

تحقق للعلمانين واعداء السنة ما اردوا !!

واستغل الشباب العاطل الباطل هذا اليوم من اجل تفريغ ما بداخلهم ليس حباً في الوطن ولكن من اجل ان يصلوا الى مايريدون من استهبال ومعاصي !!!