اللي يعرف مكان أقدر أشوف فيه مباراة الريال وبرشلونه يدخل بسرعة...

[أول هلالي]

ياشباب رجاءا اللي يعرف مكان نظيف مافيه ريحة الدخان يعني زي مطعم أو كوفي شوب محترم عندهم الأوربت وينقلون مباراة الليلة يدلني عليه بأسرع وقت .... لأني صراحة ماأطيق ريحة الدخان في مقهى الكواكب الرياضي أو غيرها من المقاهي...وفي نفس الوقت ما أبي المباراة هذي تفوتني لو يصير إللي يصير(بس بدون دخان..:zael: (himo) )

[حلوووس]

رح الى مطاعم كنتاكي فرع شارع الستين

خبري فيهم عندهم الاوربت

[hilaly4ever]

اللي أعرفه إن مقهى جوفريز كان عندهم الأوربت..بس تأكد أخوي قبل ما تتوهق..تراه له فرعين واحد في التحلية..والثاني في الضباب..والله أعلم.

[DelPiero]

الله يعينك

هذا مشكله يعاني منها الكثير من الشباب ولكن ما فيه رقابه على المنتزهات والمقاهي

لاعطاء الممتنعين عن التدخين و( الشيشه ) حقهم في المتعه بدون مشاكل صحيه

الله يكون في عونك وعون كل اللي ما يدخنون وما عندهم اشتراكات

[المحتار]

حياكم الله عندي في البيت
لا دخان ولا شيشه ولا شي
مافيه الاشاهي وقهوة وسعة صدر ..

[البيرق]

مطاعم شونيز جلســــة حلوة واوربت
وفية محل على طريق الملك فهــــد ماادري وش اسمة من برى مرسوم علية كاس العالم عند الملاهي الي قبل التحلية هذا انصحك فية

[آه ياهلال]

مرحبا أخوي
الأماكن اللي فيها الأوربت في الرياض صارت مثل مطاعم المثلوثه
عندك مطعم يامال الشام العليا كنتاكي العليا طبعا هالأماكن التدخين فيها معدوم تقريبا وأقصد المطاعم لكن إذا كنت تريد كوفي بالتأكيد ستجد نسبه كبيرة من المدخنين مثلا عندك المساء على التحليه فيه أوربت لكن ماأظمن لك عدم التدخين فيه أكثر من كوفي شوب على طريق الأمير عبدالله بجانب ماما نوره
الأماكن كثيره والأوربت في الرياض ماهي مشكلة لأن أغلب الأماكن أصبح يتواجد بها الأوربت لكن لتبتعد عن رائحة التدخين فالأفضل لك الإتجاه للمطاعم:)

[انا احب الهلال]

اخوووي فيه محل اسمه كوكب الريااااااااضه عند الفيصليه هناااااااك تحححس انك خاااارج البلد
لانه ما فيه الا اسبان يجوووون
بخخخخخخخخخخ

[عاشق روما]

كل مطاعم كنتاكي يوجد فيها اوربت الرياضيه وبعد هارديز
واذا تبي تروح لجوفريز انصحك بالي عند الفيصليه ( بجوارها )



بدري



ادري ان المبارات انهت

بس حبيت اعلمك