المساعد الشخصي الرقمي

مشاهدة النسخة كاملة : ممكن سلـــــــــــــــــــــــــــــــف ؟؟ " صوره "

كــــحــــيــــلان
5/9/2006, 19:41
( بــســم الله الــرحــمــن الــرحــيــم )


http://www.uparab.com/files/zuClQYpuzAkM5clA.jpg


اتصل عليك صديق له شهور ويمكن سنه لم تسمع صوته العذب <<< أمحق . بدء بالسلام والسؤال

عن الاهل والاحوال والقرابه والجيران << طولها . المهم اخونا في الله دخل بصلب الموضوع معك سلف الى اخر الشهر :confused: <<< تورط

هنا اجزم انك وقعت بين أمرين احلاهما مر الشخص عزيز ولوانه منقطع عنك , و انت رافض مبدأ

السلف نهائياً , أو انك تجي على نفسك وتعطيه لكن تخاف من عدم مصداقيته لانك لم تتعامل معه من

قبل بالسلف .

أنا في الحقيقه لست ضد مبدأ فك ضيق الصديق ولكن كثير مما اراه حولي جعلني اقف كثيراً عند هذه

النقطه ؟؟؟ فكم شخص خسر أشخاص اعزاء بسبب السلف وعدم الالتزام بإعادته فالبعض للاسف

تعطيه بحسن نيه وبشهامه وأحياناً بسخاء ويتعامل معك في النهايه كأحمق ويستغفلك ويعتبرك

ساذج ؟؟؟

ولا يمنع ان هناك اناس والله لاينام وفي ذمته شي لاحد من الناس << عمله نادره . انا وانتم نعرف

الكثير ممن جعل السلف هوايه وبعض الاحيان عــاده <<< مثل تقشير الفصفص كل ماحك راسه :req: قال

سلفني .

أتذكر احد الاصدقاء سلف زميل له بالعمل 2000 ريال حته وحده في نهاية شهر رمضان ووعده

زميله بإرجاعها بعد العيد اي راتب شوال ووصل الى شهر صفر ومارجع له شي المهم كل يوم

بالدوام جبت الفلوس ماجبتها المهم اخذ الاخ اجازه 60 يوم ولاصار يرد على اتصالات صديقي فما كان

منه الا انه رابط عند بيته الين طفش ابو الشباب وطلع له واعطاه 500 وقاله الباقي يوصلك بعدين

وعلى الجزمه القديمه << تكرمون . فماكان من الرجال الا انه من القهر مسك الـ 500 قدامه وشقها :slv:


الثاني استغرب قال انت صاحي قال ايه وبشق وجهك وراها .


ففي اعتقادي الشخصي ان المسائل الماديه ماأن تدخل بين الاصدقاء ويمكن حتى الاخوان الا وتبدأ

المشاكل , أشخاص كثر تكون صورتهم ورديه امامك ولكن بمجرد دخولك معهم في مسألة السلف

تصبح الصوره رماديه وقاتمه فوالله انه من ابشع الاشياء ان نخسر من حولنا بسبب امور ماديه .

احيانا قد يضطر الشخص للسلف من احد الاصدقاء ولكن عليه ان يجعل في نيته الوفاء لا المماطله

وزرع الكراهيه له في الطرف الاخر , وفي الحقيقه هناك مثل رائع عند العامه يقول " إذابغيت تزاعل أحد سلفه " .


وفي الغالب انظر الى نصائح كبار السن لك مثلا اول ماتتوظف تلقى اول نصيحه لك لاتسلف احد ولاتكفل احد ؟؟؟

وانت اذا احببت ان تعين صديق لك وتفك ضيقه انظر الى اي الناس هو ومدى التزامه , لانك بهذا الامر ستجني احد امرين :

* إما انه ستزداد روابط الالفه بينكم والاخوه لقاء موقفك الشهم والنبيل .

* او ستخسر صديقك للابد وان بقيت معه ستكون العلاقه فاتره .


المهم لاننسى ان الصديق وقت الضيق << مو دايم . لكن للاسف الوقوف في الامور المعنويه أقل

خطراً من الوقوف في الامور الماديه لانها تجعل العلاقه على المحك .

دمتم بخير



[line]
abdulmajeed_1
5/9/2006, 19:58
أ و ل السعودية 1 0 0



الــــلـــه الـــلــه الــلـه

"
"
"

وقسم بالله موضوع يستآهل التثبيت بقوة وعنف ..

أول موضوع أشووفه من فترة يضرب بأعمق أوتآر مجتمعنا




تسجيل حضووور


"
"

ولي عودة بإذن الله
كــــحــــيــــلان
5/9/2006, 20:21
هــــلا بأخــــوي ( ابو نورة شايت الكورة )

مــشــكــور على الأشـــادة الــمــتــمــيــزه , واللي تحفز الواحــد على الــمـشــاركـة


أقول مــا تسلفنــــــــــــــــي ألـفــــين وبرجعهــا لك <<<< إيــه أفلقنــي :d:
محمد الدوسري
5/9/2006, 20:28
اخووي

والله انك صاددزز

فيه ناس تذابحو :jeng: :jeng: عشان 5000

ثانكيو على الموضووع :angel:
لاعـــب كاراتيه
5/9/2006, 22:38
وعليكم السلام

فماكان من الرجال الا انه من القهر مسك الـ 500 قدامه وشقها


يومه بيشقها ليه معذب نفسه يطارد وراها :hgfd:




قل يا شيييييييييييييييييييييخ حلوه فلوسي


لو أنشاء الله عودة
حبلوص
6/9/2006, 01:31
:jhgy:

<<<<ضيع مع الخمسميات :jhgy:


تعطيني سلف اللين نهايه الشهر :amle:


ابي ريالين بس :d:



يارجال الواحد مايقول الى

الحمدالله على النعمه الي فيه هوووو :ignor:
Dr. 2'S
6/9/2006, 05:14
يسعد صباحكم جميعا ..

موضوعك جدا رائع ومهــــــم..
ومقتبس من الواقع ..

مثل ماقلتـ اخوي الصديق وقت الضيق ..
لكن لكل شيء حدود..

بعضهم وأنا أختكـ يجيك يتسلف عشان يتصيف ..
يعني لاضيقه ولاشيء..
يتسلف عشان ينبسط ..
وهذي النمونه طالع عمرك مو فاهمين قانون التسلف (( وقت حاجتك القصوى .. تسلف ))..

لكـ تحياتي وشكرا جزيلا..
اغراب
6/9/2006, 16:04
:jhgy:

<<<<ضيع مع الخمسميات :jhgy:


تعطيني سلف اللين نهايه الشهر :amle:


ابي ريالين بس :d:



يارجال الواحد مايقول الى

الحمدالله على النعمه الي فيه هوووو :ignor:
ابي 1000 بس :jhgy:
Tariq
6/9/2006, 16:52
هلا اخـوي ..

موضوع خطير ونادراً ما يتكلم عنه أحـد ..

السلف وما أدراك ما السـلف ..!

ياخي فيه ناس لما تشوفهم تستغرب ..

يتسلف عالرايحـه والجايـه ..

يتسلف عشان يسافر ..

يتسلف عشان يسوي عشاء لناس ..

يتسلف عشان يشتري بطاقة Art ..

يتسلف .. .. .. !!


اللي أنا أعـرفه إن الرجـال لا صار محـدود ومزنـوق وعندهـ شي ضـروري ولا يقدر إنه يـؤجـل هالشـي .. ممكن إنه يتسلف .. ويتسلف بقدر حاجـته ..

لكن بعضهم ما لقى بجيبه إلا 200 ريال قال خلني أتسلف لآخر الشهر .. ويورط نفسه في ديون ومشاكل ..


هـذا اللي عندي وأنا أخوك ..

يعطيك العافية :)
الــــنــــاقــــــــد
6/9/2006, 17:12
هلا كحيــلان :)


مــوضوع جاء ع ( الجــرح ) :(

والله أبتكلم عن نفسي .. وعن واقعي ..وعن ماحدث مني وحولي ,,
فمسألة تسليف صديق قديم مارجع لك الا يبي فلوس .. فهذا أكبر خطأ .. فلو إنه صديق .. كان واصلك .. مو يوم أحتاجك تذكرك !!

سأحكي لك قصص حدثت لي شخصياً :

مرة .. لي زمن كان عزيز من أيام المتوسط .. كان متفوق مثلي :jhgy: , المهم إفترقنا من بعد الكفاءة ..
من بعيد لبعيد كنت اتقصى أخباره ..حصلت على رقم جواله .. اتصلت به ..ماش الولد متغير ماهو فلان اللي أنا اعرفه !!
قطع الرجال فوق ال5 سنين ...,,
ومادريت الا وهو يتصل بي ..طيب كيف الحال وش الاخبار ..الخ
المهم الرجال قال أبي منك خدمة .. قلت ابشر .. !!
قال أبيك تسدد لي جوالي فيه 1500 ريال .. وهي معي كاش .. اعطيك هي أقابلك بكرة عند المسجد .. قلت أوكي ..
رحت سددت للرجال جواله .. واتصل وشكرني ..
قابلته عند المسجد ..طبعاً ماكلمته .. هو بادر بالكللام .. قال المعذره منك الفلوس نقص منها 1000 ريال .. بس ابخي ال500 معي وبكرة اكملها لك وأعطيها لك ..
قللت مافي مشكل المهم لاتقاطعنا ..
مر بكره .. بعد بكره .. اسبوع .. شهر .. سنه .. سنتين ..سحب على الرجال !!
ماعمري فكرت اتصل عليه وأقول وين العازه :d: يافلان ..!
المهم ..راحت الايام .. وقابلت الرجال .. وعادي سلام كيف احال ... طبيعي ماكلمته في الفلوس ولاهم يحزنون !!
تلقاه قال ذا خبل !!
المهم بعد فتره .. مادريت الا صاحبي يتصل .. !!
قلت بس الرجال بيقول تعال أخذ فلوسك ...,,
الو سلام كيف الحال وش الاخبار ..
اسمع يالغالي .. انا مستحي منك ... ومدري كيف اقابلك !!
يالغالي أنا داري إن مالي وجه .. بس تكفى مالي الا الله ثم أنت !!
قلت وش فيه ؟
قال تكفى أنا بكرة مسافر مصر .. وابي منك سلف 5000 ريال !!
وبعدين إن شاءالله أردها لك هي والأوله !!
طبعاً انا سجلت موقف ضده ودخل القائمة السوداء عندي ,,
وقلت المعذرة منك يالغالي !!
تدري وش قال !!
قال اسمع ..ماعني وعنك ..تدبرها يعني تدبرها !!
أنت مدرس وعندك راتب ومعك فلوس !!
والله ثم والله إنفجعت من كلامه يالربع !!
قلت ايش ؟
قال لاتفهمني غلط .. بس تكفى أنا قطعت التذكرة .. ومواعد العيال .. وأوعدك أردها لك بعد شهر !
قلت خير خير .. اتصل بي بكرة في الليل ,,
عاد أتا ناوي اسحب على جده :d:
المهم جلس يتصل واعطيه بيزي ,
والرجال فهمها !!
عاد أخوي عرف السالفه .. وقال تكفىخلني أجيب فلوسك بأي طريقة !
ذا بجح .. وساذج .. وقليل حياء !!
قلت يارجال ..والله ماعاد دورتها ..وإن جابها حياه الله وإن ماحابها مع السلامة !
والىال يوم .. أقابله في المسجد .. ولا كأن لي ريال عنده !!
يعني صافني !!
ووكلتي أمري لله .. وعلاها ليومك ذا !!

القصــة الثانيــة :

صارت مع مديري في المدرسة ..
الرجال توني ناقل عنده .. وسمع إني اشتغل بالاسهم .. المهم الرجال " بزوطت عنده "" وغبت كم يوم ورصني غياب !
جت اجازة في منتصف السنــة .. عايدي الأمور بيني وبينه رسميه ..,
أنا أغيب وهو يغيب :d:
المهم الرجال سافر خارج المملكة .. ومادريت ذاك اليوم الا وهو يتصل بي ..
سلام كيف الحال وش الاخبار ..
ابد والله حبيت اسلم ..
صك ..
وشوي الا المسجات .. شرواك وماشرواك .. وكلام الإطراء ..
عاد أنا مستغرب .. وأقول ماشاءالله المدير مهتم بالرعية وهو خارج الممللكة !
وهاتك مسجاتك .. الطيب عنوانك .. والمجد .. وشرواك وماشرواك :d:
وذاك اليوم يتصل .. سلام كيف الحال وش الاخبار ..
تكفى يا أستاذ " فلان :d: .. أبيك منك خدمة ..
قلت ابشر بعزك ..
قال زوجتي جتها الزايده .. وابسوي لها عملية .. وابي 5000 ريال !!
قلت ابشر ..,,,
واروح الصراف وأحول له ,,
المهم رجعنا للدوامات .. الا وكل مدرس ..يسأل الثاني .. المدير اتص بك ؟ وكم أخذ منك ؟
المهم الرجال طالع صاك من المدرسين فوق ال 10000 ريال !!
وزجته ماكانت مريضة ولاهم يحزنون !!

المهم الرجال .. فلتنا .. وخلى ادعوة فري في الدوام .. لادقيق .. ولاتغييب !!
ومشت الايام ..شهر شهرين سته شهور !!
وماكلمت الرجال ولا في ريال !!
المهم وتجي الاختبارات النهائية .. وألوي " بوزي " على المدير !!
عاد انا ضغطي مرتفع كون المبلغ كبير .. وكونه نصب علينا بسالفة زوجته !!
قال وش فيك متغير !!
قلت يا خي انت ماتستحي على وجهك .. ,,
السنة انتهت وانت ماجبت اللي عندك !!
قال والله اني ناوي اعطيك مع الراتب الشهر ذا .. وانك على بالي !!
قلت يعني علشان ماكلمتك فيها .. تسحب علي !!
علشان قدرتك واستحيت منك .. ماتستحي مني !!
قال ابشر بكرة ابعطيك 2000 ريال والباقي بعد الصيفية .. قلت أوكي !
أعطاني الرجال 2000 ريال .. والى يومك ذا ماشفت الباقي .. لا وبعد نقلت من عنده من المدرسة !!


القصــة الثالثــة :
شخص تعرفت عليه خارج المملكة ..كنت في الأردن أعالج الوالد ,,
المهم الرجال ذا مسوي حكومة برا .. يعني مسوي نفسه رجل أعمال ,,
أنا بصراحة إنخدعت فيه ..,,
واستمرت علاقتنا سنتين ,,
المهم .. مادريت الا الرجال يتصل بي من خارج الممللكة ..قال تكفى يافلان .. انا بطقاتي انسرقت ..وابي منك 5000 ريال .. على بال ماتوصلني بطاقتي الثانية واحولها لك ,,
قلت ابشر ,,
رحت الصراف " كلاكيت ثالث مرة :d: .. وتحويل في حساب شخص سوري صديق لصديقي ,,
المهم .. رجع الرجال السعودية .. هو من الرياض وانا ماني من الرياض <<= أحلف :d:
اتصلت عليه اهنية بعودته الميمونه <<= = مصدق إنه رجل اعمال ,,
المهم تواصلت الاتصالات وماهرجته ولاهرجني ,,
قلت في نفسي الرجال ثقة .. يمكن يرجعها لي :rolleyes:
راحت الايام ..
درى الرجال إني ابسافر خارج المملكة ..
اتصل قال يافلان .. انا خوييك .. قلت حياك الله ,,
المهم قال انا الحين عن الرياض 400 كيلو .. احجز لي وقص التذكرة .. وارسللها فيدكس على الرياض .. وبنتقابل هناك ,,
واروح احجز لي من جدة .. وحجزت له من الرياض,,
قصيت تذكرتة ودزيتها له فيدكس ,,
وصلت هنا.. وبعد يوم وصل صاحبي ..
المهم.. كالعادة طيبتي الزايدة .. ماخلتني .. اكللمة لا في الأوله ولا في قيمة التذكرة !!
رجعنا السعوديــة .. اليوم يحول .. بكرة .. بعده .. !!
والله ماعندك أحد !!
المهم اتصل بي السواق اللي كنا معه خارج الممللكة .. وقال يافلان ..,,
هو صدق فلان معطيك سلف 10000 ريال !!!!!!
شوف قوة بجاحتة !
يقول للناس انه مسلفني 10000 ريال !!
وهو ناصبن على بحوالي 6700 ريال !!
وذا الشخص " حاقدن " عليه ليومك ذا ,,
وللو اعرف مكانه بالرياض .. كانت جيت طلعتها من عينه !!


وش تعلمت من تجاربي السابقــة :

إني ما أسلف أي شخص ينقطع عني سنوات .. ومايدروني الا اذا احتاج الفلوس !!
إني ما اسلف أي شخص علاقتي به جديده " مثل مدري "
إني ما أسلف أي شخص تعرفت علبه خارج المملكة !!

طبعاً ردي حافل بالأخطاء الإملائية .. بس والله ماالي حيل أعدل شي .. ابنام ,, :(
قلب الشلهوب
6/9/2006, 21:43
^^

أهنيك على صبرك :)

شكراً لصاحب الموضوع :)
كــــحــــيــــلان
6/9/2006, 22:30
هــــلا أخــــوي ( الـــــنــاقـــــد )

عــــز اللــــه أنك صــــادق ...

أمـــا عن قولتـــك أنـــه يشوفــك ويقابـــلك في محــل صدفــه

ويـــسحـــب عـــليـــك فــهذي قــد حصلت مـــعـــي :d: :d:

قـــابلنــــي واحـــد وانـــا عــنــد الصراف كــنــت أعرفــه مــعــرفــه سطــحيــه

فسلم عـــلي وخـذا أخـــبـاري على خفــاف لأنــه مستعجل ونــاوينــي على نــيــه قــشــرا (rambo)

المهــم قال أنـــا بــســـافر لضرورة وأهـــلـــي بيــروحــون مــعــي وابي منك ( 3500 ريـــال )

عطيــه الفلوس اللي طلــبــها ومشى الـــرجـــال , وتمـــر سنـــه ونص على سفرته اللي علمني فيها

وقابلني في دايرة حكوميـــه وسلم علي سلام بارد مثل وجهه

وهو ذيك المره طايرٍ في <<< يبي الفلوس (himo)

المهم سلم على وراح كني ما عرفه

وقابلني مره ثانيه في مـــستشـــفى وعــاد خربــها مره وحده سحب علي سحبه ***** تخيل شافني وتعداني

ابن *****

والحــيــن له ثلاث سنين ولا جاني ولا ريـــال منه , لأن وجــهه مغسول بـــمرقـــه ابن *****

% تــــحــــيـــاتي %
الــــنــــاقــــــــد
6/9/2006, 22:32
هــــلا أخــــوي ( الـــــنــاقـــــد )

عــــز اللــــه أنك صــــادق ...

أمـــا عن قولتـــك أنـــه يشوفــك ويقابـــلك في محــل صدفــه

ويـــسحـــب عـــليـــك فــهذي قــد حصلت مـــعـــي :d: :d:

قـــابلنــــي واحـــد وانـــا عــنــد الصراف كــنــت أعرفــه مــعــرفــه سطــحيــه

فسلم عـــلي وخـذا أخـــبـاري على خفــاف لأنــه مستعجل ونــاوينــي على نــيــه قــشــرا (rambo)

المهــم قال أنـــا بــســـافر لضرورة وأهـــلـــي بيــروحــون مــعــي وابي منك ( 3500 ريـــال )

عطيــه الفلوس اللي طلــبــها ومشى الـــرجـــال , وتمـــر سنـــه ونص على سفرته اللي علمني فيها

وقابلني في دايرة حكوميـــه وسلم علي سلام بارد مثل وجهه

وهو ذيك المره طايرٍ في <<< يبي الفلوس (himo)

المهم سلم على وراح كني ما عرفه

وقابلني مره ثانيه في مـــستشـــفى وعــاد خربــها مره وحده سحب علي سحبه ****** تخيل شافني وتعداني

ابن *****

والحــيــن له ثلاث سنين ولا جاني ولا ريـــال منه , لأن وجــهه مغسول بـــمرقـــه ابن *****

% تــــحــــيـــاتي %

هلا فيك يالغالي ,,
عدلها تكفى لإن أبوه ماله ذنب :)
سلف ودين
6/9/2006, 22:41
هلا أخوي كحيلان :) ..
في البداية أهنيك وبشدة على الموضوع وياليت تحفنا دائماً بمثل هالمواضيع :) ..
ولا أزيد على كلامك بأن الشخص يقع بين سندان عزة الشخص عليك ومطرقة رفضك بمدأ السلف وخوفك من المجهول <- - ترا مطرقة وسندان متعوب عليها ياناس والله اني استاهل تصفيق (rambo)
لكن اذا جاك واحد يبي سلف واعتذرت منه تلقاه يبحلق بعيونك بحقد تقل قاتل أخوه :d:
لكن أيضاً مبدأ الجرأة مطلوب .. وماتسلف الى أحد واثق فيه حتى تتجنب الوقوع في احراجات وذكريات تتعلق بذاكرتك وتندم عليها طول السنين :) ..
..
تحياتي لك وأهنيك مرة أخرى على الموضوع ..
ثلج حار
7/9/2006, 03:58
:o :o :o :o <<< فاهي مع الخمسمياات لوو عندي زيهاا سلفتك هع

اخووي حيلااان موضوووع حلووو بس اتوقع اتهااوش مع خويي عشان 2000 ريال


وشكررررررراا
سومار
7/9/2006, 12:35
آآهـ يالخمسميات :jhgy:

يجب الحذر في كل التعاملات الماليه << وش عنده الهامور :d:
فوفو 20
9/9/2006, 11:31
^^

أهنيك على صبرك

شكراً لصاحب الموضوع
TOTTI 10
9/9/2006, 13:59
أقووول يالذيب ممكن سلف بس بأشترك بالشوتايم ...
عشان قناة الجزيرة ومالك إلا ترجع قبل الإسبوووع الجاااااي :jhgy: ...--->إفلقني إذا رجعه :d:
ســ9ــامــ9ــي
9/9/2006, 16:35
موضوع رايق يارايق ...

ويستاهل من يصكه بمسمار على الساحة العامة ...

موضوع مثبت ...

ولي عوده ...
وردة الهلال
9/9/2006, 17:32
لموضوع الرائع من كحيلان وازاه الرد الاروع من الناقد > لوك مخليه موضوع :d:

من جد حسيتك نفسي .. ما اكلم احد في اي شي خذاه مني ..

بس انا سلفياتي من عشرة الى خمسين :d: و كثييييير راحت مني .. غالباً اللي تسلفت مني بتنساها لان المبلغ صغير و انا في الاحلام اكلمها عنها :jhgy:

بس اللي يقهرني سلف الاشرطة و الكتب و المجلات .. انا اجمع في المجلات ما ارمي حتى لما قاطعت مجلات الازياء ما رميت اللي عندي .. و كله من غلاتها لأني اشتريها من حر مالي جعل ابليس للفلس فاتحسف ارميها :d: :d:

كم شريط ضاع و كان وقتها ( درة نفيسة ) عندي خصوصاً ايام الابتدائي .. و كم الوان سلفتها و ما عاد شفتها و كم كتاب سلفته و ما عاد اشوف الا جلادته > منقطعة عندي ف البيت :d:

انا مرة ارسلت لي صديقة قديمة ايام الثانوي راسلة تقول ابي سلف خمسة الاف ريال الى آخر الاسبوع .. و نهاية الرسالة طلع حوطي يكلم صرافة .. بس قبل لا أقرا آخر الرسالة مغصني بطني ذي وش تبي فعرفت عندها اني ما اواطن السلف حتى لو ما جربت هالمبلغ بس صدق من بيرده لي و انا ما احب اتكلم في الموضوع لا بخير و لا شر :N: اسهل شي ع الواحد انه يتسلف بس الرده تسااااااااااااااااااااايدة ;)
صقر الدوحه
9/9/2006, 19:55
موضوعك جدا رائع ومهــــــم..
ومقتبس من الواقع ..

مثل ماقلتـ اخوي الصديق وقت الضيق ..
لكن لكل شيء حدود..
لاعـــب كاراتيه
10/9/2006, 02:36
تصدق يا كحيلان

خليتني أفكر من أنا أطلب وبروضوو من يطلبني :angel: :angel:


بس بصراحة يومك تبي خويك يرد فلوسك ما معه حق يعني الواحد يصبر يصبر

بس برضوا الصبر له حدود وأذا راعي الحلال قال هات حاول أنك ما تماطله

صدقني يندم صاحب السحة أو شيء راح يخسر واحد عزيز على قلبه الي هو صديقه الي وقف معه وقت حاجتك :( لكن البعض صدق إذا قالوا ناكر جميل :confused: ليه مدري ؟؟؟؟؟؟

شكراً لموضوعك ال خلاني أفكر في أخوياي الي يطالبوني :q:
سنفور هلالي
10/9/2006, 08:50
بصراحه موضوع أكثر من رائع .. سلمت يداك يا كحيلان ..


تحياتي ..
إبراهيمـ
10/9/2006, 19:05
في الصميم كحيلان ..

بصراحهـ خلاصة الموضوع جبتها انت .. :



* إما انه ستزداد روابط الالفه بينكم والاخوه لقاء موقفك الشهم والنبيل .

* او ستخسر صديقك للابد وان بقيت معه ستكون العلاقه فاتره .


والقصص على الامرين كثر .. :rolleyes:

سلملمـ


(himo)
فــــــ ابوشــــــهـــــد
11/9/2006, 01:20
بصراحه موضوع أكثر من رائع :yes:

أما بالنسبه لي أنا :)

الدين ممنوع...... :hgfd:

والعتب مرفوع.....

والأجر على الله......