سؤؤؤؤؤؤال مستعجل جدااا [الأرشيف]

مشاهدة النسخة كاملة : سؤؤؤؤؤؤال مستعجل جدااا

الفيضان الهلالي

2/9/2006, 15:35

السلام عليكم يالربع والربعات :cool:
انا ناوي ان شاء الله اسافر خارج السعودية وهذي اول مرة اسافر للخارج حبيت اسال عن الجواز :cool:
جواز السفر وش المستندات المطلوبة علشان اطلع الجواز يعني من صور و و و :cool:
وكم مبلغ اصدار جواز وكم يقعد يعني له مدة محددة ؟؟ :cool:
وهل الجواز مرتبط بدولة معينة يعني مثلا طلعت الجواز ابسافر لدبي مثلا وابي اسافر لسوريا :cool:
جواز لحال لدبي وسوريا لحال والا الجواز لكل الدول :cool:
يعني عطونا الاجابة الاكيدة علشان استعد من هالحين اذا يبيله وقت لاني ناوي اسافر اظطراري خارج السعودية :cool:
واللي راعي سفرات يعطينا العلم الوكاد لاهنتوا :cool:

قلبها ازرق

2/9/2006, 15:45

اهلين الفيضان

المستندات ماادري عنها

بس الجواز اتوقع 200 ريال إذا ماني بغلطانه

وهو جواز واحد تروح فيه لكل الدول :qw:

محمد الهلالي

2/9/2006, 15:47

خل قلبها ازرق تعلمك :p

مدري وش المطلوب بس اللي اذكرة انك لازم تجيب ابوك معك اذا كان عمرك تحت 21

خذ معك كم صورة لك على بطاقة الاحوال على كرت العائلة ولاتنسى ابوك اهم شي :d: :d:

وهو جواز سفر واحد تسافر به كل العالم

اهم شي لاتنسى ابووووووك :angel:

<< صار معه موقف مع سالفة الابو ومتعقد لاتشرهون (rambo)

ان شاء الله افدتك :kany:

ايه صح نسيت جب معك فلوس اظن 300 او 350 ماعرفنالهم مره يخفضون ومره يغلون :req:

[ TaReQ ]

2/9/2006, 15:49

مايبي لها خذ معك بطاقتك وصوره و200 ريال

ورح للجوازات ويطلعون لك

لو انك عندي اطلعه لك وانت بالبيت << واسطه :sheto:

والجواز هو واحد لأي دوله

لكن تختلف بعض الدول يبغون اقامه اقصد فيزه :ignor:

قلبها ازرق

2/9/2006, 15:52

وكم يقعد يعني له مدة محددة ؟؟

ماادري بس اذكر جواز ابوي كان اخضر غامق ومتقطع وبعدين غيره وصار

جديد واخضر فاتح :jhgy:

بس تصدق اني ماشفت جواز سفري انا :angel:

القفل جاوب عليه اذا انا غلطانه :kello:

الفيضان الهلالي

2/9/2006, 15:57

الله يعافيكم :cool:
قلبها ازرق حتى انا سمعت انه ميتين :cool:

لازم تجيب ابوك معك اذا كان عمرك تحت 21

لا شايب انا وين 21 :cool:
تسبير :cool:
وانا معي بطاقة الاحوال يعني مهب لازم كرت العائلة :cool:
انا ابوي مطلعن من كرت العائلة :cool:

سنايدي يامحمد الهلالي :cool:

نحـ ياهلال ـبك
وين انت بوه يمكن انت بالمنطقة اللي انا به علشان تطلعه لي ببلاش :cool:

جواز ابوي كان اخضر غامق ومتقطع
وانا ابحافظ عليه لجواز وانظفه كل يوم :cool:
مع ثيابي للكواي غسيل وكوي :cool:

مشكورين يالزعماء :cool:

POWER

2/9/2006, 15:58

شروط الحصول على جواز سفر سعودي ( المقرؤ آلياً )

1- تعبئة إستمارة طلب إصدار جواز سفر.. ومطابقة المعلومات للواقع حسبما هو مدون في بطاقة الأحوال المدنية والتوقيع على ذلك .

2 - حضور صاحب العلاقة شخصياً أو ولي الأمر للعائلة .

3- إحضار بطاقة الأحوال المدنية "سارية المفعول" مع صورة واضحة منها .

4- إحضار عدد ( 2 صورة ) ملونة حديثة التصوير مقاس ( 4 × 6 ) للمستفيد وصورتين جماعية للمرافقين مقاس ( 6 × 4 ) أفقياً شريطة أن تكون خلفية الصورة بيضاء اللون

5- إحضار جواز السفر السابق سواء كان مستقل أو مضاف فيه .

6- تسديد رسم إصدار جواز سفر (300) ريال .. في أحد فروع البنوك المرخص لها بذلك واحضار كوبون التسديد .

7- الأشخاص الذين تقل أعمارهم عن (21) عاماً يتطلب حضور ولي الأمر لموافقته على إصدار الجواز أو إحضار وكالة شرعية من ولي الأمر .

8- الزوجة يصدر لها جواز سفر مستقل ولا يسمح بإضافتها على جواز زوجها .

9- أن لا يتجاوز عدد المضافين على الجواز عن ( 4 ) أربعة مرافقين ، ولا تزيد أعمارهم عن سن الخامسة عشر سنه .

بامكانك مراجعة موقع ادارة الجوازات لمزيد من المعلومات ،،،

http://www.gdp.gov.sa/

الفيضان الهلالي

2/9/2006, 16:01

مشكووووور بور عوافي ماقصرت :cool:

محمد الهلالي

2/9/2006, 16:10

وكم يقعد يعني له مدة محددة ؟؟
طيب بجاوب ياقلبها :angel:

شف هذي كلها تخلصها بيوم واحد << فاهم السؤال غلط :jhgy:

بس اذا عندك واسطة تخلصها وانت واقف او جالس ماتفرق :d:

7- الأشخاص الذين تقل أعمارهم عن (21) عاماً يتطلب حضور ولي الأمر لموافقته على إصدار الجواز أو إحضار وكالة شرعية من ولي الأمر .

اموووت واعرف وش يبون بالاب :lkj: :lkj:

بالله بجلس اسحب الشايب معي عشان اقول له بسافر برا (rambo)

لو ابوي يدري اني بسافر برا كان ربطني جنبه :angel:

ااااخ يالقهر

المشكلة ولد عمي توه مطلع جواز سفر قبل اسبوعين وملعون الجدف مدري من وين دبر له ابو ومشاها عليهم :angel: :angel:

المهم انا اشوف ان الاب يحضر معي مالها داعي يلغونها ولا يشوفون لهم صرفها فشلونا :amle:

<< ذا مدري وش يبي طلعوه برا :sheto:

هلالنا وحالنا

2/9/2006, 16:15

الله يسعدك .. في سفرتك .. مع أنها جايه متأخره .. وكنها روحه (شياب) بس آهم شئ وانا اخوك انك تروح وتصفي (رأسك).. من دوشه الرياض .. ..

ثانياً نصيحتي إلك .. خاو ناس فاهمه .. عشان ماتروحش فيذاك .. وتتنقع .. وتتمسخر .. الجواز .. وقلنا مبتدئ وعاونوك الشباب .. بس بكره تروح هناك .. وتردد (لاعضيد ولاسند .. ) .. وترجع يد يمين والثانيه وراء :q:

وترجع لنا بالسلامه ..

ابوسعد الهلالي

2/9/2006, 16:50

المشكلة ولد عمي توه مطلع جواز سفر قبل اسبوعين وملعون الجدف مدري من وين دبر له ابو ومشاها عليهم

القفل تبيني اروح معك واصير ابوك مؤقت لين تطلع لك جواز :angel:

على فكره اذا عندك واسطه مايحتاج ابوك بس الظاهر لازم ورقه من الشرطه ;)

محمد الهلالي

2/9/2006, 17:21

القفل تبيني اروح معك واصير ابوك مؤقت لين تطلع لك جواز :angel:

على فكره اذا عندك واسطه مايحتاج ابوك بس الظاهر لازم ورقه من الشرطه ;)

تراني شايب مثلك ما احتاج ابو ولا اخو ولا فو :angel:

وجواز سفر عندي بس انا اتكلم بلسان اخوي المسيكين :angel:

لا مايحتاج حتى واسطة في واحد اعرفه صغير وبدون واسطة وماطلبوا منه الاب ولا دققوا ولا شي ;)

وولد عمي بحركة خبيثة قال لهم ابوي هذاك اللي جالس وراي مع انه مايعرفه ومشت عليهم ومشوه :req:

يعني عادي على حسب الموظف اذا اقشر بيعقدك واذا هو مثلي شين :d: فبيمشيك بدون حتى واسطة :yes:

صلبوخ

2/9/2006, 19:03

الفيضان وراك هونت عن الزواااج :d:

إبراهيمـ

2/9/2006, 19:57

ما قصروا الشياب :p

فتى الساحه

2/9/2006, 20:33

بس اذا عندك واسطة تخلصها وانت واقف او جالس ماتفرق :d:

وحتى اذا معندك واسطة راح تخلص شغلتك في ظرف 20 دقيقة وانا شغال في الشغله وعارف تسلم اوراقك
1- صورة لبطاقة الاحوال
2-صورتين خلفيه بيضاء (يستحسن عشان ميرجعك احد وهنا الواسطة )
3- تسديد مخالفاتك المرورية
4- تسديد رسوم إصدار جواز سعودي 300 ريال عن طريق صراف الراجحي أو بنك الرياض ( أو من مكتب الجوازات يوجد معقب يسدد لك عن طريق حسابه وفائدة المعقب 20 ريال
5-عند االحضور تطلب نموذج إصدار جواز سعودي من مكتب الجوازات

بس تجي بدون صور أو تجي ماسددت مخالفات المرور وتقول ابي واسطة مايصير انا اخوك

وتجد نموذج إصدار جواز سعودي بموقع الجوازات ( إصدار جواز )

واتمنى لك التوفيق في سفرتك والاستمتاع بقضاء أجمل الاوقات

ملاحظة تسلم اوراقك اليوم وتستلم جوازك بكرة في ظرف دقائق

ابوسعد الهلالي

2/9/2006, 21:55

وحتى اذا معندك واسطة راح تخلص شغلتك في ظرف 20 دقيقة وانا شغال في الشغله وعارف تسلم اوراقك

ليه الأخ معقب..<<< ( خشه دالعه لسانها )

محمد الهلالي

2/9/2006, 22:37

وحتى اذا معندك واسطة راح تخلص شغلتك في ظرف 20 دقيقة وانا شغال في الشغله وعارف تسلم اوراقك
1

ملاحظة تسلم اوراقك اليوم وتستلم جوازك بكرة في ظرف دقائق
عليك تناقض مدري وش يبي :d: :d:

في البداية تقول ماتاخذ 20 دقيقة

وبالاخير تقول سلم اوراقك اليوم وتعال بكرة :d: :d:

هاه وش رسيت عليه :sheto:

انا اللي اعرفة انه اذا مامعك واسطة تسلم اوراقك الصبح وتستلم الجواز بنهاية الدوام بنفس اليوم :nrey:

واذا عندك واسطة ماتاخذ السالفة ساعة معك من تسليم اوراق واستلام الجواز :fghty:

ولا شرايك انت :nrey:

وياليت تفسر كلامك اللي فوق يا انا دلخ ما افهم زين او انت معقب كسول :angel:

ابو سعد وش تبي انت ترد لا ترد ياخي هذي شغلة بيني وبينه لاتتلقف (rambo)

حبلوص

3/9/2006, 00:24

الشباب كفووو ووووفووو

بس سوال

اذا كان الواحد عمره عشرين ونص يطلعونه له او لا
:req:

هلالنا وحالنا

3/9/2006, 01:05

عليك تناقض مدري وش يبي :d: :d:

في البداية تقول ماتاخذ 20 دقيقة

وبالاخير تقول سلم اوراقك اليوم وتعال بكرة :d: :d:

وياليت تفسر كلامك اللي فوق يا انا دلخ ما افهم زين او انت معقب كسول :angel:

لا يأخوك أبقولك الي فهمت .. وفهمت (أنا) غيرك بس قبل لــ(أبدء) عمرك فوق 21 ولا ..!!! ثانياً خلصت ثالث ثانوي ولا لسى ...!!!

انا فهمت أنك تسلم أوراقك اليوم مثلاً في 10 دقايق .. وبكره تستلم في 10 دقايق .. إجمالي الدقايق 20 دقيقه ولكن بيومين :q: .. {ومثل مايقولون الجود من الماجود :d: واغتنم شبابك قبل هرمك .. وعافيتك قبل مرضك :ignor: } ...

المهم الرجال كلمته وخذت من رأسه وقلتله وش هالتخبط الي انت كاتبه .. قال يأخوك منتب جاي ابخص مني في شغلتي قلت (تم) بس وشهالعشرين دقيقه وأنا أخوك .. (فسر.. وضح) قال عشرين دقيقه يعني عشرين دقيقه قلت ( سم ) الرجال (ملزم :zael: ) .. قلت طيب عدل ردك .. واكتب ( دخولك للجوازات لمده عشرين دقيقه بيومين بمعنى في اليوم الواحد عشر دقايق وإذا كانت عندك واسطه فانت واقف قاعد قصيده ابوريان :d: الله يرجك ياولد الجزيره ويخرب بيتك :d: ..

المهم للتوضيح وليس إلا الرجال شغال بالجوازات .. وأبخص منك انت وياه لا والله بكره يطلع الفيضان الهلالي من الجوازات ويصرفله إقامه ويقوله رح للإمارات :d: مثلكم عارفين الفيضان يحسب لكل دوله جواز :d: يعني لو خذناها بحسبه بسيطه كان الإمارات لونه أحمر .. وتونس أخضر وسوريا برتقالي :love: والإردن :magkiss: موف والصومال مالها جواز (rambo) وأثيوبيا بني وأمريكا عنابي وبريطانيا استرالي>> استراليا مهيب (لون) وهكذا .. الدوله شغاله صرف جوازات .. يعني الواحد لابغى يقص تذكره يقص معها جواز :d: الله يرج سؤالك يالفيضان..

المهم احس وأيقن أني أطلت بس مثلكم عارفين .. مواضيع الساحه مع انتهاء الإجازه مسويه كذا>>> :kany: وجمبها واحد مسوي كذا :sheto: وأنا أبقول كذا :noo:

تحيه :d:

هلالنا وحالنا

3/9/2006, 01:09

16 وجه تعبيري تم استخدامها بالرد في الأعلى .. لذلك لحد ينقزلي ويقول كل ردك وجيه .. يدور غيرها نبي نضحك (اضحك الله سن ابوريان وفتى الأدغال فهم ملح الشبكه لهذا الأسبوع :d: )

تحيه :)

o0o زراق o0o

3/9/2006, 02:13

مايبلشك في تطليعة الجواز الا حاجتين

اذا كان عمرك اقل من 21 لازم احضار الوالد :q:

لازم تسديد المخالفات المرورية :jeng: