تفكيري انا وصديقاتي القديم << يعني يوم كنا صغار

[قلبها ازرق]

اهلين اخباركم << ماتعرف تلف ودور

هذا الموضوع صراحه له مده عندي بس ماشاف النور الا الحين وهو عباره عن تفكيرنا

بالأشياء اول يعني تفكير برئ كيف كنا نفكر المهم

كنت انا وصديقاتي جالسات ونسولف وفيه حاجه صارت يعني

وسحبت الموضوع المهم وبعد هالحاجه كل وحده قامت تذكر الماضي

وهذي كلها مواقف طبيعيه وحقيقه ( ماتحب المواضيع المنقوله )

بااقول تفكير اختي الكبيرهـ

كانت تقول لما اجلس ع التلفزيزن واشوف الرسوم المتحركه وبنص الرسوم ابي اروح اشرب مويه

(تقول وش كنت اسوي قبل لااروح اشرب مويه ) : اطفي التلفزيون لأنه على بالي اذا طفيته مايكملون

الرسوم إلا لما اجي ( يعني ماشاء الله القناه كلها تنتظرها )

وهذي صديقتي

تقول كنت قبل يوم يقول ابوي يالله انا ماشي للكويت كان على بالي ان الكويت في كره ارضيه

وحنا السعوديه في كره ارضيه ثانيه وان ابوي بس ينقز من الكره الا وهو واصل

( ماشاء الله السعوديه كلها بكره ارضيه لحالها اجل ياكثر الكرات الأرضيه )

@@@@

وهذي وحده تقول كنت احسب ان اللي يروح لـ الجنوب ابها لازم يقص جواز سفر

على بالها انه من الخارج عشان جوها والطبيعه اللي تهبل فيها

<< ماهو تفكيرها


) هذي عاد تفكيرها مولُي شوي )

المهم كنت لما اجلس قدام التلفزيون مع ابوي وكانت تجي الاخبار ويطلعون خبر يقولون

دعم الامير او الملك مشروع بـ5 ملايين

تقول ابوي يقول ماشاء الله يجزاه خير

تقول وانا اتنح افتح افمي عند كلمة ( دعم ) وشلون دعمهم ويقوله ابوي ماشاء الله

تقول كنت لما اشوف حادث اقول ماشاء الله الله يجزاه خير اللي داعمه

وهذي

تقول كنت اشوف السيارات لما يمرون واكتب ارقام السياره واروح البيت على طول وادق عليهم

على بالها رقم البيت <حتى لو رقم البيت وش تبين فيه يالملقوفه

المهم فيه تفكير يشيب الراس بس قلت ها التفاكير < تسمع بالجمع

وفيه حاجه نتذكرها انا وصديقتي مون لما نسير على بعض كنا تنذكر يوم كنا فـ الأبتدائي

لما في الأذاعه الصباحيه كانت البنت تقدم الأذاعه وتقول اما الأن مع انشودة الصباح

مع الطالبات ( قلبها ازرق و مون 14)

ونطلع وكل وحده ماسك ايد الثانيه وناقف قدام الطوابير وننشد وبصياح ماتسمع شي

والانشوده انا اذكر منها شي :

مبروك عليك اوخيه الستر والأيمان رشت طريئك كلوه بالورد والريحان

^^^

وش رايكم الانشوده كوووووول صح

بس اللي اذكره انا بشطروهي بشطر ولا ندري وش نقول كل هذا

عاد لما المديره تقول صفقوا لهم وعاد حنا نتشقق وصافات بـ الطابور الأول لازم

""""

ايييييه هذي طفوله كلها براءه وكبرنا وكبرت معنا همومنا واحزانا

بس سبحان الله كل مرحله لها مشاعرها

يعني يوم كنت بـ الابتدائي :

كانت كلها ضحك ووناسه الى المتوسط

والثانويه ضحك على هاه شقاوه

وجينا للكليه :

سبحان الله كل المشاعر اجتمعت فيها ( ضحك . هستره . زعل . حزن . هم . ضيقه . وناسه . وختامها دمعه )

بس كانت الكليه احسن مرحله عشتها لاني تعرفت على صديقات غير صحيح صديقات

""""
لا تطنز على شي لو بريال :

ادري تقولون هذي وش تبي بس بااقولكم انا عن ماساتي مع هالطنزه

انا صحيح خلصت دراسه وتخرجت بس ماهو التخرج النهائي اللي معه الوثيقه يعني على محمول لما اختبره

استلم الوثيقه والماده هذي لها سالفه كان علينا اختبار وكل ماده لها مرجع اقل شي 400 صفحه

ومعاجم وكلهم اسعارهم اقل شي 99 ريال الا واحد ب12 ريال وصغينون يهبل لونه احمر على اورنج شي

يفتح النفس ( اسمه تاريخ النحاه ) المهم خلصنا من هالمواد الصعبه والغاليه في سعرها

وكان مره سألت صديقاتي قلت بكره وش علينا من اختبار قالت ( تاريخ النحاه ) يعني نحو

قلت ايييييييييييه ابو 12 ريال ومع انه سهل وكل شي بس سبحان الله الطنزه

وطلعت النتائج وانا معتمده على صديقاتي بالنتيجه المهم كلمتني وقلت هاهـ بشري

قالت ناجحه بس عليتس الماده ام 12 ريال ( حسيت الكتاب اقسم بالله ينتقم مني

مع اني حاله والله وفيه اشياء صديقاتي ماحلوها وقلت لهم قالوا خلي 12 تنفعتس

يعني خلاااااص ماعاد اطنز لى شي ابد لو كان بنص وانا الحين اذاكر الماده والله ينجحني

( نعتذر لعدم وجود فيسات تعبر عن الحاله لانه ماادري وش السالفه ماتطلع عندي نعنبوا ابليسكم

لي شهر وانا بكل رد اقول ماتطلع لفيسات اشحدكم مساعده شكلي باانزل موضوع والا قولوالي

ليش ماتطلع << لاتهورين بس

لاوالله من جد ابي اعرف وش السالفه

نهايهـ

بقايا نفسي :

فتاهـ تائهه ..

لاتعرف الطموح لاتعرف الطريق الذي يؤدي إليه

لم تحس يوماً بطعم النجاح منذ أن كبرت

إن فكرت مجرد تفكير بطريق النجاح

زادها الوقت بطعم الفشل

فـ اكتفت بـ السير في هذهـ الحياهـ دون تفكير

إن فكرت في طريق يؤدي للفرح

زادتها الأيام حزناً

فـ اكتفت بـ ألأبتسامه التي تحمل بداخلها الكثيييير من الأهات

إن شعرت يوماً بـ ضيقه اخذ تتذكر مواقف

وذكريات حزينه لكي تجعل دموع عينيها المنكسرهـ

تغسل احزانها

وإن ...

وإن ..

ولازالت تلك الفتاهـ سائرهـ في هذهـ الحياهـ دون تفكير

[ابوسعد الهلالي]

قلبها :)

ماشاء الله اليوم مكثره فول :angel:

اما الأنشوده حلوووه :angel:

والخاطره اللي بالأخير تخلي الواحد يصيح :cry: <<< اقصد من زينها :angel:

(himo) <<< ودي احط كل الخشش عشان اقهر قلبها :d:

ومشكوره على هالسوالف بس يبيلها تنسيق شوي :)

[دمــ أزرق ــه]

يعطيكي العافيه

وشكرا على براءة الطفولة

[POWER]

:req: <== وانا بأول الموضوع



:d: <== وانا قاعد اقرى المواقف



:angel: <== برضو قاعد اكمل قراية المواقف وتفكيركم




:( <== في نهاية الموضوع




لي عودة مرتن أخرى ،،

[سلا1م]

يعطيتس العافيه

بس من جد ابو 12 ذا خطير :angel:

[لامبارد]

وش ذا الابداع ما شاء الله

[- - a21]

مرحبا اختي قلبها أزرق: :asno: :asno:

مشاركتك رائعه وغير متكرره ورجعتني لأيام طفولتي
حلوه براءة الطفوله وياليت الواحد يقدر يعيشها مره ثانية
مشكوره اختي على مجهودك

[محمد الهلالي]

ماشاء الله عليك مبدعة

غبتي كم يوم وجيتي بموضوع :yes:

لي رجعه

<< رد مؤقت :p

[R@Y@N]

والله أنـا يوم كنت صغير كنت خواف :eek:

وأخاف أقعد في مكان لـ حالي :angel:
وكنت أقول لمـا أكبر وأصير أسوق السيارة :rolleyes:

وكنت لحالي .. وش أسوي .. وأقعد أتخيل أشياء خياليه :q:
مثلا وأنـا منهمك في السواقه يجي واحد من وراي (rambo) ويدق على كتفي :q:

ويقول ريـ ـ ـان :eek:

خخخخخـ :angel: ـخخخخ والله ايـــــام :yes:

[محمد الهلالي]

هلا قلبها :)

رد مفصل << نشبه الا يرجع :d:


صح ان نص الكلام مافهمته خاصة اللي في بداية الموضوع بس مو مشكله دايما البدايه صعبه :d:




بااقول تفكير اختي الكبيرهـ
الله يعينها كل تفكيرك بيتحول لها شكله :fghty:

كانت تقول لما اجلس ع التلفزيزن واشوف الرسوم المتحركه وبنص الرسوم ابي اروح اشرب مويه

(تقول وش كنت اسوي قبل لااروح اشرب مويه ) : اطفي التلفزيون لأنه على بالي اذا طفيته مايكملون

الرسوم إلا لما اجي ( يعني ماشاء الله القناه كلها تنتظرها )
كان يجيني هالتفكير زمان بس ما اذكر مره تجرأت وسويتها :zael:



وهذي وحده تقول كنت احسب ان اللي يروح لـ الجنوب ابها لازم يقص جواز سفر

على بالها انه من الخارج عشان جوها والطبيعه اللي تهبل فيها

<< ماهو تفكيرها
طبعا كل الدلائل تقول ان هذا تفكيرك

يمكن تقصدين تذاكر السفر صح ؟ << يرقع لها :d:



المهم كنت لما اجلس قدام التلفزيون مع ابوي وكانت تجي الاخبار ويطلعون خبر يقولون

دعم الامير او الملك مشروع بـ5 ملايين

تقول ابوي يقول ماشاء الله يجزاه خير

تقول وانا اتنح افتح افمي عند كلمة ( دعم ) وشلون دعمهم ويقوله ابوي ماشاء الله

تقول كنت لما اشوف حادث اقول ماشاء الله الله يجزاه خير اللي داعمه
هذا التفكير قد مر علي بس مدري هو انا ولا اخوي اللي كان هذا تفكيره

بس ماعندي تعليق لاني ما احب السياسه :d:


وهذي

تقول كنت اشوف السيارات لما يمرون واكتب ارقام السياره واروح البيت على طول وادق عليهم

على بالها رقم البيت <حتى لو رقم البيت وش تبين فيه يالملقوفه
ههههههههههههههههه
اما ذي تحفه :angel:
وش مطلعها للشارع طيب :jhgy:




والانشوده انا اذكر منها شي :

مبروك عليك اوخيه الستر والأيمان رشت طريئك كلوه بالورد والريحان
مدري حسيتكم مصاريه تغنون :d:
اييه ايام الاذاعه كانوا لمن يجي دورنا بالاذاعه نص الفصل يغيب :d: :d:
اما انا اذكاء منهم اجي متأخر او اتلطم واصف بالطابور اللي جنبنا عشان مايحجرون لي :angel:
اصلا من زيني اذا طلعت اقول هل تعلم وكل ما اتحجر واطلع ماعندي الا هل تعلم :angel:




يعني يوم كنت بـ الابتدائي :

كانت كلها ضحك ووناسه الى المتوسط

والثانويه ضحك على هاه شقاوه

وجينا للكليه :

سبحان الله كل المشاعر اجتمعت فيها ( ضحك . هستره . زعل . حزن . هم . ضيقه . وناسه . وختامها دمعه )

بس كانت الكليه احسن مرحله عشتها لاني تعرفت على صديقات غير صحيح صديقات
اجل الكلية مكس ماشاء الله :d:
الابتدائي انا ماغير بكاء ما اخبر اني قد ضحكت :angel:

بالنسبة لي مرحلة مابعد الثانوي اسواء مراحلي دراسيا .. كل ما اكبر انكس اكثر ومستواي بتدهور زين تخرجت بخير :jhgy:


""""
واحد ب12 ريال وصغينون يهبل لونه احمر على اورنج شي
جالسه توصفين كتاب ولا روج ولا وشو :req:

ومن جد الطنزه ماهي زينه انا تبت منها من زمان لاني انكويت بنارها كثير لين قلت بس

اجل هي ابو 12 اللي سوت لك زحمه

الله يعينك ويوفقك فيها وتنجحين يارب

اما النهاية فجات حزينة ومعبرة صراحة

يعطيك العافية على هالموضوع اللي اقل ماينقال عنه انه غير منقول :d: << معقدهم مدرعم من كلمة منقول :jhgy:

عاد مدري وش الاطول الموضوع ولا ردي :d:

يلا سلام

[الهلاليه k.s.a]

هههههههههههههههههههههه
وااااااو ياازين ايام المبزره :d: << شوفي الاسلوب بس خخخخ
يسلموووو قلببي على الموضوع :kany:

[هلاليه والنعـم]

:yes:


الله يااااذيك الايام يوم اني ورعه :angel:

خخخخ :d:


الله يعطيتس العافيـــــــــه





:)


^_^


:noo:

[أخو دلال]

هباااااااااااااااااااااااااااااااااااااااال بس مدري وين كان غايب عني هالموضوع.. كل يوم ادخل المنتدى ولا أشوفه.. اليوم طاحت عيني عليه.. شكله كان مشفر بعدين فكوا التشفير عنه

<< متأثر بمباريات الجزيرة اللي تعرض مشفرة ثم يفكونها بعدين :d:


عوافي قلبها أزرق.. استمري على هيك هبال اقصد ابداع يالهبلة سوري سوري قصدي يالمبدعة :)

[POWER]

هلا والله اخت قلبها أزرق ،، :)

بصراحة موضوع صدق لا قالو عنه زحف X زحف :d:

لكن الي منعني عن الرد بالأول هو الكلام الي بنهاية موضوعك لاني ودي ارد وانا مروق ومبسوط :cool:


وهو عباره عن تفكيرنا

بالأشياء اول يعني تفكير برئ كيف كنا نفكر

والله شوفي .. انا من عرفت نفسي بهالدنيا وانا (( انضرب )) عشان تفكيري موب بريء :angel:

البراءة ماره من جمبي وانا صغير تمشي مليون :d:


اطفي التلفزيون لأنه على بالي اذا طفيته مايكملون

الرسوم إلا لما اجي

هذي صراحة بالصميم :d:

انا تذكرت مرة كنت اتابع كابتن ماجد .. المهم بنهاية الحلقة جا كابتن ماجد رفع رجله بيشوت الكورة بعدين وهو رافع رجله بالهوا انتهت الحلقة .. وانا ضاق صدري عليه قلت هالمسكين بيقعد طول اليوم رافع رجله بالهوا يحتري القناة الاولى يفتحون عشان يشوت الكورة .. مسكين ما يستاهل :d:

من قلب كان يضيق صدري عليه :jhgy:

تقول كنت لما اشوف حادث اقول ماشاء الله الله يجزاه خير اللي داعمه

هذي قووووية :d:

تقول كنت اشوف السيارات لما يمرون واكتب ارقام السياره واروح البيت على طول وادق عليهم

على بالها رقم البيت <حتى لو رقم البيت وش تبين فيه يالملقوفه


ابصم لك هذي الي تقول هالكلام قصيمية :d:

<< وش عنده يتكلم في اهل ديرته هالقصمنجي (rambo)

(( بيمسكونها علينا الناس يقولون هذا قصيمي واعترف ان القصمان ملاقيف )) :o


قالت ناجحه بس عليتس الماده ام 12 ريال ( حسيت الكتاب اقسم بالله ينتقم مني

سالفة الطنزة سالفة طويلة .. ويوم تكلمت فيها جت وردة خشت بعيني وما صدقتني (himo)

بشكل عام .. اهل نجد ياحبهم للطنزة وما يتوبون الين يجيهم درس من هالطنزة :rolleyes:



مشكورة ألف ألف شكر على هيك موضوع ،،،


تحياتي لتس ،،

[فــــــ ابوشــــــهـــــد]

أشكرك أختي قلبها ازرق ع الموضوع الرائع :magkiss:

والأروع الخاطره اللي بالأخير :yes:

[سومار]

هلا .. قلبها ازرق

يازين ايام الطفولة .. الله من الهبال :angel:

[قلبها ازرق]

اهلين بالجميع

لا ماني براده عليكم بس حبيت اقولكم ان الفيسات رجعت لي

واللي رجعهم لي فاعل خير :angel: << شفتوا صادقه انا

بس يوووه بعد مانزلت الموضوع بس عادي ركزوا معاي نحط فيسات مع بعض

السطر الاول تخيلوا الفيس هذا :jhgy:

والسطر الثاني

<<< برا وبقوهـ

:sheto: << يالله مشتاقة له من زمان عن الدبتس من يوم وانا اشتشت برابطة توقو الله يذكرها بالخير :jhgy:

لي عوده ان شاء الله للردود :noo:

[سعــــــــــ14ــــــــــود]

الله يهنيك ,, على الاقل عشتي ايامك الحلوة خاصة النشيد حقكم احلى شي ,,,


اما انا اخبر امي كانت تمسكني برجولها الثنتين (( تكرمون )) عشان مااطلع الشارع ,, كنت لمى اطلع ماارجع الا متهواش يامجروح او طالع مني دم يعني كنت مشكلجي وانا صغير ,,

في الابتدائية كنت احاول اسوي عاقل بس ماقدرت لمى رحت المتوسط وطلعت (( النون ومايعلمون )) ,,

بس في الثانوية ,, سوينا الهوايل كان ابوي (( الله يحفظه )) كل شوي يراجع ادارة المدرسة من اللي نسويه في المدرسين يعني جتنا المراهقة واحنا كبار (( وهذا اصعب مرحلة ))

تحياتي لك اختي عالموضوع الشيق ,, وفيه كلام مايلخص لليل ,,

اخوك ابو دانا ..

[هلالي مهمايقولون]

هههههههههه

كله كووووم وحقت ارقام اللوحة كوووووووووووم

[alhilal the love]

مشكوره اختي ياحليلك ولا تقطعينا بالمواضيع الخطيره
ملاحظه ياشين الاذاعه الصبح يامره توهقت فيها وحالتي كانت صعبه

[قلبها ازرق]

يالله طابور بالدوراثنين اثنين ارد عليكم << متأثره بالطابور الصباحي :angel:

الصف الأول :

ابو سعد
اهلين مشكور ع المرور

وبعدين الله يهداك تنقد عيني عينك :yuupy:

بس ومنكم نستفيد :qw:

دمه ازرق
اهلين اخبارك ماعاد نشوفك بالساحه << ملقوفه

بس تدري كل مااشوف يوزرك اتذكر محاضراتي قبل لا اروح لها الصبح :yuupy: وكل مادخل موضوع اشوف يوزرك جمب يوزري
ويعطيك العافيه :qw:

الصف الثاني :angel:

سلا1م

مشكور ع المرور

بس وش اخبار المادتين اللي عليك (himo) << تنكد عليك

لامبارد

مشكور ع المرور وبس :angel:

الصف الثالث

a21

مشكور ع المرور :qw:

( تعبت وانا احول من عربي لـ E ) باكتب بالعربي :angel:

ريان

شكلك موسوس من يوم صغير

ومشكور :qw:

يالله هوباا نبدا بالطابور الثاني :angel:

[قلبها ازرق]

الطابور الثاني

الصف الاول
اما انا اذكاء منهم اجي متأخر او اتلطم واصف بالطابور اللي جنبنا عشان مايحجرون لي
الصف الاول بـ احط القفل محمد :fghty:

يمكن تقصدين تذاكر السفر صح ؟ << يرقع لها

لا لا ترقع لي انا عارفه التذاكر والجواز ذيك طويله وذيك قصيره :angel:

اييه ايام الاذاعه كانوا لمن يجي دورنا بالاذاعه نص الفصل يغيب

تدري انه يوم انا بالثانوي اذكر استاذتنا طلع كل بنات الفصل الا انا وصديقاتي تعرف انا اذا

طلعنا بس نضحك :d:

اصلا من زيني اذا طلعت اقول هل تعلم

مثلك انا بس اقول هل تعلمين اختي الطالبه :angel:

ومشكور :qw:

بور



انا تذكرت مرة كنت اتابع كابتن ماجد .. المهم بنهاية الحلقة جا كابتن ماجد رفع رجله بيشوت الكورة بعدين وهو رافع رجله بالهوا انتهت الحلقة .. وانا ضاق صدري عليه قلت هالمسكين بيقعد طول اليوم رافع رجله بالهوا يحتري القناة الاولى يفتحون عشان يشوت الكورة .. مسكين ما يستاهل

اجل شف انا وش اسوي اذكر لما تجي سالي

تعرف لما تناضر التلفزيون وتحط رجولك فوق طاولة التلفزيون :angel:

اذكر اني اقول لـ امي يُمه ابي عروسة سالي ( الدميه بتاعتها ) تقول امي خوذيها اقو ل لا انتي

دخلي يدتس من ورا التلفزيون وانا اشوفها وخوذيها

قالت امي الحمد الله ع العقل مااعرف

تعرف ويوم عيت امي رحت اصقع بـ الباب طلعيها طلعيها :cry:

وجا ابوي وقلت له قال ياخبله هذا فيلم كرتون تدري وش قلت له

قلت لا والله انه مو كرتون حتى المس الشاشه قزاز :jhgy:

المهم كل دقيقه ابي النمر الوردي و كككيكو :angel:

ابصم لك هذي الي تقول هالكلام قصيمية

هي ماهي بقصيميه قصيميه امها قصيميه بس هي ماتحب القصيم

ومشكور :qw:

[قلبها ازرق]

عاد طابور البنات لوحده على شان الأختلاط ماهو بزين :hgfd:

الهلاليه ksa

مشكوره ع المرور :qw:


الله يااااذيك الايام يوم اني ورعه

هلاليه والنعم اهلين بالورعه :angel:

ومشكوره ع المرور :qw:


بـ احط اخو دلال معكم على شانه كبير :q:

اهلين اخو دلال

كل يوم ادخل المنتدى ولا أشوفه.. اليوم طاحت عيني عليه.. شكله كان مشفر بعدين فكوا التشفير عنه

ولا مشفر ولا شي بس هذا انا كنت مستحيه وبعدين طلعت :kello:


مشكور ع المرور :qw:

فـ ابو شهد

سومار

ابو دانا

هلالي مهما يقولون

الهلال ذا لوفي < بالنقليش

مشكورين ع المرور :qw:

خلاص فنش

كل واحد ع الفصل اللين تجي الابله :angel: