الصـدمـة بـابـلـو إيـمـــار إلـى ...!!!

[عاشقة التانجو]

بابلو إيمار إلى ريال سرقسطة الأسباني.!!

http://www.nemzetisport.hu/db/03/F1/i0001E3F19379178190a3.jpg

مدريد (رويترز) - قال نادي ريال سرقسطة الاسباني لكرة القدم يوم السبت انه تعاقد مع لاعب خط الوسط الارجنتيني الدولي بابلو ايمار الذي يلعب لنادي بلنسية لمدة اربعة اعوام.
وقالت وسائل اعلام اسبانية ان مبلغ صفقة انتقال ايمار (26 عاما) الى ريال سرقسطة بلغت 11 مليون يورو (13.96 مليون دولار).
ولعب ايمار وهو لاعب خط وسط مهاجم 43 مباراة دولية لمنتخب الارجنتين.
وقال ريال سرقسطة عبر موقعه الرسمي على الانترنت "النادي يعتبره اهم لاعب يتعاقد معه."

وقد بدأ ايمار اللعب في الارجنتين مع نادي ريفر بليت قبل ان ينضم الى بلنسية الاسباني في 2001 مقابل 20 مليون دولار.
وتعاقد في وقت سابق مدرب ريال سرقسطة الجديد فيكتور فرنانديز مع لاعب خط الوسط الارجنتيني اندريه داليساندرو من نادي فولفسبرج الالماني على سبيل الاعارة. كما تعاقد مع المدافعين سيرجو فرنانديز وخوانفران.

وحصل ريال سرقسطة على المركز الحادي عشر بين فرق دوري اسبانيا الاول لكرة القدم في الموسم الماضي.

http://ara.today.reuters.com/news/ne...archived=False

ياناس أنا مدري معين يفكرون اللاعبين الأرجنتينين.!! مشكلة العقلية الإحترافية الأرجنتينية..
مايتعلمون من هالبرازيلين يعني والله حرام روبينهو بريال مدريد وإيمار بسرقسطة وسافيولا متعلق مايدري وين يروح.. وماسيكرانو من أفضل المحاور في العالم بكورنثياز هو ويا تيفيز.!! والمايسترو ريكيلمي بفياريال.!! ووالله لو ميسي ماهوب ببرشلونة من يوم ماكان صغير كان ألحين بريال بيتيس.!! حراام ليش أفضل اللاعبين الأرجنتينين بأضعف الفرق.!!

إيمار وهو بفالنسيا يالله بلعناها وألحين سرقسطة صاحب المركز الحادي عشر في الدوري الأسباني.!!
بعدين في نقطة ألحين داليساندور وإيمار يلعبون بنفس المركز وكلهم جايبنهم السنة ذي سرقسطة حرام واحد منهم يكون احتياط.!

وبعدين يافالنسيا ياللي ماعرفتوا البطولات إلا يوم جاكم هو ولوبيز ماليقيتوا إلا توافقون على عرض سرقسطة..وترانا ماجبناكم لإعتزال الثنيان إلا عشانه ولا ماكان يشكي من شي بوكا جونيورز :amle:
ماأقول إلا الله يستر على جاجو وبلاسيو وسيرجيو أجويرو وشباب الأرجنتين الباقين لايلحقون أخوياهم.!!

أخيــــراُ.,,

تيفيز يعود وينقذ كورنثيانز من الخسارة السابعة على التوالي في الدوري البرازيلي http://globoesporte.globo.com/ESP/Home/foto/0,,5929262,00.jpg
سجل المهاجم الأرجنتيني كارلوس تيفيز الهدف الثاني لكورنثيانز قبل نهاية المبارة بربع ساعة في مرمى نادي فورتاليزا لينقذ الفريق من الهزيمة السابعة على التوالي ليتعادل الفريقان بنتيجة هدفين لكلاهما . ليحقق كورنثيانز النقطة الاولى بعد خسارته لست مباريات على التوالي وليرتفع رصيد الفريق من النقاط الى العشر بعد تجمده لمدة شهرين بالتمام قبل فوزه على نادي فاسكو دي جاما بأربعة أهداف مقابل هدفين. يذكر أن تيفيز غاب عن الفريق لمدة شهرين تقريبا بسبب مشاركته بكأس العالم مع المنتخب الأرجنتيني .

وش رايكم بس.!! والحين هذي شغلتنا مغير نمسك هالأندية الضعيفة ونرفع بمستوياتها ونخليها تنافس على البطولات..والله إثرنا حبيبين وطيبين لا وإن جانا عرض قوي قلنا لا هذي النادي اللي رفعني وجعلني من أفضل اللاعبين ولازم أخلص له.. نعنبو بليسك محد رفع هالنادي إلا انت.!!

وكل التوفيق لإيمار مع فريقه الخايس ولبقية اللاعبين الأرجنتينين مع فرقهم..

[go gunners]

قسمن بالله ان يندم مدرب فالنسيا على روحته

ايمار هذا موب فيسنتي والا ميستا :yuupy:

[Yazeedoh]

انتقال ايمار لسرقسطه صدمه ماكنت اتوقعهـا ..

بـس فيـها جانب حلو لـ أيمار انه راح يلعب اساسي والاميركيين اللاتينين بالذات مايفرق معهم الفريق اللي يلعبون معـه هم يستمتعون بالكوره ومايحبون يجلسون احتياطين وايمار مكانه الريال او الانتر خصوصا والوسط الايسر في الفريقين مافيه احد يشغله اكثر من ايمار .. :rolleyes:

[اغراب]

صراحه سرقسطه قويه
لو برشا ريال مان ماقلنا شي سرقسطه حرام تضيع الموهبه هذي

[وليدوهـ]

والله حرام بس وش نقووول .. :ignor:

أيمار مكانه مع المان والله بس هو اللي اختار كذا شكله متعلق بعيال ميليتو .. :angel:

الله يوفقك ياأيمار .. :)

[TOTTI 10]

صراحة خسارة ضياع أيمار من أيدي فالنسيا ...


نتمنى التوفيق لأيمار مع سرقسطة ....

[Prince of the Stadiums]

http://www.realzaragoza.com/r2z/media/noticias/aimar-g.jpg
بالتوفيق له مع فريقه الجديد :) ,, وآآآآآآآه يافالنسيا :(
أختي عاشقة التانجو ,, لاهنتي أبيك تجيبيـن لي رابط أو أي خبر
يؤكد إن داليساندرو أعير لريال سرقسطة :req:
تحياتي..لــك
Prince of the Stadiums

[hilalemooot]

http://up.w6wup.com/up2/2006/07/16/w6w_200607160436311ff74a7b.JPG


:( وداعــــــــاً آيـمــــــــــــار :(

والله مالي خلق اتكلم :slv:

بس كنك شبيتي على فالنسيا :( عموما لي رجعه بوقت لاحق :slv:

[شلهوب سدير]

ايمار نجم وخساره كبيره لفالنسيا !! :magkiss:



مشكوره على الخبر والله يوفقه !! :magkiss:

[محمد الهلالي]

افااااااااااااااا :jhgy:

انا قلت الحين بينتقل لفريق كبير :amle:

لكن مثل ماقلتي ياعاشقه الارجنتينيين عليهم طلعات مدري وش تبي ولا يهمهم اسم الفريق اللي يلعبون فيه حتى لو كان درجه ثانيه ماعندهم مشكله :req:

لكن الله يصبرك على مصابك وتعوضينه بميسي :d:

[دمــ أزرق ــه]

شي غريب فعلا انتقال ايمار


بس والله راح يندم نادي فالنسيا على هذا الانتقال

[الكنز الأزرق]

والله خساره
لاعبي الارجنتين دائما مظلومين :cry: :cry:
ايمار من نجوي المفضلين وشكله ماراح يشيل كأس ولا غيره :cry: لا مو مصدق
كان ودي اشوف فرحة البطولات على وجه ايمار :amle:

[عاشقة التانجو]

مشكورين على المرور وأكيد خسارة لفالنسيا رحيل نجم الفريق ومدري من بيعوضه لأننا ماشفنا لهم تعاقدات قوية هالسنة.. عاد أنا شخصياً توقعت ممكن يروح للأنتر بحكم رحيل فيرون عاد هم ماشاء الله مايحتاج نص منتخبنا عندهم:angel:
وأكثر من فريق كبير توقعت يروح له لكن سرقسطه حتى لاعبين فالنسيا يقولون كانوا يواسنه عند الرحيل.. :jhgy:

برنس هلا فيك هذا الخبر والرابط لإنتقاله لسرقسطه..
داليساندرو في سرقسطه رسميا

http://www.ole.clarin.com/diario/2006/06/17/um/andres.jpg

قدم النادي الاسباني نادي ريال سرقسطه لاعبه الجديد الارجنتيني اندريس داليساندرو و الذي ضمه رسميا الى صفوف النادي لينضم الى مواطنيه غابرييل و دييجو ميليتو و ايضا بونزيو . و قال دالساندرو : دائما عندي احلام مختلفه و امل في تحقيقها و اعتقد ان سرقسطه سيمنحني اياها . و سيكون عند لاعب الريفر السابق القدرة في اسبانيا لاظهار اكانياته من جديد بعد المستوى المتوسط الذي اظهره مؤخرا . و عن خوفه من عدم التكيف في اسبانيا قال : انها بلد عظيم و نحن نتكلم الاسبانيه اعتقد الامر سيكون سهلا و رفاقي الارجنتينين سيتواجدون معي هنا ايضا .
http://www.ole.clarin.com/jsp/v4/pagina.jsp?pagId=1217337&fecha=20060617
هلالي مووت عااد والله اني أعز فالنسيا بس بوقتها عصبت وانقهرت وحطيت حلي بهم:angel: وبإنتظار عودتك..
محمد هم وطلعاتهم الظاهر مابهم صاحي ويفكر إلا كريسبو.. :o

فياريال ، اتليتكو وسرقسطة أتوقع لهم نجاح كبير الموسم القادم وخصوصاً اتليتكو.. بالتوفيق.،،

[Mr MBD3]

يارب ايالا يترك فالنسيا عشان لان فالنسيا من دون لاعبيه الارجنتينين راح ينزل الدرجه الثانيه

[Prince of the Stadiums]

thanks اوخيتي عشوقه :qw:
تصدقيــن اليوم الصبح قعد ساعتيــن أدور على خبــر إعارته مالقيــت شيء :kello:
وتسلميــن ,, وبإذن الله دالي وايمار بيلعبون اثنينهم مع بعض أساسييــن :yes:
تحياتي..لــك
Prince of the Stadiums

[9smsm9]

هلا عويشقت التانجو


فعلا غريب انتقاله لهالفريق


والله اني اول ما قريت الخبر ما صدقت

لكنه ممكن يبدع اكثر لانه يبي يشيل الفريق

[عاشقة التانجو]

البحر الازرق.. لاعاد مو لهدرجة ينزل للدرجة الثانية والله لوإنهم ريال سرقسطة قبل مايجيهم إيمار :angel:

الله يسلمك برنس ولوو ماسوينا شي.. وداليساندرو مع إيمار وعيال ميليتو غابريال وديجو إن شاءالله نشوف سرقسطة غيير الموسم القادم.. :yes:

هلا سمسم.. النقطة الأخيرة إيمار قادر على أن يبدع بأكبر الفرق الأوروبية وأفضلها يعني الإبداع هيين خالصين منه بس اللي نبيه موبس يبدع ويشيل الفريق ويحطه بمراكز متقدمة نبي نشوف له إنجازات وكوؤس وهذي الأشياء مايقدر يحققها لحاله بسرقسطة..

[ثــامـر]

انا صراحة صراحة احس ايمار انتهى مع اني مااتابع فالنسيا :kello: بس ماعجبن مستواه بكاس العالم

وبالنسبة للامثله اللي ذكرتيها شكلك نسيتي باتستوتا مع فيورنتينا :cry:

من جد الارجنتيين بهم وفاء وولاء زيادة عن اللزوم :hgfd: عكس البرازيليين المشافيح اللي ماشافوا خير اللي يعبدون الفلوس :yuupy:

وبالتوفيق لايمار واليساندرو وان شاء الله يستعيدون مستواياتهم المنخفضه من فترة !!

[ابوسعد الهلالي]

اه بس لو يوافقون هاللاعبين الصغار اللي دافنين انفسهم يجون للخليج كان جبناهم بالهلال .. احسن من سرقسطه مليون مره .. والمشكله انه ايمار بعد ..

ومشكوره عشوقه..

[عاشقة التانجو]

ثامر توتا.. إيمار صحيح انخفض مستواه بالفترة الأخيرة مع فالنسيا.. لكن في كاس العالم بيكرمان ماعطاه فرصة للبروز أصلاً في المونديال :amle:
والأمثلة لو أبقعد أعدد ماقضيت.! والوفاء جد هذي مشكلة باللاعبين الأرجنتينين أجل ماسكيرانو يرفض مانشستر وأي عرض أوروبي يقول كورينثيانز في وضع صعب ولازم كلنا نوقف معاه:slv: :slv: تدري ليه لإن النادي مهدد بالهبوووط.!! :eek: وعبسي تيفيز ذا بعد معيي يطلع حلات من يجيب نامق بس يسحبك لأوروبا على قولة أحد الأرجنتينين.!! تصدقون أشك إن هالنادي مسويلهم شي :angel:

أبوسعد.. كانهم بيجون للهلال فيلعن أوم الفلة أما غيره من أندية الخليج فأنديتهم أبرك لهم مستقبلنا ذولا :angel:

إيمار بعد توقيعه..

بابـــــلو إيمار "من الضروري تغيــــــير الأجـــــواء"

http://www.levante-emv.com/media/fotos/noticias/250x200/2006-08-08_IMG_2006-08-01_00.25.02__MV045DE002.jpg.jpg

تحدث اللاعب الارجنتيني بابلو ايمار المنتقل حديثا الى نادي ريال سرقسطه الى الصحافه قائلا " من الضروري ان يغيير اللاعب اجواء اللعب" وقد استقبل اللاعب الكبير بحفاوة في الروماريدا ملعب ريال سرقسطه الاسباني واعتبره رئيس ريال سرقسطه لاعب سيخلد في "تاريخ النادي"وصرح ايمار عن السبب في انتقاله قائلا" لقد دعاني مدرب سرقسطه وكان متحمسا جدا فرغبت بالانتقال" وصرح ايضا ان سبب انتقالي الرئيسي هو "الضغط الشديد من نادي سرقسطه لضمي"!! وقال اتمنـــــى تقديم مايتوقعه جماهير سرقسطه مني وسأحاول تقديم كل مالدي فسرقسطه لديها معدات جيده " وعن خروجه عن قلعة الميستايا صرح بابليتو قائلاً " يحتاج اللاعب الى تغيير الاجواء ولم اكن موفقا في السنه الاخيره مع فالنسيا"

صور..
http://www.26noticias.com.ar/adjuntos/imagen/20480_2.jpg

http://www.26noticias.com.ar/adjuntos/imagen/20479.jpg

http://www.realzaragoza.com/r2z/media/noticias/2006-07-31-presentacionaimar-g.jpg

بالتوفيق.,,

[Blue 9 WolF]

الله يوفقه....باي نادي يروح له....