جــــعــــــلـــــــونــــــــي مــــــــجــــــــرمــــــا [الأرشيف]

مشاهدة النسخة كاملة : جــــعــــــلـــــــونــــــــي مــــــــجــــــــرمــــــا

هلالي صدقي

26/7/2006, 09:02

السلام عليكم ورحمه الله وبركاته .....

والله اني مو عارف كيف ابدا الموضوع يا جماعه ....
يا اهل التاريخ ...
يا اهل العشق الكروي ....
يا اهل الفن ...
هل يعقل اللي صاير هذا من ظـــلم ....

قالوا عنه بطولاته با التحكيم ...
بطولاته غير شرعيه ...
فريق الرشاوي ....
ولكن هذا دايم الرد على كل ناجح ...
فا كيف يقولون عنه هذا الكلام .... ولم يصعد مع الصاعدون اذا هو حق رشاوي وقوه جباره با التحكم في اتحاد بلاده ...

هذا ان دل ... يدل على جهود وبطولات السنين ... ما اتت مثل على ما قالوا في كلامهم....

صدر الحكم الاخير ... للمحكمه .... في الاتحاد الايطالي على الفرق المتورطه ...
وفعلا عرفنا مين حق الرشاوي والامور هاذي القذره ...
وفعلا الامور اتضحت ...

وجعلوك مجرما ... يا عشقي القديم ....

اه ثم اه ثم اه ... يجرها قلبا ذاق المر من ها الاخبار ....
يا زمن اشهد ...
و يا تاريخ اكتب على صفحات الغدر والخيانه ...
اليوفي سوف يلعب في الدرجه الثانيــــــــــــــــــــــه .... :slv: :slv: :slv: :slv: :slv:

فا كيف ينزل الحكم ... في العفو عن لازيو وفورنتينا ... وهم متورطين ...
وكيف لفريق الميلان ... عدم الهبوط من الاساس ... وبعد ذلك اتاه العفو .... ولعب في بطوله الدوري الاوربي ...
يا اخي هاذي لعبه كبار محنا بقدها ....
ولكن يمكن الاجابه تكون عند برلسكوني ... وحاشيته ...
مادري سبحان الله اذا شفت هذا الرجال اتذكر منصور البلوي عندنا با الدوري السعودي ... :yes:

(((( مقتطفات )))

سوف يكون الدوري الايطالي الموسم القادم .. موسم فرح وسرور عند بعض الانديه .... واهمها نادي ميلان .... وعلى قوله المثل ... اذا غاب البس العب يا فار ...
وانا من شفت عشاق النادي ... يباركون لبعض لنزول اليوفي الدرجه الثانيه ... وانا حسيت ان اليوفي موريهم الويل ... وحارمهم نومهم ...
مساكين يا عشاق الميلان ...
لكن وش نسوي هذا الزمن ....

نادي الانتر .. هل تعلم ان نادي الانتر لم يحصل على الدوري لاكثر من 17 سنه ....
وعلى بطوله دوري ابطال اوربا ما اخذها من الاربعينات ....
وشلون ما تبيهم يفرحون بنزول اليوفي ...
ولا يقولون ... حنا الاحق في بطوله ... الدوري الماضي ...
وانا اللي اقوله ... هذا اللي تقدورون عليه .... يتعب غيركم .. وانت جايتكم مقششششششششره

دل بيرو ...

ما تنعرف المعادن ... الا في الشدايد ... والكبير كبير يا اليكس .... عط اللي عط ... وراح اللي راح ... وانت كا الرمز باقي لم يحركك ساكنا ...

سبحان الله يا جماعه ... كل ما اتذكر مسيره ها اللاعب ... اتذكر حبيبنا وحبيب الكل ... سامي الجابر ابو عبدالله ....

لاعب كبير وضحى لفريقه وبلاده .... وصال وجال ... .. والاعلام يحاربه ... ويعارضون عليه .. ويقولون انه انتهى .... وكل ما يصرون على ابعاده يسكتهم بأهدافه الحاسمه .... وينز ليمان .. شاهد على كلامي ....

ما انسى دموعك يا ابو عبدالله يوم هدفك على تونس .... اللي ابكيتنا معها ...
ولا انسى دموعك يا الملك .... اللي ابكتينا معها ايضا ...
الكبير يظل كبير ....... وما الكبير الا الله سبحانه وتعالى .. والباقي عبيد ...

والختم اقول .... افرحوا يا من فرحتوا بنزول اليوفي ...
فهاذي هي الدنيا .... الصغار تفرح ... بنوم الكبار ...

نسيت شيء يا جماعه ....

بحكم حبي لكتابه الشعر ...
ومثل ما قصرت على حبي وعشقي الابدي الهلال في كتابه الشعر في افراحه واحزانه ...
لن انسى معشوقي الابدي ايضا ... اليوفي .... من بعض ما تخطه يداي ...

ليت الزمــــن يجري وتعود ذيك الايــــام ... ليت الزمن يعجل على وقتي وعلى زماني
ما صبرت عليك يوم وشلون ابصبر عام ... الله يعينني على وقــــتي وعلى احزانـــي
حاولت اقوم وعجزت تشيلني العظــــــام ... حاولت اكتب وعجزت تنكتب المعانـــــي
انزف يا دمع الحبر واكتبي يا اقــــــــلام ... على فريقا فرحت فيه بها الزمن وبكاني
بكيت من فرقاه دموعا مثل دمع الايتــام ... وكل من شافني على حزني واسانـــــــي
حاولت اصبر با الكتم واعيش الاوهـــام ... ولكن عقب الدمع وش يفيد الكتمانــــــي
ماتوقعوا اهلي الحزن اللي علي هـــــام ... بلاهم ماشافوا وش اللي باالحزن جاني
والختم افرحوا يا صغار وافرحوا يا اقزام ... لا غاب البس تلعب باقي الفأرانـــــــي

اعذروني على سوء القافيه ... والوزن ...

تراني مبتدأ با الشعر ....

تحياتي .... لكم جميعا ...

نختلف في الميولات الاخرى ... ولكن نجتمع في حب الهلال ...

اخوكم هلالي صدقي ...

o0o زراق o0o

26/7/2006, 10:19

فريق الرشاوي والتحكيم هو من سقط للدرجة الثانية

وبقي من يستحق البقاء في السيرياa

الزعيماوي

26/7/2006, 16:30

بالتوفيق لليوفي في العودة للسيريا A .. :)

هلالي صدقي

26/7/2006, 18:47

اخوي الغالي زراق....

شكرا على ردك لموضوعي ....
وفعلا مثل ما قلت في كلامك لكن ابي ازيد كلمتين ...
فرق الرشاواي هي اللي هبطت ونزلت وحرموها من اللعب ...
وصارت الرشاواي .... ورجعت مره ثانيه .. للدوري الدرجه الاولى يا الغالي...
حبيت اوضح لك فقط ...

والفرق النظيفه بقت في كرامتها ...
تحياتي لك

هلالي صدقي

26/7/2006, 18:51

اخوي الغالي ...
الزعيماوي اشكر لك مرورك الكريم ...
ونتمنى نشوف الدوري الايطالي هالسنه القادمه بوجود زعيمها وسيد سيدها ..
اليوفي ... لكي يحلى اللعب ...

.ღ. هــيــبــة مَـلِـكـ .ღ.

26/7/2006, 19:28

آآآآآخ يالاتحاد الايطالي ليتك عندنا :cry: كان الاتحاد الحين بالدرجة العاشره :angel:

هلالي صدقي

26/7/2006, 19:37

قهوة هلاليه ..
شكرا على مرورك ...

[ TaReQ ]

26/7/2006, 19:55

الله يعطيك العافيه

وانا اقووول مايستاااااااااااهل اليووفي

POWER

26/7/2006, 20:33

بغش وبكذب وبزور واتلاعب لكن ياويلكم لو عاقبتونا :d:

الله لا يسامحكم ان عاقبتونا :kany:

واذا فزنا عليكم بالغش وبالتزوير ترانا مهجدينكم تفهمون والا لا :kany: :kany:

وربي لو الموضوع بيدي لاشطب اليوفي من الوجود عشان يكون عبره لغيره وأي واحد يحاول يستهبل ويسوي زي هالفريق يكون عقابة زي اليوفي .. (himo)

اجل بغش وبحوسكم حوس وبنصب لكن مالكم داعي تعاقبوننا :kany:

خلونا نفلها ياخي ونوري الناس اننا فريق على كيف كيفك :kany:

وربي ما يبط كبدي الا الي يقول ان الاندية الثانية مبسوطة ان اليوفي هبط لانه كان معقدهم ... :angel:

ياخي رح اتعب ورى حاجه سنة كامله .. ولما تتعب وتشوف انك أحق فيها تتفاجأ ان واحد غيرك اخذها منك بالغش والتزوير .. علما بانك انت الأحق فيها .. وبعدين لما يكشفونه ويلعنون جدفه بالله ما تفرح وتنبسط :kany:

هل فرحك هذا دليل على انك مبسوط لانه احق منك وكان مطلع ريحتك.. والا عشانه اخذ شي موب له وانت احق فيه :d:

صراحة .. مشكلة الي يخلي عواطفة تتحكم فيه وما يحكم عقلة بكلامة :kello:

dedo

26/7/2006, 21:15

هلا اخوي صراحه ماكملت موضوع وخذت مقتطفات منه :angel:

لى اني اعرف اني مافيه امل انك تقتنع ان جوفنتوس استحق ذالك

ولكن عقبال مانشوفك فى سيريا a

والحمد الله رجع فريق لاتسيو وفورنتينا وراح تحلو البطوله

وصراحه باحاول اتابع سيريا b :d: عشان استمتع مع يوفي ومن دون غش

والله الفريق لى يحترم جماهيره وعشاقه وجمهور الرياضي هو لى يستحق ان تتحسف عليه كما حدث لى فيورنتينا قبل كم موسم بعد ان نزل درجه ثالثه بعد الافلاس الفريق

على عموم الله يعينكم

الأزرق العظيم

27/7/2006, 02:59

ماحدث فغلا مسخره حقيقيه

لعبه وكان ضحيتها اليوفي

اما ميلان لم يعاقب انما كوفئ بالعب بدوري ابطال اوروبا و8 نقاط

هذه القرارات لاتعليق عليها

هلالي صدقي

27/7/2006, 05:29

اخوي الغالي ... power
شكرا على ردك وتشريفك على موضوعي ...
وبا النسبه لكلامك ....اللي اقدر اقوله ان الميول بعض الاحيان يجبرك تكتب ضد الكبار ... وهذا اللي صار معاك ...

وارجع واقول نختلف في بعض الاراء ولكن نتفق في حب الزعيم :asno:

هلالي صدقي

27/7/2006, 05:34

اخوي الغالي dedo
صدقني اذا انت على كلامك ان الفريق ... ما احترم جماهيره ....
فا كيف تحكم على فريق كامل من تصرفات شخص ...

واليوفي لو ان تاريخه وسخ على كلامكم وبطولاته با التزوير والغش والرشاوي ... وش اللي خلاهم يصبرون عليه طول ها السنين :nrey: ... كان هبط من زمان واكثر من مررره ... مو زي ها الوقت ....

وهذا الميلان هبط يا اخي في السبعينات .... ولكن وضعه يختلف عن وضع اليوفي ...

تحياتي لك ... والف شكر ...على مرورك وتشريفك على موضوعي

هلالي صدقي

27/7/2006, 05:38

اخوي الغالي الازرق العظيم ....
صدقني اللي صار لعبه قذره .. وابطالها معروفين ...

فا كيف في فريق الميلان ... اللي هو له شأن في الرشاوي ... لم يهبط ... بل تكرم وتعزز في الدرجه الاولى ....
وكيف في حكم عام ... في ظرف اسبوع او اقل ...
يهبط فريقان لهم وزنهم في الدوري .... ويرجع يرجعهم مره اخرى للدرجه الاولى ....
وهذا اكبر دليل ان اداره اليوفي ليس لها شأن با الامور القذره ...
ارجع واقول اداره اليوفي ...

تحياتي لك ...
اخوك هلالي صدقي ...

وشكرا على مرورك على موضوعي المتواضع

TOTTI 10

27/7/2006, 08:10

والله مانقدر نحكم الميلان يستحق الهبووووط ولا لا .....كل الفرق فيها تلاعب....

ولكن الحكم كان بحسب الجرم اللي عليه فضايح قوية down to serie b

يعني الحكاام ومسؤولي الأندية كان عقابهم مثل بعض ؟؟؟؟ لا ..فيه اللي توقف 9شهور ....وفيه اللي أكثر والحكاام كذلك ....بعدين خففوا العقوبة أحمد ربك ....

لكن مارفع ضغطي إلا هالأنتراوية مايستاهلون ولا شي وعطوهم الدوري ....

المفروض البطولة تحجب .... :slv: :lkj: :jeng:

هلالي صدقي

29/7/2006, 23:05

مشكور على ردك بلو كوكتيل ...
وبا النسبه للانتر زي ما قلنا جته مقشررره

pirlo21

30/7/2006, 09:38

صحيح ان مسؤولي اليوفي يغشون لكن وش ذنب الجماهير بهبوط النادي

انا ميلاني لكن ارفض هبوط اليوفي :jeng:

Eng.Fahad

30/7/2006, 17:06

الله يعطيك العافيه

وانا اقووول مايستاااااااااااهل اليووفي

هلالي صدقي

31/7/2006, 06:05

اخوي الغالي ..... pirlo 21
يعطيك العافيه على الرد ... وكلامك منطقي . والله يصبر الجماهير على هذا الظلم ..

اخوي الغالي فهد ... تسلم على الرد .. وشاكر لك مرورك على الموضوع