الطنــــــــــــــــــــــــــــــــــــــــزة ..

[وردة الهلال]

بسم الله الرحمن الرحيم ..

كيف حالكون شخباركون طيبينكون


قبل فترة كان في موضوع في المدرج عن إصابة مشجع بالجلطة بعد هدف تونس ( اخس يالوطنية ) .. و الاغلبية اللي اطلعوا عليه او انا اطلعتهم عليه كانت ردة فعلهم بين استهزاء و بين استغراب ..

الاكيد ان الرجل قبل تعبان و قلبه فيه شي و علشان كذا الهدف قدر يأثر فيه بهالشكل .. و الاكيد اني قلت اللهم لك الحمد و الشكر بس في داخلي مادري عاد انا كنت اتطنز و لا لا بس و الله كان حاز في خاطري يصير له هالشي .. و الله يتوب عليه و عليكم و علينا جميع ..,

بس تصدقون و مالكوش علينا يمين ان قلبي تعب عقبها ..!!! قسماً بالله ليلة ما قدرت انام !! اذا صرت اتحرك عادي بس اذا نمت على ظهري انكتمت لازم اتحرك !! عاد كنت يادوووووووبي ماخذة نتيجتي و مبسوطة الحمد لله .. امي قالت انتس منظولة :q: طيب علشان اوافق آخذ عسل و اشرب قراية :nrey: لأن أمي ماشاء الله عليها أهم شي عندها الرقية أهم من أي شي ثاني حتى لو واحد عنده عملية عادية زايدة و لا لوز لا بد من الرقية عندها ..

بس انا احس انها طنزتي في ذاك الموضوع قعدت اقرا و اتحمد كان خاطر جاني سريع بس ان المنطقة ( متخلفة ) او شي زي كذا لكن ما كتبت غير الحمد لله و الشكر بس سبحان الله ..!!!

الطنزة تصير لو الواحد ما صرح فيها و لو بحث الواحد عن مواقف بيلقى مليون .. أذكر مرة طالعة مدرسة و عبايتها مقلوبة و قلت لها عبايتك مقلوبة بس و الله ما زدت و لا فكرت فيها ابد ابد !!! من بكرى و عند نفس الباب قلبت عبايتي :q: و انا طالعة و قالت لي نفس المدرسة عبايتك مقلوبة !! و انا والله لو ايش ماقلب عبايتي و حريصة على لبسي و اراجعه كمن مرة قبل لا اطلع :yuupy: زبدة الهرج انا ضحكنا و حنا مستغربين و قالت هي لا تهزأ بأخيك فيعافيه الله و يبتليك !!


الأكيد الطنزة منهي عنها .. و المفروض الواحد ما ينذكر بأي امر ما يحبه بس المشكلة لا صارت في نفس الواحد بس .. و مع ذلك تصير ..

جالسة مع اهلها ع السفرة و تطيح الملعقة من حرمة أخوها و لا كأن شي صار دقيقة الا الملعقة تطيح منها .. :q:

بصراحة انا اعرف و متأكدة أن الله يعجل بالطنزة ع المؤمن .. بس ما أدري هي فعلاً كلها طنزة و لا في قوة خفية تخلي الواحد يكرر الغلط اللي شافه و رسخ بمخه سواء تكلم و لا لأ ؟؟


أفتوني أيها القوم .. :yuupy:



في البداية قلت انها طنزة بس في الاخير تراني قلت مادري (rambo)

و في الوسط قلت انه ما رسخ في مخي بس في الأخير تراني مادري يمكن يرسخ في باطن الشعور يعني انا وش دراني انه راسخ .. :fghty:

[سعــــــــــ14ــــــــــود]

مساء الخير اختي وردة ,,,

في مثل عامي ,, يقول لاتتشمت ياشمات ,, ربي حي مامات ,,

عموماً :ـ قال تعالى ,, ولايغتب بعضكم بعضاً ايحب احدكم ان يأكل لحم اخيه ميتاً فكريهتموه ,,, صدق الله العظيم ,,

عموماً انا مثلك مريت زمان كنت اتطنز على الناس بس والله جتني نفس حالتهم وصرت اتذكرها تماما ً,, لاكن الواحد يقول يارب لك الحمد والشكر على كل حال ,,,

والله يبعد عنك العين والحسد ,, واهم شي مثل ماقلتي الرقية مافي احسن منها ,,

حتى انا بنتي والله ارقيها في منامها مع انها صغيرة (( الله يحفظها ))

تحياتي لك ,,

ابو دانا 00

[سلا1م]

الطنزه تلحق راعيه يا ورطه :ignor: <<< اسف ورده اخاف اطنز ثم يصير لي شي :d: <<<< امزح معك


قسماً بالله ليلة ما قدرت انام !! اذا صرت اتحرك عادي بس اذا نمت على ظهري انكتمت لازم اتحرك

احس ان الي فيك شي نفسي لانك فكرتي بذاك الشخص الي جته جلطه وربطتيه بالي فيك :rolleyes:

امي قالت انتس منظولة طيب علشان اوافق آخذ عسل و اشرب قراية لأن أمي ماشاء الله عليها أهم شي عندها الرقية أهم من أي شي ثاني حتى لو واحد عنده عملية عادية زايدة و لا لوز لا بد من الرقية عندها ..

حتى انتم سوق النظل ماشي عندكم :d:

ذا العام لو بنشر كفر سياره قالو منظلول :d:


في الوسط قلت انه ما رسخ في مخي بس في الأخير تراني مادري يمكن يرسخ في باطن الشعور يعني انا وش دراني انه راسخ

شخبارتس بس :amle:

[ابو عبدالمجيد]

لا تهزأ بأخيك فيعافيه الله و يبتليك

بالفعل الظنزة شينه مره ،،

والله اذا موقف من هاذي المواقف التي تجعلك تظنزاستغفر ربك ولاتجعل في قلبك حسد ولاحقد وباذن الله تعالى الواحد يبعد عن هاذي العادة الشينة ،،

[وردة الهلال]

عبدالله الغامدي .. جزاك الله خير .. و الله يحفظ لك دانا ..

فيه ناس طنزتهم تجي اقوى بعد لكن الحمد لله حنا ع الخفيف :yuupy:


سلا1م .. اجل ورطة :amle:

جرب تطنز في افعال و شف النتيجة ..!! بينرد لك الفعل مثل ما هو و فوقه حبة راس بعد :q:

بالنسبة للموضوع انا خفت لأن فيه عضو الله يسامحه هو اللي حطها براسي حتى راجعت ردي اشوف وش انا قايلة من جد الامر مو لعبة سويت كشوفات و خططت قلبي لين قلت بس بس النتيجة الحمد لله سليمة .. :kello: و عموماً بالاخير اقتنعت بالرقية ما راح اخسر شي و غير كذا فيها شفاء مظمون بمشيئة الله و راحة نفسية هم بعد ..,

النظل على كل لسان حتى أسأل موتر ابو سعد :d:


ابو عبدالمجيد .. جزيت خيراً و زوجت بكراً ..,

[عاشق العثرات]

شوفي الصراحه فيه امور كثيره مالها مبررات واضحه بس تصير ..
والله سبحانه وتعالى يقول وما اوتيتم من العلم إلا قليلا ..
في اشياء كثيره تصير والعلم ما بعد توصل لها .. او ما بعد اكتشف دهاليز هالحالات ..
مثلا فيه شغله تتكرر دائما معي ، يمر موقف معين واحس انه قد صار لي بالضبط وأحيانا اقول انه بيصير بعد شوي كذا من باب اني قد مريت بالموقف هذا ..
وهالحاله هذي ما بعد قريت عنها اشياء شافيه وكافيه ..
المهم فيه مثل يقول " الهزوا عدوا " .. وهذا فعلا سليم 100 % ومجرب :d:
لذلك لا تتهزين باحد ولا تقعدين تحشين في خلق الله :fghty:

[الزعيماوي]

صدقتِ .. الطنزة شينة مررة .. :rolleyes:

هذا موقف حصل لواحد من الشباب .. كان مسوي حادث شنيع وكان هو المخطئ في هذا الحادث .. ولمّا جاء للشباب .. جلس واحد من الشباب يتشمّت فيه .. والّي مسوي الحادث كان ضايق صدره مرررة .. بعد أيام .. نفس الّي كان يتشمّت .. سوّى حادث أشنع من الحادث السابق .. وكان هو المخطئ .. وتحمل تكاليف الحادث ..

تحياتي لك .. :)

[سومار]

هلا وردة ..

الحمدلله على السلامة ..

ابعدي عن الطنزة .. ترى اسرع شي ينشب في الواحد

وعلى فكرة .. انا من الناس اذا تطنزت باحد .. يومين ثم اسوى مثله

[شموخ]

هلا وردة ....وما تشوفين شر...

فعلا الطنزة شينه ...وعلى قولت المثل من تطنز ابتلى..

والأمثله كثيره على الي يطنزون وتشوفين نتيجة طنزتهم ...

[9smsm9]

يقولون


الطنزه تفلتن بالجداااار



عاشق
مثلا فيه شغله تتكرر دائما معي ، يمر موقف معين واحس انه قد صار لي بالضبط وأحيانا اقول انه بيصير بعد شوي كذا من باب اني قد مريت بالموقف هذا ..

هذي اسمها " دي جي فوا "

وهي ان الشخص يمر عليه موقف معين ,, ويحس ان الموقف مر عليه من قبل :yes:

[سآم9]

لا تشمت باخيك فيعافيه الله ويبتليك :rolleyes:

تحياتي :magkiss:

[محمد الهلالي]

من جد التطنز والشماته مو زينه <<احلف :angel:

صراحه انا واحد دايم انكوي بنار الشماته والتطنز بكل شي اسويه سوا ضدي او معي :d:

عشان كذا انا ماعاد اتشمت باحد الحمدلله حتى لو كان شخص ما احبه او ما ادانيه

لاني ما ارضاها على نفسي قبل غيري

فاتمنى تبتعدون عن هالشي وخاصة كلمة القفل وماشابه :angel: :angel:

لان بيجيكم قفل بعدين يطيح على روسكم او يتقفل عليكم باب بعدها تتوبون تقولون هالكلمه :angel:



سلام :noo:

[سآم9]

^^^

كسرت خاطري والله :d:

بس من جد شباب لا احد يقوله القفل :d: :d: ..
احس انه جاه انفصام بالشخصيه بسبب هالمعياره :jhgy: :jhgy:

[وحيد الجزيرة]

أهل نجد أغلبهم شمّاته !!

ومايقدرون يعيشون بدون ذب وسعة صدر وتهزي !

ومادهور الهلال سنة الخمسات اللي تهزي الزقرت بالنصر

[ابوسعد الهلالي]

هلا ورده ..

على طاري الطنزه انا اذكرواحد من الشباب مايخلي احد مايطنز عليه حتى على نفسه :d: وكنا نقوله انت عيالك بيطلعون كلهم معاقين اذا تزوجت بس وش ذنبهم وذنب امهم :( بس نصحناه يتزوج وحده مثله راعية طنازه :d:

بس تصدقون و مالكوش علينا يمين ان قلبي تعب عقبها ..!!! قسماً بالله ليلة ما قدرت انام !! اذا صرت اتحرك عادي بس اذا نمت على ظهري انكتمت لازم اتحرك

تدرين ليش لانتس دبا :d: ..

وتدبغين في النعمه لين تقولين ربي الله .. وكلها كولسترووول (rambo)

سلام :noo:

[نوااااااااف11]

كما تدين تدان :nrey:
تشب على العالم بيجون ناس
ويشبون عليك :d:
وبصراحه 65 بالميه من السعوديين عيارين خاصه اهل نجد :q:
تلقين الشايب يذب على عياله وعياله يذبون على هذوليك :jhgy:
وهلم جرن :kello:

سي يو ورطه

[الذيب وبس]

من جد التطنز والشماته مو زينه <<احلف :angel:

صراحه انا واحد دايم انكوي بنار الشماته والتطنز بكل شي اسويه سوا ضدي او معي :d:

عشان كذا انا ماعاد اتشمت باحد الحمدلله حتى لو كان شخص ما احبه او ما ادانيه

لاني ما ارضاها على نفسي قبل غيري

فاتمنى تبتعدون عن هالشي وخاصة كلمة القفل وماشابه :angel: :angel:

لان بيجيكم قفل بعدين يطيح على روسكم او يتقفل عليكم باب بعدها تتوبون تقولون هالكلمه :angel:



سلام :noo:

hada alensan y3ane allah y3neh :d:

thank you flower (himo)

c u

[وردة الهلال]

عاشق العثرات .. هذي كانت تصير معي منذو مبطي من يومي في سنة اولى ابتدائي و يمكن قبل هذا عمري و مع ذلك تصير معي بس دحينا بطل عقلي يستعملها :d:

الحش نحش على خفيف و لله الحمد :kello: و من جد يا ليت أحد عنده بحث نصيّف عليه حول الموضوع المذكور :yuupy:

___________________


الزعيماوي و انت صادز .. تحياتي لإلك .. :)


__________________


سومار .. شقرن عاد من يقنع خواتي عليهم حش و طنز هذا و هم كبر اصابعي :yuupy:

سلمك ربي من كل شر ..,


__________________


شموخ .. الله يسلمك و النتايج اشوفها في نفسي ما يحتاج ادور غيري :kello:


__________________


صمصم .. يا شيخ حومت تسبدي علي :kello: :d:

ياخي نزل موضوع و اشرح بشكل علمي هذي اللي دي جي مادري وشي :kello:


__________________


سآم .. و انت صادز .. (himo)


__________________


محمد الهلالي .. قرى ايه يابني شكلهم زودوها معك .. و وصلت علومك مسوؤلي ناسا يا شماتة ابلا طازة بس :angel:

شف ياخي هو في ناس يتطنزون بس ما يصير لهم شي .. بس انا اعرف ان المؤمن الحق ( حط تحتها خطين بدالي :d: ) هو اللي تجيه طنزته علطول ما يمديه يضحك و يستانس الا هي مكركربة فوأ دماغو أما الانسان اللي قلبه قاسي تقعد و تنجمع تنجمع له و يصير قضاءها قوي عليه ..

اما القفل ذي يبي لك تصير مشرف و لا مافي امل يتركونها بتاتتن البتة :d:


___________________


سام شكل قهوتنا جازت لك :d: .. بس صدق انا ابي افهم وش لهجته اللي يقولون معيارة .. هي اسمها عيارة وش معياره ذي ..!!!


___________________


وحيد الجزيرة .. يس العرق ذا قوي هنا .. بس حتى الحجز عاديناهم و تشمتوا في صفقة ياسر و هذا هم يتطلبون الوحدة يجزأون مبلغ المحياني .. :confused:


__________________


هلالي من طفولتي .. الحين يقالكم تنصحونه :d:

بعدين وشو الكوليسترول وش اعراضه ؟؟ => بدت الحالة :d:


_________________

نوااااف 11 .. من زمان احسبه شي زين بس عقب حوادث كثيرة و خصوصاً ناس حسيتهم ضد الطنزة مثل الهلال و هلم جرن :d: تراجعت عن رايي و احسن للواحد يصير جنتل و يهرج زين مو كلش طنز و كأنه ما شاف الدنيا :amle: عندي تو سيسترز و اذا اجتمعوا تقول قراوا مستقدمينهم من جيزان ( مع احترامي :kello: ) كلشي كلشي يتطنزون عليه و كأنهم ما يعرفونه :zael:


_________________

الذيب و بس .. فك الله عجمتك .. :d: أشاركك الرأي .. و سيا :kany:


سلا1م ..,

[أبوحمـــ15ـــــــــــد]

يمر موقف معين واحس انه قد صار لي بالضبط وأحيانا اقول انه بيصير بعد شوي كذا من باب اني قد مريت بالموقف هذا ..


ياهالحالة أنها هبلت بي !!

على العموم نستغل وجود العالم سمسم9 .. أبسألك يابوالسماسم مدام لك في هالأمور .. أنا سمعت ان الجزء الأيمن من المخ .. أو مدري العقل الباطن .. مدري أيهم .. المهم أن فيه جزء يستقبل الحادثة قبل الجزء الثاني ..
لنفرض انه الجزء الأيمن ..

مثال :
أنت جالس تشوف مباراة الهلال .. وهذا أبويعقوب يبي يمزع له فاول .. والكورة ممزوعة تدري انها تبي تشبّك في الثمانيات .. ليش ؟؟ لأن الجزء الأيمن من المخ مستقبل الحادثة قبل الجزء الايسر ..

شرح وأمثلة وعجزت أوصّل الفكرة :angel:

المهم إن كانك فهمت الفكرة علمنا هالكلام صح ولا اللي قايل لي هالس علي ..
وإن مافهمتها سلم لي على ثامر :d:

[هلالي تنومة]

أهل نجد أغلبهم شمّاته !!

ومايقدرون يعيشون بدون ذب وسعة صدر وتهزي !

ومادهور الهلال سنة الخمسات اللي تهزي الزقرت بالنصر

تصدق بالله بعد مباراة النصر والشباب 6/1 للاخير وكل العالم الي اقابلها تضحك وتشمت بالنصر وانا اقول ياساتر وبعد الهزيميتن تذكرت الشماته :confused:

[عاشق العثرات]

سمسم .. اشرح لنا بالله هاللي تقوله ..
وحط لنا مواضيع ودروس عن هالحالات ..
لا وسمعت ان حقين التصاميم ناويين يحطون دروس ودورات ..
عاد انت حط لنا .. تراهم مهوب احسن من اهل الساحه :d:

..

ابا الحمد .. :kany:

مثال :
أنت جالس تشوف مباراة الهلال .. وهذا أبويعقوب يبي يمزع له فاول .. والكورة ممزوعة تدري انها تبي تشبّك في الثمانيات .. ليش ؟؟ لأن الجزء الأيمن من المخ مستقبل الحادثة قبل الجزء الايسر ..

والله انا ما اتوقع قل ليه ؟ ..
لأن الواحد يتوقع او يخمن الشي اللي يبي يصير قبل لا يصير اصلا .. فأنا استبعد كون المخ يستقبل شي قبل شي .. لأنه اصلا ما بعد صارت الحادثه فـ كيف يكون المخ استقبل والحادثه ما بعد صارت ؟!! ..<<< لحسة مخ :d:
عاد ان كان فيه مشكله بالاستقبال او شي فر الصحن وتظبط الاشاره :d:

[أبوحمـــ15ـــــــــــد]

مثل ماقلت .. ولاحظ أن الفرة تكون بشكل بسيط .. لأن نظام الديجيتال الجديد حساس .. وممكن تختفي الاشارة كلها .. ماعلينا نرجع للموضوع ..

لأن الواحد يتوقع او يخمن الشي اللي يبي يصير قبل لا يصير اصلا .. فأنا استبعد كون المخ يستقبل شي قبل شي .. لأنه اصلا ما بعد صارت الحادثه فـ كيف يكون المخ استقبل والحادثه ما بعد صارت ؟!! ..<<< لحسة مخ

أصبر .. خلني أشرح لك ..
العقل الباطني مدري الجزء الأيمن يستقبل الحادثة ثمن يستقبله الجزء الـثا .. بس لحظة يمكن أنك تتوقع انه .. لا لا لا .. أنا أتوقع ان الأحداث متشابهة ..

والله ياخي معك حق اللي قايل لي هالمعلومة هالس علي :d:

[POWER]

يعني انتم يالاثنين الي فوق قاعدين تتطنزون على هالدلخة الي كاتبة الموضوع ؟ :d:


المشكلة ماعليكم خوف لو تتطنزون فيها من الحين لين بكرا وش بيجيكم ؟

بتصيرون دلوخ يعني والا بينعدم المخ عندكم ؟ :d:

اصلا كله واحد يعني خلنا نتفق بالاول ان هنا مخ بالاساس .. :d:



وانتي يالي كاتبة الموضوع .. .

ترى كلامك سليم بس سالفة انو عباية مقلوبة وقلبك مدري وش صار فيه ترى قوية (himo) ماتنبلع يعني (rambo)

بعدين اختلف العلماء في حكمها .. :angel:

انا اذكر مره ايام الثانوية معنا واحد بالفصل اغمى عليه .. كان واقف الاستاد معاقبه .. المهم شوي ويطيح ويغمى عليه وطاح طيحه جامده على حافة الكرسي يعني ووجهه ورم قلب لونه بنفسجي .. انا اول واحد فقعت ضحك عليه :d:

وغير كذا صرت كل اليوم وانا اتريق عليه واقلده وهو يطيح ونضحك وانا والشباب .. يوم جا بعدها بكم يوم اول ما طلعنا من الفصل الظاهر كان فسحه اغمى علي بعد باب الفصل .. يعني قدام الفصول والطلاب كلهم طحت طيحة جامده على خشتي بعدين قمت وقعدت اهذري مدري وش اقول .. وفقعو ضحك علي العيال :d: واولهم خويي هذاك الي مورم وجهه :angel:

[قلب الشلهوب]

^
^


:jhgy:

[وردة الهلال]

بسم الله سكنهم مساكنهم :q:

كنت افكر في يوزر ( بور ) العنقليزي و انا اسولف مع القروب السعيد .. :q:

هاه عاد ذي بتخش مخك و لا لأ؟ قسماً عزماً بس شلون ؟؟ مادري :confused:

بتقول ماتخشش يحول :cry:


عموماً تبينا نصدق انه اغمي عليك و لا انها انقلبت عبايتي و ش اسهل تصديق ؟؟ (rambo)

بعدين ترى محد يتطنز كلن ناشبن بعمره :o

تدري وش بيصير اذا هم تطنزوا بدلخ ؟؟ بيصيرون يكررون اخطاءه مع انه ما يقالهم دلوخ و بالاخير بيصيرون دلوخ غصبن عليهم .. هذي نهاية الطنزة .. :(



هلالي تنومة .. من كان يتصور الهلال ينهزم بخمسة ؟؟ و لا من هو الفريق اللي اصلاً يحلم يهزم الهلال .. عاد شلون بخمسة ؟؟


قلب .. سلامة يور آيز .. :cool:


ابو حمد و عاشق :) .. اللحسة زادت و صار محمد يتعالج عندي :q: خفوا شويا :hgfd: اذا رجع صمصم من البعثة بيشرح كل متلابسات الحادث :d:

[POWER]

ورده .. :d:


شفتي شلون اذا قال لك يناظر الناس بعين طبعه ؟ :nrey:


لا تستقعدين وتقولين انا ما صدقتك بالاول .. على الاقل انا كاتب لك " كلامك سليم " يعني مصدقك .. لكن انتي كلش خير شر ما صدقتي :d:

[وردة الهلال]

^

انا مسدآك :d:

بس قلت الشي بالشي يذكر .. :kello: :d:

بس تصدق كنت افكر في الرد اللي مسحته بعدين قادتني افكاري اقول ليش ما يشارك بعدين وصلت لمادري وين الا انت راد :yuupy: .. تف تف تف بسم الله آمنت بالله .. :q:

[9smsm9]

بإذن الله ابحط موضوع عن " الدي جي فوا "

وعن المخ علشان ابو حمد :yes:


بس انتم انتظروني لين الله يوسعه علي شوي من هالكرف اللي عندي هاليومين ....

[هلالنا وحالنا]

أهل نجد أغلبهم شمّاته !!

ومايقدرون يعيشون بدون ذب وسعة صدر وتهزي !

ومادهور الهلال سنة الخمسات اللي تهزي الزقرت بالنصر


;) ومن أسرار (دهائهم) و(حكمتهم) .. لذلك انظر كيف تحول التدهور إلى (زعامه) ;)


تحيه :)

[وحيد الجزيرة]

هذي الحاله هي DeJa vu يابو حمد ... وتصير للناس كلهم مهوب أنت لحالك .. يعني لاتزمر علينا إنك شايفٍ فاول لأبو يعقوب :d:

ومدام ابو السماسيم يبي يكتب موضوع عنها مايحتاج إني أشرح شي !

لكن بسرعه تقدر تقول شي قد شفته من قبل ومار عليك بس ماتدري متى ووين !

[فتى الساحه]

مثال :
أنت جالس تشوف مباراة الهلال .. وهذا أبويعقوب يبي يمزع له فاول .. والكورة ممزوعة تدري انها تبي تشبّك في الثمانيات .. ليش ؟؟ لأن الجزء الأيمن من المخ مستقبل الحادثة قبل الجزء الايسر ..

شرح وأمثلة وعجزت أوصّل الفكرة :angel:
:d:

لاجزء ايمن ولا ايسر يوسف ومازع فاول وين بيكون اكيد في الثمانيات

لكن اذا بغيت تفحص الجزء الايمن فخل النزهان يشوت وشف جزئك الايمن يعمل ولا لايعمل

ولك خالص تحياتي ودمت سالم

[POWER]

وش الي تف وسكنهم مساكنهم ؟ :req:

[عاشق العثرات]

اقول شباب سمسم تراه يبي يكتب موضوع .. ترى جتني هالحاله ياجماعه والموضوع بيتثبت :d:

[ابوسعد الهلالي]

وانا جتني الحاله بعد .. ان كنق يوسف 15 ((بالأنجليزي )) بيكتب ويمكن يتثبت ;)

[محمد الهلالي]

لكن بسرعه تقدر تقول شي قد شفته من قبل ومار عليك بس ماتدري متى ووين !

هذي حالتي بالضبط بالضبط :zael:

عندكم علاج ولا مرهم :q:

لان هالايام زادت حبتين وزودتها شوي كل ما اشوف شي قلت قد شفته كني استحليت الشغله :d: