الحاير
10/12/2001, 18:11
أهلا بالشباب والصبابا ابي أقول لكم موضوع ، لا.. نايف ما يفحط، وألحين بأقول لكم إياه ولكن ترى بكتب لكم كأنه نايف هو يتكلم عن نفسه ماشي :
بقي الآن يا شباب ثلث ساعه على نهاية الحصة السابقه حنا والمدرس (طافين) والعاده إن مثل هالوقت نبدأ تجميع الدروس وفرش (السجاجيد) ثم حزم الدروس وبعدين الزحف!
أخوكم نايف جمع الكتب وحزم السجاده ودق (اللطمه) وراح يهوجس بالتفحيط .. المدرس يشرح وطبلونه قاضي .. ومو فاضي يصحي وليد من النوم .. وياسر خليه ينتبه .. ونايف يفك اللطمه !
أنا طبعا غرقان بالتفحيط ومن شدة الحماس حطيت يدي على الدروس وبديت ألف بهن يمين وشمال .. وتخيلت روحي على السياره أسرعت وأنا أفحط وفحط وإنتهى الشارع بـ(T) إلى هنا المشهد خيالي وصامت .. لكني سحبت الجلنط وصار المشهد خياليا فقط لأني رفعت صوتي وجبت صوت الجلنط ( أووع ) المدرس والطلاب كلهم إلتفتو علي قالي المدرس نايف عمى .. إنجنيت ؟! قال طالب لا يا إستاذ بس الفصل أمس زايرين مزارع (المراعي) ونايف إخذت عقله البقره وشكله يفكر فيها ويتوارد معها الخواطر !!
قال طالب ثاني من تحت النافذه لا يا إستاذ نايف شكله بدا ينسم !!
وبعدها ضحك واحد من ( تشليح ) الفصل ورمى كلمه للي يفهما يقول : وخاف نايف يصير صوت قال لنفسه صوت يغطي صوت !!!! بعض الطلاب ضحكوا والمدرس منطق خلقه ولا فهم شي وقال : خلاص يا شباب ضفوا دروسكم علشان تضفون وجيهكم بعد شوي !!
أنا يا نايف طبعا ما جبت خبر أحد كل همي متى أصل البيت وأجزم على السياره إللي وعدني أبوي فيها وهناك يتحقق الحلم وبدل ما تسمى سياره ( داتسون) تصير سيارة ( المطرطع ) سائق لا يهاب الموت !! ولا حتى الشرطه !! وخالي ما راح يدري .. أكيد !!
وصلت البيت .. رميت الدروس كني زعلان قالت الوالده نايف تعال كل الغدا مع أبوك قلت ما أبغى غدا.. قالت ليش : أكيد مثل العاده آكل (سنكرز) قلت أي سنكرز يا أم نايف أنا يمه أبي سياره وأبوي له سنه واعدني !
قالت اليوم الصبح أبوك يقول :نايف صار رجال وأبي أشتري له سياره .. أنا علطول ضحكت ( نقزت ) للوالد حبيت راسه وقلت صبحك الله لا مساك الله لا ظهرك .. تدري السلام عليكم ورحمة الله وبركاته يا أبي قال الوالد : وعليكم السلام وش القصه جاك خبر إني اليوم في معارض السيارات أدور لك قلت لا يبه بس قلبي وأنا منتبه مع الدرس قالي :والقلوب شوارع أقصد شواهد . قالي الوالد .. سيارة ( داتسون ) على طلبك .. غماره وحده .. ولونها أبيض .. مكيفه .. وكل شي تمام وش رايك ؟؟ يا ولدي .. قلت : ( والجلنط ) شغال ؟!! .. قال الوالد ( الجلنط ) أكيد شغال بس ليش تسأل عنه ؟ ( وأنا بلشت ) لا أبدا تعرف يبه بيتنا على دحديره شوي وتوقيف السياره ( خاصه الداتسون ) بالقير يضرها !! وصعب الواحد يحط حصا تحت الكفرات !! وبعدين مين يضمن .. نعم مين يضمن ؟ ما يجي بزر ويسحب الحصاه وتدحدر السياره ثم لا سمح الله تصدم ولا يبه ؟!!!! الوالد شكله ما اقتنع بهرجي لكنه طنش وقال يمكن !! السياره على العموم بكره تطلع .
ذاك اليوم كان أطول يوم بحياتي رحت من بكره المدرسه ومع بداية الدرس الثالث بدا المنسم يفحط .. أنا ضحكت وقلت بيني وبين نفسي هين والله لا خليك درجه ثانيه .. اصبر جالك نايف صوره طبق الأصل من ( شوماخر )
انتهى (المنسم ) من التفحيط وبدأت الأحاديث بالفسحه عن مستوى ( المنسم) اليوم أنا - طبعا – لغتي تغيرت ، أمس أمدح ودافع عنه لكن الوضع تغير ألحين صرت منافس له ومنافس قوي لا سيما أن سيارة ( المنسم ) وموضبه والجلنط يفوت قال واحد ها يانايف وش رايك تفحيط اليوم ؟ قلت : في العصر تشوفون الوجه الجديد .. الفتى الواعد .. الحصان الأسود ، بس لا أحد يعلم علشان المرور لا يجي يدور .. قالوا الشباب : من يا نايف ؟ قلت : تعالوا العصر ، والجواب – كما قال هارون ( المتوكل ) أو الرشيد – ما تشوف لا ما تسمع المهم أنتم عشره مدو رجائي لا يطلع الخبر !!!
الدراسه ذاك اليوم خلصت ؛ وأنا صاروخ للبيت علشان أشوف السياره الجسر السريع إلى عالم الشهره والرعب وصلت البيت وعند الباب الوالد المصون موقف " الداتسون" " المصون " قعد ادور حول السياره ودخلت (أنفي) من فتحة زجاجة الباب . والريحه ما هي ( خوش ) شكل راعيها الأول يدخن لكن بسيطه حبتين ( معمول ) من الوالده ونطيب السباره وينتهي الموضوع دخلت البيت وبهدوؤ وسمعت أبوي يقول للوالده : إسمعي يا أم نايف قدامك سنه كامله لا تطلبين مني شي سيارة الولد "شفطت " الرصيد كله . دخلت على الوالد و "سيده " لراسه وحبيته الوالد عطاني المفتاح وقال : لا أوصيك ترفق لا تهملك السرعه والطيران في التأني السلامه . قلت صدقت يا أبوي.
أخذت المفتاح وطلعت للسياره ،والحقيقه إن بطني يوجعني من كلام الوالد وحسيت عن ضميري ما هو مرتاح لكن قلت يا ولد غلطه بسيطه وتخليك مشهور وبعدين تعقل ويادار ما دخليك شر ، ذاك اليوم أذان العصر تأخر عن العاده أول ما أذن رحت أصلي طلعت من المسجد سيده على السياره وشغلت الداتسون وللمدرسه .. وكل ما أقرب للمدرسه نبضات فلبي تدق بقوه .. والعرق بدا ينزل لكن قلت : يا ولد هين هذي يمكن نبضات وعرق الفرح !! وقبل آخر لفه للمدرسه تلطمت وتمسكت لأني مقرر على طول تفحيط مع أول الشارع .. وفعلا يا شباب نايف يجدع السياره يمين .. ثم شمال .. ثم يمين .. ثم شمال .. والعلم بدت تصفك إنتهى الشارع وقفت أخذت نفس .. قال واحد : ثانيه يا راعي "الداتسون" .
قلت بسيطه وانطلقت وجدعت السياره يمين .. ثم شمال .. ثم يمين .. وشكلي دخلت برمل خفيف مع الاسفلت يوم جبتها شمال وهي تطول شمال ..ثم شمال ..ثم رصيف .. ثم تعلق بحوض الشجر نزلت من السياره قال واحد أوووه الغشيم !! وثاني يقول : إذ صار الواحد عنز بالتفحيط لا يقربنا !!؟ أنا الحقيقه تفشلت من الشباب وخايف من المرور وبلشت الوالد وحالتي حاله قلت لبعض الشباب المعاونه شدوا حيلكم نطلع السياره حاولنا حاولنا ما في فايده نزلت العفريته وبديت أرفعها .. أصوات بافي شلت التفحيط إختفت والشباب إللي حولي إنصوا علي واحد واحد وأنا أرفع السياره ووجهي أحمر سمعت سياره وقفت وجحدتها سمعت إثنين إنزلو واقبلو علي وقلت : هذي قوى الرجال وأنا أرفع العفريته شفت واحد وقف فوقي وعليه " كنادر " وبنطلون قلت : هندي ؟!؟!
يالله كل شي ينفع روح صديق جيب حصى كبير .. الرجال واقف قلت : سرعه صديق سياره يطلع إنتا .. الرجال واقف .
رفعت راسي وطاحت عيوني على ثلاثة أشرطه ورفعت زود واثري الدعوه عسكري حرارته على " الإتش " قلت وانا اتضيحك واشفط " خشمي " معليش قال بعد الحبس اسبوع وخمسين عصا يحمرن ظهرك قل معليش قلت إيه بس عندي باكر واجب رياضيات مهم وعلي الفطور وعلي ألقي كلمه بلإذاعه لا وبالليل خالتي عازمه أمي وضروري أوصلها يرضيك عاد يا خوي يرضيك أعق أمي .. يرضيك .
عاد العسكري رفعني من آذاني وسيده بشلوت في "اللومينا" ومشى فيه ناس بيوتهم باك الشارع وهم يتفرجون من البيت قال واحد : وين رايحين لسوق الحمام إن شاء الله !!
وثاني قال : بعد اسبوع الوعد هنا يا نايف الخبل !! قلت الشره علي ميب عليكم .. قال العسكري : من تكلم قلت الجمهور .. لك الكرامه .. وفعلا اسبوع حبس + خمسبن عصا يا نايف = نايف العاقل.
وسلامتكم
تحياتي
أبوماجد
بقي الآن يا شباب ثلث ساعه على نهاية الحصة السابقه حنا والمدرس (طافين) والعاده إن مثل هالوقت نبدأ تجميع الدروس وفرش (السجاجيد) ثم حزم الدروس وبعدين الزحف!
أخوكم نايف جمع الكتب وحزم السجاده ودق (اللطمه) وراح يهوجس بالتفحيط .. المدرس يشرح وطبلونه قاضي .. ومو فاضي يصحي وليد من النوم .. وياسر خليه ينتبه .. ونايف يفك اللطمه !
أنا طبعا غرقان بالتفحيط ومن شدة الحماس حطيت يدي على الدروس وبديت ألف بهن يمين وشمال .. وتخيلت روحي على السياره أسرعت وأنا أفحط وفحط وإنتهى الشارع بـ(T) إلى هنا المشهد خيالي وصامت .. لكني سحبت الجلنط وصار المشهد خياليا فقط لأني رفعت صوتي وجبت صوت الجلنط ( أووع ) المدرس والطلاب كلهم إلتفتو علي قالي المدرس نايف عمى .. إنجنيت ؟! قال طالب لا يا إستاذ بس الفصل أمس زايرين مزارع (المراعي) ونايف إخذت عقله البقره وشكله يفكر فيها ويتوارد معها الخواطر !!
قال طالب ثاني من تحت النافذه لا يا إستاذ نايف شكله بدا ينسم !!
وبعدها ضحك واحد من ( تشليح ) الفصل ورمى كلمه للي يفهما يقول : وخاف نايف يصير صوت قال لنفسه صوت يغطي صوت !!!! بعض الطلاب ضحكوا والمدرس منطق خلقه ولا فهم شي وقال : خلاص يا شباب ضفوا دروسكم علشان تضفون وجيهكم بعد شوي !!
أنا يا نايف طبعا ما جبت خبر أحد كل همي متى أصل البيت وأجزم على السياره إللي وعدني أبوي فيها وهناك يتحقق الحلم وبدل ما تسمى سياره ( داتسون) تصير سيارة ( المطرطع ) سائق لا يهاب الموت !! ولا حتى الشرطه !! وخالي ما راح يدري .. أكيد !!
وصلت البيت .. رميت الدروس كني زعلان قالت الوالده نايف تعال كل الغدا مع أبوك قلت ما أبغى غدا.. قالت ليش : أكيد مثل العاده آكل (سنكرز) قلت أي سنكرز يا أم نايف أنا يمه أبي سياره وأبوي له سنه واعدني !
قالت اليوم الصبح أبوك يقول :نايف صار رجال وأبي أشتري له سياره .. أنا علطول ضحكت ( نقزت ) للوالد حبيت راسه وقلت صبحك الله لا مساك الله لا ظهرك .. تدري السلام عليكم ورحمة الله وبركاته يا أبي قال الوالد : وعليكم السلام وش القصه جاك خبر إني اليوم في معارض السيارات أدور لك قلت لا يبه بس قلبي وأنا منتبه مع الدرس قالي :والقلوب شوارع أقصد شواهد . قالي الوالد .. سيارة ( داتسون ) على طلبك .. غماره وحده .. ولونها أبيض .. مكيفه .. وكل شي تمام وش رايك ؟؟ يا ولدي .. قلت : ( والجلنط ) شغال ؟!! .. قال الوالد ( الجلنط ) أكيد شغال بس ليش تسأل عنه ؟ ( وأنا بلشت ) لا أبدا تعرف يبه بيتنا على دحديره شوي وتوقيف السياره ( خاصه الداتسون ) بالقير يضرها !! وصعب الواحد يحط حصا تحت الكفرات !! وبعدين مين يضمن .. نعم مين يضمن ؟ ما يجي بزر ويسحب الحصاه وتدحدر السياره ثم لا سمح الله تصدم ولا يبه ؟!!!! الوالد شكله ما اقتنع بهرجي لكنه طنش وقال يمكن !! السياره على العموم بكره تطلع .
ذاك اليوم كان أطول يوم بحياتي رحت من بكره المدرسه ومع بداية الدرس الثالث بدا المنسم يفحط .. أنا ضحكت وقلت بيني وبين نفسي هين والله لا خليك درجه ثانيه .. اصبر جالك نايف صوره طبق الأصل من ( شوماخر )
انتهى (المنسم ) من التفحيط وبدأت الأحاديث بالفسحه عن مستوى ( المنسم) اليوم أنا - طبعا – لغتي تغيرت ، أمس أمدح ودافع عنه لكن الوضع تغير ألحين صرت منافس له ومنافس قوي لا سيما أن سيارة ( المنسم ) وموضبه والجلنط يفوت قال واحد ها يانايف وش رايك تفحيط اليوم ؟ قلت : في العصر تشوفون الوجه الجديد .. الفتى الواعد .. الحصان الأسود ، بس لا أحد يعلم علشان المرور لا يجي يدور .. قالوا الشباب : من يا نايف ؟ قلت : تعالوا العصر ، والجواب – كما قال هارون ( المتوكل ) أو الرشيد – ما تشوف لا ما تسمع المهم أنتم عشره مدو رجائي لا يطلع الخبر !!!
الدراسه ذاك اليوم خلصت ؛ وأنا صاروخ للبيت علشان أشوف السياره الجسر السريع إلى عالم الشهره والرعب وصلت البيت وعند الباب الوالد المصون موقف " الداتسون" " المصون " قعد ادور حول السياره ودخلت (أنفي) من فتحة زجاجة الباب . والريحه ما هي ( خوش ) شكل راعيها الأول يدخن لكن بسيطه حبتين ( معمول ) من الوالده ونطيب السباره وينتهي الموضوع دخلت البيت وبهدوؤ وسمعت أبوي يقول للوالده : إسمعي يا أم نايف قدامك سنه كامله لا تطلبين مني شي سيارة الولد "شفطت " الرصيد كله . دخلت على الوالد و "سيده " لراسه وحبيته الوالد عطاني المفتاح وقال : لا أوصيك ترفق لا تهملك السرعه والطيران في التأني السلامه . قلت صدقت يا أبوي.
أخذت المفتاح وطلعت للسياره ،والحقيقه إن بطني يوجعني من كلام الوالد وحسيت عن ضميري ما هو مرتاح لكن قلت يا ولد غلطه بسيطه وتخليك مشهور وبعدين تعقل ويادار ما دخليك شر ، ذاك اليوم أذان العصر تأخر عن العاده أول ما أذن رحت أصلي طلعت من المسجد سيده على السياره وشغلت الداتسون وللمدرسه .. وكل ما أقرب للمدرسه نبضات فلبي تدق بقوه .. والعرق بدا ينزل لكن قلت : يا ولد هين هذي يمكن نبضات وعرق الفرح !! وقبل آخر لفه للمدرسه تلطمت وتمسكت لأني مقرر على طول تفحيط مع أول الشارع .. وفعلا يا شباب نايف يجدع السياره يمين .. ثم شمال .. ثم يمين .. ثم شمال .. والعلم بدت تصفك إنتهى الشارع وقفت أخذت نفس .. قال واحد : ثانيه يا راعي "الداتسون" .
قلت بسيطه وانطلقت وجدعت السياره يمين .. ثم شمال .. ثم يمين .. وشكلي دخلت برمل خفيف مع الاسفلت يوم جبتها شمال وهي تطول شمال ..ثم شمال ..ثم رصيف .. ثم تعلق بحوض الشجر نزلت من السياره قال واحد أوووه الغشيم !! وثاني يقول : إذ صار الواحد عنز بالتفحيط لا يقربنا !!؟ أنا الحقيقه تفشلت من الشباب وخايف من المرور وبلشت الوالد وحالتي حاله قلت لبعض الشباب المعاونه شدوا حيلكم نطلع السياره حاولنا حاولنا ما في فايده نزلت العفريته وبديت أرفعها .. أصوات بافي شلت التفحيط إختفت والشباب إللي حولي إنصوا علي واحد واحد وأنا أرفع السياره ووجهي أحمر سمعت سياره وقفت وجحدتها سمعت إثنين إنزلو واقبلو علي وقلت : هذي قوى الرجال وأنا أرفع العفريته شفت واحد وقف فوقي وعليه " كنادر " وبنطلون قلت : هندي ؟!؟!
يالله كل شي ينفع روح صديق جيب حصى كبير .. الرجال واقف قلت : سرعه صديق سياره يطلع إنتا .. الرجال واقف .
رفعت راسي وطاحت عيوني على ثلاثة أشرطه ورفعت زود واثري الدعوه عسكري حرارته على " الإتش " قلت وانا اتضيحك واشفط " خشمي " معليش قال بعد الحبس اسبوع وخمسين عصا يحمرن ظهرك قل معليش قلت إيه بس عندي باكر واجب رياضيات مهم وعلي الفطور وعلي ألقي كلمه بلإذاعه لا وبالليل خالتي عازمه أمي وضروري أوصلها يرضيك عاد يا خوي يرضيك أعق أمي .. يرضيك .
عاد العسكري رفعني من آذاني وسيده بشلوت في "اللومينا" ومشى فيه ناس بيوتهم باك الشارع وهم يتفرجون من البيت قال واحد : وين رايحين لسوق الحمام إن شاء الله !!
وثاني قال : بعد اسبوع الوعد هنا يا نايف الخبل !! قلت الشره علي ميب عليكم .. قال العسكري : من تكلم قلت الجمهور .. لك الكرامه .. وفعلا اسبوع حبس + خمسبن عصا يا نايف = نايف العاقل.
وسلامتكم
تحياتي
أبوماجد