الانجليز يستهزون با المنتخب السعودي ,, ويعتبرونه فريق فاشل [الأرشيف]

مشاهدة النسخة كاملة : الانجليز يستهزون با المنتخب السعودي ,, ويعتبرونه فريق فاشل

هلالي من ذهب

6/6/2006, 12:01

المنتدى الخاص برابطة مشجعين المنتخب الانجليزي

يقولون ان المنتخب السعودي من اضعف الفرق وفريق سهل جداً بجانب ترنيدا وتوباجو :slv:

ويتوقعون فوز تونس على السعودية 4-1

المهم انا سجلت في المنتدى وانتظر تتفعل العضوية علشان ارد عليهم هالخنازير :slv: :slv:

وياليت اللي واحد من الشباب يعطيني روابط مقاطع ومهارات مباراة السعودية وانجلترا عام 98 في ومبلي .......

=====================

الكره الان في مرمى لاهبين المنتخب لا باكيتا ولا سلطان ولا نواف

اتمنى من اللاعبين ان يحسو بان الجميع يترقب مشاركتهم والجميع يدعمهم بداية من الملك عبدالله والدعم الي قدمه للمنتخب من مبالغ ماليه وطائرة خاصه وووو

عاشق العثرات

6/6/2006, 12:26

يارجال .. من زين منتخبنا .. بس وش نسوي لازم نشجعه ..

http://www.alhilalclub.com/vb/showthread.php?t=1130

مــــوعــــود

6/6/2006, 12:34

ماقصــروا الشبــاب معــك..
بالإضــافه الى ذلك

مهارات الدعيـع امام المنتخب الإنجليزي (http://alhilalclub.com/ngl2/aldaieeskills.rm)

العيناويه

6/6/2006, 12:41

انجليز والا عرب يستهزون

اذا انجليز ماخلو حد الا واعتبروه فاشل .. :jeng:

واذا عرب :ignor:

محمد الهلالي

6/6/2006, 12:44

مثل ماقال عاشق الله من زين المنتخب الحين مو فاشل :d:

لكن اذا المنتدى اجنبي هات :rolleyes:

واذا عربي مانيش عوزوه :jhgy:

o0o زراق o0o

6/6/2006, 12:52

الرد عليهم بيكون في الملعب :angel:

الملك العائد

6/6/2006, 12:54

وهم ماكذبو من زين المنتخب

السرب الازرق

6/6/2006, 13:02

هلابك :)
تفضل هذي ابداعات الاسد محمد ضد انجلترا

http://www.alhilalclub.com/site/modules.php?name=Downloads&d_op=getit&lid=342

تحياتي

السرب الازرق

6/6/2006, 13:04

بس ياليت تحط رابط المنتدى عشان نشوفهم وش يقولون
تحياتي

وردة الهلال

6/6/2006, 13:36

و الله اني اقوله و انا اشوف برنامج ساعة مونديال ..!!

يالله لك الحمد و الشكر .. أسبانيا ما تسوى و تونس سهل و اوكرانيا بس علشان عيون شفشنكو ..!!!

يا ربي وش هالبلوى لو مرة خلونا نطلع ناس عاقلين قدام العالم ..

و الله اني استغرب ما حطوها طرائف من طرائف كأس العالم ..؟؟؟

مشجعي المنتخب السعودي يرشحون منتخبهم لكأس العالم .. و اذا به يأكل ثمانية محترمة .....,,

عموماً ما يمنع نبحث عن احترامنا و نخليهم يحترمونا غصب اذا مو علشان منتخبنا علشان نحن كأشخاص احنا شيووووووخ :d:

من حقك تدافع عن المنتخب و تدفع الاساءات .. بس بشويش لا تنزلق مزالق القناة الرياضية ..!!! :fghty:

أبـوكـــادي

6/6/2006, 13:45

هم صادقين !!
لكن قلهم من زين منتخبكم .. حدكم دور الـ 16 هذا اذا فلحتوا .

أحــب الـشـلـ 10 ـهـوب

6/6/2006, 13:51

يارجال .. من زين منتخبنا .. بس وش نسوي لازم نشجعه ..

http://www.alhilalclub.com/vb/showthread.php?t=1130

ما ازيد شي سامي :love: والباقي اسامي :yes:

هلالي من ذهب

6/6/2006, 14:01

المنتدى انجليزي وهو خاص بمشجعين المنتخب الانجليزي

http://www.thefootballforum.net/forums/index.php?showforum=123

هذا الرابط شبو عليهم لابوهم لابو من جابهم

مرتاح احبك

6/6/2006, 15:07

طيب ...
وش مضيق صدرك وانا اخوك ؟
قريت الردود ... عادية جدا
توقعات بين تونس والسعودية ..الكل يجزم بفوز تونس بنتائج تتراوح بين الـ 1- 0 والـ 4 - 1
واحد قال ان تونس بتفوز على السعودية الضعيفة
وواحد استهزأ بالمباراة وقال انها المباراة اللي ينتظرها العالم كله :kany:
وواحد قال اتوقع السعودية راح تظهر افضل المرة هذي ..لكن تونس بتفوز :)
وفيه موضوعين تحت عن المباراتين الباقيات ..مع اسبانيا واوكرانيا
ونفس الشي توقعات بخسارة السعودية
وهذا شي طبيعي .. لو انت منت سعودي وتشوف فريق مصفوق 8 البطولة اللي راحت .. وش تبي تتوقع له ؟؟

الحين رح مثلا مجموعة انجلترا وباراجاوي والسويد وترنداد
هل تتوقع فيه احد في العالم بيتوقع فوز ترنداد في اي مباراة ؟ ما عدا مشجعين ترنداد انفسهم اللي تدخل يمكن العاطفة في أرائهم مثل ماتدخل حنا العاطفة في توقعاتنا :rolleyes: ....

ماهو معناتها اننا مافي امل نفوز ... لكن لو سألتني عن توقعي المنطقي راح اقول خسارة في كل المباريات ... لكن من متى كانت كرة القدم تحسم بالتوقعات والفرق المرشحة ؟؟؟
امامنا 90 دقيقة × 3 =270 دقيقة ؟؟؟ ادينا فيها زين وتوفقنا ..راح نخالف كل التوقعات ونفاجيء الجميع بمافيهم انفسنا !!! وراح يكون اكبر رد على مثل هؤلاء !!

ادينا اقل من خصومنا ولا توفقنا <== حتى لو كان ادائنا طيب ..راح نخسر وراح تكون خسائرنا منطقية بلنسبة للعالم ...لانه لايوجد اي ترشيحات لنا

ولو كنا بنسوي شي في كأس العالم فثق ثقة تامة ان من اهم اسباب النتائج او المستوى الجيد -لوتحققت - راح تكون الاستهتار من منافسينا .. والرغبة في اثبات الذات مننا !! <==مثل 94
فعشان كذا الكتابات اللي مثل هذي ماتضيق صدري .. لاننا لو فزنا راح يكون وقع الفوز اقوى ...لانه مفاجأة .... ولو خسرنا فما راح احد يستغرب ويستقعد لنا ,, لانها متوقعة
اما اننا نرد عليهم في المنتديات ونهايط ونسوي ازعاج ونجيب لقطات مباراة ودية راح عليها 8 سنين كاملة !!!( مع كامل انبهاري بلقطات الذيب والدعيع).. وحنا فريقنا "منطقيا" اقل من ازعاجنا ... فشكلها ماراح يكون حلو !!!

تحياتي للجميع :)

ابراهيم حقوي

6/6/2006, 16:49

الباش مهندس يوسف 15

6/6/2006, 17:00

عزالله انهم ماكذبوا :rolleyes:

أبوحمـــ15ـــــــــــد

6/6/2006, 17:01

صادزين .. منتخبنا أي كلام ..

بس أنا رافع ضغطي شي واحد في هالإنجليز .. إنهم معطين منتخبهم أكبر من حجمه بمراحل .. لدرجة أنهم يرشحونه ومأملين على كأس العالم !! (( وجه يناظر تسبريت ويقول اللهم لك الحمد :d: )) ..

جد يعني .. منتخب كويس بس لايمكن أرشحه لكأس العالم !!

الزعـيـم

6/6/2006, 17:18

بيني وبينـك هم ماقالوا شيء غلـط ..!!

طيب وش تقول عن اللي يقولون ان منتخب اكورانيا ضعيف ولافيه لاعب جيد سوى شيفـا ..؟

واللـه يستر من الجـاي ..

AlWaSsOuFy

6/6/2006, 17:33

هلا والله
اسمحلي اخوي اتكلم معك بصراحة

انت ياأحدي ثنتين ياغبي ولا تستغبي

وش ترد عليهم بلقطات قبل عشر سنين لا ترد ولا تسوي شي

تكفى عاد ان رديت عليهم يبيضحكون عليك

ابوعايد

6/6/2006, 18:06

ماعليك منهم انشاء الله نوصل الدور الــ16
وهم ماتعدوا الادوار التمهيديه

اتمنى تقفيل رابطة الانجليز

أبـوكـــادي

6/6/2006, 18:38

شاركت تحت معرف
Go brazil
وابرجع بعدين اشوف ردودهم

قلم مهاجر

6/6/2006, 19:56

المفروض منكم ياشباب دعم المنتخب اقل معدل بالكلام في المنتديات وكذا للاسف شاهدت كم واحد يقول منتخبنا فاااااشل منتخبا ماله مكان بكاس العالم منتخبنا ومنتخبنا.....يعني تحطيم حطموا المنتخب بكلامهم هذي مشكلتنا عندك الانجليز طيب وهم اكبر الاحتمالات دور ال16 ممكن يطلعون منه اذا ماطلعوا من الدور الاول مسويين لمنتخبهم دعم معنوي وحسي ومادي حتى المادي تدرون انهم يسوون تبرعات للاعبين ياعزيزي اللي نطلبه منك الدعم المعنوي للعيبه والكلام الزين عالمنتخب مانبي كلمة فاشل او مهزوم ان شاء الله الفوز حليف الاخضر ونصول ادوار متقدمه وزينه..
تقبلوا تحياتي

>>>>>>>يتوقع المنتخب بياخذ كاس العالم

saudiTEXAS

6/6/2006, 20:10

يا اخوان.. لا نصير حساسين اكثر من اللازم..

الانجليز صحيح انهم اكثر من خلق ربك مغرورين على وجه الارض..

لكن كلامهم واقعي ولا فيه تجني..

توقعات ان تونس بتفوز علينا حتى غير الانجليز قالوها..

منتخب ملبوخ بالثمانية والاربعة.. ولا فاز في اي مباراة تجريبية مع فرق اوروبية.. اكيد بيعتبرونه ضعيف..

اللي اقوله لا نصير حساسين ومثاليين ولا نبي احد يتكلم علينا او ينتقدنا..

العلم الان بيد اللاعبين والمنتخب حتى يردون على من ينتقد المنتخب ومن يستهزيء به..

وصدقني هالغربيين ما يسكتهم الا شي يشوفونه بعيونهم..

وباذن الله خلنا بس نتجاوز تونس.. وابشر بالسعد يابوذهب..

تحياتي من تكساس

عنيـــــد

6/6/2006, 20:58

http://www.elamakin.net/ramad/210.gif

يالله لك الحمد ..!!!

الحين بعضنا في المنتدى يقول اوكرانيا مثلها مثل اوزبكستان و نستهين بالفريق الاسباني و حتى تونس اللي لاعبيها مطلوبين من أعتى الأندية العالمية مثل الطرابلسي حاتم ،، و بعدها تزعلون ؟ :jhgy:

المشكلة لو انهم غلطانين كان نقول بسيطه لكن حتى الآن كلامهم عين الصواب و أتمنى المنتخب السعودي يغير الصوره الباهته و نقدم مستويات أفضل ،،

مشكلة المنتخب السعودي بجانب الضعف الفني هي أيضاً سرعة الإحباط و الإرتباك أمام الخصوم القوية ،، على سبيل المثال بعد ثمانية ألمانيا لعبنا مع الكاميرون و وقتها تلقى المنتخب دعم معنوي كبير من كافة مستويات الشعب و الحكومة و كان المستوى رهيب جداً ،، و مباراة إيرلندا لا نحكم عليها لأن المنتخب كان أصلاً فاقد الأمل ،،

و كذلك عندنا مشكلة كبيرة جداً و هي عدم وجود مدافعين أكفاء و كم تمنيت أن يجنس اللاعب تفاريس ،، فهذا المنتخب التونسي عنده لاعبين مجنسين و لا أحد تكلم عليهم ،، المهم التجنيس وفق حاجة المنتخب و كذلك دعوته للإسلام ،،

بالتوفيق للصقور ..

http://www.elamakin.net/ramad/220.gif

سعــــــــــ14ــــــــــود

6/6/2006, 23:20

معاااهم حق ,,,

بس ياريت يكون الرد في الملعب ,, وخير الكلام ماقل ودل ,,

تحياتي ,, ابو دانا 00

Portland

6/6/2006, 23:32

::[QUOTE=عاشق العثرات (يارجال .. من زين منتخبنا .. بس وش نسوي لازم نشجعه ..)

:d: :d: :d: :d:

نوااااااااف11

7/6/2006, 00:21

مب حنا نهزأ فرق شرق اسيا

ونقول انهم فاشلين

سمسم ياحبيبي منتخبنا الله يستر بس

لا يهلون السبحه :angel:

عيون زرقاء

7/6/2006, 00:37

لنكن واقعيين!!!!!!

منتخبنا لايقارن بالمنتخبات الاوربية القوية او المتوسطة المستوى او بالبرازيل اوالارجنتين مثلآ والسبب هو الفكر الاحترافي.

نحن ليس لدينا احتراف ميه بالميه بعكس الغرب.

منتخبنا رايح المانيا للمشاركة واذا حصل تأهل الى الدور الثاني او ابعد من ذلك فسنكون مسرورين ويعتبر ذلك انجازآ.

الانجليز هم من اخترعوا كرة القدم وليس فى تاريخهم غير بطولة 66 التي اقيمت فى ملعبهم حتى على الصعيد الاوروبي ليس لديهم انجاز.

نحن لدينا كأس العالم للناشئين وثلاث بطولات قارية يعني بلغة البطولات انجازاتنا افضل منهم.

دعهم يقولون مايقولون فهم لم يصلوا الى مستوى السامبا او الازوري اوالتانغو اوالمانيا او حتى الاورغواي التى لديها بطولتين لكأس العالم.

عاش منتخبنا الوطني اما الانجليز الى الجحيم.

أبو خليل حتى اوروبا عندهم صعيد :jhgy:

اتوقع منتخبنا بيقدم مستوى افضل من كأس العالم اللي راح.. بس مو مره يمكن ينهزم 7 :angel:

وإذا جينا للواقع شف دفاعنا واحكم على منتخبنا .. بيكون ممر سهل حتى لتوجو ..

بصراحه فيه ناس عندنا متشائمين مره او متفائلين مره مثل اخونا في الله واحد متصل امس على القناة الرياضيه يقول اتوقع النهائي بين السعوديه والبرازيل :d:

عـــهـــود

7/6/2006, 01:00

شاركت تحت معرف
Go brazil
وابرجع بعدين اشوف ردودهم

أنــــت قو برازيل

والله اني احسبه اجنبي قلت ياحليله يدعم المنتخب :jhgy:

راد عليك واحد يقول ..السعوديه بتفوز بكأس العالم :p

يستهبل على كلامك :angel:

الانجليز مشكلتهم الغرور..الظاهر متأثرين ببيكم

ان شاءالله نقدم مستوى ونفووز على تونس وبروح اشارك واقوول فورزااا سعووودي آريبا :angel:

عاشق العثرات

7/6/2006, 01:53

شاركت تحت معرف
Go brazil
وابرجع بعدين اشوف ردودهم

انت قو برازيل ؟..

وانا اقول وش هاللي جاي يدافع ..
والله ان كنه ينفخ في قربة مشقوقه .. :d:
بس ولو ردك حلو عليه .. :)

do you think you're funny
no this team won't win the world cup as the the england team. EnGLAND TEAM WILL BE STOPPED AS USUAL in the forth game.

this cup is between two or three team
1- Brazil
2- Argentina
3- Italy

:kany:

وردة الهلال

7/6/2006, 02:37

سووا هجوم و سجلوا في الموقع خلوهم يتمنون ما صار اليوم اللي حتسوا فيه عن السعودية ..هههههههههههههههههه

بعد الدفاع من قبل قو برازيل .. رد واحد يقول السعودية بطلة كأس العالم هههههههههههههههههههه تصدقون احسب ما يدق الا حنا ههههههههههههه

alkateb

7/6/2006, 05:56

يانا عيب انا فهمت شوي لاكني ما اعرف انجليزي زين ياشباب الي يعرف تكفووووووووووووووون يعطني جمله واسوي بها تصميم ويحطها توقعي هناك

samistuta

7/6/2006, 06:38

لابوهم لابو جدهم من زينهم اول ناس لعبوا كورة واول ناس طبقوا الاحتراف

ولافي رصيدهم الا كاس عالم وحدة لا وبالغش الهدف اللي احتسب لهم

وبعدين شرط ماتوصل في كاس العالم لادوار متقدمة حدهم دور الثمانية واذكركم

انجلترا زي اسبانيا عالميا وزي الاهلي محليا دايم يرشحونهم وهم خرابيط

فريقهم قوي ولكن ماهو فريق بطولات زي البرازيل المانيا الارجنتين هذي الفرق في اسوأ

مستوياتها توصل لادوار متقدمة وفي النهاية اقول لابوهم لابو كلب هالحمران

وراه يوم انه

7/6/2006, 07:02

ياخي فيه نااس في المنتدى تتكلم بعقل بعقل مع احترامي للجميع

وانا عارف ان اغلب السعوديين ماخذتهم العاطفه زياده شوي

بس انا احييك يا اخوي (مرتاح احبك ) :asno:

اهنيك على بعد نظرك ونظرتك للامر بنظره غير نظرة الشارع العام

ولك تحياتي :yes:

ولكم تحياتي :kany:

السعلو

7/6/2006, 07:13

السلام عليكم ..

اخوي هلالي من ذهب .. اول شي اعتقد ان الموضوع عادي جدا ولا فيه اي استهزاء بالمنتخب .. فكل عضو من اللي ردوا وضع توقعه بخصوص المباراة مع تعليق بسيط لا يعد كإستهزاء !! ..

لكن دعونا نتكلم بواقعيه شوي .. منتخبنا يصنف من الفرق الصغيره في كأس العالم .. ولو ان تصنيف المستويات في كأس العالم حسب مستوى المنتخب لأصبحنا بجانب تيرنداد وكوستاريكا وكوريا .. فهذا هو واقعنا ويجب ان نعيه ..

اما بالنسبه لنظرة العالم لنا .. انت قسها على نظرتك لنادي (( الدرك الجيبوتي )) كمثال .. بمعنى اخر كيف ستنظر لنادي سحقته بنتيجة كبيره في مباراة تصفيات في البطوله العربيه !! .. فماذا ستقول عندما يتقابل الدرك الجيبوتي مع نادي اخر معروف قليلا لكنه ضعيف كالميناء العراقي !! ..

اتمنى ان نقيس الأمور بعقلانيه اكثر .. فالسلاح الوحيد لمنتخبنا الوطني هو الدفاع المستميت بالاضافه لعنصر المفاجأه .. فلا نستطيع مجاراة فرق مجموعتنا على الأقل الا بطريقة الفرق الصغيره لأن منتخبنا للأسف من ضمنها ..

تحياتي للجميع ..

TTT

7/6/2006, 09:03

الـزعــيــم
:d:

البركان الأزرق

7/6/2006, 10:33

والله بيني وبينك صح طقتني الحمية بس ذا الصدز وش نسوي نتسذب مثلاً ؟! :angel:

الكورة في ملعب منتخبنا يلعب كويس ويسكت اللي يتريقون عليه كذا شغل مزبوط اما الطهبلة الاعلامية والمنتخب بيتأهل وبيصقع تونس برياعيه ! ويهزأ اوكرانيا !!!

ويفوز على اسبانيا !!

صار كرتون كابتن ماجد ذا مهوب منتخب ! :q:

وقفة معنوية وشدة حيل وتكتيك صح من قبلنا ودفاع منظم صدقني لو المنتخب يلعب مع باكيتا زي مالعب الهلال مع باكيتا راح تكون له كلمة قوية في مجموعته وممكن يغير نظرة العالم لنا :)

ع الاقل نخسر بشرف ونحس فعلا اننا نلعب كورة .

أخو دلال

7/6/2006, 12:15

بيق سلام من أخو دلال :)

أنا مع أخوي السعلو تماما فيما ذكر.. فمنتخبنا يصنف حاليامن أضعف المنتخبات المشاركة بكاس العالم.. وكثير من منجزات منتخبنا على الصعيدين العربي والاسيوي والخليجي ليست لقوة المنتخب بل لضعف المنافسات على هذه الأصعدة.. دعونا نفترض جدلا أن المنتخب السعودي يلعب في كأس أمم أفريقيا بدلا من كأس آسيا؛ هل تعتقدون أنه سيحقق البطولات أمام الكاميرون ونيجيريا وغانا ومصر والمغرب وغيرها من الدول الأفريقية القوية جدا ..

عموما اعترافنا بضعف منتخبنا ليس سخرية منه أو عدم حب له أو قلة ولاء له لكنها الحقيقة التي تفرض نفسها متى نحينا العاطفة جانبا ;)

البركان..

ع الاقل نخسر بشرف ونحس فعلا اننا نلعب كورة .

سوري البركان.. بس هل لازال لنغمة "الخسارة بشرف" وجود :req: :req: الخسارة بكل وجوهها هي الخسارة.. سواء كانت بواحد صفر أو بثمانية صفر.. الطموح لا يرضى بالخسارة أيا كان مصدرها و أيا كانت نتيجتها :)

وبيق سلام من أخو دلال مرة ثانية :)

البركان الأزرق

7/6/2006, 13:25

هلا اكو دلال :angel:

صح الخسارة مرة بكل حالاته

وانا متفائلة بس مش لدرقة اننا نفوز على تونس واسبانيا واوكرانيا !!!!

:eek: :eek: :eek:

بشووويش حتى الطموح له اداب :angel: :angel:

وبالنسبة للخسارة يس
في خسارة بشرف وفيه خسارة وذ اوت شرف،

يعني مثال وماتروحش بعيد حنا خسرنا من الكاميرون بالمونديال اللي فات بشرف قدمنا مستوى حاولنا اجتهدنا تحركنا وانتشرنا كويس في الملعب سددنا وضيعنا فرررص تحمسنا ,

خسرنا صح ؛

لكن خسرنا بشرف وحسيت ان عندك لعيبه صح تعرف تلعب :yes:

لكن بمبارة المانيا وجيهنا صارت اصغر من ذي . :slv: :slv:

فرق كبير وانا اختك لما تشوف فريقك باذل جهد ومتكتك ومتحرك وينهزم لانه ماتوفق او لانه كتبة ربك او عشان الفريق المنافس قوي وبين انك تلعب ولا اخس فريق حواري !! :slv:

يعني تقدر تقول بالمرة الاولى عملت اللي عليك وربنا ماوفئش ولكن الثانية مالك عذر ابد ابد (himo)

وهذا مايسمى خسارة بشرف وبدون شرف زي خسارة الهلال من الشباب كانت مؤلمة وماخلتني اكمل المباراة :( لاننا خسرنا بدون شرف وخسرنا بشرف قدام الاتحاد في المباراة السينمائية ام بدل بدل ضايع >> :slv: :slv:

هذا الفرق وانا اختك بصورتين هلالية وسعودية وياليت اكون وصلت لك اللي أبي :)

هذا مختصر لاني مابغيت اطول :angel:

تحياتي للجميـع .

عاشق الريم الهلالي

7/6/2006, 13:42

اقول عطوهم ورهم تسحيب سامي فيهم هههههههههههه

يعرفون ان لله حق

تحياتي ,,