إرضاء بالنصيب(بنات وشباب السعوديه)إرضاء بالحبيب

[Full Moon]

السلام عليكم ورحمة الله وبركاته....
---------------------------
بما انه ما فيه غير المنتديات والنت تجمعنا مع بعض إحنا بنات وشباب السعودية....:o

فليه ما نحاول نناقش مع بعض قضايانا ونستفيد من وجودنا مع بعض ونحاول نقرب وجهات النظر المتباعدة....(himo)

ونتحاور بأسلوب اخوي بدون ما نضايق احد من إخوانا وأخواتنا و بدون أي زعل....;)

وحبيت نبدي بموضوع عدم الرضاء....

فلا البنت راضيه بحالها ولا الولد راضي بحاله....:cry:

ففيه بنات يقولوا إنهم مظلومين ومو مأخذين حقوقهم وإن الشباب السعودي موفر له كل حاجه واللي يبغون يسونه يسونه بدون ما احد يراقبهم أو يحاسبهم على الحجات اللي يسويها سواء كانت صح أو خطأ....:ignor:

وإنهم يسوون الخطأ وما يعيبهم أبدا بعكس البنت لو تخطي تنقلب الدنيا فوق تحت.... :jeng:

ويمكن يكون الكلام هذا فعلا حقيقة ويمكن يكون لا....:confused:


وبالنسبة للشباب السعودي عندهم عقدة عائلات...

وبهذي معهم حق لأنه كل الدنيا صارت محرم فحتى الولد لما يروح لمكان عائلات يقولوا له ما معك عائله..

وكن العائلة هي المحرم يعني البنت محرم الولد ونفس الشيء البنت ما تدخل مطعم أو كوفي لحالها بدون عائله..

يعني لازم محرم بس مسكين اللي ماله عائله يهاجر اصرف له....:angel:

وأيضاً الشباب يشوفوا إن البنات مد لعات وكل الأماكن يدخلوها وهذي والله مو صدق مو مسموح لنا إلا بالسوق...

و لو الأمر بيدهم منعونا منه....:jhgy:

أتمنى اعرف وجهة نظركم بها لموضوع وهل كل واحد فيكم راضي بحاله ؟؟ ووش اللي تبيه يحقق لك؟؟؟

وحبيت أقول حاجه بنهاية الموضوع..

ليه بعض الشباب السعودي لما يشوف أي بنت تمشي لحالها بدون ما يكون معها أخوها أو زوجها أو أبوها أو أي رجال يحس إنها ملكه وإنها طالعه من بيتها على شأن سواد عيونه وإنها تدوره وتبيه؟؟؟؟

ليه ما يعاملها بها لوقت كأنها وحده من أخواته ولا ياذيها ولا يضايقها؟؟؟

وخاصة انه يمكن تتعرض أخته أو زوجتها أو أمه أو بنته لنفس الشيء اللي راح يسويه ضد ها لبنت....

وليه ما يفكر بالموضوع قبل ما يسوي أي شي ؟؟؟

ويمكن تكون ها لبنت ما عندها إخوان أو إخوانها متزوجين ومالها أبو...:(

فها لحالة من وين تجيب واحد يطلع معها؟؟؟

فيا ليت كل بنت وكل ولد يفكر بكل اللي حوليه قبل ما يسوي أي شيء...:hgfd:


تحياتي...
شمس الغنيه...

[ماروكو]

موضوع مهم جدااااااااااااا :eek:

اممممممممم :req: انا الحمد لله راضيه بنفسي صحيح ان للعيال الحريه الاكثر بحكم انهم عيال :mad: بس هذا مايعني انهم ياخذون راحتهم ويسوون اللي يبونه بدون حسيب ولا رقيب :lkj:

وانا اشوف ان لو كل واحد من الشباب محترم نفسه ومحترم غيره من أووووول كان ماصار فيه شئ اسمه عوائل :cool:
بس حركاتهم اللي مالها داعي هي اللي مخربه عليهم والا :confused:

ليه ما يعاملها بها لوقت كأنها وحده من أخواته ولا ياذيها ولا يضايقها؟؟؟
الحين البنت اللي طالعه مع ابوها والا اخوها ماسلمت منهم وشلون وهي لحالها :noo:


موضوعك حلو ومهم :nrey: وشكله فيه شد شوش وارواج بتطاير (rambo)

:angel: :angel:

[المتميز]

هلا ياشمس الغنيه ....

بالنسبه لي انا , فالحمدالله مبسوط ومتشقق وراضي بالحال ....

وبالنسبه للي اذا شافوه حرمه وطاردوا وراها كانهم فيران تجارب هذولي الله بيعاقبهم عاجل غير اجل ....

وبالنسبه لعقدة العوايل صدقتي :jhgy: :jhgy: :jhgy:

[السجين بتهمة حب الهلال]

اهلين نجوى كرم..اقصد شمس الغنية:angel:


من جد موضوع متميز وروعه....وراح اناقشه جزء جزء

من ناحية حقوقنا حنا الشباب فأقدر اقولك انا ولله الحمد ماخذينها على اكمل وجه..يمكن يكون فيه اشياء ناقصة وماتتوفر لكل شاب وهذا بطبيعة اختلاف الظروف المادية من شاب لاخر....
وبالنسبة لدخول الشباب في محلات العوايل..فلا احد يزعل مني..فيه شباب مايسوى اللي (برجلك) الله يكرم القاريين للموضوع..عشان كذا الافضل عدم دخول الشباب للاماكن المخصصة للعائلات:hgfd:

اما قضية البنات...وعن ان الشاب لما يشوف البنت تمشي لحالها ويتعرض لها فصدقيني وش ترجين من شاب شاف بنت لابسة عبايه مخصره ومطلعه احلى اجزاء جسمها وريحة عطرها تصرع اللي على بعد 200 كيلو من ريحة العطر..والضحكات اللي تطلقها البنت وتعلي صوتها ....وش تبين يقول اجل الشاب عن البنت هذي...متحررة:hgfd:
بصراحه البنات السبب الرئيسي في المشكلة...لو كل بنت عقلت وتركت عنها اللي تسويه بنفسها يوم تطلع ..ولا كنها رايح عرس
:angel: كان الشاب ارتاح واراح

ففيه بنات يقولوا إنهم مظلومين ومو مأخذين حقوقهم وإن الشباب السعودي موفر له كل حاجه واللي يبغون يسونه يسونه بدون ما احد يراقبهم أو يحاسبهم على الحجات اللي يسويها سواء كانت صح أو خطأ.... في هذي كلامك صحيح ميه بالميه....وليت المجتمع يغير افكاره من ناحية الشاب والبنت...لأن الولد فضيحته بجيبه والبنت فضيحتها بجلاجل...ولكن ان دل هذا فيدل على علو مكانة المراة العفيفة لدى المجتمع السعود


*************************************
الحين البنت اللي طالعه مع ابوها والا اخوها ماسلمت منهم وشلون وهي لحالها مع احترامي للأخت ماروكو..اللي خواته يتحرشون فيهم ناس وهو معهم..ما هو رجال ولاهو قد المسئولية..او يمكن يكون (ديوث)مع عدم احترامي لعينات مثله

تحياتي لك اختي شمس الغنية.........:amle: رغم ان الموضوع استفزني كثير:guns:

[ماروكو]

اخوي السجين انا معاك بهذي ان بعض الرجال يكونون (ديوثين) بس:o اعرفلك بنات شباب تحرشوا فيهم ومعاهم ابوهم بالسياره :eek: نزل عليهم بالرشاش :guns: ماتشوف الا غبرتهم :angel: :angel:

وبعدين انا قلت كذا مو لمسألة ان الاب او الاخ يغير والا مايغير لا انا اقصد ان مافيه احترام من الشباب للي مع البنات سواء كان ابوهم والا اخوهم
يعني شباب واطيين ومنحطين :ignor:


اما البنات راعيات العبايات المخصره يبيلهم موضوع بحاله :yuupy: يالله لاتبلانا :noo:

[السجين بتهمة حب الهلال]

ماركو........

هذولا قلة من الشباب لاتذكر:nrey: لكن الاكثرية يتحرشون بالبنت صاحبات العبايات المخصرة والعطور الفرنسية :nrey:

على العموم اختلاف وجهات النظر لايغير رأيي في ان البنت هي سبب انحرافات الشباب وبس..ويكفي حديث الرسول صلى الله عليه وسلم (اكثر اهل النار النساء) ..........

مع السلامه ماركو........والله يحفظك ان شالله دووووم من براثن الفساد:)

[جـــلال]

وبالنسبه للي اذا شافوه حرمه وطاردوا وراها كانهم فيران تجارب هذولي الله بيعاقبهم عاجل غير اجل ,,

الحين أنت يالمتميز خليت فيران التجارب (عياره) مو مشكله لأنك قاعد تطامر ورى هالشاميات في سوريا وموب عاجبك الحال ولذلك المعذره شهادتك مرفوضه لأنك منت موجود عندنا هنا,,:mad:

ثانياً : اختي ماروكو موضوعك مهم لكن المسأله ماتتعدى كونها مسألة حشمه وأخلاق ,,

سؤال بسيط / البنت اذا كانت متستره ولا يظهر من مفاتنها شي وتمشي بكل أدب من بيجرؤ على أذيتها,,؟؟

لكن اللي نازله وغرضها النفسي هو مطارده الشباب لها تستاااااااااااااااهل مايجيها,,(rambo)

تحياتي لك,,

[السجين بتهمة حب الهلال]

ثانياً : اختي ماروكو موضوعك مهم لكن المسأله ماتتعدى كونها مسألة حشمه وأخلاق ,,


اخوي جلال الداج....صحيح انك فتوة المنتدى بعد هيمو.....(himo) لكن مايمنع انك بعض الاحيان تصير دلخ مثلنا :nrey: اجل وش دخل ماروكو...الموضوع لشمس الغنيه يا دجه(rambo)







تحياتي لك حبيبي:angel:

[ماروكو]

(اختي ماروكو موضوعك مهم ) :confused: :confused:

موضوعي :confused: :D :D :D

البنت اذا كانت متستره ولا يظهر من مفاتنها شي وتمشي بكل أدب من بيجرؤ على أذيتها

والله ان بعضكم مايدري وشيصيرخلوني ساكته بس :ignor: دنا بسمع بلاوي متلتله :qw:

[Full Moon]

هلاااا شباب وبنات...

اختي ماروكو..هلا بيك..

وربي يديم عليك الرضاء والسعاده...:cool:

ومن ناحية ان الشباب هم السبب في قضية العوائل صادقه..لكن حرام الحكم على الجميع على شان فئه قليله...

وبعدين وش ذنب البنت لما تروح لمطعم مثلاً ويقول لها السكرتي ممنوع عوائل ..أو وين المحرم..رغم انها لو تجي مع واحد من الشارع حتى لو السواق دخلت عادي..كأنهم يقولون للبنات دوروا لكم شباب تطلعون معهم...يعني البنت ماعندها اخوان ماعندها احد فاضي من المحارم حقينها من تطلع معه:confused:
ونفس الشيء لما يجي ولد محترم محترم نفسه واللي حوله ..يبي حاجه من السوق او اي مكان من اماكن العائلات ومو لاقي وحده من اخواته او امه فاضيه له...كيف يدبر عمره..

يعني حرام عليهم يحكمون على الجميع بالاعدام والقاتل شخص واحد ومعروف:(

وفعلاً فيه شباب مثل ماقلتي مايردهم شيء ابوك اخوك العائله كلها مايهم بيتحرش بيتحرش....:mad:

وياليت يكون النقاش بينك وبين السجين نقاش اخوي;)

وشكراً لك اختي..

---------------------------

هلا وغلا بالمتميز...منور...

وربي يسمع منك ويريحنا من هالشباب اللي مايخلون احد بحاله...

بس بجد انت راضي على كل شيء؟؟مافيه شيء يضايق في تعامل المجتمع معك كشاب سعودي ومن الرياض بالذات؟؟

بالقوه بطلع لك عله:D

وربي يديم عليك السعاده..ويزيدك اكثر..

وبالنسبه للعوائل كلنا نعاني منها لابنات ولا شباب بس الشباب اكثر...وادعي ربي يخلصنا من هالقضيه...

وشكراً لك اخوي..

---------------------------

اخوي السجين هلابك...

وبالنسبه للظروف الماديه..اعتقد فيه حاجات ماتقدر تحلها حتى لوكنتا تملك مال قارون..وفيه حاجات فعلاً تحتاج مال قارون...

وبالنسبه للعوائل هو افضل عدم دخولهم صحيح لكن فيه شباب حرام ينمنعون يعني مالهم ذنب باللي يسونه غيرهم..

اما العبايات والشباب فهذا يبي له موضوع لحاله...بس اللي يلبسون العبايات المخصره وعطور وضحك هذولي اصلاً غرضهم ناظروني ياشباب يعني هي تطلع بس تسوي عرض لجسمها وجمالها هذا اذا هي جميله...وربي لاتبلانا..زي مابليتهم...بس فيه شباب مايهمه وش انت لابسه عبايه مخصره او على الرأس اهم شي انك بنت...هذولي وش دواهم إلا..............
وبعدين وش تبي البنات يسون ماعاد يطلعون من بيوتهم على شان خاطر هالشباب اللي تقول ماعمرهم شافوا بنت...فيهم بقاحه مو في احد غيرهم..وربي ينجينا وياكم من النار قول آمين....

وبالنسبه للتفرقه بين البنت والولد....فبصراحه هذا مايدل على علو مكانة المرأه بالعكس يدل على نظرة المجتمع المتخلفه اتجاه البنت...

وشكراً لك اخوي على هالرد المتكامل...وربي يسعدك قول آمين:)
بس ليه استفزك الموضوع...انا مابي استفز احد ابي نتناقش بكل حب واخوه بدون زعل ولا استفزاز(himo)

-----------------------------------

اخوي جلال..هلا بك...

شوي شوي اخوي على المتميز حرام ماسوا شي غلط...ويكفينا منه موضوع أهل الرياض..;)

بعدين صادق كانهم فيران...والله

بس ممكن اعرف وش تعني بان المساله ماتتعدى كونها مسألة حشمه وأخلاق ؟؟

وبالنسبه للشباب زي ماقلت اول ماتفرق معهم.....وكل واحد عقله براسه ...:rolleyes:

بس ماقلتا لنا راضي بحالك ووضعك ؟؟

وشكراً لك اخوي...

-----------------------------

اخوي السجين ماتفرق انا وماروكو واحد عادي...
--------------------------------------


وشكراً كثير كثير لكم اخواني واخواتي..
ياليت نوصل لنتيجه من هالنقاش...وربي يسعدكم...

تحياتي..
شمس الغنيه..

[الذاهبه]

هلااااااا :)

والله انا راضيه اني بنيــــــــــــــــــــه :love: ومبسوطه بعد :magkiss:

صحيح ان مافيه حريه مثل الشباب :( بس الحمد الله عايشين ومبسوطين :cool:


الحمد الله اني بنوته ماطلعت شااااب مثل هالشباب الي مالين الارض هاشيف :angel:



مشكوره اختي شمس الغنيه على هالموضوع الحلو :yes:

[الشريان الازرق999]

موضوع مهم جدا جدا جدا ياشمس الغنية:yes:

انتظروا ردي المسكت والقاتل قريبا بكل تفاصيله لان الموضوع شدني بالمرررررررررررررررررررره تحملوا ردي الطويل القادم

تحياتي للجميع:yes:

[رهام(RGH)]

لان نحنا بنعاني من الشباب
كل مكان نشوفهم وهم رازين النظارات السود عند المدارس ياخي قرفانين حياتنا يلا خلص الدوام وهذا الرايق يكلمك ويش تبي
سلامات يابابا ودك تثفقيه بشنطه على ضبته
ولا في السوق ياخي ماشيه في حالي وادور عن البلوزه الي بكمل بها الطقم وهو انا رايي تاخذين هاذي:asno:
وفي احد طلب رايك
ولا السمعات حقت الجوال ولي راز الجوال هلاترى رقمي كذا وكذا
الحمد لله :noo:
امراض مستعصيه





مع تحيات الملاك رهام:angel:

[الضارب 11]

ماذا تريد المرأة ؟
لقد عني الإسلام بالمرأة منذ ساعة ولادتها حتى ساعة توديعها الحياة 0
كفل لها الإسلام التربية الصالحة من الأبوين تعرف أحكام دينها وتعليم ربها 0
أعطاها الإسلام وهي بنت بكر أن تختار زوجها كما يختارها زوجها0
جعل لها الإسلام حقوقاً وعليها واجبات 0
كفل لها الإسلام حقوقها منذ ولادتها حتى وفاتها سواء كانت بنتاً أو زوجة أو أماً
صان لها حقوقها باعتبارها اختاً أو قريبة0
باعتبارها إنسانا خلقه الله وعضواً من أعضاء المجتمع وعنصراً مهماً في بناء الأسرة0
ليس هناك تشريه أو قانون وضع المرأة في مكانها اللائق بها مثل ما وضعها الاسلام0
القضية ليست في أن تطلق الحرية للمرأة تسير على هواها وتنطلق في غريزتها وتفتن في أثمها وشهواتها0
ماذا تريد المرأة ؟
لقد عني الإسلام بالمرأة منذ ساعة ولادتها حتى ساعة توديعها الحياة 0
كفل لها الإسلام التربية الصالحة من الأبوين تعرف أحكام دينها وتعليم ربها 0
أعطاها الإسلام وهي بنت بكر أن تختار زوجها كما يختارها زوجها0
جعل لها الإسلام حقوقاً وعليها واجبات 0
كفل لها الإسلام حقوقها منذ ولادتها حتى وفاتها سواء كانت بنتاً أو زوجة أو أماً
صان لها حقوقها باعتبارها اختاً أو قريبة0
باعتبارها إنسانا خلقه الله وعضواً من أعضاء المجتمع وعنصراً مهماً في بناء الأسرة0
ليس هناك تشريه أو قانون وضع المرأة في مكانها اللائق بها مثل ما وضعها الاسلام0
القضية في تحديد مركز كل من الرجل والمرأة في الحياة0
المرأة لها كرامة ولها عرض ولها مال كما للرجل كفل الإسلام كل ذلك0
متى كانت المرأة في أي بيئة من بيئات الدنيا أو أي عالم من عوالم القانون والتشريع في هذا المستوى من التكريم 0
المرأة في الغرب تزني على عين زوجها ولا يملك أن يفعل شيئاً مادام ذلك برضاها والرجل يفعل ما يشاء ولا تستطيع امرأته أن تمنعه عن شهوته 0
أوجب الله على المرأة المسؤولية باعتبارها كائناً بشرياً فلها إذن في حدود طبيعتها أن تمارس الحق الإلهي الذي منحها إياه في جو من الطهر والإيمان 0
هل من حقوقها ما يمكنها من الخروج على الآداب والانطلاق والتقليد للغرب وما يؤدي إلى هدم الأسرة ،
هل تلتفت المرأة إلى أولئك الاباحيون أو المأجورون لإفساد الأمة بإفساد المرأة 0
هل تلتفت إلى من لا يعرف من الدين إلا يسيراً ولم يطلع على التعاليم الإسلامية ولم يفهم روح التشريع الاسلامي0
الإسلام يبيح لها أن تتعلم ويحفظ لها كرامتها ويعطيها سلطتها في التصرف بأموالها 0
الإسلام أباح لها تشترك في الأمور السياسية العامة كما بايعة المرآة النبي صلى الله عليه وسلم 0
إن الإسلام بما شرع من شرائع وما حد من حدود وما أمر به من أخلاق ينبغي أن يتصف بها المجتمع نساء ورجالاً قد مكن للمرأة أن تتبوأ المكانة اللائقة بها 0
في الختام أسأل الله ان يحفظنا من كيد الكائدين ودعاة الرذيلة 0
سدد الله خطاك وحفظك من كل سوى وأن تكوني عضواً نافعاً لدينك ووطنك انه سميع مجيب

[ابو الذهب]

فليه ما نحاول نناقش مع بعض قضايانا ونستفيد من وجودنا مع بعض ونحاول نقرب وجهات النظر المتباعدة....
والله انك صادقه ياوخيتى :yes:
بس وش نتناقش فيه :req:
انا عندى موضوع حساس ولا هوب جساس (rambo)
موضوع هو ليش ماتروح المدرسه للمدرسه بعد ماتصلح مكياجها لانها ضاهر
غير حضاريه وهى رايحه للبيت وقبل الظهر دابغتها الشمس وهى تنضف حوش الغنم :kany:
ماتشوفين معى ان ضرورى وجود هاتف جوال فى كل بيت :nrey:

[هلاليه بالفطره]

موضوع مهم جدا واتمنى تستمرو في الحديث فيه ,,

وانا راضيه عن حالي مع انه في نواقص في حقوق المراه :jhgy:
ومادري متى بنحصل عليها :jhgy:

وحبيت بس اعلق على اللي قاله " "سجيـــــــــــن ""


عن ان البنت هي السبب الاساسي في اللي يسويه الشباب ,, وانت حددت فئه من البنات ,, بس احب اقولك ترى حتى البنت اللي مو من هالنوع يلاحقون وراها من مكان لمكان ومتأذين من الشباب " مع تاكيدي ان البنات مو من هالنوع اللي ذكرته " يعني ويش تقول هنا ,, السبب من مين ,, من الشباب طبعا اللي عمرهم ماشافو خير في حياتهم ,, يعني كما فيه فئه من البنات عليهم الخطا واقع ,, بعد فيه شباب الخطا عليهم ,,

يعني في الجنسين هناك اغلاط ,, فالمطلوب من البنات يعرفو قيمة انفسهم ,, لانهم باللي يسووه مايعلي من قدرهم ابد بالعكس هم يرخصو انفسهم ,,
والمطلوب من الشباب يعقلو ويخلو عنهم الحركات ويبطلو عن مضايقة خلق الله في كل مكان ,,


وسلامتكم :cool:

[Full Moon]

هلااااااا..

شكراً لكم...اخواني واخواتي...

-----------------------
اهلين جود..
مشكوره كثير اختي..
وربي يسعدك ويوفقك..;)

----------------------

اخوي الشريان الازرق999..
انتظر ردك اخوي..
ومشكور..

----------------------

هلا اختي رهام..
قولي ربي يشفيهم ولايكثرهم والله لايبلانا..
ومشكوره..وربي يوفقك اختي..

----------------------
اهلين اخوي الضارب 11..
اعجبني ردك كثير..كثير
لكن انا ماعترضت عن وضع المرأه في الاسلام ابداً بالعكس اتشرف اني مسلمه وافتخر باسلامي...
واعتقد اني ناقشت الموضوع من ناحية الرجل والمرأه مو من ناحية المرأه بس..لكن سبحان الله دايم الامور تنقلب على راس البنت وتصير هي السبب بكلش..والله العالم ليه..
بعدين مافيه اي بنت سعوديه مسلمه بمعنى الكلمه وتخاف ربها محتجه على امر من الامور اللي فرضها الله علينا بالعكس المسلمة بحق وحقيق تخاف ربها وتطبق كل اللي امر فيه...
وبعدين اعتقد ان معاملة المرأه في الاسلام..تختلف كثير عن معاملتها في الوقت الحالي...
ففيه امور كثير ماتطبق مثل ماكانت تطبق في عهد الاسلام...
واقرب مثال ايام ماكان فيه رئاسه لتعليم البنات...من المفروض انه رئيستها حرمه...لانها اعلم بالبنات من اي رجل بالدنيا...لكن كانت تحت رئاسة رجل والاداره كلها رجاليه...على اي اساس يكلف رجل بامر يخص المرأه:o
هو صحيح وضعنا يختلف عن الوضع ايام الرسول صلى الله عليه وسلم وايام الصحابه لكن.....
وشكراً لك اخوي واتمنى من قلبي ان الله يوفقك..
--------------------------
اخوي ابو الذهب ..
بصراحه مو فاهمه ولاشي في ردك..
بس مشكور على العموم..
----------------------
اهلين اختي هلاليه بالفطره..
بالنسبه لحقوق المرأه اقري رد اخوي الضارب وتعرفين وش ناقصنا بس افقدي الامل انك تحصلينه...
وبالنسبه لقضية الشباب والبنات هذي قضيه مالها اخر....
ومشكوره اختي...وربي يوفقك ويسعدك..
-------------------------

وشكراً لكم كلكم...

واتمنى يوم اشوف الرجال يعترفون بان المرأه...مالها اي ذنب باللي يصير..
ويعترفون بذنبهم..


تحياتي..
شمس الغنيه..