ادخل وناقشنا بأمر حدث لك من طرائف الماضي(خلونا ننبسط ونطلع من عالم الكوره شوي)

[هلالي فوق السما عالي]

السلام عليكم


انا حبيت اني نستمتع بهاالموضوع بتطرق كل شي على شي طريف حدث له بالماضي او الحاضر

وانا بكون أول شخص :

انا في اولى بداياتي الدراسيه كنت بالابتدائي في ثاني ابتدائي والموقف هذا لن انساه ماحييت

المهم انا جالس في الفسحه ومعرفتي لطلاب ماهي قويه بس اصيح ابي :cry: ابوي ياخذني
ويطلعني من هنا بأسرع وقت المهم جلست بالفسحه محد معطيني وجه واحد يمر من جنبي يلعب

مع خويه يشطف والثاني ياكل وإلى آخره المهم انا كنت متربع وشوي مديت رجلي واللى اثنين

صعايده صغار واحد يركض ورى الثاني وانا ماانتبهت عليهم ويطيح واحد منهم اوووووه :fghty:

اول ماطاح جاني : انت عملت كدا ليه انتا وانتا وانا ماني عارف وش ارد عليه شوي تجيني شوته

من خويه ويصفقوني ذا الصعايده لما قلت بس وبعد أسبوع صار هم يركضون وانا وراهم

صرت خويهم :d:

[نوااااااااف11]

عليكم السلام

طرائف الماضي كثيره

ومافيه احلى من المطرسه ونت بأولى تحس انك

داخل عالم غريب والصيحه والمه :d:

اول ماسجلني الوالد مادريت اني ابروح كل يوم

بس اول يوم كان تحفه قمت الصبح ونا اتنافظ :q:

ورحت للمدرسه وكانوا المدرسين اشبه بالوحوش كل واحد معه خيزرانه :yuupy:

ونا جالس اتأمل فيهم و في جدران المدرسه والفصل وريحة المدرسه ياشينه :angel:

وكان معي ولد عمي يجسرني ساقط اربع سنين بأولى وعنده خبره :d:

كان دايم يقولي الفلكه والفلكه ونا مدري وش الفلكه لين

شفتهم رافعين رجول واحد في الساحه قال شف الفلكه

المهم صرنا شله انا ولد عمي ومعنا كم بزر :d:

[سومار]

وبعد أسبوع صار هم يركضون وانا وراهم

صرت خويهم :d: [/SIZE]

يعطيك العافية اخوي هلالي

اما هالجملة كانت مشبعة بكل معاني( الدلاخة) الطفولية :d:

صدق .. ليه اللي نتهاوش معهم كلها يومين ويصيرون اخويانا :d:

[نوااااااااف11]

8
8
هو ماقال لك علق على رده

عطنا من مواقفك الشنيعه ياسومار

[البركان الأزرق]

والله المواقف التي تتجلى فيها الدلاخه المبزريه تسثيرة لاتعد ولا تحصى :angel:

بس اخبر من اول كنا كل 3 دقايق ونص نتهاوش :jhgy:

على كل شي أتفه شي ولامننا تهاوشنا نبدا نناظر بعض بنظرات

ههههههههههه :d: :d:

مدري وش تبي يازعم اني محمقه واناظرتس باحتقار :angel:
لا ولا حركة شيلي كوعتس عن طاولتي ، :d:
وخري طرف مريولتس عن رجلي

لا يجي طرف دفترتس على الطاولة حقتي :angel:

شغل مبزررررره من قلب :d: :d:


وغيرها اكثر ولكن كان من ابرز المنغصات الحراشة اللي هوالتفتين زي ماكنا نقول
>> لا وكان مثلنا المفض الفتنة اشد من القتل بلا والله من الكماااخه :d: :d:

المشكلة تجي البنت تصير صديقتي ياعااالم وتروح عشانه عريفة تقول :

يا ابله ترا هذي البنت >> اللي هي انا :yuupy:

تحش بتس وقالت عنتس كذا وكذا !

لا ولاانقص عقل من البنت الا الابله تجي تقول تعالي وقفي عند السبورة :confused:

ابوها حرية رأي عندكم :o

[قلب الشلهوب]

لي رقعة :)

[سومار]

8
8
هو ماقال لك علق على رده

عطنا من مواقفك الشنيعه ياسومار


سم ولا تزعل يانوااااف

بس والله اني عصرت مخي اتذكر حدث هام ما لقيت ،، خصوصا في الابتدائي

اما المتوسط والثانوي انواع الهبال :jhgy:

لكن اذكر في الابتدائي اول ما درست .. درسني ابوي ( ماي فاذر ) :d:

يعني تخيل اول سنه لك دراسه وابوك يدرسك .. كان يقول لي لا تقول( يبه ) في الفصل

قل يااستاذ :d:



نواااف قد سمعت بالحب من اول نظرة :rolleyes:

انا من رجعت للمنتدى وشفتك (في المنتدى طبعا) وانت داخل قلبي ،،

احس انك دافور وانا ربي حاط فيني حب للدوافير ،،

والله اني لي 5 صديقين في كليه الطب ،، اما انا مالت علي :d:

[Dr. 2'S]

وبعد أسبوع صار هم يركضون وانا وراهم

صرت خويهم :d:

هههههههههههههههههااااااااااي بعد الطق خويهم
يالبى قلوب الاطفال مافيه حقد ابد ..

هلالي فووق..
الموضووع فله
ومتى ماتذكرت موقف بجي واسدحه هوون .. ;)

[Dr. 2'S]

ايهـ ع طاري الدلاخه والبراءه <= تطري طواري من عندها..
المهم
اذكرلكم موقف هو مايضحك بالعكس والله شفت فيه الاضطهاد والقسوة :yuupy:
اذكر كنا بأول ابتدائي المهم ياطويلين العمر ..
انا طبعا مشهوره بالكذب من صغره ..

قلت لابلتنا بطلع للحمام ومتواعده مع الشله نطلع للحمام ( قال شله كلهن بنتين)
لاحد يشك والله مارحت الا ارفه عن نفسي ابلتنا خبيثه حاشرتنا وقلت اروح ع الاقل للحمام اسولف احسن من هالحشره لاوعاد لو تشوفون القعده بس حاطين اصابعنا على افواهنا وعلى قولتها ماابي اسمع نفس ..
نرجع للمحور حديثنا تراني ماطلعت الا للترفييييييييه خخخخخ <== قلت عاد بالحمام

المهم ونسولف انا وبنت اه بس اموت واتذكر السالفه الي نسولفها مو قادره..
خخخخ
المهم

شوي دخلت علينا الله لايوريكم كل الشر بعيونها
انا خقيت

الحمام ياريم هاه
قولي رايحه اسولف

وانا اسكت تفلت العافيه
وتسحبني مع شعري
وقسم بالله مع شعررررررررررررري
يلعن ابليسك
طفله تبغ من العمر 6 سنوات وتنسحب من شعرها وين صارت هذي
ياوزارة التربــــــــــــــــــــــــــــــــــــية وينكم قال تربية
ربوا هالمدرسات قبل ماتربونا
:sheto:

وزياده ع هذا مو بس سحبة شعر وقفتني عند الباب يلعنبو حظك
شهالقساااااااوة؟؟؟؟؟؟؟


وبنات سادس يمرن ويضحكن الله يسامحهن ويسامح الدبه (ابلتنا )
وبس خلصنااا

ترا لو بقعد اوصفلكم شعوري ذيك اللحظه بيصك مدرعم الموضوع
خخخخخخخخخخخخخخ

[Dr. 2'S]

موووقف تااااااااااني..( تورطت حطيت الموضوع خخخخخخخخخخ)

بالمتوسط .. وبالتحديد بثاني متوسط ..

دخلت علينا معلمة الرياضيات المهم لو تشوفون حصصها - الله يذكرها بالخير :req: - مممممممممممله وزياده ع ذلك بس نكتب ومافيه شرررح
( تسمعووون لجيتوا تعينون معلمات عينوا معلمات كفاءه ماهم حقين كتابة ) هالكلام للكباريه
خخخخخخخخخخ صار الموضوع حق شكاوي وانتقادات

المهم اكمل لكم ..
الشله ( ترا توسع العدد ماهوب 2 زي اول ابتدائي صرنا سبع )
خخخخخخخخخخخخخ
المهم <== ياكثر مااقول هالكلمه
الزبده..
جايبين الشله حلويات
ودخلت عندنا وحده انا ع بالي اختنا بالله طالبه انتساب ..
وقعدت ورا بجنبي ..

المهم طلعوا الحلويات ( صارلي ساعه اقولها وطلعوا وطلعوا اخلصي عاد)
المهم وفتحووووا الجلكسي
وتعطيني الي بجنبي .. وانا والله استحيت اكل وبنت الانساب ماتاكل
واسوي حاتم الطائي عندها ..
قلت تفضلي قالت المعلمة تشرح
قلت ماعليك منها هذي مخفه
وتخز فيني
انا بقلبي قلت البنيه مو متعوده ع حصة الملل وتحسبه رياضيات لازم ندفر
قلت هذي من تدخل ومحد يعطيها وجهه الي تسولف والي تنام يقال بعرفها عليها
المهم

قالت انتي شسمك قلت محسوبتك ريم وتسجل اسمي

انا قلت يمكن تبي تعرف وطرت من الوناسه قلت الحين تقول هالبنت خوش بنت كريمه وباين انها تونس
خخخخخخخخخخخخخخخخ
وقالت وصديقاتك وانقلها اسمائهن مع اللقب والكنيه بعد
ياعيني هذي شعوله لقبها دبدوب افندي واسمها الصدقي شاعل
وهذي اللزقه اسمها الصدقي امجاد سميت لزقه لانها بس تنشب وماينقال عندها شي
شوووي وتكتب بهالدفتر مدري شتكتب


وطلعت قالت الابله يعطيكم العافيه بنات بيضتوا الوجه عند الموجهه
بس الشله الي وراء ياكثر كلامكم وبالذات ريم قلت ابله ماتكلمت بس تسألني كم سؤال
والمهم انا لما سمعت الموجهه خقيتتتتتتتتتتتتتتتتت
الله لايوريكم تفلت العافبه
موجهه مو بااااااااااااين كنها طالبه
والشله الله يلعنك من بنت دايم موديتنا بداهيه
ولاحظوا
مو انا الي قلت لهن افتحن الجلكسي هن الي فتحنه
 ولساتني وفيه معهن ماتركتهن ع كثرر مالعنني وع كثر ماتبلن علي ماتركتهن
( اه ياطيب قلبببببببببببببببببببببببببي )
المهم شوي وانا ع اعصابي قلت الحين تناديني امي وتهزي ( للمعلوميه ) امي تدرس بالمدرسه نفسها
المهم وانا خاقه

شوي( ياكثر الشويات ) وتدخل وحده وتنادي اسماء الشله ومعهن انا وتختم قولها بــ انزلن عند الاداراة الادارة تبيكن
طبعا انا مسويه حلالة مشاكل اهدي خوياتي
عادي بنات ماراح يصير شي تهزيئه ع الماشي
وطق على الايدين

وصلنا للادارة..
شوي والمديره( للمعلومية) مديرتنا همجيه وماتعرف تكلم
خخخخخخخخخخخ
قالت ياقليله الادب انتي وياها الحين قلت تاكلون بالحصه
قلت انا اكل بس ماسوينا شي
قالت انتي انثبري اصلن اكيد انتي راس الفتنه
زايده حركتج ياريموووه تبيني اعلم الوالده

قلت لله الوالده : ) ..
وتعلم الوالد وتهزئ اسبوع كامل
مع حرمان من طلعات خلينا عليك انتي < طبعا هالكلام بقلبي

شوي وتكتبنا تعهدات
ياررررررررررررررربي تعهدات على جلكسي
خخخخخخخخخ الحمد لله والشكر

اقول وراء ماتقفلون هالموضوووع
لاني الصراحه ماانعطى وجهه

[البركان الأزرق]

8
8
8

طلع بمره هالجالكسي :cry:

التعهد وانا اختس على قولتس للموجهه الابله ذي مخفه ولا احد ينتبه له من جد انتي تووووووووحفه اتخيلتس مسويتن لي ابو العريف ولا وتعرفه على اعضاء الشله :angel:

[Dr. 2'S]

البركان
هلا وخيتي بسألتس هو انتي من ... يابعد حيي :req:

[نوااااااااف11]

ايه يالبركان يامخرجة الاجيال
علميهم كيف يبدعون يشتشتون :d:

[البركان الأزرق]

هههههههههههههههههههه

:kany: حطعش صوتي لك :kany:

الاجيال ماطلعت الا منك انت وابوعيون وحرام اسرق الامتياز منكم :d:


ريومه >> تموووون بسرعه :kello:

انا الذي نظر الاعمى الى شعره واسمعت سواليفي من به صمم :jhgy:

مافهمت وش قصدتس يابعدي :)

اخوي صاحب الموضوع :

بقولك قصة صارت لوحدة تقرب لي للاسف :angel:

وهي تسذوووبن بالحيل المهم مرتن من المراريت تسذبت على ابلتهم حقت الرياضيات وقالت له : يا ابلة انا عندي ببغاء حفظته جدول الضرب !! :kayf:

وهو الحين حافظ اليــن جدول 4 :kayf:

المهم الابلة الكمخه صدقــت :sheto:

ويوم جاء مهرجان جدول الضرب قالت للبنت جيبي ببغائك جت البنت قالت طيب يا ابلة :qw:

بس تراه الحين جالسه احفظه جدول 5 >> ابووك يالنصب :d:

بحفظه جدول 6 واجيبه :d: :d:

المهم يوم جا يوم المهرجان قالت الابلة وين الببغاء ياماما :magkiss:

قالت البنت : ماااااااااات يا ابله :kayf: :kayf:

:d: :d:

والابلة مسكينه مصدقـة :nrey:

المهم جتهم يوم المهرجان الموجهة حقت ابلة الرياضيات اللي تصير قريبة للبنت> الموجهة تقرب للبنت ،

وتعرف ان قريبتها تسذووبن عقووب :angel:

المهم المدرسة تستعرض قدراتها عند الموجهة قالت لها : بتسدئي يا ابله عندي صبيـه محفزه الببغان تبعه جدول الضرب بس ياحراااام الببغان ماتحمل كترة الحفزز وماااات :nrey:

:d: :d: :d: :d:

الموجهة تقول : انا وقتها عارفة بالسالفة من قريبتي قبل ومادريت ان المدرسة مصدقة تقووول بغيييت امووت من الضحك بس وش اسوي المدرسة ماخذه الموضوع جد وتثني على عبقرية طالبتها الارررنب ومايصير افشل روحي عندها عيب البنت تقرب لي :cool:

:d: :d:


الله يهديه هالمدرسة مير تسيف صدقت :d:

[Dr. 2'S]

بركانوووهـ
لامااااااااااطلعتي منهم :) <== ماادري ليه مستانسه

اجل مير تسيف صدقت
ههههههههههههههههههه
كلامك فلهـــ

[هلالي فوق السما عالي]

والله هوايل أيام الإبتدائي.. :d:

[عاشقة الزهور]

الصراحة مواقف وايد مرة علينا .. ومن كثرتها ننساها .. :)
أذكر يوم كنت في الثاني ثانوي كان علينا حصة جغرافيا .. وكانت الحصة الاولى ..
دخلت المُدرسة تشرح الدرس وانا كنت منتبهة معاها .. حتى اني قمت أشرح بداية الدرس .. ويوم أنتهيت من الفقرة اللي محظرتها عدل كملت المدرسة الباقي .. وأثناء شرح المدرسة قامت اللي وراي تسوي لي حركات على ظهري .. تبيني أنتبه لها .. درت وجهي وقلت لها شنو ؟؟ .. عطتني ورقة وقالت ليي أقريها ولا تقولين الى أحد .. المعلمة شافت زميلتي تعطيني الورقة ما أهتمت .. لكن يوم فتحت الورقة وقريتها قمت أضحك .. وقلت الى زميلتي ((لا .. مستحيل )).. وكنت أأشر لها بأيدي .. حتى اني جاوبت في الورقة بكلمة لا .. والمعلمة كانت تشوفني لاني قاعدة جنب طاولتها .. فقالت لي شفيج (....ز.... ) قلت لها لا سلامتج ما فيني شي .. وقالت لي ممكن أشوف الورقة اللي عطتج أياها (.....م....) قلت لها ما أقدر أعطيج اياها ؟؟ قالت ليش ؟؟ قلت لان الورقة ما تخصني .. وبعطيها صاحبتها .. واذا تبينها قولي لها تعطيج اياها .. وعطيت زميلتي الورقة .. والمعلمة فضولية قالت لازم أشوف الورقة وشنو اللي مكتوب فيها .. فجت المعلمة جنب زميلتي تمازحها علشان تقدر تاخذ منها الورقة لكن ما قدرت .. عقب قالت الى بنات الصف اللي بياخذ الورقة من (........م........) بيحصل درجتين وكل البنات تجمعوا جنب (......م.....) وقدرت وحدة من الطالبات تاخذ الورقه من (م) وعطتها المعلمة .. يوم قرتها المعلمة صارت عيونها جذي :eek: قلت لها شفيج عسى ما شر أچوفچ تغيرتي ؟؟ قالت لي تعالي أبيچ برى .. طلعنا ثنتينا أني مع المعلمة .. وشرحت ليي محاضرة طوييييييييييييييييييييييييلة عريضة .. واني كنت متمللة لاني ما احب مثل هالمحاضرات :req: .. ويوم خلصت من كلامها قلت لازم المحاضرة اللي عطيتيني اياها تعطينها لغيري مب لي ... فقالت ليي المعلمة ..(...م...) ما تهمني كثر ما تهميني أنتي (( تشققت لبنية :qw: )) وعقب دخلنا الصف وكل الطالبات يبون يعرفون شنو المكتوب في الورقة :zael: ....(...م...) مسكينة تكسر الخاطر :cry: ما يسوى عليها هالورقة اللي عطتني اياها ..

أدري الكل يبي يعرف شنو فيها الورقة :) لكن مو تفهمون السالفة غلط مثل ما فهمت معلمتنا الذكية

السالفة وما فيها أن زميلتي كانت تحب واحد .. وقبل ما تصير هالسالفة بيوم كنا نمشي مع بعض فشافها حبيبها وكان معاه صبي ثاني وقال لصديقه قول الى حبيبتك أني أنا أبي أتعرف على صديقتها لأنها عجبتني وعقب بتقدم لها
وصديقتي كتبت ليي اللا قاله لها حبيبها في ورقة .. وياريتها ما كتبت .. سوت لروحها سالفة هي غنية عنها .. وصارت زميلتي اسبوع كامل ما تكلمني لسببين الاولي تقول أني فضحتها .. مع اني مالي خص في السالفة
الثاني لاني رفضت اني اتعرف على صديق حبيبها ...

لكن صدق كسرت خاطري (...م...) لان حسيت أن المعلمة قالت الى كل المعلمات اللي قاعدين معاها في الغرفة .. وكل معلمة تجي لازم تقعد أطق نغزات الى زميلتي :(

[نور هالدنيا]

مشكور أخوي هلالي

المواقف كثار لأكن الموقف الذي لا يمكن أنساه أيام الثانوية كان فيه مدرس الله يذكره بالخير
ملتزم وتعرفون أغلبهم المدرسين الملتزمين ما يلبسون عقال والي زاد الطين بله
أنه قزم شوي وأنا كنت جالس مع شله الله لا يجلسكم معها كنا نرمي إلي يمرون من جنبنا يعني
هيامه وأجي ذاك اليوم وأرمي هذا المدرس وأنا على بالي طالب ويلتفت فينا من الي رما ومن
هذا الكلام ويمسك واحد من خوياي تعال للمدير وأنت فيك وما تربيت وووووووو صجه
انتهت الفسحة وخويي عند المدير وأنا ما أدري ويش أسوي أروح وأعترف أجلس ساكت وورط
خويي طبعاً خوياي إلي معي انقسموا قسمين بين مؤيد للأعتراف و رافض لاعترافي لأن كان
عندي مشكلة ما كملة أسبوع مع المدير ونحلة فتخيلوا رجعتي بمشكلة أخرى فالأسبوع إلي بعد
موقف لا أحسد عليه ... المهم قمت من عند خوياي وأبتعدت عنهم ورحت أراقب من بعيد لبعيد
خويي المتهم أنتهت الفسحة الطلاب أتجهوا للفصول أنا اتجهت للمدير .

المدير: هلا تركي أش عندك جايني بمشكلة

أنا : جيت أسلم نفسي وأبري فيصل من التهمه الي جاته

المدير : كيف

أنا : أن أنا إلي رميت الأستاد فهد

المدير : وخويك فيصل أعترف أنه هو إلي رمى

أنا : فيصل أنا إلي رميت وشفيك لا تورط نفسك بش ما سويته عشاني .

المدير: تركي أجلس شوي

أنا : جلس أنتظر وأنا خايف أن خويي يتورط وهو ما له علاقة بالرمي المدرس يسمع الكلام
وتعرفون لو تورط خويي شرهه علي والله عيب

قال المدرس : تركي أنت الي رميت

قلت : أيه أنا

قال: تتحمل الي بيصير لك

قلت : أنا جاهز للي بيصير

المدرس قام وقال: أنا متنازل عن المشكلة بس على شرط ينضب فلكه بعد صلاة الظهر

قلت : أنا جاهز لو تبي من ألان حتى بعد صلاة الظهر

بعد الصلاة وقف المدرس مع المدير وأنا قريب جنبهم ومره جاهز للفلكة عاد جلسوني على
الكرسي أرفع رجلك وأخذت 25 ضربة ماقدرت اروح بعدها للبيت يا أخوان ما قدرت أمشي عاد
وقتها كان عندنا 6 حصص تخبرون القسم الادبي شبه عطاله المهم وصلت البيت وعلى طول
ماء وملح ..

هذا موقف ما راح أنسه

في موقف طريف صارلي مع المدير تخبرون أيام الدراسة تفتيش على الشعر وتخبرون أغلب
الطلاب ما يتجاوب مع تعليمات الحلاقة المهم وسبحان الله تجاوب كل الطلاب الي سجلوا أسماهم
وحلقوا شعورهم ماعدا أثنين أو ثلاثة طبعاً ..

أنا اختلفت عنهم شوي أنا حلقة موس يعني أقرع وتبرع المدرسين بمبالغ ما يله كهدية منهم
الطلاب لحسن تجاوبهم الحمد لله أخذت هدية مع الشباب يوم أنذكر أسمي قال المدير عطوه
جائزتين قلت قليله ثنتين قال تعال وتعرفون ( كف الحلاقة ) وأخذت كف الحلاقة قدام الطلاب
وجهي أظاهر أنه صغر عن حجمه الطبيعي زعلت شوي بس ما رحت بعيد واعتبرتها مزحه
وخليتها على سنعها ..

مشكور أخوي هلالي مرهـ أخرى وخلتنا نتذكر الماضي الجميل

[ابو حقيل الهلالي9]

هههههههههههههوالله المواقف مليئه بالعنفوان والرجعيه الحضاريه<<<كلام سليم

الزبده هذي اول مشاركه لي عندكم بالساحه

وبناء على ذلك قررت تكون المشاركه جريئة و ملتفة بعض الشئ عشان اكسر حاجز الخجل النرجسي اللي بيني وبينكم <<<لحسة صح

والموضوع هو,,,
اني يوم كنت بثاني ابتدائي كان عندنا حصه وكانت الاخيره وكنا قاعدين في الفصل ونستمع للمعلم وبينما انا كذلك وتجيني ذيك بز بز(يعني حسران)

وانا اللي ارفع يدي واقول استاد ابي الحمام...الا و يناظرني بذيك النظره اللي اللهم ياكافي ويقول: اقول انطق مافي حمامات...انا بلعة العافيه وجلست

وطوال الحصه وانا احاول امسك ذي البز بز وبما ان حظي زفت استمريت ماسكها الى ان رن الجرس ومع رنة الجرس تفاعل جسمي مع الرنه وامر بخراج السوائل الزايد في الجسم عندي

وبداء الطلاب بالخروج وانا رابض لحد يدري.....الا ويجي ذاك البزر البثر لمي ويناظر الكرسي وثوبي وهو يقطر....ينادي بأعلى صوته استاد ابو حقيل الهلالي9 سواها على نفسه

وانا اللي يطيح وجهي ...وقالي الاستاذ ورى ماقلتلي انك تبي الحمام
قلت انا:قلتلك ياستاد...قال: لا كان قلتلي ضروري

المهم مرت الايام والطالب البثر ماغيره ناشبلي في كل قرنه هذا اللي سواه على نفسه هذا اللي سواه على نفسه
وكل ماشاف مدرس ولا طالب ولا هندي نظافه قاله عن السالف

وانا اللي انفجر ذات مره وأروح اعلم ولد خالة امي اللي كان في ذلك الوقت في سادس وراح والله ولد خالة امي وصطر ذا البثر الصغير وبعدين البثر عقل<<<والله اني منقهر لين الحين

وهذا هو موقفي

[هلالي فوق السما عالي]

شـاكر لكم اخواني على تفاعلكم بالموضوع وتوقعت عدد اكبر ولكن

الموجودين فيهم الخير والبركه أيام حلوه كانت في الماضي وامتعتونا

بـسوالفكم شـاكر لكم


أخوكم:نـواف.

[Dr. 2'S]

ههههههههههههههههههههه
عاشقه الزهور
اقول لاعااااد تماشينها ذي ربيعتس
تبي تخربتس
خخخخخخخخخخخخ
قال تحب قوليلهااا ولا هالزمن ماعاد به حوب :)

[Dr. 2'S]

نور هالدنيا
حسبببببببببببي عليه اجل ارفع رجلك
انا سحبتني مع شعري وقومت القياااااامه

وشلون لو طقتني 25 جلده
والله لاقوم الدنيا فوووق راسها

والله انتم يالعيال مظللللللوميييين
<== كانت تفكر تقلب ولد بس الحين هونت مدام فيها 25 جلده
اجل ياااااااااااا حلات سحبة الشعر

[Dr. 2'S]

ابو حقييييييييييل

هههههههههههههههههه ياسلام يالموقف
ماشلت يمنا ولد خالت امك
والله انه رجاااااااال
خخخخخخخخخخخخخ

هلالي عالي
ادري ناااااااااشبه بس والله المواقف تجنن:)

[هلالي فوق السما عالي]

^
^
^
سحبة الشعر أهون :d:

[Dr. 2'S]

اي والله اهووووووووووووووووووووووون
اجل مااقدر امشي

اقول ورا مانسووي قروب شكاوي
وكل واحد يكتب موقف من ذا المدرسين والمدرسات
ونرسله لهم ( الكباريه)

يمكن يحنووون علينا ويلغووون التعليم<=== واقول ورا ماتصكين فمك
اجل تسحب شعري
وذاك مايطلع للحمام
وهذيك يحرمونها من الحب <== ياانفصاام مو قبل شوي تصارخين وتقولين مافيه حب


اف
وش ذا العيشه قال مدارس قال تربيه قال
<== ياكثر ماقالوا وقالت

[عاشقة الزهور]

ههههههههههههههههههههه
عاشقه الزهور
اقول لاعااااد تماشينها ذي ربيعتس
تبي تخربتس
خخخخخخخخخخخخ
قال تحب قوليلهااا ولا هالزمن ماعاد به حوب :)

تطمني ياريم :yes: ترى عاشقة الزهور ما عندها هالسوالف :) وما تخترب بسهولة
وأزيدج من الشعر بيت

زميلتي الحين تزوجت :magkiss: لكن مب من اللي تحبه من واحد ثاني :yuupy: العن ابو الحب :love: ..

[أبوغاده]

:) مساء الخير :)

:yes: موضوع في غاية الروعه :yes:

طال عمرك والسلامه .. أذكر موقف أيام الأبتدائي((تقريباً ثالث)) .. بس :d: موقف والله ما أنساه :d:

كنت جالس مع أصدقائي .. وهم يسلفون في الحيوانات (( الأبل والخرفان بانواعها )) .. وأنا بيني وبينك والله مالي فيها :kello:

المهم .. كل وأحد منهم يقول .. أمس شربت حليب ناقه والثاني يقول حليب عنز

والله وأنقهرت :zael: .. وخفت لو ما أقول شيء يقولولي (( ياالأحضري )) :d: << لا يزعلون الحضر والله ونعم فيهم :yes: (( لا فرق بين عجمي ولا عربي إلا بالتقوى )) بس أيامها كنا أطفال ما نعرف شيء


المهم
وليتني ما تكلمت :ignor: .. قلتلهم (( :d: أنا قبل أسبوع شربت عند جدي حليب تيس :d: ))

وعاد الأولاد عيال بدو بحق وحقيقه .. أنا بدوي بس حياتي كلها في الرياض .. وهم عندهم حلال يعني عارفين كل شيء

والله ويضحكون .. وإلا أولى ثانوي يذكروني فيها

بس .. الله أنقذني طلع قبل سنتين تقريباً :d: :angel: :d: .. تيس في جدة ينحلب



وهذا أحد مواقفي أيام الطفوله


شباب .. أنتبهو لا أحد يعيرني بحليب التيس .. ترى الحين فيه تيوس تنحلب

[Dr. 2'S]

هههههههههههههههههههههه
العن ابو الحب
اي والله ..

قالتهاااا السوريهـ : الحب جحش
خخخخخخخخخخخخخخخخخخ

الله يوفقها بحياتها ..
ويرزقها كل خير..

[عاشقة الزهور]

الحين نقول لكم الموقف اللي حصل لنا في السعودية :)


مرة كنا رايحين السعودية نتسوق مع أخوي وزوجته وبناته 2 وبنت عمي وطبعاً اني .. وصلنا السوق واتفقنا ان أخوي وزوجته يروحون يتسوقون ابروحهم وأحنا البنات نتسوق بروحنا .. :) قالوا لنا اوكي لكن حاسبوا لا تروحون بعيد عن السوق .. قلنا لهم اوكي ..
وراحوا هم في طريق واحنا في طريق ثاني .. چان نشوف سيارة تلاحقنا من مكان الى مكان .. أني خفت حدي :q: وقلت للي ويايي بس خلنا نرجع ما نبي نمشي بروحنا لان هالحمير يلاحقونا من مكان لمكان .. لكن الغجر اللي معاي قالوا ما عليچ منهم خليهم يولون وخلنا نكمل أسوقنا .. :ignor: فسكتوني .. وكانت بنت عمي تمشي وتدلع مي عارفة شنو تسوي .. يمكن متخرعة أول مرة تروح السعودية :jhgy: .. وفي واحد من الحمير اللي في السيارة كلحين يسوي لنا هالحركة :noo: علشان ننتبه له .. لكن أني وبنات اخوي ما نعطيه وج .. ما فيه الا المتخرعة بنت عمي اللي رازة وجها ليه وكل حركة يسويها قالت شوفوا شنو يسوي .. لكن أحنا نعطيها الأدون الصمخة .. لكن يوم شافوا ما نعطيهم وج قام واحد منهم نزل من السيارة وجا يمشي صوبنا .. ديك الحزة وقف قلبي .. باقي شوي الدمعة تطيح من عيوني .. الا لحمار يقول لي ليش ما تعطينا وج .. اللي في البحرين أحسن مننا .. الظاهر من نزلنا من السيارة أهم يلاحقونا :yuupy: ردت عليه بنت اخويي الصغيرة تقول له يحمار تباعد عن عمتي أحسن ليك :yes: .. اللي يقول ليها أوه الصغيرة طلع عليها لسان والكبيرة ساكتة .. توه يقول چذي الا بنت أخوي شافت أبوها وقامت تنادي عليه بصوت عالي علشان يسمع ويجي .. ولحمار حسباله بنت اخوي تمزح .. چان يجي له أخوي وكان معاه واحد من الامن .. ويسحبه چنه خروف .. اللا يقول لحمار أنا ما سويت شي .. أن حسبالي ما يدلون الطريق وجاي اساعدهم .. ((لكن الساكتة تكلمت )) اللا هي اني :qw: .. أقول لرجل الامن چذاب هذا .. كان يتحجج فينا .. واخذه رجل الامن ولا أدري شنو سووا فيه ..
وفي نفس اليوم كنا داخلين محل من المحلات وكان معانا اخوي لكن نادت عليه زوجته وصرنا بروحنا چان نشوف واحد مع زوجته ومعاهم ولدهم .. الرجال من شافنا بقق عويناته چنه ضفدع :yuupy: ونسى أن زوجته معاه .. جا جنبنا وكنا واقفين نشوف الملابس .. .. والملابس اللي احنا واقفين جنبهم كانوا للبنات أنت وش اللي جابك جنب ملابس البنات .. المهم ما علينا .. كل مكان تروحه زوجته أحنا وراها علشان ما يقدر يسوي لنا شي .. لكن الغبي طلع أذكى مننا .. قام كتب رقم تلفونه وحطه مكان الملابس وكلحين يأشر لنا على مكان الرقم .. حسباله أحنا صايعين (( بمامعنى ما نستحي على وجهنا )) فاتفقت مع بنات أخوي وبنت عمي أن أحنا ناخذ الرقم ونعطيه زوجته .. علشان نشوف فلم هندي على الحقيقة :d: لكن بنت عمي الحساسة قالت حرام .. نخرب علاقتهم أبـــــ عضهم .. وراحت وأخذت الرقم وكان مكتوب على الورقة الرقم وأبو فيصل .. أخذت الرقم من بنت عمي وقطعت الورقة قطعة قطعة ورميتها جنب أبو فيصل ..

المسكين حطمنا قلبه :fghty:

لكن خسارة كنت أبي أشوف فلم هندي لكن الغجر بنت عمي سوت روحها كلش تراعي أحاسيس الاخرين :)

[ابو حقيل الهلالي9]

ابو حقييييييييييل

هههههههههههههههههه ياسلام يالموقف
ماشلت يمنا ولد خالت امك
والله انه رجاااااااال
خخخخخخخخخخخخخ


هههههههه

ياحليه ولد خالة امي والله لوتشوفينه دبأ فيذا ما يمديه يتحرك لو انحاش البزر ما امداه يلحقه
خخخخخخخخخخخخخخخ

[kaka_22]

هين اذا على المواقف الطريفه .. ماظنتي احد فيكم مر بمواقف طريفه كثري :d:

اصلا حياتي بكبرها .. طريييييييفه :kany:


وبرجعلكم .. وبقولكم مواااقف ميب صاحيه .. بس اصبروا علي :d: :d:


<< خااااصه مع الهيئه .. :d:
^
^
تراه قسم بالله عاقل .. بس مدري وش فيهم عليه ؟؟ :ignor:


لي رجعه .. :noo:

[الهلاليه k.s.a]

ههههههههههههههههههههههههه
أوووووه ياكثثثثثثر الموااقف المحررجه بججد
أولها يوم انا بأيام الابتدائي تطاقيت مع بنات ثاني ابتداائي وتميلح عند صديقاتي
ياهوه شوفوني من قدي ضربت بنات ثانني هااع
المهم مرره كننت حسراانه ودخلت الحماام وماعرف اقفله << قمت البراءه
وجو بنات ثاني ابتداائي وفتحو علي البااب وجمعو كل البنات ويناظروني ويضحكووني وانا المسيكينه متقططعه من الصياح وشوفو يوم طللعت كللي قهر
وغضضضب :lkj: بقووه :slv: قمت مسكة البنت الي فتحت علي الباب :fghty: ومعطت شوشتها وكفختها ألين صااحت البنت <<< أحسن تستااهل :p
هههههههههههههههه بس هذا الي اذكرره
ويسلموووووووووووو

[هلالي فوق السما عالي]

^
^
^
الله يفكنا من شرك :kany: