قصة غريبة لزواج فتاة [الأرشيف] - منتديات شبكة الهلال

مشاهدة النسخة كاملة : قصة غريبة لزواج فتاة

ملك التسحيب 15

4/4/2002, 05:00

هذي البنت سلمكم الله عندها خوات أكبر منها وأصغر منها وهي توها متخرجة من الثانوي

المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب

المهم جا دور هالبنت اللي أتكلم عنها كانت سهرانة مع اخواتها الين الساعة 2 الصبح بعدها خواتها طلعوا ينامون فوق... وهي قعدت تنظف المطبخ وتشطب عليه..

وقامت طلعت الزبالة عند الباب ... المهم البنت قالت ليش أحطها عند الباب خليني ارميها بالزبالة احسن..

وطلعت بره بالشارع وكان الشارع فاضي.. مرة و الساعة حوالي 3.30

المهم يوم جت تطلع ترمي الزبالة قفل باب بيتهم

وقعدت المسكينة بالشارع ...

فكرت ترن الجرس خافت أبوها يهاوشها ويسويلها شيء ..( لأن أبوها شديد)... وبقت بالشارع ما عليها إلا ! قميصها حق البيت ..

المهم حست أن صوت يقرب.. صوت سيارة!!

قامت مسكت الزبالة وقلبتها ودخلت جوتها

المهم كان اللي جاي ولد الجيران.. كان توه جاي من استراحة...

المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!!

واستغرب إن الزبالة مقلوبة

قام قرب من عندها ... و جا بيرفع الزبالة ويزينها ...

إلا صرخت البنت وقالت: لالالالا...

قال: بسم الله الرحمن الرحيم.. إنتي إنس ولا جن؟!

قالت: والله إنس

قال إنتي وش جابك هنا؟؟!!...

وقالت له: القصة وهي متغطية بالزبالة وترجت ولد الجيران يساعدها...

قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب..

وقالها: ادخلي بسرعة لا احد يشوفك...

قامت مسكينة ماصدقت رمت الزبالة .. وطلعت كذا قدام ولد جيرانهم

المهم دخلت وقفلت الباب على طوول.... وولد الجيران واقف ما تحرك يناظر فيها

المهم.. ما مر على هالسالفة يومين إلا جا وخطبها من أبوها وتزوجها...

ههههههه

والله قصة زواج غريبة وعلى فكرة ترى هذي سالفة حقيقية وحصلت بالفعل...

واللي يعيش ياما يشوف ويسمع

الغريب مو سالفة الزواج الغريب قولتك المهم سبعين الف مرة في السالفة

من ايميلي ..

http://www.geocities.com/malk_alts7eeb15/yosef15_.gif

الشريان الازرق999

7/4/2002, 23:20

الله ياملك التسحيب والله هالزواج حركة:love: تصدق اني من يومين اتمشى في الحارة من الساعه 2 الى 3 منتصف الليل ادور زول حرمة تكب الزبالة:angel: حتى لو كانت شغالة:ignor: الله ياسلام انشاء الله احصلها خلال الايام الجاية:kany: ويصير زواجي عالمي:guns: الله ياسلام يارب ترزقني بوحدة ماسكة معها غلط تكب الزبالة في نص الليل ويسكر عليها الباب (rambo) وعاد وقتها اطلع مهاراتي في التضحية والشهامة :rolleyes: واذا شفتها على الطبيعه بقولها:
الله يخليك اقلبي الزبالة واجي وسطها:D

تحياتي لك يالغالي والله قصة زواج حللللللللللللللللللللللللللللوة ونادرة الحدوث:(

الطيرالهلالي

7/4/2002, 23:30

السلام..

هلا اخوي ملك التسحيب ....معليش هالموضوع مكرر..سبق نشره هنا ..
ومشكور على موضوعك....

حلوووس

8/4/2002, 01:55

قصة حلوة ياملك التسحيب

وغريبة

Alghaly

8/4/2002, 02:27

شكرا بس الموضوع مكرر مثل ما قال اخوي الطير سداح

رهف(RGH)

8/4/2002, 14:05

لاحد يابنات يرمي زباله
وترجو اهليكم يجيبو شغالات:D :D

رهام(RGH)

8/4/2002, 14:56

بس حلوه منك:yes:

ملك التسحيب 15

8/4/2002, 15:09

سلام

الشريان الازرق : شد حيلك الظاهر انك من بعد 12 باليل وانت تدور بالحاره للفجر تدور بنت الحلال
الله يوفقك اخوي واتمنى لك ايجاد شركه حياتك المناسبه ;)

الاخوه الطير سداح والغالي اشكركم على المشاركه وبالنسبه للموضوع مكرر انا اعتذر لكم واعتذر لباقي الاعضاء لاني ماشفته من قبل وعلى فكره لاتلموني ماشاء الله الموضيع بالعام مثل المطر الواحد ماعاد يدري وش الي نزل ولالا
على العموم اشكركم للتوضيح بس انا لقيت فكره لمشكله المواضيح المكرره
مالنا الا هاوي ... ولا وش رايكم

حلوس تسلم علي المشاركه

رهف rgh اي والله انتبهو يابنات والمشكله اذا جت سياره البلديه :D ولا العريس بسيطه مقدور عليه
رهام rgh تسلمين على مشاركتك

http://www.geocities.com/malk_alts7eeb15/yosef15_.gif

ريوف(RGH)

8/4/2002, 20:18

واذا جات سيارة البلديه بتزوجها هندي:kany:
نامو في الليل افضل :N:

ريما(RGH)

9/4/2002, 02:24

يا بنات احذركم لاحد يطلع يرمي الزباله يمكن تطلع ما ترجع :cry: