للعاقلين بس مثل درعاوي ... المنتخب الملون

[درعاوي - هلالي]

السلام عليكم ورحمة الله وبركاتة

الزعماء العُقال.. زي درعاوي

اليوم تلاقطة انا وطالب في الفصل ... كلامين

كان يقول : اذا كانت التشكيله السعودية في مباراة البرتغال نفس اليمن لن .. اهتف للاخضر
واذا لم يلعب العيبه 9 التحادية ساقطع الاخضر ...

ومن هل كلام ...

خش معنا السوري اللي قدام وقال انت ماعندك وطنية (( لالالا كيمياء ))

قام العاقل درعاوي (( اللي كاتب الموضوع )) وقال ليش يكون بيننا محاربه حتى في المنتخب
ليش منتخبنا ملون ... بالاصفر والازرق .. ليش مانكون يد وحده ... وانا اتكلم بعقلانيه رن الجرس وطلعنا قال نكم كلامنا بكره...


ابي العاقلين ... اللي زيي يتكلمون والباقي يسكتون ....
ويكولون وش الاسباب بكل عقالانية وش اسوي عشان يسلم الاتحادي هذا (( اقصد يترك التعصب في المنتخب ))

العاقلين .... زي درعاوي افيدونا ...

[هلالـ أزرق ـي و أبيض]

أقول قله ترى هذا المنتخب مهب الهلال ولو كان في لاعبين الإتحاد فايده كان لعبهم



تحياتي......................
أبو محمد الهلالي (إبراهيم الناصر)

[.ღ. هــيــبــة مَـلِـكـ .ღ.]

طيب حنا وش ذنبنا اذا كانوا لعيبتنا يعرفون يلعبووون ؟؟؟؟
وبعدين انا اشوف ان جميع الجماهير كانت مع اختيار باكيتا للاخضر والحين اذا دخل لاعب هلالي بالتشكيلة قالوا ......
وانا مثلك درعاوي اتمنى صراحة انهم يتركوا التعصبويشجعوا المنتخب
شكرااااااااااا

[السـامـر]

كلامك يعني يصير اكثير

يعني انا لاحظت بعض الاصدقاء اتصلوا علي بعد المباراه مع اليمن

قالوا لي مبروك فوز الهلال على اليمن عقبال كاس العالم

وكل ماسالت احد شرايك بالمباراه يقول احد يطالع منتخب كله من نادي واحد

يعني ياخي بالله عليك هالاعبين هذولاء ما يعجبونك يقول الا بس كلهم من الهلال

ليه ما ياخذ من النصر وليه وليه وليه

يعني احنا فينا نوع من التفكير الخاطىء هذا مدرب هلالي كان يعني ماراح يلعب الاهلاليين خلاص احنا نقترح على المدرب يرد لاعبينا نستفيد منهم

طيب ياخي احنا لازم نفكر ان هالاعب يمثل المنتخب يمثل السعوديه

لازم نشجعه ونوقف معه

قلت لواحد من الشباب فيه مباراه وديه للمنتخب في الدمام بعد كم اسبوع تجهز قالي

انت هلالي احظر اما انا وش يدخلني قلت له السعوديه شدخل الهلال قال ماتفرق العيبه هلاليه

قلت طيب وش تبي التشكيله قال ابيها منوعه من كل نادي

يعني اي لاعب نجيبه ونلعبه حتى لو ما يعرف يلعب


قال لا بس يعني فيه لعيبه تستاهل تلعب قلت له طيب خل عنك تستاهل ما تستاهل

انت ما تبي تفوز هذا انت تفوز

انا اطالب كل مشجع يترك عنه هذا التفكير ان المدرب هلالي مادري وشو

ويوقف مع المنتخب يد وحده

ويرفع شعار المملكه علشان نواصل الانجازات

واتمنى التوفيق لجميع اللاعبين من جميع الانديه

وبالتوفيق للجميع

اسف على الاطاله

[درعاوي - هلالي]

مشكورين على الردود

بس هولاء هم العقال في المنتدى زيي

افا وين الباقين