اقتراح لزيادة عدد الحضور .. هاه وش رايك

[الحـــــر]

اقتراحي ببساطه هو ان تكون المدرجات مرقمه كل كرسي برقم

ويستطيع المشجع ان يشتري الكرسي الي يبيه من النادي او من الملعب بموجب خريطه مصغره يشوف فيها موقع الكرسي من الملعب

باختصار يعني كنه يقص له تذكرة سينما

في هالحاله ياخي تروح للملعب وانت مرتاح وعارف وين كرسيك ولايحدك تروح للملعب من العصر
ولاتحتاج توصي ربعك يحجزون لك ,,

ارجو تجربة هالطريقة ولو مره وحده نبدأ من حيث انتهى الاخرين

هاه يالحبيب وش رايك ؟؟ بالله ما أستاهل براءة اختراع :kello: :kello:

[الجوكر الهلالي]

تستاهل ونص على التكتيك هذا (himo)

[ابوغلا]

تكون المدرجات مرقمه كل كرسي برقم
:mad: :mad: :mad: :mad: :mad:

[السد الازرق]

ماشالله اقتراح بطل...
بس لا تنسى انك بالسعوديه يعني تقول لواحد ان هذا الكرسي موب كرسيك يقولك أدري بس مانب قايم وش بتسوي..وحلني عاد
تسلم على اقتراحك
السد الازرق

[هلالي مغرور]

تخيـل معـي ..

مجمـوعه مـن الأشخـاص اشـترو مقاعـد

وهـم مـاراح يحضـرون !!

أو كانـت خطـه جديـده مـن الحلـف اللاهـلالي

يتقدمـهم الأستـاذ بطـه

يعنـي يبي لـها دراسـه http://www.alhilalclub.com/vb/images/smilies/ismile06.gif

[هلاليو9]

اقتراح والله حلو لكن اغلب الي يروحون الملعب مصرقعين تقوله:
س-لوسمحت اخوي تراك جالس على الكرسي حقي :)

قسم بالله متلقى الا سنونك متعلقه عند كندينيو :N: :d:

[هلالي المنار]

كلامك جميل :mad:

[بـربـوس الهلال]

اقتراح رهيـب ..

ولو على كـذا .. :

** مب صايـر زحمــات .. عنـد التذاكـر والبوابـات ..

** تنـظيـم .. رهيـب .. والواحـد يقـدر يجـي قبـل 5 دقايـق .. مهوب مثل الحيـن مسنتريـن عن البوابـة من الظـهـر ..

[هلالي فوق المعالي]

حقو ياتكتيك

[محـــب الوطـــن]

والله فكرة حلوووووووووووووووووووووووووووة......



أرجو ضمها للخطط المطروسه....!!!!

[GATO]

هذا النظام باوروبا ..

قبل المباراة 10 دقايق الملعب فاضي ..

قبل بداية المباراة الملعب فل ..

ليه اتعب عمري و احضر من الساعة 5 و نص ودرجة الحرارة 46 بالملعب (( مباراة الهلال والشباب )) .. و كرسيي معروف ومحجوز ..

تعبنا وحنا نطالب بهالشي ..

بس اذن من طين و اذن من عجين ..

ولا حياة لمن تنادي ..

بس اهم شي لا تدخل معك قلم او قارورة ماء او بيبسي .. هذا اهم شي .. :yuupy:

[الحـــــر]

مشكورين على مروركم

اتمنى دراسة الفكرة دراسة جدية ومن ثم البدأ بها اذا كانت فعاله

تحياتي للجميع

[عاشق الفن الهلالى]

انا اقول ورى بعد علي طريقك تاخذ رقم كرسي وتدفع حق السندوتش وعصير الربيع وكيس الفصفص وجرة موية صحه واذا جيت للملعب تلقاهم حطينهم لك علي الكرسي :d: اقول الله يصلحك تراك بالسعوديه والملعب حول النسيم وافهم يافهيم

[دمــ أزرق ــه]

انا اقول ورى بعد علي طريقك تاخذ رقم كرسي وتدفع حق السندوتش وعصير الربيع وكيس الفصفص وجرة موية صحه واذا جيت للملعب تلقاهم حطينهم لك علي الكرسي :d: اقول الله يصلحك تراك بالسعوديه والملعب حول النسيم وافهم يافهيم
:angel: :angel: :angel: :d: :d:

الفكرة رائعة وممتازة لكن صدقني اذا حصلت راح تشوف الجمهور يحضر للمبارات وبشكل كبير

[هاوي نجد]

والله الفكرة حلوووووووووووووووووووووووووووه..

بس مو هنا .. هذا في أوربا والناس الفاهمه..

[زعــ العودة ــيم]

حلوة جدا وراائعه للغايه طيب هالفكرة لمباريات الهلال فقط او كل الانديه

[هـ ا ع 844]

والله مخ تجاري ماشاء الله



مشكووور اخوي

[f_1515]

صعبع صعبه لان فيه ناس تقولها هذا مكاني قال مانيب قايم وش عندك :req: :req: خخخخخخخخخ تبي تاكلها

وثانيا اللي مايجي نخلي مكانه فاضي ونروح خلف الساعه مانشووف شي

[أحــب الـشـلـ 10 ـهـوب]

اقتراحك رائع بس عاد الحين تشوف الملعب ملعيان مثل مباراة السعودية واوزباكستنان جمهورنا في الرياض ما يملي الملعب وياليت يمليه !!