قل من اللي شفت من المشاهير ((صدق)) !!

[مجنـــ يوسف ــــون]

مرحبــــــــــا .....
السلام عليكم ورحمة الله وبركاتة ،،
شباب شابات ان شاء الله انكم بخير ((عسى ان شاء الله))
المهم ،، انا ابغى منك تقول لنا من شاهدة من المشاهير على الطبيعة يعني وجها لوجة مو على TV سوى كان هذا
الشخص المشهور لاعب أو فنان أو اي واحد مشهور بصفة عامة ((مثلي :D ))
عاد انا ببتدي وقول من شفت ــ
شفت عمري يوسف الثنيان
شفت حياتي سامي الجابر
شفت العالمي محمد الدعيع
ـــــــــــــــــ
شفت الفنان فهد الحيان
شفت الفنان طارق العلي
ـــــــــــــــ
بس ذولا اللي شفتهم عاد انتم علمونا من شفتم ..... :yes:

((ارجوا انكم ماتواخذوني على اللغة العربية الفحى;) ))

تبي تضحك : اقراء عنوان الموضوع وشف الاسلوب الراقي في صياغتة .......

،،،، اسف ،،،،

[عاشق الهلال حسون]

هههههههههه عنوان من جد راقي

المهم انا شفت

سامي الجابر في زواج اخت واحد من اخوياي بعد مباراه السعوديه والبرازيل .. سلمت عليه وسألته قلت ليش ماشت البلنتي قال لا انا خلاص ماعا اشوت بلانتيات ؟؟ وسلمت عليه ثانيه ورحت

واما الثاني شفت يوسف الجراح بس مامداني اسلم عليه خابرك لزقه

والثالث شفت عبدالله المطرف ((هذا اصلا خوينا دايم يجي في الملحق سواليف وفله))

والرابع نواااف حبيب البي والله سلمت عليه جوا الملعب وباركتله في فوز الهلال في تلك المباراه

وشكرا لك

[الذاهبه]

هلاااااااااااااا :)

والله فيه كثير تشرفوا بشوفتي من المشاهير :rolleyes:

لكن بقول بس المهمين :nrey:

امممممممممممممممممم



احمد الحامد مذيع Mbc fm

وعبد العزيز بن فهد بن عبد العزيز




وبعد مين ياربي :req:

سامي والثنيان ونواف ومحمد عبده وعبد المجيد وراشد وخالد عبد الرحمن وسعود بن عبدالله

وخالد المريخي ومحمد المنصور وحسين المنصور وجهاد سعد واخوه زياد ونجوى كرم واحلام

ونوال الزغبي وعتاب وخالد الملا وطارق العلي :kany: :kany: :kany: :kany:

وبعد مين ياربي :req:


والله باقي نسيتهم :angel:

[ريمانة]

هلاا:)

انا شفت انتصار الشراح وعبادي الجوهر نايم في الطياره:D واحلام ووعد وسامي الجابر وعايشه الكيلاني:D ويونس شلبي وراغب علامه وميشيل قزي


اظن بس:req:

[هاوي الهلال]

هااااااااياااااااات


موضوع حرررررركه :yes:

لاعبين الهلال كلهم .. في النادي ..
ورئيسهم واعضاء شرف ..

اما فنانين ..
لا تذكرني اااااااااه يالقاهره بس
تشوف اللي تبي ..
والحلو هناك كله بالصور .. من ابو نوره .. لفيفي عبده :D :D :D :D :D :D :D



باااياات
خالد
(himo)

[مجنـــ يوسف ــــون]

مرحبــــــــا
اقول ياجماعة الخير نسيت اقول واحد شفته
شفت الشاعر طلا ل الرشيد في مكة رمضان اللي راح
وشكرا لكم ;) :yes:

[TOTTI- 10]

محمد عبده و نورمان اسعد ههههههه .

و مين بعد ايه تذكرت شفت احمد بدير الممثل المصري شفته في مكه ,,

وشفت توتي و الباتي مع بعض ( يااااااااااااااااااريت )

[مها العالميه]

اهليـــــــــــــــــــــــــــــن ,,

انا عمري ما شفت احد من المشاهير العرب ;)

بس شفت مشاهير عاالميه ;)


من الي شفتهم ,,

جوليا روبرتس ...كا ثرين زيتا جونز ..ايام ما كانت حامل ..

كلوديا شيفر ...سلمى حايك ..مادونا ..اليسيا ..

توم كروز ,,ليوناردوا دي كابريوا...

وممثلين هنوووود ..

سلمان خان ..عامر خان ..شاه روخ خان ..هيرتك روشن ..

ارجن ..اميتاب ..

آيشواريا ..سوشميتا ..

ويسلمون عليكم كثير ويقولوا نموووووووت في شبكتكم:kany:

[السجين بتهمة حب الهلال]

تسلم مجنون يوسف......موضوع حلو.....

بس تصدق انا من شفت من المشاهير......عايشه الكيلاني........عتاب..ورباب ايام شبابها(rambo) سعد جمعه...بدر الحبيش...مزعل فرحان....(rambo) ومونيكا حبيبة كلينتون :kany: طبعا انا كنت متعرف عليها قبل لاتشتهر..بس الله يالدنيا من يوم تعرفت على كلينتون واشتهرت جحدتني:kany: (himo)

[TOTTI- 10]

ااااااااااااااااه صح نسيت ,,, شفت انا خـــويــــتــــــي آآآآآآآآآآآآآآآآآآه بس على خويتي ,,,

شــــــــــــــكــــــــــــــــيـــــــــــــــــــــــره ,,,

وشكراً

[ماروكو]

اممممممممم مين شفت ياربي مين مين :rolleyes: ايييييييه شفت يوسف الثنيااااااان ... ودي حاقه بتتنسي :love:
شفته مرتين فيس تو فيس :D

ووووشفت بعد المدفعجي عبد الله الجمعان وعبد الله الشريده :D

وشفت واحد يشبه سامي الجابر في باريس نسخه منه :eek: بغيت اقوم اسلم عليه بس خواتي ربطوني بالكرسي قالوا اقعدي الله يفشلك :D

وشتناظرون :zael: كنت بزر لاتشرهون علي :yuupy:



ومن الممثلين شفت ناصر القصبي وعبد الله السدحان وفهد الحيان واصاله ومحمد المازم والبلوشي ونبيل شعيل وعبادي الجوهر واصيل
وشفت عبد الرحمن بن مساعد :cool:

وبس هذا اللي اتذكره :req:

موضوعك رايق ياخوي :yes:

[اللورد سامي9]

موضوع حلو من واحد حلو
ازين مافي الموضوع العنوان

انا اللي شفتهم قلال تعرف لاني انسان مهم ما اطلع من البيت كثير واحاول اتغاضى عن انظار معجبيني من الرجال ومن البنات شي طبيعي

حبيبي
انا شفت سامي على سيارته بس ماسلمت عليه وانشاءالله بسوفه بعد كم اسبوع

وشفت معجب الدوسري في مصر في هيلتون رمسيس كنت طالع مع الدرج وهو جالس في اللوبي كان معي جريدة الرياضيه من النادر تحصلها هناك
سمعته يقولي هيه هييييييييييه من وين جبت الجريده
عطيته نظرت استحقار ومشيت(rambo) وجحدته اتشت معه هع هع هاااااااااااااااااااااااع

وشفت ياحبيب قلبي الممثل المصري حسين يوسف مدري يوسف حسين

واممممممممممممممم شفت اللاعب فهد الهريفي في محل تميم للرياضه في شارع الثلاثين العليا بالرياض كان يشتري كنادر
:nrey: وتبون مني شي ثاني انا تحت امركم

[الطيرالهلالي]

السلام....


احسن وااحد شفته ...وكااان لي الشرف اني اشوفه...

هو الشيخ عبدالعزيز بن بااز رحمه الله....كنت جاالس انا وياه على بساااط وكان جنبي مره وكان يحدث واسولف معه الله يرحمه ...


ومن عقبه شفت مشاهير من متخلف المجاالات

محمد عبده...راشد الماجد ...ايام ماكان يغني ابشر من عيوني الثنتين ....وخالد عبدالرحمن ...

وشفت من اللاعيبه واجد سااامي ويوسف ...وتصدقون ان ماجد عبدالله كان يجي عندنا في البيت لان ابوي يعرفه وسبق ان درسه والوالد الله يهديه نصرااوي .....

ومن المثلين.....طارق العلي ..وداود حسين....وعبدالله السدحان في كل مناسبه اشوفه لانه يقرب لي مره ..
وفي مكه ..ايام الحج شفت ...ممثلات مصريات وااااجد بس ما اعرف اسامهيم ....
وسبق اني نلت الشرف وسلمت على الامير عبدالله ايام الكشااافه في الابتدااائي ....
وهذا الي شفتهم

[شــقــراويـه]

انا بصراحه شفت كثير ..
مثلا يوم كنا في مصر وانا صغيره شفت فيفي عبده :slv: وعادل امام :D ويسرا
وفي لبنان شفت كلوديا الشمالي ونجوى ونوال الزغبي ومادونا:slv:

والخليجين شفت انتصار الشراح :D وفهد الحيان:D والمزيني (رقيه) :D ويوسف الجراح :D
وراشد الماجد :) ومحمد عبده :cool:

واللاعبين .. النعيمه (وانا صغيره):cool: ونواف التمياط :) وخالد التيماوي :) ومحمد الدعيع :love:
ولاعب النثر عبدالرحمن البيشي :slv: وعبيدالدوسري

بس :D

[الهلالي المخلص دائما]

:D

مااحد شاف المشاهير الي انا شفتهم :eek:

اتحدا اي واحد فيكم شافهم (rambo)
















































شفت




















النزهان وتركي القحطاني :ignor:

[المتميز]

وش مشاهيره ؟؟؟

تقصدون بالمشاهير الناس اللي مثلي :D :D :D

أهم شخصيه قابلتها في حياتي الملك فهد الله يطول بعمره وكان عمري خمس سنوات

وقابلت بعد الامير سلمان في مناسبه عندنا وسويت يومها حركه مالها داعي استاهل الطق عليها بس ضحك ومشاها :) :) :)

وطبعا لاعبين الهلال كلهم والريس واعضاء الشرف كلهم ...

ولعيبة البرازيل يوم جوا لكاس القارات عندنا روماريو ورونالدو ....

والفنانين واجد بس باقي اثنين من المشاهير في خاطري ماشفتهم ....

عتاب :love: :love: :love:

وابراهيم النجيدي (himo) (himo) (himo)

[ريـــ2002ــــم]

السلام عليكم..

حركه موضوعك.. بس احلى مافيه العنوان:D

تبون مشاهير عندي:kany:

والله ياطويل العمر انا شفتلك اشهر واحد بالعالم..

ريكي مارتن:love:

بس خساره بالحلم:jhgy:

لا والله انا شفت واحد ما تتوقعونه.. وهو الــــقا تــــــــو... ولا من زود الحلاه يتمشاء بالفيصليه.. يااني بغيت اقوم عليه بس ربك ستر..

ايه وشفت خالد التيماوي.. في المطار في الاجازه الكبيره واقف مع اثنين من اخوياه <<< يلعن ام الوصف

وشفت عتــــاب.. شبيهتي:D .. شفتها في زواج تترقص..وزبيده ومين بعد..

ايه وبركات اليوقان في المملكه البنات عنده مثل النمل ماهو من حلاه:yuupy:

ومحمد المنصور وكان معه فايز الماليكي.. في العقاريه يتمشون

ومين ..ايـــــه صح بغيت انسى شفت سامي الجابر:love:

بس خساره كان في سيارته وداق السرعه 200 من زمان ذا الحكي حتى سيارته كان لونها احمر..

بس هذولا اللي شفتهم..

يالله بااا(مع السلامه)اااي

[yara2000]

وش شفتي يا يارا :req:
ايه انا شفت من الاعيبة نواف التمياط
ولاعيبة المنتخب كلهم لما كنت في سنة سادس رحت مع ابوي الملعب (( من انواع الواسطة ))
لانة لو ما راح ما شفتو المباراة
وشفت ممثلين و ممثلات الخليج كلهم لما كنت في البحرين
حتى كلمتني الممثلة مريم الصالح وكنت مستحية وقالت : وقالت وش اسمك عاد انا ساكتة ولا كلمة بعدين قالت
الاطة بلعت لسانك
وبعد شفت في مصر ليلى علوي و فيفي عبدة
بس اهم شي من اللي شفتهم كلهم
الوليد بن طلال كان وهو بسيارتة واقف بجنبنا:love:

[مها العالميه]

ايه وبركات اليوقان في المملكه البنات عنده مثل النمل ماهو من حلاه <<<اكيد كنتي معهم يا ريم:love:

الله يلوم الي يلومهن(rambo)

[ياسر عبدالعزيز]

بصرررررررراحه ماحصل اشرررف .. اشوف من المشاااهير.... :req:

ماعدا... نعيمه الصغير:D .. والهام شااهين.... وميرفت امين..في باريس;)

تحيااااااتي لك
:yes:

[الشريان الازرق999]

موضوع حلو ومن زمان ابي اعلم الناس اني شفت مشاهير بس محد عطاني وجه وما جا مجال لها:(
المهم والله كلامي صحيح والي مايصدق يطق راسه في ركبتي:(

شفت خالد عبدالرحمن مرتين الاولى واقف جنبي عند اشارة شارع الثلاثين في العليا معه BMW كحليه حجم 750 ولوحتها عشان تصدقون ا س ط 750 والثانيه يمشي بسرعه على طريق الامير عبدالله ومالقطت الا لوحة السيارة

وشفت الفنانه حياة الفهد في مهرجان العقارية الاول قبل سنه وسلمت عليها في محل قزاز وقلت للبنات عنها ماصدقوا خبر وصرت اناو والبنات نمون على بعض تقول نعرف بعض من زمان ومن محل لمحل معها الين جينا محل قزاز ثم جت الهيئه وفرقتنا وتغطت الفنانه غصب عنها بعد ماكانت كاشفه( طبعا في العقاريه الي على شارع العليا)


وشفت الممثل عبدالرحمن الرقراق هو وزوجته
وشفت الممثل نايف خلف في مقهى وحالته حاله يقرأ اوراق شكله مسلسل جديد ههه
وشفت حمزة ادريس وسلمت عليه
وشفت سامي الجابر بعد مباراة والله ما اذكرها كان معه لقاء في استاد الملك فهد مع الاوربت


والله شفت كثير بس هذا الي اذكره

تخياتي لكم:)

[مومو515]

تسسسسسسسسسلم ...

تدري من شفت ( شفت ولاانتر )

شفت فنان وفيلسوف ودكتور وزااااااااااااحف....لاخر قطره.
عرفتوه ابو يعقوب يوسف الثنيان شفته عند الجوازات الضحى معه واحد يشبه له
وسلمت عليه وقال لي اقول يابو الشباب وين المواقف ..بصراحه تفاجات وقلت والله
ماادري قال لي تصبح على خير وضحك ومشى ..........




مومو





ا