مدرعـم
26/3/2002, 22:18
.. حياالله ربعي المهبل الشيون ..
ترا هالموضوع سياسي بحت ويمس مصالحنا مسن مباشر(ن) (( وشي محطه هي (rambo) ))..
عـاد اطـمـرو هـالـسـطـر وانـتـبـهـو عــلى ركـبـكـم البـيـضـه ..
______________________________________________
في احدى المرات من ايام الشتاء الحاره والمطر يداعب البحر بقطرات المطر الدافئة كنت راكبن احدى القوارب الصغيرة في جو ممتع وبهيج امارس فيه هواية صيد الاسماك وذلك في موقع استراتيجي بين قطر والبحرين (( ياحبك للضيق )).. وكنت كل ما اقط سنارتي 500 كيلو متر مربع تطلع لي حاجات غريبة مره فانيلة علاقي ومره صروال وآخرها طاقيه (( شكله ذا واحد يتسبح وانا قاعد اللقط بهدومه )).. الا انه في احدى هذه المحاولات انشدت السناره بشكل قوي جد(ن) وانا ماسكها بيديني ورجليني وعاضض على براطمي (( مدري وش دخلها بس لاتحمست اسويها )).. وبين شد وجذب وصراع طويل كاد ينقلب علي القارب في اكثر من مره شديت السناره بقوة وطلع لي حوت <<< مسوي ثقيل وخير ياطير همن عاد لاصار حوت ..
وتفاجأت بانه اول ماطلع معي كلمني (( حوت ناطق )).. ويترجاني تكفى وليرحم والديك هدني في حالي وراي اعيال اصرف على يتامى (( شكل هالحوت راضع من مصريه (rambo) )).. وانا بطبيعتي طيب وينكسر خاطري بسرعة فطبطبت عليه وقلت له خلاص بهدك هالمره بس لا تعيدها والعب بعيد (( ياخوي وش تتطبطب عليه حوت ذا ولا كلب ؟؟؟)).. وما ان اطلقت سراحة حتى اختفى ثم اتفاجئ فيه جاي لي من بعيد كاتم ام الطبلون ويناظرني باحتقار وعيونه تنقط شرار وكانت النتيجة بانه صدم القارب بكل قوته وقلبه سبع قلبات (( حوت حقير ))..
والحمدالله بان نجيت من هذا الحادث المروع دون اي اصابات بفضل ربطي لحزام الامان ووجود الوسائد الهوائية .. فخرجت من القارب ونزلت البحر (( ياخوي درج هو عشان تنزله )).. وما ان نزلت حتى لقيته قاعد يحتريني ويسوي لي بيده حركة طيب انا اوريك صبرك علي .. فما كان مني الا اني هجيت وحطيت رجلي ومن الخوف ما قدرت التفت وراي خوف ياكلني مع انه مافيني لحم مدري وش يبي فيني ما غير عظام يمكن يبي يخليني منقاش حق اسنانه .. وهو اللي يوقف ويطلع جواله ويتصل على اعيال عمه (( حوت عربجي وراعي مشاكل ))..
واثناء هروبي من الفك المفترس حصلت مغارة صغيرة في قاع البحر ودخلتها التقط الانفاس من الركض والتعب ولكن بعد ماالتقطت انفاسي التفت وراي ولقيت بنت بس مو أي بنت !!.. من فوق ماشي الحال بس من تحت مالها صروال اقصد مالها رجلين لها ذيل زي ذيل السمكه .. فقربت منها وكانت ترمقني (( اما ترمقني يمديكم تعرفونها )).. بنظرات خاثره ثم اقتربت مني ووضعت يدها فوق اذني (( وش دخل اذني )).. وقالت لي الحقني يا بطل .. قلت لها ولا يهمك يا بنكة (( بنت + سمكة = بنكة )) بس وش فيه ؟؟.. قالت فيه حوت يغازلني وقاعد يطاردني ؟؟.. عقبها قلت بخاطري اي بطل بلاتس ماتدرين من وين جاي انا وقلت لها لا تخافين هذا حوت مالقى من يوريه الجاده (( اخس يابطل .. ورنا مراجلك ولا هالنفخه بس قدام البنات ))..
طليت من عند فتحة المغارة (( ليما الحين بالبحر عادي )) ولقيته واقف ينتظر ؟؟.. فالتفت على البنكة وقلت لها شوفي حبيبتي (( صارت حبيبتي )).. انا بضحي بعمري عشانتس بس على شرط انتي طلعي قبل وشوفي اذا هو يقولتس شي ولا لا (( على باله ذكي )).. ولكنها رفضت ودخلنا في نقاش حاد من اللي بيطلع الأول .. هي تقول انت رجال والرجال هو اللي يعتمد عليه بكل شي .. تسان انا اصدق واقول ابشري يا بنت الناس (( والله يانت عالريحه بعد (rambo) )).. قالت تؤبرني يا أبظاي .. قلت ماعليتس ابر (( علوم المرجله رايحه فيها ))..
واتفقنا انا والبنكة اني اول ما اطلع واتهاوش مع الحوت هي على طول تطلع تركب ليموزين وتدوس لبيتهم .. والله واطلع للحوت وامسكه من رقبته واقوله خير وش عندك (( بالله ما حسيتو اني قوي )).. رد علي الحوت وقال وانت وش دخلك .. قلت له انا وش دخلني وادبج بوقس بعينه ويقوم هو بعد ويعطيني بوقس بعيني .. وارجع واعطيه بوقس في خشمه ويقوم هو بعد ويعطيني بوقس في عيني (( جريتكم صح )).. وانا اللي امسك عيني واعصب عليه واقوله ما اتفقنا المفروض تعطيني على خشمي .. فرد علي وقال ليش هي متى المعرفه ؟؟؟.. الين ماوقفت لنا دوريه يسوقها سمك ابومطرقة وعلى الباب اليمين راكاب المنشار مسكوني انا والحوت وجرونا لقسم الشرطة حقتهم ودخلونا على الظابط سمك قرش رتبة ومعلق زرازير بكتفه تسان على طول قام لنا وقال انت ماتفكنى من مشاكلك كل يوم والثاني مسوي مشكله (( مدري هو يقصدني ولا لا )).. بس عقبها عرفت انه مو انا يوم رد عليه الحوت راعي المشاكل وقاله والله خلاص توبة آخر مره تكفى سماح ما راح ارجع لها ومن هالكلام .. قاله بوقرش لا هذي ماراح اطوفها لك وش ذنب هالمواطن الدرو اللي انت مهبل به (( هو يقصدني .. عادي اهم شي الاخلاق ))..
وجزاه الله خير هالظابط طلعني انا بكفالة خمسة كيلو قمبري وكسر خاطري الحوت وكفلته على حسابي (( وش على حسابك شاورما هو )).. وحنا طالعين قال لي الحوت صديقي (( صار صديقي )).. وش رايك يالخوي نروح نتمشى وناخذ لنا كم فره وراك شيء ؟؟؟.. فقمت انا التفت وراي ادور ومالقيت شي وقلت لا والله ما وراي شي .. قالي خلاص ازهلها واركب فوق ظهري وانا ماكذبت خبر وركبت ورحنا نتمشى الين مااخذنا لفة حول العالم (( هذي التمشية حقتهم مو انتو كم شارع بس وخلاص ))..
وفجأه وحنا مارين جنب العراق شفنا فيها زحمة وعالم متجمعه فصار عندي فضول اعرف وش فيه فطقيت على راس الحوت وقلت له وقف خلنا ننزل نشوف وش فيه ؟؟.. قال الحوت لا ماقدر المدام داقه علي بيجر ومسوية لي حركة خساسة يعني تعال بسرعة ولا العن جدك (( امحق حوت حتى هو يخاف من حرمته )).. تبي تنزل انزل بروحك انا بروح اشوف وش فيه بالبيت ويمكن اجي .. فوقف ونزلت من على ظهره ودخلت العراق وادرعم وسط هالزحمة عشان اوصل للي هم متجمعين عليه ؟؟.. ويوم وصلت اكتشفت انهم مسويين مهرجان عسكري يقدمون فيه عروض بالدبابات والطيارات وكل انواع الاسلحة وكانو الناس مبسوطين ويهتفون صدام .. صدام .. وانا قمت اهتف معهم واقول صدام ددسن صدام ددسن ..
هم اسمعو ددسن من هنا ووقفو العروض من هنا وساد صمت رهيب العروض بالدبابات وقفت والطيارات بالسما وقفت (( يعني مشيتو كل اللي راح ماتبون تمشون هذي )).. والناس كل ابوها تطالع فيني شوي الا ويقوم صدام معصب وقال مسكو لي هذا الخسيس النذل بخليك تلعن اليوم اللي سبيتني فيه وشبهتني بقطع غيار امريكية (( الحمار مايدري ان الددسن ياباني )).. وماكمل كلامه الا وانا حاط رجلي وجنوده وراي شوي ويجيبوني بس سبقتهم وفزت عليهم بالجوله الاولى وبدت الجولة الثانيه وهم وراي وهلم جرا .. ادخل من نافذ الى نافذ وانط من بيت الى بيت ولما ضاقت فيني الدنيا رحت الكويت وهم وراي دخلو الكويت (( عرفتو الحين ليش العراق غزت الكويت )).. وانا مازلت محافظ عالمركز الاول وهم يبون يوقفوني بأي طريقة حتى اني يوم مريت من جنب آبار البترول ارسلو صواريخ علي وفجرها (( عرفتو الحين ليه فجر آبار البترول ))..
الين ماوصلت جهة البحر واتوهق لان البترول غطى البحر وماقدرت اسبح والتفت يمين يسار ادور منفذ الين ما صادفت الحوت صديقي مع شوية حيتان متجمعين وطايحين تفحيط تسان انادي عليه واقوله الفزعه ياحوت .. نبي وقفتك .. نبي فزعتك .. والحوت يوم سمعني ماصدق خبر وقال اويلي ويلاه ابشر ياولد العم (( صار مسلسل بدوي )).. شوي الا يطلع لنا صدام بالهيلوكوبتر حقته ويقولي صدتك يا ملعون وين بتروح مني هسه امسكك بايدي واعصرك مثل الليمونه !!.. ويوم شافني ركبت فوق ظهر الحوت لحقنا وقام يرسل علينا صواريخه وحنا نموه عنها ونوخر بس يوم قربنا من البحرين رسل علينا صاروخين ومامدانا نوخر عن الاول الا والثاني كان شوي ويصيدنا بس الله ستر وطاح جنبنا فسبب اضطرابات في امواج البحر خلت صديقي الحوت يفقد توازنه وطحت انا من فوق ظهره فلما نزلت البحر التفت يمين يسار ادور على الحوت مالقيته ؟؟.. والله واقوم واغوص داخل اعماق البحر ادور عليه واناديه حوت حوت رد علي وينك فيه (( صارت لينا ذي ياعدنان مو حوت ؟؟؟)).. وواصل بالبحث عنه الين ماسمعت صوت بعيد يقول الحئني الحئني ياصديقي انا حاغرق (( ياشيخ صفقني اذا ماكنت كامخ زقارة !!))..
واروح جهة الصوت والقى الحوت واسحبه واسحبه جهة الشاطئ لانه كان شبه فاقد الوعي وشارب كميه كبيرة من الماي (( ياخوي انت متأكد انه حوت )).. واقوم اسوي له الاسعافات الاوليه وتنفس اصطناعي الين ما استعاد وعيه ؟؟.. ودام انه صدام يحسبنا غرقنا قررنا اننا نرتاح يومين في البحرين وبعدين نفكر في الحل .. وبعد ماقضت اليومين مشينا واتجهنا امريكا نطلب المساعده ويوم وصلنا الى البيت الابيض نزلت اقابل الرئيس الامريكي جورج بوش الاب (( ايام ما كان رئيس لمريكا في ذاك الوقت )).. وقلت للحوت انتظرني هنا انا بروح اشوف حل للمشكله وارجع .. ورحت لبوش اللي اول ما شافني رحب فيني وقال .. هيلوو مدرئم هاو آر يوو وير آر يو مان (( يعني شخبارك وشلونك وينك يا رجال ما عاد تبين ولا تسأل ؟؟؟))..
وبعد السلام قلت له اها بس لايكثر اسمع يابوحميد خذ جيشك وعدتهم وروح كسر راس هاللي اسمه صدام وبالمره رجع الكويت لاهلها بيض الوجه لاتفشلنا ويقولون عنك رخمه ؟؟.. قال نو بربلم مستر مدرئم نو بربلم انت تآمر وانا يجي اطامر (( صار هندي مو جورج بوش )).. فاخليته ورجعت بسرعه لصديقي الحوت عشان اعلمه باللي صار وهو ماعطى الموضوع اهمية وقال لي ازهلها ماعلينا منهم وش رايك نروح نتمشى وناخذ لنا راسين معسل اعرف يريور يسوي لك راس معسل على كيف كيفك وش قلت وراك شي .. قلت اها بس قدام ماوراي شي مشينا ..
والباقي انتو عارفينه ما يحتاج اقولكم ؟؟.. بس حبيت اوضح لكم الحقيقة اللي كانت مخفية عنكم طول هالسنين !!
@@ خـــتــــــــامـــــــــاً @@
صحيح انه هالموضوع سبق لي وان كتبته بالزعيم بس هالمره حبيت احضره هنا
ترا هالموضوع سياسي بحت ويمس مصالحنا مسن مباشر(ن) (( وشي محطه هي (rambo) ))..
عـاد اطـمـرو هـالـسـطـر وانـتـبـهـو عــلى ركـبـكـم البـيـضـه ..
______________________________________________
في احدى المرات من ايام الشتاء الحاره والمطر يداعب البحر بقطرات المطر الدافئة كنت راكبن احدى القوارب الصغيرة في جو ممتع وبهيج امارس فيه هواية صيد الاسماك وذلك في موقع استراتيجي بين قطر والبحرين (( ياحبك للضيق )).. وكنت كل ما اقط سنارتي 500 كيلو متر مربع تطلع لي حاجات غريبة مره فانيلة علاقي ومره صروال وآخرها طاقيه (( شكله ذا واحد يتسبح وانا قاعد اللقط بهدومه )).. الا انه في احدى هذه المحاولات انشدت السناره بشكل قوي جد(ن) وانا ماسكها بيديني ورجليني وعاضض على براطمي (( مدري وش دخلها بس لاتحمست اسويها )).. وبين شد وجذب وصراع طويل كاد ينقلب علي القارب في اكثر من مره شديت السناره بقوة وطلع لي حوت <<< مسوي ثقيل وخير ياطير همن عاد لاصار حوت ..
وتفاجأت بانه اول ماطلع معي كلمني (( حوت ناطق )).. ويترجاني تكفى وليرحم والديك هدني في حالي وراي اعيال اصرف على يتامى (( شكل هالحوت راضع من مصريه (rambo) )).. وانا بطبيعتي طيب وينكسر خاطري بسرعة فطبطبت عليه وقلت له خلاص بهدك هالمره بس لا تعيدها والعب بعيد (( ياخوي وش تتطبطب عليه حوت ذا ولا كلب ؟؟؟)).. وما ان اطلقت سراحة حتى اختفى ثم اتفاجئ فيه جاي لي من بعيد كاتم ام الطبلون ويناظرني باحتقار وعيونه تنقط شرار وكانت النتيجة بانه صدم القارب بكل قوته وقلبه سبع قلبات (( حوت حقير ))..
والحمدالله بان نجيت من هذا الحادث المروع دون اي اصابات بفضل ربطي لحزام الامان ووجود الوسائد الهوائية .. فخرجت من القارب ونزلت البحر (( ياخوي درج هو عشان تنزله )).. وما ان نزلت حتى لقيته قاعد يحتريني ويسوي لي بيده حركة طيب انا اوريك صبرك علي .. فما كان مني الا اني هجيت وحطيت رجلي ومن الخوف ما قدرت التفت وراي خوف ياكلني مع انه مافيني لحم مدري وش يبي فيني ما غير عظام يمكن يبي يخليني منقاش حق اسنانه .. وهو اللي يوقف ويطلع جواله ويتصل على اعيال عمه (( حوت عربجي وراعي مشاكل ))..
واثناء هروبي من الفك المفترس حصلت مغارة صغيرة في قاع البحر ودخلتها التقط الانفاس من الركض والتعب ولكن بعد ماالتقطت انفاسي التفت وراي ولقيت بنت بس مو أي بنت !!.. من فوق ماشي الحال بس من تحت مالها صروال اقصد مالها رجلين لها ذيل زي ذيل السمكه .. فقربت منها وكانت ترمقني (( اما ترمقني يمديكم تعرفونها )).. بنظرات خاثره ثم اقتربت مني ووضعت يدها فوق اذني (( وش دخل اذني )).. وقالت لي الحقني يا بطل .. قلت لها ولا يهمك يا بنكة (( بنت + سمكة = بنكة )) بس وش فيه ؟؟.. قالت فيه حوت يغازلني وقاعد يطاردني ؟؟.. عقبها قلت بخاطري اي بطل بلاتس ماتدرين من وين جاي انا وقلت لها لا تخافين هذا حوت مالقى من يوريه الجاده (( اخس يابطل .. ورنا مراجلك ولا هالنفخه بس قدام البنات ))..
طليت من عند فتحة المغارة (( ليما الحين بالبحر عادي )) ولقيته واقف ينتظر ؟؟.. فالتفت على البنكة وقلت لها شوفي حبيبتي (( صارت حبيبتي )).. انا بضحي بعمري عشانتس بس على شرط انتي طلعي قبل وشوفي اذا هو يقولتس شي ولا لا (( على باله ذكي )).. ولكنها رفضت ودخلنا في نقاش حاد من اللي بيطلع الأول .. هي تقول انت رجال والرجال هو اللي يعتمد عليه بكل شي .. تسان انا اصدق واقول ابشري يا بنت الناس (( والله يانت عالريحه بعد (rambo) )).. قالت تؤبرني يا أبظاي .. قلت ماعليتس ابر (( علوم المرجله رايحه فيها ))..
واتفقنا انا والبنكة اني اول ما اطلع واتهاوش مع الحوت هي على طول تطلع تركب ليموزين وتدوس لبيتهم .. والله واطلع للحوت وامسكه من رقبته واقوله خير وش عندك (( بالله ما حسيتو اني قوي )).. رد علي الحوت وقال وانت وش دخلك .. قلت له انا وش دخلني وادبج بوقس بعينه ويقوم هو بعد ويعطيني بوقس بعيني .. وارجع واعطيه بوقس في خشمه ويقوم هو بعد ويعطيني بوقس في عيني (( جريتكم صح )).. وانا اللي امسك عيني واعصب عليه واقوله ما اتفقنا المفروض تعطيني على خشمي .. فرد علي وقال ليش هي متى المعرفه ؟؟؟.. الين ماوقفت لنا دوريه يسوقها سمك ابومطرقة وعلى الباب اليمين راكاب المنشار مسكوني انا والحوت وجرونا لقسم الشرطة حقتهم ودخلونا على الظابط سمك قرش رتبة ومعلق زرازير بكتفه تسان على طول قام لنا وقال انت ماتفكنى من مشاكلك كل يوم والثاني مسوي مشكله (( مدري هو يقصدني ولا لا )).. بس عقبها عرفت انه مو انا يوم رد عليه الحوت راعي المشاكل وقاله والله خلاص توبة آخر مره تكفى سماح ما راح ارجع لها ومن هالكلام .. قاله بوقرش لا هذي ماراح اطوفها لك وش ذنب هالمواطن الدرو اللي انت مهبل به (( هو يقصدني .. عادي اهم شي الاخلاق ))..
وجزاه الله خير هالظابط طلعني انا بكفالة خمسة كيلو قمبري وكسر خاطري الحوت وكفلته على حسابي (( وش على حسابك شاورما هو )).. وحنا طالعين قال لي الحوت صديقي (( صار صديقي )).. وش رايك يالخوي نروح نتمشى وناخذ لنا كم فره وراك شيء ؟؟؟.. فقمت انا التفت وراي ادور ومالقيت شي وقلت لا والله ما وراي شي .. قالي خلاص ازهلها واركب فوق ظهري وانا ماكذبت خبر وركبت ورحنا نتمشى الين مااخذنا لفة حول العالم (( هذي التمشية حقتهم مو انتو كم شارع بس وخلاص ))..
وفجأه وحنا مارين جنب العراق شفنا فيها زحمة وعالم متجمعه فصار عندي فضول اعرف وش فيه فطقيت على راس الحوت وقلت له وقف خلنا ننزل نشوف وش فيه ؟؟.. قال الحوت لا ماقدر المدام داقه علي بيجر ومسوية لي حركة خساسة يعني تعال بسرعة ولا العن جدك (( امحق حوت حتى هو يخاف من حرمته )).. تبي تنزل انزل بروحك انا بروح اشوف وش فيه بالبيت ويمكن اجي .. فوقف ونزلت من على ظهره ودخلت العراق وادرعم وسط هالزحمة عشان اوصل للي هم متجمعين عليه ؟؟.. ويوم وصلت اكتشفت انهم مسويين مهرجان عسكري يقدمون فيه عروض بالدبابات والطيارات وكل انواع الاسلحة وكانو الناس مبسوطين ويهتفون صدام .. صدام .. وانا قمت اهتف معهم واقول صدام ددسن صدام ددسن ..
هم اسمعو ددسن من هنا ووقفو العروض من هنا وساد صمت رهيب العروض بالدبابات وقفت والطيارات بالسما وقفت (( يعني مشيتو كل اللي راح ماتبون تمشون هذي )).. والناس كل ابوها تطالع فيني شوي الا ويقوم صدام معصب وقال مسكو لي هذا الخسيس النذل بخليك تلعن اليوم اللي سبيتني فيه وشبهتني بقطع غيار امريكية (( الحمار مايدري ان الددسن ياباني )).. وماكمل كلامه الا وانا حاط رجلي وجنوده وراي شوي ويجيبوني بس سبقتهم وفزت عليهم بالجوله الاولى وبدت الجولة الثانيه وهم وراي وهلم جرا .. ادخل من نافذ الى نافذ وانط من بيت الى بيت ولما ضاقت فيني الدنيا رحت الكويت وهم وراي دخلو الكويت (( عرفتو الحين ليش العراق غزت الكويت )).. وانا مازلت محافظ عالمركز الاول وهم يبون يوقفوني بأي طريقة حتى اني يوم مريت من جنب آبار البترول ارسلو صواريخ علي وفجرها (( عرفتو الحين ليه فجر آبار البترول ))..
الين ماوصلت جهة البحر واتوهق لان البترول غطى البحر وماقدرت اسبح والتفت يمين يسار ادور منفذ الين ما صادفت الحوت صديقي مع شوية حيتان متجمعين وطايحين تفحيط تسان انادي عليه واقوله الفزعه ياحوت .. نبي وقفتك .. نبي فزعتك .. والحوت يوم سمعني ماصدق خبر وقال اويلي ويلاه ابشر ياولد العم (( صار مسلسل بدوي )).. شوي الا يطلع لنا صدام بالهيلوكوبتر حقته ويقولي صدتك يا ملعون وين بتروح مني هسه امسكك بايدي واعصرك مثل الليمونه !!.. ويوم شافني ركبت فوق ظهر الحوت لحقنا وقام يرسل علينا صواريخه وحنا نموه عنها ونوخر بس يوم قربنا من البحرين رسل علينا صاروخين ومامدانا نوخر عن الاول الا والثاني كان شوي ويصيدنا بس الله ستر وطاح جنبنا فسبب اضطرابات في امواج البحر خلت صديقي الحوت يفقد توازنه وطحت انا من فوق ظهره فلما نزلت البحر التفت يمين يسار ادور على الحوت مالقيته ؟؟.. والله واقوم واغوص داخل اعماق البحر ادور عليه واناديه حوت حوت رد علي وينك فيه (( صارت لينا ذي ياعدنان مو حوت ؟؟؟)).. وواصل بالبحث عنه الين ماسمعت صوت بعيد يقول الحئني الحئني ياصديقي انا حاغرق (( ياشيخ صفقني اذا ماكنت كامخ زقارة !!))..
واروح جهة الصوت والقى الحوت واسحبه واسحبه جهة الشاطئ لانه كان شبه فاقد الوعي وشارب كميه كبيرة من الماي (( ياخوي انت متأكد انه حوت )).. واقوم اسوي له الاسعافات الاوليه وتنفس اصطناعي الين ما استعاد وعيه ؟؟.. ودام انه صدام يحسبنا غرقنا قررنا اننا نرتاح يومين في البحرين وبعدين نفكر في الحل .. وبعد ماقضت اليومين مشينا واتجهنا امريكا نطلب المساعده ويوم وصلنا الى البيت الابيض نزلت اقابل الرئيس الامريكي جورج بوش الاب (( ايام ما كان رئيس لمريكا في ذاك الوقت )).. وقلت للحوت انتظرني هنا انا بروح اشوف حل للمشكله وارجع .. ورحت لبوش اللي اول ما شافني رحب فيني وقال .. هيلوو مدرئم هاو آر يوو وير آر يو مان (( يعني شخبارك وشلونك وينك يا رجال ما عاد تبين ولا تسأل ؟؟؟))..
وبعد السلام قلت له اها بس لايكثر اسمع يابوحميد خذ جيشك وعدتهم وروح كسر راس هاللي اسمه صدام وبالمره رجع الكويت لاهلها بيض الوجه لاتفشلنا ويقولون عنك رخمه ؟؟.. قال نو بربلم مستر مدرئم نو بربلم انت تآمر وانا يجي اطامر (( صار هندي مو جورج بوش )).. فاخليته ورجعت بسرعه لصديقي الحوت عشان اعلمه باللي صار وهو ماعطى الموضوع اهمية وقال لي ازهلها ماعلينا منهم وش رايك نروح نتمشى وناخذ لنا راسين معسل اعرف يريور يسوي لك راس معسل على كيف كيفك وش قلت وراك شي .. قلت اها بس قدام ماوراي شي مشينا ..
والباقي انتو عارفينه ما يحتاج اقولكم ؟؟.. بس حبيت اوضح لكم الحقيقة اللي كانت مخفية عنكم طول هالسنين !!
@@ خـــتــــــــامـــــــــاً @@
صحيح انه هالموضوع سبق لي وان كتبته بالزعيم بس هالمره حبيت احضره هنا