للأسف بقاء سامي في الرياض اكبر خطأ

[شقراوي]

أنا لست أبخص بسامي اكثر من سامي. ولكن قد لا يعلم سامي أن بقائه في الرياض وعدم الحضور يعني خروجه من المنافسه رسميا. وبهذا كل الآمال و التفاؤلات (ولو أنها ضئيله) إنعدمت و تبخرت.
موقع( فري برس) يشرح كيف خرج علي كريمي من المنافسه ويقول أن علي كريمي خرج من المنافسه لأنه لن يستطيع ان يذهب الى كوالالمبور. ولهذا تم إسقاطه من ضمن المرشحين وأن أي لاعب لايحضر سيتم إسقاط اسمه.

المصدر (ألماني) (http://www.freiepresse.de/NACHRICHTEN/SPORT/FUSSBALL/390789.html)

وبهذا يكون سقط إسم سامي رسميا لأنه لن يتواجد في مدينة كوالا.
تمنيت ان سامي ذهب الى كوالالمبور . حتى لو كان فيها غش لكي لا يكون هناك أي عذر آخر للاتحاد الاسيوي و لكي تنشكف اقنعتهم أمام الجميع بأنهم عصابة غشاشين.
بكره اذا قال اللبناني في سؤال: لماذا ذهبت الى المنتشري ولم تذهب الى الجابر. يقدر يرد و بكل ثقه لأن سامي لم يحضر. و محد يقدر يحاجه. لكن لو حضر سامي فوضعه بيكون اصعب وحرج.
أضف الى ذلك انه احتمال ان يكون هناك تدخلات من شخصيات كبيره قد تعيد المياه الى مجاريها.
والله كل شي جائز.
لذلك اعتقد ان سامي تسرع نوعا وقرر بقلبه .
اتمنى من سامي ان يغير قراره ويذهب الى هناك على أقرب رحله

[ebn_alza3eem]

الاخ شقراوي : لانستطيع أن نحكم على المسألة طالما أننا لانعرف ماهى بالضبط خلفيات الموضوع .. وأنا أعتقد انا هجوم محمد بن فيصل على الاتحاد الاسيوي لم يأتي من فراغ .

[دولاب البطولات]

اي والله صدقت يابعدهم والله شقراوي جبتها

المشكله كلنا كنا نفكر بمشاعرنا لكن هالشي راح عن بالنا
بس اتوقع الاداره عارفه هالشي ولا ما اصرت بجلوس سامي في الرياض
يعني اتوقع فكرت من هالناحيه !!

بس هالكلام عين العقل ،،، والله لو راح بتصير مسرحيه ويكشف سامي مقاعد مزيفه برشوات في الاتحاد الاسيوي ( ماصار الاتحاد الاسيوي بل سعودي بقياده برميل الغاز )

[عنيـــــد]

شوف يا ابو وليد ..

انا معك من جانب و اخالفك من جانب ثاني ..

صحيح كلامك تمنيت سامي يروح و يحط الحجه عليهم و يحرجهم ،، و الحين محد له حق يطالب بالجائزه لسامي بحكم إنه ما حضر من الأساس ..


و أخالفك لأنه الهلاليين يمكن واثقين انه سامي ما راح ياخذ الجائزه ، علاوة على إنهم أعلنوا عدم ثقتهم نهائياً بمصداقية الإتحاد الآسيوي ..


و لكن لو فعلاً رفعوا خطاب تظلم و شكوى للفيفا على الإتحاد الآسيوي ،، بيكون موقفهم ضعيف الآن ،، خصوصاً إن سامي ما راح يستلم الجائزه و بكذا تلقائياً يكون مستبعد من الجائزه ،، و لو فعلاً ناوين يرفعون الخطاب المفروض يروح سامي حتى لو ما كسب و لكن ليثبتون تلاعب الإتحاد الآسيوي ..

مع اني محتار وين الصح و الغلط و لكن أعتقد أن المفروض على سامي انه يروح ،، خصوصاً ياسر راح يشارك ضد النصر و سامي لو شارك ما راح يشارك الا بجزء قصير من المباراة ..

[دمــ أزرق ــه]

والله الواحد مايدري يصدق مين والا مين والا يسمع كلام مين والا مين



وبعدين اللي قاهرني يقولون كان التصويت لسامي بافارق 30 صوت وبعدن تم التزوير


هم وش عرفهم اصلا من الفائز ليش مايكون فيه لعبه ملعوبه


بالله هذا اتحاد يمثل قارة كاملة الله كل هذي الفضايح تصير في اتحاد لقارة كاملة

انا لله وانا اليه راجعوووووووووووون


لكن مااقول الا ان الله يمهل ولا يهمل

[ابو عبد الله]

لا الا سامي يجلس بالرياض ,,.

وراح يأخذ جائزته من جمهوره في مباراة الجمعة ان شاءالله ,,.

يأخوان الاتحاد الاسيوي مغسول وجهه بمرقة سلق (اعزكم الله) ولا ينفع معه قولت نروح علشان نحرجه لانه هو مايقبض الا كاش ,,,’’’’,

[CASH BOX]

محد قريب من سامي يقوله .. من الافضل تسافر :slv:

شباب معقوله قبل يوم سامي متفوق على اقرب منافسيه
بـ 30 صوت .. شلون انقلبت الايه الحين !!

خاصه سامي معه تقريبا نص الاصوات !!
لازم يا شقراوي نشوف حل .. على كذا :zael:

حرام والله نسكت والله حراااام :hgfd:

اذا كبار الهلاليين بالنادي ماسووا شوي
والله موب كفو .. فزعات .. لعيالهم (اللاعبين)

[السعلو]

بالفعل يابو خلود ..

المفروض ان سامي يروح ويسوي اللي عليه صح ان فيه مباراة يوم الجمعه .. لكن المباراة ميب اهم من اللقب ..

وربما اقول ربما ان اعضاء اتحاد (( الرشاوي )) .. طلعوا هالخبر عشان سامي ما يروح .. يعني اشاعة خبر فقط .. ولاحظ ان مافيه اي شي رسمي طلع .. يعني كله كلام ومنقول من فلان وعلان .. وبكذا يكون نفذوا مخططهم ونجحوا فيه ..

ولا يصير للهلاليين اي حجه لحجب الجائزه عن الذيب .. فعدم الحضور هو السبب .. وهذي بتصير حجه علينا ..

وانا بصراحه مثلك اتمنى ان سامي يروح عشان تكون الصوره واضحه وعشان تكون فضيحتهم قويه ..

على العموم حنا ما ندري وش حيثيات الموضوع وتفاصيله .. بس اللي ظاهر لنا .. يخلينا نطالب بذهاب سامي الى كوالالمبور حتى لو جت اخبار من بن (( حمام )) نفسه ..

سلامي ياعسل ..

[khlo0o0o0di]

اتفق معك تماما


وهنا تصريح عواضه .....


د. عواضة :لا أحد يعرف أسم الأفضل وحضور اللاعب شرط

قال الدكتور محمد عواضة نائب مدير المكتب الإعلامي بالاتحاد الآسيوي لكرة القدم ان كافة الترتيبات قد اكتملت لانطلاق حفل توزيع الجوائز الآسيوية التي تقام سنوياً بالعاصمة الماليزية كوالالمبور موضحاً في تصريح خاص ل(الجزيرة) أن الجوائز بدأت تأخذ حيزاً كبيراً من الاهتمام الإعلامي والجماهيري وخصوصاً جوائز عام 2005م.
وأكد عواضة أن استمارات الترشيح وزعت على ما يقرب من مئة شخصية عاملة في الاتحادات الأهلية إلى جانب أعضاء المكتب التنفيذي وخبراء كرة القدم في آسيا لإعطاء الجوائز الكثير من الحيادية. وأضاق قائلاً في ليلة الاحتفال سيفتح المظروف ويعرف الفائز هل هو سامي الجابر أم حمد المنتشري وبالطبع فإن حضور اللاعب شرط لاستلامه الجائزة واللاعب الذي يعتذر مباشرة يسقط ترشيحه.

[سـلـطـان زمـانـه]

أتفق معاك ...

[ALDARBI]

اتفق معك شقراوي عين العقل كلامك لاحراج اتحاد الرشاوي - وتكون

الحجه اقوى في حال التظلم لكن اتوقع الادارة خذت خبر اكيـــــــــــــد

بخسارة اللقب من سامي وما حبت تخسره في مباراة الديربي 0

عموما الله يكتب مافيه خير والظاهر نترك الكره والتشجيع طالمــــــا

هالتفخ ماحد قادر يوقفه عند حده سواء بالنظام او بالمثل يعني

ماأخـــــــــذ بالقوه لايرد بابتسامه الله المستعان بس 0

[musaedalmugairen]

عدم حضورة حجة علينا و ليست معنا, من الأفضل ذهاب سامي سوي اخذ و لا ما اخذ. سامي ابو اللاعبيين و كابتن المنتخب, وانا متأكد لو المنتشري اخذ الجائزة سامي سوف يكون اول المهنئين بغض النظر كيف راحت عنة. لأن سامي اكبر من ان يزعل وكبر من هذه الجائزة. و لكن الهروب من مواجهة الحقيقة المرة هي عدم الذهاب.
فا المفروض ان تخرج الأدارة الهلالية بالتصريح الذي استنكر التلاعب في الأصوات مع ذهاب اللاعب تقديرا للكرة السعوديه لأن سامي يمثل راس الهرم حتي لو اخذ الجائزة لاعب اخر.

[وحيد الجزيرة]

مع ناس مثل ذولي يابو وليد إنسى الموضوع

والله لو يروح سامي والثنيان

ما أقول إلا آبوها لا أبو آبوها كوره اللي المنتشري يفوز بحضرة الذيب

لكن الكورة ماتنلام .. تطاوعك مره وتعاندك مره .. بلاك فالناس اللي ماتخاف ربها وتبي تخرب باللي هي به

الأهم إن الهلال الآن يصعد موضوع نادي القرن للإتحاد الآسيوي .. وخوفك عاد ابو الشباب يصير خوي لبلاتر همن حلني .. والله إن يسحبون لقب نادي القرن من الأهلي المصري ويعطونه الزقرت ( بحكم إنهم من نفس القاره بس أخويانا غرب شوي :d: )

[الابداع كله سامي]

اخوي شقراوي ممكن اسالك سؤال

ماذا تفسر قول الدبل بان الجائزه ذهبت للمنتشري :confused:
وبماذا تفسر امتغاضه من الاتحاد الاسيوي :amle:

تحياتي لك

وصدقني ابو سلطان مع الجابر ابخص

ويكفي قول ابو سلطان يان سامي الجابر اشهر من الاتحاد الاسيوي نفسه :yes:

[هلالي فور ايفر]

حرام والله يروح سامي ولا يستلمها


بموت من القهر :cry:

اه يا سامي


سامي هذه ضريبة الشهره العالميه وضريبة موهبتك وضريبة انك هلالي وضريبة انك من قهرهم وتعبهم وضريبة انك في يوم بكيتهم


سامي كلنا ثقه انك الفائز وانت على ثقة بل اسيا بكبرها على ثقه انك من فائز بها .



ســــــــــــامي انت لست لاعب 2005 فقط انت لاعب العصر الحديث باسيا باكملها

[وردة الهلال]

ابو سلطان سوى اللي يشوفه .. عندما طلب من سامي البقاء

هو اشتكى من طريقة استدعاء اللاعب و ابعاده من المنتخب

فبالتالي الواضح لنا انه شايف الدعوى زيطا و زنبليطا ..

و لو سافر سامي .. و ذهب ياسر الى المنتخب .. ما فيه هجوم ...

باختصار من حق ابو سلطان يخاف على الهلال ..

[moad3_sa]

طيب واذا راح واخذها المنشتري وش بتفيد حجتنا !!
بترجع لنا حقنا المسلوب ؟
والا بس بنجلس نكتب في هالمنتديات انظلمنا وما انظلمنا ؟

الا يجلس ويشارك مع الهلال ابرك لنا ولنه
وسامي كبير ما يضره لقب :mad:

[الرهـــيـــب]

صادق يا بو خلود :yes:

[تسبريت]

والله انا اشوف ان افضل شي قام به سامي هو عدم الذهاب


قمة القهر, انه يسلب منك اللقب ليذهب الى زميلك في المنتخب ! هذي هي الخيانة بأم عينها

سامي قال .. لا ابوهم ولابو اللي يحضر احتفالاتهم .. اشارك ضد النصر وأفقّع رووسهم ابرك ... وهذا اللي بيصير بإذن الله .. اما اتحاد الشغالات ... ففي قلايع ودران

[محمد بن ناصر]

أخوي موادع كلامك صح وانا معك في اللي تقوله ...

في حال ذهب سامي للحفل وتم تسليم المنتشري الجائزة على حسب ما تم ذكره من وجود تلاعب جير اللقب للمنتشريي فبقاء سامي مع الهلال هو الأهم لأن ذهابه في حال عدم حصوله على اللقب لا يقدم ولا يؤخر ...

أنت تدري وش اللي قاهرني مو قاهرني أكثر إلا إن التحرك وسحب النجومية لم تأتي من أجنبي بل من داخل المملكة العربية السعودية وتسحب من لاعب سعودي لصالح لاعب سعودي آخر ...

[الحب الكبير]

ترسبات نادي القرن هي من جعلت سامي يتكي بالرياض


يعني يقالنا سجلنا موقف :slv: مادرينا انه اخر همهم نادي الهلال

[الاســـطــــوره]

توقعوا بكره اذا ماراح سامي بيرجعون يحرقون قلبه ويطلعون تصريح ,,

سامي كان الفائز ولكن لانه لم يحضر جيرت الجائزه لصاحب المركز الثاني وهو حمد المنتشري !!

تحياتي للجميع ,,

[هلالي اكاديمي]

ناكاتا وهو ناكاتا ماراح ولا راح يروح

المسأله صارت زي القحطاني

يلعبون على الحبلين ...

أذا أخذ الهلال القحطاني قالوا أكلناكم مقلب ..

وأذا ما أخذه قالوا لا بغينا شي نسوية غصب عنكم ...

وصار الاول ....

بس القحطاني سكتهم وخاصة بعد مباراه الاهلي...

وبالنسبة لسامي ...

أذا راح سامي قالوا أنت الثاني...

و أذا ماراح قالوا أنت الاول بس ما جيت وراحت للمنتشري ....


وبعدين ســـــــــــــــــــــــــــــامي ما رفض الذهاب الأ أن عندة مصدر موثوق

أن الجايزة راحت للمنتشري ...

وعلى بالكم سامي بيتركها للأتحاديين ...

سامي عنده عقل يفكر ويقرر وعنده مصادره الخاصة ولا بيفوت علية شيئ

أتمنى أنكم فهمتم الفكرة ...

[استاذ العشق]

خلاص طارت الطيور بارزاقها

ويستاهل المنتشري

وهاردلك يا سمسم

تحياتي لك

[على كل حال معك ياهلال]

لا بس محمد بن فسصل ما منع سامي من السفر عبث

يعني الجائزه طارت حسبنا الله ونعم الوكيل

وما نقول ألا ( ياصغير ما يكبرني لقب )

[** { برنس الزعيم } **]

المشكله كلنا معك كان لابد منه ان يذهب كما ذهب المرشحون لجائزة اوروبا بالامس واخذها رونالدينهو لا يوجد عيب ان لم ياخذها بل العيب هو الهروب ولعل مباراة النصر كانت السبب الاكبر ولا ننسى بان سامي كان متواجد بالمطار ولكن الاتصار الهاتفي الذي جاءه هناك كان هو السبب بعدم سفره ,,,

جائزة سامي هي قلوب جماهيره وليس بضعه غرامات من الذهب او تسجيل اسمه بتاريخ لاعبي اسيا لأنه اكبر من هذا وافضل دليل ما وصل له الثنيان من شهره والدعيع عميد لاعبي العالم :noo:

[الهلال منطقي]

.

هذا اللي (( محيرني )) ياشقراوي ..!!

[زعيماوي 10]

أشكرك أخوي أبو وليد كلامك سليم ولكن لو ذهب الى هناك وذهبت الجائزة الى من لايستحقها كيف يكون موقف الذيب الا يقعد ونستفيد منه في المباراة القادمة احسن
سامي اكبر من جائزة ها الاتحاد المخيس

[ابو عبدالمجيد]

لو ان الخبر ليس بصحيح لم يرفع الهلال خطاب ليعرف كيفية التصويت ،،

صدقني ياشقراوي جلوس سامي في الرياض ويلعب الجمعه افضل من انه يروح هناك وتصير للمنتشري لان الخبر صحيح ،،

[أبو منتصر]

نواف أخذ الجائزة عام 2000 ولم يذهب لاستلامها بل استلمها ناصر الجوهر !!!

[عشقي الكبير]

بالفعل يابو خلود ..

المفروض ان سامي يروح ويسوي اللي عليه صح ان فيه مباراة يوم الجمعه .. لكن المباراة ميب اهم من اللقب ..

وربما اقول ربما ان اعضاء اتحاد (( الرشاوي )) .. طلعوا هالخبر عشان سامي ما يروح .. يعني اشاعة خبر فقط .. ولاحظ ان مافيه اي شي رسمي طلع .. يعني كله كلام ومنقول من فلان وعلان .. وبكذا يكون نفذوا مخططهم ونجحوا فيه ..

ولا يصير للهلاليين اي حجه لحجب الجائزه عن الذيب .. فعدم الحضور هو السبب .. وهذي بتصير حجه علينا ..

وانا بصراحه مثلك اتمنى ان سامي يروح عشان تكون الصوره واضحه وعشان تكون فضيحتهم قويه ..

على العموم حنا ما ندري وش حيثيات الموضوع وتفاصيله .. بس اللي ظاهر لنا .. يخلينا نطالب بذهاب سامي الى كوالالمبور حتى لو جت اخبار من بن (( حمام )) نفسه ..

سلامي ياعسل ..

[شفاف]

سليم عشره على عشره

وبلا نصر بلا هم

[ابـو تــركي]

مع شد الأعصـاب والله مــاندري وش نقول ولا كيف نفكر

[صقرعبدالعزيز الاحمدي]

والله يا شباب انها ممكن لعبة من الاتحاد الاسيوي بعدم ذهاب سامي
وبذلك يكون عندهم حجة لحرمانة من الجائزة
يا ليت والله انة يسافر عشان ما يكون عندهم اي عذر

[هلالي جداوي]

خلاص يا خوي
ما ينفع الكلام
هذا زمن الفلوس ....
يعني سامي ما يقدر يحصل على الجائزة ..........

[مالك الحزين]

اخوي شقراوي ممكن اسالك سؤال

ماذا تفسر قول الدبل بان الجائزه ذهبت للمنتشري
وبماذا تفسر امتغاضه من الاتحاد الاسيوي

تحياتي لك

وصدقني ابو سلطان مع الجابر ابخص

ويكفي قول ابو سلطان يان سامي الجابر اشهر من الاتحاد الاسيوي نفسه


بعدين اذا كنت مو واهم ان عام 2000

اخذ نواف الجائزه وهو لم يحضر :amle: كان في فرنسا

متى صدر قرار حضور اللاعب لحفل التوزيع الجوائز

[thewolf6]

اتفق معك في كل ما ذكرت...

وحقيقة اخطأ سامي في حق نفسه لعدم ذهابه..... لانه باختصار اصبح المسئول عن عدم حصوله على الجائزة...

بتقولون الدبل النثراوي قال خلاص منتشري.... اقول ليه ما يكون الدبل لعبها صح وضحك على سامي...

واعتقد ان رئيس الهلال اخطأ بحق سامي... وردت الفعل منه اتت سريعاً ومن قلة خبرتة...

العاطفة اضاعت الجائزة من سامي.....

ياناس ياجماهير هذا سامي....


مفروض يحضر وحتى لو خسر لانه لاعب كبير وعدم حضورة يحسب عليه وليس له.....

سامي كبير بفكره.... قبل لعبه.... وبعد هالحركة اصبح العكس...!!!

يشهد الله اني من اكبر عشاق سامي...

بس اللي قاهرني ... ان سامي اعطاهم ما يبغون....


سامي النجومية تبقى .... لانك باختصار سامي باخلاقك.... يا سامي ...

اسمع صوت مشجعينك.. واذهب الى ماليزيا....

ومباراة النصر ليست اهم... التاريخ سيذكر تهرب سامي من الجائزة....

ولن يذكر مباراة النصر يا سااااااامي...

[[ محمد ]]

لابوهم لا بو القابهم هل المرتشين

انا بنظري دام اصلا ومن الاساس ان السالفه فيها لعب وخربطه لايروح ولا شي

شي فيه عبث وخربطه من تحت الطاول المفروض من الاساس مانشارك


عموما

مدري كيف ووشلون رشحوا سعيدان المنبرشي افضل لاعب اسيوي


ويييييييين كريري وين الشلهوووووووب وين مبروك زايد ووين خالد عزيز

ولا بس خذو كم شيك وحطوا اسماء اخوياني



يلعن ابوها كوره دامها تسير بفلوس الرشاوي

[رفيع المقام]

بالعكس بقاءه أفضل فيعرف الاتحاد الخاسيوي أن تلاعبه مكشوف و أن النظام فيما يعجبه فقط أما ماتفعل $$ فهو لايعترف بالنظام

[شقراوي]

والله هذا اللي انا اشوفه كان المفروض انه يتعامل مع الموضوع بطريقه احترافيه اكثر. حتى لو كان فيها غش. قد تكون هذي محاولات لابقاء سامي في الرياض لكي لا يستلمها. ترا في ناس في الاتحاد الاسيوي والله خبيثين و مرتزقه قد يكون البلوي شراهم لكي يسربوا الاشاعه عشان يبقى سامي في الرياض. لأن حتى فريق الاتحاد لم يصله اي شي رسمي بخصوص المنتشري . والاتحاديين اعتمدوا فوز المنتشري لان سامي زعلان . هل يعقل هذا ان لا يصل للاتحاد خطاب رسمي!!
وقد يكون اول المتعاونين مع البلوي هو الدبل بنفسه!!!!!!!!!!!!!!!!!!!
وبالنسبه لنواف فهو ما حضر لأنه مرتبط في فرنسا وكان يعالج ركبته و يعتبر غايب بعذر.

الله المستعان :(

[Blue 9 WolF]

حرام والله يروح سامي ولا يستلمها


بموت من القهر :cry:

اه يا سامي


سامي هذه ضريبة الشهره العالميه وضريبة موهبتك وضريبة انك هلالي وضريبة انك من قهرهم وتعبهم وضريبة انك في يوم بكيتهم


سامي كلنا ثقه انك الفائز وانت على ثقة بل اسيا بكبرها على ثقه انك من فائز بها .



ســــــــــــامي انت لست لاعب 2005 فقط انت لاعب العصر الحديث باسيا باكملها

[المارد الازرق]

اسمح لي اخي شقراوي ان هذا ليس بعذر للاتحاد الاسيوي في تغيير مسار الجائزة
فعذر البليد مسح السبورة

تحياتي

[قاهرهم(هلالي)]

الله يكتب اللي فيه خير

[فتى الساحه]

الاتحاد الاسيوي صاحب مواقف مخجلة مع الهلال
راح سامي واخذه المنتشري وش يسوي سامي يصفق بيديه للمنتشري وش موقفة وهو على الكرسي
يجلس ويعين خير ويلعب ضد النصر ونسجعة بحماس وهو يسجل الاهداف الواحد تلوا الاخر ....

ولو كان لسامي في الجائزة نصيب اخذه غصباً عن الجميع وحتى لو كان في الرياض ولاتنسوا ان ولد اليابنية مقد حضر للاتحاد الاسيوي ولا اشتهى جوائزهم
وابوجوهر ناصر مدرب المنتخب يوم فاز بجائزة افضل مدرب استلم جائزة نواف بن بندر التمياط عنة

ومع تمنياتي لكم بالتوفيق

[محب الفهد]

اخوي شقراوي ممكن اسالك سؤال

ماذا تفسر قول الدبل بان الجائزه ذهبت للمنتشري :confused:
وبماذا تفسر امتغاضه من الاتحاد الاسيوي :amle:

تحياتي لك

وصدقني ابو سلطان مع الجابر ابخص

ويكفي قول ابو سلطان يان سامي الجابر اشهر من الاتحاد الاسيوي نفسه :yes:

[عاشق ابو يعقوب15]

قالها رئيس الهلال

سامي لايحتاج للجائزة وافهموها عاد

[خـــــاص]

أحسن له يجلس ، بدال مايروح ينجس نفسه هناك بمقابلة أعضاء اتحاد المادي