المساعد الشخصي الرقمي

مشاهدة النسخة كاملة : ادخل هنا وطالب بتغيير ملعب مباراة الهلال والحزم

السلطاني
30/9/2005, 20:22
السلام عليكم ورحمة الله وبركاته

أخواني الكرام
الكل يعرف الشعبية الجارفه لنادي الهلال في منطقة القصيم

وأي مباراة للهلال في منطقة القصيم تمتلئ المدرجات عن بكرة أبيها

ولكن تفاجأ الجمهور الهلالي في منطقة القصيم

بأن مباراة الهلال والحزم ستلعب في ملعب نادي الحزم :zael:

وهو ملعب صغير جدا جدا :slv:

ولا يكفي لجماهير نادي الحزم لوحدها :slv:

فما بالكم بجماهير زعيم نصف الأرض :mad:

وبطل رباعية الموسم السابق :mad:

والفريق الذي به عشره لاعبين في المنتخب الوطني :mad:


يجب نرفع أصواتنا للمطالبه بتغيير ملعب المباراة

خصوصاً أن منطقة القصيم فيها الكثير من الملاعب المميزه والكبيرة

وكلها قريبه من الرس ولاتبعد اكثر من 30 كم

يعني مسافه أقرب من مقر نادي الهلال لآستاد الملك فهد الدولي بالرياض

الجماهير الهلالية في منطقة القصيم لها الحق في مشاهدة نجوم الوطن

ولها الحق في متابعة مباراة زعيم نصف الأرض وبطل رباعية الموسم السابق في الملعب

خصوصاً ان نادي الهلال لايأتي للقصيم سوى مره واحده في السنه


فهل هذا مستحيل

أرجوكم لاتحرموا جماهير الزعيم في القصيم من الحضور للملعب
ابوعلي(955)
30/9/2005, 20:36
اسمحلي اخوي السلطاني خلينا نشوف نجوم الزعيم بالرس لو مرة بالعمر
وبعدين المباراة منقوله....راح يخفف من الجمهور شوي
أسيرالعبرات9
30/9/2005, 20:39
لاحياة لمن تنادي :rolleyes:
مين الي بيسمعك الاتحاد السعودي :rolleyes:
السلطاني
30/9/2005, 20:41
يا الغالي الملعب صغير جدا

ولا يكفي جماهير الحزم

فما بالك بجماهير الهلال

نبغى الفائدة لجميع أهل القصيم
bmbsa
30/9/2005, 20:41
اهم شي كيف أرضية الملعب؟؟
ابوعلي(955)
30/9/2005, 20:48
الارضيه عاديه جدا زي كل الملاعب
رحيل صامت
30/9/2005, 20:55
هلا بــاالــغــالــي

والــلــه ودنــا باالملعب الكبير

بس وش نسوي من اللي بيسمعك
يوسف
30/9/2005, 21:58
هلا السلطاني

ابصراحه انا معك بتغيير ملعب الحزم..

بس من حق اهل الرس يشوفون الهلال ونجومه بالرس فعلشان كذا من رايي ينقلون المباراه لملعب التعليم اللي على مدخل الرس فهو اكبر مدرجات من ملعب الحزم واعتقد ارضيه الملعب جيده..


وكل التوفييق لنجومناا بالعوده من القصيم بالثلاث نقاط وبالسلاامه يااارب..


وتحياتي لك:)
سنعوسي (الرياض)
30/9/2005, 22:07
لاحياة لمن تنادي :rolleyes:
مين الي بيسمعك الاتحاد السعودي :rolleyes:
نواف
30/9/2005, 22:23
.. رغم صغر الملعب وعدم استعيابه الكافي .. إلا أن جماهير الرس من حقها أن تستمتع بـ هـ.ـ.ـ.ـلالها .. :rolleyes:
أبودهام الهلالي
30/9/2005, 22:26
يا ناس يا عالم

ملعب الحزم ما يأخذ أكثر من 1500 شخص يعني المفروض ينقل لأي مكان ثاني
الشاخط
30/9/2005, 22:32
اتفق معك
واتمنى ان لاتحدث كارثة
بسبب الحظور الكثيف من قبل عشاق الزعيم
بمنطقة القصيم
واتمنى من الإتحاد السعودي لكرة القدم التدخل
لنقل المباراة لملعب التعليم
تحياتي
محب الفهد
30/9/2005, 22:46
اهل القصيم يتمنون الهلال يجي لهم كل موسم وانت عاد تبون تحضرون اقولكم اتركوا عنكم القافه
السلطاني
30/9/2005, 23:54
يالغالي ترى ملعب التعليم يعتبر قريب جدا من الرس

مشوار ربع ساعه بس

ويأخد اكثر من عشرين الف شخص


يعني لو تركب سيكل تقدر توصلها
الحر 11 الأشقر
30/9/2005, 23:58
خصوصاً أن منطقة القصيم فيها الكثير من الملاعب المميزه والكبيرة

وكلها قريبه من الرس ولاتبعد اكثر من 30 كم

ترى الرس ديرتنا وحنا أدرى منك
أي 30كيلواللي تكلم عنه بريدة تبعد عن الرس أكثرمن 85ك
والملعب يبعد عن ملعب الحزم 100ك أرجوتحري الد قة..............................................
من حق أهل الرس مشاهدت الزعيم بينهم وعلى أرضهم
الشعلة لعبت على ملعبها من دون أي تشويش
.............................................
رغم صغر الملعب وعدم استعيابه الكافي .. إلا أن جماهير الرس من حقها أن تستمتع بـ هـ.ـ.ـ.ـلالها
............................................
بس من حق اهل الرس يشوفون الهلال ونجومه بالرس
...........................................
اسمحلي اخوي السلطاني خلينا نشوف نجوم الزعيم بالرس لو مرة بالعمر
وبعدين المباراة منقوله....راح يخفف من الجمهور شوي
.........................................
abo-sagr
1/10/2005, 00:10
........

أي والله من المفترض نقل مباراة الهــلال إلى ملعب الملك عبدالله في بـريدة ..

.. وجمهور الرس من السهوله يجون لبريدة والمسافة قريبه جــداً ..

........
الجديد الهلالي
1/10/2005, 01:17
والله يناس خوفتونا انا بصراحه ادرس في جامعة القصيم (الملك سعود قديماً) وساكن
واول مبارة ناوي احضرها للهلال بس ضيقتو صدري اخاف اروح ماادل الملعب واذا دليته يقولون خلصة التذاكر لاني ماخلص من الجامعه إلى الساعه 3 العصر

اسعفونا اسعفونا اسعفونا اسعفونا اسعفونا اسعفونا اسعفونا اسعفونا اسعفونا اسعفونا اسعفونا اسعفونا
أبو رشرش
1/10/2005, 01:38
لا حياة لمن تنادي


وليس عيب أن تنقل المباراة الى بريده

أهم شي الفوز ولا غيره

لأن معلب الحزم صغير جدا وسوف يدافع ثم يصعب الفوز عليه في ملعبه
ابو احمد
1/10/2005, 01:53
مو مشكله مدامت المباراه منقوله وكلها مره في السنه على قولتك يلعبون الهلال هناك خلى جمهور الرس يشوف نجوم الهلال ... ولك خالص تحياتي ...
يلوموني فيك يالحوسني؟
1/10/2005, 03:13
ليه معصبين ياعيال الرس
حلف لي واحد إن كل مقصد موضوع تغير الملعب حسد لأهل الرس حتى مايشوفون الزعيم

حبو المبارة منقوله لاكن لو تنقل للتعليم أفضل بكثير لا المواقف ولا المدرجات ولالالا كلها التعليم أفضل ولكم تحياتي :mad: :mad: :mad:
مشعل M
1/10/2005, 06:37
ترى الرس ديرتنا وحنا أدرى منك
أي 30كيلواللي تكلم عنه بريدة تبعد عن الرس أكثرمن 85ك
والملعب يبعد عن ملعب الحزم 100ك أرجوتحري الد قة..............................................
من حق أهل الرس مشاهدت الزعيم بينهم وعلى أرضهم
الشعلة لعبت على ملعبها من دون أي تشويش
.............................................

............................................

...........................................

.........................................