قل ولا تستحي !!

[مجنـــ يوسف ــــون]

السلام عليكم ورحمة الله وبركاتة ،،
هلا اخواني كيف حالكم ان شاء الله بخير المهم انا ابي من كل عضو في المنتدى يكتب موقف محرج او طريف مر به
ولا يستحي ترى ماعنده احد ،، عاد انا بابدى واقول موقفي ....
سلمكم الله انا في يوم من الايام رجعت للبيت في وقت متاخر ورحت غرفتي سيدة وما انتبة ان عند اهلي
ضيوف عاد وانا في الطريق الى الغرفة مريت غرفة اختي وفتحت الباب ومادريت اللا الي وحدة من
الضيوف اللي جاين لمنا في الغرفة مع اختي والى الالي يصك الباب وينحاش لغرفتة من
عقب هالموقف ماعاد ادخل البيت الا وانا متاكد من اهلي ان ماعندهم احد ،،
وشكرا ,, عاد جا دوركم ورونــا " :D :D :D

[عاشق الهلال حسون]

انا ياطويل العمر بعدين اقولك موقف رائع من مواقفي ((مصدق ))

بس رديت لأشيد بفكره الموضوع الحلو والله

[مجنـــ يوسف ــــون]

هلا عاشق ،
اولا مشكور ثانيا مانب راضي منك الا لما
تعطنى موقف ؛؛

[هاوي الهلال]

هاااياااات

موضوع حلو ...


بس ماعندي مواقف محرجه .. :(

غير موقف قبل امس .. في مكالمه مع واحد من اخوياي ..
طبيت فيه وانا ماادري :D
ومستقعدلي (himo) (himo)

[ابراهيم النجيدي]

لا بس حبيت أقول إن اللي طب فيه هاوي من غير لا يدري هو أنا .... وترى كلامه صحيح , والله يا أنا مستقعدله لحد مايبان له صاحب (himo) ,,,

موضوعك حلو يامجنون يوسف , لكن ماشفنا ردود الأعضاء , باليت يصير فيه مشاركات متنوعه علشان نضحك :D ,,,

تحياتي ,,,

[جيفينشي]

يا هلا

[الحاير]

والله انا صارلي موقف تمنيت الارض تنشق وتبلعني
كنت بداية السنه الدراسيه (تخبروون ثلاث لازم الواحد يشد حيله )(ايه هيين )
كنت بالمكتبه اخذ دفاتر وفي امان الله انا
لكن ضربت كتف وحده بالغلط من الزحمه وهي اللي تقوم تلجلج وتخانق وترمي دفتر علي وبعد كذا نادة اخوها (هي لحالها تكفي من كبرها) ويجيك اخوها دبل البنت 3 مرات والله ويشدني مع ثوبي ويرفعني وانا اقوله بالتفاهم اخوي والله بالغلط الين جو ناس وفكونا الله لا يعيدها من ساعه



تحياتي
أبوماجد

[الاســـطــــوره]

هلا وغلا مجنون يوسف :) ,,,

والله موضوع حلو ولو انه يذكرني بموقف (( مرعب )) :q: وقد ذكرته في مقابله سابقه :D

الحقيقه أحرج موقف علي وكان في نفس الوقت (( مرعب )) انه في أحد السفرات مع الاهل خارج المملكه وبالتحديد في تركيا , أستأجرنا احد المنازل (( دور ارضي )) في احد الاحياء , وكانت الدور الثاني يسكن به صاحب البيت مع عائلته وكان يملك امام البيت شبك متوسط الحجم وكان به (( واحد من اكبر الكلاب في العالم )) يمكن لو وقف على رجلين طلع طولي :q:

وكان مايعطي هذا الكلب أكله الا اولاد وبنات صاحب المنزل (( اللي هم انفسهم يخافون من هذا الكلب )) :yuupy: ,,,

وفي احد المرات كنت انتظر أهلي خارج البيت ولم اكن ابعد سوى خطوات بس عن باب البيت , الا وأشوف (( البنتين )) بنات صاحب المنزل يركضون بسرعه الى بيتهم (( وانا مستغرب )) :req: ماكنت داري وش اللي منتظرني من مفاجأه غير سعيده :cry: ,,,

الا (( الكلب الكبير )) كان خارج السور والبنتين شكلهم يوم شافوه طلع بره السور (( انحاشوا )) واتركوني انا اصور معه صوره (( سريعه في الشارع )) :eek:

المهم كلها لحظات بيني وبينه نتبادل النظرات (( وانا طاقتني ام الركب ولو كان فيه ام المرافق كان طقتني بعد )) المهم كلها شوى وانا اسمع باب البيت (( اتقفل)) اخوي الصغير (( جحدني )) بدال مايناديني ادخل صك الباب وتركني معه :jhgy:

وماتشوف الا (( غباري )) في الشارع وقعدت (( امتره )) رايح وجاي , و على كثر الناس (( اللي يتفرجون )) مالحق الا انا (( عنده ذوق )) :D (( الله من زين التصريفه )) , لا والبنتين انواع البراءه قاعدين يطلون من السطح على (( هالمطارده البريه )) :zael: ,,,

وكملها اهلي (( جحدوني )) يتفرجون علي من الشباك خايفين اذا فتحوا الباب يدخل عليهم هالكلب , قالوا واحد يروح ولا كل البيت يروح :noo: ,,,

وكلها دقايق من الركض يمين ويسار وشمال وجنوب (( اول مره اعرف اني سريع )) الا ويجي صاحب الكلب ويناديه ويروح له ويفكني منه :) ,,,,

وهذا كان احرج موقف قدام العالم في الشارع (( والوالد بين فتره وفتره يذكرني فيه ويضحك )) :(



هذا احرج موقف لي في حياتي , قلت اعيده هنا مشاركه في الموضوع , وعلشان تعرفون اني (( قوي وماخفت من الكلب بس كنت اختبر سرعته )) :kany:


وللجميع خالص تحياتي ,,

[السيناتور]

اهلين ....


والله انا صار لي موقف بايخ مو محرج ....


وهو اني مره واعدت واحد من الشباب في الشبكة عشان اشوفه ....

وفعلا رحت له ....
وقال تعال نروح لواحد قال انه معانا بعد في الشبكة ...

وفعلا رحنا ......

وبعد ما رحنا لقيته ولد عمتي ...

هههههههههه.........

[مها العالميه]

اهليـــــــــــــن,,


فكره روعه يا اخوي مجنون يوسف;)

الحاير يا ريت من شاف وجهك بذيك اللحظه:angel:


الاسطوره,,

ما عندك صوره للكلب علشان احطها في الصفحه الرئيسيه

للشبكه علشان لو تفكر تقفل موضوع لي تراجع نفسك مليون مره

قبل تقفله لا نه بنظره وحده من الكلب ما تدري الا وانت داير بشوارع الرياض كلها:angel:

السيناتور,,

:req: :req: <<<<<<<<والله مدري تكون قريبي او لا

[السجين بتهمة حب الهلال]

تسلم اخوي.......استلم


مره من المرات كنت بأمريكا في الصيف......وطبعا رحتلها بدون ما ادفع ولا ريال......لأن واحد من عيال خالي خذني محفول مكفول:angel: المهم كنا جالسين بأحد اماكن التجمعات العربية....وفجأه قرر الشباب اللي هناك اعلان مظاهرة على الامريكان وقالوا يالله شباب قوموا لابد نطالب بمظاهرة وانا مدري وش قصة المظاهرة بس قلت معكم معكم يالله:guns: وانا ادخل معهم بالمظاهرة ونمشي بالشارع وصرت من الحماس معي لوحة كبيرة واندفعت صرت اول الصف وفجأه ما لقيت نغسي الا وجه بوجه مع الشرطة الامريكيه قدام بعض وانا اتفلت عليهم واتكلم:jeng: ومادريت الا طحت على وجهي من كثر الدف ,وصرت قريب من الشرطة الامريكيه والتفت وراي والقى اخوياي كلهم انحاشوا <<<< امحق اخويا:zael: واقعد اطالع الامريكان واتكلم معهم بلهجة انجليزيه مكسره كنها اردو مو انجليزي:angel: واتفاهم معهم الين فكوني وىخرتها رحت للشباب اللي تركوني واطيح فيهم سب وتهزيء وهم ميتين من الضحك:angel:


تحياتي لكم ياغاليين

[عنود الصيد]

اهلين مجنـــ يوسف ــــون



أنا عندي موقف بس تداركته ..
وهو مرة في الصباح و انا اجهز نفسي للمدرسة وكنت متأخره وقتها ومستعجله .. وخلصت ومابقى الا انتظر الباص ..:yuupy:

و البس شرابي وكان الباص في وقت وصوله , يعني مافيه وقت ..

يوم جيت بالبسه انتبهت لرجولي اثرني ناسية الشبشب علي ومالبست الجزمه:eek:

والحمدلله اني انتبهت ولا كان علوم , أدرس بشبشب:( .. ربي ستر:(..


بعدها صرت اخاف وقبل لا اطلع اتاكد من نفسي اكثر من مرة :)

[شــقــراويـه]

انا بصراحه صار لي موقف بالمدرسه (مساكين ماعندنا غير المدرسه):(

الموقف اني كنت نازله من الدرج وكانت المديره نازله قدامي (مديرتنا قصيره ودبدوبه):angel:

طبعا كانت لابسه جزمه بكعب طويل ونحيف وهي دبدوبه:req: وكان معاها دفاتر ..المهم وهي تمشي قدامي انكسر كعبها وطاحت (ادحرجت من الدرج):yuupy: والدفاتر تنثرت ..طبعا ماكان فيه احد غيري شافها ..انا انفجرت من الضحك عليها :D :D :D .وهي تطالع فيني تبيني اساعدها.وانا ولا فكرت إني اساعدها :angel:

من يومها وهي حاقده علي (rambo)

مشكور على هالموضوع :)

[مجنـــ يوسف ــــون]

الف شكر لكم بصراحة انتم اللي مجملين الموضوع
بردودكم ولكم مني جزيل الشكر ,, :yes: :D :yes:

[الذاهبه]

هلااااااا :)

احلى المواضيع اذا كانت عن المواااقف :cool:

بصراحة ذكرتني بموقف رهيب حصل لي :D :D

كنت انا واختي مها العالميه وبعض الصديقات مسيرين على ملاهي هابي لاند بالمنطقه الشرقيه

وبعد مالعبنا كذا لعبه حسينا بالعطش والجوع ورحنا نلف وندور ندور على مطعم وبعد ماتقطعت ارجولنا

وحنا ندور عليه جاء الفرج لمحناه من بعدين ماصدقنا :eek: طرنا طيران له ويوم قربنا لشبااااااك

اتاريه مسكر الشباك والي يبيع نشوفه جوا طقينا عليه ومارد علينا وطقينا مره ثانيه وبعد مارد علينا :sheto:

وطقينا قوة عليه وحنا شايشين :zael: اخيرا التفت علينا وناظرنا نقوله بسرعه افتح ترانا عطشانين مره

ومارد هو وجهه :mad: قلنا له ياخي بفلوس رد واشر بيدة :hgfd: قلنا وراه ومارد وسوى نفس

الحركه :hgfd: عاد جلسنا نفكر :req: ليش مايبي يفتح الشباك لنا لاهوب وقت صلاة ولا شئ

ورجعنا طقينا طق مهوب صاحي لين صارت ايدينا حمر من الطق :D قلنا بسرعه نبي بيبسي بس واشر

بيده للعصير قالت مها يقول مافيه الا عصير قلتلها شوفي البيبسي قدامي وشوله يكذب قالت يمكن مهوب

بارد قلت يمكن صح عليك طيب عطنا عصير واشر بيده مره ثانيه للعصير قلنا ايه ميخالف نبي عصير واشر

مره ثالثه للعصير قلنا ياغبي ماتفهم قلنا ميخالف الله ياخذك وياخذ من شغلك هنا ياغبي :mad:

الرجال طلع من المطعم وكان في اتجاهنا خفنا منه :q: :q: :q: :q: :q: :q: :q: وش يبي جاء لنا

قال انت مافي معلوم انا اقول من شباك ثاني تعال اشتري هذا شباك مسكر شوف فوق وش مكتوب :nrey:

انتم سعوديين مافيه مخ :yuupy: اتاري فوق الشباك مكتوب فضلاااااا اذهب لشباك رقم 2 :D :D

وبعد هو يوم كان ياشر بيده للعصير كان ياشر لشباااااك بس صدفه كان الشباك بجنبه العصير :asno: :asno:

ولا القربين منا فاااااطسين من الضحك علينااااااااا :D :D :D :D :D :D

وحنااااااا ضاعت وجيهنااااااااا :amle: :amle: :yuupy: :yuupy: ماندري وش نسوي :D

[الطيرالهلالي]

السلام....

انا اتذكر موقف قديم ومن زمااااااان بالحيل....

كنت انا وابوي ....رايحن لجده ..بطياره .....

واول مره نركب طياره انا وياه....اول ما جينا بنركب الطياره .نصينا اولها على بالنا راكبين بااااص ..ونقعد بدرجه الاولى الين جت المضيفه مغربيه سفلت فينا ورجعتنا الى اخر الطياره .....والله يا بو قفلت معه بغى يهون من السفره...

[مجنـــ يوسف ــــون]

مشكورين اخواني ويعطيكم ربي الف عافية ،،
بس انا حبيت اقول لكم موقف صار من قريب وهذا الموقف ماصار لي صار لواحد من اخوياي
وهو انه سواء حادث من الحوادث اللي يحبها قلبكم بس مو في سيارة في جدار بيت
ويوم استفسرت من خويي عن سبب الحادث قال ((اتفادى قطو ؛؛بسة؛؛ مادريت اللا وانا في
الجدار ـــ الله من الغشامة :D :D