يازين مهما طال وقتك وصديت ؟؟؟؟؟؟؟؟؟

[عاشق الذكرى]

اهدي هذه الابيات المتواضعه لكل عشاق الشعر

يازين مهما طال وقتكوصديت *** عمر الثقل مالين قلوب الاحباب
ماتملك قلوب عليها تغليت **** مادام حبك ياريش العين كذاب
خنت العهد ياخاين العهد وقغيت *** والمشكله من دون ذنب ولا اسباب
لجلك ولجل رضاك فالحب ضحيت *** وياما على شانك تحملت الاتعاب
ياما على شانك للاقدام سجيت **** ويا ما سهرت الليل والدمع سكّاب
وقدمت لك قلبي على الكف واهديت **** وارخصت روحي في غلا سود الاهداب
واليوم مادام انت ياخل جافيت **** مانيب من يمشي وراء كل نصاب
اعز نفسي بالكرامه تعزويت **** وقفلت من بيني وبينك ميت باب
واقول واكرر ميت الف ياليت **** لاعاد حب جامع شين الاصحاب
واقول عن حبك تراني تخليت *** رح في طريقك والمحبه لها احباب
غيرك نحصل شايع الذكر والصيت *** وكامل جميع الوصف بالحب جذاب
ابو خديد ساطع كنه الليت *****وسود المحاجر من تحت ضف الاهداب
وختامها قال المثل شطر من بيت **** ماضاع حق وله ورى الناس طلاب

[عنود الصيد]

ابيات روووووووعه جدا ..



اذا كانت لك فانت مبدع, ورغم اني ما افهم بالشعر بس الكتاب باين من عنوانه :)



يعطيك الف عافيه .. وبانتظار المزيد ..وياهلا فيك :)

[نجم2001]

يعطيك العافيه عاشق وياليت تكثر من هذه القصائد حتى نغير شوي من الداجين اللي بهالمنتدى .....

يخليك ربي ............

تحياتي لك