مدرعـم
20/5/2005, 16:17
للمره الاولى اجد نفسي حائر لاادري مااقول ولكن ماسطرته هنا ماهي الا فضفضة مشاعر غريبه ارتطمت بالواقع واندثرت محدثه جروح عميقه قد لانجد من يداويها فجرح الزمن كفيل به الزمن ولكن جروحي لايداويها احد .. فاما تقبلها او الانصراف والدعاء بالشفاء لصاحبها (( تراكم منتو مضيعين بس اللي فوق ينقال لها مقدمه ))..
=-=-=-=-=-=-=-=-=-=-=-=-=-=-=-=-=-=-=-=-=-=-=-=-
مثل منتو عارفين ان أي انسان شين تلقاه دايم عارف حدوده زين ودايم تحس انه مغلوب على امره ومسكين وان كل اللي يقابلهم ازين منه حتى لو قابل قرد مرطب خشته بفازلين (( هذا وهو بفازلين اجل بدونه وش متخيلين :jhgy: )).. وانا من يوم ماوعيت على هالدنيا وهذا هو شعوري مضطهد ومقرود لدرجة ان لحظة ولادتي الدكتور لما شافني لاعت تسبده وتفل بوجه امي حتى انه اول كلمه حنونه سمعتها من امي هي وعععععععع وردت تفلت بوجه الدكتور (( من جد حسيت ان شكلي متكون في سيفون )).. حتى لما حطوني بالحضانه قطوني في غرفة بالحالي يحسبون فيني مرض معدي واكتبو على سريري تحمدو ربكم لا يجيكم اعيال زيه (( وش اكثر من تسذا قراده طالع للدنيا بتحطيمه )).. ومضت السنين والايام والحال كل ماله دمار فكبرت معاناتي مع عمري وكبر خشمي مع همي وكبرت حسرتي من حرتي واللي زاد علي اكثر يوم بلغت مرحلة المراهقه وطلعت الحبوب في وجهي وجبهتي (( ياربي وش انا مسوي في دنيتي :( )).. لدرجة انه خطر في بالي اعرف انا وشلون جيت لهالدنيا ؟؟ وعلى طول طمرت لغرفة ابوي وامي ورجفت الباب عليهم ومارجفته الا والاقيهم في وضع مخل !!..
وانا اللي تخنقني العبره واجلس اصيح وفضيحتنا ضاع شرفنا ضاع شرفنا (( يسمع بالشرف هالمخفه )).. وماوعيت الا وابوي طامرلي وبدون مقدمات قال استر علينا الله يخليك لاتفضحنا وانا اصيح يافضيحتنا ضاع شرفنا ضاع شرفنا وهو يحاول يسكتني آخرها قام وحط بجيبي ريالين (( اخس يالرشوه خخخخ نعنبو عايله انت فيها .. مجانين )).. تسان اسكت واقوم اناظر فيه واناظر بالريالين واقوله تدري الحين انا وش اتمنى من هالدنيا ؟؟ ناظرني وهو يضحك وقال ايه وش تتمنى .. قلت بصراحه اتمنى لو يصير عندي ابو مثلك !؟! .. قال وانا وشو يالطبل بلا بشكلك .. وماوعيت الا ومسكني من راسي وخلاني اقبل الارض بجبهتي مره تلو الاخرى ويقوم عقبها يسحبني من رقبتي ويحك بوجهي جدران الغرفه حتى اني شميت ريحة لحم مشوي يطلع من وجهي آخرها اخذ الريالين وشالني مع علباي وطردني برا (( باين على ابوي واجد يحبني ))<<< اقول كل هوا :amle:
حتى اني لاوقفت قدام مراية وشفت وجهي من القهر والقرف اطيح ذب بشكلي واحيان اتفل عالمرايه واقول قدر الله وماشاء فعل اصبر فمالك الا الصبر (( العب على نفسي قلت يمكن الله يفرجها علي ويزين شكلي )).. الين ماوصلت الى حاله نفسيه صعبه صرت مااطيق اشوف فيها وجهي فقطعت عهد على نفسي اني اقاطعه وابدا معه مرحلة الخصام وماعاد اسمح لنفسي ان تسول لي بشوفته .. فقمت وقشعت كل المرايات اللي بغرفتي واذا مريت على مكان وفي مرايات احاول قد ماقدر اني اصد عنها ومااناظر فيها واستمريت على ذا الحال شهور وايام الين ما جا يوم صحيت من النوم مفجوع وحسيت ان وجهي يعورني (( بلا والله ذا من زود الشين اللي فيك :amle: )).. فقمت ورحت الحمام عشان في مرايه ويوم وقفت قدامها واناظر الا والله شكلي متغير ماهو مثل ماخبرته آخر مره وقلت بخاطري ايه الناس اشكالها تزيد حلاه الا انا مالت كل ماله واخيس .. شوي الا واسمع صوت يقولي تخسي .. وانا من دون وعي قلت والله مايخسي الا انت شوي الا واللخم على وجهي تسنه واحد رش علي ماي بارد واقول وش السالفة تسني سمعت احد كلمني تسان اقوم وافرك عيوني واناظر حولي واناظر بالمراية مره ثانية واقول الظاهر اني متوهم مع هالوجه اللي تسنه عجوز املط الا ويتكلم وجهي من المراية ويقول وانت عاجبك شكلك اللي تسنه باب مقلط ..
وماوعيت الا وجهي اللي بالمراية يظهر لي وقال لاتخاف ما عرفتني ؟؟ وانا يوم شفته طالع ويقرب مني توهقت ورفعت عيوني فوق مسوي نفسي اعمى عشان يمكن يوخر عني (( يلعن ام الخوف اللي يخليك غبي )).. وقلت له وشلون اعرفك هو انت انس ولا جن .. قال لا جن .. وانا ليما الحين ماشي بدور الاعمى وقلت اشوى والنعم فيك والله لو انك انس تسان لعنة ابوجدك (( توك من القمطه مسوي اعمى وتنافخ بعد ياعمي طير )).. قال اعرفك بنفسي انا شوشو .. قلت وش شوشو ذي رقاصة بدبي ولا شو (( يلعن ام المصاله )).. قال ماتنفع ذي ذب زي الناس ولا انطم انت وهالخشم اللي تسنه فخذ .. قلت اقول روقنا انت ووجهك اللي تسنه عرس مافيه احد .. قال ياخوي وراك زهقان ومتكدر وضايق خلقك ؟؟ قلت يااخي وشلون مااتكدر وانا شايف وجهك (( يوو انفضحنا :ignor: )).. قال اجل اعمى بخخخخخ بس بعذرك منقهر عشاني مو شين مثلك (( هو صحيح شين بس مو مثلي شين حدي )).. ناظرته ورديت عليه مع موسيقى حزينه وقلت هذاك قلتها شين وشلون ماتبيني انقهر وانا مكتوب على وجهي قهر وزهق .. كله هم .. وحزن .. وضيقه .. وقلق (( وده يشعر ))..
قال افا وانا اخوك افتح لي صدرك واشكي لي همك وش مضايقك ؟؟ واجلس احكي له عن معاناتي من يوم مانولدت الين ماكبرت وصرت رجال ماينشد فيه الظهر وقلت واللي مضايقني موت هو اني ماعرف بنات ودي اتعرف على بنت قبل مااموت (( ياشين القراوه مايعرفون يتمنون .. لو متمني يصير حلو تنبلع بس يتعرف على بنت بهالشكل مستحيل )).. قال ياخي وش هالامنية الصعبه خصوصن ان وجهك مثل ماقلت ما يساعد بس ماطلبت الا رخيص وتراها عند خشمك .. قلت وشي اللي عند خشمي .. قال يعني انا بضبط وضعك واعرفك على بنات .. قلت روقنا بس .. قال ليه وش جاك ؟؟ قلت وشلون يالنصاب بتضبط وضعي وانت وجهك تسنه وجه قرد معه امساك .. قال يا درج انا من الجن واقدر اتشكل بأي شكل ابيه .. تسان اقوم واقرب منه واعطيه نظرة خبيثه واقوله اجل تقدر تاخذ شكل بنت الحين (( الحين منهو ابليس فيكم انت ولا هو )).. قال على تبن ياحمار وقم معاي عشان اعلمك وش تسوي يالشين (( نعن ابو من جمعكم يالحمير ))..
فالبست ملابسي مستعجل حتى اني ما غسلت وجهي والاقيه ماخذني وياه السوق اللي يكثرن فيه البني بكل شكل وطعم وريحة لون رحت معه وانا دابه سليمه مدري وش المغزى من وجودي (( ياعيني عالبرأة )).. شوي الا ويلتفت علي شوشو ويقول اشر لي على اي وحده منهن وانا راح اساعدك واضبطك .. قلت له ياخي مدري كلهن حلوات وراضي بأي وحده حتى لو كانت عبايه .. شوي الا وقالي تزين تزين شوف هاللي ماره يمنا .. والتفت الا وفيه وحده موت عليها جمال يقولك اتحداك ماتخق ياالقوي .. وانا من دون شعور خفت عليها وعلى مشاعرها والله واقوم واغطي وجهي بيدي .. وماوعيت الا وشوشو ساطرني مع اذني وقال ياحمار وش تسوي قزها .. قلت ياخي وش اقزها انا شين وجهي ماينطاق .. قال ماعليك يالغبي اهم شي الاخلاق (( طالع من يقردن بالثاني )).. قلت لا لا خلنا نشوف وحده ثانيه اللي مثل هذي حرام الواحد يخرعها ماتستاهل بعد قلبي (( مافي ادلخ مني :jhgy: ))..
قال ماعليك مو مهم جمال الشكل المهم جمال الروح (( يبي يقص علي بس ماعاقت معي صدقت )).. والله واقوم التفت عليها واعطيها نظرة واحد حلو وابتسامة واحد عنده بي ام (( من جد عايش بحلم )).. الا يوم شفتها اضحكت فصخت نعلتي ورجمت بها شوشو وقلت شفت ضحكت علي هذا وانا مسوي فيها حركات راعي نظرات وابتسامات .. قال ياجنط هي بادلتك الابتسامه بضحكه يعني تبيك .. قلت من جدك .. قال لا من جدتي (( يستخف دمه مع وجهه )).. والله واقوم مره ثانية واعطيها نظره بريئه وضحكة واحد يقول احبيتس (( مسرع ماحبيتها يالقروي )).. شوي الا وتغطت وراحت واقوم من القهر وافقع وجه شوشو .. قلت شفت تغطت وراحت عني .. قال شوشو ياخوي انت شين وماتعرف تغازل وش ذنبي .. قلت يعني وش اسوي .. قال ماصار شي اشرلي على اي وحده غيرها وانا اعلمك يابعد حيي (( يلعن شكله مصمم يخربني ))<<< خش بعيني :amle:
والله واقوم اشر على وحده وقلت ابي هذي .. قال ونعم الاختيار رح لها الحين ووقف جنبها .. وانا ماصدقت خبر رحت ووقفت جنبها وجلست انتظر وانتظر والبنت لاهي معبرتني ولا حتى فكرت تلتفت لي الين ماضاق خلقي وصابني الملل ورحت لشوشو والاقيه الهيس قاعد يوسوس حق واحد يقوله الحقها وعطها الرقم تراها معجبه فيك وتحبك وذاك الثور طايره عيونه ومصدق تسان اطب عليه واسحبه من ذيله وقلت له وينك فيه يالتيس مخليني بالحالي مااشوفك سويت شي البنت معطتني الخامس تقص علي انت .. قال يارجال تراك اقلقتني قولي وش سويت كلمتها .. قلت لا ماكلمتها .. قال اجل ارجع وكلمها قولها اي شي يجي على بالك عشان تلتفت عليك .. قلت تيب ورحت ووقفت جنبها مره ثانيه وقلت لها تبين اشيل عنتس الشنطه .. قالت وشوله .. قلت عشان كتفيتس مايعوريتس .. قالت لااحسن تعال شيلني بكبري .. قلت مجنونه تبين ينكسر ظهري .. فناظرتني نظرة حقيره وقالت سخيييييف .. فحسيت انه ضاع وجهي وقلت سخيف ولا مخيف خخخخخخ يالدبه (( يلعن ابواسلوب تعرفه ))..
وزلبت لي البنت تزليبه ليست بصاحيه وراحت مثل اللي قبلها وانا رجعت لشوشو مره ثانيه واشوته وقلت له خيييير اشوف البنت عطتني ركبه .. قال عشانك حمار هذا اسلوب تكلم فيه بنت انا من شفتك وانا اقول شكلك حمالي .. تسان يضيع وجهي وقلت لعنبوك انت بعيد وشلون دريت ؟؟ قال نسيت اني من الجن يالعبيط .. قلت بس ياشوشو انت قلت لي قولها اي شي يجي على بالك .. قال صح بس ماكنت ادري انك غبي ومخك فاضي يالحمالي .. قلت عاد عن الغلط ولاتقعد تحملني المسؤوليه لحين امسك وجهك والزقه بنعالي .. قال طيب طيب راح اجي معك واكون جنبك فخلنا نحاول من جديد يلا اختار وحده .. فاخترت وقال حلو خلنا نروح لها وعطها كلام من هالرخيص بين لها انك رجال شخصية (( مو لما يصير رجال اول )).. فقربنا منها وقلت لها حياالله اللي وعدني ولا جاني .. قالت لي نعم ؟؟ قلت نعامه ترفس ببطن عدوينتس .. قالت خير ؟؟ قلت الخير بوجهتس .. قالت وش تبي ؟؟ قلت مابي الا سلامتس .. قالت في شي ؟؟ قلت مافي الا العافيه (( والله مدري وش اقول بس حسيت اني رجال :) )).. قالت غريب ؟؟ قلت ما غريب الا الشيطان ..
شوي الا وتجيني محطه على قفاي ويوم التفت الا وشوشو يقولي كل تراب يااقبح انسان .. فرسمت له ابتسامة بريئة عريضة صفراء ملتوية تتقطر دلاخه وسخرية (( لو درا عنك ابن المعري تسان الف فيك كتاب اقول انثبر بس )).. بمعنى اني امزح ومااقصد .. ورجعت مره ثانية اكمل مع البنت الا وتجيني محطه ثانيه والتفت بسرعه ناوي شر وانا اقول اعقل ياشوشو كنت امزح معاك يابن اللذيـ... الا يوم التفت شفت واحد ضخم دب ووجهه كله شنب مسكني وقال ماذا تفعل ياابني ؟؟.. تسان اضحك واقول بخاطري الغبي على باله يوم يغير شكله بيخوفني وقلت له لعنبو وجهك يالشين مداك تغير شكلك العبها على غيري مو علي ؟؟.. تسان يرجع ويقولي ماذا يابني آدم ؟؟.. قلت له وانا اضحك اكيد بني آدم يالوح يعني وش قولك اني بني حمار ولا بني قرد .. ومااشوفه الا وبدا يحمق ويناظرني بحقد فما كان مني غير اني قمت ادغدغه في بطنه واقول له وش فيك ماتضحك يالخبل (( على بالي بصرفها يوم شفته محمق )).. وما كان منه الا ولخني بهذاك الكف على وجهي خلاني الف مكاني سبع لفات احداهن بالتراب وانا افتر راسي ودارت الدنيا فيني مدري وش صار عقبها بس كل اللي عرفته ان هالكف ماكان من شوشو ..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
كان من مطوع الهيئة :(
=-=- زقــ(himo)ـــايـــــر =-=-
=- للمغازلجيه ذكور واناث ياناس استحو على وجيهكم اجل تخلون واحد مثل شوشو يلعب فيكم ..
=- مشكلة هالمغزلجي مشكلة لاصادف مره شاف شباب يتحرشون باهله عصب وحمق ويمكن يسوي منها معركة يقاله يبي يعلمهم الادب ياخوي روح علم نفسك اول قبل ماتعلم غيرك ..
=- تخيلو معاي شياب فالينها بلاستيشن واحد فايز ويرقص بالزاويه ويهز زي روجيه ميلا والثاني يحتج بداعي ان الاهداف كلها تسلل بالله مو مجانين ومخلين بنظام البشريه عشان بس تعذروني لان الاول هو ابوي والثاني هي امي (( على بالك بترقعها ياخوي استح على وجهك ذولي اهلك :jhgy: ))..
=- شوشو يالشين لاتبعد يمكن احتاجك بعدين (( يبي يوزه عليكم خخخخخخخ :d: ))..
=- بس وش رايكم فيني بالمغازل ذيب مو عوووعووو
=- اهم شي الاخلاق :angel:
:: قفله ::
خير النساء الحاميات نفوسها ***** من العار قبل الخيل تحمي ذمارها
=-=-=-=-=-=-=-=-=-=-=-=-=-=-=-=-=-=-=-=-=-=-=-=-
مثل منتو عارفين ان أي انسان شين تلقاه دايم عارف حدوده زين ودايم تحس انه مغلوب على امره ومسكين وان كل اللي يقابلهم ازين منه حتى لو قابل قرد مرطب خشته بفازلين (( هذا وهو بفازلين اجل بدونه وش متخيلين :jhgy: )).. وانا من يوم ماوعيت على هالدنيا وهذا هو شعوري مضطهد ومقرود لدرجة ان لحظة ولادتي الدكتور لما شافني لاعت تسبده وتفل بوجه امي حتى انه اول كلمه حنونه سمعتها من امي هي وعععععععع وردت تفلت بوجه الدكتور (( من جد حسيت ان شكلي متكون في سيفون )).. حتى لما حطوني بالحضانه قطوني في غرفة بالحالي يحسبون فيني مرض معدي واكتبو على سريري تحمدو ربكم لا يجيكم اعيال زيه (( وش اكثر من تسذا قراده طالع للدنيا بتحطيمه )).. ومضت السنين والايام والحال كل ماله دمار فكبرت معاناتي مع عمري وكبر خشمي مع همي وكبرت حسرتي من حرتي واللي زاد علي اكثر يوم بلغت مرحلة المراهقه وطلعت الحبوب في وجهي وجبهتي (( ياربي وش انا مسوي في دنيتي :( )).. لدرجة انه خطر في بالي اعرف انا وشلون جيت لهالدنيا ؟؟ وعلى طول طمرت لغرفة ابوي وامي ورجفت الباب عليهم ومارجفته الا والاقيهم في وضع مخل !!..
وانا اللي تخنقني العبره واجلس اصيح وفضيحتنا ضاع شرفنا ضاع شرفنا (( يسمع بالشرف هالمخفه )).. وماوعيت الا وابوي طامرلي وبدون مقدمات قال استر علينا الله يخليك لاتفضحنا وانا اصيح يافضيحتنا ضاع شرفنا ضاع شرفنا وهو يحاول يسكتني آخرها قام وحط بجيبي ريالين (( اخس يالرشوه خخخخ نعنبو عايله انت فيها .. مجانين )).. تسان اسكت واقوم اناظر فيه واناظر بالريالين واقوله تدري الحين انا وش اتمنى من هالدنيا ؟؟ ناظرني وهو يضحك وقال ايه وش تتمنى .. قلت بصراحه اتمنى لو يصير عندي ابو مثلك !؟! .. قال وانا وشو يالطبل بلا بشكلك .. وماوعيت الا ومسكني من راسي وخلاني اقبل الارض بجبهتي مره تلو الاخرى ويقوم عقبها يسحبني من رقبتي ويحك بوجهي جدران الغرفه حتى اني شميت ريحة لحم مشوي يطلع من وجهي آخرها اخذ الريالين وشالني مع علباي وطردني برا (( باين على ابوي واجد يحبني ))<<< اقول كل هوا :amle:
حتى اني لاوقفت قدام مراية وشفت وجهي من القهر والقرف اطيح ذب بشكلي واحيان اتفل عالمرايه واقول قدر الله وماشاء فعل اصبر فمالك الا الصبر (( العب على نفسي قلت يمكن الله يفرجها علي ويزين شكلي )).. الين ماوصلت الى حاله نفسيه صعبه صرت مااطيق اشوف فيها وجهي فقطعت عهد على نفسي اني اقاطعه وابدا معه مرحلة الخصام وماعاد اسمح لنفسي ان تسول لي بشوفته .. فقمت وقشعت كل المرايات اللي بغرفتي واذا مريت على مكان وفي مرايات احاول قد ماقدر اني اصد عنها ومااناظر فيها واستمريت على ذا الحال شهور وايام الين ما جا يوم صحيت من النوم مفجوع وحسيت ان وجهي يعورني (( بلا والله ذا من زود الشين اللي فيك :amle: )).. فقمت ورحت الحمام عشان في مرايه ويوم وقفت قدامها واناظر الا والله شكلي متغير ماهو مثل ماخبرته آخر مره وقلت بخاطري ايه الناس اشكالها تزيد حلاه الا انا مالت كل ماله واخيس .. شوي الا واسمع صوت يقولي تخسي .. وانا من دون وعي قلت والله مايخسي الا انت شوي الا واللخم على وجهي تسنه واحد رش علي ماي بارد واقول وش السالفة تسني سمعت احد كلمني تسان اقوم وافرك عيوني واناظر حولي واناظر بالمراية مره ثانية واقول الظاهر اني متوهم مع هالوجه اللي تسنه عجوز املط الا ويتكلم وجهي من المراية ويقول وانت عاجبك شكلك اللي تسنه باب مقلط ..
وماوعيت الا وجهي اللي بالمراية يظهر لي وقال لاتخاف ما عرفتني ؟؟ وانا يوم شفته طالع ويقرب مني توهقت ورفعت عيوني فوق مسوي نفسي اعمى عشان يمكن يوخر عني (( يلعن ام الخوف اللي يخليك غبي )).. وقلت له وشلون اعرفك هو انت انس ولا جن .. قال لا جن .. وانا ليما الحين ماشي بدور الاعمى وقلت اشوى والنعم فيك والله لو انك انس تسان لعنة ابوجدك (( توك من القمطه مسوي اعمى وتنافخ بعد ياعمي طير )).. قال اعرفك بنفسي انا شوشو .. قلت وش شوشو ذي رقاصة بدبي ولا شو (( يلعن ام المصاله )).. قال ماتنفع ذي ذب زي الناس ولا انطم انت وهالخشم اللي تسنه فخذ .. قلت اقول روقنا انت ووجهك اللي تسنه عرس مافيه احد .. قال ياخوي وراك زهقان ومتكدر وضايق خلقك ؟؟ قلت يااخي وشلون مااتكدر وانا شايف وجهك (( يوو انفضحنا :ignor: )).. قال اجل اعمى بخخخخخ بس بعذرك منقهر عشاني مو شين مثلك (( هو صحيح شين بس مو مثلي شين حدي )).. ناظرته ورديت عليه مع موسيقى حزينه وقلت هذاك قلتها شين وشلون ماتبيني انقهر وانا مكتوب على وجهي قهر وزهق .. كله هم .. وحزن .. وضيقه .. وقلق (( وده يشعر ))..
قال افا وانا اخوك افتح لي صدرك واشكي لي همك وش مضايقك ؟؟ واجلس احكي له عن معاناتي من يوم مانولدت الين ماكبرت وصرت رجال ماينشد فيه الظهر وقلت واللي مضايقني موت هو اني ماعرف بنات ودي اتعرف على بنت قبل مااموت (( ياشين القراوه مايعرفون يتمنون .. لو متمني يصير حلو تنبلع بس يتعرف على بنت بهالشكل مستحيل )).. قال ياخي وش هالامنية الصعبه خصوصن ان وجهك مثل ماقلت ما يساعد بس ماطلبت الا رخيص وتراها عند خشمك .. قلت وشي اللي عند خشمي .. قال يعني انا بضبط وضعك واعرفك على بنات .. قلت روقنا بس .. قال ليه وش جاك ؟؟ قلت وشلون يالنصاب بتضبط وضعي وانت وجهك تسنه وجه قرد معه امساك .. قال يا درج انا من الجن واقدر اتشكل بأي شكل ابيه .. تسان اقوم واقرب منه واعطيه نظرة خبيثه واقوله اجل تقدر تاخذ شكل بنت الحين (( الحين منهو ابليس فيكم انت ولا هو )).. قال على تبن ياحمار وقم معاي عشان اعلمك وش تسوي يالشين (( نعن ابو من جمعكم يالحمير ))..
فالبست ملابسي مستعجل حتى اني ما غسلت وجهي والاقيه ماخذني وياه السوق اللي يكثرن فيه البني بكل شكل وطعم وريحة لون رحت معه وانا دابه سليمه مدري وش المغزى من وجودي (( ياعيني عالبرأة )).. شوي الا ويلتفت علي شوشو ويقول اشر لي على اي وحده منهن وانا راح اساعدك واضبطك .. قلت له ياخي مدري كلهن حلوات وراضي بأي وحده حتى لو كانت عبايه .. شوي الا وقالي تزين تزين شوف هاللي ماره يمنا .. والتفت الا وفيه وحده موت عليها جمال يقولك اتحداك ماتخق ياالقوي .. وانا من دون شعور خفت عليها وعلى مشاعرها والله واقوم واغطي وجهي بيدي .. وماوعيت الا وشوشو ساطرني مع اذني وقال ياحمار وش تسوي قزها .. قلت ياخي وش اقزها انا شين وجهي ماينطاق .. قال ماعليك يالغبي اهم شي الاخلاق (( طالع من يقردن بالثاني )).. قلت لا لا خلنا نشوف وحده ثانيه اللي مثل هذي حرام الواحد يخرعها ماتستاهل بعد قلبي (( مافي ادلخ مني :jhgy: ))..
قال ماعليك مو مهم جمال الشكل المهم جمال الروح (( يبي يقص علي بس ماعاقت معي صدقت )).. والله واقوم التفت عليها واعطيها نظرة واحد حلو وابتسامة واحد عنده بي ام (( من جد عايش بحلم )).. الا يوم شفتها اضحكت فصخت نعلتي ورجمت بها شوشو وقلت شفت ضحكت علي هذا وانا مسوي فيها حركات راعي نظرات وابتسامات .. قال ياجنط هي بادلتك الابتسامه بضحكه يعني تبيك .. قلت من جدك .. قال لا من جدتي (( يستخف دمه مع وجهه )).. والله واقوم مره ثانية واعطيها نظره بريئه وضحكة واحد يقول احبيتس (( مسرع ماحبيتها يالقروي )).. شوي الا وتغطت وراحت واقوم من القهر وافقع وجه شوشو .. قلت شفت تغطت وراحت عني .. قال شوشو ياخوي انت شين وماتعرف تغازل وش ذنبي .. قلت يعني وش اسوي .. قال ماصار شي اشرلي على اي وحده غيرها وانا اعلمك يابعد حيي (( يلعن شكله مصمم يخربني ))<<< خش بعيني :amle:
والله واقوم اشر على وحده وقلت ابي هذي .. قال ونعم الاختيار رح لها الحين ووقف جنبها .. وانا ماصدقت خبر رحت ووقفت جنبها وجلست انتظر وانتظر والبنت لاهي معبرتني ولا حتى فكرت تلتفت لي الين ماضاق خلقي وصابني الملل ورحت لشوشو والاقيه الهيس قاعد يوسوس حق واحد يقوله الحقها وعطها الرقم تراها معجبه فيك وتحبك وذاك الثور طايره عيونه ومصدق تسان اطب عليه واسحبه من ذيله وقلت له وينك فيه يالتيس مخليني بالحالي مااشوفك سويت شي البنت معطتني الخامس تقص علي انت .. قال يارجال تراك اقلقتني قولي وش سويت كلمتها .. قلت لا ماكلمتها .. قال اجل ارجع وكلمها قولها اي شي يجي على بالك عشان تلتفت عليك .. قلت تيب ورحت ووقفت جنبها مره ثانيه وقلت لها تبين اشيل عنتس الشنطه .. قالت وشوله .. قلت عشان كتفيتس مايعوريتس .. قالت لااحسن تعال شيلني بكبري .. قلت مجنونه تبين ينكسر ظهري .. فناظرتني نظرة حقيره وقالت سخيييييف .. فحسيت انه ضاع وجهي وقلت سخيف ولا مخيف خخخخخخ يالدبه (( يلعن ابواسلوب تعرفه ))..
وزلبت لي البنت تزليبه ليست بصاحيه وراحت مثل اللي قبلها وانا رجعت لشوشو مره ثانيه واشوته وقلت له خيييير اشوف البنت عطتني ركبه .. قال عشانك حمار هذا اسلوب تكلم فيه بنت انا من شفتك وانا اقول شكلك حمالي .. تسان يضيع وجهي وقلت لعنبوك انت بعيد وشلون دريت ؟؟ قال نسيت اني من الجن يالعبيط .. قلت بس ياشوشو انت قلت لي قولها اي شي يجي على بالك .. قال صح بس ماكنت ادري انك غبي ومخك فاضي يالحمالي .. قلت عاد عن الغلط ولاتقعد تحملني المسؤوليه لحين امسك وجهك والزقه بنعالي .. قال طيب طيب راح اجي معك واكون جنبك فخلنا نحاول من جديد يلا اختار وحده .. فاخترت وقال حلو خلنا نروح لها وعطها كلام من هالرخيص بين لها انك رجال شخصية (( مو لما يصير رجال اول )).. فقربنا منها وقلت لها حياالله اللي وعدني ولا جاني .. قالت لي نعم ؟؟ قلت نعامه ترفس ببطن عدوينتس .. قالت خير ؟؟ قلت الخير بوجهتس .. قالت وش تبي ؟؟ قلت مابي الا سلامتس .. قالت في شي ؟؟ قلت مافي الا العافيه (( والله مدري وش اقول بس حسيت اني رجال :) )).. قالت غريب ؟؟ قلت ما غريب الا الشيطان ..
شوي الا وتجيني محطه على قفاي ويوم التفت الا وشوشو يقولي كل تراب يااقبح انسان .. فرسمت له ابتسامة بريئة عريضة صفراء ملتوية تتقطر دلاخه وسخرية (( لو درا عنك ابن المعري تسان الف فيك كتاب اقول انثبر بس )).. بمعنى اني امزح ومااقصد .. ورجعت مره ثانية اكمل مع البنت الا وتجيني محطه ثانيه والتفت بسرعه ناوي شر وانا اقول اعقل ياشوشو كنت امزح معاك يابن اللذيـ... الا يوم التفت شفت واحد ضخم دب ووجهه كله شنب مسكني وقال ماذا تفعل ياابني ؟؟.. تسان اضحك واقول بخاطري الغبي على باله يوم يغير شكله بيخوفني وقلت له لعنبو وجهك يالشين مداك تغير شكلك العبها على غيري مو علي ؟؟.. تسان يرجع ويقولي ماذا يابني آدم ؟؟.. قلت له وانا اضحك اكيد بني آدم يالوح يعني وش قولك اني بني حمار ولا بني قرد .. ومااشوفه الا وبدا يحمق ويناظرني بحقد فما كان مني غير اني قمت ادغدغه في بطنه واقول له وش فيك ماتضحك يالخبل (( على بالي بصرفها يوم شفته محمق )).. وما كان منه الا ولخني بهذاك الكف على وجهي خلاني الف مكاني سبع لفات احداهن بالتراب وانا افتر راسي ودارت الدنيا فيني مدري وش صار عقبها بس كل اللي عرفته ان هالكف ماكان من شوشو ..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
كان من مطوع الهيئة :(
=-=- زقــ(himo)ـــايـــــر =-=-
=- للمغازلجيه ذكور واناث ياناس استحو على وجيهكم اجل تخلون واحد مثل شوشو يلعب فيكم ..
=- مشكلة هالمغزلجي مشكلة لاصادف مره شاف شباب يتحرشون باهله عصب وحمق ويمكن يسوي منها معركة يقاله يبي يعلمهم الادب ياخوي روح علم نفسك اول قبل ماتعلم غيرك ..
=- تخيلو معاي شياب فالينها بلاستيشن واحد فايز ويرقص بالزاويه ويهز زي روجيه ميلا والثاني يحتج بداعي ان الاهداف كلها تسلل بالله مو مجانين ومخلين بنظام البشريه عشان بس تعذروني لان الاول هو ابوي والثاني هي امي (( على بالك بترقعها ياخوي استح على وجهك ذولي اهلك :jhgy: ))..
=- شوشو يالشين لاتبعد يمكن احتاجك بعدين (( يبي يوزه عليكم خخخخخخخ :d: ))..
=- بس وش رايكم فيني بالمغازل ذيب مو عوووعووو
=- اهم شي الاخلاق :angel:
:: قفله ::
خير النساء الحاميات نفوسها ***** من العار قبل الخيل تحمي ذمارها