طوفان
16/3/2002, 00:20
أكتب لكم وللتاريخ هذه الكلمات بعد أحداث الحادي طعش من سنتيمتر ايلول تشرين الثاني طعش ليحفظ التاريخ مافكرت وهوجست به كنت جالس في مستودع المطبخ اقشر بصل غدين اكسب خبره قبل التخرج واقدر اتوظف بعد التخرج في مطبخ بيتنا براتب محترم وطبعا كنت اقشر البصل على جريده وكانت مفتوحه بالصدفه على الصفحه السياسيه ,, قلت ياولد بدال شوفة هالبصل ويحرق عيوني الزرق ولا يهون شعري الاشقر خلني التفت على الصفحه الثانيه من الجريده واقرا هالسياسه ومنها نشوف وش صار على هالعالم ,, شفت صوره فيها صاروخ ضخم وحولوه جنود ومكتوب تحت الصوره ,, هذا هو الصاروخ الهندي الذي يستطيع أن يحمل رأساً نووياً حتى الهنود اللي مافي روسهم الا الزيت اللي على شعورهم صارو دوله نوويه ,, بديت أفكر شوي بالصوره واتمعن فيها أكثر وقلت خلني أفكر وش بيصير لو الهند تملك مئات الصواريخ مثل هالصاروخ ولعب عليها الشيطان ودمرت وأرسلت صواريخ لكل الدول اللي حواليها وارسلت لدول الخليج صواريخ ماعدا البحرين ارسلو لها صاروخ حجم اطفال ,, وارسلو للقصيم صاروخ بطعم الكراث وارسلو لجيزان صاروخ بريحة الريحان وارسلو للحوطه صاروخ يطلع مسجات صوتيه نكت عليهم وارسلو لليمن صاروخ بطعم الحلبه وارسلو لمصر صاروخ يحلت فلوس همن ينفجر
كبرت دولتهم لانهم احتلو أغلب الدول المجاوره لهم وسموه " الولايات المتحده الهنديه " صارو أغنى دوله في العالم وأقوى جيش في العالم ومحد يصف جمبهم وكل العالم يناظرونها نظرة احترام ووقار ( من قدكم يالهنود ) الحين اذا بتمدح واحد قل له " أنشهد أنك هندي "
والحمد لله أن ربي كتب لي عمر ولا مت مع اللي ماتو في الحمله الهنديه للقضاء على اللي مايعجبهم ,, و مرت كم سنه و ضاقت بنا الدنيا فالسعوديه وبدا الفقر يسود معظم اهالي المملكه ومافيه وظايف براوتب تستاهل صار راتب السعودي في الدوائر الحكوميه 100 ريال فالشهر وتسان معه دكتوراه راتبه يصك 250 ريال مع العلاوه والحلاوه والبدلات بديت أفكر تفكير جاد ,, أسافر برا السعوديه أشتغل وأجمع مهر لحبيبتي وخطيبتي بنت جارنا أبو سالم رحت لمكتب العمل والعمال ودخلت قسم شؤون العمل خارج البلاد وقدمت طلب السفر على أي فيزه عشان اسافر برا السعوديه
بعد اسبوعين ,, دق مكتب العمل والعمال على بيجري ( الله يازمن رجعنا للبياجر ) وحطو رقم 999 يعني تعال بسرعه احجز فيزتك بسرعة ( انا اخبر 999 تسنه من البيت يعني جب خبز تميس ) رحت طاير على سيكلي الجبلي وكان نوع سيكلي ابو فرامل على ورا ( الله من الطفارة ) وصلت لمكتب العمل والعمال ,, شفت السرا طويل ,, ياكثر اللي يبون يسافرون برا الديره ,, ماينلامون معد به رواتب تستاهل من يتعب عليه المهم خفت لاتفوتني الفيز الزينه عطيت السكيورتي بخشيش ريالين وخمسطعش هلله ( ايه قام عزك يالهلله ) والله نفع ذا البخشيش خمس دقايق ليني بقدرة قادر في أول الصف ناداني مدير القسم وقالي الفيز واجد بس موب على كل الدول فيه دول غاليه ودول رخيصه وش تبي منهن ؟ ,, قلت له تكفى ابي الغاليه الزينه لاني مابي أطول برا السعوديه أخوك على وجه زواج وسفرتي ماحدني عليها الا المهر ومصاريف الزواج الله يوفقني وياك ,, قال لي توكل على الله وأحجز لك فيزه للهند وان شالله ننسق مع مكاتب الاستقدام اللي في بومباي عشان وصولك يكون بعد اسبوع من اليوم ,, قلت له مشكور أخوي ماقصرت وابشر انشالله ابعزمك لزواجي عقب كم سنه
طلعت من مكتب العمل والعمال وبحركه بهلوانيه طمرت على السيكل وصرت واقف فوقه وصارت رجولي على المرتبه ( من الفرحه مادري وش أسوي لاحد يلومني ) رحت للبيت يوم درو أهلي عني اللي قعد يبارك لي واللي جلس يصيح من الفرحه واختلطت الدموع بالسعابيل وحالتنا حاله ذاك اليوم بدا خبر سفرتي للهند ينتشر في الحاره لين وصل الخبر لجارنا أبو سالم وأكيد قال لبنته اللي هي خطيبتي وزوجتي فالمستقبل ,, وراحت الايام ومعد بقا على سفرتي الا يوم واحد وانا خلاص قد جهزت ملابسي وحطيتها بوسط الشنطه ووزعت أغلب أغراضي لاهلي عشان يستفيدون منها ,, مابقا الا البيجر توني أبعطيه أخوي الا اشوفه يدق واناظر الرقم ويلاو رقم بيت جارنا أبو سالم ,, ومدخل رقم بعد رقمهم 333 عرفت الرمز هذي خطيبتي تبيني اطلع للسطح
طلعت للسطح وماكنت لابس غير صروال وفنيله داخليه ( وش اسوي هذا الزي الرسمي في بيتنا ) واشوف خطيبتي واول مالمحتها قالت لي و بكل رمنسيه " حبيباه ,, سوف تذهب الى بلاد بعيده جسدينا سيبتعدان أكثر وقلوبنا وتفكيرنا سيقتربان أكثر وأكثر " ,, رديت عليها و بكل رمنسيه " مافيه شك ياحبيبتي الهواجيس مضاعفه وماراح افكر في أي وحده غيرك وحتى آخر قطره في حياتي " ( على ذا الصروال والفنيله وين تجي الرمنسيه ) همن مدت يدها لي وفيها رساله وقبل ماأخذ منها الرساله بغيت اسحب يدها واخليها تطيح فالحوش غديه ماتنسان وتبقى ذكريات بينا بس قلت ياولد اعقل وخذ الرساله وشف وش فيها توني ابفتحها قالت لي لالالا ارجوك لاتفتحها الا أول ماتوصل للهند ,, قلت لها غاليه والطلب رخيص عقبها قعدنا نناظر بعض نظرات ناس حبيبه يعني اذا ناظرتها تطمن بعيونها في الارض واذا ناظرتني أطمن بعيوني في الارض ( بس أبشركم منيب مخفه ماطمنت ولا مره ماأفوّت ولا دقيقه دايم أقزقزها )
جا موعد سفرتي للهند ودعت أهلي ورحت للمطار وقعدونا فالمطار اربعطعش ساعه بدون مايعطونا شي ناكله ولا نشربه ,, صار تجويع مهوب تفتيش بس ان جيتو للصراحه يحق لهم حنا رايحين لأعظم دوله في العالم " الولايات المتحده الهنديه " أقلعت الطياره ووصلنا لمطار بومباي الدولي بالسلامه نزلنا في مطار بومباي نسحب رجولنا مانعرف وين نروح وين نجي لين شفت واحد هندي شايل لوحه مكتوب عليه " كلو نفر سعودي سواق يروح يمين " ناظرت فيزتي اثري جاي بفيزة سواق والله واروح مع ربعي السعوديين يمين المهم وصلنا للجوازات الهنديه ويقعدونا في غرفه صغيره الظاهر أربعه في سته وريحتنا يالسعوديين خياس جانا واحد من الهنود الله يطول عمره ومسك واحد قاعد جمبي وقاله " صديق أنت ليش فيه ريحه كراث هذا خايس مره " طلع اللي جمبي مثلي قصمنجي يحليلوه مادريت عنوه راح علينا فهالغرفه ساعتين ونص وكل واحد ريحته أخيس من الثاني ,, شوي ويدخل علينا واحد هندي وقال لي صديق تعال شوف جواز ,, شاف جوازي يوم قرا اسمي ناظرني وضحك قال لي انا كفيل أنتا يالله روح سوا سوا للجوازات ناخذ لك اقامه رحنا وخذنا الاقامه وشكلنا بنطلع برا المطار ,, ناداني كفيلي وأشر على الكرسي و قال لي أنتا يجلس هنا أنا فيه روح يجيب سياره من باركينق .. بعدين يجي أوكي ,, قلت له أوكي بابا ( ياحليله خليته أبوي ) بصراحه أستانست كفيلي وجهه صبوحي وشكله مزوحي والخير في وجهه يلوحي
جاب السياره من الباركينق وركبت معه وحنا رايحين لبيته قعد يسولف معي وقال كيف حال بابا ماما فالسعوديه ,, طمنت راسي وخنقتني العبره وقلت بابا ماما مسكين بيت انا في السعوديه إيجار غالي اثنين أخو انا فيه موت من الجوع انا يجي هنديا يبغا فلوس عشان سوي زواج سوا سوا بنت جار انا ابو سالم قال كفيلي مافيه مشكل انتا شغل كويس شيل فلوس كثير هنديا كل مكان شغل راتب كبير مافيه مشكل انت اثنين شغل ( عرفت انه يبي يعطيني راتبين بس وشو الشغل السواقه هذي اكيد بس وشي الثانيه ) وانا قاعد افكر لين باب بيت كفيلي ينفتح ,, دخلنا جوا الحوش ووراني الملحق الخارجي اللي بسكن فيه وبيصير غرفتي قال هذا غرفه انتا وسياره بيت حق انتا شوف برا ,, رحت طيران برا البيت عشان اشوف وش السياره اللي بسوقها يوم ناظرتها لينها جمس اخر موديل بس ضاق صدري يوم شفت التظليله خفيفه
رجعت لغرفتي لاني ابي افتح رسالة حبيبتي يوم فتحتها لينها حاطه صورتها وورقه ,, جلست ابحلق صورتها ولا الرساله عفطتها وحطيتها في جزمة كفيلي لانه معطيني جزم من عنده وصارت كبار علي فصغرتها بهالورق ( الغربه تسوي أكثر ) نمت ومن بكره الصبح واحد يخبط علي باب الغرفه قلت له من ؟ قال انا غلام افتح الباب مشخوط ,, فتحت له الباب لينه واحد صغير هقوتي انه ولد كفيلي قال لي خذ هذي خمس روبيات رح اشتر كيلو فلفل ,, يالله صباح خير وش هالناس اللي تفطر على فلفل قلت لغلام وانا اضحك معه " ماتبغا بصل يالهندي هههههه " سمعت ضحكه تسنه ضحكت ابوي
!
!
!
!
!
!
!
!
!
!
!
!
!
!
قال ,, قم اطلع من المستودع خلصت علينا البصل
شي ما شفتوه ,,
كفيلي معجب بالقصايد والالحان السعودية لهذا اكتشفت ان شغلتي الثانية تبي تكون مدرس ادرسه هو وعياله اشعار واضغطو على الخشة ذي لتسمعون لقطة من هلشغلة الرمنتيكية هههههه
عوافي ,,
أجمل تحيه ... طوفان ...:guns: :yes: :yes:
كبرت دولتهم لانهم احتلو أغلب الدول المجاوره لهم وسموه " الولايات المتحده الهنديه " صارو أغنى دوله في العالم وأقوى جيش في العالم ومحد يصف جمبهم وكل العالم يناظرونها نظرة احترام ووقار ( من قدكم يالهنود ) الحين اذا بتمدح واحد قل له " أنشهد أنك هندي "
والحمد لله أن ربي كتب لي عمر ولا مت مع اللي ماتو في الحمله الهنديه للقضاء على اللي مايعجبهم ,, و مرت كم سنه و ضاقت بنا الدنيا فالسعوديه وبدا الفقر يسود معظم اهالي المملكه ومافيه وظايف براوتب تستاهل صار راتب السعودي في الدوائر الحكوميه 100 ريال فالشهر وتسان معه دكتوراه راتبه يصك 250 ريال مع العلاوه والحلاوه والبدلات بديت أفكر تفكير جاد ,, أسافر برا السعوديه أشتغل وأجمع مهر لحبيبتي وخطيبتي بنت جارنا أبو سالم رحت لمكتب العمل والعمال ودخلت قسم شؤون العمل خارج البلاد وقدمت طلب السفر على أي فيزه عشان اسافر برا السعوديه
بعد اسبوعين ,, دق مكتب العمل والعمال على بيجري ( الله يازمن رجعنا للبياجر ) وحطو رقم 999 يعني تعال بسرعه احجز فيزتك بسرعة ( انا اخبر 999 تسنه من البيت يعني جب خبز تميس ) رحت طاير على سيكلي الجبلي وكان نوع سيكلي ابو فرامل على ورا ( الله من الطفارة ) وصلت لمكتب العمل والعمال ,, شفت السرا طويل ,, ياكثر اللي يبون يسافرون برا الديره ,, ماينلامون معد به رواتب تستاهل من يتعب عليه المهم خفت لاتفوتني الفيز الزينه عطيت السكيورتي بخشيش ريالين وخمسطعش هلله ( ايه قام عزك يالهلله ) والله نفع ذا البخشيش خمس دقايق ليني بقدرة قادر في أول الصف ناداني مدير القسم وقالي الفيز واجد بس موب على كل الدول فيه دول غاليه ودول رخيصه وش تبي منهن ؟ ,, قلت له تكفى ابي الغاليه الزينه لاني مابي أطول برا السعوديه أخوك على وجه زواج وسفرتي ماحدني عليها الا المهر ومصاريف الزواج الله يوفقني وياك ,, قال لي توكل على الله وأحجز لك فيزه للهند وان شالله ننسق مع مكاتب الاستقدام اللي في بومباي عشان وصولك يكون بعد اسبوع من اليوم ,, قلت له مشكور أخوي ماقصرت وابشر انشالله ابعزمك لزواجي عقب كم سنه
طلعت من مكتب العمل والعمال وبحركه بهلوانيه طمرت على السيكل وصرت واقف فوقه وصارت رجولي على المرتبه ( من الفرحه مادري وش أسوي لاحد يلومني ) رحت للبيت يوم درو أهلي عني اللي قعد يبارك لي واللي جلس يصيح من الفرحه واختلطت الدموع بالسعابيل وحالتنا حاله ذاك اليوم بدا خبر سفرتي للهند ينتشر في الحاره لين وصل الخبر لجارنا أبو سالم وأكيد قال لبنته اللي هي خطيبتي وزوجتي فالمستقبل ,, وراحت الايام ومعد بقا على سفرتي الا يوم واحد وانا خلاص قد جهزت ملابسي وحطيتها بوسط الشنطه ووزعت أغلب أغراضي لاهلي عشان يستفيدون منها ,, مابقا الا البيجر توني أبعطيه أخوي الا اشوفه يدق واناظر الرقم ويلاو رقم بيت جارنا أبو سالم ,, ومدخل رقم بعد رقمهم 333 عرفت الرمز هذي خطيبتي تبيني اطلع للسطح
طلعت للسطح وماكنت لابس غير صروال وفنيله داخليه ( وش اسوي هذا الزي الرسمي في بيتنا ) واشوف خطيبتي واول مالمحتها قالت لي و بكل رمنسيه " حبيباه ,, سوف تذهب الى بلاد بعيده جسدينا سيبتعدان أكثر وقلوبنا وتفكيرنا سيقتربان أكثر وأكثر " ,, رديت عليها و بكل رمنسيه " مافيه شك ياحبيبتي الهواجيس مضاعفه وماراح افكر في أي وحده غيرك وحتى آخر قطره في حياتي " ( على ذا الصروال والفنيله وين تجي الرمنسيه ) همن مدت يدها لي وفيها رساله وقبل ماأخذ منها الرساله بغيت اسحب يدها واخليها تطيح فالحوش غديه ماتنسان وتبقى ذكريات بينا بس قلت ياولد اعقل وخذ الرساله وشف وش فيها توني ابفتحها قالت لي لالالا ارجوك لاتفتحها الا أول ماتوصل للهند ,, قلت لها غاليه والطلب رخيص عقبها قعدنا نناظر بعض نظرات ناس حبيبه يعني اذا ناظرتها تطمن بعيونها في الارض واذا ناظرتني أطمن بعيوني في الارض ( بس أبشركم منيب مخفه ماطمنت ولا مره ماأفوّت ولا دقيقه دايم أقزقزها )
جا موعد سفرتي للهند ودعت أهلي ورحت للمطار وقعدونا فالمطار اربعطعش ساعه بدون مايعطونا شي ناكله ولا نشربه ,, صار تجويع مهوب تفتيش بس ان جيتو للصراحه يحق لهم حنا رايحين لأعظم دوله في العالم " الولايات المتحده الهنديه " أقلعت الطياره ووصلنا لمطار بومباي الدولي بالسلامه نزلنا في مطار بومباي نسحب رجولنا مانعرف وين نروح وين نجي لين شفت واحد هندي شايل لوحه مكتوب عليه " كلو نفر سعودي سواق يروح يمين " ناظرت فيزتي اثري جاي بفيزة سواق والله واروح مع ربعي السعوديين يمين المهم وصلنا للجوازات الهنديه ويقعدونا في غرفه صغيره الظاهر أربعه في سته وريحتنا يالسعوديين خياس جانا واحد من الهنود الله يطول عمره ومسك واحد قاعد جمبي وقاله " صديق أنت ليش فيه ريحه كراث هذا خايس مره " طلع اللي جمبي مثلي قصمنجي يحليلوه مادريت عنوه راح علينا فهالغرفه ساعتين ونص وكل واحد ريحته أخيس من الثاني ,, شوي ويدخل علينا واحد هندي وقال لي صديق تعال شوف جواز ,, شاف جوازي يوم قرا اسمي ناظرني وضحك قال لي انا كفيل أنتا يالله روح سوا سوا للجوازات ناخذ لك اقامه رحنا وخذنا الاقامه وشكلنا بنطلع برا المطار ,, ناداني كفيلي وأشر على الكرسي و قال لي أنتا يجلس هنا أنا فيه روح يجيب سياره من باركينق .. بعدين يجي أوكي ,, قلت له أوكي بابا ( ياحليله خليته أبوي ) بصراحه أستانست كفيلي وجهه صبوحي وشكله مزوحي والخير في وجهه يلوحي
جاب السياره من الباركينق وركبت معه وحنا رايحين لبيته قعد يسولف معي وقال كيف حال بابا ماما فالسعوديه ,, طمنت راسي وخنقتني العبره وقلت بابا ماما مسكين بيت انا في السعوديه إيجار غالي اثنين أخو انا فيه موت من الجوع انا يجي هنديا يبغا فلوس عشان سوي زواج سوا سوا بنت جار انا ابو سالم قال كفيلي مافيه مشكل انتا شغل كويس شيل فلوس كثير هنديا كل مكان شغل راتب كبير مافيه مشكل انت اثنين شغل ( عرفت انه يبي يعطيني راتبين بس وشو الشغل السواقه هذي اكيد بس وشي الثانيه ) وانا قاعد افكر لين باب بيت كفيلي ينفتح ,, دخلنا جوا الحوش ووراني الملحق الخارجي اللي بسكن فيه وبيصير غرفتي قال هذا غرفه انتا وسياره بيت حق انتا شوف برا ,, رحت طيران برا البيت عشان اشوف وش السياره اللي بسوقها يوم ناظرتها لينها جمس اخر موديل بس ضاق صدري يوم شفت التظليله خفيفه
رجعت لغرفتي لاني ابي افتح رسالة حبيبتي يوم فتحتها لينها حاطه صورتها وورقه ,, جلست ابحلق صورتها ولا الرساله عفطتها وحطيتها في جزمة كفيلي لانه معطيني جزم من عنده وصارت كبار علي فصغرتها بهالورق ( الغربه تسوي أكثر ) نمت ومن بكره الصبح واحد يخبط علي باب الغرفه قلت له من ؟ قال انا غلام افتح الباب مشخوط ,, فتحت له الباب لينه واحد صغير هقوتي انه ولد كفيلي قال لي خذ هذي خمس روبيات رح اشتر كيلو فلفل ,, يالله صباح خير وش هالناس اللي تفطر على فلفل قلت لغلام وانا اضحك معه " ماتبغا بصل يالهندي هههههه " سمعت ضحكه تسنه ضحكت ابوي
!
!
!
!
!
!
!
!
!
!
!
!
!
!
قال ,, قم اطلع من المستودع خلصت علينا البصل
شي ما شفتوه ,,
كفيلي معجب بالقصايد والالحان السعودية لهذا اكتشفت ان شغلتي الثانية تبي تكون مدرس ادرسه هو وعياله اشعار واضغطو على الخشة ذي لتسمعون لقطة من هلشغلة الرمنتيكية هههههه
عوافي ,,
أجمل تحيه ... طوفان ...:guns: :yes: :yes: