المساعد الشخصي الرقمي

مشاهدة النسخة كاملة : يقولون الوفاء موجود وأقول الوفاء تزييف###يقولون الكرم لازال وأقول انتهى جيله

نجم2001
14/3/2002, 16:30
اعزائي القراء نورد لكم جديد الشعر الذي لم ينشر في الصحف المحليه ولا المجلات ولا المنتديات .........

:p هذه قصيده اهديها لكم ارجو ان تحوز على رضاكم وأعجابكم :p

ليـامنـي ذكــرت اللـي مضـى يـوم الزمان مريـف &&& اقـول الله يــالأيــام يـادنـيـــا مـن انـتــي لــــه
سـقــاك الله يـأيـام تـجـيـلـي بــالمـنـى والـكـيــــف &&& هـاك الأيـام يـوم ان السـعـد تـقـدح قنـاديـلــه
هـاك الأيـــام عنـها يـعجـز التعبيـر والتــوصيـــف &&& يفوح العود الأزرق مع نسيم اليوم والليـلــه
غـدت مثـل الخـيـال تـمر صـورتها سوات الطيـف &&& وذكــراهـا يـخـلـي خـافـقـي يـذكر مداهـيـلـــه
لــو انـي مغتنمـهـا جبت للآمـال رمــح وســيـــف &&& عـشـان المستحيـل يمـوت ماغنى مواويـلــه
لكن اخطيتها واخطيت رحـلات الشـتاء والصيـف &&& وصـارت فـايـتـه والـفايـتـه مـالي بـها حيــلـه
ورحت اشعب ركاب الياس مع دار دهر ومخيف &&& مـتـاهـات قـوي العـزم مـنـها يـنـثـني حـيـلـــه
ابـركـها على الســهله وتـبـرك فوق حيـد وحيـف &&& واعــدل دربـهـا ويـصـيـر بـه لفـه وتحويـلـــه
يـقـولـون الوفــاء موجـود وأقول الوفـاء تزييـف &&& يـقولـون الكــرم لازال واقـول انتـهى جـيــلـه
يقولـون الوعـد يـلزم وأنـا اقول الوعـد تصريـف &&& يقولون الصراحه مجديه واقول وش هي له
يقولـون الزمان بخيـر واقـول الـزمـان مـحـيـــف &&& يـقـولـون ويقـولـون وتـعـبنـا مـن نـغـنـي لــه


الشــــــــــــــــــاعر : شــجــــاع بن عـبـدالله الغـــضـبــــانــي
هلالـي
14/3/2002, 16:33
بعد السلام

مشكووووور اخوي نجم على القصيده الرائعه
هاوي الهلال
14/3/2002, 16:58
تسلم يالغالي ..


يعطيك العافيه :)
السجين بتهمة حب الهلال
14/3/2002, 17:29
تسلم الغالي.........لكن الدنيا لسه فيها خير

مزيدا من الابداع
السيناتور
14/3/2002, 18:30
صح لسانك ..........


انا اشهد ان فيها كثير من الواقع والصحيح ....
العطـــــــــــــــاوي
14/3/2002, 19:32
اسعد الله مساءكم بكل خير واقول بيض الله وجهك يانجم 2001

هذا الشعر ادور عليه من زمان وياليت تكثر منه

الله يعطيكم العافيه .....
عنود الصيد
15/3/2002, 00:40
يعطيك العافيه اخوي نجم2001




قصيدة حلوة :)
البتول الهلاليه
15/3/2002, 03:46
مشكوووووووور على القصيده

ولكن التفاؤل حلو لان الدنيا بخير:) :)
الطيرالهلالي
15/3/2002, 03:51
السلام...

مشكور اخ9و ينجم..
بس ياليتك تعطينا نبذه عن الشاعر
شجاععبدالله الغضابي ...
وتسلم...