..-- الحـــب اللـي كــــان--..®©™

[الكاسر888]

<center>

دق جوال تركي إبتسم قبل مايطالع الشاشة.. فهذه دقة حبيبة القلب " نورة"
أول كلمة قالتها : هلا حبيبي بمرح غير معتاد..
رد عليها: وينك يابعد قلبي اليوم كان ودي اقابلك في عيد ميلادك..
قالت: أبد رحت المملكة مع أمي على أساس بنتسوق ، طلعنا قسم الحريم ، لقيت غاليه والبنات متجمعات ومسوين لي حفلة صغنونة ومنسقين مع أمي وأنا أخر من يدري.
شغل تركي المسجل وعبدالمجيد يغني كل عام وإنتي الحب
ثم قالها: أحلى كبرتي ياعمري ياهووووو صار عمرك 18 أحلى ياكبيرة
استحت واسكتت شوي ثم قالت: شكرا على الهدية غالية جابتها لي بس ماكملت معروفك وحطيت لي صورتك.
قالها: مجهز لك شيء أحسن من الصورة راعي الصورة بكبره بكره وده يشوفك.
ضحكت وقالت حبي يالله بكلمك بعد ساعة.

جلس تركي ينتظرها ولكن نام متحضن المخده وبيد الجوال..
من بكرة إتصلت وكنها ضايق صدرها شوي ..
قالت: تركي حبيبي فيه أخبار شينة ..
قالها وشي؟
قالت: ماودي أقولها وقامت تبكي ..
قالها : حبيبتي وش فيك!
قالت: أولا سلطان ولد عمتي خطبني اليوم، ثانيا: جدتي تعبت اليوم ودخلوها العناية المركزة اليوم.
ضاق صدر تركي فهو يدري بمقدار جدتها عندها .. وماشال بال لموضوع سلطان لإنه واثق إن نورة له.

http://www.alex.alhilalclub.com/picture/7ob6.jpg

تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه


بعد هالمكالمة إنقطعت نورة عن تركي ولهت بجدتها..وصار يأخذ أخبارها من صديقتها العزيزة "غالية "

إتصلت غالية مرة من المرات وبدت السوالف التقليدية ..قاطعها قالها غالية مشتاق لنورة، ردت شان كذا أنا مكلمتك..جدتها ماتت أمس بالليل .

قال تركي : لاحول ولاقوة إلا بالله ، لبس ثوبة وشماغه وراح لبيت أبو نور ة عزاهم وطلع.

بعد شهر كلمته نورة بس ماش مهب نورة الأوليه..عزى هالشيء لتأثرها بوفاة جدتها
بس ماش مارتاح، سئلها وش فيها !
قالت: خلاص تركي موضوع الخطبة صار رسمي وأبوي ضغط علي وماعندي سبب مقنع شان أرفض سلطان.
سكت تركي شوي وقال: وانا ووعد الزواج اللي بيننا!
قالت: الأمور تغيرت وثانيا ياتركي عارفه إنك ماراح تتزوجني وحتى لو تزوجتني بتصير تشك فيني من مبدأ اللي خانت أهلها ممكن تخونني وأنا أعرف بنتين تزوجوا عن قصة حب قبل الزواج ولا وحدة فيهم كملت سنة إلا هي مطلقة..وأنا ياحبيبي أخاف إنك بيوم تكرهني لذا إتخذت القرار.
قالها: حبيبتي فكري مرة ثانية .
قالت:طول الفترة الماضية أفكر ولو تشوفني ناقص نص وزني.
قالها: أوكيه طفلتي بتركك الحين فكري مرة ثانية واكلمك بكرة.
قالت: طيب، باي
باي.

جلس تركي ضايق صدره فما توقع بيوم تقلب نورة عليه كذا وماتوقع نورة تخون كلمتها وعهدها له..عزى نفسه قال بتدق بكره..وجاء بكره وجاء بعده واسبوع وأسبوعين وشهر ومادقت..دق على جواله لقاه مقفل..دق على غالية قالها أبي نورة ضروري ضروري ضروري.

بعد نص ساعة دقت عليه نورة ..قالها وينك! تعللت بإنها كانت تفكر
قالها : ها وش صار!
قالت : تركي واللي يعافيك أبي أنساك ..كرهني بنفسك..إذا تحبني كرهني بنفسك..
رفع صوته عليها ورفعت صوته..
وتبدد الحلم الجميل..
واسودت الدنيا بوجه تركي..

http://www.shagrawi.alhilalclub.com/other/7ob4.jpg

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره


بعد صدمة نورة تدهورت حالة تركي ، ولكنه إستطاع أن يتغلب على حزنه وعلى غمه ومرت سنتين وإعتقد تركي أنه تغلب على حزنه وعلى ذكرة نورة.


تخرج تركي من الجامعة والتحق بحدى الشركات ، كانت وظيفته تحتم عليه أن يتعامل مع شركات أخرى، وفي إحدى تعاملاته مع شركة من الشركات الكبرى تعرف على أبو نورة ، توثقت العلاقة بيت الإثنين رغم فارق العمر بينهما
وأعجب أبو نورة بالشاب الطموح المجتهد..

في أحد الشوارع في حي الملك فهد بالرياض إلا يشوف نورة راكبة مع السواق
راح قدامهم وخلى السواق يصدمه صدمه خفيفة من ورى..نزل وإسقعد تناديه نورة تقوله : هات رقمك بخلي الوالد يتصل عليك.
قال: لا بنتظر الدورية تجي يا أختي..ولقاها ظهره ومشى...دقائق وجاء ابو نورة إعتذر لأبو نورة إنه لطع بنته في السيارة ولو يدري إنها بنت كان خلاهم يمشون.
ألح أبو نورة عليه أنه يصلح له السيارة بس تركي رفض تماما وتنازل.

في صيف نفس العام كان تركي رايح باريس هو وثلاثة من ربعه ، وفي أحد المرات نزل يتمشى لحاله ومر قدام أحد المقاهي إلا هذا الصوت اللي ينادية إلتفت إلا رجل أصلع ومعه بنت شابه وطفلة صغيرة، ركز زين إلا هذا أبو نورة ونورة جاء سلم على أبو نورة وجلس معاهم وسوالف..
كان يسولف ونورة ماكلته بنظراتها وهو مسوي نفسه ثقل.
يقول لابو نورة ماشاء الله هذي بنتك نورة!
قاله: إيه
قاله : أجل أنت شايب ياعم.
نورة صارت تناظر تركي وهي معصبة ،، قالت تركي: عن إذنك بمشي الحين
ماخلاه يمشي أبو نورة لين يواعده بنفس اليوم يتعشون سوى ..تواعدوا وتعشوا وكانت نورة واختها مها وأختها الصغيرة خلود وأمهم موجودات وكان تركي في هالسهرة حياوي.
تواعدوا على بكرة يحضرون سوى حفلة راشد الماجد..

في المسرح جلس معهم..يوم غنى راشد مشكلني..قام العالم يرقصون قامت مها أخت نورة ترقص..وقاموا أهلها يصفقون لها وهو يصفق..غارت نورة وقامت ترقص وهو مطنشها وجالس يناظر أختها بنظراته ونورة منقهرة لاحظ تركي هالشيء قام يصفق لنورة ويهز في مكانه..خلصت الأغنيه وجلست نورة في الكرسي اللي جنب تركي.

شوي قام راشد يغني :

ردتك الأيام...يامغرور يامدلع،،، ياللي علينا من أول شايفن حاله

صار تركي يناظر نورة بنص عين ..هي إنتبهت له وصدت عنه وهي فاهمه إنها يقصد ان الاغنية لك.

http://www.shagrawi.alhilalclub.com/other/7ob3.jpg


خلصت الحفلة وطلعوا..وتكررت اللقائات وصار تركي من أهل الدار..
أخويا تركي لاحضوا أنه مطشنهم ..كلموه ..فهمهم أن هذولا أهل خطيبته
قالوا له: الثقل صنعة،،،، قالهم : يالله قوموا إدشروا يالسمرمد:)

قبل مايرجع تركي الرياض بيومين حضروا حفلة لمحمد عبده..بالطبع نورة جالسة بالكرسي اللي جنب تركي..طلب منها ورقة وقلم..كتب طلب لمحمد عبده طلب أنه يغني .." الله عليها" وارسلها لمحمد..وصلت الورقة لمحمد عبده نظرها وقال أبشر
شوي ويغني محمد:
الله عليها عودت وأنا أحسب الغالي نسى

نورة خقت هي عارفة إن الأغنية هي المقصودة فيها.
بعد يومين رجع تركي للرياض، بعد مارجع باسبوع راح تركي المطار يستقبل عائلة ابو نورة " مهب هو صار منهم وفيهم"
تقوت علاقته فيهم زيادة ومع نورة بالذات، عرف إن ملكتها مع سلطان تفركشت ..

http://www.shagrawi.alhilalclub.com/other/7ob.jpg

بحدى الأيام قال لابو نورة: ترى بنسير عليك المغرب بكرة أنا والوالد
قال أبو نورة: هذي الساعة المباركة اللي نشوف فيها ابو تركي.
نورة يوم درت طارت من الفرحة ومانامت الليل كله، عصر اليوم اللي بعده كلمت غالية تركي وقالت له صحيح بتروح أنت وأبوك لهم؟
قال : إيه بروح أخطب .
قالت : غالية ماشاء الله ألف ألف مبروك مقدما.

في المغرب راح تركي وأبوه لبيت أبو نورة وبعد المجاملات والكلام المكرر
قال أبو تركي: والله يابو نورة أننا عزمنا نزوج الولد وحنا محنا بلاقين ناس أحسن منكم وأنا جاي أطلب يد بنتك " مـــــهـــا " لولدي تركي.
تفاجىء أبو نورة لإنه كان يتوقع يطلبون نورة مهب مها!
وقال أبو نورة: محنا عريس أحسن من ولدنا تركي بس تعرف لازم نستشير البنيه..
طلع تركي وأبوه على أساس أن أبو نورة يستشير بنته وتفكر ويرد لهم..
دخل الصالة لقى نورة جالسة قدام التلفزيون وعلى بالها إنها متابعة قالها وين مها
قالت فوق بغرفتها ليش؟
قال : ابيها وطلع لمها بغرفتها ومعه أمها وسكروا الباب ..راحت نورة تتسمع لهم
ولقطت الكلام وعرف أن تركي جاء يخطب،،،،، بس يخطب مها مو نورة..

http://www.shagrawi.alhilalclub.com/other/7ob5.jpg

ركضت لغرفتها وسكت الباب وجلست تصيح طول الليل...صارت تصبح على دمعتها ..وتنام ومخدتها غرقانه.. تغير حالها كثير..صار وجهها كأنها خمسينية مو فتاة تمشي في بداية العشرين من عمرها...
أصبحت تايهه والأحداث تمشي بسرعة..موافقة مها.. فرحة مها.. تحديد موعد الملكة..التجهيز للملكة..الملكة ..فرحت مها وهي جالسة جنب تركي ..وهي تكلم تركي عشان تجهيز البيت..ومها وهي تقضي لجهازها.. تفصيل ملابس للزواج..إختيار الفندق..تحديد موعد الزواج ..كانت تشاركهم بجسمها ..بس عقلها بوادي ثاني..

بيوم الزواج هل الدمع مدرار حاست الميك أب أكثر من مره بدموعها وأتعبت الكوفيرا..الكل يحسبها دموع فرح بزواج أختها،،، مرت أحداث الزواج كشريط سنمائي..الناس..مها وهي متألقة فستان الزواج..صديقتها غالية وهي واقفة جنبها ...تركي وهو ينزف لعروسته...مها وهي تطلع مع زوجها تركي


كذا صرتي وسط عينه غرام حاضر ساري

................غرق في عشقك وحب الغرام وذاب في جفونك

ملكتي كل احلامه .. كســـيتي قلبه العاري

.............. وسقاك الشهد من عمره وكسرتي رضاه بجنونك

رجيتـك حبي لا يغفى وبجـوفه هـم يباري

..................ولا يشقى ولا يبقى ســــوى في محجر عيونـك

رجيتـك أبني أماله .. لاعاكسته الأقـداري

............... خليــك بدنيته جنه .. يعاف الكــــــون من دونـــك

خذيه بنشوه عطورك وفلي شعرك الجاري

.................خذيه طفل صغير ..يذوب بطعمك ويغرق بلونــك

وخذي منـــه السجاير لا تشب بجوفـه الناري

..........أعرفه يحبهــــــا واجد ..وكان اللــــــــــــه في عونـك

وألغي كل أخطائه .. وخذيلي منه بثــــاري

............ حبيبي وأعـــــــــــرفه لين تهزه رعشــــــــة متونك

انا استسلمت واسكنتك مع محبوبي بداري

................. رجيتـك حبي لا يغـــفى سوى في محجر عيونك





إنتهى الزواج..وسافرت مها.. ورجعت مها من شهر العسل قابلتهم وهي متصنعة الفرحة ..تركي ماقدر ينظرها ومن يوم حط عينه بعينها شافت الندم والحزن في عينه.
.
.
.
.
.
.
وتقدم عشرات الخطاب ونورة ترفضهم جميعا.


http://www.alex.alhilalclub.com/picture/7ob2.jpg




< تمت >



تحياتي أخوكم / رائد

حقوق النشر محفوظة لـــــ الكاسر888‍®©™

[الذاهبه]

قصــــة رائـــــــــــــعه.. وتستاهل التصفيق..>>:asno::asno::asno::asno:

صحيح في البدايه غلطت "نوره" غلطه كبيره..:(

بس مايمنع ان "تركي" يسامحها..:) وماعتقد اللي يحب "ينتقم" ولا اخلصن بنات الناس ماضاقت الا على" مها" أخت نوره..:( واضح انه يبي ينتقم منها..:mad:

حرام و الله يحرق قلبها طول العمر..:(:(

<< متعاطفه مع نوير..:cry:

[مها العالميه]

اهليـــــــــــــــــن

هلا..الكاسر..منور..;);)

قصه روعه بمعنى الكلمه....

قالت: الأمور تغيرت وثانيا ياتركي عارفه إنك ماراح تتزوجني وحتى لو تزوجتني بتصير تشك فيني من مبدأ اللي خانت أهلها ممكن تخونني وأنا أعرف بنتين تزوجوا عن قصة حب قبل الزواج ولا وحدة فيهم كملت سنة إلا هي مطلقة..وأنا ياحبيبي أخاف إنك بيوم تكرهني لذا إتخذت القرار.

اي بنت في مكانها راح تخاف خصوصا ان الزواج الي تسبقه علاقه قبل الزواج غالبا(وليس دائما) ينتهي بالفشل..
بس المفروض انها تعرف ان تركي الي حبته غير ازواج صديقاتها ..
ولو تحبه بجد كان تزوجته وما فكرت وش راح يصير..
لو نجح زواجها راح تكون اسعد انسانه
ولو فشل ما راح تندم لانها تحبه ..والي يحب ما يندم مهما صار
وتندم على فشل زواجها اهون الف مره انها تندم انها فرطت في حبيبها وراح لاقرب انسانه لها..والمصيبه طوال عمرها بيكون قدامها وما تقدر تهرب منه...
بس حقها وما جاءها

اما تركي ما ينلام والي باعته تستاهل انه يبيعها..
وتستاهل مهاومحظوظه انها تزوجت واحد مثل تركي:love:
http://www.shagrawi.alhilalclub.com/other/7ob.jpg

مشكور الكاسر على القصه
والصور والالوان روووووووووعه:qw:

;)

[الشاطر]

مرحبا

هناك تلازم وعلاقه طرديه بينا اسم الكاسر والابداع والتميز...الكاسر الاسم اللامع في عالم المنتديات الانترنتيه فحينما ترى اسم الكاسر في موضوع او رد تجده يثري حصيلتك الثقافيه ويزيدها علما وبدون اي مجامله كم كنت اتمني ان يكون بيننا اكثر من كاسر

علمت مسبقا بهذه القصه ولكن لم اوقن انها ستكون بهذا الرونق الرائع و((الرهيب)) فعلا عشتها وكاني ضمن تلك القصه فتعاطفت مع تركي حينما خذلته نوره والحظ وحزنت لاجل نوره حينما حذلها الحظ ولم ياتي القدر بحبيبها الاول بالرغم من انها خذلته

شكرا للقصه التي اعادت لنا الكاسر كقصصي مبدع:)

[نواف]

هلااا والله وغلااا
أهليــــــــــن حبيب قلبي ( الكـــــاسر ) ,, صراحة قصـــــة في منتهى الروووعـــــــة والجــــمال ,, وكعـــــادتك مبدع ,, فالإبداع ليس بغريب عليك حبيبي ,, حيث أنك أساس الإبداع
ولا تبخل علينا بمثل هذه المواضيع التي أقل ما يقال عنهـــــا أنها ( رائعــــــــــة )

ومشكووور حبيب قلبي

تحياتي
أخوك : نواف
بااايااات ,,,

[captin]

هلا بك الكاسر

مشكور على القصه

و صراحه ان مع تركي

احسن

خله يحرق قلبها مثل ما حرقت قلبي :ignor: اقصد قلبه :cry:

ويعطيك الف عافيه

[خسران ياالعالمي....]

قصه حلووووووووه
وروعـــــــــــه.........
بس لازم تكون فيلم هندي
بالأخير ........
<<<<<< انواع التحطيم(rambo)
طيب انا ودي اعرف ليش تزوج مها ولا أخذ نوره .....
مدري ليش عندي إحسااااااااس انه ما زال يحب نوره
بس يواااااحن (( يعني يقهرها)):jhgy:......
لو اني بمكانها .. كان أقول لأبوي انه راعي
بناااااااااات واني انا كنت اعرفه ..:slv: وانه هو كااان
يحبني:p....:fghty:. بس تدرون حرام أفرق بينهم
لازم اجمع رأسيين باالحلال ....
<<<<< وحده طيبه باالمرررره:sheto:
.........
يسلموووووا الكااااااسر على هذه القصه الرائعه
تحيااااتي لك
خسرااااااان ياالعالمي

[ياسر عبدالعزيز]

اهلين:)


ولو تحبه بجد كان تزوجته وما فكرت وش راح يصير..
لو نجح زواجها راح تكون اسعد انسانه
ولو فشل ما راح تندم لانها تحبه ..والي يحب ما يندم مهما صار
وتندم على فشل زواجها اهون الف مره انها تندم انها فرطت في حبيبها وراح لاقرب انسانه لها..والمصيبه طوال عمرها بيكون قدامها وما تقدر تهرب منه...

اختير زوج.. او زوجه... ماهى لعبه تصيب او تخيب:(
اعتقد.. ان الاختيار.. ليه معايير.. على . المتقدم.. ان يراعي تلك المعايير.. وليس نهاية كل حب هي الزواج:(..


استحت واسكتت شوي ثم قالت: شكرا على الهدية غالية جابتها لي بس ماكملت معروفك وحطيت لي صورتك.
قالها: مجهز لك شيء أحسن من الصورة راعي الصورة بكبره بكره وده يشوفك.
ضحكت وقالت حبي يالله بكلمك بعد ساعة
:ignor:



تحياتي لك:yes:

[الكاسر888]

هلا جود شرفتينا أختي الكريمه...

كلنا إذا قرينا قصص نتعاطف أحيان مه هذا أو ذاك

ولكن في النهاية نتلمس للشخصية الأقرب لنا العذر

وهذا يفتح أفاق أخرى بكل قصة..


شكرا لحضورك ولتواجدك الجميل اختي


ويعطيك العافيه على حجز المكان;)

[السجين بتهمة حب الهلال]

هلا رائد

بالنسبة للقصة فهي كواقع صحيحة

ولكن كعواطف فهي امتزجت بالخيال الذي أفقدها واقعيتها!!

في كل الأحوال القصة جميلة جدا ولكن

النهاية كانت تحتاج الى كثير من التغيير

فالقصة ونهايتها عبارة عن نماذج متكررة من أنواع القصص لدينا وهو الرغبة في الانتقام ثم الندم
على العموم تقبل نقدي بصدر رحب,,,,فلدي الكثير ولكن اخاف تزعل ياقلبي أنت

[الــــنــــاقــــــــد]

هلا والله بالداج:D

ولو أني ماني من هواه هالقصص:p ولا من النوع اللي يقرأها:p لكني شفت انك تاعب على الموضوع بشكل كبير وتستاهل عليه كل الشكر والتقدير:)
لاجديد,,,,,, (( رايد:D )) كعادته مبدع:)
وقلت حرام أطلع من هالموضوع دون مانشكره:)

بس تدري, أن مخمخت لها وقريتها,وأدركت انك قمة في الصياغة والطرح والاخراج والابداع:)

تحياتي يارائد الخليج;);)

[منبع الثلج]

هلوين الكاسر;)

قصة اكثر من رائعه ... ابداع وخيال واسع جميل :yes:

وانا اقف بصف تركي ... يحقله انه يترك نوره
لان كلامها بانه يمكن يكرها غير مقنع وما فيه اي سبب يمنعها انه تزوجه خاصه اذا كانو يحبون بعض حب صادق :rolleyes:


وحتى لو الي اخذها تركي اخت نوره فوش المانع هي مالها علاقه باختها ...
والي باعك بعه بـ ( تــــراب ) ;)


ويعطيك العافيه الكاسر

بااي ;)

[يوسف]

هلا بالداجين والداجات:magkiss:
هلا الكااسر
تسلم على القصه الرائعه من جد قصه اقل مايقاال عنهاا مميزه ورائعه:yes:
وبالنسبه لي بكوون بين نارين بس اذا البنت(مكان نوره) وقالت لي ابوي اجبرن على الزواج فخلااص رااح ارضى بالامر الواقع:( ولا افكر اقرب من هالبيت ابد حتى لو مابقى الا اختهاا مستحيل افكر فيهاا
ومشكووووووور والله يعاافيك:)
:magkiss:بااااي:yes:

[POWER]

ياعيني عليك يارائد :)

القصه روعه روعه ..وبالفعل تستاهل التصفيق
هذا الي عودتنا عليه ياحبي :)
والى مزيد من الابداع ..

لك مني خالص التحيه,,

[أخو دلال]

بيق سلام من أخو دلال..;)

حبيبي رائد.. صدقني لا جديد إبداع من جديد.. أنا من جد دخلت بجو القصة وتحمست كثير وهذا دليل على قدرة الكاتب على إدخال القراء إلى جو القصة.. لكن عندي سؤال محرج وأتمنى إنك تجاوب عليه.. يقول أهل الأدب إن بعض الروايات تكون منطلقة أو يكون الباعث لكتابتها تجربة شخصية معينة مر فيها الكاتب.. هل نستطيع أن نقول رائد طبق هذه القاعدة عند كتابته لهذه القصة؟؟ بصيغةأخرى.. هل رائد مر بتجربة مماثلة لهالقصة فحولها إلى واقع مكتوب؟؟ ولك مني أحر التهاني القلبية على ابداعك في كتابة هذي القصة..

وبيق سلام من أخو دلال مرة ثانية..:noo:

[الطيرالهلالي]

السلام,,,

الف شكر لاك ياخوي الكاسر على هيك قصه رائعه جداً :yes:

اخوي الكاسر ...

اذا قلنا لجميع الفتيات الاتي يرفعون سماعات التلفون لكي يخاطبون الشباب بغرض الحب وبعد الحب هو الزواج؟؟

اقول لهم لا يوجد رجل بدنيا يتزوج صديقته على التلفون ولو تزوج والله لان يدوم هذا لزواج لان الشك موجود بين الطرفين والشك او مجرد شك بسيط يهني بيت كامل هذا اذا كان لديهم شي من الغيره ...

وحنا شفنا قصة تركي وليه خطب مها وترك نوره صديقته على التلفون ..مو عشن قهرها وبس الا عشان يؤكد لها ان زواج من صديقة تلفون لا يدوووووووووووووووووم


الا على فكره ياالكاسر ...هل هذه العائله عائلة ابو نوره لديهم الحريه الكامله والانفتاح الي يخلون بناتهم مع غرباء شي عادي ؟؟؟؟؟

اعتقد ان هذا شي غير منطقي ابداً؟؟؟؟

اخوي الكاسر اهنيك على ما كتبت وعلى ما سطرت من ابداع متوقع دائم منك ....من الافضل الى الافضل اخوي رائد :yes:

[برستيج]

هلا رائد


نعم .. القصه جميله ..

نعم .. الاسلوب رائع ..

نعم .. التنسيق والاخراج ابداع ..


لكن .. لا .. لهذه المكابره من ( تركى ) واللعب بمشاعر الاخرين والتي كان ثمنها ..

الندم والحزن في عينه



وتسلم لي يا مبدع .. :yes:

[استاذ العشق]

هلا وغلا بالكاسر

بكل صدق القصه جميلة جدا جدا :asno::asno::yes::asno::asno:

رائعه من روائع الكاتب الكبير بشبكة الهلال : الكاسر 888

بس انا اشوف بان تركى نذل وجبان ولا يعرف شئ اسمه حب .

حب تركى هذا يسمى حب انتقام .

تحياتى لك

[المتميز]

اهلا برائد ...

إخراج جميل ورائع ولتسمح لي بنقد قصتك...

في عالم القصه القصيره خصوصا يجب ان يكون الترابط بين الاحداث واقناع القاريء هو اهم ركيزه وهذا لم اجده في هذه القصه , الاسلوب بشكل عام جيد وهو مايقنع اصحاب الحداثه ولكن المتلقي التقليدي لايقتنع ابدا بهذا الاسلوب , فمثلا تبدا القصه بشكل تقليدي حيث خطبة البنت لابن عمها ولاتستطيع الرفض وبنفس الوقت تخشى من زواجها والشك وهذا مايحصل فعلا لكن الغير ممكن ابدا ان من يعيشون بهذا الطريقه وهذا التفكير ان يسافرون ويجمع الاب بناته برجل غريب ويتراقصن له وهو يصفق !! ومن ثم الانتقال بسرعه شديده لمرحلة السنتين ومن ثم باريس بصوره اخلت بترابط القصه ...

عموما لااريد ان اطيل ولكن هذا رايي الشخصي يارائد :):):)

[بـحـر]

:yes:

هلا بالكاسر ثلاث ثمنيات

اخوي الكاسر اهنئك على ما كتبت وعلى ما سطرت من ابداع واخراج جميل للغاية :yes:

حركات تركى مثل حركات برستيج :D <<<-------- بيجي لك يوم :kayf:


تحياااتى


بااا :yes: اااى

[زعيم الهــــلال]

الرسالة الأصلية كتبت بواسطة نواف
هلااا والله وغلااا
أهليــــــــــن حبيب قلبي ( الكـــــاسر ) ,, صراحة قصـــــة في منتهى الروووعـــــــة والجــــمال ,, وكعـــــادتك مبدع ,, فالإبداع ليس بغريب عليك حبيبي ,, حيث أنك أساس الإبداع
ولا تبخل علينا بمثل هذه المواضيع التي أقل ما يقال عنهـــــا أنها ( رائعــــــــــة )

ومشكووور حبيب قلبي

تحياتي
أخوك : نواف
بااايااات ,,,


:yes::yes::yes:

[الكاسر888]

هلا مها منوره



حضورك جميل ووجهة نظري جدا أحترمها

شيء جميل ان القصة اعجبتك

وحياك الله أختي دايم دوم ويعطيك العافيه

اخوك/ رائد

[الكاسر888]

الشاطر ..أشكرك جدا على الإطراء اللذي لانستحقه

جميل أن الشخص يكتب بين أحبائه وجميل أن يكون الشاطر الأمور أحدهم

يعطيك العافيه يالغالي على تواجدك

وتقبل فائق إحترامي

أخوك/ رائد

[جـــلال]

(ســــاره ونكد الليــــــالي) & (الحب اللي كـــــان)

وغيرها كثير , سلسله متواليه من أنامل المميز دوماً الكاسر.:)

لاتحتاج لتعليق,,!!

فقط سأعود,,!!

تحياتي لك,,

[الكاسر888]

هلا بأخوي نواف

الإبداع عزيزي هو وجودكم في موضوعي فهو مبعث سعادة لي بتجمع إخوان لي

في أحد صفحاتي

عزيزي شكري لك على إطرائك الجميل وشكري لك على تشريفك

الله يحفظك ويعطيك العافيه

أخوك/ رائد

[Muhanad]

يعطيك الف عافيه على الموضوع الرائع ..

تصدق من عرفتك وانا اخش جوّ مع مواضيعك (himo) ..

لا تفهمون غلط :yuupy: ...

تحياتي لك :) .. .

[أميرة النساء]

تسلم والله على هذه القصه ...واتمنى لك المزيد من التقدم ....

[الوصــال]

بالفعل أحداث واقعها دموي دراكولي ...لكن نسجت بأنسجة واقعية تحملنا الى عالم صعب علينا نصدقه مهما كان...
لكن الحب صعب جدا التعامل معه.,.,
واللي يحب لا يمكن ينسى من حبه ...وخاصه اذا كان مدرسة رائعه لتعليم الحب وفنونه ...حتى لا يمر الحب بمراحله المعتاده ...ويصبح اسطورة معلقه على اغصان الشجر....
اصبح الحب في هذه القصه في غرف الانعاش ..!!
لكن الاحباب الأذكياء هم من يجعلون من مراكز حبهم قاعدة انطلاقية تفائلية..وذكرى مهما اختلفت الطرق والجهات...


وهذا لسان حال نوره ....1111و .....تركي

كيف ابتدي يا خل والجرح مدفون
بين المشاعر عبر الاهات غطاس
نيران تحرق يا بسات الغصون
ونيران تحرق شاعرات الاحساس
طواق همي باني اقلاع وحصون
محصور قلبي بين الاهات والياس
اخفي المدامع خايف الناس يدرون
عن جرحي اللي صارلي هم غلاس
ساهر ليالي عايش بقلب محزون
ينزف الم من ثم توديع الانفاس
وانظم قصايد راثيات العيون
وانظم قصايد فيها الوزون محتاس
واندب حوالي بين كيف واشلون؟
واصدم بواقع كنه احلوم هوجاس
أشعر وكني بين الهموم مسجون
هم المواجع صار بالليل نسناس
بركان هايج داخل الحس مكتوم
وامواج تلطم حابسات الاحساس
أهات فيها كل حرف موزون
والام قلبي مثل قطعة الفاس
يا رب يالله اطلب الصبر والعون
انت الرحيم يا خالق الكون والناس

والابداع اصبح عنوانا لك :)
الله يوفقك ....

تحياتي

[بندر]

هلا اخوي رائد ;)

تسلم يالغالي على هالقصه الرائعه :asno:

انشالله من تقدم الى تقدم :yes:

في انتظار رائعتك القادمه ياغالي :noo:

[الكاسر888]

captin ليه يابعدي

ليه انت كذا قاسي
خلك حنين ورهيف

خلك حنون وقلبك طيب





هههههههههه شكرا حبيبي لحضورك

ويعطيك العافيه

[الكاسر888]

خسران يالعالمي

شكرا لتواجدك وشكرا لخفة دمك
اجل بتجمعين راسين بالحلال؟؟؟؟؟ تشتغل خطابه على اخر عمرك؟




ياسر عبدالعزيز : هلا بيك

[الكاسر888]

هلا بندر

كنت شخصيا احاول صنع نهاية مختلفة عم ماهو متوقع غالبا

كنت أتمنى أن اشاهد نقدك يابندر كاملا على القصة ولو على الخاص فأنا ما نشرت الا لكي يأتيني نقد موضوعي محترم أستفيد منه في تطوير قدراتي وكتاباتي
كما إستفد من إخوان سابقين

شكرا لك حبيبي وحياك الله

[بندر]

هلا حبيب قلبي رائد ;)

اذا نظرنا الى حداثة تجربتك في هذا المجال وقارنها بوليدتك هذه القصه الجميله صدقني فإن اي منصف لايملك الا ان يرفع قبعته تحية لك :asno:.
وكما تلاحظ اخي رائد فقد نلت نصيبك من الانتقادات (منها مااتفق معه ومنها مااعارضه)
لذلك فضلت ان احتفظ بما لدي من نقد منعا للتكرار وفضلت النظر لأيجابيات ومحاسن هذه القصه فما كان مني الا ان اقول لك دمت مبدعا;)
في انتظار جديدك القادم وتأكد ان الجميع سيقارنه بهذه الرائعه وسيكون النقد عندها ادق واصدق

تحياتي لك ولقلمك المبدع ;)

[الكاسر888]

هلا بالحبيب الناقد

جميل اني قدرت أخلي واحد مهب راعي قصص يقرأ قصه

وجميل انني اشوف طلتك حبيبي رغم هالغيبه الطويله غير المبرره



شكرا لإشادتك خاصة إنها جت من إستاذ مثلك

وترى الموعد ممكن يتكررر بتاريخ 20/4 خل نشوفك معنا(himo)

سلملم

[حنينة الشوووق]

اهلين الكاسر
صبــاحاً محملاً بأريج النرجس والجووري
قصة تعبر عن تراقص الكلمات فوق الورق وممزوجة بروح الشفافية والابداع. كم اعجبتني هذه القصه...
دعني اخبرك ...بأن سفن ابداعك رست في هذا المنتدى ...
وعرفت كيف تسكن في شرايينه...وحروفك تفاجئنا باطلالتها الرائعة...

الكاسر
جميلة هي تعابيرك التي
تهز مشاعر القارئ لها ،
تضارب الأفلاك في داخل الفضاء الانساني ..
جعل من كلماتك نسيجا
لا ينفك ...
وسأبقى أقطف في ظل حُرُوفكَ
البسمات ...
ودمت للرومانسية نبراساً

اختك:
شووووقي

[الكاسر888]

هلا بالقصمنجي منبع الثلج


اجل يبيعه بتراب رايك:)



شرفتني بحضورك حبيبي وبرأيك الشخصي


دمت لي يالغالي

[الكاسر888]

هلا وغلا بالداج داج

حياك الله بصفحتي ونورتها ياخوي

وشكرا لتركك إنطباعك عنها

دمت لنا يالغالي

[الكاسر888]

ياحي الله الغالي أبو حسين

نورت الموضوع حبيبي

وشيء يسعدني تواجدك معي في القصة


دمت لي يابعدي

[الكاسر888]

هلا بالغالي اخو دلال
نورت الموضوع حبيبي

.. يقول أهل الأدب إن بعض الروايات تكون منطلقة أو يكون الباعث لكتابتها تجربة شخصية معينة مر فيها الكاتب.. هل نستطيع أن نقول رائد طبق هذه القاعدة عند كتابته لهذه القصة؟؟ بصيغةأخرى.. هل رائد مر بتجربة مماثلة لهالقصة فحولها إلى واقع مكتوب؟؟ ولك مني أحر التهاني القلبية على ابداعك في كتابة هذي القصة..

أولا : مهب إحراج ولا شيئ حبيبي

ثانيا: هي بعض وليس كل
ايضا يقولون أنها ربما تكون رؤيا خاصة للكاتب على زاوية من زواية المجتمع
ربما تكون مغفله او متغافله ::::: يعني البعض الله يجزاهم خير نقدوني وقالوا ذولي سعوديين؟
وين يبوا حنا ماعندنا كذا ومن هالكلام

مشكلتنا أننا نعتقد كل المجتمع نسيج من مجتمعنا الخاص

سأتابع باقي ردي لك مع ردي على سداح حتى تكون الصورة واضحة للجميع

[الكاسر888]

هلا بالغالي الطير سداح

شكرا لتنوير وثنائك على كتابتي يالقمر

الا على فكره ياالكاسر ...هل هذه العائله عائلة ابو نوره لديهم الحريه الكامله والانفتاح الي يخلون بناتهم مع غرباء شي عادي ؟؟؟؟؟

اعتقد ان هذا شي غير منطقي ابداً؟؟؟؟

إستكمالا على ردي على اخو دلال وردي للقمر ابو حميد

اقول اذكر في مقابله مع غازي القصيبي يقول فيها:

أنه يرتاع إذا قرأ قصص للقاص: عبده خال

السبب انه عبده خال يتكلم كثيرا عن الأحياء والاسر الفقير كما يعرفها هو جيدا وعنده إطلاع عليها وهو الشيء الذي لايوجد لدى غازي الذي ولد وبفمه ملعقه من ذهب:)

عبده يتكلم عن بيئة غريبه عن غازي وغازي يخاف لانه شيء غريب لاينتمي للطبقه الي هو فيها.

الي اقصده انت تستغرب هذه الحرية المطلقه لإنك لاتعرف مجتمعات سعودية فيها هالشيء بس فيه صحيح انه نادره لكن فيه وحدثني أحدهم واعرفه شخصيا يقولي رائد قسم بالله عندنا أشياء بعايلتنا اكبر من كذا بكثير.

اتمنى الصورة تكون واضحة ومو معنى اني كتبت عن هذه الفئة إني مؤيد لها

لا بس أنقل صورة عن حياة ناس ثانين:)

شكرا لك حبيبي

[الكاسر888]

هلا ومية هلا بالغالي برستيج




دمت لي يالغالي وشكرا على ردك حبيبي


الله يحفظك

[الكاسر888]

هلا وغلا بالغالي فرعون

التصفيق يابو فهد هو تواجدك بالمنتدى

نتمنى ان نشوفك دايم عندنا وتتفضى لنا

وخل المنتدى ذاك وتعال عندنا يابعدي


تسلم وشكرا على تشريفك

[الكاسر888]

هلا وغلا بالغالي المتميز

صراحة نقدك جميل جدا واستفدت منه

شكرا لك حبيبي على تواجدك الجميل

دمت لي

[الكاسر888]

هلا بالموية الكثيرة" بحر "

نورت يالغالي وبرتسيج ما يترك حركاته ابد


تحياتي إلك;) وإلوه;)

[الكاسر888]

هلا زعيم الهلال

نورت الموضوع يابو برب



الله يعطيك العافيه على تواجدك

وشكرا لك

[الكاسر888]

هلا بجلال

هلا بحبيبنا الحاضر الغايب


بإنتظار عودتك يالغالي

تحياتي

[الكاسر888]

هلا وغلا بزعيم اسيا

اجل من عرفتن وانت تخش جو مع مواضيعي



منور حبيبي ويعطيك العافيه

[الكاسر888]

أميرة النساء

يعطيك العافيه على توقيعك على صفحتي

شكرا لك

[الكاسر888]

هلا الوصال

ردك جميل واكبر من مستوى القصه

يعطيك العافيه

كيف ابتدي يا خل والجرح مدفون
بين المشاعر عبر الاهات غطاس
نيران تحرق يا بسات الغصون
ونيران تحرق شاعرات الاحساس
طواق همي باني اقلاع وحصون
محصور قلبي بين الاهات والياس
اخفي المدامع خايف الناس يدرون
عن جرحي اللي صارلي هم غلاس
ساهر ليالي عايش بقلب محزون
ينزف الم من ثم توديع الانفاس
وانظم قصايد راثيات العيون
وانظم قصايد فيها الوزون محتاس
واندب حوالي بين كيف واشلون؟
واصدم بواقع كنه احلوم هوجاس
أشعر وكني بين الهموم مسجون
هم المواجع صار بالليل نسناس
بركان هايج داخل الحس مكتوم
وامواج تلطم حابسات الاحساس
أهات فيها كل حرف موزون
والام قلبي مثل قطعة الفاس
يا رب يالله اطلب الصبر والعون
انت الرحيم يا خالق الكون والناس

وصح لسانك اختي

[الكاسر888]

هلا حبيبي بندر وشكرا لتشريفك يالغالي

ردي الاول كان للسجين:qw:

لكن استفدنا ان شفناك بموضوعي مرتين ونورته يالغالي

يعطيك العافيه والله يحفظك

[الكاسر888]

الرائعه الحاضره حنينة شوق

حضورك الجميل وبصمتك الرائعه

لها رونق جميل وطعم خاص


شكرا لتواجدك ووضع بصمتك بصفحتي

دمتي لنا