يـابـعـدهـم والله...يــا منال .!

[POWER]

ياهلا والله ومسهلا بالغالين :)
أخباركم ؟ وعلومكم؟..ان شاء الله الكل بخير ..
المهم..

الاسبوع هذا فيه فضاوه غير طبيعيه ..فما بقا شي ماسويته في ذا الاسبوع :)
نمت ..ومليت من النوم..:N:
وسهرت ومليت من السهر..:yuupy:

فجت فتره قعدت فيها لحالي..اعيد شريط الماضي..
وافكر في المواقف الي صارت..سواء المضحكه او الرومنسيه ..

<p align=CENTER>$$ بداية القصه $$</p>

كان ولد جيراننا اسمه "عبدالرحمن" أطلق اخوياي ..
يوميا نشوف بعض في الاجازه..من بعد صلاة العصر نصحى من النوم..نروح للبقاله نزرف ببسي:D ..ونتمشى بالحاره ..اي ليموزين يجي نكسر قزازة سيارته ..
اي واحد غريب عن الحاره نستهبل عليه(himo)

كل يوم على ذا الحال ..

في يوم من الايام ..صحيت من النوم واطلع ادور دحيمه..علشان نكمل المسيره(rambo)
طلعت من بييتنا ..والقاه في الشارع مع ابوه ومختبصين وحالتهم حاله ..
يوم طالعت زين والاهم يحملون اغراض البيت..
وأسأل دحيمه.. ويــــــــــن؟؟؟؟؟؟؟؟ وش السالفه..:eek:
قال..بننقل من الحاره :(

علطول وقتها جا تفكيري على الليموزينات..وشلون استهبل عليهم لحالي؟:req:
وشلون اطلع لحالي بالحاره..وعيال الحاره كلهن ناوينني بشر(rambo) ..

المهم..نقل دحيمه مع اهله من البيت..ومر اسبوع على هالكلام..وكان اخيس اسبوع في حياتي :cry:


<p align=CENTER>راح عبدالرحمن وجت منال </p>

كالعاده..صحيت من النوم العصر:D ..مريت على بقاله الشايب الي اسمه"الخال" :angel:
دخلت عليه بالبقاله ..اسولف معه شوي..والهيه بحاجه الين افتح ثلاجة الببسي..وازرف لي واحد :rolleyes:
والمشكله شين وقوي عين بعد..!!(rambo)
ازرف الببسي..واشربه قدامه..:D
رجعت لبيتنا..بعد ما انفقع بطني من الببسي..
واطالع والا فيه ناس جوا بيت دحيمه ...
انا قلت بس..اكيد ذول عيال الحاره بيزرفون كمبيوتر العائله حق دحيمه :D ..
وادخل..ومعي سلاح ..سلاحي السري "عصا المكنسه" :fghty: ..<-- وين قطاوه:D
وطلعو ناس جدد بيسكنون بالبيت..
وسلمت على عيالهم وتكينا انواع السواليف<-- بيدشرهم(rambo)
واحد اسمه "مشاري"..وواحد اسمه" يوسف"
وبعد شوي..مرت من قدامنا وحده زي الببسي..:yuupy: أقصد زي القمر :qw:
واسأل هالدلوخ..من ذي؟؟؟
قالو اختنا الكبيره..
قلت وش اسمها؟؟ <--- قصيمي لا تشرهون:angel:
قالو..اسمها مــنــال :love:

المهم طلعت من بيتهم..واروح لبيتنا..جلست بالملحق..وانواع التفكير..لكن هالمره التفكير غير
افكر ..وشلون بكلمها؟ وشلون؟؟ ..:confused:

<p align=CENTER>$$ بداية قصة الحب $$</p>

صحيت من النوم العصر :cool: ..<-- وانت ماغير نايم..!!:req:
والقى امي لابسه ومتزينه..
قلت لها..وين بتروحين لبقالة الخال؟؟:angel:
المسكينه ماتدري وش يسوي ولدها بالخال..
قلت لها وين بتروحين؟
قالت: ابروح لجيراننا الجدد أم مشاري ابسلم عليها..
قلت : اروح معك طيب؟ :rolleyes:
قالت : ضف خلاقينك بس..ماعاد الا هي ..لا تفشلنا بس انثبر واقضب ارضك:zael:
قلت: تكفين..هاااا يمه؟؟ <---- مع حبة دموع وشغل مصاريه :fghty:
المهم وافقت :kany: ..واخيرا ابشوف بعد قلبي منال :D
دخلنا البيت وانا "منثبر" جنب امي..
المهم ماجاز لي الوضع..كراث..وشاهي اخضر..واعشاب..!!
سألت ام مشاري..وين العيال؟
قالت فوق رح العب معهم..
وانقز فوق وادخل عليه بالغرفه..والا فيه هالسلق مشاري ويوسف يلعبون كيرم :D
واطالع في اخر الغرفه والا فيه هالبنت جالسه لحالها تناظرهم..
واقعد جنبها..ونسولف..:cool:
كانت سواليفنا عن المدرسه..تقول لي حليت واجباتك؟؟:D
واقول لها والله لي اسبوع غايب..وبالاساس من قال ان عندي دفاتر؟؟:nrey:

صرنا على هالحال اسبوع..ادخل عليهم هالسلق ..اما يلعبون كيرم..أو أتاري..
وجاحدين اختهم مايلعبونها..فاستغليت هالموقف وقعدت اسولف معها..

جا يوم..قعدت افكر فيها..من جد خذت عقلي هالبنت <<--- والله ياهو سحب على دحيمه(himo)
فاخذت رقم تلفون البيت حقهم من امي..
وادق..وترد علي منال :qw: يابعدهم والله.
فكانت هذي أول مكالمه ..

انا: الووه..
هي: اهلين
انا: اخبارك؟
هي: مين؟
انا: ما عرفتيني؟؟؟؟
هي: لا مين؟؟
انا: انا عليان :D
هي: .........سكتت شوي..بعدين قالت هلا والله حبيبتي عليا ..!!:req:
انا: وين عليا بعينك :amle: اقول لك عليان
هي: قصرت صوتها شوي..وقالت..عندي اهلي ياحمار:slv:

<--- والله طلعت ملكعه ..مب سهله (himo)

المهم في يوم قلت لها ابجي واشوفك ببيتكم..بس مانبي نجلس مع اخوانك الدلوخ..
قالت اوكي ..تعال بكرا بعد صلاة العصر..:asno:
وبعد صلاة العصر علطول من بكرا..رحت اول شي سلمت على الخال(rambo)
ومسكت معاه خط بالسواليف..لين زرفت لي ثنين ببسي:angel:
عاد هالمره..ما شربتهن قدامه..لا قلت له الله لا يهينك عطني كيسه ابحط الببسي فيها :req:

وادخل عليها بالبيت..ونقعد بالحوش..:qw: ..لا يعني موب في الحوش:D
كان فيه ورا البيت عشة حمام ..قعدنا فيها:angel: :angel:

فكانت اسعد لحظه بحياتي..كيف لا وانا معي حبيبتي قاعدين نكلم بعض مع زقزقة العصافير ونباح الحمام :req: ..<-- اي زقزقة عصافير الا شي ثاني:yuupy:
كانت سواليف قــمــة في البراءة :)
وين رحتو ووين جيتو؟ وحليت الواجب والا لأ؟؟

سهرنا لآخر الليل في عشة الحمام..
فصار موقف رومنسي جدا :D
كانت تطالع القمر..وساكته..قلت لها وش تفكرين فيه ؟
قالت..مدري ..بس افكر في القمر..لو انه مصقال وشلون بينلعب فيه :yuupy: ؟
ياعمري على التفكير ;)
<p align=CENTER>$$ نهاية قـصـة الحـب $$</p>

الصراحه ..تعبنا من التلفون الثابت ..كل يوم مكالمه طويله..
انا عادي ما يضايقني التفون..بس تضايقني كلمة وحده..وهي:-
هلا حبيبتي عليا :jeng:
فانتقلنا من التلفون للرسايل المكتوبه..ابد شق ورقة من دفتر الرياضيات واكتب بيدك ورجلك:D
حتى اني كتبت شعر ذاك اليوم..لكن والله ما اذكره:)

في يوم ..طلعت من البيت ..واطلع في بيت ابو مشاري..
والا قاعدين يشيلون اغراضهم..:rolleyes: لحووول..محد يسكن في هالبيت علطول :(
واسأل ابوهم وين يبو مشاري..قال والله اني ترقيت وجت الترقيه في شقراء ..فلازم اباشر الدوام من السبت الجاي :)
قلت له ..كيف الحال؟:D وش تقول؟؟ الصراحه مافهمت شي منه..الا شي واحد..اني منب قادر اشوف منال ولا اكلمها ولا اراسلها :cry:

فكنت واقف عند باب بيتنا..والدمعه بعيني ..
وقلبي يتقطع ..عل فراق احباب..
كانت نيتي اول شي اهدم هالبيت..يجيب لنا ناس نحبهم بعدين يفرق بيننا ..!!
طلعت منال من البيت..وبتركب سيارتهم..
فعطتني نظره ..فهمت منها اني راح احبك لاخر عمري..بس ما باليد حيله <-- والله لو انها تسولف ماقالت هالكلام:D

راحو..وخذو قلبي معهم..:(
راحو..خذو حياتي معهم..
راحو..جرحو قلب تبعهم..
راحو..راحو..وكلي أمل برجعتهم ..:(


<hr>

وانا اقول هالكلام الي فوق..ما دريت الا واحد يصارخ بوجهي :yuupy:
واسمعه يقول قم..قم..
ويوم طالعت والاه واحد من العيال..يقول قم لعنة الله على بليسك لك يومين نايم..قم :slv:
فقلت له: اصبر طيب ..بشوف بيسكنون ناس جدد والا لا :D
انلحس المسكين :D ..

وبكذا تنتهي قــصــة حب..فاشله :D ..لا وفاشله جدا بعد
ويابعدي والله يالخال;) ..
تحسبون اني ازرف منه وهو دلخ..طلع يسجل في الحساب وابوي يدفع آخر الشهر:amle:
حتى الشايب طلع ملكع :req:


ونشوفكم على خير..:)
تـ ـحـ ـيـ ـا تـ ـي
PoWer..

[أبوحمـــ15ـــــــــــد]

ههههههههههههههههههه الله يرجك يابوحسين والله مقلع....


اجل تزرف بيبسي يااااااقدمك بعد:D

[قرقو]

مرااااااااااااااااااااااااحب

هلا خالي بور:D

ماشاء الله عليك تطورت وبديت تحلم مثلنا:yuupy:

بس الحمد لله انها وقفت على احلام بريئه زي ذا موب احلام:ignor:

..مريت على بقاله الشايب الي اسمه"الخال"

يووووووووووووووه ياقدمك:angel:

وينه الى الحين عايش:req:

واقول لها والله لي اسبوع غايب..وبالاساس من قال ان عندي دفاتر؟؟

والله من زين الامور :yuupy:

بالله عليكم شفتوا واحد اجازته الاسبوعيه بالمدرسه تبدا الثلاثاء:jhgy:

انا: انا عليان

تصدق هالكلمه عجزت اهضمها على شكلك:req:

انا: وين عليا بعينك اقول لك عليان

والله انك دلخ:jeng::jeng:


راحو..وخذو قلبي معهم..
راحو..خذو حياتي معهم..
راحو..جرحو قلب تبعهم..
راحو..راحو..وكلي أمل برجعتهم ..

:cry::cry::cry::cry::cry::cry::cry:
كسرت خاطري والله:cry::cry:

خلاص ولا يهمك انا اسكن ببيت منال <<<<<<والله اللزقه:slv:

ويعطيك العافيه ياعليان على هالموضوع تصدق والله خيالك واسع(rambo)

ونشوتك على خير:noo::noo::noo:

عمتك/ قرقو:angel:

[خبراوي]

هههههههههههههههههههههههههههههههههههههههههه

الله يرجك يا عليان ههههههههههههههههههههههههههه


سلملي على دحيم اذا شفته








سلام

[يوسف]

هلا بالداجين والداجات:magkiss:
هلا ابو حسين
خخخخخخخخخخخخخخخخخخخخ
الله يرجك:D اجل كانوا ناشبين لك السلق مشاري ويوسف:yuupy:
بس ساالفه البقااله ذي معروفه على مستوى العاالم وكل المبزره مارين بهاا(rambo)<<ترى ما مر بها قبل كذاا هالضعيف:rolleyes:
وتسلم وكوود هالموضوع يرجع لنا ابو حسين صيف العاام:kany:
:magkiss: بااااي:yes:

[TTT]

السلام عليكم...
المهم ماجاز لي الوضع..كراث..وشاهي اخضر..واعشاب..!!
يا والله الرومانسية هنا:love:
تحياتي...

[الذيب وبس]

مراااحب ...

ادخل..ومعي سلاح ..سلاحي السري "عصا المكنسه"

متأثر بالافلام الباكستانية :zael:

كانت سواليفنا عن المدرسه..تقول لي حليت واجباتك؟؟

:qw: :qw: انواع البراءة



:D :D :D :D مشكور عليان على هيك موضوع ولا تقطعنا ;)


وعلى قولة عبدالله

نشوتك على خير :noo:

فـــــــــهـــد:yes:

[أخو دلال]

بيق سلام من أخو دلال..;)

أبو حسين.. يالله انك تحييه..;) اعنبوا بليسك وين هالرجة من زمان.. أنا أشهد إنك زاحف على براطمك..:angel:

فجت فتره قعدت فيها لحالي..اعيد شريط الماضي..

أحلى يا مثقف.. قال شريط الماضي قال.. :D بالله قلي كلمة شريط الماضي من وين جبتها :kayf:

وكان اخيس اسبوع في حياتي

الله يغربل شيطانك من " شريط الماضي" إلى " أخيس" أوه المفردات بعد :angel:

وادخل..ومعي سلاح ..سلاحي السري "عصا المكنسه"

والله راعي فزعة يا أبو حسين.. فيك الخير والله..

واحد اسمه "مشاري"..وواحد اسمه" يوسف"

شف يوسف ذا كانه دب و أملط وغزوزه كبار تراه داج هو كان ساكن بذيك الحارة زمان :kayf:

وبعد شوي..مرت من قدامنا وحده زي الببسي.

ههههههه اعنبوا بليسك زي البيبسي أجل تشبه خالد مسعد <=== وعععععععع (rambo)

واسأل هالدلوخ..من ذي؟؟؟
قالو اختنا الكبيره..

والله منتب سهل يالشين.. تشبك مع اللي اكبر منك (himo)

المسكينه ماتدري وش يسوي ولدها بالخال..

وانت الصادق المسكينة ما تدري وش يسوي الخال بولدها :ignor: :angel:

كانت سواليفنا عن المدرسه..تقول لي حليت واجباتك؟؟

أنا لو منك كان قلت لها لا ما حليت الواجب وش رايك نحله مع بعض :eek: <== ترى قصدي شريف لا تروح بعيد يا وصخ :jhgy:

هي: قصرت صوتها شوي..وقالت..عندي اهلي ياحمار

يمكنها تبي تدلعك يوم قالت يا حمار :p :p <== أمزح لا تضيق انت وخشتك :magkiss:

وادخل عليها بالبيت..ونقعد بالحوش..:qw: ..لا يعني موب في الحوش:D
كان فيه ورا البيت عشة حمام ..قعدنا فيها:angel: :angel:

اما هالمقطع رومانسي بالحيل.. أجل حب في عشة الحمام :req: :D

وين رحتو ووين جيتو؟ وحليت الواجب والا لأ؟؟

الحين الى الان ولا بعد حليتوا الواجب :confused: ياخي كان حليتوا الواجب ووسعتوا صدوركم :D :D

كانت تطالع القمر..وساكته..قلت لها وش تفكرين فيه ؟
قالت..مدري ..بس افكر في القمر..لو انه مصقال وشلون بينلعب فيه :yuupy: ؟

ههههههههههههههه أما ذا المقطع وربي فطست عليه من الضحك.. الا تعال يالرومانسي وش كنت تنتظرها تقول عن القمر:req: :req:

راحو..وخذو قلبي معهم..:(
راحو..خذو حياتي معهم..
راحو..جرحو قلب تبعهم..
راحو..راحو..وكلي أمل برجعتهم ..

أما هذي صراحة شيء :( :cry:

ويابعدي والله يالخال;) ..
تحسبون اني ازرف منه وهو دلخ..طلع يسجل في الحساب وابوي يدفع آخر الشهر:amle:
حتى الشايب طلع ملكع :req:

:hgfd: :hgfd: أقول لا تخف بنا .. الخال ما كان يسجل في الحساب.. الخال كان يعمل حاجة ثانية..:eek: :eek: :D

الله يوسع صدرك يا أبو حسين على هيك رجة واستهبال .. وهاه لا عاد تقطع كل يوم تعال انت ومن يعز عليك.. يعني المرة هذي منال المرة الجاية مزنة واللي بعدها عبير واللي بعدها مع سواق الجيران :ignor: :D

وبيق سلام من أخو دلال مرة ثانية..;) :noo:

[asdfgh]

وش هالإبداع ابو حسين . . ما شاء الله مشرف ومصرقع طال عمرك الله يحييك (himo)

صراحة موضوع ميتافيزيقي لا علاقة بينه وبين خطة خيقي بيقي :jeng:


الاسبوع هذا فيه فضاوه غير طبيعيه ..فما بقا شي ماسويته في ذا الاسبوع :)


شكلك على هالموضوع فاضي ومرتفع الله يقطع بليس اخو دلال :eek:



كان ولد جيراننا اسمه "عبدالرحمن" أطلق اخوياي ..


أكيد يشبه الهواوي :D:D:D


يوميا نشوف بعض في الاجازه..من بعد صلاة العصر نصحى من النوم..نروح للبقاله نزرف ببسي:D ..ونتمشى بالحاره ..اي ليموزين يجي نكسر قزازة سيارته ..


ياحليلكم تكسرون قزاز اليموزينات . . الله يرحم أيامنا ما نعرف إلا التكاسي . . (rambo)


..وكان اخيس اسبوع في حياتي :cry:


تعجبني الألفاظ الراقية . . :yes:


انا قلت بس..اكيد ذول عيال الحاره بيزرفون كمبيوتر العائله حق دحيمه :D ..


هذي مسكته يابو حسين . . :angel:


وبعد شوي..مرت من قدامنا وحده زي الببسي..:yuupy: أقصد زي القمر :qw:
واسأل هالدلوخ..من ذي؟؟؟
قالو اختنا الكبيره..
قلت وش اسمها؟؟ <--- قصيمي لا تشرهون:angel:
قالو..اسمها مــنــال :love:


زي البيبسي بلا والله من ثقافة الخال . . قل زي البردقان . . قل تفاحه . . :qw: بيبسي انت ووجهك . . :jhgy:


صحيت من النوم العصر :cool: ..<-- وانت ماغير نايم..!!:req:
والقى امي لابسه ومتزينه..


صاكة المسفع حنكة صح .. والديرمة لاعبه في البراطم لعب . . الله يخللي لنا امهات منول هن والله الخير والبركة . . :asno::asno::asno:


كانت سواليفنا عن المدرسه..تقول لي حليت واجباتك؟؟:D


ياعمري على البراءه :slv: . . بس إذا صار قدامها هالصايع راعي الخال الله يستر عليها . . :fghty:


جا يوم..قعدت افكر فيها..من جد خذت عقلي هالبنت <<--- والله ياهو سحب على دحيمه(himo)


واخيس اسبوع بعد دحيمة . . على طول قلت معك يالداشر . .:yuupy:


[COLOR=black]انا: الووه..
هي: اهلين
انا: اخبارك؟
هي: مين؟
انا: ما عرفتيني؟؟؟؟
هي: لا مين؟؟
انا: انا عليان :D
هي: .........سكتت شوي..بعدين قالت هلا والله حبيبتي عليا ..!!:req:
انا: وين عليا بعينك :amle: اقول لك عليان
هي: قصرت صوتها شوي..وقالت..عندي اهلي ياحمار


كخخخخخخ هذي رهيبة قمت اضحك من جد :yes:. . والله طلعت هي الداشرة مهوب أنت :p . . أنتبه بس لا تدل بقالة الخال . . :ignor:


فعطتني نظره ..فهمت منها اني راح احبك لاخر عمري..بس ما باليد حيله <-- والله لو انها تسولف ماقالت هالكلام:D


إيه هين عقب ياحمار طلعت أنت البرئ والله . . :cry:

ابو حسين يالتعبان وينك من زمان ما غير اخو دلال والمتميز ومدرعم قاعدين يتدلعون علينا . . ومواضيعهم بالقطاره . . :confused:

وبعدين الإرتفاع صار للمشرفين بعد . . والله حاله . . :fghty:

شكراً لك ابو حسين . . ولا تبطي علينا . . :hgfd::hgfd::hgfd:

[ابواسى]

السلام عليكم

هلا ابوحسين المقلع

هههههههههههههههههههه

وبعد شوي..مرت من قدامنا وحده زي الببسي.. أقصد زي القمر

والله العظيم حلوووووووووه اجل ببسي متعوووووود :ignor: دايما

تحياااااتي

[يوسف الرشود]

ههههههههههههههههههههههههه
ههههههههههههههههههههههه
ههههههههههههههههههههههههههههه
ههههههههههههههههههههههههههههه

الموضوع مجنووووووووووووووووووون مجنووووووووووووووووووون


بس على فكره ماتزرف بيبسي بالليمون ابوسمكه صفرا ؟؟؟؟

[الصقر الهلالي]

الله يرجك يا ابو حسين راحت 6 ساعات وانا اقرى بالموضوع :D

... لي رجعة

[فهد702]

مرحبا....

هلا بك أبو حسين ((عليان))<<===== ,, سمي أب..:ignor:

الله يخسك انت وهالموضوع المنبطح على خشته بزاوية خمسطعش درجه..... <<======(( ما يعرف يمدح مشرفين)):D

وسلمت على عيالهم وتكينا انواع السواليف<-- بيدشرهم

عز الله اللي ضاعوا ....:rolleyes:

صرنا على هالحال اسبوع..ادخل عليهم هالسلق ..اما يلعبون كيرم..أو أتاري..
وجاحدين اختهم مايلعبونها..فاستغليت هالموقف وقعدت اسولف معها..

اخص يا الذهين يا مستغل الفرص,,,,,,,

ونباح الحمام

:req: :req: :req: منين خشت ذي :req: :req: :req:

فانتقلنا من التلفون للرسايل المكتوبه..ابد شق ورقة من دفتر الرياضيات واكتب بيدك ورجلك

بيدك ما يخالف بس برجلك وشلون,,,,:req:


على العموم تسلم يالغالي... على هيك موضوع ,,,,

(( أقول وش قصة الارتفاع بالمنتدى )):fghty:

وتحياتي مره ثانيه يا أبو حسين,,,,,:noo: :noo: :magkiss:

[ياسر عبدالعزيز]

اهلين:)
<p align=CENTER>
$$ بداية قصة الحب $$</p>


وانا قول.. وشفيه ويندزxp خرب وبهذل العالم.. اثر ابوحسين طايح بالحب والغرام:D

خل عنك..هالخربيط وراح شف العالم في المنتدى الكمبيوتر كل واحد يقول الفزعه ..جهاز يطفي.. رح دبرهم يا بل قست الهلال:mad:

[POWER]

ياهلا والله ومسهلا ..:)

والله وطلع عندنا ناس رواد فضاء ماشاء الله من الارتفاع الزايد (himo)

أبو حمد 15 :-
ارررحب طال عمرك ..:)
والله انك قطوع..وينك ماعاد تنشاف يالشين ؟
ويعطيك آلاف العوافي على الرد..نورت الموضوع :)

قرقو
هلا بالداشر ..

بالله عليكم شفتوا واحد اجازته الاسبوعيه بالمدرسه تبدا الثلاثاء
يابن الحلال زينه ان جت على الثلاثاء وبس :rolleyes:
من يوم الاحد تبدا الاجازه المعهوده :)
يعني مافيه دوام الا يوم السبت ..
واحيان يوم السبت فيه مواد علميه واجد ..ولا احظره بعد..!!:req:
<<<ماقلت لك مدرسة الوالد الله يحييك :D

بعدين تعال ..وش قصة التمزيع في ذا الموضوع ؟..كلن يقول نشوتك؟
ونورت الموضوع ياخلفهم ;)

خبراوي
ياهلا وغلا ..:)

سلملي على دحيم اذا شفته
ابشر..:rolleyes:

بس خلني اواصل ثلاث ايام..بعدين ادبخ امها نومه 72 ساعه اغدي اشوفه بالفراش واسلم لك عليه (rambo)

نورت الموضوع يالغالي ;)

داج
هلا والله بـحـبـي :magkiss:

بس ساالفه البقااله ذي معروفه على مستوى العاالم وكل المبزره مارين بهاا
حط عينك بعيني اشوف ---->:amle:
اقول الفقه طال عمرك بلا نصب :fghty: ..
بعدين تعال..اتحداك تزرف ببسي وتشربه قدام راعي البقاله :D
<< يعني قوّه يعني ..:rolleyes:

بعدين يخوي خلص الصيف وانت تقول نبي صيف العام ومواضيعه :cool:
الظاهر طردتي على يدك انت وياه (himo) ..
والموضوع غدا كله لمبات بردك يالغالي ..:)

TTT

يا والله الرومانسية هنا
من وين لك والله ؟:rolleyes:
وش الي اعشاب؟؟ بعارين عندهم :amle:

ونورت الموضوع اخوي :)

الذيب وبس
ياهلا والله وغلا:)..
ما صدقت يوم قريت ردك؟؟ قلت اثره حي هالولد الى الحين (himo)
بعدين من جد ياخوك وش سالفة التمزيع ..؟:rolleyes:
ويعطيك العافيه عمو ,,

أخو دلال
ارررحب طال عمرك (himo)
يالله ان تحيي رائد الفضاء :D ..

بالله قلي كلمة شريط الماضي من وين جبتها
شفت ان التنغيف في وقت الفراغ له فوائد كثيره :rolleyes:

ههههههه اعنبوا بليسك زي البيبسي أجل تشبه خالد مسعد <=== وعععععععع
لعنة الله على ابليسك (rambo)
والله اني وانا اكتب هالجمله عاد..حاس ان كل واحد مولم له ذبة بنت كلب ..!!
وزين انها جت على خالد مسعد ..كلش ولا احمد جميل والزكرت ربعه :q:

والله منتب سهل يالشين.. تشبك مع اللي اكبر منك
من قال انها اكبر مني اصلا؟ (rambo)
<<<اصلا هو يمشي مع الدلوخ ذول لانهم كانو مزايين شوي :D
يا والله العذر الزين..هاه؟ :rolleyes:

وانت الصادق المسكينة ما تدري وش يسوي الخال بولدها
والله يانا فطست على ذا من الضحك..:D :D
يحول الخال ما يشوف زين ..عساه يشوف دربه اذا مشى :)
<-- والا لو يشوف والله الي مايطب بقالته ابد ابد (himo)

<== ترى قصدي شريف لا تروح بعيد يا وصخ
انا الي قصدي شين هالحين ؟؟
الله اعلم منهو بس ..:fghty:
والا وش خلاك تكتب "لاتروح بعيد" ..مشكلة انتم ياحقين الواجبات الجماعيه :rolleyes:

الا تعال يالرومانسي وش كنت تنتظرها تقول عن القمر
<<<مصدق عمره هالدلخ انها بتقول ..انت ياعليان تشبه القمر :qw:
المفروض ما يسمون القمر قمر..يسمونه عليان :D

أقول لا تخف بنا .. الخال ما كان يسجل في الحساب.. الخال كان يعمل حاجة
ثانية..
لا والله ما سوى شي...والله :rolleyes:
الله يوسع صدرك يا أبو حسين على هيك رجة واستهبال
الا انت الي الله يوسع صدرك على هالرد..ازين ما بالموضوع ردك يابعد قلبي;)
ياحياتي ...ياروحي انت :kello: ..
أحـبـك:qw:


:D :D

وسواق الجيران يسلم عليك ترى ..يقول السوق ماش هاليومين (rambo)
ونورت الموضوع والله يالغالي :)..

asdfgh
ياهلا ومسهلا طال عمرك (himo)
وش طيحنا في يديكم ياخوي؟ :req:
والله يانتم استلمتونا :amle:

ما شاء الله مشرف ومصرقع طال عمرك الله يحييك
ههههههههههههههههه
ياخي ذكرتني بنكتة المصري الي مع الامير..
جا الامير قال نكته..المصري ضحك عليها..واخر شي قال..
يخرررب بيتك سعادتك :req:
والله النفاق (himo) ..

ياحليلكم تكسرون قزاز اليموزينات . . الله يرحم أيامنا ما نعرف إلا التكاسي . .
الي يشوفك يقول اصغر عيالك دكتور بالجامعه وانا مدري :angel:

. . بس إذا صار قدامها هالصايع راعي الخال الله يستر عليها . .
اي صايع يخوي؟ :rolleyes:
طلعت خرطي ماعندك احد..مسوي قوه بالحاره واثري خرطي ماحولك احد..!!:nrey:
واخيس اسبوع بعد دحيمة . . على طول قلت معك يالداشر . .
اقول رح هناك بس (himo) ..
وش الي دحيمه هالشين ابو براطم..
ماغير دوران بالحاره وطاقية طباخين على روسنا..والفصفص بكل المخابي..
لا وحب مصري اصفر بعد والله من زين العلوم:amle:
بيني وبينك..ضاعت علومي من هالبنيه :rolleyes:

. . والله طلعت هي الداشرة مهوب أنت . . أنتبه بس لا تدل بقالة الخال . .
شفت شلون..قايل لك ماحولك احد..!!
الله يستر لا تدشرني بس (rambo)
والا بقالة الخال..لو دلتها عز الله الي طفر الخال المسيكين..
تبي تخبي الببسي في اماكن حساسه..ابن امه يفتش هالشايب (himo)

وبعدين الإرتفاع صار للمشرفين بعد . . والله حاله . .
اي ارتفاع الله يرضى عليك ..!! :rolleyes:
<-- اشوا ان الموزع الرسمي لاعضاء الشبكه...هو مشرف (rambo)
شكراً لك ابو حسين . . ولا تبطي علينا . .
حياك ربي يابعدهم..ونور الموضوع من جد يالغالي بردك :)..
يخليك ربي..

ابو اسى..يوسف الرشود..الصقر الهلالي..
يعطيكم الف عافيه على ردودكم..ونورتم الموضوع والله ..:)

فهد 702
هلا وغلا والله :)..

عز الله اللي ضاعوا ....
وش دعوى ياخوك..:rolleyes: الى هالدرجه داشر :slv:

بيدك ما يخالف بس برجلك وشلون,,,,
من جد شلون؟ :req:

(( أقول وش قصة الارتفاع بالمنتدى ))
لحول :rolleyes: ..
الا وش قصة الاعضاؤء يناظرون المشرفين بعين طبعهم؟ :fghty:
ونورت الموضوع يابعد حيي ..:)

ياسر عبدالعزيز
رح هناك بس..جهازك مزرعة فيروسات (himo)

بعدين تعال يادلخ :cool:

رح دبرهم يا بل قست الهلال
بل قست هاه ؟(rambo)
لا والمشكله مصر على الخطا..!!:D
تم تعديله من قبل ياسر عبدالعزيز في 08-13-2003 عند04:02
رح الله يستر عليك بس (himo) ..

<hr>
يعطيك ربي ألف عافيه على المشاركه :)..
ونورتو الموضوع والله ..:)

مع خالص التحيه,,,;)

[أنس]

اهليييييييين وسهلييييييين ...

الله يرجك يا ابو حسين على هيك موضوووووووع والله اني تحمست مع اني حاس ان فيه شي يعني منكح والا حاجه وبالاخير طلع حلم ........


وتسلم يمناك حبيبي ..

اخو دلال : من ذاك اليوم يوم (نحتسي ) بالمسنجر عن الموضوع ذاك وذاك وانت مختفي عسى المانع خير .....