المساعد الشخصي الرقمي

مشاهدة النسخة كاملة : طبشوره .. مكسوره .. !

محمد
12/10/2004, 00:31
السلام عليكم و رحمة الله وبركاته ..


اللهم بلغنا رمضان واعنا على قيامه وصيامه ..



طبشوره مكسوره ..

هي طبشوره مداها .. أكبر من سبوره .. !

ستبقى تكتب .. حتى تتفتت على تلك السبوره .. !

هي كـ(ـبحر) .. بدون ساحل .. أجتمعت به جميع الألوان .. !

قد تكون مالحه .. وقد تكون عذبه .. وقد تكون ملونه .. وقد تكون بلا ألوان .. !

http://hmmooddy.jeeran.com/images/broken_chalk.jpg


http://hmmooddy.jeeran.com/images/line.gif

عندما تستفيق إلهامات النثر .. مع بحور التحشيش ..


يوم من أحد الايام .. كنت في مرحله حاسمه من أيام دراستي .. كنت اتوشح بكتبي ليلا & اتخذها لي زادا نهارا .. كنت ما اخلي كتاب الا ذاكرته .. ((ومن زود الحرص .. مذاكر حق السنه اللي راحت)).. قبل الاختبار الاخير بيوم واحد .. ها أنا أذاكر أصعب و ((أدلخ)) ماده .. وها أنا أترنح يمنه ويسارا من شدة ((الدلاخه)) .. ((كني بزر .. يتعلم المشي)).. قبل الاختبار بسويعات قليله .. لم انتصف في الماده .. وبينما انا غارق في بحر من العلم .. و اذ بـ((ذبابه)) .. تشتت أنتباهي .. وتنرفز أعصابي .. كعادتي .. (( ما كذبت خبر .. ما أصدق أحد يتحرش فيني )) .. ذهبت أطاردها في أرجاء الحجره .. لم أدع لها مجال لكي تتنفس ..((كنت اراء ان لها عيون كبيره ، وشيء اخضر مقزز ، وكنت اشوف لسانها وهي تلهث .. !)) كانت مطارده من نوع خاص .. كنت أنا فيها رجل الخير .. وهي كانت احد افراد عصابة الاشرار اللتي تريد أن تشتت أنتباه رجل الخير عن عمله .. وبعد مطارده مميته .. لم أترك كنبه الا كسرتها .. وما خليت فازه الا شتتها الى اشلاء صغيره .. حل اجلها .. وهاهي تفارق الحياه على يد رجل الخير .. (( وكعادة باقي المسلسلات .. الخير ينتصر في الاخير دائما .. والبطل يمسح العرق عن جبينه مؤذنا بأنتصار لا مثيل له )) .. وهاهو لسانها يخرج من فمها .. معلنه أنها فارقت الحياه .. وبينما أنا أنتظر تصفيق الناس وتصفيرهم .. لمحت عقارب الساعة تشير الى موعد الامتحان .. وها انا ((اتسابق مع رجولي أبي الحق الامتحان)) .. وبعد ان دخلت وجدت الامتحان قد انتهى منذ برهه من الزمن .. و ها أنا أعيد السنه الدراسيه من جديد .. وعرفت أنني لم أغلب الذبابه .. لأنني قتلتها .. بل هي غلبتني بسلب عام من عمري ، أصلها 4 ساعات من مطاره عمياء .. ‍!


http://hmmooddy.jeeran.com/images/line.gif


القائمه السوداء ..

خالد .. كان راكب مع واحد من الشباب .. ونزل خويه يقضي شغل .. وخالد جلس يحتريه ..
جاء خويه وقال له دور ورقه بالدرج .. وهاتها لي بسرعه قبل ما يطير الدور ..
وبينما خالد يدور الورقه .. لقا ورقه فيها .. أسمه و اسم شباب يعرفهم ..
قال يا ولد .. وراه كاتب اسماءنا كذا .. اخاف ابو الشباب زعلان علينا ويبي يثور فينا <=== متأثر بالافلام .. !
عاد جلس يقراء فيها .. ولقا كاتب قدام كل أسم .. شريط أو شريطين أغاني ..
وعرف انه يكتب اسماءهم عشان ما تضيع اشرطته ..
عاد لقا الورقه .. اللي خويه يبيها .. ووداها له ..
واول ما رجع للبيت قال له اصبر ..
وعطاه شريطه ..

بعد كم يوم .. كان خالد راكب معه .. وهو يحتري اي فرصع ينزل خويه من السياره ..
ابو الشباب .. نزل .. خالد فتح الدرج .. ولقا اسمه مشخوط عليه ..

8
8
8

بعذره خايف على اشرطته .. اثرها اصليه .. ! :angel:



http://hmmooddy.jeeran.com/images/line.gif


خلف الكاميرا ..

زمان .. كنت مستانس توني شاري كاميرا ..
رحت ادور اي واحد اصوره .. مو مهم مين .. بس بجرب .. لقيت ولد خالي البزر ..
قلت له اجلس بصورك ..
(( الولد .. دلخ وملحوس لأخر درجه ))
ويمين ويسار وانا اعدل بجلسته .. واخيرا بصور ..
يوم جيت اصوره ..
لقيته مغمظ .. :yuupy:
اقوله يا حمار .. فتح عيونك .. ليش أنا اصورك وانت مغمظ .. ؟!؟
رد علي بكل وقاحه & ثقه & وغباء منقطع النظير وقال " ياخي أنا أشوفك " .. ! (himo)

انا وقتها بأزمه ابي اجرب الكاميرا .. ومابي احد يستخف دمه علي .. :slv:
عاد وقتها .. ياهو جاه تشويت .. لييين مل ..
وبالنهايه .. صورته وهو يصيح .. ! :D



http://hmmooddy.jeeran.com/images/line.gif

شعراء اليوم .. بين الترزز & الشحاذه ..


يا طويل العمر ياللي على الراس تنشال
الظاهر ان الدنيا بدونك غلط
لا شفتك حل بي من أرض الكون زلزال
ولا غبت أحس اني كلي عبط
عافتك الجمعيات من كثر ما جاها مال
حالهم لا شافوك يقول القمر هبط
ان تسان الدعوى فيها قرش وريال
خذ الشعر مني و عطني زلط *


* زلط = فلوس .. أصلها يا يمني أو من أهل الجنوب .. مدري .. !


http://hmmooddy.jeeran.com/images/line.gif


الحكومه جت .. !

واحد من الشباب .. لا يزال يفتخر بنفسه ..
وكل ما كلمناه .. قال أنا أول واحد بالعالم & أنا ..

عاد ليته على شي يسوا .. !

يوم من الايام .. كان في حالة هيجان غير طبيعيه ..
كان توه شايف فلم تفحيط ..
استلم جمس ابوه ..
وقام يدهر .. بأول لفه من عند بيتهم .. وهو مسوي طاره .. جاب العيد ..
ابو الشباب .. قبع له .. كيبل كهرب حق عماره مصاريه ومدري ايش ..
عاد وقتها .. كل الدوائر الحكوميه جت ..
ما فيه شيء ما جا ..
الدوريات جت .. الدفاع المدني .. شركة الكهرب .. شركة المياه والصرف الصحي .. شركة الاتصالات ..
طلعت الحاره .. ملونه .. كنها كيك محترق .. ‍!

أنا مدري ليه مجتمعين .. الظاهر انه قابع معهن شيء للأتصالات & المياه .. !

عاد يقول .. يوم قشعت تشوف المصاريه يطلون من الطاقه ويقولن " ينعن ابوك يابن الكلب ، يخرب بيتك "
وواحد سوري .. نزل عليه وقاله .. " شو .. كل هالعيون وما بتشوف ؟!؟ "

مافيه أحد ما دعى عليه .. الكهرب صارله تقريبا 6 ساعات مفصول عن اغلب الحاره ..

والحين كل ما مشى .. وشافوه البزران .. ينادوه .. " شوفوا اللي جمع الحكومه " :D


http://hmmooddy.jeeran.com/images/line.gif


طالب متوسط .. سرق سيارة ابوه ..
وما ترك مكان ما دار فيه ..
ومجمع معه ربعه واخوياه في السياره ..
وكان الاخ .. مسرع لدرجه ان انه يخاف يناظر الطبلون .. !


قام من النوم .. لقى السرير رطب من زود السرعه .. ! :D

8
8
8

واحد اعرفه .. واعترف لي بقصته يومه صغير :angel:


http://hmmooddy.jeeran.com/images/line.gif



شايب يكلم دلته .. (( واحيانا .. يذكرني بالشايب وقت العزايم )) :angel:


كوني مثل ما انتي
لا تكوني غريبه
الفنجال هاتيه لا هنتي
لا تكوني عنيده
زهبي نفسك بالمجلس
لا تكوني فشيله
أروي العطشان منا
لا تكوني بخيله





http://hmmooddy.jeeran.com/images/line.gif



تذكرون نكته البزر و راعي المطعم والريال المشقوق .. ؟!؟

صارت معي نفس القصه قبل اسبوعين ..

رحت الصبح .. اشتري فطور .. وعطيت الهندي .. 6 ريال منها ريال مشقوق ..
جاء وقالي الريال مشقوق ..
قلت له .. انا اجيك دايم ... اذا جيتك المره الجايه رجعه لي ..
هو وافق .. وراح ..

جاء بعد يومين .. انا والله .. نسيت السالفه ..
وطلبت 3 كبده .. وعطيته 6 ريال ..
قالي .. بكل براءه .. اليوم مافيه الا 2 كبده .. :yuupy: <== مسيكين ما يعرف يصرف .. يبيني اعطيه الخمسه ويرجع لي الريال ..

هنا انا ذكرت السالفه ..
عاد انا انذل منه .. قلت جب 2 كبده وواحد عصير .. :fghty:
هو اللخم وراح يجيب ..
يوم جاء .. رحمته .. وعطيته ريال جديد.. واخذت ريالي :D


http://hmmooddy.jeeran.com/images/line.gif

مثل ما الرجال .. يسوق .. ويفحط .. وينحاش من الشرطه ..
يجب أن نسوق ونهجول .. و نفحط وتلحقنا الدوريه ..

مثل ما الرجال .. يركب تضليله .. ويجي رجل الامن بكل حزم ويخليها يقشعها بعز الظهريه ..
يجب أن نركب تضليله ورديه .. ونبي الدوريه يقول لنا " يا اقشعيها .. يا مخالفه "
وننزل ونقول .. ياخي توني مركبتها .. ودي اكشخ بها الليله .. ليلة خميس .. !
ثم يقولي " اقشعيها .. يلله "
ثم أنزل انا بعز هالحر .. واجلس اقشع فيها & انا اتحسب !

و مثل ما الرجال .. يقبع له سياره .. ثم ينلطع ساعات .. يحتري الدوريه .. ويتمرمط مع شركات التأمين والورشات
يجب أن نقشع لنا كم واحد .. ثم نجلس ملطعين نحتري الدوريه .. ونسوي زحفان .. واقول .. ياخي هو والله وقف غلط .. !
ثم نتمرمط من ورشه لورشه .. ونتمرمط من شركة التأمين نحتري النسبة تطلع ..

مثل ما الرجال .. اذا قفلت معه .. حط رجله ومسك الاصفر ..
يجب أن نخربها .. و24 ساعه بس اصفر .. ويلعن ابو اللي ما يصفت الـ 200 .. !

ومثل ما الرجال .. يطامر فوق الارصفه بعز الزحمه..
يجب أن نطامر فوق الارصفه ..


8
8
8

حرمه أخذت الدكتوراه .. وطلعت على كم قناه .. ومسويه فاهمه الدنيا ..
وهي ما تدري ان الدنيا أكبر من قيادة امراه لسياره .. بل عقلها الصغير وضح لنا التباين بين العلم والدين الذي في عقلها .. !

بس ولو .. البنت تنكت & مهايطه .. :D




http://hmmooddy.jeeran.com/images/line.gif


عندما يتحرك الحب .. !


حبيبي لا جاء يدلعني .. يرفسني ترفيس
كنه معصب ويشوٌت مخده !
ولا صار زعلان .. يبقسني تبقيس
لين تصفر وتحمر وتخضر يده
اجيك ثاير .. ومعرق ومخيس
احط وجهه بين شده ومده
اكوره مثل ما اكور قراطيس
اخليه مايجي قد خشمه
اقولها اركدي والا والله اخليس
مثل الخبل اللي يسأل عن عقله
تقولي والله انك خوي ابليس
هالمزح الشين كم مرة عدته ؟!؟



http://hmmooddy.jeeran.com/images/line.gif


مواقف دكاتره كليه العلوم .. من قلة السيارات فيها ومن كبر مساحتها .. تذكرني بضروس ولد خالي دحيم .. ! :D

مواقف طلابها .. من كثر السيارات ومن كثر تجمع اغلب طلاب الكليات فيها .. تذكرني بضروس اخوي ضروسه كل واحد راقي فوق الثاني .. ! :D




http://hmmooddy.jeeran.com/images/line.gif



الصحه لكم ، وفلة الحجاج لنا .. !




سمعت كلام عن مستشفى التخصصي ..

انه ناشر في جريده زي الوسيله بلبنان الظاهر اسمها ( الوسيط )

اعلان بطلب لبنانيات .. !

وين يابو .. فاتحين مرقص .. !

طبعا الكلام كثر عن مستشفى التخصصي .. وحنا ما نحتري واحد يرد ينفي هالشيء ..

لاننا متعودين .. كل شيء منفي .. معناه .. صحيح (himo)


http://hmmooddy.jeeran.com/images/line.gif


حارس شخصي ..

بأحد الايام .. كان عندي موعد بمستشفى حكومي ..
عاد يوم وصلني الدور .. الدكتور كان سعودي وكان صغير يعني توه ..
عاد قريت اسمه على بطاقته .. طلع من عائله كبيره جدا .. (( كبيره بالفلوس )) .. !
وانا جالس احتريه .. كان بنفس المكتب .. واحد مصري .. اول مره اشوف واحد بكبره .. !
وكان ماسك دفتر مواعيد .. مكتوب عليه اسم الدكتور ..
ووقتها كان الدكتور مهوب لمي .. كان كل شوي .. يدق عليه واحد ..
وانا فهمت من القصه .. ان الارض اللي بجمب المستشفى لأبوه او شيء زي كذا .. وجالسين يساومون عليها .. ! :D
عاد الله لنا .. هذا وهو بداومه & مكتبه & بودي قارد & يساوم على رزقه .. !
حنا بس نبي شيء واحد ويكفي .. ! :slv:


http://hmmooddy.jeeran.com/images/line.gif


من ثقب الابره ..

في الأمس القريب .. كان أذا طل علينا صاحب فكر منحرف ((علماني)) .. قامت الدنيا وما قعدت .. حتى يصبح هذا الرجل .. يخاف على نفسه من أن يهدر دمه .. !

اليوم .. اصبحت وسائل الاعلام .. بكافة اقسامه .. تدار بفكر علماني بحت .. واصبح كل علماني .. يا اما مستشار خاص .. أو صاحب نفوذ قوي .. وتجدهم يتبجحون في واجهات الصحف و اعمدة ابنائهم .. ولا تجد لهم رادع .. هذا اذا لم يكن له حرس خاص .. !

في الامس القريب .. كان العلماء .. هم اصحاب المنابر العلياء .. وكانت نفوذهم بـ ( قال الله & قال الرسول ) .. وكان كل أمر يخص البلد .. لا ينفذ و يعمم قبل أن يزكيه العلماء ..

اليوم .. أصبحوا .. ينعتون بالارهاب & الوهابيه .. بسبب مجموعه لا تعي ما تفعل .. اصبحت منابرهم ضيقه الى ابعد الحدود .. اصبحت الامور تعمم بتزكيه من العلمانيين فقط .. !


- تم اعتماد بناء مدرسه بسور واحد لبنين & بنات كمجمع .. يفصله سور .
- على ما سمعت .. تم الغاء مواد الدين من صف اولى ابتدائي فقط .


اذا كانت هذه البدايه .. متى سوف نفيق .. !
ولكن كالعاده .. من قبل رجال الدين & الشعب .. !
نسمع جعجعه ولا نرى طحنا .. !


http://hmmooddy.jeeran.com/images/line.gif


أسف على الإطاله .. ودمت بخير بإذن الله .. ،

الموضوع القادم بإذن الله ..

المسلسل العربي (( ولـقـد ذكـرتـكـ(ـي) ... ))


سلاميــ
مقدور
12/10/2004, 01:33
محجووووز يا الطباااشيره :D
لي رجعه
HILALY FROM LONDON
12/10/2004, 01:43
من ثقب الابره ..

هلا حمووووودي

المشكله مادري وش تفسير العلمانيه بالنسبه لك هل هو السعي للافضل والسعي للاصلاح

بعدين في مقابله للامير سلطان مااذكر والله اسم الوزيره اللي كانت معاه نفى الامير سلطان ان يلقبهم احد بالوهابيه وقال نحن مسلمون وديننا الاسلام

وهذي من اجمل الاشياء اللي سمعتها منه.. فالوهابيه اتانا بالكثير من الغلو في الدين الله يبعدنا عنه.. وهناك برنامج اسمه مستشارك في القناه السعوديه تطرق لهذه النقطه

عمومآ موضوع جميل جدآ واشكرك على كتاباتك المميزه
الكاسر888
12/10/2004, 02:14
احب اكون في المجالس الاماميه

سأعود ذات بكره
مدرعـم
12/10/2004, 03:41
.. حياالله همودي ..

ياولد وش ذا الموضوع الاستكوزي (himo) ..

ذكرتني بايام الدراسة كنت ماافتح الكتب ابد الا يوم الامتحانات حتى اني يومها افرش الكتب كلهم واقعد اذاكر فيهم مو دفاره لايروح فكرك بعيد :rolleyes: .. بس هو اني متوهق مدري وش علي اول يوم وبرضه مو حلوه بحقي مااحل شي واسلم الورقة فاضية حتى انه في مدرس حالف انه مايصحح لي اي ورقة يقول ان اجوبتي دايم من برا المنهج :confused: ..


اما الكاميرا هذي ياخوي انا مااحبها وبيني وبينها عداوه وثار قديم دايم تطلع صوري مخيسه مافي مره احد صورني وطلعت صورتي حلوه (( ياخوي انت شين :amle: ))..


اما الحجية اللي تحلم بالسواقه اقولها اهاا بس مابزيناكم بالغمرة الخلفية بنبزكم ورا الدركسون قسم بالله الشكل بيطلع غلط تشوف البنيه وهي تسوق تسنها قطو مخترع .. عاد تخيل نفسك رايح الدوام الصبح وواقف عند الاشارة صفت جمبك سيارة لونها زهري والكبوت به كسره والجنوط مصبوغه ليموني وترفع نظرك تبي تشوف من السايق وتحصل وحده قاعده تنغف :jhgy: .. عاد بتلوع تسبدك وبتناظر قدامك وتنزل الدريشة عشان يجيك البراد وتداعب بيديك قطرات المطر اللي ترشرش على الطرقات والسيارات وفجأة تجيك موجة حر رهيبة تسنك واقف قدام دفاية وتكتشف بالاخير ان السيارة اللي واقفه قدامك فيها بنت مشغله الاستشوار تستشور شعرها اللي تسنه ليفة مواعين ..


عاد تصدق بالمدرسة كنت احب امسح السبورة خصوص(ن) لاصار فيه درس مهم والشباب ينقلونه .. تسان اول ماامسح يزعقون علي الشباب لا لا لا خله تسان استلكع عليهم واقولهم وشو الشي اللي تبونه تسان اول مايأشرون على الشي اللي يبونه اقوم امسحه (( ياخوي انت نذل (rambo) ))..

بس هالمره منيب ماسح شي لان الله ياخذهم 3/ج زرفو مساحتنا الا تسانك تسلفني ثوبك امسح به :rolleyes: ..

http://modr3m.alhilalclub.com/good.gif

يعطيك الف عافية يابشبش .. وكل عام وانت بخير فطر سعيد :magkiss:

.. طــحـ(himo)ــيــاطــي ..
Full Moon
12/10/2004, 03:54
السلام عليكم ورحمة الله وبركاته...

هلااا اخوي hmmooddy...

سمعت كلام عن مستشفى التخصصي ..

انه ناشر في جريده زي الوسيله بلبنان الظاهر اسمها ( الوسيط )

اعلان بطلب لبنانيات .. !

ياليتهم طلبوا لبنانيات وانتهينا كان عادي...

لكن شوف كم حاطين لهم رواتب مع انه نص الشعب رواتبهم ماتتعدا 4000 ريال...

http://tiger159.jeeran.com/85.jpg

بس فيه شيء قاهرني ورا الراتب مكتوب بالريال والمكافئه بالدولار :rolleyes: :rolleyes: :rolleyes:

ترا عدلت الصوره لانها شفرت حملتها من موقع ثاني بس وراهم صاروا يشفرون مواقع تحميل الصور :confused: :confused: :confused:

وربي يعطيك العافيه اخوي على هالابداع...

والسلام عليكم...
TTT
12/10/2004, 11:54
8
8
8
8
8
لزقوا شوشكم بجل كود توظفون (himo) ...
الكاسر888
12/10/2004, 12:16
هلا حمودي

- على طاري سالفه الذبانه..كثير اشياء تافهه تضيع الأشياء الاهم..ليتنا ننتبه.

- خوي خالد سوى شغل نظيف..في اشرطة اضطر اشتريها اكثر من مره عشان
كلمة " برجعه لك بكره"

- ع طاري أحلام الاطفال..لين قبل سنوات بسيطة..لو مشيت فوق 120 انخرشت
والسبب سالفه بنزلها بعد فترة في المنتدى.


- أنا راعي الكبده..مسوي فيها ذيب..هو وخشته..مادرى انك رساوي

- اما هالدكتوره..يحمدون ربهم..ليت من يريحنا ويصير هو يسوق..وحنا مرتاحين بس راكبين
..واذا ودهم هم يسوقون وحنا نصير ركاب..مافيش مشكلة
==>> تخيل بنت مديتك :angel:

- اما هاللبنانين..يوم بعد يوم..يصيرون هم عيال البلد
وحنا الغرب.


- العلمانين حيوانات وفتحت أقفاصها..شخص يكفر جهارا نهارا ويقول أنا أؤمن بالانسانيه
وش عنده مسيلمة .. ويقولون حرية رأي..
اجل الي يفجر حرية رأي..
ان كان المفجر أذى ممتلكاتنا
فالعلماني الجعري اذى ربنا وديننا ..



يعطيك العافيه حمودي
asdfgh
12/10/2004, 14:11
مبدع . . وخفيف دم . . ومصرقع . . وراعي طويله

.....................................


بس ياليت قسمت الموضوع لعدة مواضيع لأن كل فقرة تستاهل تكون موضوع من المواضيع الموضوعة ضمن مواضيع الشبكة

.. ((ومن زود الحرص .. مذاكر حق السنه اللي راحت))..

:D :D :D





من ثقب الابره ..

في الأمس القريب .. كان أذا طل علينا صاحب فكر منحرف ((علماني)) .. قامت الدنيا وما قعدت .. حتى يصبح هذا الرجل .. يخاف على نفسه من أن يهدر دمه .. !

اليوم .. اصبحت وسائل الاعلام .. بكافة اقسامه .. تدار بفكر علماني بحت .. واصبح كل علماني .. يا اما مستشار خاص .. أو صاحب نفوذ قوي .. وتجدهم يتبجحون في واجهات الصحف و اعمدة ابنائهم .. ولا تجد لهم رادع .. هذا اذا لم يكن له حرس خاص .. !

في الامس القريب .. كان العلماء .. هم اصحاب المنابر العلياء .. وكانت نفوذهم بـ ( قال الله & قال الرسول ) .. وكان كل أمر يخص البلد .. لا ينفذ و يعمم قبل أن يزكيه العلماء ..

اليوم .. أصبحوا .. ينعتون بالارهاب & الوهابيه .. بسبب مجموعه لا تعي ما تفعل .. اصبحت منابرهم ضيقه الى ابعد الحدود .. اصبحت الامور تعمم بتزكيه من العلمانيين فقط .. !


- تم اعتماد بناء مدرسه بسور واحد لبنين & بنات كمجمع .. يفصله سور .
- على ما سمعت .. تم الغاء مواد الدين من صف اولى ابتدائي فقط .


اذا كانت هذه البدايه .. متى سوف نفيق .. !
ولكن كالعاده .. من قبل رجال الدين & الشعب .. !
نسمع جعجعه ولا نرى طحنا .. !

:yes: :yes: :yes:






مدرعم


عاد تخيل نفسك رايح الدوام الصبح وواقف عند الاشارة صفت جمبك سيارة لونها زهري والكبوت به كسره والجنوط مصبوغه ليموني وترفع نظرك تبي تشوف من السايق وتحصل وحده قاعده تنغف


خخخخخخخخخخخخخخخخخخخخخخخخخخخخخخخخخ

حلوة
مقدور
12/10/2004, 14:28
رجعنااااا :sheto:

محشش يكتب قصة نثريه .. !

اممم نعم نعم بالفعل التجااره ربح وخساااره (himo)

القائمه السوداء ..

كخخخ الله يرجك يا شيخ :angel:

والله انها فكره يا ليتني مسويها :slv:

تصدق ان اليوم بغيت اسمع شريط ودورته ما لقيته وبالاخير تذكرت اني معطيه وااحد :rolleyes: بس من هو هالوااااحد مدري :D

ان تسان الدعوى فيها قرش وريال
خذ الشعر مني و عطني زلط

يعني ما فهمت انت هالحين تبي توزع علينا زلط ولا وشلوووون :kello:


" شوفوا اللي جمع الحكومه "

قام من النوم .. لقى السرير رطب من زود السرعه


كخخخخخخخخخخخ خبل نمبر ون :angel:

تذكرون نكته البزر و راعي المطعم والريال المشقوق .. ؟!؟

لا انا ما اذكرها ليتك تقولها لي :confused:


حرمه أخذت الدكتوراه .. وطلعت على كم قناه .. ومسويه فاهمه الدنيا ..

:slv: :lkj:

مواقف دكاتره كليه العلوم .. من قلة السيارات فيها ومن كبر مساحتها .. تذكرني بضروس ولد خالي دحيم .. !

مواقف طلابها .. من كثر السيارات ومن كثر تجمع اغلب طلاب الكليات فيها .. تذكرني بضروس اخوي ضروسه كل واحد راقي فوق الثاني .. !


هذا في اي جااامعه :req:

>> تذكرني بجااامعتنا اللي اذا بغيت تلقى موقف تسلم فيه سياارتك من الصدماات تعاال قبل الدواام بنص سااعه او اكثر :rolleyes: و ليت السياااره تسلم بعد من بعض الغشمان :D


( قال الله & قال الرسول )

لا زاالت الدنيا بخير

و لا زال منهج ( قال الله & قال الرسول ) هو الاسااس الذي لن يتغير باذن الله :yes:



تحيااااتي يا حمووودي
عنيـــــد
12/10/2004, 22:43
حرمه أخذت الدكتوراه .. وطلعت على كم قناه .. ومسويه فاهمه الدنيا ..
وهي ما تدري ان الدنيا أكبر من قيادة امراه لسياره .. بل عقلها الصغير وضح لنا التباين بين العلم والدين الذي في عقلها .. !


اصلاً الشرهه على اللي يعتمد عليهن :D


في الامس القريب .. كان العلماء .. هم اصحاب المنابر العلياء .. وكانت نفوذهم بـ ( قال الله & قال الرسول ) .. وكان كل أمر يخص البلد .. لا ينفذ و يعمم قبل أن يزكيه العلماء ..

اليوم .. أصبحوا .. ينعتون بالارهاب & الوهابيه .. بسبب مجموعه لا تعي ما تفعل .. اصبحت منابرهم ضيقه الى ابعد الحدود .. اصبحت الامور تعمم بتزكيه من العلمانيين فقط .. !

الله ينصر الإسلام و يصلح بطانة أولياء الأمر .. :)



يعطيك ألف عافيه حبيبي حمووودي و بإنتظار جديدك :magkiss:
POWER
13/10/2004, 00:55
هلا محمد .. حياك ربي :)

منور اليوم وانا اخوك :)

اللهم بلغنا رمضان واعنا على قيامه وصيامه ..

آمين يارب .. الله يجزاك خير ،

محشش يكتب قصة نثريه .. !
أي محشش !! والله ليت المحششين تفكيرهم زي ذا .. اعنبو بليسه خياله واسع :rolleyes:

مع اني أشك ان السالفه فعلا " محشش يكتب قصه " الظاهر انها قصة واقعيه :fghty:

بعذره خايف على اشرطته .. اثرها اصليه .. !

على طاري الأشرطه انا صارت لي سالفة ..

محاتسيك اكبر موزع سيديات أغاني :rolleyes:

جت فترة كنت فاضي .. وكل من جاني حط لي ورقه فيها 12 الى 16 اغنيه

والي يجي يطلب 4 او 6 سيديات اغاني .. وبشرط انها تصير صافيه بعد ما تكون منزله من طرب او غيره :rolleyes:

وانا على النيه .. فرحان .. أحس اني اسوي شي جديد وشي محد يعرفه .. !! :(

بيوم من الأيام قعدت افكر .. وش بستفيد من هالي أسويه .. يعني لو نظرت نظره دينيه .. بتشوف اني اكسب ذنب هالعالم الي يسمعون السيديات ذي .. واي واحد يسمع السيدي هذا انا اكسب ذنبه .. وانا ياحّول .. منب ناقص :(

ولو نظرت نظره قصيميه .. أقصد نظره ماديه :rolleyes: بتشوف اني خسران 100 %

يعني السيديات انا الي اشتريها .. وانا الي ادخل النت وابحث وانزل الاغاني .. غير الجهد والتعب في تصفية الاغنيه وغيره .. وبالأخير بدون مقابل .. !!

شي طبيعي بعد هالتفكير اني اوقف اسوي سيديات ..

لكن الي سويته من سيديات .. اباخذهن وشلون ؟

من كثر الأشخاص نسيتهم .. وما اذكر فلان عطيته وسويت له او لا !!

واذا تأكدت من الشخص .. رحت سألته عن السيديات .. يقول من كثرها صار يوزعها بعد على اخوياه .. واخوياه يعطونه اخوياه الثانين .. وعلى هالحال :(

من كثر الانتشار .. جا واحد من اخوياي قال لي اسمع هالسيدي خله عندك تراه زين وفيه اغاني حلوه تصلح لك .. يوم طالعت واشوف السيدي هذا حقي انا الي مسويه ومعطيه واحدن من اخوياي من ايام الدراسه مبطي :rolleyes:


كنت مستانس توني شاري كاميرا ..
رحت ادور اي واحد اصوره .. مو مهم مين .. بس بجرب .. لقيت ولد خالي البزر ..

انا اكره شي عندي الواحد اذا صار توه شاري كاميرا .. ونفس الحكايه اذا صار توه شاري جوال فيه كاميرا ..

يبدا يمشي ويصور خلق الله .. زي الي مستانس فيها ..

لكن !!

اذا احد جاب طاري انه يصور هالشخص الي توه شاري كاميرا .. ينهبل ويقعد ينفخ ..
لا احد يصورني .. ومدري وش ..

وان صورته بدون ما يدري .. يطقها زعله ويتلفظ بكلام كبير كنك استغفر الله مسوي فيه جريمه !

ياخي دامك ما تبي هالشي .. وشوله تبلش العالم وتصورهم تراهم زيك ما يرضون

وبالنهايه .. صورته وهو يصيح .. !

ههههههههههههههههههههههه :D

ليتني بدال هالبزر .. والله يا نا بكفخك ..
غصب هو التصوير :confused:

رح صور جدار والا شجرة .. حشا ينعاف التصوير الله يرجك :angel:

الفرق بين الشعر سابقا و هاليومين .. !

أنا اشهد .. :)

أجل ذاك اليوم فاتح الجريده .. لقيت كل العالم يشعرون ما اذكر بالضبط وش صاير ..

المهم شخصيه مهمه يشعرون فيها ..

الي شد نظري واحد كاتب تحت قصيدته رقم حسابه بالبنك .. ورقم صندوق بريده :eek:

يعني شحاذه عيني عينك :rolleyes:

والحين كل ما مشى .. وشافوه البزران .. ينادوه .. " شوفوا اللي جمع الحكومه "

يا حليلك .. شكلك تتأثر بافلام التفحيط بسرعه :rolleyes:

<< لزق السالفه بظهرك :angel:

اجل انواع الالوان كنها كيكه محروقه :angel: ياروحي يالتشبيه :kany:

اعنبو بليسك الكيكه المحروقه تصير ملونه !! خش بعيني !!

<< يا كثير ما يصير عزوبي وتمسك معه يسوي كيك :rolleyes:

يطلع كيك اسود مفحم يحبه قلبك :cry:

قام من النوم .. لقى السرير رطب من زود السرعه .. !

:angel: :angel: :angel:

ياخي يا كثر ما تزلق السالفه بظهر أخوياك :req:

بالله من هو خويك ذا الدلخ الي يقول مثل هالسواليف :fghty:

شايب يكلم دلته ..

والله انك صادز ما كذبت ابد :cry:

انا اتمنى الشيبان الي حولي يعاملونني مثل ما يعاملون الدله .. قسم بالله ابصير مدلع بشكل :kany:

حرمه أخذت الدكتوراه .. وطلعت على كم قناه .. ومسويه فاهمه الدنيا ..
وهي ما تدري ان الدنيا أكبر من قيادة امراه لسياره .. بل عقلها الصغير وضح لنا التباين بين العلم والدين الذي في عقلها .. !

انا اشهد :)

وعلى طاري قيادة المرأه للسياره .. يقولون بيسوون لهم شوارع خاصه ..

يعني يكون مخرج خاص للحريم .. ومخرج خاص للرجال ..

للحين حلو ..

بس بتلقى "رجال" واسطات وقلق .. بيدخلون مخرج الحريم ويتمشون فيه .. ويالله رح طلعهم والا كلمهم :)

يعني ستمية ألف مسأله داخله بمسأله قيادة المرأه .. منعها بالأساس أفضل :)

وألف بنت وبنت فاهمه تقول مانبي نسوق .. بس المشكله بعض العقليات المتخلفه من النساء الي حاطينهم بالواجهه .. الي ما يدرون وش يقولون ! :)

ويامال العافيه والله يبو حميد .. :)

مواضيعك دايما مميزه .. والزين ما يجي منه الا الزين :)

الله يعطيك العافيه ،،

تحياتي القلبيه لك ،،
POWER
برستيج
13/10/2004, 15:03
هلا حمودي


من زمان عن الاشياء الحلوه اللي مثل كذا .. والله يوسع صدرك بالعافيه ..

والحين عن اذنك ..

نروح نسوي قائمه مثل صاحبنا راعي الاشرطه .. <<<<< جازت له الحركه .. :angel:


وبانتظار ابداعك القادم يا حلو .. :yes:
&&& أبو صالح &&&
13/10/2004, 23:11
هلا فيك حمودي ,,,,,,,
اللهم بلغنا رمضان واعنا على قيامه وصيامه ..
آمين

القائمه السوداء ..
من اول عندي قائمة على كيفك وبعد ما شريت سيارة :rolleyes: ما فيها الا سيدي :slv: والاشرطة صارت عندي كوم :jeng: >>> ما يحرج عليهن ابد (himo)

وبالنهايه .. صورته وهو يصيح .. !

:D :D
حرمه أخذت الدكتوراه .. وطلعت على كم قناه .. ومسويه فاهمه الدنيا ..

ما تشوف المجلس الوطني كله من هالاشكال ومترززين والشرهة والله على اللي عطاهم وجه :amle:

اعلان بطلب لبنانيات .. !

الحين انا مستغرب من شي باللبنانيين اللي عندنا ... ما عمري شفت لبناني سباك والا بياع بقالة والا ميكانيكي ..... زيه زي المصري والسوري والهندي !!!!! وما عمري شفت لبناني معه مازدا مكسره والا كرسيدا تكح والا مرسيدس منتهية زيه زي المصري والسوري والهندي !!!!! يا بي ام والا شبح ... اللهم لا حسد !!!!!!!!!

بالعربي اللبنانيين عندنا غير .... وش الســـــــــر ؟؟!

في الأمس القريب
الله يرحم ابن باز وابن عثيمين ...!

ولكن كالعاده .. من قبل رجال الدين & الشعب .. !
نسمع جعجعه ولا نرى طحنا .. !

بالنسبة لرجال الدين يسوون اللي يقدرون عليه رغم الضغوطات الكبيرة عليهم والله يعينهم
واما الشعب .. مغلوب على امره في الغالب..,, والقوي يأكل الضعيف ...!!


الله يعطيك العافية حمودي وكل عام وانت بصحة وسلامة
الهواوي
14/10/2004, 01:47
موضوووع حلووو حموودي
وودي اارد على كل نقطه فيه بس متعيجز :angel:

تحياااتي :noo:
عاشق العثرات
14/10/2004, 13:34
ابدااااع ياحمودي .،

وعلى سالفة الذبابه .، فيها من الحكمه الشي الكثير .،

واعتقد ان مرماها ان الانسان يتتبع اشياء صغيره كالذباب مما يظيع عليه الشي الأهم .،

بالنسبه للأشرطه فوالله ان هالآدمي مزدي في هالعالم .،

انا والله اني ما ارتحت الا يوم حولت على سيديات .،

تحياتي المعطره .،
وردة الهلال
14/10/2004, 17:48
وعليكم السلااام ورحمة الله وبركاته

موضوع رائع اخوي حمودي

واسلوووووب اروع


عندما تستفيق إلهامات النثر .. مع بحور التحشيش ..

برجعها تنام .. لأن ربعك ما عندك احد .. الله خلقهم كذا ..

يموتون في الخرابيط ويتقاتلون عليها والمهم :N:







القائمه السوداء ..


وش الله مكلفه .. ناقص آثام


شعراء اليوم .. بين الترزز & الشحاذه ..
من ايام الفرزطق :D و جرير والشعراء يشحذون بس هذولي مو شعراء ابد


الحكومه جت .. !

ههههاااااي هذا النصراويين يفتخرون بشهرتهم عند الفيفا .. بس وش باب هالشهرة !!؟؟ :yuupy:


وكان الاخ .. مسرع لدرجه ان انه يخاف يناظر الطبلون .. !


بعد هههااااي اجل زيي اذا ركبت اي لعبة غمظت عيوني --> اجل ليش راكبة يالخوافة


شايب يكلم دلته .. (( واحيانا .. يذكرني بالشايب وقت العزايم ))

لا بغيت تعذب شايب صب له القهوة من ترمس مو من دلة :rolleyes:
!

بس ولو .. البنت تنكت & مهايطه ..


هو من ناحية مهايطة .. وبقوووة بس ولو معها حق ..

-->> حقت وفااااااتها :lkj:


لاننا متعودين .. كل شيء منفي .. معناه .. صحيح

الله يهديك وش ينفون ؟؟!! اعلان كبر عيونهم وينفون بعد !

بس الصراحة البنات السعوديات خيبوا ظنهم .. حتى لما صارت طبيبة ما زالت بنقابها

صدق لو ني منهم طقتني ام عبير !! وين ما يطقونها عوجا !!


من ثقب الابره ..

والله ما يخلونهم هالارهابيين يتهنون وبينا الايام !!.. لو قلت لي سبب الارهاب

الاول .. علطول اقولك العلمانيين .. واعمالهم !



ولكن كالعاده .. من قبل رجال الدين & الشعب .. !

اسمح لي اخوي :rolleyes: رجال الدين هذي في النصرانية واليهودية اما في الاسلام كل مسلم

هو رجل دين وواجباته هي بالضبببط واجبات اي واحد آخر مهما كان علمه ..


أسف على الإطاله .. ودمت بخير بإذن الله .. ،


ليت الموضوع أطووول والله استانسنا معاااك :mad:


وردة الهلال
يوسف
15/10/2004, 03:38
هلا حمووودي

وش هالهباااال :asno:
وابصراحه موضوع خطيييير ويعتبر من المواضييع المميييزه يعني كم يووم ويصقطه مدرعم والا برستيج بالمواضيع الممييزه :yes:

بس وش دخل الطبشوور بالساالفه :angel:
بس جد هالطبشوور له سوالف وااجد اياام المتوسط بالذاات :rolleyes:
فبعطييك ساالفه مارااح تنسي :angel:
ايام كنت اولى متوسط تخبر احسن سنه بالخنبقه والهبااال فعااد كاان يدرسناا الاجتماعياات واحد حبيييب اخذت عليه بسرعه واسمه بعد نكته بس منب قاايله فالمهم ذااك اليوم كانت معي نص طبشووره فقلت لخويي تتحداان ارميهاا على الاستاد وهو يكتب على السبوره (rambo) فقال لي ايه اتحدااك<<ايام المتوسط وعلووم اتحداك ولا مااتحدااك :D
فكان الاستاد معطيناا ظهره يكتب على السبوره واجييك وارمي الطبشووره عليه تجي من فوق راسه تطق بالسبوره وعقبها طااحت بجيبه مادري وين رااحت :kany:
فناظر بالفصل وقال ميين اللي رمى الطبشوره كلناا سكتناا وهو توهق مادرا يقول انت والا انت لان مايدري من وين جته فمشيت عليه :kany:


وتسلم يالخبل على هالموضوع والله يعطييك العاافيه :yes:
محمد
15/10/2004, 23:19
السلام عليكم ،

مرحبا بالجميع ...


هلالي من لندن ..
وش تفسير العلمانيه بالنسبه لك هل هو السعي للافضل والسعي للاصلاح
أبدا .. عمرها ماكانت !


فالوهابيه اتانا بالكثير من الغلو في الدين الله يبعدنا عنه
وايضا العلمانيه .. اتتنا بالكثير من الفتن .. !


عمومآ موضوع جميل جدآ واشكرك على كتاباتك المميزه
تحياتي لك ..





مدرعم
الله يحييك


بس هو اني متوهق مدري وش علي اول يوم
لا خلك صريح .. قل مدري بأي سنه اصلا .. :angel:


مافي مره احد صورني وطلعت صورتي حلوه
طيب ياخي خلك ذكي .. انت خذ الكاميرا .. وصور نفسك .. ولا تسأل احد هي حلوه او لا .. :D



عاد تصدق بالمدرسة كنت احب امسح السبورة خصوص(ن) لاصار فيه درس مهم والشباب ينقلونه .. تسان اول ماامسح يزعقون علي الشباب لا لا لا خله تسان استلكع عليهم واقولهم وشو الشي اللي تبونه تسان اول مايأشرون على الشي اللي يبونه اقوم امسحه
ذكرتني بأخوي .. لا صرنا بفصل واحد .. أقوله .. أنا بنقل اللي ع السبوره من اول الدرس .. وانت اول ما يطلع المدرس .. امسحها :fghty:


تحياتي باشا ..




شمس الغنيه
وعليكم السلام والرحمه ..
هلا فيك ..

القهر .. ان التخصصات المطلوبه .. اغلبها من كليه العلوم الطبيه التطبيقيه .. والكليه والله مليانه شباب & بنات .. وواحد متخرج سبق اني كلمته وكان يشتغل بالتخصصي .. يقول الراتب حول 6400..يعني شوفوا الفرق ! بس أصلا ما أحد يبي التخصصي .. لانها نظام تعاقد !

والممرضين .. فيه كليه مستحدثه جديده .. سمعت ان عليها اقبال كبير .. !

تحياتي لك ..





الكاسر 888

على طاري سالفه الذبانه..كثير اشياء تافهه تضيع الأشياء الاهم..ليتنا ننتبه
:yes:


اما هاللبنانين..يوم بعد يوم..يصيرون هم عيال البلد وحنا الغرب
شيء طبيعي .. دام حنا رازين خششنا وساكتين ! :yuupy:


تحياتي لك ..




asdfgh
هلا فيك .. وين الغيبات !

بس ياليت قسمت الموضوع لعدة مواضيع
حبيت احطها بموضوع واحد .. عشان فيها أكثر من نقطه .. حبيت اركز عليها ..

تحياتي .. لك



مقدور
هلا بولد الديره ..


والله انها فكره يا ليتني مسويها
:D


يعني ما فهمت انت هالحين تبي توزع علينا زلط ولا وشلوووون
يعني ظنك .. لو معي زلط .. بتلقاني بالمنتدى ! :jeng:



لا انا ما اذكرها ليتك تقولها لي
انا اعرفها .. تقاطيع .. بس مو مره :angel:


تذكرني بجااامعتنا اللي اذا بغيت تلقى موقف تسلم فيه سياارتك من الصدماات تعاال قبل الدواام بنص سااعه او اكثر و ليت السياااره تسلم بعد من بعض الغشمان
يا رجال خلها على ربك .. والله الواحد اول ما يطلع من المحاضره .. تلقى ناس واجد .. تتحسب .. واخر مره انا قبل اسبوعين !



لا زاالت الدنيا بخير
بإذن الله ..


تحياتي لك ..






عنيد
هلا بالغالي ..


الله ينصر الإسلام و يصلح بطانة أولياء الأمر ..
آمين ..


تحياتي لك .. ولا تقاطع





POWER
منور اليوم وانا اخوك
نورت بوجودك ..


الظاهر انها قصة واقعيه
:ignor:


ياخي دامك ما تبي هالشي .. وشوله تبلش العالم وتصورهم تراهم زيك ما يرضون
ما تلاحظ انك قلبت علي .. :D
بعدين انا اصلا اول ما شريتها راح نص الفلم مصور بها خشتي :angel:



رح صور جدار والا شجرة
ياروحي .. على الذوق :slv:


شكلك تتأثر بافلام التفحيط بسرعه
لا والله .. بالعكس .. اخر مره شفت فلم الظاهر قبل 6 سنوات على ايام البزوطه ..


يا كثير ما يصير عزوبي وتمسك معه يسوي كيك
أجل يسمونك الشيف .. ! :angel:


بالله من هو خويك ذا الدلخ الي يقول مثل هالسواليف
لا عادي مغسول وجهه بمرق ! :jhgy:

تحياتي لك ..





برستيج
هلا فيك ..

نروح نسوي قائمه مثل صاحبنا راعي الاشرطه
عاد خلك ذهين .. حطها بالدرج .. عشان لا جا ملقوف وفتحه لقاء اسمه فيه .. :fghty:


تحياتي لك ..





ابو صالح
هلا فيك ..

ما يحرج عليهن ابد
شف اللي تحتك شكله يبيهن .. :D


تحياتي لك ..




الهواوي
هلا بك

وودي اارد على كل نقطه فيه بس متعيجز
لا ترد .. مو لازم .. كان نسخت اجابات داج .. <== ما يقصد ابو شنب .. ! :angel:

هلا فيك ..




عاشق العثرات
هلا فيك

اعتقد ان مرماها ان الانسان يتتبع اشياء صغيره كالذباب مما يظيع عليه الشي الأهم .
:yes:


تحياتي لك ..




وردة الهلال

الله يهديك وش ينفون ؟؟!! اعلان كبر عيونهم وينفون بعد !
ربعنا .. يسووون اللي يبون .. لا يعجبهم العجب ولا الصيام برجب !



اسمح لي اخوي رجال الدين هذي في النصرانية واليهودية اما في الاسلام كل مسلم
هو رجل دين وواجباته هي بالضبببط واجبات اي واحد آخر مهما كان علمه
كلام سليم .. وآسف على الخطأ .. كلنا رجال دين
ولكن كان القصد .. لو حدث شيء .. لأصبح مثل
لقد اسمعت لو ناديت حيا .... ولكن لا حياة لمن تنادي !


تحياتي لك .. وشكرا على التنبيه ..




داج

هلافيك ..

بس جد هالطبشوور له سوالف وااجد اياام المتوسط بالذاات
قصدك ايام السربته .. :sheto:


على سالفه خويك المدرس ..
حنا على وقتنا .. ايام المتوسطه ..
المدرس اذا واحد ضحك ... فرش الفصل كله .. :q:


تحياتي لك ..



سلاميــ
محمد الهلالي
16/10/2004, 01:43
هلا هلا حمودي

ادري رح تقول غريبه جاي متأخر

انا اقلك ليش

اول شي لي اسبوع اقراء وماقدرت افهم :slv:

ثاني شي كان في زحمه قدام بوابة الموضوع :req:

واشياء كثيره منعتني اكملها بعدين

انا جاي اقلك وش ذا الابداع والردود الكثيره :D :D

الا اقولك الموضوع يتكلم عن ايش :jhgy:

يكون اللي يكون اهم شي مافي سب (rambo)

ويعطيك العافيه والله موضوع متعوب عليه باين من شكله (himo)

وقبل اقضب الباب عندي اقتراح

ليه ماتحط ملخص او اي شي قبل تقفل الباب مراعاة لبعض الناس :req:

وبالتوفيق حمودي

سلام