المساعد الشخصي الرقمي

مشاهدة النسخة كاملة : اكبر نصبه سمعتها رقم(2)

بن صليح
11/3/2002, 02:35
هلا وغلا بحبايبي الداجين بن صليح يعود من جديد طيب واذا عاد من جديد وش يعني :D

اما اليوم عندي لكم سالفه من سواليف خوينا النصاب خلاص بسويله حلاقات انا عزالله اللي رحتو فيها خذو تكفون هذي السالفه الجديد
هذا خوينا يقص سالفه من سواليفه يقول يا طويلين العمر والسلامه مره كنا جالسين في البيت انا وخويي وكان الجو مسكت(موب الجوال المسكت لا يعني الجو ما يحتاج بعد اخاف يطلع نوع جوال اقصد حلو وش زينه يهبل غيم)المهم قاله خويه خلنا نطلع للبر بكرى وش رايك
قال تم المهم يوم جا من بكرى والله ويمره ويروحون للبر طبعا بلددسن حق السالفه اللي راحت هو نفسه المهم مرو المحطه

وشرو عصير الربيع وحلاو بقر ومشو والله ويدخلون للبر فرقو مع مفرق مدري وشو المهم مشو في البران وما درو عن الوقت

وشوي الا يوم انقطع البنزين افا يا فلان وش السوات وش السوات عاد يقول يوم خاف خويي بس قلتله لاتخاف مدامي معك اكيد

بلقى لك حل:req: يقول واتوهق وش اسوي واجلس افكر وافكر الا يوم سمعت صوت هليكوبتر مدري وش جايبها في البر
.
ويرحمني الله واتذكر ان في الددسن بندق والقول لخويي رح شب نار بعيد عنا شوي وانا بجيبلك البنزين قال وشلون قال ما عليك

والله ويروح يشب النار الا يوم قامت الهيلكوبتر تحوم حول النار قمت انا وطلعت البندق واحط فشقه واتويقع على التانكي حق البنزين
شوي وطرررررررررع:lkj: واصك التانكي كفو يا البواردي والله يوم قام البنزين يخر من التانكي والله واجيب لي طشت من وين مدري
المهم واوقف تحت الهليكوبتر والبنزين يخر منها لين امتللا الطشت يوم رحت بعبي السياره تذكرت سواق الهليكوبتر مسيكين

وشلون بيكمل طريقه وانا صاكه :lkj: بلبندق وقال ويرحمني ربي ان معي علك في جيبي (علك صعرور)المهم واجيب البندق
واحط في راس البندق العلك واتويقع على التانكي وشوي لين طعععععععع:lkj: صكيت التانكي وانسد بلعلك اليي حاطه واقوم واشرله واقوله كل شي تمام وكمل طريقه وانا رحت عبيت الونيت وكملنا طريقنا

ويييييييييييييييييييين ما تجي صح بس خوينا بواردي وقناص وعند حسن دبره
وهذي القصه الثانيه من قصص خوينا راعي الفقشات ويا مالكم

وتقبلو خالص تحيات اخوكم الداج بن صليح
ابو الذهب
11/3/2002, 02:41
ياالله دخت :noo: معد اقدر اجمع من كبر الارانب :kany:
ماخلى شى غطى على سفر وارانبه :kany:
بس انت كذا:yes:
هاوى ابشر والله وزاد عدد الداجين :yes:
هاوي الهلال
11/3/2002, 02:47
الله يبشرك بالخير ياابو الذهب ...

بس انا عندي اقتراح بتغيير اسم المنتدى من العام الى منتدى الارانب :D


بقيادة سفروت وابو وندي :jnbg: :jnbg: :jnbg:


اما النصبه اليوم غير طبيعيه :D :D :D



:jnbg:
مدرعـم
11/3/2002, 03:01
شوي وطرررررررررع واصك التانكي كفو يا البواردي والله يوم قام البنزين يخر من التانكي والله واجيب لي طشت من وين مدري
المهم واوقف تحت الهليكوبتر والبنزين يخر منها لين امتللا الطشت

الصراااااااحه انا ودي اصدق بس قويه قويه :req: :req: :req:


:kany: :kany: :kany:



مخي قام يوشوش ما يجمع ..:fghty: :fghty: :amle:



حلوه منك يا بن صليح :jnbg:



تشا111ووو :jnbg:
السجين بتهمة حب الهلال
11/3/2002, 04:27
تسلم يا مبدع..والله روعه بصراحه



نصب على كيف كيفك:yes:
السيناتور
11/3/2002, 07:01
والله يخوي انا ودي اصدق .........بس قوية مره .........
جـــلال
11/3/2002, 11:10
أقول علي بالحرام ماعاد أدري أنا أكتب بالكيبورد والا بالريشه,,:kello: :kello:

تقول أني مضيع نعالي في الحرم,,:yuupy: :yuupy:

والله خويك هذا عليه فقش يفلق الرووس,,:ignor: :ignor:

لكن بلغه سلام سفر وقله (أنت خير خلف لخير سلف),,:nrey: :nrey:

ومن رائعه لرائعه يابن صويلح وتحياتي لك,,