مســــــامير طاش مــــــا طاش!!

[الطيرالهلالي]

بسم الله الرحمن الرحيم

السلام عليكم:

والله صارت لي مشكله من ويومين ...في حاره من حواري الرياض ..

اخوكم راح يسير على اخوه في بيته وقف سيارته عند بيت اخوه عادي..زي مايوقف اي واحد سيارته..

دخلت وتقهويت وطلعت وركبت السياره وتوني ماشي ولا ....كل الكفرات الاربع بنشرة دفعه وحده وانزل واشوف الكفرات والقى فيها مسامير واروح اشوف سيارة اخوي والقى تحتها مسامير ..محطوطه زي ماسوى السدحان ...في طاش ماطاش...

وكل سياراة الحاره زي كذا...

هذا الي استفدناه من طاش علمو بزراينا اشلون يحطون المسامير ...
واخاف بكره اشوف واحد من بزيرنا ادببه زي بدر الدجى يعلق نفسه بالمروحه وينتحر..
انا اقول للقصبي وللسدحان عيب والله عيب عليكم ذي الحركات ترى فيه اطفال كثار يتابعونكم وانت كذا تعلمونهم الاخطاء مثل الانتحار ومثل حركة المسامير..
وغير حركات ابوحسين الي كلها قلة ادب ...

اقول اعتقد ان طاش مسخوها..وخصوصاً معي كفراتي الاربع راحت كلها من سبة بزارين..وانا متأكد ان فيه ناس كثار راحت كفراتهم ..زي ماراحت كفراتي...
اقول والله ماعندك احد ...مغير فاقين هالخشه ونضحك على تصرفات مهبل وبس لكن ماندري وش يبون من مواضيعهم وش يطالبون وش يقصدون...


اخوكم
الطير سداح
(من يصلح لي كفراتي):(

[منادي]

يؤيؤيؤيؤيؤ

يا شين الموقف شيناااااااااااااااه

والله قهر

بس ذكرتني بالشيبان يوم تقول ان هذا الي استفدناه من طاش علمو بزراينا اشلون يحطون المسامير

كخخخخخخخخخخخخخخخخخخخخخخخ

تصلح شايب والله

وبالنسبه للكفرات ترى اخبر لك بنشري يمني مضبوط بحارتنا ;)

وما تشوف شر اخوي وان شاء الله عدوينك اللي تنسم كفراتهم:)

[زعيم الهلاليين]

ياشين هالموقف

صدقت

[مــيــراج]

هلا وغلا اخوي الطير سداح

يمكن كلامك صحيح بس بدون زعل

ماتلاحظ ان اسمك مأخوذ من طاش بعد

ههههههههههههههههه

لاتزعل امزح

تقبل تحياتي