برجس
8/3/2002, 23:00
حمد شاب طيب وعلى نياته، يمتلك جسم كبير لكن عقله صغير .
اهتماماته ماتتعدى جنوط الكروم والتظليلات وكم شارع تفحيط يروح يتسدح فيها .
يشتغل موظف في مصلحة المياه براتب مايتجاوز 1600 ريال نصفها يروح في زبرقة الموتر ونصها الثاني في اللزم منه ( دخان + معسل + كروت دش )
حمد له صديق اسمه دحيم .. عاطل عن العمل ، متخرج من الثانويه له خمس سنين ولا لقى وظيفه تضفه .
برنامجهم اليومي متشابه الى حد ما ، لكن الفرق بينهم في وقت الصباح فقط، لان حمد يروح لدوامه في المصلحه ودحيم ساحبه نومه .
في يوم من الايام مر حمد على صديقه دحيم وقلط عنده بالملحق لكن دحيم سحبه مع يده وهو يقول : تعال للمجلس ، اخوي سعود عازم خوياه عشانه ترقى للمرتبه الخامسه في وزارة الاعلام وفرصه نلقى عشاء ببلاش .
دخل حمد المجلس وسلم علىالموجودين ثم اختار له مكان وجلس فيه .
أغلب اللي كانوا موجودين كانوا مشخصين وثيابهم نظيفه تلق واغلبهم عليهم كبكات ( يحق لهم لانهم يشتغلون في وزارة الاعلام :D ) الا حمد اللي كان هندامه عادي جداً وشخصيته بنت البكار منسوفه على دميجته نسف .
دارت الاحاديث البسيطه بين الموجودين وكان كل واحد يسولف مع اللي بجمبه الا خوينا كان ساكت ومافيه احد يسولف معه ، كان مره يناظر بالثريا المعلقه في السقف ، ومره يتمقل بوجيه اصدقاء سعود .
كان بجمب حمد شاب سمين عمره تقريبا في الثلاثينات مشخص ولابس عقال ملكي وشماغ بصمه خمسه ، واضح من شخصيته وسكبته انه ماطاح باللبس الا من قريب .
طول الجلسه كان هالسمين معطي ظهره لحمد وماسك خط بالسواليف مع اللي بجمبه ومزلب حمد اللي بدوره بدأ يتململ من طول الجلسه وسكوته الممل .
شاف جريدة الرياض محطوطه قدامه على طاولة الشاهي قدام السمين، وحب يحتك ويحرك لسانه اللي له ساعه ونص ماتحرك .. مد يده وهو يقول للسمين : عن اذنك يالاخو .
رد عليه وهو ما التفت وقال : تفضل .
اخذ حمد الجريده وطوالي على الصفحه اللي قبل الاخيره حقت رسمة الهليل .. فتح الصفحه وعلى باله قاعد يقرأ .. وهو مغير يتفرج على الرسمه .
عقب ماخلص من الكركتير دحدر على الصفحات الرياضيه اللي بالنص يبي يشوف وش كاتبين عن فريقه المفضل الهلال .
ماش ..
الوقت طال ولا قلطوا .. وهو خلص من الجريده اللي على باله انه قرأها :) .
اغلب الموجودين قلّت احاديثهم مع بعض وبدأ كلن يناظر الساعه ويحتري موعد العشاء ، ومن ظمنهم الاخ السمين اللي عدّل من جلسته وجلس مثل الرجاجيل .
قال حمد في نفسه فرصه خل اسولف مع هالدبوج ، منها اقطّع الوقت ومنها اشوف وش مستوى تفكيره ( ترفق يالنفساني :) )
التفت عليه وقال : كيف الحال ؟
السمين : هلا والله .
حمد : كن العشاء تأخر .
السمين : أيوالله تاخر كثييير .
حمد : مشكله اذا كان الواحد ما تغدى يتعب كثيير [ يدق على السمين :D ] .
السمين : صدقت ياخوي لاني متغدي خفيف .
كان حمد أثناء ما كان السمين يحتسي يناظر بكرشته ويقول بينه وبين نفسه ( الله لايجيبني بجمبك على صحن واحد .. الله من ضرب اللقم تسني داري :) ) .
ثم كمل حمد وعلى باله يغير السالفه : يستاهل سعود كل خير . عساهم بس يزيدون راتبه؟!
السمين عقب ماتفاجأ بالسؤال اللي مال امه داعي : ايه اكيد ، لكن زيادة بسيطه .
حمد : يارجال وسع صدرك، اهم شيء الوظيفه وان الواحد يستلم راتب .
السمين : صحيح .. لكن يجب ان يتناسب الدخل الشهري للفرد تناسب طردي مع الاحتياجات الاساسيه له ( وعوووووه .. بدأ يتفلسف ) :confused:
بمعنى اخر.. احتياجات الانسان ومتطلباته اذا زادت من المفترض ان يزيد راتبه لكي يغطي تكاليف تلك الاحتياجات والا كان هناك خلل في النفقات .
حمد كان يناظر وقتها بكرشة السمين ولاهوب لم فلسفته .. ورد رد بارد وقال : صدقت والله .
اضاف السمين عقب ماشاف ان اللي قدامه مهوب حوله : الان في ظل ازدياد المخرجات وشح الوظائف، يجب على المرء عدم التفريط ابداً بوظيفته وان يساهم في ارتقاء قدراته ومواهبه بما يؤهله للمنافسه واثبات نفسه .
حمد بينه وبين نفسه : [ وش يبي ذا ؟؟!!! ] :confused:
ثم واصل السمين : انت ايش شهاداتك يالغالي؟ وفين تدرس؟
حمد : انا معي شهادة ثاني متوسط واشتغل بالمصلحه على وظيفه سواق جمس اللي يجر العربيه .
ومسلميّنن عهده خمس عمال هنود وخمطة لقاح نخل، ومفتاح للعدادات عشان افتح عدادات اخواننا المواطنين ( على باله يتفلسف ويجاري السمين بالكلام :D ) .
السمين : جميل .. وايش طبيعة عملك؟
حمد : اقوم من صباح الله خير الساعه 6 وامر محل الكبده واضرب لي صحن كبده يحبه قلبك مع كاس شاهي يسمد الرأس ، ولا تهون الزقيره ، ثم ادز للمصلحه واشخط بدفتر التوقيع ثم اخذ مفتاح الجمس واركّب العمال الهنود بالحوض وبعدها امر مكتب التنسيق واخذ منهم جدول الأعطال ووصف البيوت اللي نبي نفتح لهم العدادات .
وأبدأ اهجول أنا وهالعمال اللي معي من شارع لشارع لين ينتهي الداوم .
السمين : أفهم من كلامك ، ان طبيعة عملك فنيه بحته .
ما أدري يالغالي هل تستلم بدالات؟
حمد : راتبي 1600 ريال . 1200 راتب + 400 بدل نقل .
السمين : في ظل المتغيرات المتلاحقه والغلاء المعيشي بالاضافه لتواضع راتبك، والمعذره على التطفل .. كيف تسيّر شئونك الحياتيه وتعدّ ميزانيتك؟
حمد بينه وبين نفسه : [ وعووووه .. وش هالسؤال الاقشر :confused: ] تبي الجد يالاخو انا اذا بغيت ان .......
قطع الحوار صوت سعود يقول : تفضلوا على العشاء .. الله يحييكم .
تنّفس حمد الصعداء وشكر ربه اللي فكه من هالسمين الغثيث اللي ابلشه بفلسفته .
وعقبه ..
دخلوا للعشاء .
:cool:
:cool:
اهتماماته ماتتعدى جنوط الكروم والتظليلات وكم شارع تفحيط يروح يتسدح فيها .
يشتغل موظف في مصلحة المياه براتب مايتجاوز 1600 ريال نصفها يروح في زبرقة الموتر ونصها الثاني في اللزم منه ( دخان + معسل + كروت دش )
حمد له صديق اسمه دحيم .. عاطل عن العمل ، متخرج من الثانويه له خمس سنين ولا لقى وظيفه تضفه .
برنامجهم اليومي متشابه الى حد ما ، لكن الفرق بينهم في وقت الصباح فقط، لان حمد يروح لدوامه في المصلحه ودحيم ساحبه نومه .
في يوم من الايام مر حمد على صديقه دحيم وقلط عنده بالملحق لكن دحيم سحبه مع يده وهو يقول : تعال للمجلس ، اخوي سعود عازم خوياه عشانه ترقى للمرتبه الخامسه في وزارة الاعلام وفرصه نلقى عشاء ببلاش .
دخل حمد المجلس وسلم علىالموجودين ثم اختار له مكان وجلس فيه .
أغلب اللي كانوا موجودين كانوا مشخصين وثيابهم نظيفه تلق واغلبهم عليهم كبكات ( يحق لهم لانهم يشتغلون في وزارة الاعلام :D ) الا حمد اللي كان هندامه عادي جداً وشخصيته بنت البكار منسوفه على دميجته نسف .
دارت الاحاديث البسيطه بين الموجودين وكان كل واحد يسولف مع اللي بجمبه الا خوينا كان ساكت ومافيه احد يسولف معه ، كان مره يناظر بالثريا المعلقه في السقف ، ومره يتمقل بوجيه اصدقاء سعود .
كان بجمب حمد شاب سمين عمره تقريبا في الثلاثينات مشخص ولابس عقال ملكي وشماغ بصمه خمسه ، واضح من شخصيته وسكبته انه ماطاح باللبس الا من قريب .
طول الجلسه كان هالسمين معطي ظهره لحمد وماسك خط بالسواليف مع اللي بجمبه ومزلب حمد اللي بدوره بدأ يتململ من طول الجلسه وسكوته الممل .
شاف جريدة الرياض محطوطه قدامه على طاولة الشاهي قدام السمين، وحب يحتك ويحرك لسانه اللي له ساعه ونص ماتحرك .. مد يده وهو يقول للسمين : عن اذنك يالاخو .
رد عليه وهو ما التفت وقال : تفضل .
اخذ حمد الجريده وطوالي على الصفحه اللي قبل الاخيره حقت رسمة الهليل .. فتح الصفحه وعلى باله قاعد يقرأ .. وهو مغير يتفرج على الرسمه .
عقب ماخلص من الكركتير دحدر على الصفحات الرياضيه اللي بالنص يبي يشوف وش كاتبين عن فريقه المفضل الهلال .
ماش ..
الوقت طال ولا قلطوا .. وهو خلص من الجريده اللي على باله انه قرأها :) .
اغلب الموجودين قلّت احاديثهم مع بعض وبدأ كلن يناظر الساعه ويحتري موعد العشاء ، ومن ظمنهم الاخ السمين اللي عدّل من جلسته وجلس مثل الرجاجيل .
قال حمد في نفسه فرصه خل اسولف مع هالدبوج ، منها اقطّع الوقت ومنها اشوف وش مستوى تفكيره ( ترفق يالنفساني :) )
التفت عليه وقال : كيف الحال ؟
السمين : هلا والله .
حمد : كن العشاء تأخر .
السمين : أيوالله تاخر كثييير .
حمد : مشكله اذا كان الواحد ما تغدى يتعب كثيير [ يدق على السمين :D ] .
السمين : صدقت ياخوي لاني متغدي خفيف .
كان حمد أثناء ما كان السمين يحتسي يناظر بكرشته ويقول بينه وبين نفسه ( الله لايجيبني بجمبك على صحن واحد .. الله من ضرب اللقم تسني داري :) ) .
ثم كمل حمد وعلى باله يغير السالفه : يستاهل سعود كل خير . عساهم بس يزيدون راتبه؟!
السمين عقب ماتفاجأ بالسؤال اللي مال امه داعي : ايه اكيد ، لكن زيادة بسيطه .
حمد : يارجال وسع صدرك، اهم شيء الوظيفه وان الواحد يستلم راتب .
السمين : صحيح .. لكن يجب ان يتناسب الدخل الشهري للفرد تناسب طردي مع الاحتياجات الاساسيه له ( وعوووووه .. بدأ يتفلسف ) :confused:
بمعنى اخر.. احتياجات الانسان ومتطلباته اذا زادت من المفترض ان يزيد راتبه لكي يغطي تكاليف تلك الاحتياجات والا كان هناك خلل في النفقات .
حمد كان يناظر وقتها بكرشة السمين ولاهوب لم فلسفته .. ورد رد بارد وقال : صدقت والله .
اضاف السمين عقب ماشاف ان اللي قدامه مهوب حوله : الان في ظل ازدياد المخرجات وشح الوظائف، يجب على المرء عدم التفريط ابداً بوظيفته وان يساهم في ارتقاء قدراته ومواهبه بما يؤهله للمنافسه واثبات نفسه .
حمد بينه وبين نفسه : [ وش يبي ذا ؟؟!!! ] :confused:
ثم واصل السمين : انت ايش شهاداتك يالغالي؟ وفين تدرس؟
حمد : انا معي شهادة ثاني متوسط واشتغل بالمصلحه على وظيفه سواق جمس اللي يجر العربيه .
ومسلميّنن عهده خمس عمال هنود وخمطة لقاح نخل، ومفتاح للعدادات عشان افتح عدادات اخواننا المواطنين ( على باله يتفلسف ويجاري السمين بالكلام :D ) .
السمين : جميل .. وايش طبيعة عملك؟
حمد : اقوم من صباح الله خير الساعه 6 وامر محل الكبده واضرب لي صحن كبده يحبه قلبك مع كاس شاهي يسمد الرأس ، ولا تهون الزقيره ، ثم ادز للمصلحه واشخط بدفتر التوقيع ثم اخذ مفتاح الجمس واركّب العمال الهنود بالحوض وبعدها امر مكتب التنسيق واخذ منهم جدول الأعطال ووصف البيوت اللي نبي نفتح لهم العدادات .
وأبدأ اهجول أنا وهالعمال اللي معي من شارع لشارع لين ينتهي الداوم .
السمين : أفهم من كلامك ، ان طبيعة عملك فنيه بحته .
ما أدري يالغالي هل تستلم بدالات؟
حمد : راتبي 1600 ريال . 1200 راتب + 400 بدل نقل .
السمين : في ظل المتغيرات المتلاحقه والغلاء المعيشي بالاضافه لتواضع راتبك، والمعذره على التطفل .. كيف تسيّر شئونك الحياتيه وتعدّ ميزانيتك؟
حمد بينه وبين نفسه : [ وعووووه .. وش هالسؤال الاقشر :confused: ] تبي الجد يالاخو انا اذا بغيت ان .......
قطع الحوار صوت سعود يقول : تفضلوا على العشاء .. الله يحييكم .
تنّفس حمد الصعداء وشكر ربه اللي فكه من هالسمين الغثيث اللي ابلشه بفلسفته .
وعقبه ..
دخلوا للعشاء .
:cool:
:cool: