..-- خربشات قلم --.. [الأرشيف] - منتديات شبكة الهلال

مشاهدة النسخة كاملة : ..-- خربشات قلم --..

الكاسر888

6/2/2004, 16:36

<center>

هل لي رجاء !

وهل لي خاطر !

كل الي اتمناه ان تكون هذه الصفحة ..خاليه من كل شيء..من كل شيء..إلا من ما اريد ان اخطه!

لا اريد ردود....اريد فقط انا وكيبوردي نتحاور..اليوم ..وبكره..وبعد غد..

اتمنى تسمحوا لي بذلك

الكاسر888

6/2/2004, 16:55

<center>

هو : ممكن أهديك اغنيه‍؟

هي : طبعا..

هو : إسمعي اغنيه راشد الماجد..بشريط ويلي..اقلبي الوجه الثاني..تلقين اغنيه اسمها (( غير الناس)) اسمعيها

هي: طيب
.
.
.
.
.
.
.
.
.

في البيت

هي:خالد عندك شريط راشد الماجد ويلي..

خالد : ايه بس خبري فيك ماتحبين راشد

هي : هات الشريط ابي اسمع اغنيه

.
.
.
.
.
في الغرفه

تسكر باب الغرفه ..تشغل المسجل تدور الاغنيه ..تنسدح ..تغمض عينها
تسمع راشد يقول:
انت غير الناس عندي.. انتى عندي شيء كبير
كيف بصبر وانا شايف ناس من حولك كثير
وانا احبك واقولها لك
كلمة خليها في بالك
انا ماني اي عاشق
انا لما اعشق اغير
من عيون الناس والله اغار ياعمري عليك
ما اتطمن وانسى خوفي الا وايديني بايديك
بس تحمل كل جنوني لانك اغلى من عيوني
لو تدور ماتلاقي منهو غيري يموت فيك
قلبي في يدينك ياغالي بس خل بالك عليه
ياحبيبي هذا قلبي وانت ادرى فيه
لو اعيش العمر كله
منسى حبك او أمله
ما ابي شيء في حياتي
انتى بس الي ابيه

تعيد الاغنيه.مره..مرتين..خمس ..عشر....ااااااه..غمضت عينها وراحت في حلم وردي..

هو : سمعتيها ‍

هي : سكوووووووووووووت....ولعثمه..واخيرا ..قالت ايه بس مدري تقصد مين

هو : اهديك اياها انتي

هي : سكوووووووووووووت..لعثمه.. الخد احمر..اكلمك بعدين..باي

هو : باي عيوني

الكاسر888

6/2/2004, 17:42

<center>
تي تيت تي تيت

يرفع (( هو )) جهاز الجوال مسج ..مكتوب فيه

صحيح تقصد معاني الاغنيه؟
امانه..تقصدها..والا بس اهداء لاغنيه جميله فقط!

كتب (( هو )) لها

ايه اقصد كل كلمة من الاغنيه..
ياقلبي..

فز ونط قلبها..يرجف..

(( هي )) مرتبكه حيل

(( هو )) مبسوط منشرح صدره ..حس انه لقى كل شيء فاقده من سنين

هو : فدوى ياعيوني ممكن تسمعيني اي اغنيه من صوتك

هي : اممممممممم و تبي ياغير الناس؟

هو : غير الناس‍!!!

هي : بتلعثم ايه انت بسميك من اليوم غير الناس

بغنيك ..وبغنيلك حبيبي

هو : يالله حبيبتي

هي : احم احم احححححححح

أحب الليل والسهره على شاطىء بحر هادي
على ضو القمر نجلس واسامر صوتك الشادي
سواد الليل بقرونك
وموج البحر بعيونك
ولون البدر من لونك
بضوه طاب مقعادي
اناديلك تناديلي وبحكيلك وتحكي لي
وبوفيلك وتوفي لي
بميعادك وبميعادي
اذا نامت عيون الناس نجي للموعد الحساس
اجيك وتنثرين الراس واشم الطيب والكادي
تعالي يابعد حيي وميتي يابعد خيي
تجي جنبي ولاتعيي انا ماني بنقادي
ابادلك الهوى كله ..هوى خلن إلى خله

هو : حبيبتي
هي : هلااا
هو من يغني هذا
هي: واحد عندنا في الشمال
هو :::: اه اه صوتك يجنن ياقلبي
هي: سكوووووووووووت
هو : احبك
هي: صمت

ساعود

الكاسر888

7/2/2004, 13:30

<center>
(( هو )) : طيب وش اسمه؟

(( هي )) : خالد الليمون

(( هو )) : والله انتي اليمونه

(( هي )) : هىء سكوووت

(( هو )) : حبيبتي!

(( هي )) : صصصصصصصصصصصصمت

(( هو )) : الووو حبيبتي

(( هي )): بخجل هلا ....

(( هو )) : أخبار الدراسه؟

(( هي )) : هذا اخر ترم لي

(( هو )) : وبعدين ؟ وش ناوية؟

(( هي )) ان جتني وظيفه في الخبر..والا بجلس انتظر النصيب

(( هو )) : معصي

(( هي )) معصي ؟؟وشووو

(( هو )) : النصيب هو الي بيجي لحدك

(( هي)) : :qw: شكرا

(( هو )) : فدوى

(( هي )) : هي لاتقول اسمي اخاف احد يعرفني

(( هو )) : هههههههههههههههههههههههههههههه يعرفك ليه انا جالس في بيتكم اقول عيوني

(( هي )) : هلا

(( هو )) : غني

(( هي )) : وش اغني

(( هو )) : اي شيء..اي شيء بس شيء على ذوقك

(( هي )) : امممممممم طيب ، اسمع هالاغنيه بس ترى صوتي مو حلو

(( هو )) : بلا دلع بنات يالبطه :) اذا صوتك مو حلو مين صوته حلو

(( هي)) : طيب بغني اغنيه بس ماني حافظتها كاملة

(( هو)) : اي شيئ منك حلو ياحلوه

(( هي )) : احم احم

ابعاد كنتو والا قريبين
لمراد انكم دايم سالمين
ومااقول غير الله ..الله يكون بعون كل العاشقين

اشتاق ..اشتاق ..اسئل عنكم الاشواق
لفراق ..لفراق ..ماغير علي لفراق

عساكم مانسيتوني عساكم
عسى مامر هوى بعدي وخذاكم

ناظر هواكم ..قادر ولاني قادر
مااقول غير الله..الله يكون بعون كل العاشقين

(( هي )) : بس هذي الي اذكره

(( هو )) : الله عليكم ياعيوني صوتك جنان بس وش هالاغنيه تونا في اول مشوار الحب
ليه التشائم

(( هي )) : لا لا بس اغنيه احبها

(( هو )) : اجل انا اموت فيها

(( هي )) : عيوني امي تناديني

(( هو )) : خيييييييييير وش مصحيها للحين ..ولو عجوز رهيبه:)

(( هي )) : هههههههههه يالله عيوني باي باي

(( هو )) : تصبحين على خير

.
.
.
.
.
.
(( هو )) :::::::::::: مايدري بحلم والا خيال..وش هالنعيم الي عايش فيه مع هالبنت
ليه مو كل البنات زيها

سأعود

الكاسر888

9/2/2004, 12:17

<center>

(( هي)) : مساء الخير، كيفك!

(( هو )): مساء النور هلا بالغاليه..تمام شلونك انتي!

(( هي )): تمام

(( هو )) : عيوني بقرأ لك قصيدة

(( هي )) : هات ماعندك يابعدي

(( هو )) : وبصوت أجهش

قالـوا تحبـه قلـت ما هـوب بالحيـل

بـس انه أغلـى شـوي من نـور عينـي

يسـوى جميع الجـيـل الأول وهالجيـل

أحبـائـي المـاضـييـن والمقبـلـينـي

شوقـي له أعظم من ظما الأرض للسيـل

وأشـفـق عليـه أكثـر مـن أم الجنينـي

وأحتـاج له حـاجـة ثـرى مصر للنيـل

وعليه أغـار ولـو من ما للوالـدينـي

أشتـاق لـه شـوق المحـبيـن للـيـل

وأرتـاح لـه راحـة دمـوع الحـزينـي

لا صـار جنبـي لو سنـه وقتي بخيـل

ولا غـاب لو لحظـات صـارت سنينـي

قالـوا يحبـك قلـت هـذا هـو الـويـل

مـا ودي أنـشـد ثـم رفضـه يجينـي

وأهـدم رجـاي بـدبـرتي مثـل ما قيـل

والأفـضـل أحيـا بالأمـل لـو لحينـي

يا حـبكـم يا نـاس للقـال والقـيـل

والأمـر لـو سـهـل يصبـح مـهينـي

خلـونـي أحيـا في الوهـم يا عـواذيـل

وش دخـلكـم والأمـر بينـه وبـينـي
(( هي )) : الله شكرا ع القصيدة

(( هو )) : اقول اسمعي هالمقطع
قالـوا يحبـك قلـت هـذا هـو الـويـل

مـا ودي أنـشـد ثـم رفضـه يجينـي

وأهـدم رجـاي بـدبـرتي مثـل ما قيـل

والأفـضـل أحيـا بالأمـل لـو لحينـي

(( هي )) : صوتك حلو وانت تلقي القصيدة.

(( هو )) : افا هذا نظامك؟

(( هي )) شلون مافهمت !

(( هو )) : أشاريك شلاخة ؟؟

(( هي )): شلاخة !! مافهمت !!

(( هو )) :شلاخة يعني هلاسة يعني بكاشة يعني ام ركب (( بس مو قصدي الركب السود هههه)) يعني تنصبين

(( هي )) : يؤ يؤ يؤ ليه ليه وش دعوى ؟

(( هو )): أجل صوتي حلو ها ! ماعمره صوتي صار حلو ..امي الي هي امي ماقد قالتها مع ان القرد في عين امه هزال ههههه تتوقيع غزال؟ انا اشوف ان القرد بعين امه وبعين غيرها قرد ها ها ها

(( هي )): ههههههههه وش دعوه لا صدق صوتك حلو .

(( هو )) :أها بس

(( هي )) : هههه لا جد

(( هو )) : ماعلينا ، ماتنازلت اسمعك صوتي بالقاء القصايد شان تتغزلين بالأبعاد الجماليه فيه!

(( هي )) : أبوك يالغرور ياشيخ !

(( هو )) : شيخ ! ماني شيخ لاشيخ دين..ولاشيخ قبيله ولاشيخ بالعمرولاشيخ دراهم ..انا مجرد عبد فقير..

(( هي )) : طيب طيب لاتبعد عن موضوعنا ليه اجل قلت لي القصيدة

(( هو )): عشانك عيوني ..عشان اسمعك هالمقطع..

قالـوا يحبـك قلـت هـذا هـو الـويـل

مـا ودي أنـشـد ثـم رفضـه يجينـي

(( هي )) : سكوووووووووووووووت

(( هو )) : الووو وينتس!

(( هي )) : أحبك !

(( هو )) : طاااااااااااااااط

(( هي )) : خيـــر!

(( هو )) : واااوك قالها ..اخيرا قالها..قال احبك..قالها ..يابنت ذبحتيني من زمان احتريها

(( هي )) : هههههههههههه يعني ماتدري من أول ؟

(( هو )) بدلاخه : ادري بايش؟

(( هي )): إني احبك
.
.
.
.
.

.
.
.
فاصل إعلاني

الكاسر888

10/2/2004, 00:07

<center>

(( هي )) : والله عندك ذوق.

(( هو )) : وش رايك في هالمكان؟

(( هي )) : زيك ..حلو

(( هو )) :ياويلي ويلاه ترى أسيح

(( هي )) : أسكريم؟

(( هو )): بكلامك ايه.

(( هي )) :ولو شكلك بتموتيني جوع:)

(( هو )): ها ها ها لابسوي مثل هذاك الي قابل خويته أول مره قالت له خل نشرب شيء وقفها عن برادة مسجد..وقالها انزلي اشربي..ها ها ها ظريف

هيييي صديق ..محمد ...تعال

(( هي )): يـــوه والله أنك قروي فضحتنا!

(( هو )) : طيب شوفي التطور ..أبك سكيوزمي:)

(( هي )) : هههههههه من وين أنت..لاتكون من دوادمي انجلترا.!

(( هو )) : لاتشخصين علي يابطه..اطلبي لي ولك.

(( هي )) : طاااااايب.

.
.
.
.
.
طاق ..طاق ..طاق

(( هو )) : كامن .

((( ابو مصعب ))): كامن؟؟ انت ماتترك حركاتك كل يوم مع وحدة؟

(( هو )): ابو مصعب تعال برى لوسمحت

((( ابو مصعب))): وش عندك؟؟؟؟

(( هو )): هالبنت مسكينه..وانا لعبت عليها..مهب زي الي قبل..خلها تروح لبيت اهلها واستر ع البنت وانا خذني معك..

((( ابو مصعب ))): امممممممممم خلاص...يابنت الناس ..روحي الله يهديك لاهلك..ومره ثانيه لو سويتها بيكون كلام ثاني ..يالله

.
.
.
.
.
يخرجون..الجرسون يلحقهم...يبي الحساب.

.
.
.
.
.
.
.
(( هو )): مساء الخير..اسف عيوني ع الي صار

(( هي )) : اجل كنت تعرف بنات غيري.

(( هو )): وانا قلت غير كذا؟

(( هي )): تقول انك تحبني؟

(( هو )): وانا صادق

(( هي )): والبنات ذولا؟

(( هو )): صداقه ..مجرد صداقه وكلهم قبلك..قبل اعرفك..واعرف اول حب بحياتي

(( هي )) : يعني ماقد مارست الحب؟

(( هو )): مارست الحب؟؟؟؟؟؟؟؟؟؟؟

(( هي )): يعني قد حبيت؟

(( هو )): قد حبيت شيء..ومارست الحب شيء..الحب معروف..بس ممارسة الحب مصطلح غربي..يقصد به ممارسة الجنس؟..هل فعلا الجنس= حب؟ وهل الحب أصلا يمارس أو أمر وجداني..مشكلتنا نخلط..ونستورد مصطلحات خطا في خطا

(( هي )): هي طيب بلا فلسفة قد حبيت؟

(( هو )): غيريك ماحبيت

(( هي )): والباقيات؟

(( هو )) : ماقد حبيت..صحيح أول علاقه طرت في العجة ..بس مع الأيام عرفت انها مجرد شعور مراهق..ليس حب..لكنها نشوة اول علاقه

(( هي )): طيب غمض عينك

(( هو )) : ليـــــــه؟

(( هي )): غمض وبس

(( هو )): حاضر ياطرزان غمضت.

(( هي )): طرزان؟ هين اوريك هونت..

(( هو )): ههههههه أسف خلاص ياقلبي..غمضت

(( هي )): امووووووووووواه..أحبك

الكاسر888

14/2/2004, 00:45

<center>

(( هي )): حبيبي ‍،، بكره عيد الحب

(( هو )): أدري

(( هي )): طيب؟

(( هو )) : الحمد لله

(( هي )) : وشو الحمد لله

(( هو )) : تقولين لي طيب؟ قلت لك الحمد لله.

(( هي )) : بتجنني أنت

(( هو )): بعض مما عندك

(( هي )): انا أجننك

(( هو )) : انا اصلا مجنون خالص..حبك جنني..مجنونك انا

(( هي )) : يابعد قلبي أنت

(( هو )): يابعد بنكرياسي أنت

(( هي )): بنكرياس؟

(( هو )): إيه غزل جديد..أخر صيحة..بما ان البنكرياس صاري غالي..شوفي كم مريض سكري في العالم وتعرفين غلاة البنكرياس

(( هي )): أبوك غزل..

(( هو )) : هههههههههه

(( هي )): متى أشوفك عيوني

(( هو )): بعد بكره ..

(( هي )): بس بكرة عيد الحب

(( هو )): شان هيك مابدي اشوفك..؟؟

(( هي )) : وليه ياميشيل؟

(( هو )): هذا مو عيد حب.. الحب مايحتاج مواعيد وتقاويم..الحب في القلب..مو في أحمرار اليوم..عيوني كل لحظة أشوفك فيها..اسمع صوتك فيها ..المس يديك هي عيدي..بس هالمساكين يحتلفون بعيد قسيس مخنز ..لا ياعيوني.لا ..ماراح احتفل فيه يابطة.

(( هي )): الله وكبر..قلبت مطوع

(( هو )) : ليتني بس أن استجيب لنداء الغريزه الانسانيه..غير اني استجيب لنداء قسيس..

(( هي )): أحبك

(( هو )): يـــــــــــــــاه..

(( هي )) : مهب لك

(( هو )): أجل

(( هي )): لفلنتاين

(( هو )): أها بس

(( هي )): هههههههههه غار

(( هو )): تدرين وش ودي؟

(( هي )): وشو ؟

(( هو )): ابوس نزار قباني

(( هي )): هاااااه!

(( هو )): زي ماسمعتي

(( هي )): انهبلت انت..مات هو

(( هو )): ادري

(( هي )): ؟؟؟؟

(( هو )):حاولي تعرفين وش اقصد.....احبك..واذا عرفتي دقي ع البيجر.خخخخ قديم ههههه

(( هي )): ههههههههه ياعيني ع المفوت

(( هو )): باي بطتي

(( هي )): بااااااااي..." تشفير"

الكاسر888

15/2/2004, 00:02

حنا ورود..وليت ما انتم مصادير..
بالهون..يكفيني من الري فدوى

مابا الصدود اسلوم ربع مخاشير
ورد السلام لعابر الدرب تقوى..

تبســمي ينبت بقلبي نواويــــــــــــــر
عشب القياض ويابس العرق يروى

الكاسر888

16/2/2004, 22:12

<center>

إعتراف*

كل بنت عرفتها كتبت فيها قصيدة ع الأقل وعشرة ع الأكثر ..

كلهم ماحبيتهم وكلهم كتبت فيهم ..

إلا أنتي حبيتك ..وماكتبت فيك!

هل شياطين شعري افهم مني فترفض الكتابة فيك حتى لاتكونين
كالعابرات!

أم قلبي عندما نبض لأول مره.. توقف قلمي..عن الكتابة

عن كتابة كل شيء..كل شيء إلا كلمة واحدة

" أحبك"

--------------------------------------
* مأخوذه من مذكرة (( هو )) الشخصية

الكاسر888

16/2/2004, 22:25

<center>

ســـــــــــؤال!

هل الإنسان قبل الحب

كالإنسان بعد إنقطاع علاقة الحب!

الكاسر888

16/2/2004, 22:40

<center>

(( هو )): i miss u

(( هي )) : i miss u 2

(( هو )) : واخبارك ؟

(( هي )) : تمام ..وناسه ليه مارديت اليوم؟

(( هو )): نايم

(( هي )): فاتك..اتصلت كنا أنا والبنات نغني ، تمنيت تسمع...اممم كنت المطربة حقتهم:)

(( هو )) : وعندهم نية بعد! بس عسى حبيبك بيسمعك تغردين له؟

(( هي )): يابعد قلبي وش ودك تسمع بس!!! امر

(( هو )) : اي شيء ..

(( هي )): لا اختار

(( هو )): والله أحتاجك أنا

(( هي )): حتى أنا أحتاجك

(( هو )) : هههههههه لا اقصد الاغنيه..

(( هي )): امممممم من عيوني قلبي..خلني أتذكر..احم احم احححح..يالله

والله أحتاجك انا

ماااااش صوتي منشحط ..غنيت كثير اليوم

(( هو )): يالله بلا دلع ..غني يافيروزي..

(( هي)): ههههههههههه لا والله مو القصد..طيب اسمع حبيبي..بس مالي دخل الصوت رايح فيها..

والله أحتاجك أنا..
خلك بجنبي قريب..
وان حصل شيء بيننا
عن حياتي لاتغيب..
انا من بعدك اتوه..
وعالمي يصبح صعيب..
تختلط كل الوجوه
والعدو يصبح صديق
أ أ أ بسس هذا الي اذكره

(( هو )): ياعيني ..ليتني راد اليوم يوم تدقين..استلجيتي للبنات..ولي الفٌتات..

(( هي )): يؤ يؤ ..لاوالله وش دعوه ..بس هذا الي اذكره ..وثانيا كنا نغني خبال والا خطاوينا قلبناها شكشكة..

(( هو )): أحلى ياحافية القدمين ..

(( هي )) : لا لابسه شراب..

(( هو )): أحبك

(( هي )) : شوكرا..

(( هو )) : ياعيني ع الرفاله

(( هي )) : ليه..وش اقول..

(( هو )): قولي احبك..كي تزيد وسامتي

(( هي )): انت تجنن

(( هو )): إييييييييييه القرد بعين خويته شمبانزي

(( هي )) : ههههههههههههه صح مادريت ..بغيت اجيب العيد قبل كم يوم

(( هو )): ليه؟

(( هي )): هماني الحين اطبق بالمدرسة..وفيه مدرسة معنا ام عيال..عيالها كبري..المهم استحي اناديها باسمها حاف..وكم مره بغيت اناديها ياخاله

(( هو )): كان بالدباسه على راسك ...قولي لها يابنيتي ..مو ياخاله ههههههههه

تفففففففف...طفة بطارية (( هو ))

الكاسر888

16/2/2004, 22:44

<center>

ســـؤال 2 ‍!!!

هل عندما تحب وتعرف أن المحبوب لايبادلك الحب بنفس الدرجة من الحب..تستمر تظهر له محبتك له بنفس مقدارها الحقيقي‍!

الكاسر888

19/2/2004, 03:12

<center>

(( هي)): وينك!

(( هو )): بالرياض :)

(( هي )) يادمك..جد وينك؟

(( هو )): بالبيت ..تحديدا في منطقة الحوش داخل الملحق:) وداخل النت

(( هي )): طيب اقطع الاتصال!

(( هو )): طيب..لحظة بشوف وش تبي ذي..

(( هي )): مين!

(( هو )): وحدة داخلة بالماسنجر وجايه تكلمني.

(( هي )): ok.....اجل ما اقطعك...باااي

(( هو )): ههههههههه غارت خخخخخ..صكيت الجهاز بكبره

(( هي )): إيـــــــــه،،، فاتك اليوم..عجوز شافتني قالت " ياعينن على بنت سعود تهبل"

(( هو )): كان خليتيها تسمي..عيون العجز حاره..

(( هي )): سمت وقالت ماشاء الله..وبعد...البنات اليوم ينادوني شاكيرا

(( هو )): ليه!

(( هي )): كنت لابسه بنطولن ذهبي،،، ويقولون اني اشبهها وجسمي زي جسمها..

(( هو )): وانا الشباب ينادوني ركي مارتن.

(( هي )): هههههههه لا والله جد اتكلم.

(( هو )): طيب ياقلبي..مادرى عنك محمد ابن سداح..يدعي ان حبيبته تطق اصبع لشاكيرا!

(( هي )) : هاااه!!!

(( هو )): غني لي ياشاكيرا..غني ..

(( هي )):طيب..لحظة بطفي النور..احب اغني بالظلام

(( هو )): إيه هذي حالة معروفة..يسمونها غناء الظلام والشوق والهيام.

(( هي )): يادمك..اسمع حبيبي ..اسمع..

عودتني كل يوم اسمع انا صوتك..
عودتني لاضاق صدري ماتخليني

والله وغيابك طال مدري وش اسبابه..
وان غاب صوتك خيالك باقي بعيني

ان كنت زعلان قلي شنهي ذنوبي .....
الكون يزعل ولا تزعل يا محبوب

اضيع من دونك واضيييع اجمل دروبي ...
يا خوفي تنساني وتنسا كل عنوايني

في الحيل محتاااجك تعال وقدر ظروفي .......
فيني هموم وما لقيت اللي معي يوفي

وينك تعال ابعد همومي ظني وخوفي ....
صوتك يا اجمل حب يا عمري يكفيني

عودتني كل يوم اسمع انا صوتك..
عودتني لاضاق صدري ماتخليني

(( هو )) : جنان..خبال..وربي صوتك شيء....ااااخ منك ياتاج راسي..

(( هي )) : بتغني؟

(( هو )): لا

(( هي )): حسبتك بتقلب لنا اصيل

(( هو )) : ههههههههه..غني حبي ..غني

(( هي )): طيب..بس بغني بيتين..

رسمتك للبدر صورة..
واخذت النور من نوره..

أحبك يابعدي عمري..
ونفسي فيك مسحوره..

(( هو )): عظمه على عظمه ياست..لحظة بروح اطفي النوووور..
;)

الكاسر888

19/2/2004, 03:20

<center>
فوووواصل ..مسروقه من الزمن‍‍!!

هل عندك شك أنك أحلى امرأةٍ في الدنيا ؟

و أهم امرأة في الدنيا ؟

هل عندك شك أني حين عثرت عليك

ملكت مفاتيح الدنيا ؟

هل عندك شك أني حين لمست يديك

تغير تكوين الدنيا ؟

هل عندك شك أن دخولك في قلبي

هو أعظم يوم في التاريخ

وأجمل خبر في الدنيا ؟

هل عندك شك في من أنت ؟

يا من تحتـل بعينيها أجزاء الوقت

يا امرأة تكسر حين تمر جدار الصوت

لا أدري ماذا يحدث لي ؟

فكأنك أنثاي الأولى

و كأني قبلك ما أحببت

و كأني ما مارست الحب

ميلادي أنت و قبلك لا أتذكر أني كنت

و غطائي أنت وقبل حنانك لا أتذكر أني عشت

و كأني أيتها الملكة

من بطنك كالعصفور خرجت

هل عندك شك أنك أحلى جزء من ذاتي

و بأني من عينيك سرقت النار

و قمت بأخطر ثوراتي

أيتها الوردة

و الياقوتة

و الريحانة

و السلطانة

و الشعبية

و الشرعية بين جميع الملكات

يا سمكاً يسبح في ماء حياتي

يا قمراً يطلع كل مساء من نافذة الكلمات

يا أعظم فتح بين جميع فتوحاتي

يا آخر وطن أولد فيه

و أدفن فيه

و أنشر فيه كتاباتي

يا امرأة الدهشة

يا امرأتي

لا أدري كيف رماني الموج على قدميك

لا أدري كيف مشيت إلي

و كيف مشيت إليك

كم كان كبيراً حظي حين عثرت عليك

يا امرأة تدخل في تركيب الشِعر

دافئة أنت كرمل البحر

رائعة أنت كليلة قَدَر

من يوم طرقت الباب علي

ابتدأ العمر

كم صار جميلاً شِعري

حين تثقف بين يديك

كم صرت غنياً

و قوياً

لمّا أهداك الله إلي

هل عندك شك أنك قبس من عيني

و يداك هما استمرار ضوء ليدي

هل عندك شك

أنّ كلامك يخرج من شفتي؟

يا ناراً تجتاح كياني

يا ثمراً يملأ أغصاني

يا جسداً يقطِعُ مثل السيف

و يضرب مثل البركان

: قولي لي

كيف سأنقذ نفسي من أمواج الطوفان

يا ذات الأنف الإغريقي

و ذات الشعر الإسباني

يا امرأة لا تكرر في ألاف الأزمان

يا امرأة ترقص حافية القدمين بمدخل شرياني

من أين أتيت ؟ و كيف أتيت ؟

و كيف عصفت بوجداني ؟

يا إحدى نعم الله عليّ

و غيمة حب و حنان

يا أغلى لؤلؤة بيدي

آه كم ربي أعطاني

الكاسر888

21/2/2004, 21:27

<center>

(( هو )): الو

(( هي )): هلا

(( هو )): نايمه ‍!!

(( هي )): أأأأأ..لا..خلاص صحيت..

(( هو )): نامي دايم

(( هي )): ليه؟

(( هو )): صوتك خيال وانتي توك صاحيه...

(( هي )): ههههههههههههه

(( هو )): ياوليــــــــــــــــــه..اقووووووووووول صوتك مثيــر

(( هي )): قلبي بقوم اتسبح..واصلي..واكلمك..

(( هو )): انتظرك
.
.
.
.
.
.
.
.
.
.
.
.
.
.
.
.
.
.
.
.
.
.

(( هي )): مساء الخير

(( هو )) :حرما

(( هي )): جمعا..مادريت؟؟؟ أمس اثنين خطبوني..

(( هو )): ول..ياظلمه ياسراجين..

(( هي )): إيه وانا اشوف خوات واحدن منهم ماغير يرسلون مسجات ويدقون يسئلون دايم..اثاري السالفه كذا..

(( هو )) : عساك وافقتي

(( هي )): لامايصلحون..مو هم الي أحلم فيهم..

(( هو )): أشوى

(( هي )): ههههههههههه ليه ناوي تخطفني على خيل أبيض

(( هو )): ههههههههههههههههههههههههههه

(( هي )): اليوم حسيت اني حماره ‍!!!!!!!

((هو )): وش الجديد خخخخخخخخخخخ

(( هي )): هين اوريك

(( هو )) : لا ياعمري محشومه ..امزح قولي ليه

(( هي )): اخوي عدي اليوم امي تمزح معه تقوله بخطب لك ..قال اخطبي بس ابيك تاخذين لي وحدة قروية من حدى القرى حتى ماتعرف تقرأ وتكتب..هاليومين البنات مالهن امان..
......................حطمني الحمار

((هو )): وسعي صدرك، كلنا في الهم سوى..وتلقين البنات يقولون نبي واحد ماقد شاف جواز سفر..

(( هي )): صح صح ..بس لاتنسى ان حنا بنات...

(( هو )): أنتي الظاهر مو خطفتي قلبي بس..الا الظاهر قلبتي كياني فوق تحت..والظاهر انك بتغيرين بعض المبادىء..والأفكار..لي بحالة استثنائية..

(( هي )): شلون يعني!!

(( هو )): يجيلك يوم ..وتعرفين كل شيء

(( هي )) : لا ...لا لا قول

(( هو )): أحبــــــــــــــك

الكاسر888

22/2/2004, 22:31

<center>

(( هو )) : مغرب الخير..

(( هي )): مساء النور ياقلبي

(( هو )): اخبار ..علوم!

(( هي )): ماهنا جديد ..بروح السوق بعد شوي

(( هو )): مع مين! وشلون تلبسين عباتك!

(( هي )): أنا وأمي..وألبسها على راسي..أنا بنت ناس

(( هو )): والي تكشف بنت ناس ..والملثمه بنت ناس والملكي بنت ناس..

(( هي )): صح صح بس انا محترمه مهب زيهم..ماغير يبون يلقطون من هالشباب!

(( هو )): لا ..لا ..لاتعممين..صح عباتك صح وهم لا..بس مو كلهم يلقطون شباب ..يمكن اغلبهم ايه ..بسفيه بنات من طلعوا ع الدنيا ومايعرفون غير هالعبايه..

(( هي )): طيب ..طيب يامحامي العبايات نص كم..كلمتني اليوم موظفة في الكلية!

(( هو )): وش تبي!!!

(( هي )): تقول اني من الخمسه الأوائل ع الدفعه حقتي..

(( هو )): أحلى يابطله تستاهلين كل خير ياقلبي..ألف ألف مبروك.....

(( هي )): تونا هالكلام مهب رسمي.

(( هو )): وربي فرحتيني ياقلبي..وش تبين بس اجيب لك هدية النجاح يا أموره:)

(( هي )): من ذوقك ياقلبي..شكرا

(( هو )): أها بس ..اخلصي وش تبين بالضبط ياقليبي

(( هي )) : ابيييي قلبك.

(( هو )): افا بس هو لك من زمان يابطه..وش تبين بس..

(( هي )): ماعلى كريم تشرط.
.
.
.
.
.
.
.
.
.
.
.
.
.
.
.
.
.
.
.
(( هي )): حبيبي بارك لي

(( هو )): ألف مبروك.. بس على وشو!!

(( هي )): توني مستلمه وثيقة التخرج ، وطلعت الثانيه ع الدفعه.

(( هو )): ألف مليوووووووووون مبروك...تستاهلين يابطله ..ياحضي خويتي دافوره:)

(( هي)): ههههههههههههههههههه.
.
.
.
.
.
.
.
.
.
.
.
.
(( هي )): حبيبي بارك لي..

(( هو )): مبروك ياقلبي!!

(( هي )): تعينت..حطوني بمدرسة قريبة من بيتنا ..الحمد لله ..ربي ستر كل زميلاتي حطوهن بقلايع وادرين

(( هو )): تستاهلين ..يا أميرتي...
.
.
.
.
.
.
.
.
.
.
.
.
(( هو )): حبيبتي وش فيك!!

(( هي )): أنخطبت..

(( هو )): وش الغريب..من تخرجتي كل يوم واحد خاطبك..

(( هي )): بس هالمره أهله ناشبين..وامه بتجي للخبر بالويكند

(( هو )): بيخطبون رسمي:(

(( هي )): لا..بس الحريم..

(( هو )): وسعي صدرك..اذا مابغيتي مهب حاصل شيء..

(( هي )):إيـــــــــــه..الله يعين...
.
.
.
.
.
.
.
.
.
.
(( هو )) : سكووووت شباب..خل أشوف وش هالرقم الغريب..

(( صديقه)): يمكن فويس مسج

(( هو )) : خل أشوف

(( فويس مسج)):
" أنا مو ناقص إلا أجيك..وأحط قلبي بين يديك
واقول الله يخليك...تشطر عاد وأفهمها "

(( هو )): هـــــــــــــاه!!!!

الكاسر888

26/2/2004, 11:13

<center>

(( هو )) : لنا الله..

(( هي )): ياخي اصبر..اعوذ بالله ..عشرين مكالمة..ماتشوف معي مكالمة؟

(( هو )): إلا وتوقعت تردين وتقولين لي مشغوله..مو طنش خير شر..وصح كنتي تكلمين مين:lkj:

(( هي )): منب قايله لك.

(( هو)): والا كنتي داخله جو..

(( هي )) : إيه داخله جو وش عندك؟

(( هو )): ولا تبين تبعصين المزاج

(( هي )): ايه ايه ..

(( هو )) : اها ..كان قلتي لي..من زمان ان هذا طبعك..نعين ونعاون..

(( هي )): انت الي دايم بس تشك فيني ..تشك فيني..قول انك ماتبغاني وخلاص

(( هو )): الله وكبر، صرت أشك فيك..ومكالمات تالي الليول..وساعه...ولاتبين تقولين مع مين..وبالاخير صرت اشك..عموما الله يهني سعيد بسعيده..

(( هي )) : احترم نفسك..ماني من هالنوعيه

(( هو )): ايه صح..يمكن نوعيه ثانيه;)

(( هي )): أقووووووووووووووووووووول

(( هو )): خلاص خلاص انتي ملاك طاهر..

(( هي )): ثقــــــــــالة دم‍!

(( هو )): لاثقالة دم ..ولاخفة دم..بترتاحين من اليوم ورايح..مافي واحد بيزعجك ويخرب عليك جوك الرومنسي...خلاص مافي ازعاجات وقت المكالمات اخر الليل...الله يهنيكم مع بعض..وفرصة سعيده يا ( حبيبته )..

(( هي )): اركد بلا خبــ

طوط ..طوط..صوت قطار..عفوا [ هـــــــــــو] قفل الخط

الكاسر888

26/2/2004, 16:46

<center>

تيت تتيت تيت

الرسائل الواردة 1 رسالة

.
.
.
.
.

حبيبي أسفه بس والله أعصابي كانت زفت خالتي نورة تكلمني تبي تقنعني بخطيب متقدم لي
تكفى رد علي.
المرسل : فدوى
05؟؟؟؟؟؟؟؟؟؟؟؟؟؟
تم ارسال:
14:16:53
25|2|2003
.
.
.
.
.
.
(( هي )): تدق.....

[ عفوا ان الهاتف المطلوب لايمكن الاتصال به الان فضل اعد المكالمة فيما بعد وشكرا]

(( هي )): يووووووووووه

الكاسر888

27/2/2004, 02:49

<center>

توادعنا انا وياه..
ولكن ماتوادعنا..
رفض قلبي..رفض قلبه..
سوى هلت مدامعنا..
رجع يبكي وبكاني .. انا ما اتحمل دموعه..
ونادتنا ليالينا ..
مسك يدي وتراجعنا ..
انا فضلت اعيش بصمت..
سواءً كنت او ماكنت ..
ولكن الاكيد امنت ..
محبتنا لها معنا ..
حنين قلوبنا فينا..
غصب عنا ينادينا ..
يبني يا ملا واغلا ..
عسى الله لا يفرقنا ..
رجع يبكي وبكاني ..
انا ما اتحمل دموعه ..

الكاسر888

27/2/2004, 17:12

<center>

يقولون :
الغلا تحب إنسان وتخلص له
وانا أقول:
تخون الكل لعيونه

الكاسر888

28/2/2004, 00:18

<center>

(( هي )): حبيبي اسفه .. والله اعصابي كانت زفت

(( هو )): خير ان شاء الله

(( هي )): للحين زعلان!!!

(( هو )): لا جالس اشكشك..

(( هي )): ليه..قلت لك الظروف

(( هو )): وانا ما اقتنعت.

(( هي )): وش دعوه!!

(( هو )): دعوه عامه..وش عندك داقه..شكل الخوي الجديد سحب عليك..

(( هي )): عن الغلط ..وربي زي ماقلت لك خالتي متصله تبي تقنعتي بولد خالتي الثانيه وناشبه..الا تبيني اقتنعت....اسفه اعصابي زفت والله:

(( هو )): مشكلتي اني أحبك..

(( هي )): يابعد قلبي انت

(( هو )): وبرضوا مشكلتي اني مخفة ارضى بسرعه..

(( هي )): وهذا الي مخليني احبك..

(( هو )): إني مخفة؟؟؟؟

(( هي )): لاااا...إن قلبك طيب يابعد دنيتي ..

(( هو )): وش سالفة ولد خالتك..عساك بتوافقين..!

(( هي )) : يخسى..لو انحديت وماخذيت الي في بالي..ماابي احد من الاقارب..

(( هو )): ههههههه،،، ماتدرين عن النصيب..

(( هي )): صادق..

(( هو )): ياحبيلك

(( هي )): جاك الفويس مسج!

(( هو )): إيه

(( هي )): طيب!

(( هو )): اغنيه حلوه،،، شكرا على ذوقك

(( هي )):.....

(( هو )): حبيبتي

(( هي )): هلا!

(( هو )): تصبحين على خير

(( هي )): بتنام!

(( هو )): إيه

(( هي )): وانت من أهله

الكاسر888

28/2/2004, 15:17

<center>

فـ عيني تغيب الشمس وتشرق فـ عيني
في ناظري للشمس ..موت وميلاد

لليل في دمعي سنا ...نجمتين
وللصبح في جفني شفق هم وسهاد

كن السهر درب عليه ابـ تجيني
ولاودي اقطع درب لاماك برقاد

ياللي جميع الناس بينك وبيني
وكل لحظة أنا انتظر منك ميعاد

عذري لياسك منك..انك تبيني
خنت الرجا..وان صنت لي عهد ووداد

لبسمتك ترخص غوالي سنيني
جرحي يهون وجاير الشوق يزداد

ولمصافحك ربي خلق لي يميني
أمدها لك وصل وامدها ابعاد

أنسى عذاب العمر وماأنسى حنيني
تبلى ليالي العمر وجروحك اجداد

الكاسر888

28/2/2004, 21:48

<center>

(( هي )): أحبك

(( هو )): وشو الحب

(( هي )): المعروف لايعرف

(( هو )): كل شخص له نظرة على هالكلمة..

(( هي)): اممم الحب هو ان تكون مستعد ان تقدم حتى لو خسرت حياتك..

(( هو )): هذا حب من طرف واحد..

(( هي )): ليه

(( هو )): لان الطرف الثاني لو رضى أن الأول يخسر حياته ماصار حب، صار لعب عيال

(( هي)): وشو الحب أجل!

(( هو )): ان تكون مستعد تقدم كل شيء في سبيل ارضاء الطرف الاخر بس دون ان تضر نفسك

(( هي )): واذا تعدى ووصل للتضحية‍!!

(( هو )): هذا اكبر من الحب ، كثير من يحب بس قليل من يضحي

(( هي )): وش يصير اسمه

(( هو )): يمكن هيام‍!

(( هي )) : الحين تنتقد الي يقدم للحبيب لو على خسارته، ومع التضحيه

((هو )): التضحية للحبيب مو تضحية ..مكسب

(( هي )): اممممم

(( هو )): احس بس ثلاثين بالمية من الي يقولون ((( أحب)))يحبون صدق ..وواحد في المية ممكن يضحي

http://207.44.237.116/images/hrofold/472-lovingU.jpg

(( هي)): اه منك ياعرافي الصغير..

(( هو )): هههههههه بس فيه ناس قلوبهم كرسي حلاق..كل شوي زبون:)

(( هي )): ههههههاااااااي

(( هو )): بلا فلسفة ..غني..

(( هي )): الله وكبر صرت انا الي اتفلسف..هين اوريك

(( هو )): يالله ياطفلتي..

(( هي)): اممممممم..احم احم.

يسئلوني ليه احبك حب ما حبه بشر
وليه انتي في حياتي شمسها و انتي القمر
وليه صوتك لاوصل صحراي يملاها الزهر
علميهم يالحبيبه .... اه يا اغلى حبيبه
يسئلوني وليتهم مثلي يعيشون الهوى
الاصابع في الايدين الواحده ماهي سوى
عندهم حبك طبيعي ... وعندي فوق المستوى
اعذريهم يالحبيبه .... اه يا اغلى حبيبه
يسئلوني وفي شفاتي يرتعد حر الجواب
ما درو أنتي بحيات راحتي وانتي العذاب
وأنتي حلمي اللي عشقته وطار بي فوق السحاب
خبريهم يالحبيبه .... اه يا اغلى حبيبه
يسئلوني وانتي اكبر من سوالفهم جميع
وأنتي اجمل ما خلق ربي في هالكون الوسيع
واني اتلاشى بدون عيونك الخجلى اضيع
علميهم يالحبيبه .... اه يا اغلى حبيبه

(( هو )): عظمه على عظمه ياست...الله وكبر..

(( هي )): ههههههههههه

(( هو )): غني ياقلبي..

(( هي )): وش أغني‍ بعد؟

(( هو )): اي شيء لابو نورة..

(( هي )): حاضر يافندم:D

كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..

الكاسر888

29/2/2004, 23:15

<center>

(( هي )): بكاااااء...

(( هو )): وش فيك ياقلبي..

(( هي )): .....

(( هو )):وش فيك!

(( هي)): .....

(( هو )): ياحوووول ! قلبي وش فيك!

(( هي )): انخطبت [ بكااااااء ]

(( هو )): طيب! مو شيء جديد..

(( هي )): بس وافقت..

(( هو )): وافقتي!!!!!!

(( هي )) : سكوووووت

(( هو )): ليـــه..ليه..ليه وافقتي!!

(( هي )): ليه أرفض! وش اقول لأهلي..وش السبب شان أرفضه..كامل والكامل وجه الله..محترم..ووضعه المادي والاجتماعي كويس وأهم شيء يخاف الله

(( هو )): ليه ما انتظرتي!

(( هي )): ليمتا!..مقدر انتظر اكثر من الي انتظرته..

(( هو )):ظروفي ماتساعدني حاليا..

(( هي )): ماقدر انتظر اكثير من كذا..

(( هو )): خير ان شاء الله..انتظري مني مكالمة خلال هاليومين

(( هي )): ليـــــــــــــــــ

طوط ..طوط ..طوط ..صوت القطار...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
(( هو )): هلا..قلبي..

(( هي )): هلا فيك !!!

(( هو )): وش فيك متنحة !

(( هي )): لا بس..غريبة شكلك مروق!

(( هو )): يتهيأ لك:)

(( هي )): يمكن..

(( هو )): المهم

(( هي )): هلا

(( هو )): فكرت بالموضوع كويس، وبصراحة ماألومك..

(( هي )): ايـــوه!

(( هو )): الله يوفقك يارب، بعد اسبوع بروح مصر..عساني أنسى،، وانتي استغلي سفرتك للبنان وحاولي تنسين

(( هي )): مقدر..

(( هو )): الأيام كفيلة..حاولي تتناسين..وخلي الذكرى تكون صفحة حلوه، مو بوابة نكد

(( هي )): بحاول..

(( هو )) يالله خذي هذي المفاجئة..بغني..

أحبك لو تكون حاضر..
أحبك لو تكون هاجر

ومهما الهجر يحرقني..
راح أمشي معاك للآخر

أحبك لو تحب غيري ..
وتنساني وتبقا بعيد

عشان قلبي بيتمنى..
يشوفك كل لحظة سعيد

.
.
سنين واسنين وأنا صابر..
وراح أصبر كمان وكمان

وبحر الشوق يلعبي..
لين اوصل لشط أمان
.
.
.
.
أحبك كلمة معناها..
حياتي وروحي في يدك

يهون عليك تنساني ..
أنا صابر على ظلمك

(( هي )): بكاااااااااااااااااااااااء

(( هو )): سكووووت

(( هي )): سكووووووت..

(( هو )): سكووووت

(( هي )): حبيبي بغنيك..بغني اغنيتك..

انت غير الناس عندي.. انتى عندي شيء كبير
كيف بصبر وانا شايف ناس من حولك كثير
وانا احبك واقولها لك
كلمة خليها في بالك
انا ماني اي عاشق
انا لما اعشق اغير
من عيون الناس والله اغار ياعمري عليك
ما اتطمن وانسى خوفي الا وايديني بايديك
بس تحمل كل جنوني لانك اغلى من عيوني
لو تدور ماتلاقي منهو غيري يموت فيك
قلبي في يدينك ياغالي بس خل بالك عليه
ياحبيبي هذا قلبي وانت ادرى فيه
لو اعيش العمر كله
منسى حبك او أمله
ما ابي شيء في حياتي
انتى بس الي ابيه

(( هو )): آآآآه..الله يوفقك ويجعل طريقك كله نور وسعادة يارب..المهم أزف الرحيل

(( هي )): اهيء اهيء بكااااااااااااااااء

(( هو )): امممم قلبي..أبي اخر كلمة اسمعها [ أحبك ]

(( هي )): انت أول..

(( هو )): أحبـــــــــــــــــــــــــــك

(( هي )): احبك

(( هو )): احبـــك احبك احبك..

الكاسر888

1/3/2004, 23:54

<center>

بعد نهاية خربشاتي..أعترف..أنني كنت قلق نوعا ما

بسبب خوضي تجربه جديدة ...

سُئلت أكثر من مره..هل ماكتبت حقيقة أو جزء من الحقيقة!

جوابي ..انقله من " أحلام مستغانمي " من رائعتها "ذاكرة الجسد"
تقول: (( الحُب هو ماحدث بيننا . والأدب هو كل مالم يحدث ))
.
.
.
.
.

أشكر كل من احترم رغبتي ..ولم يرد..واشكر كل من شرفني بمتابعه موضوعي
المخيف بالنسبة لي حيث انها تجربة جديدة لي...

شكر خاص للغالي برستيج

وشكر كبير لك
والموضوع مفتوح للردود بعد إنتهاء تدوين الموضوع

يوسف

2/3/2004, 02:49

هلا بالداجين والداجات:magkiss:
هلا الكاااسر
ماشاء الله عليييك قصه رائعه وتصدق يالدب اني دخلت جوو معهاا وكنت من اول يووم متااابع للقصه وكااان ببالي اخرب علييك وارد على الموضوع يووم انك بوااحد من الاياام مارديت على الموضوع وكنت يومها احتريك ترد بس قلت بينكسر خااطره لو شااف ردي(himo)
وبالتووفيييق لك يالغاالي والله يعطييك العاافيه على هالمجهوود الرائع وان شاء الله نبي نشووف منك كل شهر قصه قل تم;)
ومشكوووور يابعدي:magkiss: 
:magkiss: بااي:yes:

عنيـــــد

2/3/2004, 09:48

هلا و غلا حبيب قلبي رائد ..

بالفعل صورة رائعة تعكس الواقع المرير لحياتنا الحالية .. :)

منذ البداية و نحن معك حتى وصلنا لهذا الإختتام .. :)

فقط أحببتُ تسجيل إعجابي الكبير بهذه التجربة الجريئة و التي إستحقيت بالفعل من خلالها كل المتابعة و الإشادة .. :)

تحياتي لك أخوي رائد .. :)

asdfgh

2/3/2004, 09:52

مشكور أخوي الكاسر على هذا الجهد ..

ولكن . . . .

ما أدري ياليت نمشي مع بعض حبة حبة ...

- وش الفائدة من الموضوع أو القصة ... حتى وإن كانت مقطوعة أدبية أعتقد يجب أن يكون لها معاني وأهداف سامية وإيجابية .. .. .. ولا أنا غلطان ....

- ما تعتقد إن الموضوع بالطريقة هذي قد يكون له تأثيرات سلبية على بعض المراهقين من الجنسين .. .. ((( يعني علاقات هاتفية ما لها أية ضوابط قد يرون إنها عادية وقد تنتهي بشكل عادي ، علماً إن أكثر من 90% من العلاقات هذي تنتهي نهايات سيئة ))) . .

- أنا ما ودي أقفلها زيادة عن اللزوم ، ،، ، ولكن لازم نتذكر دائماً إننا مسئولون ومحاسبون عن كل حرف وكلمة قلناها أو كتبناها .. .. .. والله يكتب اللي فيه الخير .......

أخوكم / أبو عبدالعزيز asdfgh

برستيج

2/3/2004, 10:14

هلا رائد

موضوعك هذا .. يذكرني بعبارة ( تمتعو بالرحالة .. ودعو القيادة لنا ) .. :D

فكرة جديدة واكثر من رائعه .. تستحق الاشادة بها .. :yes:

والشكر يجب ان يقدم للجميع على احترامهم رغبتك في عدم تشويش الموضوع باي رد قبل

اكتماله ..

وللجميع تحياتي .. :)

الكاسر888

2/3/2004, 10:16

هلا بالغالي / داج

يسعدني مرورك الدائم على الموضوع ومتابعتك له..

سعدتك بك كثيرا يايوسف....يعطيك العافيه

الغالي / عنيد
فرحت كثيرا بتشجيعك لي من بداية الموضوع وحتى نهايته
أشكرك كثيرا يانواف..والله يعطيك العافيه يالغالي

الغالي /asdfgh

وش الفائدة من الموضوع أو القصة ... حتى وإن كانت مقطوعة أدبية أعتقد يجب أن يكون لها معاني وأهداف سامية وإيجابية .. .. .. ولا أنا غلطان ....

صعبه ان الشخص يكتب ويشرح مايكتب..اذا ماشفت فيه فايدة فغض الطرف ..وتحمد ربك وامش:)...

بالنسبة لي الموضوع ..مهم..بتقول ليه..بقولك لاسباب كثيرا..بعضها واضح كمحاولة الكتابة بطريقة جديدة بالنسبة لي..وبعضها احتفظ به لنفسي=====>> يبي يسوي غموض:)

- ما تعتقد إن الموضوع بالطريقة هذي قد يكون له تأثيرات سلبية على بعض المراهقين من الجنسين .. .. ((( يعني علاقات هاتفية ما لها أية ضوابط قد يرون إنها عادية وقد تنتهي بشكل عادي ، علماً إن أكثر من 90% من العلاقات هذي تنتهي نهايات سيئة )))

لا..مااعتقد

.

- أنا ما ودي أقفلها زيادة عن اللزوم ، ،، ، ولكن لازم نتذكر دائماً إننا مسئولون ومحاسبون عن كل حرف وكلمة قلناها أو كتبناها .. .. .. والله يكتب اللي فيه الخير .......

لا ابدا..خذ راحتك

هاجس

2/3/2004, 15:08

كلمه ابداع قليله بحقك يا رائد

واحلى مافي القصه انها من نسج الخيال :)

تحياتي ،،

Full Moon

2/3/2004, 16:38

السلام عليكم ورحمة الله وبركاته...

ربي يعطيك العافيه اخوي الكاسر...

واكثر شيء شدني للموضوع بساطة الاسلوب...

وننتظر المزيد من الابداع وتجربه موفقه إن شاء الله...

وربي يعطيك العافيه اخوي...

والسلاااام عليييكم...

استاذ العشق

3/3/2004, 00:47

حيالله الكاسر حبوووووووبى

ممكن يالغالى اغنية الرويشد تعال

لو سمحت يالغالى

تحياتى لك

<<<<<<<< يحب اللقافه

عبدالله الزعيم

4/3/2004, 12:40

شكرا على الموضوع
والى الامام:yes:

زعيم العز الأزرق

5/3/2004, 17:42

رائع اخوي رائد

كعادتك رائع ومبدع بكتاباتك

حقيقة موضووع رائع وفيه نوع من التجديد

سلمت وسلمت اناملك

ولاتحرمنا من جديدك

الموج الازرق

5/3/2004, 17:49

روووووعه يامبدع اسلــوب خطير ومتميـــز منك يالكاسر

ونتمنى ان نرى (( ..-- خربشات قلم --.. 2 )) :yes:

تحياتي لك

Y15

7/3/2004, 15:42

(( الحب هو ماحدث بيننا والادب هو كل مالم يحدث))

الاخ العزيز المبدع الكاسر

اعرف انك تحس بعمق تلك العباره التي رسمت بقلم المبدعه والرائعه احلام مستغانمي وإلا لم

تكن لتظهر بهذا الاسلوب والنسج الرائع والمصاغ بطريقه محترفه (على الاقل بالنسبة لي ).

ماكتبت ايها الموهوب لا تكفيه كلمة ( شكرا ) وانما انا هنا لأقول اني فخور لوجودي ورقه في

ملف هذا الموضوع النادر.

لي عوده مرات اخرى

دمت مبدعا وشكرا

الكاسر888

7/3/2004, 22:38

برستيج الغالي

شكرا لوجودك..ولرعايتك البرنامج " الراعي الرئيسي":)

تحياتي لك وألف شكر لك حبيبي

هاجس: والله ياغالي..متابعتك للموضوع..رفعت من معنوياتي ياالغالي

واحلى مافي القصه انها من نسج الخيال

وش دراك:angel:

شكرا لك حبيبي ..

شمس الغنيه: اخ منك..أسمك يذكرني فيها..بنت كرم ..أفضل فنانة عربية في الــ10 سنوات الاخيره

وجودك في الموضوع اسعدني كثيرا اختي

تحياتي لك

منبع الثلج

9/3/2004, 17:33

هلـوين الكاسر ;)

كلمة مبـدع شوية بحقك ... موضووع روووعه
من زمان ما قرينا مثل هالكتابات الي ما تمل وانت تتابعها :yes:

من اول رد وانا متابع معك الموضوع بس توه تجي اللحظه اني ارد عليك ...

الله يعطيك العافيه ... وننتظر الجزء الثاني <<<<=== ما ينعطى وجه :D

تحياتي الك

باي

الكاسر888

12/3/2004, 02:36

فرعون . شكلك متصل على اف ام مو داش الموضوع:)

نوت الموضوع ياخال

عبدالله الزعيم : وشكرا لك اخوي..تحياتي

زعيم العز الازرق...الله يعافيك اخوي..تسلم وشكرا لك

مدرعـم

16/3/2004, 03:36

ياحبي لك يالدب :love: ..

ماحد فاهمني ومقدر المعاناة اللي امر فيهاا غيرك وعلى قولة الحكيم السنغالي يوم قااال (( لوو في ذاااك ياشيخ مافكرت ابيعه :angel: ))..

ياشيخ روووح الله يوسعها عليك دنيا وآخرة فتحت لناا ابوااب كانت مسكرة بوجيهنا واختصرت علينا المشوااار (rambo) (rambo)

ياخوووي انا فيني رومانسية بس مووو عارف كيف اطلعهاا والدليل اني لمزيت زقارة اعرف اطلع الدخااان من خشمي (( لاتواخذه هذي الرومانسية اللي يعرفهااا ))..

يعطيك الف عااافية ياامير المشاعر الانسانية ..

سلااااموووس ..

:magkiss:

إستهلال الهلال

16/3/2004, 19:14

الرسالة الأصلية كتبت بواسطة الكاسر888
<center>

يقولون :
الغلا تحب إنسان وتخلص له
وانا أقول:
تخون الكل لعيونه
.
.
.
.
اليـــــــــــها ..
إلى حلم سكنني ذات صباح
وغادرني ذات مساء..
الكوابيس مازالت تطرق نافذتي ..!!
.
.
.
بدوني تبقين خاوية ..
باقة ورد مجففة ..!!
سأمضِي إلى حيث يتجمع السحاب..
لأذرف دموعي مطراً..
على كفوف الألم..
.
.
.
.
.
إليّ أنــا ..

يوماً ما كنتُ سعيداً ..
كالريـــــاض..
حين تصيبها ربكة المطر
ولا تعرف كيف تستوعبه ولا تترشفه على مهل..
حين تدفعه خارجها فيسيل بلا مأوى..وبلا احتواء!
.
.
.
.
.
إلى الكاســر ..

رغم إعترافك بالقلق ..
إلا إني أجزم بأنك قد أستمتعت
بأن تكون وحيداً تبعثر الحروف في
الفضــاءات الفارغة ..
لتصـل إلى مرحلة الإرتواء
من السيّدة ( كلمــة ) ..
.
.

مبدع بلا شك
ولا تحتاج لشهادة
أحد الذين كانوا يقرأونك .. :)
.
.

تحياتي ..

الكاسر888

16/3/2004, 19:58

الموج الازرق: شكرا لحضورك ورأيك والله يكتب الي فيه الخير

Y15: مداخلتك جميله وشهادتك جميله اعتز بها

أرحب بحضورك أي وقت.. فسنترشف عندها...

منبع الثلج: ماتدري يامنصور فرحتي باي شخص يشجعني وكان يتابع الموضوع من البداية

حضورك أسعدني كثيرا..
الله يعطيك العافيه ... وننتظر الجزء الثاني <<<<=== ما ينعطى وجه

انا اشهد:D

الكاسر888

21/3/2004, 10:24

مدرعم :

لوو في ذاااك ياشيخ مافكرت ابيعه

ايه..ابشرك فهمت:):)

ياخوووي انا فيني رومانسية بس مووو عارف كيف اطلعهاا والدليل اني لمزيت زقارة اعرف اطلع الدخااان من خشمي

ههههههههههههههههههههههههه.. شرفت الموضوع حبيب البي

إستهلال الهلال:

اليـــــــــــها ..
إلى حلم سكنني ذات صباح
وغادرني ذات مساء..
الكوابيس مازالت تطرق نافذتي ..!!
.
.
.
بدوني تبقين خاوية ..
باقة ورد مجففة ..!!
سأمضِي إلى حيث يتجمع السحاب..
لأذرف دموعي مطراً..
على كفوف الألم..
.
.
.
.
.
إليّ أنــا ..

يوماً ما كنتُ سعيداً ..
كالريـــــاض..
حين تصيبها ربكة المطر
ولا تعرف كيف تستوعبه ولا تترشفه على مهل..
حين تدفعه خارجها فيسيل بلا مأوى..وبلا احتواء!
.
.
.
.
.
إلى الكاســر ..

رغم إعترافك بالقلق ..
إلا إني أجزم بأنك قد أستمتعت
بأن تكون وحيداً تبعثر الحروف في
الفضــاءات الفارغة ..
لتصـل إلى مرحلة الإرتواء
من السيّدة ( كلمــة ) ..
.
.

مبدع بلا شك
ولا تحتاج لشهادة
أحد الذين كانوا يقرأونك ..
.
.

........حضور..ممتع لي كثير جدا جدا..شكرا لتشريفك استهلال

.•:*¨`*:•. بنت ملكـعه .•:*¨`*:•.

2/4/2004, 13:41

اخيرررررررررررا رديت..

بس حبيت اقوووووول انو المووووضوع في قمة الروعه...

ومشكووووووور يالكاسر وننتظر جزء اخر..

:noo: :noo:

الكاسر888

13/4/2004, 12:47

بنت ملكعه: مشكوره على ردك ..يس لاتنتظرين شيء:)

s3oodi__

14/4/2004, 03:14

:asno: :asno: الكاسر888

:asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 :asno: :asno: الكاسر888 v

الكاسر888

13/5/2004, 13:52

شكرا لــ إلك

تحياتي

_________________

http://modr3m.jeeran.com/modr3m.gif

sodos

12/3/2005, 13:48

ماشاء الله عليك الصراحة مبدع والله يسلمك

خالدابوسعود

19/3/2005, 17:40

الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v الكاسر888

الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 الكاسر888 v

الكاسر888

18/6/2005, 19:19

يعطيكم العافيه احبابي

وهذا من ذوقكم الرفيع

قناص الرياض

28/7/2005, 19:24

آسف داخل غلط

عموماً عظم الله أجركم

الكاسر888

28/9/2005, 12:32

واجركـ