و يستمر المسلسل!!

[رياض نجد]

محمد الدعيع حارس كبير..من افضل الحراس في اسيا..قدم خدمات كبيرة للهلال و الطائي و المنتخب..حارس نفتخر انه يلعب في الهلال...تعرض لهجوم بعد كاس الخليج لانخفاض مستواه و تسببه في بعض الاهداف..رجع من المنتخب للهلال..الظاهر ان الادارة حبت ترفع روحه المعنوية و تعطيه فرصة لاستعادة مستواه...لعب محمد الدعيع مباراة الهلال و الانصار..مباراة ماكانت صعبة كثير على الهلال..فاز الهلال بثلاثة اهداف مقابل واحد...للاسف محمد الدعيع يتحمل هدف الانصار!!
الغريب و المحير في الموضوع ان الادارة مهتمة بنفسية محمد الدعيع و نست ان عندنا حارس ممتاز لعب الدور الاول و ماقصر..ابدع بمستواه اللي كان ممكن يوصله للمنتخب لولا المجاملة الواضحة للاسماء! حسن العتيبي حارس اكثر من ممتاز...كان بينتهي في نفس السنة اللي جاء فيها محمد الدعيع للهلال..كان حسن متألق في ذيك السنة و جاء محمد و لعب اساسي...كانت صدمة كبيرة لحسن..تحمل هجوم الجمهور و رجع لمستواه المعروف...و مع ذلك لازال البعض في النادي يعتبره رقم هامشي قدام غيره!حارس كبير و ممتاز و ممكن يعطي لفترة طويلة..اخلاقه عالية..اليوم كان مبتسم في الاحتياط...غيره مايرضى يقعد في الاحتياط! ليه نحاول ندمر مواهبنا بهالاسلوب اللي يضر بالفريق؟ حسن...الله يكون في عونك!!

[Rooobinho10]

فعلا حسن الله يكون في عونك ..
يعطيك العافية اخوي ..

[الكواسر]

وليش مايكون مبتسم لأنه إحتياطي للدعيع :angel: :angel:
مانختلف إن حسن العتيبي حارس جيد ولكن أمام الدعيع حتى ولو كان في أسوء مستوياته .......
وياليت أخوي رياض نجد عدم إثارة الموضوع لأنه لايستحق الذكر وإن شاء الله مع رجوع الدعيع للمباريات سوف يستعيد مستواه تدريجا بشرط وقفة الجماهير وتشجيعها له :mad:

[Different]

لا يمكن ان تشعر بالاطمئنان والشاطر حسن في المرمى ...والتاريخ لايكذب....عموما هاللاعب لن ننسى له توقيعه الشهير :nrey:

ويتشرف يكون احتياطي الاحتياطي في الهلال

[اللــواء]

تصدقون ان الخوجلي احسن من الدعيع :fghty: :fghty:

مسيك بالخير يا رياض نجد
اجل الدعيع الي يتحمل مسولية الهدف
ليش ما قلنا المفرج الي هذي خانته ورايح يغطي وراء الدعيع ليش ما قلنا الخثران الي واقف يتفرج

ما اقول الا الله يعافينا من التعصب الي مدري وش يبي :yuupy:

[محب السامي]

حسن العتيبي من زمان مالعب بعد فترة توقف الدوري.

والدعيع جاهز وماشاء الله عليه مستواه جيد .

[crescent]

ما اختلفنا الدعيع كبير ..

وحارس اروع من الرائع .. لكن مستواه نازل شوي ,, لا تكابرون ,,

والعتيبي حرس وبدع .. وكان أحد أسباب انتصارات الهلال المتوالية .. ولا أحد ينكر ..

بس وش يسوي قدره يكون في فريق الاخطبوط الله يخليه ..

انا امس اقولبها في مخي .. العتيبي قدم اروع مبارياته وجزاءه ان ماكان المنتخب فهو اساسي الهلال ..
بس الى جيت للهلال لقيت الدعيع.. مضمونه له أساسي .. ماش عجزت احلها ,,

وش رايكم يقسمون المباريات ,,
وينفذون وعد الرئيس الذهبي أول ما انتقل الدعيع .. من جهه
ويبعدون الارهاق ويحيون روح المنافسة اللي انقطعت بضمانة الدعيع للأساسي بحضوره.. من جهه ثانية ..

ما أقول الا الله يعوضك ويعينك ياحسن