ما كنا الافضل اليوم بس الرياض هو السيئ!!!

[يوسف]

<p align=CENTER>http://rashoody.jeeran.com/besmallah.gif</p>



هلا بالجميع :magkiss:


اول شي الحمد لله على التااهل للنهائي وان شاء الله نحتفل جمييع بتحقييق الكااس ياارب..

بس هالفووز ماينسنااا اغلاااط المباراه الكثييييره فاغلااط مباراه اليوم اكثر من اي مباراه ثانيه بهالبطوله..

فاول هالاخطا من هالباكيتا :zael: قسم بالله هالانسان يرفع الضغط ولا ادري بعض الاحيان وشلون يفكر!!
فمادري وش يبي بهالخثران العله ماهضمته بالظهير الايسر يلعب بالظهير الايمن ياعاالم وش الفايده من هالاعب والله ماعنده سالفه ولا يدبرها ومع هذا يلعب اساسي مع الفريق الاول بوجود الجري ومضوااح :slv: :slv:
فابي احد يعطييين كوره صح لعبها اليوم والله كل لعبه خطا في خطا ومن غيير نفس كن احد غاصبه يلعب!!
ومع هذا اكييد مع هالمدرب تبي تشوفه اساسي بالنهائي :slv:

وبعدين وش معجب هالباكيتا باللي اسمه عبدالله غازي ياعااالم ذا لاعب كوره ولا وش وظيفه بوسط الملعب؟؟
هذي ثاني مباراه يلعب فيها اساسي هالسنه ولا ادري طواال هالوقت اللي لعبه وش سواء والله انه عااله على الفريق كور مقطوعه كثيير فاولاات حدث ولا حرج واكثرها بدون مناسبه :slv:
وودي اعرف معقووله هالاعب يكون افضل من الجري او اقل شي مستوى مثل مستوى الجري؟؟
والله ان مستوى الجري افضل من هالغازي بمليون مره شفتوا يوم دخل الجري حرك الجهه اليسار وتحرك مهوب واقف يسوي فاولات واذا وصلت له الكوره لعبها باي مكان :zael:

اما بالوسط من رايي مع فريق مثل الرياض مايحتاج تلعب بمحورين فجاك هالباكيتا ملعب ثلاث محاور!!
مع ان دور الغامدي مكان محور مع الغنام والبرقان ولكن الاعب امكانياته ماتسمح بان يلعب وسط متقدم بس اشوفه اهوون بوااجد من مازن الفرج اللي افتكيناا منه اليوم..
ولكن من رايي يفترض لعب بالغنام بالمحور لحاله بدون البرقان لان ماشاء الله عليه الغنام يغطي مركزه وزياده ولا يحتاج لمحور ثاني يساعده بالذات الفريق اللي قدامه مثل فريق الرياض..

اما كماتشو فانا اشوف يرتاح بالنهائي ويريحناا من بربسته بوسط الملعب فلييت نشوف الشلهوب او سعد الدوسري بدل هالكماتشو..

اما العنبر والصويلح فهم ماجتهم كور من لاعبين الوسط لان مافي صانع لعب يجعل المهاجم امام الباب مثل الشلهوب او سامي او الدوسري..
ومع هذا ماقصروا تحركوا على الاطراف وبوسط المنطقه فهم افضل من غيرهم بكثييير لا ديسلفا ولا امثاله العلل..


اما ظافر البيشي!!!!!
ابصراحه هالحارس غريب بالحييل فقلتها بعد مباراه الوحده الماضيه هذا مهوب هو مستوى ظافر فهو افضل بكثيير ولكن شكل بعده عن جو المبارياات من زمان من ايام الاتفاق اثر عليه وااجد..
فهدف الرياض مايسجل بحارس مبتدي اجل كوره مهب صعبه تفلت من يده بهالشكل واذا كان شايف ان الكوره قويه او صعبه المفروض يردها على الطرف مهوب بوسط الزحمه..
ولكن بعد نهايه المباراه كاان اكثر الاعبين فرحه بالفوز مهوب علشان التاهل للنهائي لالا بس علشان محد يقول انه اي شي ويبي الهلااليين ينشغلون بالفرحه بالفووز وينسوونه..

بس اذا شاف المدرب بانه بيستمر بهالشكل بالنهائي اتمنى يلعب بالنهائي عبدالله المعيوف فهو حارس متمكن وواثق من نفسه بوسط الباب ماشاء الله عليه..

واتمنى من كل قلبي يختار باكيتا افضل الاعبيين بالنهائي ويريحناا من الخثران وغازي ومازن الفرج وديسلفا وافضل لاعب يموهه على نفسه فهد سرور :zael:

وليته يلعب الجري اساسي باليسار لان مانبي نضحي بمضواح وحنا محتاجيينه اكثر ببااقي المسابقاات والجري مايقل عن مضوااح..
وبعد اتمنى اشووف الاعب الجديد احمد عسيري بالوسط الايمن اساسي لانه رااح يفييد الفريق وااجد وبيصنع الكثيير من الاهدااف للصويلح والعنبر باذن الله انتظروا ;)
وليت نشوف لاعب خبره يفيد الفريق بمباراه نهائيه مثل الذيب سامي فهو رااح يقدم الكثيير لهلاالناا اذا لعب اساسي باذن الله..


وان شاء الله الامير محمد بن فيصل رااح ينااقش هالمدرب بهالغلطاات واكثر لان مهوب كل مره تسلم الجرا ويجي التعادل باخر دقيقه من المباراه وهدف الفوز بالوقت الضايع..
وان شاء الله نشوف يوم الاربعاء افضل المستويات ونشف سامي رافع الكاس باذن الله..




وتحياتي للجميع:)

[يوسـ15ـف]

الف الف الف الف مبروووووووووووووووووك الفووووز وعقبال الكاس باذن الله
وعلى قولك ياسمييي مب كل مره تسلم الجره وكلنا متحمسسسسسسييين نشوف اللاعب الجديد احمد عسيري والله يوفق الهلال دايم

[هلالي للنخاع]

كلامك والله فيه اشياء واضحة مثل موضوع الخثران وترى عبدالله عازي مركزه ليس ظهير ايسر بل ايمن

انا ما ادري وش بيسوي خاصة وديسلفا بيرجع والمرشدي اصيب !!!!!!!!!!!!!!!!!!!!!!!! :eek:


شكله بيلعب عزيز محور :yuupy:

[مقصيه]

هلا داج
واللي مجنني ان المدرب يقول ما احب اختراع فـي المراكز
...اهم شيئ الثلاث نقاط والتاهل للكاس
وان شاء الله يتم تلاشي مثل هذه الاخطاء في مباراة الاتفاق
ويفوز الزعيم باذن الله
وتحيتي لك

[@r3ad@]

هدي يابو يعقوب .. الحمد الله الفوز وحققناه اما بالنسبه للامور الاخرى.. بتنحل ان شاء الله ...
الخثران رفعة الهدف الثاني اهو اللي رفعها .. والبيشي "له ظروفه الخاصه اللي حكاها ابو لطيفه " .. ومايعني هذا انهم ابطال لا بالعكس تماما مستواهم هابط .. واتوقع اسلوب لعب الرياض ماساعدهم ....

عموما المباراة انتهت والحمد الله على الفوز وان شا الله يتجاوزون الاخطاء المدرب واللاعبين ونفوز الاربعاء "ونتمنى نشوفك بالملعب :mad: "


باااي داج

[هلال الكون]

المهم الحصول على الفوز والكأس باذن الله؟؟؟؟؟؟؟؟؟؟؟؟؟؟؟؟؟

[ولد جده]

هلا أخوي داج .

والله ما هو مجاملة للكابتن أحمد عسيري لاكن اللي يعرف اللاعب عن قريب ويعرف إمكانياته يبصم بالعشرة إنه لا فهد سرور ولا مازن الفرج أفضل منه ويكفي إنه في أول مباراة تجريبية وهو لم يتعود على أجواء النادي أذهل الحضور بمستواه فما بالك والأن قد أمضى أكثر من عشرين يوم في النادي وحسب علمي بأنه في التمارين دائماً مايبدع ولاكن في النهاية هذه قناعات مدربين .

[هلالي وبسسسسس]

مبروك التأهل وعقال الكاس بإذن الله :mad:

[شفشوفي]

الف الف مبروك :mad: وهذا ماهو غريب على الزعيم :yes:
الأخ الغالي داج :yes: مساك الله بالخير
تصدق إنك ريحتني من الكتابة لأن كل ماكنت سأكتبه وجدته هنا :yes: وفضلت التعليق على بعض النقاط التي وردت في موضوعك :-
اول شي الحمد لله على التااهل للنهائي
الحمدلله والمهم التأهل وحصل وهو الهدف الأساسي :asno:
بس هالفووز ماينسنااا اغلاااط المباراه الكثييييره فاغلااط مباراه اليوم اكثر من اي مباراه ثانيه بهالبطوله..
نعم فيه أغلاط :yes: ولكن أحس إنك بالغت فيها :hgfd:
فاول هالاخطا من هالباكيتا قسم بالله هالانسان يرفع الضغط
ياخوي أنا قلتلك مدرب قدير :yes: وكيف يرفع الضغط والهلال فاز :mad:
ممكن بالله أسألك سؤال / لو خيروك أن الهلال يقدم مستوى رائع ويرسم لوحات فنية جميلة ولكن يخسر المباراة ويخرج من البطولة :slv: أو أن يقدم مستوى جيد على الأقل ويتوج بفوز والتأهل للنهائي :yes: بالله أي الخيارين تختار !! لأن المستوى ممكن تعويضه والخروج لا .
باكيتا لعب للخيار الثاني :yes: وأنا من وجهة نظري هو الصح :yes:
كلامك عن اللاعبين أنا معك فيه إلا في
اما العنبر والصويلح فهم ماجتهم كور من لاعبين الوسط لان مافي صانع لعب يجعل المهاجم امام الباب
أنا أرى أن الصويلح خطأ إشراكه :hgfd: وكان العلي المفروض هو من شارك :eek:
وبعدين ليش الهلال ما يعرض العلي للإنتقال ! لأنه إذا كان ليس مؤهلا باللعب مع الأولمبي كيف يشارك مع الأول :eek:
وأنت تقول :-
وليت نشوف لاعب خبره يفيد الفريق بمباراه نهائيه
غريبة موجود :slv: العلي قناص ونهاز للفرص :yes: لكن لا تعليق :slv:
ويجي التعادل باخر دقيقه من المباراه وهدف الفوز بالوقت الضايع..
المباراة تسعين دقيقة :asno: والهدف يكون أحلى في الدقائق الأخيرة :mad:
وماتفرق في أول المباراة أو بالوقت بدل الضائع :asno: المهم الفوز :mad:
وليت نشوف لاعب خبره يفيد الفريق بمباراه نهائيه مثل الذيب سامي فهو رااح يقدم الكثيير لهلاالناا اذا لعب اساسي باذن الله..
خذها مني سامي سيشارك في المباراة النهائية :hgfd: وما أعتقد يفوت هذه الفرصة :p
وسوف يكون أول إسم في التشكيلة الأساسية :fghty:
وان شاء الله نشوف يوم الاربعاء افضل المستويات ونشف سامي رافع الكاس باذن الله..
هذي والله ما أقدر أقول شيئ فيها لاني بصراحة لا أعرف مستوى الإتفاق ولم أشاهد له أي مباراة
في هذه البطولة :fghty: لكن تدري قبل المباراة النهائية :asno: سوف أكتب موضوع بعد مشاهدة ومعرفة مستوى الإتفاق :fghty: وكذلك معرفة التشكيلة الهلالية التي سيدخل بها المدرب المباراة وياقولك مبروك :mad: أو هاردلك :fghty: قبل المباراة :yes: يوم الثلاثاء.
وتقبل تحياتي
شفشوفي :noo:

[يوسف]

هلااا
الف شكر للجميع على المشاركه:)


كلامك والله فيه اشياء واضحة مثل موضوع الخثران وترى عبدالله عازي مركزه ليس ظهير ايسر بل ايمن
انا ما ادري وش بيسوي خاصة وديسلفا بيرجع والمرشدي اصيب !!!!!!!!!!!!!!!!!!!!!!!! :eek:


شكله بيلعب عزيز محور :yuupy:

لا يالغاالي غازي مركزه الاصلي ظهير ايسر مهوب ايمن ولا يغرك دخوله بمباراه الانصار بانه لعب ظهيير ايمن لان ذاك اليوم توهق المدرب وماكان عنده احتياط مدافعيين ولا اظهره الا غازي فلعبه ظهيير ايمن وحط الخثعمي قلب دفاع مكان المرشدي..
فلو تذكر بطوله الصداقه قبل الماضيه لعب غازي اساسي باول مباراه لهلالنا بالبطوله قدام عسير ولعب ذاك اليوم بمركزه الاصلي ظهير ايسر وانطرد باخر المباراه..
وتحياتي لك:)



@r3ad@
اتمنى اكوون بالملعب يووم الاربعاء ولكن من اليووم للاربعاء بنشووف وش هي الظرووف:)
والله يوووفق هلاالناا لتحقييق الكاااس يااارب..
وتحياتي لك:)

[SAUD ALHILALI]

أخوي داج مساك الله بالخير :)

ياخي أعزك وأحترمك لكن بصراحه موضوعك (حادرله) شعيب :amle:

نشوف بعض النقاط من موضوعك :jeng:

00
00

فابي احد يعطييين كوره صح لعبها اليوم والله كل لعبه خطا في خطا ومن غيير نفس كن احد غاصبه يلعب!!
الخثران !!!!! عيني عليه بارده اليوم .. ما شاء الله تبارك الله .. رغم ابتعاده كثيراً عن التشكيل الأساسي إلا أنه اليوم ما قصر .. واذا ودك تعرف شي سواه الخثران اليوم ارجع للهدف الثاني الذهبي تجد أن الخثران قاتل على الكرة وسحب المدافع ورفعها ولا أحلى وسط منطقة الجزاء !!

اما كماتشو فانا اشوف يرتاح بالنهائي ويريحناا من بربسته بوسط الملعب فلييت نشوف الشلهوب او سعد الدوسري بدل هالكماتشو..
مع احترامي لكـ .. كماتشو لاعب أكثر من رائع .. ووجوده في الفريق أمر هام .. وياعيني على البربسة إذا جلبت لنا المتعة والفائدة للفريق !! ياليت كل الربع يبربسون مثله :yes:

اما العنبر والصويلح فهم ماجتهم كور من لاعبين الوسط لان مافي صانع لعب يجعل المهاجم امام الباب مثل الشلهوب او سامي او الدوسري..
قليلاً من المنطق اخوي داااج .. فريق الرياض متكتل بتسعة لاعبين في منطقة الجزاء منذ منتصف الشوط الأول فكيف تريد من لاعبي الوسط وضع المهاجم أمام المرمى .. بالعكس لاعبي الوسط اليوم ما قصروا .. حاولوا بشتى الطرق ايصال الكرة للمهاجمين لكن فريق الرياض لعب اليوم باسلوب دفاعي غريب .. النقطة الوحيدة التي تحسب على لاعبي الوسط اليوم هو اغفال التسديد من خارج منطقة الجزاء .. شاهدنا كماتشو عندما حاول مرة واحدة فقط أصاب العارضة .. فكان من المفترض لباكيتا ايعاز اللاعبين بالتسديد من خارج المنطقة في ظل التكتل الدفاعي القروني :zael:


تحيتي لكـ اخوي داج وآسف جداً على المداخله :)

[Rooobinho10]

الخثران انت متحامل عليه كثير ... وبالنسبة لغازي فهو يلعب في غير مركزه ...

[وردة الهلال]

خذها مني سامي سيشارك في المباراة النهائية وما أعتقد يفوت هذه الفرصة
وسوف يكون أول إسم في التشكيلة الأساسية

الله يوفقه و يرفع الكاس و يزيد كاس و يقهر المحنطين :p

بصراحة كلامك اخوي داج مركز .. و اتمنى بعض النقاط ما تكون صحيحة

خصوصاً مستويات اللعيبة ( ما شافت المباراة :N: )

و الله يوفق الهلال دووووم و يفرحنا في لعيبتنا كلهم

و خصوصاً اللي مشين سوق الصيدليات :p

تحياتي لك

[SHMAK]

هلا بك يا داااج ،، ومبروك عليك وعلينا الفوز الجميل ،، واسمح لي عزيزي داااج ،، تراك قسيت على نجوم هلالنا كثير ،، وتقبل تحيات محبك شماخ .. :) :) :)

[يوسف]

السكري
هلا بالقطووع:)

رايك واحترمه يابعدي..
وكل الموضوع رايي الخاص فيني يعني فيه من الخطاا مب لازم يكون كل مااكتبه صحيح بوجهه نظرك او بوجهه نظر بقيه الاعضاء:)
اما الخثران هي كوره الهدف الثاني اللي رفعها لاخر الملعب وزين حصلت الموري وكملهاا بالمرمى..
اما غير هالكوره شف يابعدي مافي اي كوره صحيحه له كل كوره مقطوعه حتى انه قتل اكثر من هجمه هلااليه ورجعت علينا مرتده خطيره!!

وبالعكس نورتناا وشرفت هالموضوع المتواضع وخلناا نشوفك دووم مهوب بالسنه حسنه..
وتحياتي لك:)



الخثران انت متحامل عليه كثير ... وبالنسبة لغازي فهو يلعب في غير مركزه ...
الخثران وقلت ذا رايي يعني منب مااشوف اني متحامل عليه ولا شي من هالامور ياخوي..

اما غازي فمركزه الاصلي ظهير ايسر ومثل ماقلت للغالي هلالي للنخاع معروف غازي من يووم ماشفناه بهالمركز ظهير ايسر ولا تغرك هالكم دقيقه لعبهاا بمباراه الانصار بالظهير الايمن فلو رجعت لمباراه الانصار شف وهو بمركز الظهير اليميين وشلون يلعب الكوره لازم يعدل نفسه ويلعبها باليسار..
وبعدين لو مركزه ظهير ايمن والخثران معروف يسار كان لعب باكيتا الخثران ظهير ايسر وغازي مثل ماتقول انت بمركزه ظهير ايمن!!
وتحياتي لك:)



SHMAK
والله ياخوي رافعيين ضغطي طوال تسعيين دقيقه مهوب بس انا الا كلناا على اعصابنا اليين جاء هدف التعادل..
واللي يقهر اننا مهزوميين وبعض الاعبيين ماغيير يحوسون من لعبهم الخاطي وكورهم المقطوعه حتى والله من القهر بغييت اصك التلفزيون بعد وحده من كور الخثران المقطوعه حتى لو لاعب مبتدي مايلعبها بهالشكل وهو محسوب علينا لاعب اكبر من 23سنه!!
بس الحمد لله اللي جاء التعادل وعقبها الفووز وترى مهوب كل مره الواحد ينتظر طوال تسعيين دقيقه علشان يجي التعادل لا وتخاف تنتظر ومايجي شي بمباراه مهمه مثل ذي خروج مغلوب :zael:
وتحياتي لك:)

[الحب الكبير]

باكيتا ومادراكم ماباكيتا

مدرب يخلي الجري احتياط ويلعب عبدالله غازي الي ماادري وش معجبه فيه ضمك ويخب عليه لا والي يقهر ابثرنا هالمدرب الخبل بالمباراه قازي وياشرله ارجع ورا الظاهر انه يحسبه اشلي كول



والا كماتشو ياهو وسطنا فاضي بوجد هالعله

اما المصيبة الكبرى العنبر فهو جسم من غير عقل


احسن مافي المباراه هو مستى ماجد المرشدي ماشاء الله عليه يتطور بكل مباراه يمكن انه مبدع اليوم عشان الي جابه كان متكي بالمنصه

ان شاء الله نشوفه في المباراه الجايه



الا ياشباب الهليل وينهوبه مختفي لاحس ولا خبر

[ماجد الناصر]

اهم شئ تأهلنا ومبروك داج :)
وان شاء الله البطوله هلالييه :)

[ابوسعد الهلالي]

داااااااااااااج...

تسلم يخوي على هالتحليل..ولكن كلها وجهات نظرقد تخطئ وقد تصيب :yes: ...

وأهم شي الفوز وجاء الحمد لله.. ونبي ننسى الماضي ونفكر في النهائي ونتجاوز الأخطاء السابقه...

وعقبال الكآس عشان نهديه لهالرئيس الشاب :asno: ليجني ثمار عمله من بداية الموسم...

والله يستر من الأتفاق ..ورانا ورانا في هالنهائي للعام الثاني على التوالي...بس ان شاء الله رجال الهلال قدها وبيردون الدين لهم ان شاء الله... :mad:

وتحياتي للجميع
أخوكم / ابوسعد

[الـــبـــتـــار]

أشاركك الرأي أخوي ابو يعقوب بالنسبة للخثران وعبدالله غازي

ولكن حسنة الخثران الوحيدة رفعة الكرة التي تسببت بالهدف الثاني أما غير ذلك فهو مثل دوا الجمعة :d

[ابو عبدالمجيد]

فاول هالاخطا من هالباكيتا :zael: قسم بالله هالانسان يرفع الضغط ولا ادري بعض الاحيان وشلون يفكر!!
فمادري وش يبي بهالخثران العله ماهضمته بالظهير الايسر يلعب بالظهير الايمن ياعاالم وش الفايده من هالاعب والله ماعنده سالفه ولا يدبرها ومع هذا يلعب اساسي مع الفريق الاول بوجود الجري ومضوااح :slv: :slv:


حبيبي الغالي داج بالعكس الخثران كويس في الظهير الايسر وافضل من مضواح بكثير
لكن انا اللي استغربت منه ان الخثران يلعب ظهير ايمن

واتمني وضع تشكليه قويه للمباراة النهائيه والحصول علي الكاس :noo:

[moad3_sa]

اقسم بالله انك قلت اللي في بالي :yes:

وهذا الكلام الصحيح بس وين اللي يفهم

اشباه لآعبين تلعب والاجدر والافضل في الاحتياط

والمشكله انه انا متأكد 1000% انه ما راح يتم اي تعديل على

التشكيل او الخطه المباراة الجايه اللهم ديسلفا بدال العنبر :rolleyes:

[يوسف]

هلا بالجميع:)

شكرا للجمييع على المشاركه..


ابو عبدالمجيد
حبيبي الغالي داج بالعكس الخثران كويس في الظهير الايسر وافضل من مضواح بكثير
حراام عليييك ياخووي الخثران الحيين افضل من مضوااح والا من الجري والله فرق بين مستواهم ومستوى الخثران اللي كاان امس عاااله على الفريق :zael:
ومع هذا تظل ذي وجهه نظرك احترمها:)

وتحياتي للجميع..

[صقر الدوحه]

هلا اخوي داج مبروك الفوز والتأهل الى النهائي

اتفق معك اخوي داج في رايك وان معك ان المفروض اشرك احمد اجري في الظهير الايسر والاعب عبدالله غازي ما اعجبني و الخثران مقدم مستوى جيد وانتمناء في النهائي ان يكون الشهلوب او سامي مكان كماتشو لانه ماقدم مستوي جيد واتمناء ان نشوف احمد العسيري في النهائي وانا سمعت عن هذا الاعب كثير او اتمناء ان اشاهده وشكراً

[ps3]

عمر الغامدي