علمني من أنت أقول من انت

[ابوفهد]

ياخي أي واحد يعلمني منهو أقول له منهو:D

صراحه الواحد قام يوجعه راسه من هالبشريه كل شوي واحد طالع لنا بتقليعه جديده:yuupy:

اللي يقول نوع جوالك؟ ماهوأقول لك من انت
واللي يقول لون عينيك؟ أقول لك من انت

واللي يقول لون شعرك؟ أقول لك من أنت
واللي يقول طعامك ماهو؟ اقول لك من أنت

واللي يقول ماهو أسمك؟ أقول لك من أنت
واللي يقول لونك المفضل ماهو؟ أقول لك من أنت

:noo: :amle: :kello:

الصراحه تعبنا من هالخرابيط الدخيله علينا
يعني الواحد معروف من هو وحكي الفلاسفه مانبيه
ولو قلت لي من أنا ماصدقت انه هذا هو أنا.. لأني أعرف من أنا:yes:

والشيء الثاني أنه عادة أصبحت تتخذ كوسيلة إغرائيه للتعرف على قائمة الأعضاء وطبيعتهم
وهذا يعتبر فضول ماعقبه شيء:sheto:

والشيء الثالث أنه عادة قبيحه دخيله على المجتمع ولاتمت للدين بشيء:q:

وترى هذا مجرد موضوع طرحته للنقد والمناقشه وياهلا بالجميع

تحياتي:p

[ريمانة]

طيب انا ريم قلي من انا:angel:


والله انك صادق صار منتدى نفسي:D

سلام:)

[ابوفهد]

اوفكورسنه ريموه اللي هي ريم وتدلع روحها بريمانه بنت ابو ريم ساكنه في بيت ابوريم وانت ريم:D

صح لسانك صار منتدى نفسي وياليته نفسي صدق الا قرقعه وخرطي:amle:

تحياتي:p

[بـحـر]

هلا ابو فهد

لا تزعل ... وسع صدرك ... خل اخلاقك سياحيه :jnbg:


طيب خذ عندك

اذا انت تاكل البخارى فأنت رجل كبير البطن


واذا انت تاكل البريانى فأنت رجل طويل القامه


اما اذا انت تاكل الكابلى فأنت تحب السوبيا:kany:


:angel:

[alhilalia_9]

ههههههههههههههههههههههههههههههههههههههههههههههه حلوووووووووووووه ابو فهد :D
بس المواضيع هذي بعضها تحمس

[الشاطر]

هلا ابوفهد

مشكور علي هالموضوع

وبالتاكيد التقليد الاعمي هو السبب:(

[بدر]

بالعكس والله انها مواضيع رهيبه:D :D ... انواع الضحك احيانا فيهاخاصه اذا تدخلوا الداجين في الموضوع:D :D

[ابوفهد]

بـحـر : انا مازعلت بس زهقت:D هذه عاد بالله عليك مواضيع تطرح؟!

alhilalia_9 : هههههههههه قصدك تحمس القلب وتقهره:zael:

الشاطر : هنا مربط الفرس(التقليد الأعمى) هو المصيبه ويمكن بعد صارت موضه الله يستر بس:(

بدر : موتك من هالداجين ههههههههههههههههههههه:rolleyes:

تحياتي:p

[هلاليه بالفطره]

وسع صدرك .. هي بس مجرد تسليه :D وماحد ياخذها صدق :yes:

[الـــــــعندليب]

وس صدرك:nrey: واركب سدرك:angel:

[حكيم2000]

ما عندكم روح رياضيه وين الخلاق اللي جمعتنا في المنتدى<======ابعدوا عن طريقه بيسوي محاضر لا نهاية لها:D
انا(.......)
عمري(...................)
ساكن في مدينة(..........)
مشارك في منتدى(.................)
مشاركاتي ععدها(.....................)
اسمي في المتدى(.........................)
من انا اللي يجيب الجواب له جائزه مقدمه من شركة هاوي الهلال وشركائه<===مسكين هاوي حطيتها في رقبته

[جـــلال]

الغـــــــالي : أبو فهــــد

أذا كان اللي أنا أسويه أنا وزميلة المهنه(عنود الصيد) يضيق صدرك,,:req: :req:

أبشر على ذا الخشم ماعاد أكتب مواضيع,,

وصدقني هي للتسليه أكثر منها للمعرفة الشخصيه,,

بس ليكن في معلومك أن الاخوان بيفتحون لنا منتدى أسمه (المنتدى النفسي),,

بأشرافي أنا وعنود,,

أياني وأياك أشوف تعتب علينا (بحش ريولك حش),,:D :D

تحياتي لك ,,

[السيناتور]

هلا وغلا ....

بصراحة كلامك حلو وعلى عينا وراسنا .....

بس اذا كان معرفة الشخصية معتمده على اساس علمي ....

يعني فيه بعض الاعضاء يحط لنك .......

وهذا بحد ذاتها تسلية اللي انك تعرف وش انطباع الناس عنك ....

وهو صحيح ان الشي اذا زاد عن حده انقلب ضده ...;)


تحياتي

[ابوفهد]

هلاليه بالفطره :كان كذا ماعليش:D

shapah : ورى ماأركب شبح :lsaon:

حكيم2000 ::req: :req:

جـــلال :ايه يا اخينا إنته بأولك ايه أرفع يديك أحسن لك:lkj: دنت رحت في دهيه:guns: وشكلك بئه كدا:cry: وأنا بئيت كدا:sher: وحآخد عليك تعهد زي دا:nrey: ماعادتش تتكرر منك ياولد:hgfd:

السيناتور : هم بس متى يحطون موقعي نفسي كان هالحكي نفسي:amle:

تحياتي:p

[ابو الذهب]

هلا ابو فهد وشفيك زعلان ترا زى ماقالوا المسئله سعه صدر
بس تدرى عناد لك بكره بنزل موضوع :
قلى وش نوع شماغك اقول لك نوع نعالك :D

[TOTTI- 10]

اقول يا ابو فهد اذكر الله هد اعصاب لا تتهور :D :D :D

[عنود الصيد]

ههههههههههههه


وش فيك اخوي ابو فهد .. وسع صدرك :angel:


بعدين ليه ناوي تقطع رزقنا :mad:



شف هو يا ان الواحد يصدقها ويقول اللي عنده و يكشف حاله , أو انه مايشارك خير شر :sher:

أو انه مايصدقها ويشارك يوسع صدره ويدج شوي , أو انه بعد مايشارك بعد خير شر :jnbg:

يعني ما احد ضارب احد على يده ويقوله الا غصب شارك :rolleyes:



بس بيني وبينك ثلاثة ارباع النتايج تطلع احيانا صح و اسألني عنها :sher:



ومايصير خاطرك الا طيب , بس خلهم يفتحون لنا منتدى خاص فينا واضمن لك ماتشوف خلقتنا ثاني:kany:


ووسع صدرك:angel:
و بــايـات:D

[ابوفهد]

ابو الذهب: ترى من جد أنت شكلك تتكلم:D طيب قل لي تلبس اي نوع الثياب أعلمك وين مفصله فيه:req:

توتي : هلا قلبي تراي مهدي الوضع والأعصاب عقب هزيمة الزلايب حقين البارحه:sheto:

عنود الصيد : شكل هالمنتدى بيصير شعلله وبتنحاس الدنيا وبتزداد الأمراض النفسيه بسبب الوهم هذا إذا هو اللي تسونه فعلا نفسي ... لكن أقول الله يعظم اجر اللي بيشارك فيه ... أكيد موب رايح فيها:slv: :jhgy:

تحياتي:p