اسأل واستفسر عن كل مشكله تواجهك في photoshop6.0,5.5,5.0,4.0 [الأرشيف]

زيـziyadــاد

8/3/2002, 01:33

السلام عليكم

كيفكم اليوم شباب؟؟

هذا موضوع نستقبل فيه كل الاستفسارات عن الفوتوشوب بكل اصداراته السادس والخامس والرابع

وان شالله الاشياء للي تصعب عليكم او يصعب علي شرحها بالكتابه فقط راح اشرحها بالصور باذن الله..

فاستغلو ا هالفرصه..

:) :) تحياتي للجميع

شقراوي

8/3/2002, 01:52

هلا زياد

معليش اسأل:rolleyes:

1) الفوتوشوب في الاواني الاخيره ما صار يكتب عربي ..

يعني لو اكتي مثلا "خالد" يطلع لي خـ[][][][][]د
كيف احل المشكله:( ؟؟

2) ابي اكتب بالخط اللي انت كاتب به زياد في توقيعك..كيف:p

وشكرا لاتاحة هذه الفرصه:)

Nesta_13

8/3/2002, 03:14

السلام عليكم
بالنسب لسؤالك الأول :
اذا كان الفوتوشوب يدعم عربي يعني في اسمه تلاقي (ME) إذن المشكله هذه تجيك من الخط نفسه
والتعرف عليه من النفس البرنامج .
اما لو كان الفوتوشوب اللي عندك مايدعم العربي يعني مافي في أسمه (ME) فالسبب هو ان البرنامج مايدعم العربي

السؤال الثاني :
الخط اللي كاتب فيه اخونا زياد اسمه هذا خط يديه ..
وهو منعم حوافه بواسطة برنامج خاص بهذا الشي اسمه أدوبي استريم لاين .. وأذكر أن الأخ زياد
عنده درس حول هذا البرنامج :) عاد قوله ينزله

زيـziyadــاد

8/3/2002, 19:06

:yes: يا سلام عليك يا نستا..

=====

شقراوي..بغيتك ضرووري..تعال بسرعه ابيك zad2u@hotmail.com

هلالي متيم

9/3/2002, 15:26

أخ زياد :- ياليت تجهز تصميم للزعيم مع كأس الكؤوس العربيه المقامه حالياً في تونس،،،يعني تجهزها بعد مايفوز باالكأس إن شاء الله ،،لأني متفائل بالفوز،،بتقول لي واثق من الفوز؟؟أبقول لك ،،نــــعـــــم ،،لأني هلالي والهلالي بطبعه متفائل،،ياالله ورنا همتك يازياد

زيـziyadــاد

9/3/2002, 15:59

:) :)

ابشر ولا يهمك..

الشاطر

9/3/2002, 19:42

مشكور زياد علي هالبادره الجميله

طيب ممكن تشرح لي كيف تصميم صوره تتحرك:yuupy:

زيـziyadــاد

9/3/2002, 20:43

:) والله يالغالي هذي اما انك تصمم صور بالفوتوشوب بعدين توديها لبرنامج مختص لـلـGIF

او

ببرنامج الفلاش

او

ببرنامج السويتش

:)

الشاطر

10/3/2002, 19:33

ياغالي انا مانيب اقصد السويتش او الفلاش

بالعربي الفصيح كنت ابيك تشرح برنامجAdobe ImageReady 3.0 ME

المرفق مع الفوتوشوب 6

ياليت تشرحه

زيـziyadــاد

10/3/2002, 19:40

:rolleyes: والله مااعرف لهالبرنامج..

الله يهديك ورى ماسألت عنه من الاول؟؟:rolleyes:

الشاطر

19/3/2002, 00:34

السلام عليكم ورحمه الله

ابي اعرف كيف الدمج في الفوتوشوب

طبعا الاصدار السادس

وشكرا لكم

محمد

20/3/2002, 00:46

اهلين اخوي زياد

وشكور على الموضوع لان دايم الواحد تجيه عائق سواء في الفوتوب او غيره

بس بغيت شرح مبسط وان كان موسع جزاك الله خير عن الاكشن وطرق التعامل معه في الفوتوشوب 5

واااااه لو يكون بالصور من جد راح اغليييييك
لا تزعل تران اغليك من زمااااااااان
<==== متى المعرفه:D
لا اخوي انت غالي وعزيز.....

تحياتي
محمد

زيـziyadــاد

20/3/2002, 15:32

:) حيا الله الشباب كلهم ..:)

اخوي الشاطر..

هذي 3 طرق لدمج الصور شرحتها في درس سابق..:)

تفضل هنا (http://zad2u.8m.com/dars2.jpg)

حمودي..والله حاليا ماعندي فوتوشوب 5 ..لكن اعتقد ان الطريقه وحده في جميييييع الاصدارات :)

طرق التعامل معاها سهل جدا..بمجرد الضغط عليه يشتغل الاكشن :)

الشاطر

30/3/2002, 18:05

هلا زياد

الربط لايعمل هذا اولا

وثانيا هل تملك تصميم فيه خلفيه تصميم هندسي اسلامي؟

سلام

زيـziyadــاد

31/3/2002, 22:03

سو تديث للرابط كذا مره ويشتغل ان شالله

اما التصميم فمافهمت قصدك بالضبط :req: كيف يعني هندسي؟؟:noo:

الشاطر

3/4/2002, 00:38

طيب ممكن تشرح لي كيف اسوي شبكه او خطوط خفيفه بالحلفيه

يعني مثل اللي بتوقيعك

هلالي ونص

4/4/2002, 16:14

يا تشرحولنا وتعلمونا شلون نسوي خطوط خفيه زي تصميم شرقاوي ازرق وشكرا

وانا مع الشاطر نبيكم تعلمونا وشكرااا :)

_ _ _

ممكن فلتر kpt5
وشكراااااا

_ _

ممكن تقولولي شلون اسوي اشعه من النص

وشكراااا

:)
باااااي

زيـziyadــاد

8/4/2002, 11:02

الشرح قادم لكم باذن..هو تحت الانشاء الحين :)

كلها أيام ويكون عندكم :)

زيـziyadــاد

10/4/2002, 19:45

خواني الدرس وصل.....

الجزء الأول (http://64.119.166.172/imagee/images/dars6-1.jpg)

الجزء الثاني (http://64.119.166.172/imagee/images/dars6-2.jpg)

تمنى انكم تستفيدون واعذرونا على التأخير والقصور :)

طـ 2002 ـعـس

10/4/2002, 19:59

لـــــــو سمحت ..

درت على هالمنتدى كله وخااصة الفلاش والتصاميم ..

ونا أطلب خلفية بالفلاااش أو الفوتوشوب إذا ماحصل ..

بس محد معطيني وجه ،،
:(

بالله عطني وجه وحقق امنيتي ;)

ابي يكون فيه :

اسمي : طــ 2002 ــعــس
الايميل : m_alzeed@hotmail.com

ومكتووب عليه : الهلال (( تكفى ))

انتظرك اخوي ومشكوور

تحياتي واحترامي مع اعتذاري

:love:

طـ 2002 ـعـس

10/4/2002, 20:01

اعذرني

شكراااااااااا

زيـziyadــاد

10/4/2002, 21:36

مساك الله بالنور

هلا يالغالي

اخوي شيك على صندوق رسايلك بالله

طـ 2002 ـعـس

10/4/2002, 22:54

معليش ياخوي على الازعااج ..

بس تكفى ابي توقيع زي ما قلتلك الله لا يهينك

إذا سمحت ،،

;)

ولك تحياتي واعتذاري

أخوك : طــ 2002 ـعـس

زيـziyadــاد

12/4/2002, 14:09

:kello: يالغالي باللغه الفصيحه..الطلات ممنوعه..علشان مانفتح هالباب وتدب الفوضى:kello:

فمان الله وآسفين يالغالي

THE_MASK

23/4/2002, 19:19

زيدون كيفك يا الغالي

عندي مشكله وحده فقط

هي ان حبيبي هجرني <=== فاهم غلط

لا الحمد لله ما عنتدي مشاكل بس بغيت؟؟؟؟؟؟؟؟؟؟؟؟

باااااي

Rui Costa

15/5/2002, 14:03

السلام عليكم .. اخوي الغالي زياد /

Adobe Photoshop 6.0 ME

هذا الاصدار الموجود عندي .. حلو ..

الحمد الله اقدر اسمي محترف فوتو شوب وعندي خبره فيه والله الحمد .. طبعاً محد يشوف تصاميم لي لان جهازي الغبي ما يسوي ابلود ولا لفايل واحد :D ..

عندي مشكلتين ..

1/الاكشن:اعرف احطه في الفايل المناسب لكن ما عرفت استخدمه مع العلم اني اعرفه اهميته ومدى قوته في التصميم .
يعني بس ابي شرح كيف استخدمه ولو بسيط ..

2/ان الخطوط عندي فوق يمكن 40 خط العربيه طبعاً لكن فجئه وبدون سابق انذار ما صار يشتغل منها ولا واحد للأسف الشديد غير خطوط الويندوز الاساسيه تطلع الكتابه كأنها برنامج السويش الي ما يدعم العربيه يعني مثال:
اكتب كلمه الهلال -------> الناتج عند تغيير الخط ( ت_اثثقج ) او شي من هذا القبيل .
لكن بعكس الخطوط الانجليزيه شغاله زي الفل الله يخليها
:) :) :) :)

حاولت ارجع الخطوط لكن يقول احذفها ومن هذا الكلام وبصراحه كثيره مرره ما اقدر اشيلها كلها وارجعها من جديد .د
ولعلمك ان الخطوط كانت تشتغل زي الفل بس اقولك زعلت ..

تقبل تحياتي .. :yes:

لا خلا ولا عدم يا زياد ..:)

زيـziyadــاد

15/5/2002, 23:38

حياك اخوي.....

نبدا بالموضوع على طوول
<<ماعنده وقت طويل العمر (himo)

الأكشن تقريبا تقدر تقول مثل الفلاتر ..تقريبا ماهو بالضبط..
اما بالنسبه لطريقة استخدامه سهله جدا جدا جدا......مجرد تضغط عليها دبل كليك يشتغل ان شالله :) وكل اكشن وحركتاته :D

========

اما سالفة الخطوط هذي فهالمشكله انا برضو اعاني منها مع بعض الخطوط..احياناً تسمك مع الفوتوشوب غلط وتخرب كلها.....:( يعني ماادري وش السبب

هذا كل ماعندي اخوي..

اتمنى انك استفدت

Rui Costa

16/5/2002, 12:15

الف شكر اخوي زياد بس .. افتح نفس الايكون الي موجود !! لان بصراحه معلوماتي في الاكشن 0 من 100 هذا شي ..

طيب وش برايك الحل وش اسوي مع الخطوط الحين ما اقدر اسوي ولا تصميم خطوط مافيه الا رقعه ونسخ وديواني وتخب :D

شكلي بغثك يمدحون الماسينجر :) ..

زيـziyadــاد

16/5/2002, 18:12

ياحبيبي هالأكشن ماتستاهل كل هالزحمه (himo)

اما طريقة الكتابه..شف في هالدرس (http://64.119.166.172/imagee/images/dars3.jpg) فيه طريقه حلوه للكتابه ...ان شالله تستفيد منها :D

هلالي ونص

16/5/2002, 19:12

مشكور اخوي زياد على الجهد الكبير الي تقوم في ومشكور مره ثانيه

وعندي طلب بسيط يا ليت تعطونا كم اكشن حلو للتاثير على الكتابه وتسلمون ....

_ _ _ _

ويا ليت تقولي كلمة زياد الي بتوقيعك كتبتها باي خط وشكرا .

زيـziyadــاد

3/6/2002, 11:03

مراحب اخوي (هلالي ونص)

آسف على تأخري في الرد..

النسبه للأكشن والله ماعندي حالياً شي متوفر..لكن عما قريب تشوف حاجه حلوه..:)
====
اما بالنسبه لتوقيعي :cool: هذا خط يد ...(himo)

:yes: تحياتي ليييييييييك.......

الشاطر

21/6/2002, 23:39

مرحبا

الف شكر لك زياد علي خدماتك الي تقدمها للممنتدي

وخاصه هالموضوع

ولي استفسار حول توقيعك وخاصه عن خط اليد او اسمك

كيف تسويه

وشكرا:)

زيـziyadــاد

22/6/2002, 02:05

حياك اخوي الشاطر..

انا والله مااقوم الا بالواجب ..ومع ذلك مقصرين والله ..:rolleyes:

نرجع لموضوع التوقيع وخط ليد..

انا سحبت الكتاه عالسكانر..ثم حولتها عالفوتوشوب وحفظتها على صيغة psd ثم رحت لبرنامج ستريم لاين المتخصص في تصفية الكتابات اللي مثل كذا.. وهذا شرح مبسط للبرنامج سويته من فتره بعيده جداً.. (http://64.119.166.172/imagee/images/dars4.jpg) لذلك اعذرنا على الشرح الغبي شوي :D ..

والبرنامج موجود في موقع متقن في قسم البرامج..برامج الرسوم والتصميم .. http://motken.com/

اتمنى والله من كل قلبي انك استفدت..

حياتي لك اخوي..:)

زيـziyadــاد

22/6/2002, 02:08

نسيت اقولك.. بعد ماتنتهي من التصفيه وتروح حافظها ..اذا جيت تفتحها من الفوتوشوب يفتحها لك على صيغة eps ..يعني راح يطلع لك مسج لتحديد الطول والعرض الدقه قبل مايفتح لك الملف...فلا ترتاع وانا اخوك ..وهالخاصيه ممتااااااااااااااازه جدا..يعني مثل ماانت شايف توقيعي هذا اقدر افتحه على مقاسات كبييييييره جدا ..بدون ماتتغير دقته او تنحاس..

<<عليك اسلوب بعد مثل وجهك ..

ابوخليل

24/6/2002, 08:41

كيف أضع برواز حول الصوره مثل اللي في paint shop 7
وكيف أكبر وأصغر الصوره وكيف أنقل الصوره من ه اللى أى برنامج ثاني وشكرا:yes: :yes:

زيـziyadــاد

24/6/2002, 09:23

مسيه بالخير..

والله انا مااعرف الطريقه اللي تسوي فيها ابرواز في الباينت شوب..لكن كل اللي اخبره ان هالبرنامج مشابه تقريبا للفوتوشوب ..فانت جرب الطريقه نفسها وان شالله تضبط معاك..

اما تكبير وتصغير لصره فما عليك الا انك تضغط على ctrl T ثم كر وصغر على كيفك..:)

اما نقل الصوره ..جرب بالاول الطريقة المعتاده ..(النسخ واللصق) ..ماضبطت معاك احفظ الصوره على صيغة جي بي جي..وادرجها كصوره عاديه في البرنامج الثاني..

اتمنى يكون الشرح واضح..واذا اشكل عليك شي علمني..;)

الشاطر

25/6/2002, 03:49

مشكور يازياد

والله ماقصرت شرح وافي

بس يرجع لي السكنر اجرب الطريقه

شكرا لك

زيـziyadــاد

25/6/2002, 07:42

ولوووووو يالغالي هذا واجبي..

زعيم الكرة الهلالي

29/6/2002, 13:40

السلام عليكم أخوي زياد

عندي مشكلة وشلون
أنقل الصورة أللي سويتها في الفوتشوب
الى منتدى الفنون والتصاميم

زيـziyadــاد

29/6/2002, 14:08

حياك الله اخوي..

بالنسبه لموضوعك فلازم في البدايه تحمل الصوره هذي على صفحه في النت او موقع استضافه مثل موقع www.jeeran.com تحمل الصوره على هالموقع بعدين تنسخ عنواانها ثم تسوي لها ادراج صوره في الموضوع وتلصق العنوان..

او ..

خاصية ادراج ملف مباشره من جهازك على المنتدى..
لو تلاحظ عند كتابتك اي موضوع في المنتدى تحت شوي حاجه مكتوب عليها ارفاق ملف..ثم يحط لك استعراض.. انت افتح الصوره وارفقها مع الموضوع وكل شي بيكون تمام ان شالله

تحياتي لك اخوي

زعيم الكرة الهلالي

30/6/2002, 04:41

هلا أخوي زياد

أنت تقول أرفاق ملف سويت العملية بس
حجم الصورة عندي
أكبر من الحجم المطلوب وشكراً

زيـziyadــاد

1/7/2002, 10:27

على كذا انا مابيدي اسوي شي..

المنتدى محدد حجم ..

حاول ماتزيد عنه

الشلهوب 2002

16/7/2002, 12:00

سمعت إن فيه خطوط عربية تعمل مع Photoshop 5.5 ... هل سمعت عنها؟ وين ممكن ألقاها؟
بصراحة الكتابة بالعربي مأساة في الفوتوشوب... لا زم أكتب في الوورد ثم أنسخها و ألصقها، بعدين تشيل الخلفية و حالة. هل تواجهكم مثل هالمشكلة؟ ألف تحية لك *)

أرجووووك مستعجل

زيـziyadــاد

29/7/2002, 16:38

حياك الله اخوي الشلهوب2002...على مااظن ان الخطوط اللي تسأل عنها خطوط برنامج الرسام...لكن ماني متأكد بالضبط ولا ادري وين القاها:( ..بس ياخخخخخخخخخخخي حمل فوتو6 me ياااااخخخخخخخخخخخخي..وش بيضرك ياااخخخخخخخخخخخي؟؟؟:D

الشلهوب 2002

29/7/2002, 18:04

ياااااخيييييييييييي شكر ياخيييييي

ياخخخخخخخي قل قذا من زمان

الشلهوب 2002

30/7/2002, 16:42

مرحبا اخوي

سؤالي عن كيفية ازالة بعض الأجزاء من الصوره بالفوتشوب 5.5

وشكرا

أرجوووووووووووووك زياد مستعجل

الشاطر

2/8/2002, 04:39

مرحبا اخوي زياد

>>>>>>>>رجع السكنر حقه:D

انا قد سالتك عن

ولي استفسار حول توقيعك وخاصه عن خط اليد او اسمك

واجبتني مشكورا

انا سحبت الكتاه عالسكانر..ثم حولتها عالفوتوشوب وحفظتها على صيغة psd ثم رحت لبرنامج ستريم لاين المتخصص في تصفية الكتابات اللي مثل كذا.. وهذا شرح مبسط للبرنامج سويته من فتره بعيده جداً.. لذلك اعذرنا على الشرح الغبي شوي ..

الربط لايعمل ياغالي

والبرنامج موجود في موقع متقن في قسم البرامج..برامج الرسوم والتصميم .. http://motken.com/

وايضا ربط تحميل البرامج بالموقع لايمعل:(

***********
طلب ثاني واتمني مااكون ثقلت عليك

وهو كيف اقدر اسوي هاله حول الكتابه عشان تكون اضحه

الف شكر

زيـziyadــاد

2/8/2002, 15:42

هلا والله وغلا بالشاطر..

اخوي بالنسبه للموقع والرابط اللي مايشتغل انا مالي ذنب باللي حصل :noo:

اما بالنسبه للهاله :req: وربي مافهمت قصدك بالضبط..اشرح اكثر :qw:

الشلهوب 2002

3/8/2002, 08:45

أرجوووووووووووك عطنا وجه

زيـziyadــاد

3/8/2002, 12:10

اخوي الشلهوب..آآسف والله مانتبهت لك..

لكن تقدر تحذف اجزاء من الصوره باستخدام أداة الممحاة..او أوات التحديد..يعني تحدد اللي تبي تشيله ثم تضغط على delete

:yes:

الشاطر

9/8/2002, 10:20

مرحبا زياد

بالنسبه للموضوع الاول الي من السكنر وبرنامج الستريم لاين

انا حملته الحين بس هل فيه شرح لطريقته؟؟؟؟؟؟

علما ان الصفحه الي انت مسويها ماتطلع

اما بالنسبه للهاله

اقصد فيها اذا سويت عمل وكتبت فيه كتابه

اقصد الي يبين الكتابه او الوهج الي يكون حوالي الكلمه عشان تبين

اتمني تكون فهمتني

وايضا ياليت درس للدمج الصور

والله يعينك علينا

شكرا:)

زيـziyadــاد

9/8/2002, 10:52

اهلين وسهلين بالشاتر نور العين..

هذا شرح برنامج ستريم لاين..افتحه واحفظه عندك..اللنك غير ثابت.. (http://www.gfxclub.com/ziyad/images/dars4.jpg)

اما بالنسبه للهاله او الشعاع اللي تقصده ..انت اضغط دبل كليك على الشفيفه اذا كان عندك فوتو 6 ..تطلع لك تأثيرات حلوه ..من ضمنها هالتوهج هذا..
برضو فيه فتر من ضمن مجموعة الاي كان دي..يسوي نفس الحركه
فيه حركه ثالثه ..لكن يبي لها شرح شوي ومشوره..تستخدم فيها البلور او التمويه ..

وهذا درس لدمج الصور.. (http://www.gfxclub.com/ziyad/images/dars2.jpg)

تامر شي ثاني اخوي الشاطر؟؟:yes:

الشاطر

9/8/2002, 11:42

الف شكر لك ياغالي

واقول لك مجددا الله يعينك علينا

جايك بعدين

سلام ياحلو

زيـziyadــاد

9/8/2002, 20:35

ههههههههههه لاشدعوه؟؟

هذا واجبنا واقل من الواجب بعد..

تحياتي..

الشاطر

10/8/2002, 05:41

هلا زياد والله ماقصرت وقلت لك مرتين

الله يعينك علينا

وتذكر انك رديت

هذا واجبنا واقل من الواجب بعد

مايمديك تهون(himo)

لي كم سؤال:eek:

الاول ابي اعرف تذهيب الكلمات

الثاني كيف يمكنني ان اجعل الخلفيه مثل هذه الصوره

http://almohtar.jeeran.com/aa.jpg

وايضا هذي الصوره

http://almohtar.jeeran.com/b1.gif

الف شكر:)

زيـziyadــاد

10/8/2002, 09:41

هلاااااا بالشاطر :D :D

مسمي اسمك شاطر والظاهر ماوراك الا الدجه ..خخخخخخخخخخخخخخخخ :D :D

امزح امزح ..
<<ياشينك:noo:

هذا درس التذهيب..مو اي تذهيب..تذهيب هشام دروييش المصمم الكبير (http://khalaad.net/tutorials/Gold.jpg)

اما السؤال حق الصوره من جد حيرتني.زالصوره جاي كذا :qw: شلون اسويها؟؟(himo)

الشاطر

13/8/2002, 10:31

هلا زياد

مسمي اسمك شاطر والظاهر ماوراك الا الدجه

(himo) (himo)

اما السؤال حق الصوره من جد حيرتني.زالصوره جاي كذا شلون اسويها؟؟

طيب اذا عرفت وشلون دق علي مدير اعمالي وعلمه:D

الف شكر لك:)

زيـziyadــاد

13/8/2002, 21:51

:D :D

امزح امزح ..

خلاص..اذا عرفت ادق على مدير اعمالك طال عمرك..ولايهمك..:p :magkiss:

الشلهوب 2002

27/8/2002, 06:07

كيف حالك
أتمنى لك وقتا ممتعا ولكن لدي سؤال أتمنى إجابته
وهو
عندما أقوم بفتح برنلمج الفوتشوب بالطبع سأقوم بوضع فرشي وتدرجاتي الخاصة والأنماط وبعد مدة عندما أفتح الفوتشوب تأتي رسالة إعداد الألوان أكمل العملية
ولكن المشكلة أن جميع الفرش والتدرجات والأنماط تذهب وتأتي جديدة يعني ألي أضفته راحت ولم أعرف كيف أحل هذه المشكلة لذا أتمنى حل هذه المشكلة
أخوك الشلهوب2002
بغيت أنسى لو سمحت

أبغى فلتر حق الأمعات

كان فيه