..-- كرسي الإعتراف .. النسخة 27 --..

[الكاسر888]

غبنا كثيرا.. واطلنا الغيبه فهل ياسادتي يعقل ان تكون العودة عادية

هل يعقل أن نعود بدون أن يكون معنا شمس تضيء المنتدى

تواصلا لتألق الضيوف السابقين نستضيف اليوم نجمة في مساء شبكة الهلال

كوكب دري..يضيء ماحوله من جميع الجهات..

ضيفتي اليوم قليلة المشاركة مقارنة بمدة تواجدها في المنتدى ولكن..

اذا شاركت فاعلم انها باضت درر..ورحلت مزهوه

ضيفتي اليوم هي شمس المنتدى شمس الغنيه



http://www.alhilalclub.com/live//pic/chair2.jpg

استريحي وريحي وارتاحي وخليك مرتاحه :angel:


نبدأ الحوار مع اليوزر الجبلي شمس الغنيه : :angel:


س1- شمس.. ( شو مغيرة ) :) السنة هذي عن السنة الي راحت؟

س2- تواجدك قديم ..وحضورك مكثف في المنتدى ومع ذلك مشاركاتك قليلة فلماذا ؟

س3- سؤال صريح ..هل تضيقين ذرعا عندما تختلفين في الراي مع شخص وتحسين أنه شاطح بعيد عن رأيك؟

س4-القرائه..هل لها نصيب في حياتك..وماذا تقرأين ولمن ؟

س5- هل أنتي متابعة جيدة للهلال الفريق.. أم تكتفين بكونك هلالية واذا جاء النهائي تشوفين الشوط الثاني :D ؟

س6-إذا كنت من متابعين السينما..من يعجبك من الممثلين العالميين والمحليين..وما هي الافلام الي تشدك !

س7 - هل تؤيدين فتح سينما في السعودية ؟ ولماذا ( في كل الحالات )؟

س8 - وش تحبين في الدنيا..وش تكرهين..هل طموحاتك تحققت!..وهل للطموح عندك حدود!

س9 -هل تعتقدين أن المرأة في السعودية مظلومة؟

س10- لماذا دائما الذين يطالبون بحقوق المرأة من النساء شيون :angel: ؟

س11- طلعتي بطاقة أحوال..وعطينا المعلومات عنك الي ممكن تقولينها؟(( يقول غازي القصيبي لاتسئل أنثى عن عمرها حتى تكون لبقا))


س12 من من الكتاب في الصحف يشدك، ومن كتاب المنتدى وأعضائه؟


س13-هالاسماء نبي رأيك الصريح فيها:

- غازي القصيبي ..الروائي/الشاعر/ الوزير

- نجوى كرم :rolleyes:

- طلال سلامه

- نانسي عجرم

- فهد المفرج

- صالح الشيحي

- أدهم صبري

- القصبي ناصر

- عادل امام

- بشير حمد شنان

- مدرعم

- برستيج

- الشيخ العبيكان

- أبو مصعب الزرقاوي

وبس خلاص..والمايك مع مذيع أخر..وشكرا لك ياشمس على تشريفك ووساعة صدرك علينا

[الكاسر888]

تنويه صغير للجميع

مدة الاستضافه اسبوعين من تاريخ اليوم

شكرا للجميع

[مدرعـم]

حياالله ابوالكواسير (( عاش واقف ))..

ومرحبن بك وبضيفك او ضيفتك هذي والله الساعة الخراشة يوم شفناكم (rambo)

شفطه ولنا عفطة ولا شكر على واجب (himo)

[أسيرة الحب]

هلا حبيبتي شمس منوره الكرسي



أقول شموسه عندي لك سؤالين بس:



الاول ليش ما تدخلين المدرج كثير ؟


الثاني هل تحاولين تخفين لهجتك في الانترنت ولا تتكلمين عامي ولا يهمك احد ؟

لأني الاحظ كلمات تصدر منك عامية بحته :D

[ابو الذهب]

هلا بشمس الغنيه يالله انك تسلمها من كل شر

عندى كم سعال وياريت تجاوبينى عليه واذا ماتبين بكيفك بس ترا بكسر سياره مدرعم

السعال الاول :

لو قدر الله عليك تشتغلين بالدوريات يوم مريتى من شارع الغرابى لقيتى هنود وبنجال حاجرين

مدرعم ! والهنود يقولون تبعنا والبنجال يقولون تبعنا والعسكرى اللى معك يقول ابك الله العالم انه

سبكتانى مع العلم ان خشته توحى لك بان الثلاثه معهم حق كيف بتحلين هالمشكله ؟؟؟؟؟

1- تطلبين بطاقته ؟

2- تخلينه يحلف انه سعودى ؟

3- تذبينه بشنطه الدوريات ولا يردك الا القسم ؟


السعال الثانى :

لو قدر الله عليك تشتغلين مطوع يعنى تقرين على الناس وجابو لك مدرعم عقب مافكوه الهنود والبنجال

ويقولون لك فيه سكنى ياربيه بسم الله على بالحالى يوم قريتى عليه طلع الجنى اللى فيه

اندونيسى ( هههه خل ملاحق الشغالات ينفعك ) وانتى لغتك الاندونيسيه الله بالخير ولا عندك

مترجم وش بتسوين ؟؟؟؟؟؟؟؟؟؟؟

1- تتعاملين مع الجنى بلغه الاشاره؟؟ ههههه عاد ودك يطلع اعمى ؟؟

2- تشاورين الجنى ودك تطلع ولا لا ؟

3- تتعوذين من ابليس وتنامين ؟؟


السعال الثالث :

لو قدر الله عليك تدخلين مطعم وانتى جوعااااااااانه مرررررررررره يعنى ودك تروحين تنامين ! وانت

توك بتسمين الا مدرعم بخشتك ويقول لك مهوب انتى شمس الغنيه وانتى ودك تصرفينه ؟

1- تقولين له انا اختها التوئم؟

2- تقولين يخلق من الشبه اربعين؟

3- تقولين اكرمك الله وتمشين وتخلينه ؟

[بيـــســـــــان]

اهلين شموسه

مبسوطه اني شفتك جالسه على الكرسي

يعني بجد لابقلك

يالله راجعتلك بكم سؤال

بس والله مشغوله بس افضى اجيك محمله باالاسئله (himo)

[برستيج]

هلا رائد


تسلم اخوي على اختيارك لهذه الشخصية الرائعه الهادئه ( ايه هييين هادئه .. والله من كثر

الهبال بس ما انعطت فرصه ) .. :angel:


واللي نرحب فيها في البدايه ونقول .. بحكم ان الجو بارد هاليومين نقول وش تبين تشربين

طول ما انتي جالسه على كرسي الاعتراف .. تبين رمس قهوه .. والا زنجبيل ؟

وعلى بال ما تفكرين عندي كم سؤال مرت علي في اختبار الثانوي ياليت تجاوبين عليها .. :D

ــ كثر الحديث والكلام عن المناهج الدراسيه في مراحلنا التعليمية المختلفه وما تحتاج له ..

فمن وجهة نظرك .. هل فعلا تحتاج هذه المناهج الى تعديل ؟ واذا كانت الاجابة بنعم .. فما هي

المواد التي ترينها في حاجه الى ذلك ؟


ــ كيف يمكن ان نفرق بين الثقة في النفس والغرور ؟


ــ من اقرب الناس الى نفس ضيفتنا ؟ ( المطلوب ذكر صفات وليس اسماء )


ــ يوسف الثنيان لاعب كانت وما زالت مهاراته واهدافه عالقه في اذهاننا .. سؤالي ..

ماهو اجمل اهداف ابو يعقوب بالنسبة لك .. وما هي اجمل مباراة قدمها ولا زالت راسخه في ذهنك ؟


ــ وش اخبار الهدايا معك .. تحبينها والا لا ؟ وما هي اجمل واخر هدية حصلتي عليها ؟ ومن مين ؟


والى مذيع اخر .. (himo)

[Full Moon]

السلام عليكم ورحمة الله وبركاته...

احب اشكرك اخوي الكاسر على هالمقدمه وإن شاء الله اكون عند حسن ظنكم...

واتمنى اكون ضيفه خفيفه عليكم واقدر اجاوب على كل اسئلتكم إن شاء الله...

ولي عوده قريبه للاجابه على كل شيء باذن الله...

وربي يعطيك العافيه اخوي...

[الطيرالهلالي]

السلام ...

الشكر والثناء لك يا رائد ... على تواصلك لهذا الموضوع وهذا الكرسي الثمين ..؟؟؟

الاخت شمس الغنيه حياك الله على هالكرسي واذا ما خاب ضني انك انتي اول وحده او ثاني وحده تجي على هالكرسي ...لأن اغلبهم اشناب :kany:

- شمس الغنيه انتي تحبين التحاور حول موضوع يجذبك ...وتحبين تزيدين في الحوار ولا تملين ...ولا في احد يقدر يقنعك انك مثلاً اخطيتي برأيك ..؟؟؟
عندك شي من العناديه (( هل هذا صحيح )) ؟؟؟
- شمس الغنيه ودي اعرف ليه اخترتي هذا الاسم ؟؟؟
هل لأنه لقب (( نجوى كرم)) وتحاولين تقليدها او لسبب ثاني ؟؟
- لو اخطاء احد عليك... وجاء يطلب منك العذر وبين ان خطاه كان عفوي هل تسامحينه؟؟
- ابي ملاحظاتك على منتدى الرياضه العالميه والمدرج العام لأني ماقد شفتك هناك ابد؟؟
- ابي اعرف وش شهاداتك او الى وين وصلتي من مرحله تعلميه؟؟

وتقبلي اسئلتي بصدر رحب

[الكاسر888]

^
^
^

بل ثالث عضوه

بعد الوصال..هلاليه بالفطرة..شمس الغنيه


ونعم فيهم جميعا

[Full Moon]

الكاسر888

هلاا بك اخوي...

نبدا باسئلتك وإن شاء الله ربي يوفقني بالرد عليها :) ...


س1- شمس.. ( شو مغيرة ) السنة هذي عن السنة الي راحت؟

فرق كبير وتغير مره كبير بين السنه الحاليه واللي راحت...

السنه اللي راحت ماكنت حلوه كانت تعب جسدي ونفسي وكلها هموم بداية من هم المدرسه والتوجيهي ونهاية بهموم المسلمين يعني كانت هموم الدنيا كلها على راسي وفارقت ناس كثير اغليهم لكن هذا حكم الله والحمدلله على كل حال...

اما السنه الحاليه فالحمدلله الوضع يبشر بالخير يعني جلسة البيت ريحتني كثير عقب الدراسه والتعب وتعرفت على ناس جدد وحبيتهم كثير والحمدلله ربي عوضني بس مازلت هموم المسلمين تشغلني وتاخذ اغلب تفكيري وربي يعجل بنصر المسلمين إن شاء الله ويزيح عنا هالظلم...


س2- تواجدك قديم ..وحضورك مكثف في المنتدى ومع ذلك مشاركاتك قليلة فلماذا ؟

تعرف الكتابه يبي لها جو خاص ونادراً مااحصل هالجو هذا بالنسبه للمواضيع...

اما الردود فانا احب المواضيع اللي يكون فيها نقاشات وهالنوعيه قليله وباقي المواضيع ماارد عليها من العجز والله...

وهالكلام بالنسبه للساحه بس .. لانه باقي الاقسام الثانيه بالشبكه مااكتب فيها لانه مو قادره اندمج مع الاعضاء...


س3- سؤال صريح ..هل تضيقين ذرعا عندما تختلفين في الراي مع شخص وتحسين أنه شاطح بعيد عن رأيك؟

بالعكس حلوانه يكون رايه غير رايي لانه احب اللي كذا عشان يكون نقاش لكن لو رأيه زي رأيي ماراح يكون فيه اي نقاش...

واكثر شيء يضايقني لما اكلم واحد بموضوع ويروح يدخل بموضوع ثاني وقتها احس انه يتهرب او ماهو عارف يجاريني بالكلام فإذا فقدت الامل بانه يمشي معي اتوقف عن الكلام معه لانه بيكون نقاش عقيم وبدون هدف وخاصه لما يكون اللي يناقشك يحكي بدون اي خلفيه اوعلم عن الموضوع يعني يحكي بهواه...


س4-القرائه..هل لها نصيب في حياتك..وماذا تقرأين ولمن ؟

ايه نعم لها نصيب في حياتي رغم إني مقله في القراءة في الوقت الحالي...

وأحب اقرا القصص والروايات بشكل عام وبعض المقالات لبعض الكتاب...

أما لمين فما فيه كاتب معين يعني اغلبها تكون كتب مترجمه لكتاب عالميين وأما العرب فمثلاً عندك الدكتور غازي القصيبي اكثر واحد اقرا له ومايهم الكاتب كثر مايهم مضمون الكتاب :) ...


س5- هل أنتي متابعة جيدة للهلال الفريق.. أم تكتفين بكونك هلالية واذا جاء النهائي تشوفين الشوط الثاني ؟

لا بالعكس اتابع الهلال بشكل جنوني بس عقب مااعتزل الثنيان خفينا ماعاد نحرص مثل اول...


س6-إذا كنت من متابعين السينما..من يعجبك من الممثلين العالميين والمحليين..وما هي الافلام الي تشدك !

مااحرص كثير على الافلام واذا احد طالعها طالعت معه لكن نادراً مااحرص عليها واذا حرصت فحرصي بيكون على الافلام الهنديه...

واما الممثليين بالنسبه للهنود اكثر شيء هيرثك روشان وشروخان وسلمان خان اما الامريكان فماعاد احبهم وكنت احب اول فاندام بس اما الحين مااحبهم كلهم...

اما الافلام اللي تشدني اذا كان الفلم هندي فالممثلين هم اللي يشدوني لانه القصه تقريباً ماتتخلف كثير...

اما الامريكيه واللي زيها فاحب اللي تحكي عن الحروب القديمه او تحكي عن قصص من الحضارات الماضيه يعني بشكل عام اللي تمثل الماضي هالافلام افضلها كثير اكثر من غيرها هذا اذا فكرت اطالع فلم...


س7 - هل تؤيدين فتح سينما في السعودية ؟ ولماذا ( في كل الحالات )؟

لا ما أؤيد ابداً .. واعتقد مضارها كثير وإحنا مو ناقصين خراب كفايه اللي إحنا فيه...


س8 - وش تحبين في الدنيا..وش تكرهين..هل طموحاتك تحققت!..وهل للطموح عندك حدود!

هالدنيا فيها اشياء كثيره تنحب وفيها اشياء اكثر تنكره...

فمن الحاجات اللي احبها .. احب ربي واحب كل شيء اسويه عشان ربي سواء كان واجب علينا او ماهو واجب واحب الاخلاص والتضحيه والحب والصداقه...

ومن الحاجات اللي اكرها .. فاكره الظلم الغدر الخاينه والخضوع العربي المذل لامريكا واكره الكفر والكفار وبلادهم وبالذات امريكا...

طموحي ماتحقق وقدامنا طريق طويل تونا بأول الحياة...

والطموح ماله حدود ابداً...


س9 -هل تعتقدين أن المرأة في السعودية مظلومة؟

المرأة السعوديه ماهي مظلومه بشكل عام .. لكن تفتقد الكثير في السعوديه فهي منعت من امور معينه لاسباب واهيه...


س10- لماذا دائما الذين يطالبون بحقوق المرأة من النساء شيون ؟

ماهم شيون بس لانه اغلبهم دكتورات وتعرف كبار والعمر له احكام...

ويمكن بعد كلامهم يشينهم في نظرالبعض...


س11- طلعتي بطاقة أحوال..وعطينا المعلومات عنك الي ممكن تقولينها؟(( يقول غازي القصيبي لاتسئل أنثى عن عمرها حتى تكون لبقا))

بطاقة الاحوال ما وصلت الى اني اعطيها ذيك الاهمية اللي تخليني اطلعها...

وأحب اقول حاجه اعتقد العمر ماهو عيب عشان نخبيه وماادري ليه دايم يعتقدوا انه العمر لازم ينتخبا وبالذات اذا كانت امرأة فعشان كذا بقولك انا عمري 18 سنه اما باقي المعلومات فما فيه شيء يذكر...

وبالنسبه للدراسه فحالياً انتظر الترم الجاي عشان التحق بالجامعه إن شاء الله وبس هذا اللي اقدر اقوله...


س12 من من الكتاب في الصحف يشدك، ومن كتاب المنتدى وأعضائه؟

الصحف مااقراها واكتفي باخبار الهلال اللي ينزلوها الشباب بالمدرج الله يكثر خيرهم فعشان كذا مافيه كتاب معينين بالصحف بس اقولك شيء اول لما كانت الدكتورة هناء المطلق تكتب كنت أقرا لها اما الحين بعض الكتاب حقين الرياضه ومو دايم اقرا لهم بعد لانه عندنا كتاب بالشبكه افضل بكثير من كتاب الصحف...

اما المنتدى فاقرا للجميع بحكم اني مسنتره بالمنتدى لكن احرص على كتاب معينين في بعض الاقسام...

فعندك مثلاً بالمدرج .. طلال وشابع بطولات وسفر والاسطوره والعمري...

بالساحة .. مدرعم والمتميز وملك وبرستيج والكاسر...

اما باقي المنتديات فأقرا للكل بشكل عام...


س13-هالاسماء نبي رأيك الصريح فيها:

- غازي القصيبي ..الروائي/الشاعر/ الوزير

تعجبني كتاباته كثير واشوف انه شخصيه ناجحه رغم اللي يتعرض له...


- نجوى كرم

كنت مجنونه فيها أول اما الحين فكل اللي اتمناه انه ربي يهديها...


- طلال سلامه

مااحبه ابداً تلوع كبدي إذا شفته...


- نانسي عجرم

اكبر دليل على انحطاط الشعب العربي...


- فهد المفرج

اوقات احسه فنان واوقات يرفع ضغطي...


- صالح الشيحي

مااعرفهوش :rolleyes:


- أدهم صبري

وكمان مااعرفهوش :rolleyes:


- القصبي ناصر

احس انه ماهو محترم عمره ويتصرف تصرفات مراهقين...


- عادل امام

تمسك معي غلط واطالع افلام او مسرحيات له...


- بشير حمد شنان

مطرب سمعت عنه كثير وكان ومازال له محبينه .. والله يهدينا ويهديهم...


- مدرعم

احسه حبوب ومره طيب ومهما سوا ماتزعل منه وماشاء الله عليه قايم بواجبه واكثر...


- برستيج

تعجبني روح المرح اللي بداخله ويعجيني انسجامه مع الاعضاء وتعاونه معهم...


- الشيخ العبيكان

اختلف معه في حاجات كثير وارفض نظرة انه الشيخ مايخطي ابد لانه هالنظره بتضيعنا والله يصلح حالنا وحال مشايخنا...


- أبو مصعب الزرقاوي

زعيم المجاهدين في بلاد الرافدين وهواكبر بكثير من اني اقول رايي فيه...

لكن كل اللي اقدر اقوله الله ينصره ويسدد رميه ويعمي عيون عدوينه عنه وربي يجمعه بالنبيبن والشهداء بالجنه إن شاء الله...


والــف شــكـرلك اخــوي...

وربي يعطيك العافيه...

[ســ9ــامــ9ــي]

نعنبوا بليسكم متى تجاوب على كل هالأسئلة :jhgy: ...

خلاص قفلوا الأسئلة :D ...

[الكاسر888]

^
^
هذا ومدرعم توه ماشرف:)

نورتنا يابو ريان

[يوسف]

هلا الكاسر
هلا شمس


* كيف استعداداتك لاستقبال اسئله مدرعم؟؟
مع اني اشك هالمره بتزيد الاسئله بعد التوقف الطويل لهالموضوع واتوقع والله اعلم تاصل الاسئله لاكثر من ميه سؤال :rolleyes:

* كل البشر تخطي..
وش هو الخطا اللي وقعت فيه شمس الغنيه وللحين متندمه على فعل هالشي؟؟

* اي قسم رااح تدخلينه بالجامعه ان شاء الله بالترم الثاني؟؟

* وش رااح يكون شعورك اذا شفتي اسئله مدرعم؟؟

* وش تتوقعيين لهلاالناا هالسنه من بطولات؟؟


وتحياتي للجميع..

[Full Moon]

مــدرعـــــم


هلااا بك اخوي...

وننتظر اسئلتك حتى لو هي طويله مره بس وش نسوي حكم القوي :cry: ...

الا مدرعم ماودك تسوي رجيم لاسئلتك قبل تجيبها ونكون من شاكرين لك :angel: ...

وعلى العموم مستعدين نجاوب على اي شيء حتى لو كانت كلها تحشيش وش ورانا فاضين (himo) ...

وحياااااك اخوي...

[بيـــســـــــان]

السلام عليكم ورحمة الله وبركاته

قبل مااحط اسئلتي حبيت اقول كلمه
"ان الاخت شمس الغنيه من اعز صديقاتي وصداقتها افتخر فيها وهي انسانه بمعنى ماتحمله الكلمه من معنى فااقولها امام الجميع "
"اني احبكِ في الله"

نرجع للاسئله
هل تؤمنين بوضع استراتيجيه معينه لحياتك تسيرين عليها ام انك تفضلين ان تسيرك الحياه؟
2-ماهي اخر قصه قرءتيها ولمن :rolleyes: .<تقصد شي بالسؤال :magkiss:

[Full Moon]

أسيرة الحب


هلااا بك اختي...


الاول ليش ما تدخلين المدرج كثير ؟

من قال هالكلام .. بالعكس دايم ادخل المدرج وتقريباً اقرا اغلب المواضيع هناك وادخله في اليوم اكثر من ثلاث مرات في اوقات مختلفه...

ولكن مشاركتي هي القليله او بالاصح شبه معدومه في المدرج...


الثاني هل تحاولين تخفين لهجتك في الانترنت ولا تتكلمين عامي ولا يهمك احد ؟

لأني الاحظ كلمات تصدر منك عامية بحته :D

كانك سالتي وجاوبتي عني :) ...

بس اذا تبين الجد مااهتم من هالشيء واحكي عادي بالمنتدى مثل مااحكي مع اي احد لكن بشكل عام لهجتي ماهي ثابته تلاقيني احكي بكل اللهجات بوقت واحد و ماادري كذا من ربي صارت لهجتي تجميع من كل مناطق المملكه مسويه وحده وطنيه :angel: ...

يعني ابداً لاتاخذي على لهجتي حتى لو كنت احكي بها عادي ومااهتم لانها تضيع من جد وماتعبر عن منطقه او ديره معينه...

والــف شــكرلك اختي...

وربي يعطيك العافيه...

[عنيـــــد]

مرحبا شمس الغنية ..

ودي أسأل كم سؤال و لك حرية الرد من عدمه على أي سؤال تشوفينه ..




.. الإنترنت ..


ماذا أضاف لشمس الغنية و ماذا سلب ؟؟



بعرض عليك كم قضية عليها جدل كبير و يا ليت تجاوبين بـ مؤيدة أو معارضة ..


* السماح للمرأه بالقيادة في المملكه .

* فتح أندية لممارسة الرياضة البدنية للسيدات .

* الزواج عبر الإنترنت .



أكتفي بالأسئلة هذي عشان أعطي مجال للجميع ..

إستضافه راقية يالكاسر و من حسن إلى أحسن إن شاء الله ..

[مدرعـم]

حياالله المحششين والمحششات الاحياء منهم والاموات ..

<<< جاي وجايبهم معه :D :D


شمس وفي رواية اخرى زغلول

http://ssssss9.jeeran.com/9994_fdaey.JPG

ذا صاروخ ولا ديسكفري :D :D

بدايتن يامرحبا بتس وعندي ليتس كم سؤال بس مابي اثقل عليتس بس نصيحتي مني علبة زبادي وخبيزة عن يطقتس الجوع وكاس شاي ثقيل عشان تروقين وتجاوبين عليهم بمزاج ::

1- وش اخبار مكرونة بالقشطة معاتس ؟؟ وهل صحيح ان قطاوة الحارة كل يوم متسدحين عندتس ؟؟

2- سؤال على جنب في هروين ولا مافي ؟؟ وبكم ؟؟

3- متى كانت اول بداياتك بالنت وش اكثر شي جذبك فيه ؟

4- شمس عضوة مرجوجة بس في ردودها ولا مواضيع مافي .. سؤالي متى نشوف رجتس بموضوع وممكن تقولين لهذه الجماهير المحتشده منذ متى وانتي تعانين من هذه الرجة ، وهل هي معك منذ الولادة ام وليده موقف ما ؟

5- كلمة قاعده ترجرج في بطنتس ودتس تقولينها وش هي ؟

6- مربية شنب ولا مسوية سكسوكة .. وليش ؟؟

7- في المدرسة تجلسين بأول الصف ولا بآخر الصف .. وليش ؟؟


8- ماذا تعني لك هذه الكلمات :

- الجوال

- الليث الابيض

- قرندايزر

- الريموت كنترول

- السفر

- الهدوء

- الخوف


9- وش رايتس بالشباب اللي يغازلون .. وهل مريتي بموقف مشابه ياليت تكلمينا اذا كان تحرش فيتس احد .. مع اني مااظنتي احد يتحرش فيتس الا اذا كان اعمى ؟؟؟

10- ذكري طبخه تتفنين فيها وطبخه ماتعرفين تسوينها (( حديتس بيض مسلوق ومحروق بعد ))؟؟

11- ان ، لن ، كي ادوات تنصب الفعل المضارع فمتى تنصب شمس .. ومتى يكون النصب ضروره ؟؟؟

12- يوجد في جنوب افريقيا ضفدعه ضخمه يبلغ طولها 62سم فهل تتوقعين ان ملك من هذه الفصيله او من فصيله مختلفه ؟؟؟

13- في يوم كنتي معزومه عند حرم الوزير وجاتس بنت الوزير حبت تتميلح وصبت ليتس كوب شاي بس بدال ماتحط ليتس سكر حطت ملح .. وش يكون موقفتس ؟؟؟

14- مره وانت ماشية طحتي بحفره عميقه لكن ربك ستر وتعلقتي انتي بحصاه .. سؤالي تصرخين من قمة راسيتس تطلبين النجده عشان تطلعين .. ولا تطبين تشوفين وش فيه تحت ؟؟؟


15- لو 1 + 1 ما يساوي 2 .. فكم يساوي من طرف خشميتس ؟؟؟

16- بحكم انيتس محسوبة بالغلط على الجنس اللطيف .. ليه بنات هاللحين صاروا هـن اللي يطاردون ورا الشباب (( ياخوي وش يطاردون خيول هم ))..؟؟؟

17- وش تفضل البنت بفارس احلامها من وجهة نظرتس .. ان يكون حلو وناعم ويحط مكياج ويلبس حرير .. ولا يكون خبل ومطفوق وملحوس عقله .. ولا يكون شين وقوي وخفيف دم بس راعي تتن ؟؟؟

18- تيب انتي ايهما تفضلين يكون زوجاً بالمستقبل البعيد طبعاً .. لابس البنطلون الجينز ( الاجنبي ) ولا بوصروال سنة ( السعودي ) .. ولا اهم شي الاخلاق .. ولا اهم شي هو يجي حتى لو كان جرذي ؟؟؟


19- يقولون انيتس حاطه شروط للي داعية عليه امه ويبي يخطبيتس .. وهو ان يكون لابس ذاك الثوب الاغبر والطاقيه مايله ومسكب بنت البكار والحاجب نصه منقلع وغير تسذا مستحيل توافقين .. صح هالحتسي ..؟؟؟

20- هوايتس وانتي صغيرة غير تجميع القواطي ؟؟

21- ماتعني ليتس كلمه حب ؟؟؟ وهل تؤمنين ان الزوجة تركب ورا .. والعيال قدام ؟؟؟؟

22- كم مره تلعبين كوره في الاسبوع ؟

23- طموحتس بالحياة ؟؟؟

24- ماذا يشكل السامري في حياة شمس ؟؟؟

25- ما رأيك في الشخصيات التالية أسمائهم ؟!

1- روبي

2- أميره الفضل

3- أصاله نصري

4- تركي الدخيل

5- خالد عبدالرحمن

6- نجوى كرم



26- وش رايك في أغنية أحبك من سنة جدي ؟ ولمن تهدينها ؟؟

27- وش رايتس بسياسة كل واحد يصلح سيارتة ؟؟؟

28- هل تعانين من اي مشاكل نفسيه ؟ ومتى ان شاءالله نشوفتس عندنا بشهار ؟؟

29- من هو الكاتب المفضل عندتس ؟

30- ما احسن كتاب قرأتيه ؟

31- اول ما جلستي على كرسي الاعتراف وش اول شي طرالتس ذيك الساعه ؟؟؟

32- يوزرات تفتقدينها الان في الشبكة وتتمنين لو كانت موجوده ؟؟

33- من هو اقرب شخص ليتس بالشبكة .. ومن هو اكثر شخص فاقدته ؟؟

34- بحكم انتس من الاعضاء المغبرين وطالعه ريحتهم وش رايتس بالجيل الجديد في الشبكة .. وهل تتوقعين له مستقبل مثل الجيل اللي قبله ؟؟

35- وش الفرق بين الشبكة زمان والشبكة الآن ؟؟

36- تجربتك بالشبكة كيف تقيمها ومدى استفادتك منها ؟؟

37- اعضاء استفدتي منهم ؟؟

38- اكملي الفراغ :

1) القلب النابض للمنتدى هو
2) صاحب القلب الكبير هو
3) حبيب المنتدى هو
4) فاكهة المنتدى هو
5) عطر المنتدى هو
6) ضجيج المنتدى هو
7) خسارة المنتدى بأبتعاد العضو أو العضوه هو
8) شمعة المنتدى هو


39- بحكم خبرتس العصرية وانتس عايشتي الكثير من العصور من ايام الديناصورات الى بريعصي هالزمان .. تقدرين تعلمينا من اللي جاب الثاني اول البيضة ولا الدجاجة ؟؟؟

40- موقف :: تخيلي مره انتي طالع من البيت بامان الله شوي الا ويطلع ليتس ضب ويلحقيتس .. وقتها وش تسوين ؟؟

41- موقف :: طالع بالسيارة مع السايق ولا اخوتس المهم طالعين على شارع عام وانتو ماشيين فجأة خطف بوجهكم اسد .. كيف بتكون ردة فعلتس ؟؟

42- موقف :: تلعبين كورة بالحديقة مع ملك وباقي الشلة شوي وحده فيهن شاتت الكورة بوز ونطلتها فوق شجرة وجيتي انتي بكل ذكاء وحسن تصرف وهدوء وعقلانية فصختي الزنوبة الخضرا ومزعتي فيها الشجرة وتسان يوم صفقت الشجرة واهتزت طاح تمساح كان مقيل فوق الغصن .. وقتها وش تسوين ؟؟؟

43- موقف :: كنتي مسافرة وراجعة ويوم وصلتي المطار كان في استقبالتس الدبة هلالية اللي اول ماشافتس شالتس وحبت الشنطه .. وقتها كيف تتصرفين ؟؟ وهل لوجهيتس المربع له دور في ذلك ولا العيب بعيون هلالية ؟؟

44- ماذا يعني ليتس النظر إلى :

- القمر

- قطو فوق الجدار

- غروب الشمس

- صرصور واقف جنبك

- بريعصي ماشي على رجلك

- طفل يبكي بين يديك

- البحر

- واحد ينغف


46- وش نوع جواليتس ؟؟

47- عطيني اجوبة سريعة على الاسئلة التالية :

*احساس انيتس عضوة خايبة هـل شعرتي به ؟؟؟

* عضو/ة تتذكرين اسمه دائماً ؟؟؟

* عضو/ة يعجبتس اسلوبه وتستمتعين بالقراءه له .. لاتقول لي واجد سمي لنا واحد ؟؟؟

* عضو/ة تحسين انه قوي ؟؟؟

* عضو/ة تحسين انه دلخ خلقه ؟؟؟

* عضو/ة تحسين انه شراني ؟؟

* من اقرب عضو/ة الى خشم شمس ؟؟؟

* اعتراف صريح لأول مره تبوحين به ؟؟؟


48- هل صوتيس جميل بحيث يصلح للغناء ولا قبيح لدرجة يزعج الجيران ويشلخ الجدران ؟؟؟

49- منتدى المعسل تتمنين تحديثه بالشبكه وليش ؟؟ وكم تعطيه نسبة لنجاحه ؟؟

50- تخيل انيتس ضايعه بالصحراء والشمس لاعنه خامستس وميته من العطش والجوع ذابحيتس ورجلتس انسلخت من الحراره عشانتس حافيه .. تيب عقب هذا كله وش رايتس بالعولمه ؟؟؟

51- من تتوقعين من أعضاء الشبكه يشغل هالوظايف التاليه :-

- عامل بلديه

- سواق باص بنات

- فلبيني في مطعم كنتاكي

- حلاق هـندي

- دكتور بيطري

- سوداني في محل فـول

- سيلاني يغسل سيارات


52- وش اول شي تفكرين فيه لما تقومين من النوم ؟؟؟


53- ماذا تعني لتس هذه الكلمات :

الحب :
الشك :
النكتة :
الصداقة :
السعادة :
الماضي :
الحرية :
الصدق :
الحاضر :
التسامح :
المال :
المستقبل :
التفاؤل :
الغنى :
الفراغ :
الأرق :
التواضع :
الموسيقى :
الصبر :
الحياء :
الكتاب :
العطف :
الحياة :
الكمبيوتر :
شهر العسل :
الفقر :
القدر :
الرجل :
الصحة :
الثقة :
المرأة :
العلم :
الجاذبية :
العمل :
اللون :
التردد :
العيون :
السفر :
الغرام :
المطبخ :
الوعد :
الوقت :
الجمال :
الرياضة :
الزواج :
الشجاعة :
القيادة :
الوفاء :
النفاق :
الأسراف :
العاطفة :
الوراثة :
البخل :
الأسرة :
الذاكرة :
العقل :
السر :
الطفولة :
اللسان :
الوطنية :
الشباب :
الجاهل :
الانتقام :
الليل :
الكابوس :
الشيخوخة :
المنزل :
التجربة :
التجاعيد :
الصمت :
الروح :
الغرور :
الادب :
المطر :
الضمير :
الهدوء :
المعسل :
الجبن :
الكيرم :


58- انا اقول انه لو كان كل العالم اذكياء تسان مافيه نكـت (( اهم شي عنده النكت )) فا ايش رايك .. وايش آخر نكته سمعتها ؟؟؟

59- عضو اذا شفتيه تحسين بان الدوخه والصداع المنغولي والروماتيزم والحمى المالطيه كلها تجتمع فيتس ..؟؟

60- معتس خمس بصلات لمين تهدينها من اعضاء الشبكة ؟؟


اووووه يلا ماعليه ابكمل الأسئله بعدين لاني مستعجل ..

شوي وارجع ولا ودتس اوقف ؟؟


.. طحياطي ..

[ســ9ــامــ9ــي]

^
^
^
في ظرف أستثنائي سيتم تمديد هذا الكرسي لمدة سنتين حتى تنتهي المسكينة من الإجابة على أسئلة الموضح أعلاه :rolleyes:

[برستيج]

لا حول ولا قوة الا بالله العظيم

ما اقول الا

كل شي بأجره شمس .. واحتسبي عند الله من اسالة هالشين

:angel:

[3asheq_y15]

هلا والله بشمس :)

حبيت اسجل حضوري بس...
خصوصا بعد ماشفت اسئلت مدرعم رحمتك :angel:

تحياااتي

[الكاسر888]

^
^

ويقول هذي الاسئلة مجرد مقدمة

[مدرعـم]

حرام عليكم كلها اسئلة مهمة :( :(

وان تسان على حضورك ياالهواوي (( من زين هالحضور )).. ماعليك ترا بالشوفه انا مستعد احضر بدالك بس قل تم (rambo)

[Full Moon]

في ظرف أستثنائي سيتم تمديد هذا الكرسي لمدة سنتين حتى تنتهي المسكينة من الإجابة على أسئلة الموضح أعلاه :rolleyes:

لا حول ولا قوة الا بالله العظيم

ما اقول الا

كل شي بأجره شمس .. واحتسبي عند الله من اسالة هالشين

:angel:

حبيت اسجل حضوري بس...
خصوصا بعد ماشفت اسئلت مدرعم رحمتك :angel:

:cry: :cry: :cry:


حرام عليكم كلها اسئلة مهمة :( :(

مين الي حرام عليه احنا ولا انت :jeng: ...

ومدرعم من زين اسئلتك تتريق فيها علي بعد :amle: ...

ويالله الله يعين إن شاء الله نعدي اسئلتك على خير مع اني ماهقيته والله شكلي بفقد بقايا عقلي تدري عقلي كله طار لما قريت الاسئله وبقى شوي فتات واكيد بفقد هالفتات اذا جاوبت على هالستين سؤال :jhgy: ...

وربنا عالظالم والمفتري<<<< مدرعم ترا ابداً مااقصدك :kayf: ...

[وردة الهلال]

هلا شموووووسة :rolleyes:

السلام عليكم ..

كيف احوالك وش مسوية مع الفراغ > حاسدتك عليه <:(

اغلب الاسئلة راحت وسألوها اللي قبلي

عاد انا عندي كم سؤال واتمنى ما سقل عليك ( مقصودة ;) )

من متى شجعتي الهلال ومن كان السبب وش اول مباراة تابعتيها باهتمام ..

2 = وش يمثل لك الهلال و الى اي مدى هو مأثر على شخصيتك العامة :rolleyes:

3= انتي من اي منطقة؟

4= وش احلى مراحل دراستك ..

5= وش سبب عدم مشاركتك في المدرج .. لأن عدم الاندماج مع الاعضاء ما اعتقد سبب كافي :confused: لأن النقاش عن الهلال مو علشان سواد عيون الاعضاء
بعدين ما قد احد استفزك سواء بسب لاعب هلالي .. او نقل معلومة كاذبة
او شي من هالقبيل و رديتي عليه .. >> تكسر الخاطر بلحالها في المدرج :(


شكراً شمس مقدمـــــــاً ..

وشكراً اخوي الكاسر على الاستضافة الجميلة :asno:

[الطيرالهلالي]

ياجماعه اذا جاء كرسي الاعتراف المفروض تعطون مدرعم اجازه ولا تخطفونه ...وتفكون الناس من شره يالاقشر :jeng:

[Full Moon]

أبوالذهب

هلااا بك اخوي...

عندى كم سعال وياريت تجاوبينى عليه واذا ماتبين بكيفك بس ترا بكسر سياره مدرعم

لا حرام خبري به مامعه الا البيجو ثمن وشلون يداوم اذا كسرتها زود ماهي مكسره <<<<<متعاطفه معك يامدرعم حتى وانت حاط لي 60 سؤال بعين العدو :yuupy: ...

على بركة الله نجاوب على اسئلتك والله يحلل اسئلتك عند اسئلة مدرعم :jhgy: ...

لو قدر الله عليك تشتغلين بالدوريات يوم مريتى من شارع الغرابى لقيتى هنود وبنجال حاجرين

مدرعم ! والهنود يقولون تبعنا والبنجال يقولون تبعنا والعسكرى اللى معك يقول ابك الله العالم انه

سبكتانى مع العلم ان خشته توحى لك بان الثلاثه معهم حق كيف بتحلين هالمشكله ؟؟؟؟؟

1- تطلبين بطاقته ؟

لا ماراح اطلبها اللي مثل حالته اكيد مايعرفون شكل البطاقه فوشوله اتعب عمري :rolleyes: ...


2- تخلينه يحلف انه سعودى ؟

دامي ابي افكه من اللي هو فيه فبخليه يحلف واكيد هو بيقعد يقسم ويحلف مليون يمين انه سعودي ووقتها بنخلي سبيله ونفكه من هالشله بس مو عشان سواد عيونه بنسوي كذا :amle: ... كل ذا بنسويه عشان نحافظ على الكائنات المدرعمه من الانقراض تدري هي فصيله نادره والصنف حقها مطلوب :jhgy: ...


3- تذبينه بشنطه الدوريات ولا يردك الا القسم ؟

ناقصنا مصايب :fghty: ... لا تكفى خله حر وماعلينا منه...


السعال الثانى :

لو قدر الله عليك تشتغلين مطوع يعنى تقرين على الناس وجابو لك مدرعم عقب مافكوه الهنود والبنجال

ويقولون لك فيه سكنى ياربيه بسم الله على بالحالى يوم قريتى عليه طلع الجنى اللى فيه

اندونيسى ( هههه خل ملاحق الشغالات ينفعك ) وانتى لغتك الاندونيسيه الله بالخير ولا عندك

مترجم وش بتسوين ؟؟؟؟؟؟؟؟؟؟؟

1- تتعاملين مع الجنى بلغه الاشاره؟؟ ههههه عاد ودك يطلع اعمى ؟؟

ممكن نسوي كذا بس صدق لو صار اعمى وش الحل :req: ...

2- تشاورين الجنى ودك تطلع ولا لا ؟

اكيد بيقول لا لانه مدرعم مهدده يحرمه من الميراث لو طلع منه وتخلا عن اصوله :jhgy: ...

3- تتعوذين من ابليس وتنامين ؟؟

هذا احسن حل وخل مدرعم يقعد هو و هالجن احس جايز له الوضع كذا تدري وافق شناً طبقه (rambo) ...


السعال الثالث :

لو قدر الله عليك تدخلين مطعم وانتى جوعااااااااانه مرررررررررره يعنى ودك تروحين تنامين ! وانت

توك بتسمين الا مدرعم بخشتك ويقول لك مهوب انتى شمس الغنيه وانتى ودك تصرفينه ؟

1- تقولين له انا اختها التوئم؟

لا مايصير اكذب مايستاهل الموضوع...


2- تقولين يخلق من الشبه اربعين؟

وبعد ماراح اكذب لانه تدري مدرعم تمشي معه اي تصرفيه وشلوله اخذ ذنوب عشانه :p ...

3- تقولين اكرمك الله وتمشين وتخلينه ؟

هذا اللي بيصير لانه اصلاً بيكون مو صاحي ذيك الساعه وماراح يفهم وش اقول فاخذه على قد عقله الا مدرعم انت عندك عقل زي باقي الكائنات البشريه :jhgy: :angel: ...

على فكره لا احد يشره على اجوبتي لانها جايه بعد اسئلة مدرعم :amle: ...

والله يعطيك العافيه اخوي ابوالذهب...

والــف شـكـرلك...

[مَـلَـــك]

سلام عليكم
هلابك اخوي الكاسر ومشكور على استمرارية (كرسي الاعتراف) الناجح ..

هلا شموووسه


نجي للاسئلة وترامن بعد اسئلة مدرعم انلحس عقلي :jhgy:


كيـــف تكونين سليمةالقلب؟؟

الحاجة ام الاختراع....فهل الالم أب الابداع؟؟

ماهي أقسى أنواع الغربـــة؟؟...الغربة النفسيــــــــة ,,,أم الغربة الجسديـــــــــة؟؟

حينما تحبين انسانه ثم ما تلبث العلاقة ان تفتر..وتتصرم خيوطها..لكن رغم ذلك تبقين محافظة على تلك الصداقة والصحبة...وتنسين مقولة (اذا اردت ان تنسى حبيبك المليح تذكر له كل قبيح)..لمجرد انك لم تجدي شيئا يكرهك فيها...فما موقفك؟؟!

الابتـــــــــــعاد رغم الاقتــــــــــــراب ...ماذا يصيبك؟؟

أقسى أنواع الملــــــــــــــح ذقتيه؟؟

نوبة بكــــــــــــــــــاء صــــــــــــــــامت.....متى؟وأيــــــــن؟

تبتسميــــــــــــن بصمت ...متى...؟

* * * *
* * *
* *
*
.
.
.


**... اهداء للغاليـــة شمس ...**

ملتقى شوقي ...في مقلتيك ِ ...

ومرسى حبي ...في فؤادك ِ ...



للجميع تحياتي,,,

[Full Moon]

بيسان


هلااا ببيسان...

اشكرك على الرد وإن شاء الله نوصل لاسئلتك ونجاوب عليها باقرب وقت...

وربي يعطيك العافيه...

[Full Moon]

برستيج

هلااا بك اخوي...

تسلم اخوي على اختيارك لهذه الشخصية الرائعه الهادئه ( ايه هييين هادئه .. والله من كثر

الهبال بس ما انعطت فرصه ) .. :angel:

يقولك من عاشر القوم اربعين يوماً صار منهم .. عاد مابالك بالي له حول الخمس سنين وهو معهم اذا حسبنا ايام الزعيم طبعاً:rolleyes: ...


بحكم ان الجو بارد هاليومين نقول وش تبين تشربين

طول ما انتي جالسه على كرسي الاعتراف .. تبين ترمس قهوه .. والا زنجبيل ؟

مايبي لها كلام اكيد قهوه...


ــ كثر الحديث والكلام عن المناهج الدراسيه في مراحلنا التعليمية المختلفه وما تحتاج له ..

فمن وجهة نظرك .. هل فعلا تحتاج هذه المناهج الى تعديل ؟ واذا كانت الاجابة بنعم .. فما هي

المواد التي ترينها في حاجه الى ذلك ؟

اكيد مناهجنا تحتاج لتغيير مو تعديل بس طبعاً اقصد تغير بإرادتنا احنا وتفكيرنا احنا مو تفكير وتخطيط غيرنا...

فمناهجنا تتكرر في اكثر من مرحله بالاضافه انها قديمه وتحتوي على اخطاء شنيعه بالذات الرياضيات في المرحله الثانويه والمناهج ماهي شامله ومافيها اي تنويع او تثقيف هذا بشكل عام...

اما المواد فكل المواد تحتاج للتغير والتعديل...

لكن احب احكي عن مواد الدين .. طبعاً تعرف انها تعدلت لكن التعديل كان فقط على كلمة ((الجهاد)) وبعض الدروس الاخرى ... لكن احنا نحتاج تعديل اعمق من كذا تعديل لخدمة دينا فقط...

فللاسف مواد الدين تتكرر بدون فايده فالطالب يتخرج من الثانوي ماعنده اي ثقافه دينيه فاحنا نحتاج اننا نخلي مواد الدين اوسع واشمل بحيث نقوي الثقافه الدنيه ونغرس الدين الاسلامي السليم في قلوب شبابنا...

وبعد المواد العلميه فهي ثابته من اول ماحطوها وهي ماتطورت رغم انها تحتاج لهالشيء بشكل كبير...


ــ كيف يمكن ان نفرق بين الثقة في النفس والغرور ؟

الثقه حاجه نحتاجها عشان ننجز اغلب اعمالنا بهالحياة فلو ماوثقنا بانفسنا فمعناه اننا راح نكون مترددين مما راح يسبب تعطيل لحاجات كثير بحياتنا...

اماالغرور فهو ما تجاوز الحد المشروع للثقه وتقريباً يشل الحياة...


ــ من اقرب الناس الى نفس ضيفتنا ؟ ( المطلوب ذكر صفات وليس اسماء )

من يتحلى بصفات وخلق القرآن ويهتدي بهدي نبيي :) ...


ــ يوسف الثنيان لاعب كانت وما زالت مهاراته واهدافه عالقه في اذهاننا .. سؤالي ..

ماهو اجمل اهداف ابو يعقوب بالنسبة لك .. وما هي اجمل مباراة قدمها ولا زالت راسخه في ذهنك ؟

من الظلم اني اقول هالمباراة افضل مباراة ليوسف او هالهدف اجمل هدف جابه يوسف وهالشيء لسببين...

اول شيء .. انا ماعشت بدايات يوسف والمرحله اللي ابدع فيها بجد لانه تدري يوسف طالع قبل مااطلع للدنيا :) ...

ثاني شيء .. على كثر حبي ليوسف الا اني ماشفت كل المباريات اللي لعبها بحكم انه بعضها مره قديمه وماعشتها وبعضها ماهومنقول واحنا محكوم علينا بالسجن المؤبد خلف شاشات التلفزيون...

فراح اجاوبك بحسب اللي شاهدته من ابداعات ثنيانيه بالنسبه لاحسن هدف فكل شيء من يوسف حلو لكن يبقى هدف يوسف في مباراة النصر اعتقد انها بالدوري عالق بخيالي دايم لانه ابو يعقوب سكت ناس كثير واولهم الاحمد "المعلق" لانه كان يقول بمعنى كلامه: "ان كانه شيب بتضيع وان كانه مابعد شيب فهي قول" .. وكان الهدف من فاول تسبب فيه النزهان وسدده يوسف ومر من بين كل الاعبين وكان بنهايةالمباراة حتى فرحة يوسف مع لطف كانت غير شكل وهذاك الهدف كان رد على كل من كان يقول انه يوسف انتهى...

طبعاً هذا ماهو احلى هدف بس يبقى هو الهدف اللي حبيته من قلب واما اهداف يوسف فكلها ماشاء الله فن خيالي وماتنسا...

بالنسبه للمباراه اللي راصخه بذهني فالحقيقه اي مباراة يتواجد فيها يوسف واشوفها تبقى بذهني لانه اللي يهمني وجود يوسف حتى لو لعب عالواقف لانه حتى بوقفته فناااااان :yes: ...


ــ وش اخبار الهدايا معك .. تحبينها والا لا ؟ وما هي اجمل واخر هدية حصلتي عليها ؟ ومن مين ؟

اكيد كلنا نحب الهدايا وخاصه لما تكون من ناس غالين وعزيزين علينا...

اجمل هديه .. كانت من سنه واكثر كانت بسيطه جداً وهي عباراة عن كتاب لانيس منصور بعنوان ((الحب .. والفلوس .. والموت .. وانا )) وكان جمال هالهديه بجمال صاحبها وغلاته فهالكتاب مايفارقني رغم اني قريته اكثر من مره :) ...

امااخر هديه اذا خلينا هدايا العيد على جنب فهي كانت برمضان وكانت من امي الله يخليها لي وهي عباره سجادة صلاة...


والــف شكر لك برستيج...

وربي يعطيك العافيه...

[Full Moon]

الطير الهلالي



هلااا بك اخوي والله يحييك...


- شمس الغنيه انتي تحبين التحاور حول موضوع يجذبك ...وتحبين تزيدين في الحوار ولا تملين ...ولا في احد يقدر يقنعك انك مثلاً اخطيتي برأيك ..؟؟؟
عندك شي من العناديه (( هل هذا صحيح )) ؟؟؟

بالنسبه للعناد ففعلاً فيني هالشيء بس مااعاند على حاجه غلط ولما اعاند اكون واثقه من انه كلامي هو الصح...

وبالعكس ممكن اقتنع بكلام غيري واغير رايي بس في حالة وحده لما اكون على خطأ والحمدلله لما ادخل في نقاش اكون واثقه من كلامي ماحكي بشيء من الخيال فعشان كذا اثبت على رايي ومااغيره مهما شككوا بكلامي...


- شمس الغنيه ودي اعرف ليه اخترتي هذا الاسم ؟؟؟
هل لأنه لقب (( نجوى كرم)) وتحاولين تقليدها او لسبب ثاني ؟؟

يوزر شمس الغنيه اخترته لاني كنت احب نجوى بجنون ولاني كنت اريد ارد مقلب صار لي فاخترت هاليوزر على اساس انه يكون مؤقت وبعدين ارجع ليوزري بس بالاخير استمريت عليه...


- لو اخطاء احد عليك... وجاء يطلب منك العذر وبين ان خطاه كان عفوي هل تسامحينه؟؟

إذا الله سبحانه وتعالي اللي خلقنا يعفوا عن عباده فليه احنا نتكبر ومانسامح اللي يغلط علينا...

فشيء اكيد راح اسامح أي شخص يعتذر لي وحتى لو مااعتذر فمع الوقت بانسى كل اللي صار وماراح اشيل بخاطري عليه...


- ابي ملاحظاتك على منتدى الرياضه العالميه والمدرج العام لأني ماقد شفتك هناك ابد؟؟

بالنسبه لمنتدى الرياضه العالميه فادخله بشكل شبه مستمر بس للاطلاع فقط بدون المشاركه...

واكثر شيء يعجبني بمنتدى العالميه هو طريقة تقديمهم للمباريات وانه الاعضاء يشاركوا بهالشيء يعني مايكون كل شيء بيد المشرفين فتعاون الاعضاء معهم يعطي المنتدى طابع حلو...

لكن منتدى العالميه يحتاج لطرح اكثر للمواضيع فالمواضيع المطروحه في اليوم عددها قليل واعتقد هذا اكثر شيء يحتاجه المنتدى...


- ابي اعرف وش شهاداتك او الى وين وصلتي من مرحله تعلميه؟؟

توني مخلصه الثانوي السنه اللي فاتت...


والــف شكرلك اخوي...

وربي يعطيك العافيه...

[محمد]

السلام عليكم ..


هلا أخوي الكاسر .. شكرا ع الموضوع .. :)


هلا اخت شمس .. ما عندي اسئله .. واتمنى لك التوفيق .. خصوصا في المرحله الجامعيه الجايه يبي لها شويه حرص ..

وبالتوفيق للجميع ..

[هلاليه بالفطره]

شموووووووووووووووووس على الكرسي ياهلااااا يامرحباااا :magkiss:

اولاً ..
- انتي وحشتيني .. .. و انا .. .. وحشتك ؟ :yuupy:

- ليش تحبين السياسه ؟ ومن علمك عليها ؟ مايعورك راسك من القهر ؟

- متى بتشرفينا الشرقيه ............ .واي وقت بدك تشرفي انتي معزومه عند مدرعم وردي له هالدين وفيه دين علي من قبل اعطيه بعدين اعطيك (rambo)


واشوف وشك بخير بعد اسئله مدرعم :cry: حتوحشيني



سلام :magkiss:

[الكاسر888]

متى بتشرفينا الشرقيه ............ .واي وقت بدك تشرفي انتي معزومه عند مدرعم وردي له هالدين وفيه دين علي من قبل اعطيه بعدين اعطيك

^
^
^

كريمه على مال غيرك..قلت بتقول تعالي عندي واخر شيء عند مدرعم


مدرعم..ياحبيلك..صرت حمال أسيه وانا اخوك

[هلاليه بالفطره]

^
^
^
^

ياشينك يالكريم

الحين كل هاالسنين عندكم بالرياض مافكرت تعزمها وجاي تحاسبني :jhgy:

[الكاسر888]

:rolleyes: :rolleyes: مااعزم بنات استحي منهم :rolleyes: :rolleyes:

[هلاليه بالفطره]

^
بـيّــن كرمك الحين :p

[روعة الزعيم]

هلا شمس

س 1:ـ متى تشعرين بالوحدة ؟ ومن الذي تحتاجين له عند الشعور بها ؟

س 2:ـ لكل انسان رغبات وهوايات ، فما هي رغبات وماهي هوايات شمس ؟

س 3:ـ مامليت يوم جلستي بدايه سنه في البيت ؟ هل تفكرين بعد دراسة انك تشتغلين او لا ؟

س 4:ـ ثلاث رسائل لمن توجهينها وماذا ستكتبين فيها ؟

س 5:ـ كلمات وجهيها لمن ترين من أعضاء المنتدى .

ـ إعجاب ...
ـ إحترام ...
ـ شكر وتقدير ...
ـ عتاب ...
ـ اعتذار ...

مشكوووريالكاسر على هالموضوع

[Full Moon]

ســ9ــامــ9ــي


هلااا والله اخوي سفر...

منور المنتدى برجعتك...

ومن جد ياليتهم سمعوا كلامك وقفلوا الاسئله عشان مانشوف الارهاب حق مدرعم...

والله يعطيك العافيه اخوي...

[Full Moon]

داج


هلااا بك اخوي...

* كيف استعداداتك لاستقبال اسئله مدرعم؟؟
مع اني اشك هالمره بتزيد الاسئله بعد التوقف الطويل لهالموضوع واتوقع والله اعلم تاصل الاسئله لاكثر من ميه سؤال :rolleyes:

والله كنت مو شايله همها قبل اشوفها واحسها شيء عادي بس لما شفتها صار العكس...


* كل البشر تخطي..
وش هو الخطا اللي وقعت فيه شمس الغنيه وللحين متندمه على فعل هالشي؟؟

اكثر خطأ ندمت عليه هو اني خليت ظروفي ونفسيتي تتتحكم بي وانا بالتوجيهي فأثر بي هالشيء كثير لكن إن شاء الله نعوض اللي راح ونستفيد من تجاربنا...


* اي قسم رااح تدخلينه بالجامعه ان شاء الله بالترم الثاني؟؟

إن شاء الله ان الله راد فاني بادخل حاسب...


* وش رااح يكون شعورك اذا شفتي اسئله مدرعم؟؟

والله فجعني مدرعم هو واسئلته توقعت يرحمني ومايسأل كثير بس خيب ظني :cry: ...

بس يالله مستعدين لاسئلته وبنجاوب عليها إن شاء الله متى ماجاء دورها وربك كريم :) ...


* وش تتوقعيين لهلاالناا هالسنه من بطولات؟؟

اتمنى يحقق كل البطولات اللي مشارك فيها لكن اتوقع انه ياخذ كاس الملك إن شاء الله...


والف شكرلك اخوي...

وربي يعطيك العافيه...

[ســ9ــامــ9ــي]

يوزر شمس الغنيه اخترته لاني كنت احب نجوى بجنون ولاني كنت اريد ارد مقلب صار لي فاخترت هاليوزر على اساس انه يكون مؤقت وبعدين ارجع ليوزري بس بالاخير استمريت عليه...

ممكن نعرف اليوزر القديم المغبر :rolleyes: :rolleyes:

[الكاسر888]

يوزر شمس الغنيه اخترته لاني كنت احب نجوى بجنون ولاني كنت اريد ارد مقلب صار لي فاخترت هاليوزر على اساس انه يكون مؤقت وبعدين ارجع ليوزري بس بالاخير استمريت عليه...




ممكن نعرف اليوزر القديم المغبر


وهل هالكلام من أيام شبكة الزعيم والا شبكة الهلال ، وماهو المقلب :rolleyes:

[Full Moon]

بيـــســـــــان


وعليكم السلام ورحمة الله وبركاته...

هلاااا بك بيسان مره ثانيه...

قبل مااحط اسئلتي حبيت اقول كلمه
"ان الاخت شمس الغنيه من اعز صديقاتي وصداقتها افتخر فيها وهي انسانه بمعنى ماتحمله الكلمه من معنى فااقولها امام الجميع "
"اني احبكِ في الله"

اتمنى اكون استاهل لو جزء بسيط من كلامك :) ...

وأحبك الله الذي أحببتني فيه...


هل تؤمنين بوضع استراتيجيه معينه لحياتك تسيرين عليها ام انك تفضلين ان تسيرك الحياه؟

افضل امشي حسب اللي مقدر لي واللي مقدره الله لي افضل من اي استراتيجيه فالله اعلم باحوالنا والله هو اللي بيسر لنا كل امورنا بهالحياة إن شاء الله...


2-ماهي اخر قصه قرءتيها ولمن :rolleyes: .<تقصد شي بالسؤال :magkiss:

اخر قصة كانت بعنوان ((احلام حنين الورديه)) وكانت من المبدعه بيسان ;) ...


والــف شكرلك يالغاليه...

وربي يعطيك العافيه...

[Full Moon]

عنيـــــد


هلااا بك اخوي...

ودي أسأل كم سؤال و لك حرية الرد من عدمه على أي سؤال تشوفينه ..

اكيد راح اجاوب على كل الاسئلة إن شاء الله...


.. الإنترنت ..


ماذا أضاف لشمس الغنية و ماذا سلب ؟؟

اضاف لي حاجات كثير من اهمها تعرفت على بنات كثير من خلال الانترنت وصارت علاقتي فيهم قويه كثير والحمدلله استمرت علاقتنا خارج النت .. وايضاً ساعدني النت في توسيع ثقافتي وتعرفت على تفكير الناس بهالعالم...

اما وش سلب مني فهالايام ماعاد اطلع من البيت مثل اول بسبب النت يعني تقريباً اخذ اغلب وقتي...


بعرض عليك كم قضية عليها جدل كبير و يا ليت تجاوبين بـ مؤيدة أو معارضة ..


* السماح للمرأه بالقيادة في المملكه .

مؤيده وبقوه بعد...

* فتح أندية لممارسة الرياضة البدنية للسيدات .

نفس الشيء مؤيده...

* الزواج عبر الإنترنت .

اعتقد الانترنت وسيله زيها زي اي وسيلة ثانيه للزواج يعني مثل المعرفه والخطابات والتيلفون فما امانع هالشيء وبكل الحالات التوفيق بيد ربي ماهو بالطريقه اللي تم فيها الزواج...

والــف شكرلك اخوي...

وربي يعطيك العافيه...

[Full Moon]

الـجزء الأول

مــدرعـــــم


الله يحييك مدرعم افندي (himo) ...

مايحتاج اقولك هلا لانك راعي بيت ماشاء الله انت وهالاسئله اللي جايبها معك :amle: ...

ومعليش حطيت الاجابات على اسئلتك على جزئين يالله نلحق عليها :) ...

http://ssssss9.jeeran.com/9994_fdaey.JPG

ذا صاروخ ولا ديسكفري :D :D

انا اقول انه RBG :angel: ...


1- وش اخبار مكرونة بالقشطة معاتس ؟؟ وهل صحيح ان قطاوة الحارة كل يوم متسدحين عندتس ؟؟

المكرونه بالقشطه زمان عنها والله من زمان مااكلتها اذا سويتها عزمتك عليها بس باسويها بالسكر :p ...

اما القطاوه من جد كل قطاوة الحاره عند بيتنا بس انا اكره مااشوف القطاوه مااحبها :jeng: ...


2- سؤال على جنب في هروين ولا مافي ؟؟ وبكم ؟؟

العنوووووان غلط...

بس اذا تبي عندنا ((قـــات)) ينفع :angel: ...


3- متى كانت اول بداياتك بالنت وش اكثر شي جذبك فيه ؟

والله مااذكر متى بالضبط بس اعتقد من ست سنوات او خمس سنوات...

والمواقع الهلاليه هي اللي جذبتني للنت...


4- شمس عضوة مرجوجة بس في ردودها ولا مواضيع مافي .. سؤالي متى نشوف رجتس بموضوع وممكن تقولين لهذه الجماهير المحتشده منذ متى وانتي تعانين من هذه الرجة ، وهل هي معك منذ الولادة ام وليده موقف ما ؟

بالنسبه للمواضيع قد كتبت موضوعين او ثلاثه بس مانزلتها ماتعودت انزل مواضيع هبال واللي كتبتها عطيتها صديقاتي ونزلوها هم بيوزراتهم...

اما الرجه اللي فيني فوالله اسأل ملك هي المسؤوله عنها (rambo) ...


5- كلمة قاعده ترجرج في بطنتس ودتس تقولينها وش هي ؟

الله يهديك يامدرعم على هالاسئله صح حلوه بس كثيره:) ...


6- مربية شنب ولا مسوية سكسوكة .. وليش ؟؟

جربت الثنتين وشفتها ما تصلح علي ففضلت اعيش بدونهم :jhgy: ...


7- في المدرسة تجلسين بأول الصف ولا بآخر الصف .. وليش ؟؟

باخرالصف وبالتحديد بالزاويه عشان اشخمط على كيفي واسولف براحتي...


8- ماذا تعني لك هذه الكلمات :

- الجوال

الازعــــــاج...

- الليث الابيض

الــطــــفــوله...

- قرندايزر

الـــقــــوه...

- الريموت كنترول

الــعـــجــــز...

- السفر

متعه ومغامره...

- الهدوء

غـــــرفــتـــي....

- الخوف

الـــظـــلام...


9- وش رايتس بالشباب اللي يغازلون .. وهل مريتي بموقف مشابه ياليت تكلمينا اذا كان تحرش فيتس احد .. مع اني مااظنتي احد يتحرش فيتس الا اذا كان اعمى ؟؟؟

انت الصادق مو اعمى الا امه داعيه عليه والله :angel: ...

واكيد التماسيح مايخلون احد بحاله بس ناخذ حقنا وزود (himo) ...


10- ذكري طبخه تتفنين فيها وطبخه ماتعرفين تسوينها (( حديتس بيض مسلوق ومحروق بعد ))؟؟

ليه شايفني انت ماتعرف الا تلف :jhgy: ...

والحمدلله كل شيء اعرفه مايعوق معي نحوس وغصب تصير طبخه وياويل احد يذوقها ويقول شيء عنها...

بس مااعرف اطبخ ذبايح امنيتي اجرب واطبخ ذبحيه احسه انجاز :kany: :jhgy: ...


12- يوجد في جنوب افريقيا ضفدعه ضخمه يبلغ طولها 62سم فهل تتوقعين ان ملك من هذه الفصيله او من فصيله مختلفه ؟؟؟

لا ملك من فصيلة الضفادع الطائره بس وين تعيش فيه ذا الفصيله الله اعلم :jhgy: ...


13- في يوم كنتي معزومه عند حرم الوزير وجاتس بنت الوزير حبت تتميلح وصبت ليتس كوب شاي بس بدال ماتحط ليتس سكر حطت ملح .. وش يكون موقفتس ؟؟؟

وش بيكون يعني .. باقول لها ممكن تغيرين لي كوب الشاهي بس ياليت تحطين سكر .. لان الظاهر ان الشاهي مالح مو حالي...

<<< صريحه وما عندها لعب :angel: ...


14- مره وانت ماشية طحتي بحفره عميقه لكن ربك ستر وتعلقتي انتي بحصاه .. سؤالي تصرخين من قمة راسيتس تطلبين النجده عشان تطلعين .. ولا تطبين تشوفين وش فيه تحت ؟؟؟

بقعد ازاااااااعق وازاااااعق وزاااااااعق الين ماتتقطع احبالي الصوتيه وكلش الا اني اطب تحت :q: ...


15- لو 1 + 1 ما يساوي 2 .. فكم يساوي من طرف خشميتس ؟؟؟

اكيد بيساوي واحد مايبي لها كلام (himo) ...


16- بحكم انيتس محسوبة بالغلط على الجنس اللطيف .. ليه بنات هاللحين صاروا هـن اللي يطاردون ورا الشباب (( ياخوي وش يطاردون خيول هم ))..؟؟؟

الله يهديهم ويهدي الجميع ان شاء الله رح اسألهم لاني ماادري وش السالفه :rolleyes: ...


17- وش تفضل البنت بفارس احلامها من وجهة نظرتس .. ان يكون حلو وناعم ويحط مكياج ويلبس حرير .. ولا يكون خبل ومطفوق وملحوس عقله .. ولا يكون شين وقوي وخفيف دم بس راعي تتن ؟؟؟

وش ذولا مافيه خيارات ثانيه :req: ...

شوف الاول احس حرام يتزوج :ignor: ...

والثاني مااعتقد البنات ناقصين طفاقه فتخيل مطفوق ومطفوقه وش بيجيبون ذولا وكيف يعيشون :jhgy: ...

والثالث راعي تتن يعني ريحته تذبح وقرف ولا بعد شين يعني مرفوض وبقوووووه :jeng: ...

بس اناعندي حل سليم تقعد ببيت اهلها احسن لها بكثير بلا فارس احلام بلا هم وبكذا وتريح وتستريح :D ...


18- تيب انتي ايهما تفضلين يكون زوجاً بالمستقبل البعيد طبعاً .. لابس البنطلون الجينز ( الاجنبي ) ولا بوصروال سنة ( السعودي ) .. ولا اهم شي الاخلاق .. ولا اهم شي هو يجي حتى لو كان جرذي ؟؟؟

ولا واحد فيهم وخله يقعد عند امه احسن له ماحنا ناقصين مصايب...


19- يقولون انيتس حاطه شروط للي داعية عليه امه ويبي يخطبيتس .. وهو ان يكون لابس ذاك الثوب الاغبر والطاقيه مايله ومسكب بنت البكار والحاجب نصه منقلع وغير تسذا مستحيل توافقين .. صح هالحتسي ..؟؟؟

الا الين الحين هالكائنات موجوده اخبرهم انقرضوا :rolleyes: ...


20- هوايتس وانتي صغيرة غير تجميع القواطي ؟؟

اتزحلق على الدربزين :angel: ...


21- ماتعني ليتس كلمه حب ؟؟؟ وهل تؤمنين ان الزوجة تركب ورا .. والعيال قدام ؟؟؟؟

كلمة الحب تعني لي امي وابوي"الله يرحمه"...

اما حكاية انه الزوجه تركب ورا والعيال قدام فما تعجبني هالحركه مهما كانوا العيال كبار الام لازم تقدر...


22- كم مره تلعبين كوره في الاسبوع ؟

اول مره في كل اسبوع او سبوعين الحين بالمواسم...


23- طموحتس بالحياة ؟؟؟

رضى ربي عني ومن ثمن رضى امي...


24- ماذا يشكل السامري في حياة شمس ؟؟؟

نوع من انواع الهبال الله يبعدنا عنه :jhgy: ...


25- ما رأيك في الشخصيات التالية أسمائهم ؟!

1- روبي

الله لا يبلانا باللي بلاها...

2- أميره الفضل

صوتها حلو بس...

3- أصاله نصري

كانت تعجبني ومملوحه...

4- تركي الدخيل

مااعرفه...

5- خالد عبدالرحمن

اول لاضاق صدري سمعت اغانيه...

6- نجوى كرم

كنت مجنونه فيها...


26- وش رايك في أغنية أحبك من سنة جدي ؟ ولمن تهدينها ؟؟

ماقد سمعتها بس احسها تناسب جدي فبهديها له :D ...


27- وش رايتس بسياسة كل واحد يصلح سيارتة ؟؟؟

انا معها .. بس بشرط ما يكون فيه لا ضرر ولا ضِرار :) ...


28- هل تعانين من اي مشاكل نفسيه ؟ ومتى ان شاءالله نشوفتس عندنا بشهار ؟؟

قبل اسئلتك لا .. بس بعدها ايه...

اما متى تشوفني بشهار فممكن بعد ساعه من الاجابه على اسئلتك :jhgy: ...


29- من هو الكاتب المفضل عندتس ؟

انت كاتبي المفضل واحسن واحد يكتب وكل شيء تبيه بس لو ترحمني من هالاسئله تصير مو كاتبي المفضل وبس الا بعلق اسمك بكل مكان ببيتنا بس تنازل لو عن سؤال بس...


30- ما احسن كتاب قرأتيه ؟

كتاب لغازي القصيبي بعنوان ((ابو شلاخ البرمائي)) اقراه يامدرعم احسه يناسبك :rolleyes: ...


31- اول ما جلستي على كرسي الاعتراف وش اول شي طرالتس ذيك الساعه ؟؟؟

وفيه غيرها اكيد اسئلتك :amle: ...


32- يوزرات تفتقدينها الان في الشبكة وتتمنين لو كانت موجوده ؟؟

كثير والله من بينها عنود الصيد وريــم وماروكو وريمانه وشقراويه وسحر نجد وسبورت وخوخه...


33- من هو اقرب شخص ليتس بالشبكة .. ومن هو اكثر شخص فاقدته ؟؟

اقرب شخص ملك واكثر شخص فاقدته مشرفنا ابراهيم ماعاد نشوفه ابد...


34- بحكم انتس من الاعضاء المغبرين وطالعه ريحتهم وش رايتس بالجيل الجديد في الشبكة .. وهل تتوقعين له مستقبل مثل الجيل اللي قبله ؟؟

ماعليهم والله فيهم الخير والبركه بس احسهم مو منسجمين مع بعض مثل اللي كانوا اول لانه المنتدى تغير من جد...


35- وش الفرق بين الشبكة زمان والشبكة الآن ؟؟

كل فترة ولها وضعها .. وهي الان بشكل رائع ونشكر كل من ساهم في وصولها له...


وان شاء الله اكمل باقي الاسئله قريب...

[Full Moon]

الــجزء الـثـانـي


مــدرعـــــم


هلااا مدرعم بنكمل باقي الاسئله وإن شاء الله اكون جاوبتها كلها ومانسيت شيء...


36- تجربتك بالشبكة كيف تقيمها ومدى استفادتك منها ؟؟

استفدت منها بشكل مره كبير والحمدلله تجربه ناجحه والله لا يحرمنا من هالشبكه وربي يعافي كل المسؤولين عنها...


37- اعضاء استفدتي منهم ؟؟

كثير والله ومافيه عضو معين لانه في نطاق المنتديات ممكن تستفيد من حاجات كثيره فمثلاً عضو تستفيد من معلوماته اللي يقدمها وعضو ثاني تستفيد من اسلوبه وطريقته بالكتابه وممكن تستفيد من بعض مواضيع الاعضاء يعني اللي يبي الاستفاده بيحصلها والحمدلله انا حصلتها باكثر من عضو :) ...

38- اكملي الفراغ :

1) القلب النابض للمنتدى هو الاســطــوره...

2) صاحب القلب الكبير هو ســـ9ــامــ9ــي...

3) حبيب المنتدى هو مـــدرعـــم...

4) فاكهة المنتدى هو علي معتوق العمري...

5) عطر المنتدى هو مــلــك...

6) ضجيج المنتدى هو داج...

7) خسارة المنتدى بأبتعاد العضو أو العضوه هو جــاج...

8) شمعة المنتدى هو اسير لطيفه...


39- بحكم خبرتس العصرية وانتس عايشتي الكثير من العصور من ايام الديناصورات الى بريعصي هالزمان .. تقدرين تعلمينا من اللي جاب الثاني اول البيضة ولا الدجاجة ؟؟؟

الــدجــاجــــه :rolleyes: ....


40- موقف :: تخيلي مره انتي طالع من البيت بامان الله شوي الا ويطلع ليتس ضب ويلحقيتس .. وقتها وش تسوين ؟؟

ماراح انحاش وبامسكه مع راسه عشان مايعضني <<<<<مقطعتها القوه :angel: ...


41- موقف :: طالع بالسيارة مع السايق ولا اخوتس المهم طالعين على شارع عام وانتو ماشيين فجأة خطف بوجهكم اسد .. كيف بتكون ردة فعلتس ؟؟

اكيد باصحى من النوم واتعوذ من ابليس :o ...


42- موقف :: تلعبين كورة بالحديقة مع ملك وباقي الشلة شوي وحده فيهن شاتت الكورة بوز ونطلتها فوق شجرة وجيتي انتي بكل ذكاء وحسن تصرف وهدوء وعقلانية فصختي الزنوبة الخضرا ومزعتي فيها الشجرة وتسان يوم صفقت الشجرة واهتزت طاح تمساح كان مقيل فوق الغصن .. وقتها وش تسوين ؟؟؟

اناديك عشان تتفاهم معه اخبر عندك خبره بالتماسيح...


43- موقف :: كنتي مسافرة وراجعة ويوم وصلتي المطار كان في استقبالتس الدبة هلالية اللي اول ماشافتس شالتس وحبت الشنطه .. وقتها كيف تتصرفين ؟؟ وهل لوجهيتس المربع له دور في ذلك ولا العيب بعيون هلالية ؟؟

وانت الصادق العيب في سؤالك هذا :p ...


44- ماذا يعني ليتس النظر إلى :

- القمر

تــأمـــل...

- قطو فوق الجدار

اغراء لاحلى زبيرية تجيبها للارض :D ...

- غروب الشمس

نهاية اليوم...

- صرصور واقف جنبك

فلم مرعب ((الجزء الأول))...

- بريعصي ماشي على رجلك

فلم مرعب ((الجزء الثاني))...

- طفل يبكي بين يديك

خــيـــانـــة الــحــياة...

- البحر

الــغــدر...

- واحد ينغف

قــــرف :amle: ...


46- وش نوع جواليتس ؟؟

ماعندي عشان يصير له نوع...


47- عطيني اجوبة سريعة على الاسئلة التالية :

*احساس انيتس عضوة خايبة هـل شعرتي به ؟؟؟

من زمان بالبدايات بس :) ...

* عضو/ة تتذكرين اسمه دائماً ؟؟؟

مــدرعـــم...

* عضو/ة يعجبتس اسلوبه وتستمتعين بالقراءه له .. لاتقول لي واجد سمي لنا واحد ؟؟؟

واجــــد <<<<<عناد بس :p ...

بس يالله نقولك واحد اللي هو المتميز بس من زمان عن كتاباته وان شاء الله يرجع لنا مثل اول :) ...

* عضو/ة تحسين انه قوي ؟؟؟

بـــــور...

* عضو/ة تحسين انه دلخ خلقه ؟؟؟

كـــثـــيرين :angel: ...

* عضو/ة تحسين انه شراني ؟؟

مـــافيه...

* من اقرب عضو/ة الى خشم شمس ؟؟؟

مــلـــك...

* اعتراف صريح لأول مره تبوحين به ؟؟؟

اعترف انه اسئلة مدرعم رغم طولها الا انها ممتعه وحلوه .. يالله من قدك يامدرعم استانس :D ...


48- هل صوتيس جميل بحيث يصلح للغناء ولا قبيح لدرجة يزعج الجيران ويشلخ الجدران ؟؟؟

مايصلح لشيء ابد يالله محرجه بسوق الحمام :angel: ...


49- منتدى المعسل تتمنين تحديثه بالشبكه وليش ؟؟ وكم تعطيه نسبة لنجاحه ؟؟

بدون معسل وعسانا نبزاكم :p ...

اما نسبة نجاحه 60% :rolleyes: ...


50- تخيل انيتس ضايعه بالصحراء والشمس لاعنه خامستس وميته من العطش والجوع ذابحيتس ورجلتس انسلخت من الحراره عشانتس حافيه .. تيب عقب هذا كله وش رايتس بالعولمه ؟؟؟

العولمه حاجه محسومه يعني صايره صايره رضينا ولا مارضينا وانا ضدها مو خاشه مزاجي ابد...


51- من تتوقعين من أعضاء الشبكه يشغل هالوظايف التاليه :-

- عامل بلديه

ولا واحـــد...

- سواق باص بنات

ياكثر اللي يتمنون :rolleyes: ...


- فلبيني في مطعم كنتاكي

خلها فلبينيه وبنقول بيسان :angel: ...

- حلاق هـندي

قــرقـــو...

- دكتور بيطري

داج...

- سوداني في محل فـول

برستيج...

- سيلاني يغسل سيارات

مــدرعـــم...


52- وش اول شي تفكرين فيه لما تقومين من النوم ؟؟؟

افكر بلاقي احد صاحي من اهلي ولا لا...


53- ماذا تعني لتس هذه الكلمات :


الحب: اســاس الـحـيـاة...

الشك: مـــرض...

النكته: نكته :rolleyes:

الصداقه: مواقف...

السعاده: غايه...

الماضي: ذكريات حلوه وحزينه :) ...

الحريه: حلوه بس لها حدود...

الصدق: احد المبادئ الاساسية في الحياة...

الحاضر: مؤلم في ظل ما نشاهده...

التسامح: صفه حميده...

المال: المال والبنون زينة الحياة الدنيا...

المستقبل: يجب ان نتفأل له رغم صعوبته وغموضه...

التفأول: ســـر الــحــيــاة...

الغنى: غنى النفس...

الفراغ: جميل متى ما استفدنا منه...

الارق: هـــم...

التوضيع: من تواضع لله رفعه...

الموسيقى: حــــرام...

الصبر: قدوتنا في ذلك الانبياء عليهم افضل الصلاة والتسليم...

الحياء: اجمل ما في المرأة...

الكتاب: صديق من لا صديق له...

العطف: يذكرني بالاطفال...

الحياة: حلوه بس نفهمها...

الكميبوتر: له نصيب الاسد في حياتي اليومية...

شهر العسل: اذكر الله ...

الفقر: اختبار من الله...

القدر: لازم نشوفه...

الرجل: نادر في زمنا...

الصحه: تاج على راس الاصحاء لا يراها الا المرضى...

الثقه: افتخر بها...

المرأه: ضوء الحياة...

العلم: نــــور...

الجاذبيه: فتاكه...

العمل: مصدر رزق...

اللون: الازرق...

التردد: خـــوف...

العيون: سرها في براءة الاطفال...

السفر: سوريــا...

الغرام: اكبر من الملي غرام :angel: ...

المطبخ: علاقتي حلوه فيه...

الوعد: يجب ان نلتزم به...

الوقت: امـــانه...

الجمال: جمال الروح...

الرياضه: صحه...

الزواج: اذكر الله بعد...

الشجاعه: احيانا تصير تهلكه...

القيادة: ليست سهله...

الوفاء: اخلاص...

النفاق: النار...

الاسراف: تكبر على النعمه...

العاطفه: تقارب...

الاورثه: لها محاسنا ومساؤها...

البخل: بعد الناس عنك...

الاسره: اليد الوحده...

الذاكره: لك عليها شوي...

العقل: ما يميز لانسان...

السر: امــانه...

الطفوله: احلى شيء بالحياة...

اللسان: ان صنته صانك وان خننته خانك...

الوطنيه: ماده تدرس ماشفنا له اي فايده :rolleyes: ...

الشباب: تماسيح...

الجاهل: مسكين...

الانتقام: حــقــد...

الليل: راحـــة...

الكابوس: شيطان...

الشيخوخه: الله يحسن خاتمتنا...

المنزل: اسره...

التجربه: استفاده...

التجاعيد: بدري عليها...

الصمت: ابلغ من الكلام...

الروح: ((الروح من امر ربي))...

الغرور: هي تجاوز الحد القانوني من الثقه بالنفس...

الادب: اخـــلاق...

المطر: نــعــمـه من نــعــم ربي...

الضمير: لازم يكون مرتاح...

الهدوء: النوم...

المعسل: مــــرض...

الجبن: سيد النواشف...

الكيرم: اهم شي الخمسين...


58- انا اقول انه لو كان كل العالم اذكياء تسان مافيه نكـت (( اهم شي عنده النكت )) فا ايش رايك .. وايش آخر نكته سمعتها ؟؟؟

مالقيتا الا انا تسألني عن النكت بس يالله بدور لك اي نكته واحطها لك ومالي دخل لو هي قديمه :rolleyes: ...

فيه 3 مجانيييين بمستشفى ومعهم دكتور .. اثنين قاموا يرقصون الا واحد جاه الدكتور قال له ليش ما ترقص..؟؟ قال اسكت انا العروسة :kello: ...

يالله عاد هذا اللي عندنا وماخذتها من صديقتي بعد :D ...


59- عضو اذا شفتيه تحسين بان الدوخه والصداع المنغولي والروماتيزم والحمى المالطيه كلها تجتمع فيتس ..؟؟

مــافــيـــه...


60- معتس خمس بصلات لمين تهدينها من اعضاء الشبكة ؟؟

البصله الأولى لك انت...

البصله الثانيه لملك...

البصله الثالثه لجود...

البصله الرابعه لبيسان...

البصله الخامسه لهلاليه...


والــف شكرلك مــدرعــم...

وربي يعطيك العافيه اخوي...

[زعيم الهــــلال]

8
8
8
8
اخيرا انتهت اسئله هالحشيش (rambo)

[FaHooDe]

هلا والله بالكاسر :) :

شمس الغنيه اخبارك ؟؟؟
ووش مسويه ؟؟؟

حبيت اسلم عليكم واسير بس لااكثر ولا اقل وفي سؤالين او ثلاثه ابي ابطحهم <==== للحين مافكر بالاسئله ؟

وش شعورك يوم مدرعم حط الاسئله ؟؟؟
وش رايك بالتواجد النسائي بالمنتدى وتتوقعين انه فعال :) ؟
وش شعورك فجاه تلقين رساله من عضو حاط فيها رقمه ووش ردك وقتها ؟؟؟ :) وهل صارت لك ؟ <==== السؤال هذا اوجهه لواحد من الشباب :angel:

تحياتي لك

[Full Moon]

الهواوي


هلااا بك اخوي...

وشـكـراً لتشريفك الموضوع...

وربي يعطيك العافيه...

[Full Moon]

وردة الهلال

وعليكم السلام ورحمة الله...

هلااا والله بوردة...

كيف احوالك وش مسوية مع الفراغ > حاسدتك عليه < :(

والله ماشي الحال الحمد لله ريحنا هالترم وكانت اجازه حلوه وكانت لحظاتها وايامها جميله بالنسبة لي .. اتمنى تتكرر مره ثانيه :angel:...


من متى شجعتي الهلال ومن كان السبب وش اول مباراة تابعتيها باهتمام ..

من عرفت نفسي وانا هلاليه بحكم انه كل العائله تشجع الهلال...

اما اول مباراة تابعتها باهتمام فمااذكر والله لانه هالشيء من زمان...


2 = وش يمثل لك الهلال و الى اي مدى هو مأثر على شخصيتك العامة :rolleyes:

الهلال يمثل لي الرياضه السعوديه كلها...

اما مدى تأثير الهلال على شخصيتي فالصراحه له تأثير كبير علي بحكم اني متعصبه للهلال بقوه...


3= انتي من اي منطقة؟

من الــريــاض :) ...


4= وش احلى مراحل دراستك ..

ثالث متوسط وأولى ثانوي...


5= وش سبب عدم مشاركتك في المدرج .. لأن عدم الاندماج مع الاعضاء ما اعتقد سبب كافي لأن النقاش عن الهلال مو علشان سواد عيون الاعضاء
بعدين ما قد احد استفزك سواء بسب لاعب هلالي .. او نقل معلومة كاذبة
او شي من هالقبيل و رديتي عليه .. >> تكسر الخاطر بلحالها في المدرج

شوفي وردة انا معك انه النقاش عشان الهلال لكن مهما كان الاشخاص اللي تناقشينهم لهم تأثير على نقاشك معهم...

فصح فيه كتاب كبار ونحترمهم كثير لكن بعض الاعضاء اسلوبهم ينفر يعني ماعندهم اي مبادئ للحوار ويتهجمون على بعض بالفاظ ماادري وش تبي يعني لاهم محترمين انفسهم ولا محترمين المنتدى اللي هم فيه فانا مااحب ادخل في نقاش مع ناس مثل كذا...

وهذا اللي يخليني اقول اني مو مندمجه مع الاعضاء...

واشوف انه الافضل لي اني اكتفي بالاطلاع على كل شيء بالمدرج بدون المشاركه :) ...


والــف شكر لك اختي...

وربي يعطيك العافيه...

[زعيم الهــــلال]

بعض الاعضاء اسلوبهم ينفر يعني ماعندهم اي مبادئ للحوار ويتهجمون على بعض بالفاظ ماادري

خخخخخخخخخخخخ مافيه غيره هالدب حبيب القلب داج (rambo)
























لاتصدق يا ابو يعقوب تراني امزح خخخخ

[ياسر عبدالعزيز]

السلام عليكم ورحمة الله وبركاته:
الله يكون بعونك ان شاء الله على الاجابه على كمية هذي الاسئله :rolleyes:

السؤال : مارايك بحكومة طالبان((بقيادة اسامه بن لادن))..
هل تتمنين ان تقوم جميع بلدن الاسلاميه بتطبيق معتقداتهم ودستورهم وان يفعلوا
مافعلته حركات طالبان بنساء كابل؟؟؟؟؟؟ :)

[ابوسعد الهلالي]

هلا بالكاسر...
وبضيفته شمس......

بصراحه رحمتك من اسئلة مدرعم :cry ولو اني مكانك قدمت اجازه من المنتدى لين يخلص وقت كرسي الأعتراف :yuupy:

وبعدين ما خلا لنا درعومي شي نسأل عنه :jeng: بس ندورعلى شي ما قاله مدرعم

س1/ليش الجنس الناعم يكون حزب في المنتدى ضد الأشناب ويسمونهم التماسيح<<< وانا عارف اني اولهم :p ؟

س2/هل يوجد لديك أشتراك في منتديات أخرى؟

س3/وش أحسن أكله تسعبلين إذا شفتيها؟

س4/وش رايك في أسلوبي في كتابة الأسئله؟<<<< خبرك مدرس والأختبارات على الأبواب قلنا ناخذ بروفه على شمس قبل لانوهق عيال الناس :D

وأعذريني على التجربه فيك أحسن مايصقطون الطلاب وأحتسبي الأجر..

وبصراحه ودي أطول في أسئلتي لك بس أشغلتني بنت أختي تبيني أنزل أتعشى !!! :lkj:
يله بلحق عشى اميمتي قبل لا يخلص عني :slv:

ولك تحياتي
ابوسعد

[Full Moon]

مَـلَـــك


هلااا والله وغلااا بملك...


كيـــف تكونين سليمةالقلب؟؟

سلامة القلب من سلامة اللسان بالبعد عن الكذب والغيبه والنميمه وقول غيرالحق وبسلامة العين بالبعد عن النظر إلى كل ماحرم الله وبسلامة الاذن بالبعد عن سماع المحرمات كالاغاني...


الحاجة ام الاختراع....فهل الالم أب الابداع؟؟

نــعـــم الالم سر ابداعنا فرغم صعوبته ومرارته الا انه يمدنا بالابداع..


ماهي أقسى أنواع الغربـــة؟؟...الغربة النفسيــــــــة ,,,أم الغربة الجسديـــــــــة؟؟

الــغــربة الـنـفـسـيــة اقسى بكثير من الغربة الجسدية...


حينما تحبين انسانه ثم ما تلبث العلاقة ان تفتر..وتتصرم خيوطها..لكن رغم ذلك تبقين محافظة على تلك الصداقة والصحبة...وتنسين مقولة (اذا اردت ان تنسى حبيبك المليح تذكر له كل قبيح)..لمجرد انك لم تجدي شيئا يكرهك فيها...فما موقفك؟؟!

اول شيء ياملك اللي يحب صعب يكره .. فراح اتجاهل تصرفاتها وراح احتفظ بقدرها بقلبي وماراح اتعامل معها بمثل ماتسوي هي...


الابتـــــــــــعاد رغم الاقتــــــــــــراب ...ماذا يصيبك؟؟

الابتعاد رغم الاقتراب جزء من العذاب العاطفي...


أقسى أنواع الملــــــــــــــح ذقتيه؟؟

اقسى حاجه مرت علي بحياتي هي وفاة ابوي الله يرحمه...


نوبة بكــــــــــــــــــاء صــــــــــــــــامت.....متى؟وأيــــــــن؟

فــي كـل يــوم .. وفــي بعض اركان منزلنا :) ...


تبتسميــــــــــــن بصمت ...متى...؟

ابتسم لما اكون في قمة المي وعذابي وصراعي مع الحياة لان الحياة سهلة جدا بس تحتاج اننا نفهمها...


والف شكر ياملك على هالاهداء وربي مايحرمني منك ان شاء الله :) ...

وربي يعطيك العافيه ويوفقك ياملك...

[Full Moon]

محمد


وعليكم السلام ورحمة الله وبركاته...

هلااا بك اخوي محمد...

ربي يسمع منك وإن شاء الله ربي يوفق الجميع بدنياهم واخرتهم...

واشكر لك تواجدك اخوي...

وربي يعطيك العافيه...

[Full Moon]

هلاليه بالفطره


هلااا بك هلاليه...

اولاً ..
- انتي وحشتيني .. .. و انا .. .. وحشتك ؟ :yuupy:

لا ابداً ولا جبت خبرك :p ...


- ليش تحبين السياسه ؟ ومن علمك عليها ؟ مايعورك راسك من القهر ؟

ماهو حب للسياسه قد ماهو اهتمام وشعور بالمسؤوليه اتجاه قضايا المسلمين لاني اشوف انه كل فرد مسلم مسؤول عن اللي يصير للمسلمين من ظلم وصهينه من اعداء الدين الاسلامي...

ومااحد علمني ياها غير الواقع اللي نعيشه...

وصح هي قهر لكن العيب ماهو من السياسة العيب من سياسة العرب...


- متى بتشرفينا الشرقيه ............ .واي وقت بدك تشرفي انتي معزومه عند مدرعم وردي له هالدين وفيه دين علي من قبل اعطيه بعدين اعطيك (rambo)

الشرقيه من زمان عنها تقريباً من سنه ونص مارحت لها...

ومااتوقع اروح لها بهالفتره الحاليه...


والف شكرلك هلاليه...

وربي يعطيك العافيه...

[Full Moon]

روعة الزعيم


هلااا بك اختي روعة...

س 1:ـ متى تشعرين بالوحدة ؟ ومن الذي تحتاجين له عند الشعور بها ؟

اشعر بالوحده لما يمر علي موقف صعب ومااقدر اتجاوزه لحالي...

واكثر واحد احتاجه وافتقده بمثل هالمواقف هو ابوي الله يرحمه...


س 2:ـ لكل انسان رغبات وهوايات ، فما هي رغبات وماهي هوايات شمس ؟

الرغبات كثير ومالها حدود لكن يبقى رضى الله والوالدين اهم شيء ومن بعدها يجي النجاح بهالحياة...

اماالهوايات فاول شيء الدخول على النت لاني اعطيه من وقتي الكثير ومتابعه من خلاله امور كثيره فيها فايده كبيره لي .. وثاني شيء القراءة وخاصه الرويات والقصص...


س 3:ـ مامليت يوم جلستي بدايه سنه في البيت ؟ هل تفكرين بعد دراسة انك تشتغلين او لا ؟

لا ابداً مامليت وبالعكس هالايام اللي جلستها بالبيت من احلى الايام اللي مرت علي بحياتي الحمدلله...

اما الشغل فوالله ماقد فكرت فيه ويبقى شيء بعلم الغيب...


س 4:ـ ثلاث رسائل لمن توجهينها وماذا ستكتبين فيها ؟

الرسالة الأولى

ستكون لامي الحبيبه .. التي مهما كتبت لها من كلام لن اوفيها حقها .. لكنني دائماً ادعو الله ان يحفظها لي...

*****
***

الرسالة الثانية

لجميع الشعوب العربيه وفي مقدمتهم شعب العراق .. اقول فيها :

النصرة للاسلام ان شاء الله حتى وان كانت دول الكفر طاغية .. لكن يجب علينا انا نعمل لنصرته والا نقف مكتوفي الايدي حتى تتحقق لنا عزتنا ونصرة هذا الدين...

*****
***

الرسالة الثالثة

لهذه الشبكه الغالية على نفسي ولجميع اعضاءها .. اقول فيها :

احمد الله ان جعل لي اخوة واخوات في مكان اعتبره مرتعي الثاني .. ووفقنا الله جميعاً لخدمة هذه الشبكه...


س 5:ـ كلمات وجهيها لمن ترين من أعضاء المنتدى .


ـ إعجاب ...

بــيــســـان...

ـ إحترام ...

مــلـــك...

ـ شكر وتقدير ...

لكل مشرفي شبكة الهلال...

ـ عتاب ...

ولا احد...

ـ اعتذار ...

وحتى هذي مو لاحد...


والف شكرلك وربي يعطيك العافيه...

[Full Moon]

ســ9ــامــ9ــي


هلااا والله بسفر...


ممكن نعرف اليوزر القديم المغبر :rolleyes: :rolleyes:

ايه اكيد ممكن :) ...

وكان اليوزر باسم ((هلاله)) :rolleyes: ...


وشكراً لك اخوي وربي يعطيك العافيه...

[Full Moon]

الكاسر888


هلااا بك اخوي مره ثانيه...

وهل هالكلام من أيام شبكة الزعيم والا شبكة الهلال ، وماهو المقلب :rolleyes:

هالكلام ايام الزعيم وسجلت فيه بالهلال بس مااستمريت فيه...

اما المقلب فاسفه والله مااقدر اقوله لانه مايخصني لحالي لكن اذا الباقي سمحوا لي قلته بس الحين مااقدر وياليت تعذرني اخوي :) ...


وحيااااك اخوي...

[ســ9ــامــ9ــي]

اما المقلب فاسفه والله مااقدر اقوله لانه مايخصني لحالي لكن اذا الباقي سمحوا لي قلته بس الحين مااقدر وياليت تعذرني اخوي

لازم نعرف المقلب :angel: ...

<====== لزقة :rolleyes: ...

[Full Moon]

FaHooDe


هلااا بك اخوي...

شمس الغنيه اخبارك ؟؟؟
ووش مسويه ؟؟؟

الحمدلله بخير وعافيه نشكر ربنا...


وش شعورك يوم مدرعم حط الاسئله ؟؟؟

اول ماشفت الاسئلة مره انفجعت منها بس بعدين عادي...


وش رايك بالتواجد النسائي بالمنتدى وتتوقعين انه فعال ؟

التواجد النسائي مهم وفعال من وجهة نظري لاسباب كثيره اهمها .. ان الافكار مختلفه بين الجنسين وتواجدهم يعطي مزيج ونقل لبعض افكارهم وارائهم في امور كثيره اشوف انها مفيده...


وش شعورك فجاه تلقين رساله من عضو حاط فيها رقمه ووش ردك وقتها ؟؟؟ وهل صارت لك ؟

اعتبر نفسي ما شفت هالرساله واتمنى ما اشوفها لاننا في مكان له احترامه وحنا اكبر من هالتصرفات اللي تدل على انحطاط كل من يفكر بهالاسلوب .. والحمد لله ما صار لي مثل هالموقف...


شكراً لك اخوي وربي يعطيك العافيه...

[Full Moon]

ياسر عبدالعزيز



هلااا بك اخوي...

السؤال : مارايك بحكومة طالبان((بقيادة اسامه بن لادن))..
هل تتمنين ان تقوم جميع بلدن الاسلاميه بتطبيق معتقداتهم ودستورهم وان يفعلوا
مافعلته حركات طالبان بنساء كابل؟؟؟؟؟؟

أول شيء الشيخ اسامه بن لادن زعيم القاعده وليس هو قائد طالبان وانما الملا عمر هو زعيم طالبان فحبيت اوضح لك هالشيء :) ...

وبالنسبه لسؤالك فاحب اسألك اخوي وش اللي سوته حكومة طالبان بالنساء...؟؟

وكل اللي وصل لنا عن طالبان وظلمها للنساء جاء عن طريق امريكا الدوله الكافره فمثل ماتعرف لا توجد أي تغطيه اعلاميه في افغانستان فكل اللي وصل لنا وصل عن طريق العدو اللي مايعرف أي حاجه عن مبادئ دينا...

http://arabic.cnn.com/2004/afghanistan/10/6/afghan.women/story.afghan.women.jpg~1064897142440903400.jpg

شفتا هالصوره يقولوا انها تعبرعن ظلم المرأة الافغانيه...

فاذا قلنا انه نساء افغانستان مظلومات فاحنا بعد زيهم مظلومات هنا بالسعوديه...

لانه الظلم اللي يحكوا عنه هو انهم يتغطوا ويتنقبوا زينا ومالهم أي تدخلات بالسياسه مثل ماهو حاصل عندنا وحتى مالهم مناصب بالدوله مثل ماهو عندنا فما فيه أي امرأة لها منصب بالدولة وزي ماتعرف عندنا ممنوع انه المرأة تبيع بالاسواق العامة بس يسمحوا لها بالبسطات او البيع عند الاشارات لكن انها تفتح لها محل ممنوع هذا ماهو ظلم مثل ماهم يقولوا عن نظام طالبان...؟؟

ولو باقعد احكي عن هالموضوع ماراح اخلص...

لكن من جد اتمنى يطبق حكم الاسلام السليم في كل البلدان الاسلاميه افضل من الفساد والضياع اللي حاصل عندنا لانه الحال اللي نعيشه ابداً مايطاق...



وشكراً لك اخوي وربي يعطيك العافيه...

[Full Moon]

هلالي من طفولتي


هلااا بك اخوي...

س1/ليش الجنس الناعم يكون حزب في المنتدى ضد الأشناب ويسمونهم التماسيح<<< وانا عارف اني اولهم ؟

كلها امور من باب المزح مو اكثر...


س2/هل يوجد لديك أشتراك في منتديات أخرى؟

ايه فيه كثير بس ماادخل عليها دايم ولو دخلت يكون بس للتصفح مو للمشاركه...


س3/وش أحسن أكله تسعبلين إذا شفتيها؟

كل انواع المكرونه...


س4/وش رايك في أسلوبي في كتابة الأسئله؟<<<< خبرك مدرس والأختبارات على الأبواب قلنا ناخذ بروفه على شمس قبل لانوهق عيال الناس :D

ليتك موهق عيال الناس ولا وشفنا منك هالاسئله :kayf: ...

ودعواتي لك اخوي بالتوفيق بمجال عملك...


والف شكر لك اخوي...

وربي يعطيك العافيه...

[Full Moon]

ســ9ــامــ9ــي


هلااا بسفر النشبه :jeng: ...

لازم نعرف المقلب :angel: ...

<====== لزقة :rolleyes: ...


اقول سفر وش نقرب لك انا وملك :rolleyes: ...

اشوف فيك نفس النشبه اللي فينا :angel: ...

بس زي ماقلت للكاسر مااقدر اجاوب والله ومن جد اسفه...

وحياااااك اخوي سفر...

[Full Moon]

** خـــتـــامـــاً **

لقد قضيت امتع الاوقات بصحبتكم مع كرسي الاعتراف...

وللاخ الكاسر كل الشكر على جهوده المبذولة تجاه استمرارية كرسي الاعتراف بأجمل صورة منذ بدايته...

وكل الشكر لكل من شارك وكل الشكر لكل من هلكني بالاسئلة <<<<<<مــااقـصـد مـــدرعـــم :rolleyes: ...

وادعي ربي اني اكون وفقت بالاجابه على اسئلتكم...

وربنا يوفق الجميع لكل خير وعسى الله ان يجمعنا في الجنه كما جمعنا بالدنيا...

والسلام عليكم ورحمة الله وبركاته...

[ســ9ــامــ9ــي]

أنا معترض هذا مو كرسي الإعتراف هذا كرسي الهروب :lkj: :lkj: ...

لازم نفتح لجنة للتحقيق في اللي يصير هذا :slv: :slv: ...

أنا سامع أنكم عندكم مختبر نووي <----------- وش يبي هذا :angel: ...

بس زي ماقلت للكاسر مااقدر اجاوب والله ومن جد اسفه...

لازم التحقيق في اللي يصير هنا يا أما تجاوب أو يصير كرسي التهرب :angel: :angel: ...

[Full Moon]

سفر مو قلت لك انك نشبه...

بعدين يكفي جاوبت على سؤال اليوزر :amle: ...

وماراح اجاوب عناااااااااد :p ...

[3asheq_y15]

^
^
شمس جاووبي يامال العاافيه والا ليه مسمينه كرسي الاعتراف :angel:

[ســ9ــامــ9ــي]

حلقة فاشلة أجل :slv: :slv: ...

هذا كرسي فاشل أطالب لجنة المنتدى العام بوقفه :nrey: :nrey: ...

:nrey: <====== صورة برستيج يشخمط قرار إلغاء الكرسي من اليوم :angel: :angel: ...

[بيـــســـــــان]

شموسه الله يخليك قولي وش المقلب قوليه عشاني طيب وماعليك منهم :qw:

لاجل عين تكرم مدينه :magkiss:

[Full Moon]

سفر يالنشبه اكيد بيجي يوم ويوقف كرسي الاعتراف يعني ماجبتا جديد :p ...


شمس جاووبي يامال العاافيه والا ليه مسمينه كرسي الاعتراف

والله قلت لكم كل شيء جت على هالسؤال يعني :rolleyes: ...

[ســ9ــامــ9ــي]

فيه خيانه لابد من تشكيل لجنة للتحقيق :slv: :slv:

[مدرعـم]

هذا كرسي فاشل أطالب لجنة المنتدى العام بوقفه

اجل لجنة المنتدى العام صدق الكبر شين :D :D

ياشيخ وش نوع القهوا اللي تشربها مااوصيك ابي كم بطل منها وسجلها على حساب برستيج :jhgy:

بس انا معاكم <<< نذالة بس ولا مدري وش السالفة (himo)

[مقدور]

إلا أقول ما تبون اتصل على كوفي عنان :angel:

طيب الكرسي حديد ولا خشب :amle:

طيب هالحين وش السالفة :D

[Full Moon]

سفر خلاص بجاوب بس مو عشانك (rambo) ...

بجاوب عشان بيسان مااقدر ارد لها طلب :magkiss: ...

وشوفي يابيسان...

من حوالي اربع سنين كان فيه ناس مسوين لي فيها يتقيون على الضعوف مثلي عاد تدرين كنت توني مالي سنه وشوي بالنت وخوافه اسمع بالهكر واحسه شيء مرعب ولا ادري وش هو :rolleyes:...

المهم جاء واحد على المسنجر وسوا لي فيها هكر وانه بياخذ ايميلي وحتى بالمره عشان يثبت لي انه هكر دخل بايميلي بنت باسم ........ (himo) وهو حقه بس مسوي فيها انه ماخذه عشان يخليني اصدق ماهو داري اني مصدقه بدون اثباتات :angel: ...

المهم مشيت معه وخفت من جد بالاخير لما خلاص وسع صدره وانبسط قال اكذب عليك ماني هكر ولا شيء :jeng: ...

ومن جد حقدت عليه لانه خوفني على غير سنع...

وبس هذي السالفه يانشبااااااات يعني مافيه شيء كايد يومك ناشب لي ياسفر :amle: ...

ويالله تصبحون على خير...

[ســ9ــامــ9ــي]

^
^
^


تصريفه :slv: :slv: ...

وش دخل هالسالفة بتغيير النك لفترة مؤقتة ثم الإستمرار :slv: ...

<========== وراك وراك :angel: :angel:

[ياسر عبدالعزيز]

لا حد يتدخل بدو ويصلحون مع بعض :jhgy:

^
^
^ وش السالفه :yuupy:

[الكاسر888]

وفي الختام أشكر شمس الشموس على تشريفها للكرسي

وعلى سعة صدرها ...وعوافي شمس..وخلوها في حالها يانشبات

[برستيج]

بسم الله


في البدايه .. نشكر ضيفتنا على سعة صدرها لجميع الاسئله المطروحه

خاصه اللي من بعض الناس ( اللي على راسه بطحه يشيلها ) <<< هذي الامثال ولا بلاش

:D


وشكرنا موصول لاخوانا المبدع دائماً رائد على جهوده المتواصله في هذا الكرسي


اما هالنشبه الاتهادي .. :p .. فاحب اقوله .. ترى من حق الضيف الاعتذار عن

الاجابه عن اي سؤال يطرح عليها .. لان هذا هو المعترف عليها في الكرسي

رغم اني شايف ان ضيفتنا كانت كريمه وصريحه الى ابعد الحدود في اجابتها

والحين .. كل واحد يخم عفشه ويمسك الباب


(himo)

[ســ9ــامــ9ــي]

^
^
^

أنت وخشتك قفل الباب على المساكين والضعوف اللي مامعهم مفاتيح :angel: ...

أما أنا أوريكم أنت والدب رائد وشمسوه لازم أغلس كل حلقة من هالبرنامج الفاشل :slv: ...