.... الــخــيـــمـــة الـــرمـــضـــانـــيــــة .... ( 18 ) [الأرشيف]

برستيج

3/11/2004, 15:46

بسم الله الرحمن الرحيم

نسعد بكم ومعكم من جديد في لقائتنا المفتوحة

مع ضيوف خيمتنا الرمضانية

هناك الكثير من المبدعين في تسطير المشاعروالاحاسيس

وهناك الكثير ممن وهبهم الله القدرة على الابداع في نثر حروفه

لتشكل لوحة من الخواطر الرائعه

لكن ان تجد من تتوافر فيه هذا الصفات وبشكل يفوق الجميع فهذا هو التميز

ضيفتنا لهذه الليلة تحمل صفة التميز .. ضيفتنا هي

(( مَــــــلَـــــــــك ))

:asno:

الاسئلة والاقتراحات وطلبات العيد .. :D .. نستقبلها مساء هذا اليوم الساعة ( 12 ) وهو

بداية انطلاق رحلة حوارنا مع ضيفتنا

انتظرونا

(himo)

برستيج

4/11/2004, 00:09

حي الله ضيفتنا ..

وترى باب العوائل من الجهه الثانيه .. :angel:

وكالعاده ..

نقدم لضيوفنا المشروبات البارده والساخنه .. فوش تحب تشرب ضيفتنا ؟

(himo)

Full Moon

4/11/2004, 00:16

السلام عليكم ورحمة الله وبركاته...

هلا والله وغلاااا بملوكه...

منوووووره الخيمه ياقلبي...

اول شيء بشري كيف السوق إن شاء الله خلصتي من هم العيد...؟؟

وراجعه لك إن شاء الله...

مَـلَـــك

4/11/2004, 00:16

سلاااام عليكم و رحمة الله

حيالله برستيج ....
ومشكور على هالاستضافة

وبعدين وشو عواائل ؟؟؟؟!!!!
تراني عزبااااء لسا ولله الحمد والمنه :d

وبعدين احب اشرب بلو كووكتيييييييييييييييييييييييييييييل :d
واذا مافيه جيبلي بنك كوكتيييييييييييييييييييييييييييييييييل

مَـلَـــك

4/11/2004, 00:19

هلا وغلا بشمووسه هلا بعيوني هلا بقلبي

والله اسكتي مااشيل غير هم الشوارع والزحمة اللي يقول اني انا السايق خخخخخخخخخخخخخ

بس انتي عارفه السوق مافيه شي عدل بس يلا ربك يعين وشكلي بأعيد بالبجااامه اللي من البحرين خخخخخخخخخ

برستيج

4/11/2004, 00:23

وبعدين احب اشرب بلو كووكتييييييييييييييييييييييييييييل
واذا مافيه جيبلي بنك كوكتيييييييييييييييييييييييييييييييييل
وش الاسماء الغريبه هذي .. <<<< يستهبل .. :d

اقول .. ما فيه قهوه ولها يومين مااحد شربها .. تنفع ؟

على طاري السوق ..

ليش الزحمه اللي في الاسواق ما نشوفها الا في العشر الاواخر من رمضان ؟

Full Moon

4/11/2004, 00:25

ملوكتي شوفي مدرعم وش يقول عننا...

http://modr3m.jeeran.com/cart8.jpg

وابيك تقولي رايك بهالكاركاتير...؟؟

بس بصراحه الله اعلم من اللي دايم مايهنا لها تدق الا والناس نايمين :p :p :p

GAHERHM

4/11/2004, 00:27

الله حيه .. اختنا ملك .. مع الفتحه والعده حقت اسمك كامله ( اللي كنه فرقه طقاقات ) :jhgy:

اول شئ .. عندي سوال صغينون.. يتالف من عدت اسئلة :D

كيفيت وصولك .. للشبكة ...؟

لو قدم لك صحن فمتو وكاس سمبوسه وش تختارين ..؟

وش رايك ... بنفسك .. تعبير سطرين ..؟

اذا قالو .. ملك .. من هي فماذا تقولين

الهواوي

4/11/2004, 00:28

ياهلا والله ملك..
عشر مباااركه انشالله :)

ااستلمي الاسئله...
وووينك الفترره اللي راااحت ااانقطعتي فترة طوويله لاحس ولا خبر ورجعتي ااكثر تألق..ليتك تغيبين دايم دااام هالغيباب يجي منه ابداااع :angel:

من متى بديتي تكتبين الخواطر والشعر...؟

وش اهتماماتك على النت..وكم منتدى مسجله فيه..

وراااااااجعين :jhgy:

مَـلَـــك

4/11/2004, 00:31

هلا برستيج

لا وشو قهوة مااشربها اخاف على دمي من التكسر :jhgy:

وبعدين تدري ليش الزحمة بالعشر الاواخر؟؟
بسبة ان عيال الذين امنوا ماينزلو بضايعهم الا هالوقت وشي تاني ماحد يفضى للسوق ووجع الا متل هالوقت والحمدلله انا هالسنة بس اللي تاخرت في المقاضي للعشر والا كل سنة مايجي شعبان والا انا قااااضيه بس الكلية ماورااها فضااااوة

مَـلَـــك

4/11/2004, 00:34

هلا شموووسه

وش هالصورة؟؟؟؟؟؟؟؟؟

والله والله والله يا مدرعم ان شمووووس ماخذه نومي كله هالكسلانه يعني انا اللي ادق عليها كل شي والقاها بسابع نومه ..
وبعدين يالشين يامدرعم مالقيت الا وجهي يحط نغماااات :d

مَـلَـــك

4/11/2004, 00:39

GAHERHM

هلا وغلا وش اسوي العربي ومايفعل خخخخخخخخخخخخ

اول شي يا قدع تكتب (كيفية) :rolleyes:
الله يخلي السوااااق :fghty:

صينية تااااانج :jhgy:

ماازكي نفسي على الله

هي نفسها م ل ك

AZRAG HILALEE

4/11/2004, 00:42

السلام عليكم.. تحيه طيبه لك ولكل الاعزاء...:)

وش رايك في الشعر الشعبي او النبطي؟؟؟

ما مدى اهتمامك بالشعر؟؟؟ ومن تعتقدين انه افضل شاعر؟؟

وش رايك في هالبيت:
ماصابك ماخطاك لو كان راميك...واللي يصيبك لو تتقيت ماخطاك

وشكرالك :noo:

GAHERHM

4/11/2004, 00:43

يالله .. هالمرة .. نبي نمشيها لك ..

انا قاعد اشوف عدد مشاركات .. قليل جدااااااااا .. بالنسبه الى وقت تسجيلك ..؟

ليه ؟؟

ولا خير الكلام ماقل ودل ( بس البنت ماتمشي هالقاعده عندها .. واكبر دليل التلفونات 24 ساعه مشغووووووووووول لا قالوا وينها .. قالوا تذاكر مع خويتها بالتلفون :angel: )؟؟

Full Moon

4/11/2004, 00:45

والله والله والله يا مدرعم ان شمووووس ماخذه نومي كله هالكسلانه يعني انا اللي ادق عليها كل شي والقاها بسابع نومه ..

حشى كل ذا حلوف ترا اللي تكلمينه مدرعم ماهو احد ثاني بعدين حرام عليك من دخل رمضان مانمت زين صكيتيني بعين :amle: :amle: :amle:

طيب ملوكتي خذي هالسؤالين...

وش رايك بالثنيان...؟؟

وممكن تقولي لنا وش اسعد خبر مر عليك بحياتك...؟؟

مَـلَـــك

4/11/2004, 00:49

هلا بالهواوي
ومباركة عليك انشاء الله

وووينك الفترره اللي راااحت ااانقطعتي فترة طوويله لاحس ولا خبر ورجعتي ااكثر تألق..ليتك تغيبين دايم دااام هالغيباب يجي منه ابداااع
والله الظرووف وماتسوي وبعدين حلو عشان تشتاااقووون لي اكثر خخخخخخخخخخخخ>>> ثقة عمياااء :D

من متى بديتي تكتبين الخواطر والشعر...؟
من ثاني متوسط لكن الشعر تقدر تقول تمكنت منه انشاء الله من خلال ممارسات كثيرة للشعر العربي في هالفترة وربك ييسر الامووور

وش اهتماماتك على النت..وكم منتدى مسجله فيه..
اهم اهتمامي اني القى كل يوم شموووسه على النت متربسه قدامه لان تدري عاااطله ومسكينه فلازم اونسها كل يوووووم :p

برستيج

4/11/2004, 00:51

سؤال رياضي

هل تحرصين على متابعة مباريات الازرق .. والا حسب الظروف ؟

:mad:

GAHERHM

4/11/2004, 01:04

برستيج .. اتوقع لو انك تجاوب عن الضيفه احسن :jhgy:

واحلى سلام .. لاحلى معلم شورما ..

مدرعم وينه برستيج .. ولامكثر من التانج اليوم

برستيج

4/11/2004, 01:09

^
^
^
لا تستعجل رزقك .. (himo)

<<< شكله بيصدق ويرد .. :angel:

GAHERHM

4/11/2004, 01:13

برستيج ..

شرايك نقلب الخيمه ..

ونلعب سوني

مَـلَـــك

4/11/2004, 01:14

AZRAG HILALEE
هلا وغلا

احب الشعرالعربي ....متذوقه له

اهتمامه بالشعر كثير جدا وافضل شاعر عندي الخنساء وايليا ابو ماضي

****************************************************
GAHERHM
هلا
مشاركاتي قليلة برغم اني ماااادخل المنتدى بشكل كثير او مسنترة قدامه زي دااااااااااااج :p

لكن ايه خير الكلام ماقل ودل والا سواليف الحريم مامنها فايده بس حش بخلق الله
****************************************************
شمس الغنيه
من زمان عن الثنيان شموووسه ومن زمان عن الكورة والهباااااال ومن زمان عن انخفاضات الضغط من المباريااات بس احبه حيل

اسعد خبر انك نجحتي يا شموسه بامتياااااااااااااااااااااااز في التوجيهي :p
****************************************************

مَـلَـــك

4/11/2004, 01:16

هلا ببرستيج ياخي انحولت عيوني خاشه ببعض :jhgy:
هل تحرصين على متابعة مباريات الازرق .. والا حسب الظروف ؟

لا تقريبا منعت من شوفتها لان تعرف اذا تحمست ارووووح بدواااهي هههههههههههههههه

لا بالعكس حسب الظروووف

بس حبي للهلال مثل امتداد البحر ماله نهاية

**************************

برستيج

4/11/2004, 01:21

سؤال بعد العوده .. وراح يكون لقافه ..

وش احسن هدية جتك .. ومن مين ؟

(rambo)

مَـلَـــك

4/11/2004, 01:25

برستيييج
هلا بك يالمليقيف

والله اخر هدية جاني خاتم ذهب ابيض من ماما ربي يخليها لي
وهدايا كثيرة يعني تعرف خرابيط البنااااااااااااات

GAHERHM

4/11/2004, 01:28

وش تتسحرين .. يملك

برستيج

4/11/2004, 01:30

نشكر ضيفتنا على هذا اللقاء

وعلى قبولها الدعوه .. رغم انها ما قالت غير سطرين .. :p

وليت نشوف منها كلمه بسيطه في نهاية هذا اللقاء ..

(himo)

الهواوي

4/11/2004, 01:32

غرريبه ماقفلت برستيج<<<<مستعجل :angel:

مَـلَـــك

4/11/2004, 01:36

اول شي الله يباركلنا بالعشر الاواخر ويجعلنا ممن تعتق رقابهم من النار
والحمد لله على كل حال خاصة ان قلوبنا تنعصر الما وحزنا على مفارقة الحبيب الشهر الكريم ولا نملك سوى الدعاء ان يبلغنا ربنا كل رمضان على خير ويكتب عنده ممن قاموا رمضان ايمانا واحتسابا وممن غفر له ذنوبه

واشكر برستيج ومدرعم على الخيمه الرمضااانية
واشكر كل الاعضاء وردودهم واسألتهم

وربنا يسعد الجميع لما يحبه ويرضاه
ويوفق الجميع لدروب الخير
وتقبل الله منا ومنكم صالح الاعمال

ويكتب لهذه الامه النصر في كل مجال ...

والسلام عليكم ورحمة الله