.... الــخــيـــمـــة الـــرمـــضـــانـــيــــة .... ( 10 ) [الأرشيف]

برستيج

25/10/2004, 16:22

بسم الله الرحمن الرحميم

نسعد بلقائكم هذا المساء مع ضيف جديد في خيمتنا الرمضانية

نتحاور ونتسامر معه <<<< ناوي يقلبها سامري .. :angel:

ضيفنا او بالاصح ضيفتنا لهذا الليلة اخت عزيزة علينا جميعاً

عاشت معنا بدايات انطلاق هذه الشبكه .. صحيح انها مقلة

في الكتابة ( بعدين نتفاهم معك على هالشي .. (rambo) ) .. لكن كان

لها حضورها الدائم .. ضيفتنا هي

(( شـــــمــــــس الــــغــــنـــــيــــة ))

:asno:

اللي يبي يسأل ضيفتنا ياخذ رقم .. :D .. وينتظرنا مساء هذا اليوم الساعه ( 12 )

وهو موعد فتح الموضوع والذي يستمر لمدة ساعة كاملة

انتظرونا

(himo)

برستيج

26/10/2004, 00:03

حي الله ضيفتنا

وجيب معك شاهيك وقهوتك .. لاننا ما فضينا نصلح اليوم شي .. :angel:

ونبدا معك لقائنا اليوم ..

(himo)

مَـلَـــك

26/10/2004, 00:05

السلام عليكم

هلا وغلا
هلا بقلبي..
هلا بروحي...
هلا بمطيبة جروووحي....
هلا بالصااااايمة :d

كيفك شموس؟؟ عساك بخير؟؟
نورت الخيمة يا بعد كليواتي :d

الا تعالي قضيتي للعييييييييييد ؟؟
ترا ابد السوق مافيه ولا شي جديد....

هاه اش اخر اختراعاتك يا الشيف شمس؟؟

لي عوده بعد شوي....

Full Moon

26/10/2004, 00:07

السلام عليكم ورحمة الله وبركاته...

هلا برستيج الله يحييك...

وش هالضيافه عندك روح انت وجب لي ولا اقول خلنا كذا مانبي شيء...

بيـــســـــــان

26/10/2004, 00:08

كيفك شموسه

عندي لك سؤال راح يعجبك

وش النشاط الي عملتيه يوم الاحد الي فات :qw:

Full Moon

26/10/2004, 00:09

وعليكم السلام هلا ملوكه...

والحمدلله حنا بخير وعافيه...

ولا ماقضيت للعيد اش رايك تقضي عني :)

اخر اختراعاتي مكرونه بالقشطه لذييييييييذه :yes:

Full Moon

26/10/2004, 00:10

هلا والله بيسان...

النشاط اللي عملانه يوم الاحد كان سوق خيري وكان لنا ياصناع الحياة ركن فيه والحمدلله البداية حلوه وربي يوفق :)

برستيج

26/10/2004, 00:12

سؤالنا الاخير .. :jhgy:

كيف رمضان معك هالسنه .. ووش الشي اللي تحرصين انك تسوينه كل يووووم ؟

(himo)

الهواوي

26/10/2004, 00:12

هلا شمس :)

شهر مباارك بعد الززحمه ..

حياااتس الله بالخيمه..وخذي هاأسئله..

كم معدل دخوولك النت يوميا..وش اااكثر شي تتصفحينه على النت..وانا ملاااحظك على طوول اون لاين بالمنتدى ووش القصه؟ لايكوون اشتراكك دي اس ال :angel:
وعلى طاري الاشتراكاتك ووش نوع اشتراكك وبأي شركه..

ورااجعيين (himo)

مَـلَـــك

26/10/2004, 00:12

حسبي الله على ابليسك مكرونة بالقشطة؟؟؟ :amle: وين تروح ذي لأكلها الواااحد؟؟؟

طيب شموس سين سؤال؟؟

متى بتعرسين شموووس؟؟ (rambo) >>>>> تحب الشر

Full Moon

26/10/2004, 00:15

هلا برستيج...

الشيء اللي احرص اسويه كل يوم اقرا وجهين او ثلاثه من القرآن بعد كل صلاة وصلاة التراويح والسحور..

برستيج

26/10/2004, 00:16

وصلنا هذا السؤال من المتصل ( ر ا ئ د ) .. يقول فيه :

س- شمس الغنيه = نجوى كرم ..هل للدرجة هذه تحبين نجوى كرم !

(himo)

Full Moon

26/10/2004, 00:17

هلا والله اخوي الهواوي...

والشهر مبارك علينا وعليك...

معدل دخولي للنت ست ساعات واكثر يومياً...

اكثر شيء اتصفحه شبكتنا ومافيه غيرها...

وايه اشتراكي Dsl وبشركة جيل...

Full Moon

26/10/2004, 00:18

هلا ملوكه نسيت اقول انها للرشيقين فقط :p

وباتزوج اذا تزوجتي انت ان شاء الله...

مدرعـم

26/10/2004, 00:19

يالله درب درب :angel:

حياالله ملك <<< الاخ ضارب غرزة :jhgy:

الا شمس سعوال يسدح نفسه وش لونتس مع رمضان السنة اللي فاتت ؟؟؟

(himo)

Full Moon

26/10/2004, 00:20

هلا برستيج وهلا بصاحب السؤال...

كنت احبها وبجنوووون من يومي صغيره بس الحين تركنا الاغاني الحمدلله...

برستيج

26/10/2004, 00:23

سؤال احترافي

ليش مطبخ كل بيت يشتغل في رمضان اكثر من اي شهر ثاني ؟؟

(himo)

بيـــســـــــان

26/10/2004, 00:23

سؤال ثاني

شموسه انتي في الحقيقه خبله :yuupy:
مثل في النت :qw:

عنيـــــد

26/10/2004, 00:24

اهلين شمس شرفتينا :rolleyes:

بغيت اسألك كم سؤال

هلاليه و لا لا يا شمس ..؟؟ :angel:

اذا هلاليه ليش ما تشاركين في قسم المدرج الهلالي ....؟؟

طيب الاحظ تحبين تشاركين في المواضيع الاجتماعيه كثير بس ما اشوفك تكتبين لنا من مواضيعك .. ليش ؟؟ (himo)

جاوبي و راجع لك :D

Full Moon

26/10/2004, 00:24

هلا والله مدرعم...

رمضان السنه اللي فاتت كان مرررره تعب وماحسيت فيه الا بالعشر الاواخر لما عطلنا...

GAHERHM

26/10/2004, 00:24

السلام عليكم ..

الله حي اختنا شمس .. بالخيمه ..
ابي اسئلك ..

وش رايك بالـــ 11 هدف اليوم .. :angel:
من تهدين الفوز .. هذا ..

وش احلى اكله عندك على الفطور ..

وهل شمس من المحبين للمطبخ .. او من اللي بحون الاندومي و الاشياء اللي
سريع سريع

برستيج

26/10/2004, 00:26

سؤال اخر من متصل اخر ..

س- أحس أنك حتى الساندوش رفله ماتعرفين تسوينه صحيح والا لا!

(himo)

Full Moon

26/10/2004, 00:26

هلا برستيج...

لانه برمضان الناس يحسوا بالجوع فياكلوا بشراهه زايده...

مدرعـم

26/10/2004, 00:26

وباتزوج اذا تزوجتي انت ان شاء الله...

حتى انتن تبون تتزوجن .. وش رايكن نسوي جمعية وكل 3 شهر تطلع لواحد منا :angel:

الا سمس وش لونتس مع المطبخ ووش الطبق اللي تحرصين تسوينه كل يوم او تخصصين فيه ؟؟؟

Full Moon

26/10/2004, 00:27

هلا بيسان وش هالسؤال :angel:

بس والله ماعلي فيني حقي من الهبال برا النت...

Full Moon

26/10/2004, 00:30

هلا اخوي عنيد...

ايه هلاليه متعصبه بعد...

اما المدرج احب اطلع على كل شيء فيه بس مااحب اشارك مااندمج مع الاعضاء...

وفعلاً انا احب المواضيع الاجتماعيه كثير اما المواضيع فانا مقله فيها واعترف بهالشيء ومزاجي هو اللي يتحكم بي الصراحه فعشان كذا مااكتب كثير...

Full Moon

26/10/2004, 00:33

هلا اخوي قاهرهم...

والله يحييك اخوي...

اما الاهداف فهي عوضتنا عن ايام الخمسات الحمدلله واهديها لكل الهلاليييين ولابويعقوب ونصوري الصغنون...

واحلى اكله الشوربه...

واحب الطبخ كثير وبعد نحب الاندومي بس حسب الشهوه مو دايم...

Full Moon

26/10/2004, 00:34

هلا برستيج ابو المتصلين...

لا والله ماني رفه الا مقطعتني السناعيه والكلام ماهو صحيح مجرد اشاعات :jhgy:

Full Moon

26/10/2004, 00:36

هلا مدرعم...

حلوه فكرة الجمعية بس لو سويناها بنحطك انت الاول وانا الاخيره...

اما الطبخ الحمدلله تمام واكثر شيء احب اتفلسف فيه المكرونه بكل انواعها اعتبرها تخصصي...

برستيج

26/10/2004, 00:38

سؤال لقافه ..

وش افضل هديه حصلتي عليها ... ووش المناسبه ؟؟

(himo)

Full Moon

26/10/2004, 00:42

هلا برستيج...

هدايا كثير والله بس كان اخرها عطورات وحوسات حلوه وكانت بمناسبة نجاحي...

برستيج

26/10/2004, 00:43

ما زالت تتوالى علينا الاتصالات والاسئلة الخارجيه ..

س- وش رايك بنجوى كرم ( المخلوق الفضائي ) بالفيديو كليب الاخير حقها

(himo)

بيـــســـــــان

26/10/2004, 00:44

متى دخلتي عالم النت؟

ووش اجمل شي فيه؟

Full Moon

26/10/2004, 00:44

هلا برستيج...

ماشفته ومن زمان عن نجوى والله :)

Full Moon

26/10/2004, 00:47

هلا بيسان...

دخولي النت كان اول مادخل النت السعوديه مااذكر متى بس كنت بالمتوسط هذا اللي اذكره...

واجمل شيء في النت انك تكون صداقات جديده وتتعرف على تفكير المجتمع اللي حولك وتتصل بالعالم بطريقه سهله وحلوه...

برستيج

26/10/2004, 00:49

سؤال احراج ...

ليش انتي مقلة في كتابة المواضيع .. رغم طول عمرك الفني بالشبكه ؟

:angel:

مَـلَـــك

26/10/2004, 00:49

هلا شموس

وش اعظم انجاز حققتيه ؟؟
وش الطموح اللي لسا مابعد وصلتيله؟؟

Full Moon

26/10/2004, 00:51

هلا برستيج...

والله اني عجااازه ومااحب اكتب الا وانا رايقه وعاد متى نروق احنا مره كل سنتين...

الهواوي

26/10/2004, 00:52

قلتي في احد الاجابات ..

النشاط اللي عملانه يوم الاحد كان سوق خيري وكان لنا ياصناع الحياة ركن فيه والحمدلله البداية حلوه وربي يوفق

ممكن توضحين ااكثرعن طبيعة المعرض اللي شاركتي فيه..ووش صنااع الحياه؟؟

Full Moon

26/10/2004, 00:53

هلا ملوكتي...

اعظم انجاز احسها كلمه كبيره ومااعتقد اني حققت شيء يستاهل اني اقول انه انجاز او شيء عظيم...

أما طموحي فماله حدود لكن اطمح اننا نرفع مكانة امتنا ونعيدها لسابق عهدها...

مَـلَـــك

26/10/2004, 00:55

شمووووس عند الحزن تبكين ولا تضحكين على عمرك انك ضعيفه قدام الحزن؟؟؟

ولو سقطتي يوم من الايام هل تعتبرين السقوط نهاية النجااااااااااااااااح؟؟

Full Moon

26/10/2004, 00:57

هلا والله اخوي الهواوي...

سؤالك يبي له جلسه وتفصيل بس بحاول افيدك باللي اقدر عليه الحين...

هو كان سوق خيري ومحاضره للداعيه نوال الرويشد...

واما صناع الحياة فاحنا مجموعة شباب مسلم من كل انحاء العالم هدفنا احياء امتنا واستغلال طاقات الشباب وحنا تحت قيادة الاستاذ عمرو خالد والفكره جات من برنامجه في قناة اقرا واذا تبي تعرف اكثر عننا زور موقع عمرو خالد او شيك على مواضيع الاخت بيسان بتلاقي حاجات كثير عن صناع الحياة...

برستيج

26/10/2004, 00:59

سؤال مقتبس ..

أما طموحي فماله حدود لكن اطمح اننا نرفع مكانة امتنا ونعيدها لسابق عهدها

وكيف ممكن اننا نرفع مكانة امتنا من وجهة نظرك .. باختصار ؟؟

(himo)

Full Moon

26/10/2004, 01:00

هلا ملوكه...

لا ابكي بس مو قدام احد ونحاول نتغلب على احزانا قد مانقدر...

لا السقوط بداية النجاح :)

مَـلَـــك

26/10/2004, 01:02

شمس

الدنيا تعلم الانسان.....صحيح انها قوية لكن في النهاية صاحب العقل يخرج بخبرات حياتيه ....فاش احلى تجربة مرت بحياتك؟؟ وهل قدرتي تتغلبي على اسوأ تجاربك ؟؟؟ وهل استفدتي منها؟؟؟

Full Moon

26/10/2004, 01:05

هلا برستيج...

نرفع مكانة امتنا عندما نعود إلى ديننا السليم ونتحد جميعاً كامه اسلامية ونقف في وجه اعدائنا ونحكم بما انزل الله في كتابه ونتفاخر بكوننا مسلمين ونعتز باسلامنا...

برستيج

26/10/2004, 01:09

نشكر ضيفتنا على قبولها الدعوه ..

وقبل الختام .. نتمنى نشوفه منها كلمة بسيطه موجهه لاخوانها واخواتها الاعضاء ...

(himo)

Full Moon

26/10/2004, 01:11

هلا ملوكه...

احلى تجربه كانت مواقف مرت علي واحنا مسافرين برا المملكه رغم انها كانت شينه ومو حلوه في وقتها الا انها احلوت بعيني الحين واعتبرها تجربه حلوه...

اما اسوأ تجاربي فللاسف ماقدرت اتغلب عليها وإلى الان احاول اتغلب عليها وربنا يعين...

واستفدت منها لانها علمتني كيف اعتمد على نفسي في هالحياة وانه مافيه احد راح يدوم لي وبالاخير مالي الا نفسي...

عنيـــــد

26/10/2004, 01:16

معليش شمس ما امداني ارجع لك رحت اشوف وش الفطور اليوم تعرفين اهل كندا لهم اجوائهم الخاصه ..

يعطيك الف عافيه و ما قصرتي في الحوار اليوم :angel:

Full Moon

26/10/2004, 01:18

الشكر لك برستيج على هالاستضافه وإن شاء الله نكون ارضيناكم وقدمنا اللي نقدر عليه...

وأما اخواني واخواتي اعضاء شبكتنا فاحب ابارك لهم بهالشهر وينعاد عليهم بالخير والعافيه ودعواتي لهم بالتوفيق وربي يحفظهم ويهديهم لكل خير وربي يجمع بينا بجناته إن شاء الله...

ونبارك لهم فوز الهلال وان شاء الله من كذا واحسن...

والف شكر لكل القائمين على هالصرح وربي يوفقهم لكل خير ويرزقهم على قد نيتهم...

والسلام عليكم ورحمة الله وبركاته...