.... الــخــيـــمـــة الـــرمـــضـــانـــيــــة .... ( 9 ) [الأرشيف]

مدرعـم

24/10/2004, 16:51

.. حياالله الوجيه المنورة ..

وحياكم في حلقة جديدة ودردشة خفيفة مع ضيف جديد في خيمتكم الرمضانية ..

نسعد بصحبتكم وتلقي مداخلاتكم وطرح اسئلتكم على الضيف وهو يلعب بشنبه اللي من كبره مثقل على برطمه العلوي ..

ضيفنا اليوم شخصية محبوبة ومعروفة اشتهر بالدلاخة الطبيعية الغير مصطنعه (( البلا والله مو منه :jhgy: ))..

ضيفنا العزيز اللي كله شوقر مستر ::

.. POWER ..

الموضوع مقفل الآن وسيتم فتحه مساء هذا اليوم عند الساعه ( 12:30 ) بتوقيت الصعودية

الرابعة مساء(ن) بتوقيت ولاية الثقبة ..

(himo)

مدرعـم

25/10/2004, 00:37

يالله حي بور ..

واول سؤال ببداية اللقاء ::

قدامك كاس فيمتو وكاس ثاني مو فيمتو .. وش تختار منهم ؟؟؟

:angel:

الكاسر888

25/10/2004, 00:41

سلام

مبارك عليك الشهر

واحد: ليه موبايلك 24 ساعه مقفل

ثانيا: انت تغطس ثم ترجع، وراك تغطس يامال الكرباج

ثالثا: وش رايك ( بالتميس )

رابعا : فيه كم ضيف تمنيت اشارك في مجالسهم بس انت حضك رميت لك المشاركة وبطلع الحين ، تحياتي علاوي

POWER

25/10/2004, 00:43

ياهلابكم والله وهذي والله الساعه المباركه ولنا الشرف نشارك بالموضوع :)

الكاسر888

25/10/2004, 00:44

^
^
غصبن عنك لك الشرف

اجل مدرعم يفتح موضوع ومايصير لك الشرف

اها بس

الكاسر888

25/10/2004, 00:45

ليه حاط تصفح مخفي يارامي عياش

مدرعـم

25/10/2004, 00:47

شعور متبادل ياقلبي :magkiss:

بس عن اذنك المخرج يبي منك ترفع شنبك شوي عشان يبان فمك وانت تتكلم .. وانت الله يهديك مربي شنبك لرقبتك حتى القلاب مايبين :angel:

الا بور وش لون رمضان معاك ؟؟؟

POWER

25/10/2004, 00:47

مدرعم

قدامك كاس فيمتو وكاس ثاني مو فيمتو .. وش تختار منهم ؟؟؟

انا ما احب الفيمتو .. حتى ريحته اذا شميتها تجيني حاله غريبه

ومو معنى كلامي اني اخذ اي شي ثاني غير الفيمتو .. برضو اشوف وش نوع هالكاس الثاني اذا جاز لي اخذته والا ما اشرب شي :)

مدرعـم

25/10/2004, 00:53

اجل ماتحب الفيمتو ;) ..

ياولد منتب سهل وراعي مزاج ومايطرحك الكاس مثل ماتوقعت بالضبط شكلك تحب التانج (( صرفها بالاخير :angel: ))..

الا وش طبقك المفضل برمضان وماتشتهي الفطور دونه ؟؟؟

POWER

25/10/2004, 00:55

الكاسر

واحد: ليه موبايلك 24 ساعه مقفل

ابد ما عندك سالفة .. او انك تدق بأوقات النوم :)

ثانيا: انت تغطس ثم ترجع، وراك تغطس يامال الكرباج

والله نسير عليكم ما نغطس .. بس الاهتمام والتخصص لازم احسب له حساب ..

واذا فضيت نسير عليكم .. واعذرونا على التقصير عاد :)

رابعا : فيه كم ضيف تمنيت اشارك في مجالسهم بس انت حضك رميت لك المشاركة وبطلع الحين

انا اشهد من حظي .. ومنورنا بالموضوع الله يعطيك العافيه :)

الصبحي

25/10/2004, 00:57

السلام عليكم ورحمة الله وبركاته
حيا الله هالوجيه المسفره افلقنــــــــــــــــــــــــــــــــــــــــــي :yuupy:

حيا الله البشمهندس باور
شحالك يابعد شبدي وكل عام وانت والجميع بخير

عندي كم صوعال

اولا ما الذي وجه مسارك الي عالم المنتديات هل هو حب استطلاع؟

كم ساعه باليوم تدش هالنت ؟

اش رأيك برمضان قبل يعني من عمر مدرعم قبل 600 ق م ورمضان دلوقتي حق بحر والشله ؟

ما الشئ اللي تفتقده في رمضان الحاضر عن رمضان زمان؟

وتقبل تحياتي

POWER

25/10/2004, 01:07

مدرعم

الا بور وش لون رمضان معاك ؟؟؟

والله ماشين .. والأمور تمام يارب لك الحمد بهالشهر الفضيل الواحد تنفتح نفسيته سبحان الله :)

الا وش طبقك المفضل برمضان وماتشتهي الفطور دونه ؟؟؟

والله الي ما استغني عنه بالفطور هو التمر مع القشطه :)

الكاسر

ليه حاط تصفح مخفي يارامي عياش

والله انا احب التصفح الخفي .. لاني ما ادخل الماسنجر كثير ..

فلما شخص يشوفني متصل بالمنتدى وما يشوفني بالماسنجر يقول اكيد معطيني حظر او شي :)

وغير كذا اسباب ادارية :)

مدرعـم

25/10/2004, 01:09

بور معناه القوة ..

وانا اشوفك تاخذ ساعة عشان ترد وراك الله يهديك تكتب بخشمك :jhgy:

وش برنامجك المفضل برمضان غير طاش ؟؟؟

وهل انت من متابعين مسلسل الطريق الى كابول .. وسواء كنت ايه او لا من وجهة نظرك وش سبب ايقافه غير الاسباب اللي ذكرت ؟؟؟

(rambo)

GAHERHM

25/10/2004, 01:12

بور .. الله حي ابو حسين :)
منورنا ..
عندي كم سوال
كم عمر حسين الله يحفظه ويخليه لك :jhgy:

وكم عمرك انت

وش رايك ورقم الخيمه (9)

GAHERHM

25/10/2004, 01:14

متلاحظ .. ان التصفح الخفي .. يخلي الاعضاء البسيطين (مثلي)
يشكون بمشرفينهم .. بانهم مو معطينا لمنتدى وجه .. او انهم شايفين انفسهم :angel:

POWER

25/10/2004, 01:15

الصبحي

هلابك والله منورنا .. وأنت بألف صحه وعافية ،،

اولا ما الذي وجه مسارك الي عالم المنتديات هل هو حب استطلاع؟

لا مو تقريبا حب استطلاع .. لكن طريقة المنتدى حلوه وانا احب الاسلوب هذا الي الأخذ والعطا في الحوار .. برضو في نقل وأخذ المعلومات .. :)

كم ساعه باليوم تدش هالنت ؟

والله ادخل كثير .. يعني اقل شي ترى اربع ساعات :)

اش رأيك برمضان قبل يعني من عمر مدرعم قبل 600 ق م ورمضان دلوقتي حق بحر والشله ؟

رمضان أول أحلى بكثير .. خاصه من ناحية الزيارات العائلية المستمره .. تحس فعلا الشهر له طعم مو زي الحين

ما الشئ اللي تفتقده في رمضان الحاضر عن رمضان زمان؟

أفتقد الزيارات العائلية المستمرة .. طبعا الوقت له ظروف يعني الحين كل شخص له اهتمامات كثيرة ومشاغل مو زي أول :)

وتحياتي لك :)

مدرعـم

25/10/2004, 01:20

بور بالحديث عن رمضان السابق والحاضر ..

كم كان عمرك يوم فكرت تصوم .. وهل كانت بارادتك او احد نبهك لها مثل انت كبرت خلاص لازم تصوم ؟؟؟

:kello:

POWER

25/10/2004, 01:22

مدرعم

وش برنامجك المفضل برمضان غير طاش ؟؟؟

دنيا القوي

وهل انت من متابعين مسلسل الطريق الى كابول .. وسواء كنت ايه او لا من وجهة نظرك وش سبب ايقافه غير الاسباب اللي ذكرت ؟؟؟

والله ما اقول شي .. اذا ودهم يوقفون بكيفهم ما نقول شي :rolleyes:

قاهرهم

كم عمر حسين الله يحفظه ويخليه لك

انت خل المدام تجي أول :)

وكم عمرك انت

طالب جامعي :) وعليك الحساب ;)

<< يحسب الموضوع من انا ..

العمر 20 -21

يشكون بمشرفينهم .. بانهم مو معطينا لمنتدى وجه .. او انهم شايفين انفسهم

لا والله يعني عشان العضو الي بيقعد يعطبها ويخربها .. ما يدري انه فيه مشرف متصل او لا ..

فخله يخاف ما يدري ان فيه احد يراقبه او لا

GAHERHM

25/10/2004, 01:27

حدسي .. يقول انك اقرب مشرف للاعضاء

عنيـــــد

25/10/2004, 01:31

هلا والله و غلاااااااا ابو حسين :magkiss: ..

والله الساعه المباركه اللي نشوفك فيها لك وحشه :rolleyes:

الغالي بور وينك عن المنتدى العام " الساحه العامه " :angel: ؟؟؟؟

ابو حسين بصراحه ما نشوفك تؤدي دورك كقلم متميز و واقعي جداً ،، خصوصاً في القضايا اللي تتعلق بالجيل الحالي ..؟؟

وش عندك غيرت الى بور .. اذا اسباب ما تبينا نعرفها اسحب السؤال :) ..؟؟

جاوب و راجع لك يا بعدي :magkiss:

مدرعـم

25/10/2004, 01:31

عن النصب يابور يعني تبي تبين لهم انك اصغر مني وانت شايب كبر جدي :angel:

وعلى طاري الجامعة ..

هو انت من الناس المعارضين للدوام والدراسه في رمضان ولا لا .. وليش يعني وش تفرق الاجازة عن الدراسة برمضان ؟؟؟

POWER

25/10/2004, 01:33

والله يا مدرعم ما اذكر متى صمت .. الظاهر كان عمري 9 سنوات

لكن الي اذكره هو الوالد الله يرحمه هو الي نبهني وخلاني أصوم يوم كامل مقابل مكافأه يعطيني اياها مع اذان المغرب

اول سنة كان الصوم بمكافأه لكن بعدهاخلاص :)

GAHERHM

25/10/2004, 01:34

بور .. كيف الفوتو شوب معاك

عنيـــــد

25/10/2004, 01:35

وليش يعني وش تفرق الاجازة عن الدراسة برمضان ؟؟؟

حسبي الله على شيطانك يا درعومي ،، في ذمتك هذا سؤال الحين :D :D

وشلون يعني وش الفرق بين الاجازه و الدراسه :angel:

يا حبي لك بس :magkiss:

POWER

25/10/2004, 01:41

قاهرهم

حدسي .. يقول انك اقرب مشرف للاعضاء

والله اتمنى يكون حدسك صحيح .. يعني رضاء الناس غايه لا تدرك :)

وكوني قريب للأعضاء فهذا معناه راضين عني .. فياليت والله اتمنى :)

عنيد

الغالي بور وينك عن المنتدى العام " الساحه العامه " ؟؟؟؟

والله نسير عليكم .. ومع هذا ترانا قاطعين اعذرونا :)

ابو حسين بصراحه ما نشوفك تؤدي دورك كقلم متميز و واقعي جداً ،، خصوصاً في القضايا اللي تتعلق بالجيل الحالي ..؟؟

لاني احاول اتجنب النقاش عنها في النت .. احس اني ابطلع عن طوري وابتكلم في غيري .. لاني وقت العصبيه افقد نفسي واقول كلام مو زين :)

والسؤال الاخير .. عادي اذا ودك تسحب السؤال بكيفك :)

لكن هي زي ما تقول شخصية قويه اتمنى اكون مثلها .. هذا هو باختصار شديد :)

مدرعم

يابن الحلال مخليني شايب انتم والا انا وش صغري :angel:

هو انت من الناس المعارضين للدوام والدراسه في رمضان ولا لا .. وليش يعني وش تفرق الاجازة عن الدراسة برمضان ؟؟؟

لا والله الدوام برمضان حلو .. يعني النفسيه تكون حلوه

مع انه فيه ناس للأسف النفس بخضمه يقول انا صايم .. طيب الصايم يكون متقرب من ربه مو يعصب ويقول كلام شين والنس شينه

احب الدوام برمضان افضل من الاجازه :)

POWER

25/10/2004, 01:43

قاهرهم ..

بور .. كيف الفوتو شوب معاك

استخدمه استخدام عادي جدا .. يعني للشروحات وشي من هالقبيل :)

ما وصلت لدرجة الاحتراف فيه لاني ما هويت التصاميم اساسا .. ولا اقدر اقول هواية بعد .. لان لو انها هواية كان احاول انميها

يعني استخدامي للفوتوشوب عادي وعادي جدا :)

عنيـــــد

25/10/2004, 01:45

ابو حسين ما نشوفك في المدرج .. عشان كذا فكرت هل انت هلالي ..؟؟

و اذا هلالي متعصب و لا لا ...؟؟
:amle:

مدرعـم

25/10/2004, 01:47

الله يرحمه ويسكنه فسيح جناته يارب ..

الا على طاري قرقيعان باقي عليه كم يوم ..

وش اخباره معاك .. كم قرقعة قرقعة يومك صغير قبل 200 سنة يعني .. وهل في موقف طريف حصل معاك سواء حصل ولا ما حصل قوله <<< والله النشبه :angel:

POWER

25/10/2004, 01:48

عنيد ..

هلالي بعيد جدا عن التعصب .. :)

يعني اذا لقيت مباراة اكيد اتابعها .. اما الجدول او تاريخ النادي للأسف انا ما اتابع الهلال بالشكل هذا ..

فلا تخاف .. هلالي وانا اخوك ;)

GAHERHM

25/10/2004, 01:49

عشان كذا فكرت هل انت هلالي ..؟؟ :req: :req:
شكل كندا ماثرة فيك ....... :D

POWER

25/10/2004, 01:51

مدرعم ..

اول شي فهمني وش معنى كلمة قرقيعان يا مدرعم :)

وبالنسبه موقف طريف ..

دق علي واحد .. قال لي وينك .. وانا كنت مشغول مره وغير كذا اذا جلس معي يطولها وانا ما ابيه بصراحه ;)

فيوم دق قال وينك .. قلت انا بالبيت واني بالفراش ابنام

يوم وقفت عند الاشارة .. واطالع الي جنبي .. طلع خويي الي داق علي تو :rolleyes:

عاد من عقبها ما دق ولا شي ..

وبرضه من عقبها اذا احد دق قال وينك علطول اقول له مكاني الصدقي ما استهبل خلاص توبه :angel:

GAHERHM

25/10/2004, 01:53

طبعا بكل تاكيد .. مدرعم هو اقدم من بور بالشبكه .. بحوالي
الــ 4 شهور الى 3 شهور ..

وش السبب بور

مدرعـم

25/10/2004, 01:53

.. تم قفل باب الاسئلة ..

وبالختام ..

اسعدنا حضورك يابوحسين وشرفتنا بالدردشة معانا :rolleyes: ..

كلمة اخيرة تحب توجهها للمعجبين والمعجبات وتختم فيها اللقاء ..

:magkiss:

عنيـــــد

25/10/2004, 01:53

خلاص دام الاسئله انقفلت اسحب اسئلتي و ما قصرت حبيبنا ابو حسين و لا تطول الغيبه عنا و الله الله بالمشاركات اللي تشجعنا :magkiss:

ما قصرت درعومي و يعطيك مليون عافيه :angel:

POWER

25/10/2004, 01:54

قاهرهم ..

ابد اعذر الولد .. وبصراحه هالسؤال اواجهه كثير :)

والي يسألني هالسؤال اكيد بعذره .. لان تواجدي بالمدرج قليل فاكيد بيشكون بهلاليتي ;)

مدرعـم

25/10/2004, 01:56

^
^
ماعدا الحلو العنيد جاوب عليه ردي ورده بنفس التوقيت :angel:

POWER

25/10/2004, 01:56

عنيد ..

ما تلاحظ انه المواضيع اللي تحمل النقاش الجدّي صارت نادرة و يمكن معدومه خلال اخر شهر و نص .. وش رايك ليه ..؟؟ و كيف نقدر نرجع زي قبل

والله هذا راجع لشيئين ..

الأول .. ان الاعضاء صعبه يختارون مواضيع جاده .. واغلب المواضيع الجاده تكون حساسه وصعب التناقش فيها :)

يعني كلن ينحرج من المشاركه فيها ..

والثاني .. ان العضو يبي تفاعل مع المواضيع الجاده ..

مره يصير فيه تفاعل قوي .. واذا كان الموضوع حساس الواحد وده يشارك لكن فيه احراج شوي :)

ومو معنى كلامي ان هناك مواضيع حساسه ومحرجه لم تلاقي تفاعل .. بس انا اقول الاغلبيه يعني :)

تحياتي لك :)

POWER

25/10/2004, 01:59

الشكر لك يا مدرعم على هالاستضافه الحلوه الخفيفه :)

والكلمه الاخيره الموجهه للأعضاء ..:)

اعذرونا على التقصير .. واعذرونا ان بدر منا تصرف خاطئ ..:)

وما اقدر اقول الا الله يعطيكم العافيه .. يوفق الجميع يا رب :)

الف الف تحيه للجميع ،،، :)

ومع السلامه :)