.... الــخــيـــمـــة الـــرمـــضـــانـــيــــة .... ( 8 )

[مدرعـم]

.. حياالله الوجيه المنورة ..

وحياكم في حلقة جديدة ودردشة خفيفة مع ضيف جديد في خيمتكم الرمضانية ..

نسعد بصحبتكم وتلقي مداخلاتكم وطرح اسئلتكم على الضيف وهو ينفخ على قذلته :qw: ..

ضيفنا اليوم شخصية عرفت بالتصاميم بلاه يصمم اكثر مايحتسي (( مدري وشلون بندردش معاه :jhgy: ))..

ضيفنا العزيز مستر ::

.. GAHERHM ..

الموضوع مقفل الآن وسيتم فتحه مساء هذا اليوم عند الساعه ( 12:30 ) بتوقيت الصعودية

الرابعة مساء(ن) بتوقيت ولاية الثقبة ..


(himo)

[مدرعـم]

يالله حي قاهرهم ..

واول سعوال بالحلقة ::

لو قدامك كوب دبس بالكحول وكوب ثاني شاي اخضر .. وش تختار منهم ؟؟

[GAHERHM]

الله يحيك مدرعم ..
واحب اشكرك على الدعوه .. وانت طبعا تعرف اني ماحب الظهور الاعلامي :rolleyes:

بالنسبه للسوال ..

ابي الشاهي الاخصر .. اني احب السعوديه :D

[مدرعـم]

بعد مرور تسعة يوم على رمضان :angel: ..

ايس انتا سوي مع رمضان ؟؟؟

[GAHERHM]

الله يسلمك .. انت تعرف
عندنا الدوام الحلو .. وبعدين اختبارات ..
يعني وقت ضايع ..

[مدرعـم]

دامك يابوعابد تقول تحب السعودية ..

سعوال استراتيجي :: هو انت سعودي ؟؟؟

وماصحة بعض الاقاويل اللي تقول انك من جيبوتي ومولود في مالطا :D :D

[رورو]

حيالله بخوي عبدالله بسراحه ضيف مميز

س/ احسن لاعب عندك في السعوديه و الخليج و العرب والعالم يعني من كل ديره واحد ..؟
س/ طيب احلا لوووون تحبه عندك بعيدا عن التعصب..؟
س/ بما اننا في شهر الخير شهر رمضان
احلا وجبه تحبها وتزعل اذا ما شفتها قدامك في الفطووور ..؟

اتمنى ان اسئلتي تكون خفيفه عليك وعلى المشاهدين .

[يوسف]

هلا قاهرهم
وش اخبارك مع الاختبارات واول يووم فيهاا:)
بس صدق يقولون مطرستكم حليله توزع من ذا الدرجاات بالهبل حتى الدلييل ان بكرا عندك اختبار مادري وش اسم ذيك الماده وانت متربع بخيمه مدرعم :jhgy:
وش راايك بهالكلاام :fghty:


الله يحيك مدرعم ..
واحب اشكرك على الدعوه .. وانت طبعا تعرف اني ماحب الظهور الاعلامي :rolleyes:

بالنسبه للسوال ..

ابي الشاهي الاخصر .. اني احب السعوديه :D
هنا يالحبيييب وشوا اخصر ذا قصدك اللي يسمونهاا عبايه مخصره والا ثوب مخصر :yuupy:

[GAHERHM]

:lkj: :lkj: :lkj: :lkj:
انا سعودي بس عايش بالرياض

اما الاقاويل .. فهذا ثمن الشهره .. فانت
عارف هالشئ .. وخاصة المقدمه اللي مسويه (himo)

[مدرعـم]

الا على طاري الدراسة ..

انت من الناس المعارضين للدوام والدراسه في رمضان ولا معاها .. وليه ؟؟؟

[GAHERHM]

رورو ( حياك الله )
بالسعوديه سامي .. ( مافي شك) بالكويت جاسم الهويدي
بالبحرين سلمان عيسى .. بقطر جفال راشد
بالامارات محمد علي بعمان .. لاعب الرياض ناسي اسمه ..

اما بالمستوى العربي ..
فا بصير صلاح الدين .. ( رحمة الله عليه كانه ميت :jhgy: )

[GAHERHM]

الله حي داج ..

والله الله يخلي التربيه والتعليم .. :cool:

غلط مطبعي لادقق .. بس العبايه المخصره ( الله يهديك)

مدرعم
والله ماقول لا .. بس بدون اختبارات

[مدرعـم]

طبقك المفضل برمضان وماتشتهي تفطر دونه وشو ؟؟

وعطنا نبذة عن سفرة الافطار اليوم وكل محتوياتها (( يبي سعابيل المشاهدين تطيح :jhgy: ))..

[GAHERHM]

رورو .. معليش على النقزه

اللون المفضل وبعيدا عن التعصب .. هو اللون الكحلي

والله بالنسبه للوجبه .. اللي تجيبه الوالده مانقول لا ..
بس اغلب شئ العصير ( تانج)

[يوسف]

وش مسوويه لكم التربيه والتعليم يووم انك تقول الله يخليهاا :req:
ليش هاليوميين يوزعون درجاات ماكانوا يوزعونهاا على اياامي اناا ومدرعم :cry:

بحكم انك مصمم ماقد فكرت يوووم تصممم فساتيين سهراات وعرووس للهندي رااعي المشغل اللي بجنب بيتكم :rolleyes:

[GAHERHM]

الله يسلمك درعوم ..

شوربه + سمبوسه جبن ولحم + قيمات + اشياء مدري وشي اكل وبس ..

والحمد لله ..

نبي نعزمك يوم ..

[الهواوي]

هلا قاهرهم..
كم عمرك ياشتووور :qw:

ووش ااسم مدرستكم وودي ازوركم في مجلس الاباء :D

[GAHERHM]

داج .. ترا مابقى بالعمر كثر اللي راح .. انت ومدرعم
ولازم التطور ..

اما تصميم فساتين سهره .. هي فكرة نبي نطرحها ان شاء الله
عندي افكار بس ماحب احطها اللا على ارض الواقع

[ابو الذهب]

هلا ومسهلا يالله انك تسلمه ترا ماعندى الا سعال واحد تبى تجاوب عليه جزاك الله خير والله يوفقك ويوفق الامه الاسلاميه والعربيه واذا ماتبى تجاوب جع سمبوستكم تحترق :lkj: خخخخخخ عشان ماتفطر يالشين :D

سؤالى : شكلك مدرس طيب لو قلنا لك ارجع بدمجتك للماضى وتذكر يوم كانت سعابيلك مغرقه فنيلتك العلاق وولد جيرانكم دحيم كل ماشافك صمخك بسبب وبدون سبب ويوم كنت تلعب كوره مع الزيود فى الصالحيه واذا رجعت لبيتكم الين سيقانك مزلغه من كثر التكسير اللى جاك سؤالى ليش اسمك قاهرهم :req: وهل هذا له علاقه بالمضاد الحيوى ام مجرد تشابه اسماء :jhgy:

[مدرعـم]

اييييه والله انك صادق ياداج ياحسرة علينا كانوا يخلونا ندوام بالنهار مو بالليل احسن اللي الشمس تكون فيه باردة :( :(

الا يابوعابد ..

ماقلت لنا كم كان عمرك اول مافكرت تصوم ولا ليما الحين قاعد تفكر ؟؟؟

(rambo)

[GAHERHM]

هلا الهواووي ..
17 ..
( ممنوع اعلان ماينفع)

[GAHERHM]

ابو الذهب .. انا كان عندي اسم ثاني بالمنتدى ..
بس التطور
وبعدين اسمي مو قاهرهم ..gaherhm كذا ,,

[يوسف]

قاهرهم
اذا طلب منك مدرعم تسوووي له تمثاال مثل تمثال صداام علشاان يحطه بتوقيعه..
توافق والا تقول له انقلع؟؟

[GAHERHM]

والله .. انا اصوم .. من يوم كنت كبر الهواوي :jhgy:

[GAHERHM]

والله .. مدرعم يبي له صفحة كاملة عشان التمثال ..
ولا لو ينفع .. كان حطينها بدال صورة عبدالله سليمان

[TOTTI- 10]

مشكور يا د ر ع م ه على ذا الضيف .. اللزيز .. :D

الحين انت و راسك مستنر الاربعاء و الخميس و الجمعه .. بالماسنجر .. !

و اليوم تقولي في كل الماديتين .. FULL MARK ... :rolleyes: .. اللهم لا حسد .. كم دافع على المادتين .. ! :yuupy:

لو لم تكن هلالياً .. ماذا تود ان تكون ! ..

[يوسف]

ابي تعطييني وش سبب اختيارك لاسم قاهرهم؟؟
وبعدين منهم ذولا اللي انت قاهرهم؟؟
ووش مسووين لك يووم انك قاهرهم؟؟

[GAHERHM]

توتي ..
والله المسئلة مو مسئلة مذاكره .. هي مراجعه ..
اذا رجعت الدرس او الموضووع كلن يبومه ..
رايح يخف عليك المذاكرة عند الامتحان ..

اذا لم اكن هلاليا لااعتقد اني اشجع فريق غير الهلال (himo)

[مدرعـم]

الا بوعابد ..

وش اخبار التانج معاك اليوم تمام .. ولا زي البارح مضيعك ومخليك تخربط ؟؟؟

:angel:

[GAHERHM]

هو لقب لسامي الجابر .. وافتخر باني احمله لقب الذئب سامي ..

اللي قاهرهم .. اللي يقهروني

لانهم قهروني ابي اقهرهم

قاهرهم اسم على مسمى (himo)

[يوسف]

ليش مدرعم وش قاال قاهرهم امس عقب التانج عسى خبص السالفه وخر كل السبحه (rambo)
بس بالله مدرعم اذا عندك بعض العلووم عطناا خل ننااقش ضيفناا فيهاا :jhgy:

[GAHERHM]

مدرعم .. امس هبلت فيني .. والله اني انهبلت من جد . :cry: :cry: .
اسئل خالد وش كنت ابي اسوي .. بس هو ظغط علي :p :jhgy:

[TOTTI- 10]

.. انت من انصار تشلسي ..

من متى و انت تشجع ذا الفريق .. !

و من اللاعب الي شدك اكثر الى الفريق .. !

متى اول مباراه اوروبيه تابعتها في حياتك .. !

[يوسف]

اللي قاهرهم .. اللي يقهروني

لانهم قهروني ابي اقهرهم

اف من جد هالكلاام :yuupy:
ياخووي داري به نااس قاهرينك علشان كذا مسوي قوي انت وخشك وسمييت نفسك قاهرهم :jhgy:
بس اللي ابي اعرفه الحيين انت وخشك منهم ذولا اللي قاهرينك وتبي تقهرهم :confused:

[GAHERHM]

يمكن لي سنتين
اللي شدني لمبرد

مدري من يوم كانت تجي بــmbc زز وكانت ليله العيد وكان يلعب فيها باتستوتا
ناسي اسم الفريق .. قبل حوالي 6 سنوات

[GAHERHM]

داج .. ماودك تروح تتسحر :jhgy:

[TOTTI- 10]

.. بما انك فاهم في كثير من الامور ..

ما تدري ليه وقفوا الطريق الى كابل اليوم .. !

[يوسف]

داج .. ماودك تروح تتسحر
مابعد جاء وقت السحووور<<اللي يشوفه يقوول متعشي :cry:

بعدين ليش التهرب من الرد على استفسارات واسئله معجبييك :slv:

[GAHERHM]

مدرعم .. تانج عامل عميله .. اليوم

خاصة اذا شربت لك كاس بعد السحور :jhgy:

[مدرعـم]

ياحبك للفضايح ياداج .. الستر زين الرجال كان معطيها البارح عشان يساعده بالمذاكره (( امحق ستر تعرفه (rambo) ))..

الا بما انك يابوعابد من انصار تشلسي ..

وش رايك بمانشستر ماتحس ان الدوري ماله طعم اذا مافاز باللقب (( غصب يبيه يفوز (rambo) ))..؟؟؟

[GAHERHM]

توتي .. بما اني خبرتي .. تشهد لي بالاشياء الحلوة هذي :rolleyes:

يقوولن ان الممثلين جاهم .. تهدين من منظمة سريه .. يبي يذبحونهم

داج
ماتهرب بس ابيك تتسحر عشان لايفوتك ا لفطور :D

[TOTTI- 10]

اخس يا مدرعم و الله ان ثقافتك .. موزنبيقيه .. !

وش توقعك لمباراه مانتشستير و ارسنال بكره .. !

و وش رايك بتوقيتها .. ! :rolleyes:

[GAHERHM]

مدرعم .. مانشستر .. ماراح ياخذ شئ
لاهو ولا ارسنال

[يوسف]

ايه صح ماتتهرب :rolleyes:
طيييب سؤال جديد ياقاهرهم مادري منهم ذولا :req:
بحكم انك تشلسااوي قل لي تشلسي متى مباراته هالاسبوع ومع ميين وكم كم :jhgy:

[مدرعـم]

خمسة صفر للحمر (( فككها اي واحد فيهم :angel: ))..

الا وش برنامجك المفضل وتحرص على متابعته غير طاش ؟؟؟

[GAHERHM]

داج اليوم مباراته ... وفاز 4
بلكبيرن ..

[GAHERHM]

قرقعيان .. يامدرعم

[يوسف]

انت قلت للاخ ابو الذهب بهالخيمه..

ابو الذهب .. انا كان عندي اسم ثاني بالمنتدى ..
وش هالاسم اللي كان عندك؟؟
بعدين التغيير صار من اسم لاسم جديد والا تركت اليوزر الاول وسجلت بذا اليوزر؟؟

[TOTTI- 10]

الا اقول يا دب .. :rolleyes:

وش سالفه GAHERHM@HOTMAIL.COM .. :D

[GAHERHM]

لا كان اسمي .. فيه غلط بالسبلنق
كان عشـــــ 9 ـــاق

وتم تغيره من قبل ابو عزوز ( الاسطــــورة)

[يوسف]

بكرا الاحد ديربي ميلانوا..
وش تتمنى النتيجه؟؟
وتتوقعهاا كم كم؟؟
ومن رايك كم بيسجل هدف ادريانو ;)

[9smsm9]

هلا قاهرهم

وش رايك

فيه واحد قبل شوي في برنامج (( سباق المشاهدين ))

اختار الرقم ** 9 **

وطلع له مبرووووك

وش حاب تقوووله

[مدرعـم]

الا على طاري قرقيعان ..

يقولون ان في شبه بينك وبين الممثل الوسيم عبدالناصر درويش .. وش صحة هالحتسي ؟؟؟

:angel:

[GAHERHM]

هذا ايميل العمل
والرسمي للنك نيم حقي..
والثاني اللي ضايفك عليه .. حق الوناسه

[GAHERHM]

اللي ظغط 9 وطلع له مبروك اقوله

لازم تسلم على ابو عبدالله .. وتقوله شكرا

لو مافي سامي مافي رقم (9)

( الدوري الايطالي ماحبه .. )

عبدالناصر دوريش . .لامو انا اشبه هو يشبهني

[مدرعـم]

.. تم قفل باب الاسئلة ..


وبالختام ..

اسعدنا حضورك يابوعابد وقبولك والدردشة معنا :rolleyes: ..

كلمة اخيرة تحب توجهها للجمهور وتختم فيها اللقاء ..

(himo)

[9smsm9]

وش اخر مباراة حضرتها لهلالنا ؟؟

واذا كنت من اللي يحضرون وين تجلس فيه بالعاده ؟؟؟

[يوسف]

سؤال
لو اعتزل ساامي رااح تعتزل تشجع هلاالناا والا رااح تستمر هلاالي؟؟
ووش رايك باللي ماعندهم سالفه ويقولون ان سامي هو الهلال؟؟

[الرهـــيـــب]

ما ينقفل

[GAHERHM]

اشكرك يامدرعم .. اشكر الاخوان .. كلهم ..
وانتمنى لكم وقت سعيد وممتع ..
ورمضان كريم

[الرهـــيـــب]

اقول يا بو الشباب كم تتوقع مانشستر يفوز به اليوم؟ :angel:

[يوسف]

.. تم قفل باب الاسئلة ..


وبالختام ..

اسعدنا حضورك يابوعابد وقبولك والدردشة معنا :rolleyes: ..

كلمة اخيرة تحب توجهها للجمهور وتختم فيها اللقاء ..

(himo)

بدري مدرعم ورااك مستعجل خلناا مستانسيين مع قاهرهم :cry:
عاادي رح قضي شغلك :jhgy: همن تعال قفل الموضوع..

[يوسف]

خله مدرعم يرد على اخر سؤال لي قبل شوي عن سامي لا يتهرب :zael:

[مدرعـم]

نشوف بوعابد يبي يجاوب عليهم ولا لا ..

واذا كان مافي مشكلة رجاء تكون هذي الاسئلة الاخيرة :rolleyes:

[يوسف]

اوكي نحتري ابو الشباب يرد على اخر سؤال لي ويجمد الرهيييب :p

[9smsm9]

^
^
^


نشكرك درعومي على المكرمه هذي ......

[يوسف]

شكل خويناا تهرب مدرعم خلااص قفل الموضوع ;)

[يوسف]

الا شكل مدرعم رااح وترك لناا الموضوع هون ماوده يقفله :kany:

[مدرعـم]

للضيف حق الاختيار :rolleyes: ..

وان شاءالله لنا لقاء آخر

ودردشة خفيفة مع ضيف مزيون آخر :angel:

طحياطي للجميع (himo)