قصايد مغناه... [الأرشيف] - منتديات شبكة الهلال

مشاهدة النسخة كاملة : قصايد مغناه...

بدر

4/12/2001, 00:19

السلام عليكم ورحمه الله وبركاته.....

حبيت اشارك في المنتدى بالشي اللي ان شالله يعجب الا عضاء ... ومالفيت الا اني اكتب بعض القصائد المغناه:)

هذي مجموعه انسان لخالد الفيصل..

قالت من إنت ؟ وقلت مجمـوعة إنسان

من كــل ضد وضد تـلقــين فـــيني

فيني نهـار وليــل وأفـراح وأحـزان

أضحك ودمعي حايـر وســـط عيــني

وفينـي بدايـــة وقت ونهـاية أزمان

أشتاق باكر واعطـى أمسـي حنـــيني

واسقي قـلوب الناس عشـق وظميان

واهدي حيارى الدرب واحتـار ويـنــي

واحاوم صـقور الهـوا حـوم نشـوان

واسيــل الوديـــان دمــع حزيــن

في عيـني اليـمـنى من الـورد بستان

وفي عينى اليســـرى عجاج السنــين

تهزمــني النجلا وأنــا نـــد فرســان

واخفى طعــوني والمحبــه تــبيـن

أما عرفتيني فـــلاني بــزعــلان

حتى أنــا تــراني احترت فـــيني

====================

وهذي لعبدالرحمن بن مساعد

شبيه الريح وشباقي من الالام والتجريح
شباقي من الاحلام.. وشباقي من الاوهام

غير اني ألاقي في هجيرك في

وألاقي في ظلامك ضي

وأوقد شمعتي في الريح.. شبيه الريح
* * *

شبيه الريح انا ما اقدر اكدر صفوك العاصف

شبيه الريح انا من لي سوى احساسك الجارف

بقايا زيف اشواقي.. سما أمطار أحداقي

شبيه الريح وشباقي
* * *

ابي اعرف متى تسكن رياحك

وابي اعرف غرورك هو متى يطلق سراحك

وابي اعرف متى تعصف، ومتى تعطف، متى تنزف جراحك

وابي اعرف اذا باقي في بحرك موج اكسر فيه مجدافي

وابي اعرف اذا باقي في همك هم ما شالته اكتافي

وابي اعرف اذا باقي في هالدنيا حزن ما مرني واستوطن اطرافي

بقايا زيف اشواقي .. سما أمطار أحداقي

شبيه الريح وشباقي
* * *

سنيني يم، وقلبي المركب المتعب وانت الريح

مجاديفي عذاب وهم، وزاد الوجد والتبريح

وصبري صبر بحارة بغوا باليم محارة

غشاهم موج كان من الغضب اغضب

وكانوا للهلاك اقرب، لولا كثروا التسبيح
* * *

حبيبي الأصدق الأكذب

تعبت اوصل شواطئ طبعك الأعذب

تعبت اجمع الم كل الموادع في الموانئ واحضن اطيافك

تعبت السهد في ليل الشوارع والثواني تنطر مصابك

تعبت الظلم واجحافك

بقايا زيف اشواقي.. سما أمطار أحداقي

شبيه الريح وشباقي

=======================

وهذي لعبدالله الفيصل
ما هقيت ان البراقع يفتننّي

لين شفت ظبى النفود مبرقعاتي

الله أكبر يا عيون ناظرنّي

فاتناتٍ ناعساتٍ ساحراتي

في هواهن يا سعد كيف طرحنّي

راح عمري من مودتهن فواتي

كان مما صابني ما عالجنيّ

الوكاد اني خطيرٍ بالمماتي

يا سعد خبر ظريف الطول عنيّ

كان وده لي بعمرٍ في الحياتي

من لحظني بس أهوجس به و اونيّ

ما تركني هاجسي لو بالصلاة

=====================

اتمنىى انها تعجبكم :) ولكم تحياتي..

عفركوش

4/12/2001, 01:19

مشكور ويعطيك العافيه
:) :) :)

بدر

4/12/2001, 01:42

تسسسسسسسسسلم يا عفكوش:)

MALINKO

4/12/2001, 10:35

مشكور اخوي بدر .... وتسلم يمينك:)

منادي

4/12/2001, 12:51

تسلم يمينك اخوي بدر

الحاير

4/12/2001, 16:03

مشكوووووووور اخوي
على القصايد هذي

تحياتي
أبوماجد

الحاير

4/12/2001, 17:12

خذ هذي بعض من اغنية (اسمحيلي يا الغرام ):
أشتكي00لوسادتي دنياي وأسمعها تـنوح

كأنها بعضي00وبعضي وين هو؟ ومن هو معه؟!؟

مختلط في عبرتي حبر الشقا00ودم الجروح

ومستوي في نظرتي00غرب الوجود ومطلعه

اسمحي لي مابقى من عالي الهمّه سفوح

انحدر كلّي كما طفل تحّدر مدمعه

سامحيني دام عذري واضح كل الوضوح

واسمحي لي بالرحيل بلا تذاكر وامتعه

تحياتي
أبوماجد

allord

4/12/2001, 18:02

تسلم لي يا بدر والله كنت ادور شبيه الريح
وهذي مني مشاركه
غناء راشد الماجد

ودي ابكي لين ما يبقى دمـــــوع ** ودي اشكي لين ما يبقى كــــــلام

من جـروحا صارت بقلبي تلــوع ** ومن هموما حرمت عيني المنام

انطفت في دنيتي كـل الشـــمــوع ** والهـــــنا ما يوم في دنيــــاي دام

غربتي طالت متى وقت الرجوع ** كل عام امني احلامي بعــــــــــــام

ان شكيت الحال محد لي سمـوع ** وان سكت الناس زادوني مـــلام

طال صبري والزمن عيا يطــوع ** والرجــــــــاء باللي عيونه ماتنام

وهذي بعد :
غناء راشد

يابعد هالدنيا ليـــــــــه ** صاحبك تقسى عليــــه

اللي اهدى لك حـياته ** وانت مستكثر تجيـــــه

ارخص الدنيا لغلاتـك ** واشترى فرحه حياتـك

لو طلبته عيونه جاتك ** وانت تتغلى عليــــــــه

لك حبيب يموت فيــك ** حس به الله يهديــــــك

ان شغل باله عليـــــك ** وانت ما فكرت فيـــــه

كنك الماي لضمـــــــاه ** وفرحته ولمست شفاه

وانت حلمه في الحياه ** وانت كــــــل اللي يبيه

بدر

4/12/2001, 19:05

السلام عيكم.....

مساكم الله بالخير ... تسلمون على الردود الغاليه علي وشكرا لكل من شارك في قصايد مغناه وانا تحت امركم

في اللي تطلبون:):)

alywar

4/12/2001, 19:22

مشكور اخوي وماقصرت....:) ;) :p

بدر

4/12/2001, 19:51

شكرا لك اخوي الـalywar على الشاركه :);)

الصبحي

4/12/2001, 21:07

يعطيك العافيه اخوي بدر

بدر

4/12/2001, 23:55

الله يعافيك يا الصبحي وهذا من ذوقك:)...