بن صليح
5/3/2002, 02:00
السلام عليكم اخوكم بن صليح يعود لكم بس هاذي المره غير وبخصوص خراف النخل اللي يبي اخرفله النخل او اللي نخله وجعان تراني جاهز بس يعطيني خبر بس بلدور الله يرحم والديكم:yes: اما عندي سالفه انا صحيح سوالفي خذ وخل بس بصراحه غطى علي واحد هذا يا جماعة اكبر نصاب سمعت عنه في حياتي طبعا كل ربيعي خذ وخل تحمدو ربكم بس هذا عاد غطى علينا ما نصف معه في الجلسه:D السالفه ان الرجيلي قال مره ياجماعه كنا نتمشى في الثمامه انا وشباب معي ومعنا سيارتين طبعا دداسن (ابو عزيز) ويقول هزنا الشوق على التفحيط والله ونقوم نتل كم جلنط وانا ما ودي بس الشباب اصرو الا يوم جت الدوريات وش نسوي النحشه يا ولد دخلنا الطعوس وهم ورانا والله ونبعد عنهم بمسافه ونوقف وش نسوي يا شباب قلنا خلنا ندفن السيارات في الطعوس والله ونحفر وندفن السيارت ( وييين ماتجي بس مشوها)المهم اكملكم والله يوم دفنا السيارات والا الدوريات تمر من فوقنا ويوم اخذنا فترة وراحو قمنا وطلعنا موتر واحد عاد يقول خفت اطلع موتري قلت اخليه وارجع اخذه بعدين المهم رجعو للرياض وقال للشباب تكفون لا تنزلوني عند البيت اخاف ان بيتنا مراقب والله ويحطونه في اول الحاره ويقول مشيت الين وصلت البيت توني بطلع المفاتيح الا واقز دوريه في راس الشارع وش اسوي اختبصت من الروعه قال ما قدام عيني الا طبلون الكهرب والله وافتحه واتوزى فيه (معليييش) عاد قال والله ما اقدر انزل منه اخاف الدوريات تقزني قلت مالي الا ادخل البيت من اسلاك الكهرب والشكوى لله المهم الرجيلي مشى مع اسلاك الكهر بس يقول واطيح في غرفه كوي الملابس توني بطلع مع الفيش الا الشغاله جالسه تكوي الملابس وحاطه سلك الكوايه في الفيش قال يالله النشبه وشلون بطلع الحين وش اسوي وش اسوي عاد توهق قال مالي الا اخذ غفوه لين تخلص والله واغطلي شوي يوم فزيت لين راح علي ساعتين واثر الشغاله مخلصه من كوي الملابس وطلعت السلك من الفيش واقوم واطلع واروح لغرفتي ولا كاني مسوي شي(معليش هذا فقاش كبير لا وبعد عنديله سوالف كثيرة) اسف على كثر الحتسي بس هذي السالفه سمعتها وقلت اعلمكم عنها هي من نوع خذ وخل بس قويه
واشكر كل من رحب فيني:
واشكر كل من رحب فيني: