المساعد الشخصي الرقمي

مشاهدة النسخة كاملة : وش ذا الظلم الشمراني يخطف الجائزة من النزهــان ؛

ابوراكـــان
19/8/2004, 05:55
هاردلك الهزيمة

يشباب مادري وش دخل النزهان :jeng: في الكرة بجميع انواعها ولا تنسون كرة الماء تراها معها :zael:
والمشكلة تتغير الأدارات تلو الأدارات والمدربين عد واغلط وهاللللللززززقة مدري من واسطته
الظاهر النادي بانينه بالغلط في ارض لابو النزهان :jeng: او جده وماسكا عليهم مهوب بايع ويبي يلعب بالغصب :slv: لكن الله يفكنا منه ويمسكونه الباب من أول الدوري ومعه كم واحد الا شلقة (اوادم) مالها بالكرة 0
ابو بدور الهلالي
19/8/2004, 06:02
الله يفكنا منه ويمسكونه الباب من أول الدوري


اااامين
يوسف
19/8/2004, 06:17
هلا ابو راكان

الله يفكناا منه هالنكبه قسم بالله مادري وش معجب الخاالد فيه لو ملعب له صالح الحوطي بالظهيير او اي لاعب اهم شي يفكناا من هالعله :jeng:

وان شاء الله تصدر اللجنه المنظمه للبطوله قراار بوقفه لنهائيه البطوله هو واللي يقاال له الودعاني يووم بغواا يتطاقوون :lkj:

وبعدين على اي اساس يعطووون الشمراني الجائزه وهو عنده كرت اصفر :confused:

وتحياتي لك..
شابع بطولات
19/8/2004, 06:46
الله يهديك بس .. هذا (( زين الدين نزهان )) ..!! :(

اللي كرهنا بالكوره قسم بالله :(
عاشق الموهوب الشلهوب
19/8/2004, 07:04
الله يرحم الحال من عقب الدوخي جانا النزهان

اه اه يالدوخي ....
محب الهلاليين
19/8/2004, 07:08
المشكله انه مسوي نجم اي فاول له واي اوت او ركنيه لازم يتلقف ودائم مجنح كافو الغفله
ابوراكـــان
19/8/2004, 09:22
مشكورين ياخوان على الردود
و بالنسبه لكرت الشمراني كنت في شك انه ماخذه لكن الأخ داج اثبت لنا ان الماخوذ( اللي هو الشمراني) ماخذ كرت

فشكراّ لك اخوي داج على هذه الملاحطة 0

وبالتوفيق لزعيمنا في جميع البطولات أن شاء الله
وحيد الجزيرة
19/8/2004, 09:35
ياناس لاتظلمونه .. تراه ولد حساس ... ورقيق ...

حسبي الله على اللي كان السبب بس

والا والله ذا مايطقها ولا في الاستراحه معنا ؟؟
ذيب الجنوب
19/8/2004, 10:27
صباح الخير ياجماعة الربع :D
أما ابو نزهان سالفته سالفه :D
الرجال ماكل مقلب في نفسه والله ومالكم علي حلف يانا طقيتها ضحكة يوم شفته يوجه الهليل قلت بخاطري لو خير وجه نفسك :D :D :D
ول ياصالح النعيمة , ايه ماعليه مالقاها الا هو كبتن الهلال بكبره :confused:
وربي مااسرحه في جحش لان حتى الغنم اللي منها المعزا احس انها اكبر من حجمه وخارج نطاق عقله :D :D
الا ماتقولون لي الهلال مايبيعه علي , ودي اقلعه لجوانتاناموا قلعت ذيخن سرق أهله :D :D
تبون الصدز تراكم ظالمين الرجال ولا هذا يفترض انو يتندح في اثينا هالحين يدورون له شغله منها يشيل الفوط ويجيب الكور المهم يذلف عن وجيهنا ..

افتكينا من حسين جانا ابو نزهان ..
الله يعين

سلم لم
وحيد الجزيرة
19/8/2004, 10:34
8
8
8
8

الله يوسع صدرك

برد حرتي

حسبي الله عليه بس
رايق
19/8/2004, 10:36
مرحبا ..

ياشباب الولد وده يخدم الفريق ..

بس انه من جنبها ..
لامهارات ولا له في الكوره شي ..

علشان كذا ياليت يخدم الفريق ويضف وجهه ..

وبعدين هي جت على النزهان لحاله ..

يكفي انه جاب لكم بطوله قدام الاتحاد لما طلع الكوره بيده ..

لكن العله ماهيب فيه لحاله ..

لاتنسون المفرج وطقته ..

عموما فيه كم لاعب لو يضفون وجيهم احسن لنا ولهم ..

تحياتي ..
الرهـــيـــب
19/8/2004, 11:10
وسع صدر يا رجال المدربين ذبحونا
الشاخط
19/8/2004, 11:57
جائزة احسن لاعب يستاهلها
النكبة العتيبي !!!
النزهان والعتيبي مكانهما الطبيعي
خارج اسوار النادي مع بقية الشلة
(ذياب والماس والعنزي محمد وانت ماشي )
محمد
19/8/2004, 12:09
!!!!

يا شباب ... التجريح ما يفيد ... لو تسبونه من اليوم اليييين بكره .. !!

ما يفيد .. !!

صح الولد وده يخدم النادي ... لكن مو بهالطريقه تنحل الامور .. !!


طيب سبيتوه وحشيتوا فيه ... طيب وبعدين .. (( آثام على الفاضي )) .. !!

اذا واحد يعرفه شخصيا ..(( يروح يقول وجته نظره له )) .. !!

يمكن يهديه الله ويخلي المكان لغيره ..


لكن بهالطريقه ... كعادتنا .. (( للخلف سر )) .. !!


واسف اذا زعلت احد ... لكن الحق ينقال .. !!

بالتوفيق ،،

تحياتي للجميع ،،
وردة الهلال
19/8/2004, 12:16
8
8
8

يا سلام عليييييك تحيتي لك
سعد الغاز
19/8/2004, 13:34
ياشباب ترى بيزعل الكابتن ( نزهانكو ) ويرجع للرياض ويخليهم

تراهم يالله لقوه .

بس الحق : الولد مجتهد صحيح انه ميجيب غبار الدوخي لكن يمشي الحال