..... لـــــــــيـــــــــش كــــــــــــــــــــــذا .....

[برستيج]

هلاااا شبااااب ... هلاااا صباااايا


(( لـــــــــــــيـــــــــــــش كــــــــــــــذا ))


هو موضوع اعبر فيه عن انتقادات تحصل في حياتنا العامه

منها ما يخصنا ومنها ما يخص غيرنا .. وانا لا اعمم فيها

لكن قد تكون مائله الى خانة الاغلبية .. نشوفها مع بعض



ناس كثيره تنتقد غيرها في المبالغة في التكاليف الزائده في عزايمهم وزواجاتهم
واذا جت العزيمه عند واحد منهم تعال تفرج على انواع التكاليف اللي يحزن لها القلب قبل العين.
لـــــــــــــيــــــــــش كـــــــــــــــذا .. :confused:





رجال المرور ( الله يعطيهم الصحة والعافية ) يحسبون انفسهم دايم على صواب وان المواطن
هو اللي يغلط بس .. واذا غلط ياخذ جزاه ولازم يجلس يترجاه ويعتذر ..
لكن اذا غلطوا هم يمشون الموضوع ولا كان شي صار وبدون حتى اعتذار بعد .
لـــــــــــــيــــــــش كـــــــــــــــذا .. :confused:




جلست اسولف مع واحد من الشباب عن القصه البرجسية .. وكان الرجال زعلان على
السماح لجوال الباندا وامثاله بالدخول والانتشار دون حسيب او رقيب .. لان طلعت
مشاكله اكثر من وفوائده شوي ودق جواله .. بس ما رد عليه .. ودق مره ثانيه ولا رد ..
طبعا الرجال حاط الجوال في جيبه بس النغمة نغمة الباندا .. وهو استحى يرد قدامي
لانه بينكشف انه من انصار هالجوالات وهذا معناتها انه جالس يقول كلام ويسوي عكسه
لـــــــــــيــــــــش كـــــــــــــــذا .. :confused:




واحد من الشباب متزوج من خمس سنوات تقريباً سالته : هل حياتك الان وكلامك
وتصرفاتك مع زوجتك هي نفسها اللي كان خلال شهر العسل ( مثل ما يسمونه ) ؟؟
قال : طبعاً لا اختلفت .. سالته : ليش طيب ؟ قال : الظروف اختلفت
قلت له : والله ما اختلف الا راسك .. المفروض تكون حياتك كلها شهر عسل
لــــــــيــــــــــش كــــــــــــذا .. :confused:




ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..
لــــــــــيـــــــــش كــــــــــــذا .. :confused:




الوحده اذا كانت معزومه في زواج اوعند صديقاتها او حتى طالعه للسوق
تحصلها حاطه اللوان قوس قزح في خشتها .. ولبسها فيه جميع انواااع الاغراااء
والعطور حدث ولا حرج .. لكن تعال تفرج عليها في بيت زوجها ..
تصدقون ان بعض الازواج احيانا ما يفرق بين زوجته والشغال .
لـــــــــيــــــــش كـــــــــــــــذا .. :confused:




بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .
لــــــــــــيـــــــــش كــــــــــــــذا .. :confused:




شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .
لــــــــــــيـــــــــــــش كـــــــــــــذا .. :confused:




بعض القنوات اشوفها شاده حيلها في زيادة سطور وخانات شات الرسايل والسواليف
اللي فيها وطبعاً انا ما الومها حتى لو صارت الشاشه كلها شات
دام فيه ناس متخلفه همها الاول والاخير هالشي .
لـــــــــــــيـــــــــــــــش كـــــــــــذا .. :confused:




فيه مجموعه من الناس تحصلها تسافر وتوسع صدورها وتغير جو ويصرف بدون حساب
وانا مو ضد هالفكره .. لكن المشكله انه في ديرته اذا شاف واحد محتاج او اعلان خيري
صد عنه ولا كانه شاف شي .
لــــــــــيــــــــــــش كــــــــــــــذا .. :confused:


وللجميع تحياتي

(himo)

[مدرعـم]

لا مو هنا :( ..

<<< يدور عن صرواله

محجوز

[ابو بدور الهلالي]

من جد ليش كذا

[مدرعـم]

.. حياالله بوتوفيق ..

من دون مقدمات خلني ادرعم بالموضوع <<< ليش تسذا ياخي :D :D


ناس كثيره تنتقد غيرها في المبالغة في التكاليف الزائده في عزايمهم وزواجاتهم
واذا جت العزيمه عند واحد منهم تعال تفرج على انواع التكاليف اللي يحزن لها القلب قبل العين.
لـــــــــــــيــــــــــش كـــــــــــــــذا ..

ليه طيب <<< مفهي .. والله ياقلبي الناس طغى عليها حب المظاهر والفشخرة وفلان ولد فلانه مهوب احسن مني ومع هذا مايعجبهم العجب وانتقادهم وسخريتهم تلقاها في كل شي ان جا واحد سوى حفلة او عزيمة بسيطة ظنوا انه مقلل من قدرهم ومو عامل حشيمة لهم .. وان عمل عزيمة كبيرة ومكلفه قالوا ثور كلف على نفسه وشوله كل هالمصاريف .. مع اني اشوف واللي انا اسويه دايم لاصار عندنا عزيمة كل مايجي واحد قطيت عليه سندويشة بيض معرومة وقوطي ببسي مشروب نصه وقضبته الباب :rolleyes: ..



رجال المرور ( الله يعطيهم الصحة والعافية ) يحسبون انفسهم دايم على صواب وان المواطن
هو اللي يغلط بس .. واذا غلط ياخذ جزاه ولازم يجلس يترجاه ويعتذر ..
لكن اذا غلطوا هم يمشون الموضوع ولا كان شي صار وبدون حتى اعتذار بعد .
لـــــــــــــيــــــــش كـــــــــــــــذا ..

يخسون اعتذر منهم ولا اترجاهم .. اقولك سالفة حصلت لي وهي ان في مره انوار سيارتي الفارهه بيجو 76 احترقن وصاروا مايولعن تسان امر على واحد من الشباب اسمه تكر اخوه عنده ورشة واخذته معي عشان ينور لي الدرب بعيونه وان بقيت اكبس ادغدغه عشان يضحك وتبان صفة سنونه .. المهم وحنا بالطريق كبست لنا دورية تبينا نوقف تسان نصفط على جنب وينزل لنا ويقول تدري ان انوارك الامامية ماتشتغل .. قلت ادري لا وبعد مركب تضليله ومنزل السيارة واستمارتها منتهية ورخصة ماعندي ضايعة واللي تبي تسويه سوه .. ناظرني باستغراب وقال لا خلاص رح !!!..<<< تراا السالفة جد ماامزح :D



جلست اسولف مع واحد من الشباب عن القصه البرجسية .. وكان الرجال زعلان على
السماح لجوال الباندا وامثاله بالدخول والانتشار دون حسيب او رقيب .. لان طلعت
مشاكله اكثر من وفوائده شوي ودق جواله .. بس ما رد عليه .. ودق مره ثانيه ولا رد ..
طبعا الرجال حاط الجوال في جيبه بس النغمة نغمة الباندا .. وهو استحى يرد قدامي
لانه بينكشف انه من انصار هالجوالات وهذا معناتها انه جالس يقول كلام ويسوي عكسه
لـــــــــــيــــــــش كـــــــــــــــذا ..

ليه .. وانت وش جوالك (rambo) ؟؟؟



واحد من الشباب متزوج من خمس سنوات تقريباً سالته : هل حياتك الان وكلامك
وتصرفاتك مع زوجتك هي نفسها اللي كان خلال شهر العسل ( مثل ما يسمونه ) ؟؟
قال : طبعاً لا اختلفت .. سالته : ليش طيب ؟ قال : الظروف اختلفت
قلت له : والله ما اختلف الا راسك .. المفروض تكون حياتك كلها شهر عسل
لــــــــيــــــــــش كــــــــــــذا ..

ومن قالك ان فيه شهر عسل اصلاً .. ترا مافي الزوج الا الهم والغم والنكد وآخر يوم بتكون فرحان فيه هو يوم عرسك وبعدها وجهك دايم بيصير تسذا :amle: .. الزواج سجن لكن من المستحيل انك تطلع منه لحسن السيرة والسلوك .. وش لك بوجع الراس وغثى الحريم يعني تخيل انك نايم الساعه ثلاث بالليل وتجيك مرتك تصحيك تقول ودني للمستشفى تبي تالد ؟؟.. والله ياانت بيكون موقفك صعب ومأساوي .. يعني انا ابصير نايم وانت ماغير مراكض في المستشفى والغمص مالي عيونك .. ولا تنحد يوم وتخليك تغير لولدك الحفاضة وعععععععع ما تسوى عليك صدقني ..

طيب تخيل انك قاعد مع الشباب تلعب بلوت والصكه حاميه ولا دوري كيرم والمنافسة فيه قوية وفجأة تدق عليك المدام تقول تعال بربور بيه اللي هو ولدك يبي يروح المستشفى ولا تعال ودني سوق الخضره ولا تعال ودني بيت اهلي .. والله الغثى صدز !!..

ولا جاي من الدوام منقرف بعيشتك من المدير اللي مستقعدلك بالعمل وتدخل البيت وتلقى ذيك الخشه مقابلتن وجهك شوشه طايره ونفسن خايسه وجلدن مروح واول شي تقوله بوجهك اذا دخلت جبت اللبن والخبز والا نسيت كالعاده .. اعوذ بالله ياهو مقابل ذاك المدير ابرك من هالعله اللي الله ابتلشك فيها ..

صدقني يابو بربور ان نسبه كبيره من الازواج يشكون من زوجاتهم وانهم مقلقين راحتهم لافي روحه ولافي جيه .. حتى اني سمعت واحد يقول ان فيه بعض الحريم يعضن الله يكفينا شرهم ويرزقنا ببنت الحلال نانسي عجرم :qw: ..



ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..
لــــــــــيـــــــــش كــــــــــــذا ..

هذا حال الدنيا السيارة الكبيرة تدوس عالسيارة الصغيرة وتكسر سطباتها :jhgy: ..



الوحده اذا كانت معزومه في زواج اوعند صديقاتها او حتى طالعه للسوق
تحصلها حاطه اللوان قوس قزح في خشتها .. ولبسها فيه جميع انواااع الاغراااء
والعطور حدث ولا حرج .. لكن تعال تفرج عليها في بيت زوجها ..
تصدقون ان بعض الازواج احيانا ما يفرق بين زوجته والشغال .
لـــــــــيــــــــش كـــــــــــــــذا ..

حتى الشغاله تكون احلى في معظم الاحيان ومنها فايده مو علك وتلفون وحش بخلق الله ومرعى وقلة حركة ودبره وصنعه .. ودايم تسمع منهن التصريفة الاعتيادية يووو تعبانة عندك الشغالة لدرجة الواحد مايدري هو متزوجها ولا متزوج الشغالة .. عليك بالفلبينيات ياعمري تراهن شغيلات مايتعبن ولا يسرفن وان كثرن جاتك وقالت انا يبغى ساعه كاسيو .. مو كنكورد ولا رولكس يعني يازين طلباتهم ان زودو وصلوا مية ريال .. حتى لو يبون يتمشون جاتك تقول بابا انا صيف لازم روه التايف سيم سيم سغاله ابو ناصر .. الزبدة ان تكلفتها الاقتصادية منخفضة ولاتشكل اكثر من 10% من طلبات الشيون بناتنا وفوق تسذا ركبهن بيضه (( الله من وحده ووحده ارتفع ضغطها هالحين )).. وتؤدي جميع الاعمال المنزليه وبكل رحابة وسعة صدر وماتصير طفرانه وتبي تسوي نفسها قدام بنات خلق الله اني بنت نعمه وبطرانه يعني واقعيه .. والشعر مضمون بيصير ناعم والعيال كلهم طقة وحده وشبه بعض توأم :D :D ..



بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .
لــــــــــــيـــــــــش كــــــــــــــذا ..

الله يهديهم :( ..


شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .
لــــــــــــيـــــــــــــش كـــــــــــــذا ..

اما الواسطه فهذي حدث ولا حرج :slv:


بعض القنوات اشوفها شاده حيلها في زيادة سطور وخانات شات الرسايل والسواليف
اللي فيها وطبعاً انا ما الومها حتى لو صارت الشاشه كلها شات
دام فيه ناس متخلفه همها الاول والاخير هالشي .
لـــــــــــــيـــــــــــــــش كـــــــــــذا ..

والترقيم فيها عيني عينك خصوصاً من البنات والشباب طايريين وراهم بالمسجات موب مصدقين والاغبياء مايدرون ان هالحركة مقصودة من القناة عشان يكسبون من وراهم (( والله من التناحه :jhgy: ))..


فيه مجموعه من الناس تحصلها تسافر وتوسع صدورها وتغير جو ويصرف بدون حساب
وانا مو ضد هالفكره .. لكن المشكله انه في ديرته اذا شاف واحد محتاج او اعلان خيري
صد عنه ولا كانه شاف شي .
لــــــــــيــــــــــــش كــــــــــــــذا ..

اعيال الحرام ماخلو لاعيال الحلال حاجة .. ياسعة البيه افندم (himo) ..


ويعطيك العافية ياقلبي :magkiss: ..


.. طحياطي ..

[Full Moon]

السلام عليكم ورحمة الله وبركاته...

اهلين برستيج...

بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .

وحتى احيان بالبيت يكون جالس صاحي طول يومه وقبل الفجر بشوي يروح ينام وكله عشان مايصلي...

والله يهدي الجميع إن شاء الله...

شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .

احنا اللي سمحنا للواسطه تتحكم فينا فالغلط الأول والاخير مننا لاننا رضينا فيها بالبدايه...

وربي يعطيك العافيه برستيج على هالموضوع...

والسلاااااااام علييييييييكم...

[ابوسعد الهلالي]

السلام عليكم ورحمة الله وبركاته
هلا برستيج0000000000000
لــــــــــيــــــــــــش كــــــــــــــذا ؟

أصابع يدك مهيب سوى!!!!!!!!!

ويعطيك العافية 000000000

ولكم تحياتي00000000000

[برستيج]

هلااااا ..... وغلااااا


ابو بدر الهلالي

من جد ليش كذا
انا كنت ابي منك جواب مو سؤال .. (himo) .. وحياك .. ;)


درعوووووومي

حياالله بوتوفيق
يحييك ربي بوصعفق


ويقول تدري ان انوارك الامامية ماتشتغل .. قلت ادري لا وبعد مركب تضليله ومنزل السيارة واستمارتها منتهية ورخصة ماعندي ضايعة واللي تبي تسويه سوه .. ناظرني باستغراب وقال لا خلاص رح
والله لو ان العسكري ذا اخوك عاد .. اقول طس بس وقلنا كم يوم جلست في التوقيف .. :p



ليه .. وانت وش جوالك ؟؟؟
ياخي اللي ترى الى الحين ما معي الا بيجر .. بس مسوي له توصليه من جوال اخوي .. :D




صدقني يابو بربور ان نسبه كبيره من الازواج يشكون من زوجاتهم وانهم مقلقين راحتهم لافي روحه ولافي جيه
وش قصدك .. نهون من العرس ونحط مصاريفه في مشروع ثاني كله .. :jhgy: .. :sheto: .. :angel:


اعيال الحرام ماخلو لاعيال الحلال حاجة
والله انك صادق وهذا اللي يقهرك .. :slv: .. وحياك .. ;)


وراجعين

:yes:

[MINI]

هو بس كذا .... برستيج ... فيه أشياء كثيرة نقول عنها ليش كذا ....؟؟؟

ندرس علشان الناس تقول متفوق ..

و الناس نفسه هذي مهي مدورة له وظيفة ...

نطلب إننا نكون شفافين مع بعض و نبطل (جحادة) .. مع إننا من أكثر الناس حسد ، و أي شي يصير لنا يكون عين ...

عندنا البنت تولد علشان تصير زوجة بس إذا عرفت تطبخ و تشتغل ، ثم لاتزوج عليها قالت ليه و نست إنها ما هيئت إلا تصير خدامة من دون ما تتتعلم كيف تتعامل مع زوجها ...

ليه الرجل لما يطلع مع عائلته يصير مكشر و يستحي أن أحد يطلع فيه .. و كأنه عامل شيء خطأ ..

#آخر مشهد شفته بمجتمعنا الي يحتاج له إعادة مفاهيم من جديد ، رجل و زوجته بسجاد يمكن متر بمتر معهم بنتهم و شكلها البكر الخدامة قاعدة بالنص ؟؟!!! ...


# وعائلة نازلة للمطعم مع أبوهم الخدامة معهم ؟؟!! (أنا ما أطلب نفي الخدم ، بس نعرف وين نحطهم وش حدود خصوصياتنا الي عندها يتوقفون ...

# مره بـ (معوض) من أكبر محلات المجوهرات بالشرق الأوسط تقلب سوارة ألماس و خدامتها بجنبها شايلة البزر ....


كثييييييييييييييير ...لازم نفكر فيه بطريقة آخرى ...


و آسف على الإطالة و التدخل بموضوعك .. بس من القهر ..

[GAHERHM]

برستيج ابشرك قريت كل الموضووع
وموضووع رائع بس من يفهمك
انت مفروض ماتصير مشرف مفروض تصير ..... مدير علاقات عامه << خاشه غلط :D :D
الف شكر برستيج باشا :yes:

[عبدالله الزعيم]

بعض القنوات اشوفها شاده حيلها في زيادة سطور وخانات شات الرسايل والسواليف
اللي فيها وطبعاً انا ما الومها حتى لو صارت الشاشه كلها شات
دام فيه ناس متخلفه همها الاول والاخير هالشي .


ايواه في هذي الكلام؟؟؟؟؟؟؟؟؟؟؟؟؟؟؟؟؟

[أبوحمـــ15ـــــــــــد]

موضوع مرتب<<< ابوحمد من برمانه:)


ناس كثيره تنتقد غيرها في المبالغة في التكاليف الزائده في عزايمهم وزواجاتهم
واذا جت العزيمه عند واحد منهم تعال تفرج على انواع التكاليف اللي يحزن لها القلب قبل العين.

والادهى من ذلك تلقاهم متكلفين عليه ويمكن وصلت للسلف وكلها عشان المظاهر!!! والله ماكذب من قال المجتمع السعودي مجتمع مظاهر...

ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..

يمكنهم صاروا حبيّبين؟؟<<<واحد على نياته:)

كل مافي الموضوع عملية تسويقية واللي تكسب ((بوه)) العب ((بوه)) ((ترى بوه بالقصمنجي))..

بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .

الله يهدينا وياهم....

شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .

ااااااااه<<معذبته الواسطه...
كنت ناوي احول من كلية لكلية وللاسف ماقبلوا:( رحت اشوف اسماء اللي قبلوهم ولقيت اكثر من واحد نسبته اقل مني...مع ان النسبة شرط اساسي للقبول:(

يعطيك العافية على هالموضوع..

[ونة وتر]

السلام عليكم .....

أستاذي هناك في جميع بلاد العالم يوجد مايسمى بالذوق العام أو السلوك العام ايهما تختار ....
والاحظ اننا نفتقر لمثل هذه الاداب العامه التي يؤمن بها ويقدسها سكان الارض حتى من غير العرب ...
لكننا في هذه الازمنه المتاخره اصبح التردي هو السمه المميزه للعرب ،،
ولكن لابد للظلام ان ينجلي ولابد للشمس من صباح تشرق فيه ..

فقد بينت لنا بعض السلوكيات الخاطئة ... جعلتنا نتسأل لماذا نحن متناقضون بالواقع ؟ ...
واليك بعضاً من هذه السلوكيات الخاطئه التي اتمنى من الله ان تختفي من مجتمعنا يوما ما :

اولا :

قضية السرعه الجنونيه التي اودت بحياة الكثير ولا زالت ،،
فتجد من يتجاوز السرعه حتى داخل البلد ويطلب من الناس عبر الانوار والبوري
ووضع الصدام بالصدام ان يفسحوا له الطريق حتى يكمل رحلته المكوكيه ....
بمعني أن هذا الشخص المتهور ينسى ان للناس حقا في الطريق مثله ولكنه اعمى واناني لايرى الا نفسه
فلايريد ان يرى احدا في الشارع غيره ،، اسال الله ان يكفي الناس شرهم ...



ثانيا :

نلاحظ في بعض المستشفيات خصوصا وبعض الدوائر الحكوميه عموما
بعض المراجعين ممن يقفون في الممرات الضيقه وهاك سوالف وطق حنك ...
المشكله انهم لايتزحزحون عن اماكنهم ولا يفسحوا الطريق للاخرين بل ويعتبرون ذلك
تعدياً على حق طبيعي رغم علامات التضجر والامتعاض التي تصدر من الآخرين الذين يستاءون
من مثل هذه التصرفات ،، ورغم ذالك تجدهم يقفون يتبادلون الأحاديث على البيبان و يسدونها على الناس
وعلى الدرج وياويل الي يفتح فمه بكلمة ... فأين حق الطريق الذي امرنا به ديننا الحنيف ! ...



ثالثا :

من السلوكيات الخاطئه والشائعه عدم احترام بعض الناس للوقوف في الطابور أو السرى
فتجد من يقفز ذلك الطابور بدون ادنى احترام لنفسه وللاخرين ...
فمتى نتعلم هذا الذوق الاخلاقي الرفيع في التعامل مع الناس ؟؟؟


رابعاً :

سوء تعامل موظفي الدوله وتعاليهم على المراجعين وكذلك التسويف والمماطله في انهاء المعاملات
بل ان بعضهم بمجرد ان يعرف ان هناك مصلحه او فائده يرجوها من ورائك ،،
تجده يسعى جاهدا لتيسير معاملتك وانهائها في وقت قياسي ،،
اما المسكين الذي ليس وراءه مصلحه لامثال هؤلاء - الله يكون في عونه -


وغير كذا كثير لكن هذا ما يمنع إن في فئة من الناس لبقين و خلوقين محبب التعامل معهم ...
وشكلي يقول إني أطلت الحديث و شكرا أخي العزيز لطرحك موضوع مهم جدا بأسلوب جميل جدا ...


لك تحياتي .....

[FORZA ROSSONERI]

مشكور يالغالي برستيج .,,

بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .
لــــــــــــيـــــــــش كــــــــــــــذا ..


والله وش اقول ايما الدراسه صلاة المغرب المسجد مليان واللحين اذا كمل صفين زين ..,,

يانايم يا استراحه وبشكة شباب او في ملحق جالس والصلاة اخر همه ..,,

انا اعتقد ان هذا نقص في الايمان ..,,



شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .
لــــــــــــيـــــــــــــش كـــــــــــــذا ..


اما هذي فأنت والله انك صادق يا اخي والله ناس مخلصين الجامعه ومتفتحين ووضايف تطير للي مخلص المتوسطه بالدز واخذ الوظيفه بواسطه ..,,

الا متى الواسطه بتصير الشي الرئيسي بالوظيفه او التقديم بالجامعه ..,,

وهذي قصه حصلت لشخص مقرب الي جداً .. بعد ان انهى المرحله الثانويه قام بتقديم اوراقه الى كليه من الكليات العسكريه وبحمد الله تجاوز كل الاختبارات ولكن المصيبه قيلت له بالحرف الواحد عندما اخبره احد المسؤلين انه تجاوز الاختبارات قال له (((( يالله حرك واسطتك )))) ..,,

الى متى شباب الوطن تذهب منهم الدراسه والوظائف بسب اناس لا يستحقونها..,,



تحيااااتي للجميع ..,,

عبدالله

[FORZA ROSSONERI]

هااااااااي..,,

الوحده اذا كانت معزومه في زواج اوعند صديقاتها او حتى طالعه للسوق
تحصلها حاطه اللوان قوس قزح في خشتها .. ولبسها فيه جميع انواااع الاغراااء
والعطور حدث ولا حرج .. لكن تعال تفرج عليها في بيت زوجها ..
تصدقون ان بعض الازواج احيانا ما يفرق بين زوجته والشغال .
لـــــــــيــــــــش كـــــــــــــــذا ..


ولا وصاير وجهها كنه كراسة رسم ..,, :D


تحياااتي...,,


لـــــــــــيـــــــــــــــــــش كــــــــــــــــــــــــذا

[برستيج]

هلاااااا .... وغلاااااا



شموووووسه


احنا اللي سمحنا للواسطه تتحكم فينا فالغلط الأول والاخير مننا لاننا رضينا فيها بالبدايه...
المشكله الان .. ان كل حياتنا صارت ماشيه على الواسطه .. وبدونها مستحيل يمشي شي .. :slv:



وربي يعطيك العافيه برستيج على هالموضوع
الله يعافيك اختي .. :) .. وحياك .. ;)





هلالي من طفولتي


أصابع يدك مهيب سوى
والله عارف انها مو سوى .. لكن مع الزمان الله يستر لا تصير سوى .. :q: .. وحياك .. ;)





MINI


رجل و زوجته بسجاد يمكن متر بمتر معهم بنتهم و شكلها البكر الخدامة قاعدة بالنص
ياخي يمكن ما عندهم سجاد اكبر من ذي ... :angel:



و آسف على الإطالة و التدخل بموضوعك .. بس من القهر ..
خذ راحتك اخوي .. بس انتبه لعمرك لا يطق فيك عرق من القهر .. :angel: .. وحياك .. ;)


وراجعين

:yes:

[هلاليه بالفطره]

هلا برستيج

موضوع قيـــــــم
والاخوان ماقصرو ذكرونا باللي يقهر في الشوراع المستشفيات الدوائر الحكوميه الاستراحات :fghty: الاعراس والاسواق والمساجد حتى دول بره ماسلمو منكم ..!!

[الشيفيلان]

ليش كذا
لازم تكون الدنيا كذا عشان يكون كذا
ولا مثلاً لو الناس تساوت في وظائفها ومرتباتها و ......... الخ
رايح ماتلقى واحد يبني لك فلة او ينظف الشوارع الله يكرمكم او او ........... الخ
ولك تحياتي

[برستيج]

هلاااااا .. وغلااااااا



قاهرهم

وموضووع رائع بس من يفهمك
الاغلبية ما تحتاج اني افهمها .. لانها عارفه بس المشكله في عدم التطبيييييق .. :slv:



انت مفروض ماتصير مشرف مفروض تصير ..... مدير علاقات عامه << خاشه غلط
وانت الصادق خاش صح .. ;) .. وحياك .. ;)






عبدالله الزعيم


ايواه في هذي الكلام؟؟؟؟؟؟؟؟؟؟؟؟؟؟؟؟؟
شكلك تعاني اكثر مني في النقطه .. :D .. وحياك .. ;)





ابو حمــــ 15 ــــــــــــــــد


موضوع مرتب
طلعت دروس مو موضوع .. :D



كنت ناوي احول من كلية لكلية وللاسف ماقبلوا رحت اشوف اسماء اللي قبلوهم ولقيت اكثر من واحد نسبته اقل مني...مع ان النسبة شرط اساسي للقبول
ثاني مره لا تسجل في مكان الا وواسطتك قدامك والا انطق في بيتكم .. :p .. وحياك .. ;)



وراجعين

:yes:

[برستيج]

هلااا .. وغلااا




وووونة ووووووتر


فقد بينت لنا بعض السلوكيات الخاطئة ... جعلتنا نتسأل لماذا نحن متناقضون بالواقع ؟
مو هذا اللي الى الان مو محصله جواب مقنع .. :confused:



وشكلي يقول إني أطلت الحديث و شكرا أخي العزيز لطرحك موضوع مهم جدا بأسلوب جميل جدا
من ناحية طولت فانت طولت.. :angel: .. بس بعض الناس ما ينمل من كلامهم .. :yes: .. وحياك .. ;)






FORZA AZZURRI

الا في خاطري شي باقوله .. ما ودك يا ابوالشباب تغير اسمك .. وترى نقل الملكيه علي حسابي .. :angel:


الا متى الواسطه بتصير الشي الرئيسي بالوظيفه او التقديم بالجامعه
ياغالي .. الواسطة تجاوزت انها تصير شي رئيسي في الوظيفه والجامعه للاسف .. :slv:




ولا وصاير وجهها كنه كراسة رسم
ولطالب في الابتدائي بعد .. :D .. والله من كثر الحوسه فيها .. :p .. وحياك .. ;)






هلوووووله


موضوع قيـــــــم
اموووت واعرف هالمحششه هذي من وين جابت كلمة ( قيـــم ) .. :D




حتى دول بره ماسلمو منكم ..!!
ولا تهونون انتم بعد .. :p .. وحيالك .. ;)





الشيفيلان


رايح ماتلقى واحد يبني لك فلة او ينظف الشوارع الله يكرمكم او او ........... الخ
نظرتك انت بعيييييدة المدى .. بس تتمنى انك تكون وحد منهم .. (rambo) .. وحياك .. ;)


وللجميع تحياتي

(himo)

[يوسف]

هلا برستيج

رجال المرور ( الله يعطيهم الصحة والعافية ) يحسبون انفسهم دايم على صواب وان المواطن
هو اللي يغلط بس .. واذا غلط ياخذ جزاه ولازم يجلس يترجاه ويعتذر ..
لكن اذا غلطوا هم يمشون الموضوع ولا كان شي صار وبدون حتى اعتذار بعد .
لـــــــــــــيــــــــش كـــــــــــــــذا ..
من جد رجال المروور يرفعون الضغط وعلى بالهم انهم دايما هم الصح واذا قلت له هالشي مهوب صح قاام يحووس ويبربس بالكلاام ويلف ويدور على عمره واخر شي يقول ابعطيك مخالفه..
بس هالعينه ماتنعطى وجهه ولا يستاهل من يترجى فيهم ويقول له اخر مره ومن هالكلاام خلاص ناوي يعطيك مخالفه قل له هات مخالفه لانه لو ترجيت وقلت ومادري ايش اخر شي بيعطيك مخالفه يعني وفر على نفسك وقت وخله يعطيك مخالفه وانت ساكت:o

ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..
لــــــــــيـــــــــش كــــــــــــذا ..
كنك عااارف وش نااويه علييه شركه الاتصااالات يووم وافقوا على الشركه الجديده قاموا يقدمون من هالخدمااات الجوال مجاني والتلفون الثابت التقديم مجاني ومادري ايش مجاني بس لو يسوون فيناا خيير ويشيلوون الــ 120ريال اشتراك الجوال ويخفضوون بالنت نكون لهم من الشاكرين مايسد قروش دخلت عليهم :zael:

بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .
لــــــــــــيـــــــــش كــــــــــــــذا ..
الله يهدي الجميع وبالذاات بخصوص الصلاه مع الجماعه والله يكفيناا شر ابليس وساويسه اللي مادري وش تبي ببعض الاحياان:(

والف شكر لك على هالموضوع اللي لي شهرين واناا ودي ارد عليه بس ماحصلت فرصه ليش كذا :rolleyes:
وتحياتي لك :magkiss: