..<<< من أ نــــــ 10 ـــــــا >>>..

[<<< من أ نـ ؟ ـا >>>]

حياالله الساخرين والساخرات ..

وحياكم في الحلقة العاشرة من حلقات <<< من أ نـــ ؟ ـــا >>>..

--- للـتـذكـيـر ---
<p align=CENTER>.. شروط اللعبة ..
هي الكشف عن الشخصية المجهولة التي تقف خلف هذا اليوزر بالاثبات والادلة التي تجزم بانه هو الشخصية المعنية .. وذلك عن طريق طرح الاسئلة وخلق حوار مع الشخصية ليتم التعرف عليه عن طريق اسلوبه وطريقة حواره ..

-- الاسئلة الممنوعة --
(1) السؤال هل انت عضو او مشرف أو هل انت هلالي او هلالية ..
(2) اي سؤال يتعلق باليوزر اول حرف آخر حرف أو هل فيه مدة أو في ارقام ولا مافيه ..
(3) السؤال عن آخر مشاركة له أو آخر موضوع له أوالعكس ..
(4) السؤال عن عدد مشاركاته أو عندك توقيع أو لا ..

++ الذي سوف يكشف الشخصية المجهولة سوف يتم الاعلان عن اسمه في الحلقة التالية ..
++ الاختيار العشوائي غير مقبول حتى لو جانبه الصواب ..

مع تمنياتنا للجميع بكشف الشخصية المجهولة ومع تمنياتنا للشخصية بالتوفيق ..</p>

علماً ان الشخصية السابقة كانت < الطير الهلالي > وتم كشفها من قبل < hmmooddy > ..

--- والآن نتركم مع الشخصية المخفية الجديدة ---

[فيصل]

هلا بك ياجديد :p ..

اسئلتي على النحو والادب التالي ..<< يامصلك

انت طالب ولا موظف ؟؟ :rolleyes:

وش معك سياره ؟؟<<< سؤال خطير (himo)

وش رائيك في يوسف الثنيان ؟؟ :magkiss:

تتوقع الهلال بيحقق بطوله هالسنه ولا لا :req:

وراجع لك ياحلو <<< اشك والله لان شبكه الهلال مافيه حلو الا ابوحمد :love:

[يوسف]

هلا من اناا

يالله ابرحب بك اول شي ونحتريك تنطق:o

الا خذ هالاسئله على الطاير:

* وش تتوقع لهلاالناا بالبطوله العربيه؟؟
* وش يعني لك رقم عشره بحكم انك عاشر واحد تكون ضيف بهاليوزر؟؟
* تهتم باخبار هلاالناا والمباريات ومواعيدها والا بالصدفه تعرف نتايج المباريات؟؟
* كيف الاختباراات معك؟؟

ونحتريك:)

[&&& أبو صالح &&&]

اسئلة على الطاير وكافشك كافشك !!!!
من ترشح لجائزة افضل مشرف وعضو ؟؟؟؟ (himo)
وش ناوي الصيفية ؟؟ بتسافر والا لا ؟؟
وش افضل موضوع برأيك بالمنتدى الساخر :p

وثانكيو اوي :jhgy:

[محمد الهلالي]

هلا بك ياعاشر<<< ابو عشره

خذ لك كم اسئله تحلي فيها
1- وين تنسدح اكثر بالمدرج ولا بالساخر ولا بالقسم اللي ماله داعي الكمبيوتر والانترنت
2- كم موضوع تثبت لك؟ وبأي قسم اكثر؟
3-وشو فريقك المفضل خارجيا ؟ والاعب بعد؟
4- وين ساكن ؟
5- وشي المنتديات الثانيه اللي تشارك فيها؟

[أخو دلال]

سلام سلام سلام.. تحية الاسلام..

ألو ألو ألو.. شراب البرتقال.. :D :D


<<< مروق لي النعال.. (himo) (himo)

إنت يا الحبيب.. تنوم لحالك عالسرير والا معك أحد؟؟

<< قصده شريف.. (rambo)


كان هناك ثعلبا.. التهما أرنبا.. قامت تبكي آآآ.. أم الأرنب آآآ.. تبكي مما فعل الثعلب.. :D :D

<< للحين مروق (himo) (himo)

[أبوحمـــ15ـــــــــــد]

بسم الله على بركة الله...

اول شي ارد على المعجبين..

فيصل...لاتحرجني ياااخي :kello: انت الحلو والله ياقميل الله لايخليني منك بس...((ورا مايفتحون لنا منتدى رومانسي انا وياك بس :angel: ))

نرجع لاخونا في الله..

س/وش رايك بالهلال هالسنة؟؟

س/وش رايك بالمهبل اللي يقارنون يوسف بسامي والعكس؟؟؟

س/رايك بجده؟؟؟<<<مايخلي عنه هالاساليب (rambo)

س/ رايك بالمجمعه؟؟

س/ رايك بميلان؟؟؟

س/ فريق التخلف انترميلان وش رايك فيه؟؟؟

س/كيفك مع الفوتوشوب والفلاش؟؟تفت ولا من جنبها؟؟؟

س/رايك بالستريم بوكس والنيرو :fghty:

س/متابع للهلال حاليا ولا موب لذيك الدرجة؟؟؟

س/اول ماتدخل الشبكة وش تفتح عليه؟؟؟((اقصد منتديات))


سلام وان شاء الله اذا جاوبت رديت عليك وقلت ((مساك الله بالخير يا..... :nrey: ))

[الهواوي]

هلااااااااااااااااااااااااع :angel:

يالله اااستلم الاسئله جاااك المحقق محمااااس :cool:

اول حاااااقه عندكم سواق والا لا (himo)

ساااني حااااقه شرايك بسياسة الصبات اللي حوول المجمعات تتوقع مفيده<<<مطلوب منه بحث ويبي فززعتك :angel:

سالس حاااااقه متى ااخر مرره ررقصت :D

رااابع حااااااقه اااعترف من انت<<<<يسمع بالتحقيق :angel:

[يوسف]

مدرعم وييين خوويييك من اناا وشولوا للحيين يتغلى هو وخشته وشولوا مايرد وش يحتري :zael:<<تحس انه متحمااس بالحييل هالمره يالله عجل علينااا (himo)

[<<< من أ نـ ؟ ـا >>>]

iam very sory على التاخير ....

فيصل

هلا بك ياجديد ..

هلا


انت طالب ولا موظف ؟؟

الثنتين

وش معك سياره ؟؟<<< سؤال خطير

مش مهم نوع السيارة اهم شييي الاخلالالالالاق :D:D

وش رائيك في يوسف الثنيان ؟؟

لاعب خطييييييير بالمرة وراح تفقده الرياضه

تتوقع الهلال بيحقق بطوله هالسنه ولا لا

لاوالله ...


داج
* وش تتوقع لهلاالناا بالبطوله العربيه؟؟

لااتوقع شيي

* وش يعني لك رقم عشره بحكم انك عاشر واحد تكون ضيف بهاليوزر؟؟

رقم عادي

* تهتم باخبار هلاالناا والمباريات ومواعيدها والا بالصدفه تعرف نتايج المباريات؟؟

مافيش حياة بدون هلال اخوي وانا اهتم بكل شي بالهلال

* كيف الاختباراات معك؟؟

متعبه :(

ابو صالح

من ترشح لجائزة افضل مشرف وعضو ؟؟؟؟

كلهم بهم الخير والبركه


وش ناوي الصيفية ؟؟ بتسافر والا لا ؟؟

خليها على ربك

وش افضل موضوع برأيك بالمنتدى الساخر

كل المواضيع حلوه

محمد الهلالي

- وين تنسدح اكثر بالمدرج ولا بالساخر ولا بالقسم اللي ماله داعي الكمبيوتر والانترنت

بالمدرج


2- كم موضوع تثبت لك؟ وبأي قسم اكثر؟

ماذكر بس يمكن من زمان في المدرج


3-وشو فريقك المفضل خارجيا ؟ والاعب بعد؟

الهلال داخليا وخارجيا وبكل محل واحب نواف :love: :love:


4- وين ساكن ؟

في بيتنا

5- وشي المنتديات الثانيه اللي تشارك فيها؟

كثيرة

اخو دلال

عندك سووال محددددد :req:

راجعييييين

[alhilalia_9]

مرحبا

انا ببالي احد واتوقع 99% صحيح بسبب كلمه قالها :d


بس للتاكيد ابي اسال كم سؤال

وش دراستك؟ ووين كنت تدرس ؟ واذا كنت تدرس الى الحين هل تحضر ماجستير ولا بكالوريس عادي

وشكرا

[أبوحمـــ15ـــــــــــد]

مساك الله بالخير اخو دلال :nrey:

1/انت طالب ولا موظف ؟؟




الثنتين

اخو دلال موظف وسبق انه قالها...
وبرضه طالب حسب مانقل لنا ابوحسين على مااعتقد انه يحضر ماجستير...بالتوفيق ان شاء الله..

2/2- كم موضوع تثبت لك؟ وبأي قسم اكثر؟




ماذكر بس يمكن من زمان في المدرج

زمان... وفي المدرج...

من زمان ماتثبتت مواضيع لاخو دلال لانه اصلا من زمان ماكتب في المدرج...
غير هذا اخو دلال سبق ان ثُبت له مواضيع كثيرة في المدرج ولا ننسى سلسة مواضيعه ((مشاهدات اخو دلال من الملعب))....

اجل جاي تموه علينا انت ووجهك :nrey:
هاتو اللي بعده بس :fghty:

[فيصل]

8
8
8
صاده الذيب حبيبي ..

خلاص ترى اللي جاوب انا وابوحمد لاننا واحد ..

[الهواوي]

^
^
^
سيم سيم كلاااام ثنين نفر فووووق :D

انا ااصلا كنت بقوول اانه اخو دلال اللي قااعد يتميلح هالاياام ومنززل كم موضووع يقاله رررجع :D

بس يوم شفت اجاابته على

وين تنسدح اكثر بالمدرج ولا بالساخر ولا بالقسم اللي ماله داعي الكمبيوتر والانترنت


بالمدرج

ركدت شووي وووقلت خله يجاوب على بقية الاسئله :D لأني ااذكره دايمن متبطح بالسااخر..


وووبعدين فييه تأكيد جديد على اانه اخو دلال

إقتباس

وش رائيك في يوسف الثنيان ؟؟


لاعب خطييييييير بالمرة وراح تفقده الرياضه

دااايمن اااخو دلال يقووول هالكلمه (( بالمررررررره)) من ززين خشته عااد يقوولها بدلع تسنه لبنانيه تغنج :D

يالله يالدلخ جهزنا لك الكلبشاات وعلى ابو زعبل (himo)

[alhilalia_9]

هههههههههههههههههه

نفس توقعي الكلمه اللي اقصدها بالمره

اخو دلال الوحيد اللي يقول بالمره

ووووو اتوقع لويدرس فهو يحضر ماجستير بس نشوف وش يقول تخصصه

يلله بسرعه اداره ولالا؟؟؟؟؟؟؟؟ ووين درست ؟؟ عشان اكون :kany:

[الهواوي]

^
^
^
عااادي عااادي يمكن توارد خواااطر<<<بيحتك :D

المهم ووووينك يابوركبه :angel: اااطلع والا معطتك مع شوووشتك :D

[الكاسر888]

سلام

وش رأيك باللوحات الإعلانية اللي في الشوارع؟

[<<< من أ نـ ؟ ـا >>>]

أبو حمد ....

س/وش رايك بالهلال هالسنة؟؟

سييء بالمررررة :(

س/وش رايك بالمهبل اللي يقارنون يوسف بسامي والعكس؟؟؟

الله يهديهم

س/رايك بجده؟؟؟<<<مايخلي عنه هالاساليب

جده حلللوة

س/ رايك بالمجمعه؟؟

علي طريق القصيم

س/ رايك بميلان؟؟؟

فريق كبير

س/ فريق التخلف انترميلان وش رايك فيه؟؟؟

فريق كبير بعد

س/كيفك مع الفوتوشوب والفلاش؟؟تفت ولا من جنبها؟؟؟

يعني وسط

س/رايك بالستريم بوكس والنيرو

حلوين

س/متابع للهلال حاليا ولا موب لذيك الدرجة؟؟؟

لالالالا اكييييييد متتتابع

س/اول ماتدخل الشبكة وش تفتح عليه؟؟؟((اقصد منتديات))

المدرج

888888888888888888888

الهواووي

اول حاااااقه عندكم سواق والا لا

مسائل عائليه

ساااني حااااقه شرايك بسياسة الصبات اللي حوول المجمعات تتوقع مفيده<<<مطلوب منه بحث ويبي فززعتك

الحكومه ابخصصص

سالس حاااااقه متى ااخر مرره ررقصت

ايش علاقته بمن انا ؟؟؟

رااابع حااااااقه اااعترف من انت<<<<يسمع بالتحقيق

انت اكتشف

[الهواوي]

^
^
شفييك مستحي تقوول انا اخو دلال :D

ترى عااادي مو لااازم تكمل خمس صفحاات وتعترف :jhgy:

المشكله اانك من اوول صفحه كشفوووك يابو ركبه :angel:

[يوسف]

وش فيه من اناا يقصد عليناا الاجاباات والا على قولت الهواوي يبي يكثر عدد الصفحاات:o
وكنت احتريه يرد على ابو حمد وتوقعه هو صح والا خطااء لان ببالي وااحد ثااني وبه كم دليييل عليه يعني عجل عليناا الله لا يهينك..

[أخو دلال]

بيق سلام من " من أنا" أوووه أقصد أخو دلال.. :)

أبو حمد.. الهواوي.. هلالية.. الدب داج.. شرايكم تجون معي تحت..

7

7

7

7

7

7

7

7

7

بعد تعالوا شوي تحت (himo)

7

7

7

7

7

7

7

7

7

7


أقول.. الفقه إنت وياه.. والله إنكم من جنب القدة.. :p :p

وبيق سلام من " من أنا " التقليد :D :D

[الهواوي]

^
^
^
مالها دااعي يالدلخ بعد ماكشفنااك..تعطي اليووزر لواااحد ثاااني ترى فااهمين اللعبه يابو ركبه :angel:

[الهواوي]

ايه على طاااري الخمسااااات
7
7
7

الرتبــــة: هلالي مبدع

تاريخ التّسجيل: Dec 2002

الإقامة: KSA

المشاركات: 555


عالبررركه التميز يابو خمسااااات :jhgy:

[أخو دلال]

بيق سلام من أخو دلال .. << الصدقي :)

حبيبي.. قسما بالله إنك زاااااحف بالمررررة.. بس يمديك عالرقم :)

وبيق سلام من أخو دلال مرة ثانية..

[<<< من أ نـ ؟ ـا >>>]

alhilalia_9


وش دراستك؟ ووين كنت تدرس ؟ واذا كنت تدرس الى الحين هل تحضر ماجستير ولا بكالوريس عادي

تحقيق هو ؟

8888888888888888888
alhilalia_9 , ابو حمد , الهواوي

ابغغغغى دليل مادي اني اخو دلال كلمة بالمرررررة ماهي حكر على احد ولاتثبيت المواضيع ووالدراسه بعد هاتووو دليل مقنعععع

88888888888888888888888888

الكاسر

وش رأيك باللوحات الإعلانية اللي في الشوارع؟

بعضها حلو وجذاب وبعضها سيييء

[الهواوي]

^
^
^
لا اانت يبيلك قعده الليله عشاان تعترف :angel:

طيب جااوب على هالسؤال ولايكثر..

ووش الدول اللي سافرت لها..اابيك تعددهم لي كلهم مو تختاار على كيفك :cool:

[فيصل]

افا ابوحمد خلاص اكرهك :(

ماطلع اخودلال ولا اخو ساره :(

سؤال
انت مسجل بشبكه النمر ؟ واذا كنت مسجل هل هو نفس يوزرك هنا مسجل به هناك !!!

[محمد الهلالي]

اهلين شباب
انا عرفت من هو
ماتلاحظون ان في رده الاخير بدأ يدبل في بعض الحروف
واللي يدبلون بذا المنتدى معروفين يا الهواوي او داااااج

كيف انا ذكي ولا لا
<< شكلي جبت العيد
المهم خذ عندك كم سؤال
وش رايك بالخبر ؟ وهل قد زرتها؟
مشاركاتك فوق الالف ولا تحت؟

وسلامتكم

[أبوحمـــ15ـــــــــــد]

فيصل لالالا راجع قرارك...ابنتحر ترى:(

لا يهمك يابن الحلال متأكد انه اخو دلال ذالنصاب..اجل زاحف بالمرة:d

[alhilalia_9]

مرحبا

ايه اكيد تحقيق اجل وشلون نبي نعرفك يعني

باول الموضوع محطوطه الاسئله الممنوعه وماخالفتها مع ان مكتوب عن طريق طرح الاسئله

يعني لازم تجاوب على الاسئله ولا تبيني اعرفك من وش تشجع ووش لاعبك المفضل؟ :angel:

[يوسف]

لا اناا للحييين مصر على انه اخو دلال
وغير كلمه بالمره وموضوع العمل والدراسه فمثل ماقالوا الشباب اخو دلال هو اللي يعمل ويدرس بنفس الوقت..

وشوفوا متى وقت ردود من انا ووقت ردود اخو دلال اي رد والثاني كلهن الفرق بينهن كم دقيقه يعني هذا دليل ثالث;)

ولا يهووون هالرد اللي بعد مانزله شب علييييه واااحد وقال له وشولوا ضااعت علومك بسبب كلمه حاول توهقهم شوووووي بس هو متوهق باليووووزر كله (rambo)

بيق سلام من " من أنا" أوووه أقصد أخو دلال.. :)

أبو حمد.. الهواوي.. هلالية.. الدب داج.. شرايكم تجون معي تحت..

7

7

7

7

7

7

7

7

7

بعد تعالوا شوي تحت (himo)

7

7

7

7

7

7

7

7

7

7


أقول.. الفقه إنت وياه.. والله إنكم من جنب القدة.. :p :p

وبيق سلام من " من أنا " التقليد :D :D


طبعاا هذي اكثر من دلييل يعني قل لنا ايه والا لا ترى عاادي لو انفضحت من اول يوووم تراك منتب احسن من هااااجس :angel:

[أخو دلال]

بيق سلام من أخو دلال.. :)

لا يهمك يابن الحلال متأكد انه اخو دلال ذالنصاب..اجل زاحف بالمرة

أبو حمد.. حسن ملافظك لانيب أتوطا ببطنك.. :zael: :zael:

< < قلبها جد الولد.. :D :D

صدقني ما برحت أقول إنكم زلايب ومن جنبها.. :p :p


وبيق سلام من " من أنا" المزيف.. (himo)

[الهواوي]

^
^
^
طيب يالدددلخ جااوب على الاسئله بيوزر اخو دلال مو ااحسن لك.. :D شكلك تعبت من كثر ماتغير اليوزر :angel:

شوووف حبيبي حتى لو يجي غيرك ويقوول انه هو من انا..مارااح نصدق يعني ناااشبين فييك نشبه :jhgy:

سي يوووووووو :noo:

[أبوحمـــ15ـــــــــــد]

اخو دلال؟؟؟ والله ياوجهك وسيع بقوة بعد :angel: <<<قلبها جدين (rambo)

اجل مهوب انت؟؟؟
سم يابعد قلبي انت...

هههههههههههههه قسما بالله إنك فااااااااااااااااااااااااااااقد حتى النعلة.. :D :D

اعنبوا صلافعك وش ذا الموضوع اللي منقع في عرق ومخلوط بحشيش.. :D :D

خخخخخخخخخخخخخخخخخخخخخخخهههههههههههههههههههععععععععععععععععع

<== عن اذنك بأروح أغير صروالي شكلي عملتها من كثر الضحك.. :D :D

مهوب انت اللي كاتب هالرد على مدرعم؟؟

طيب وهالرد:
مش مهم نوع السيارة اهم شييي الاخلالالالالاق :D :D

من اللي كاتبه؟؟؟ من انا صح ولالا؟؟؟ طيب وش وجه الشبه؟؟؟ ضحكتين ورا بعض :D :D <<<كذا يعني :rolleyes:

اجل موب انت.. :D

اعترف اعترف بس...

سؤال لمن انا في حالة انه صار معجزة ولاصار اخو دلال...وش رايك بسامي الجابر وكثرة اجازاته؟؟

[أخو دلال]

بيق سلام من أخو دلال.. :)

طيب يالدددلخ جااوب على الاسئله بيوزر اخو دلال مو ااحسن لك.. :D شكلك تعبت من كثر ماتغير اليوزر

خخخخ تصدق يا عزوز شكلي ضيعت الباسوورد حق اليوزر.. :D :D


<< وضعه صعب بالمرة :jhgy: :jhgy:


وبيق سلام من أخو دلال مرة ثانية.. :)

[الهواوي]

^
^
^

يالله تررى مكثر ردوودي عشاان تكثر الصفحاات وتعترف بسررعه :D الظاهر 3 صفحاات تكفي والا تبي زووود :jhgy:

[أخو دلال]

بيق سلام من أخو دلال.. :)

أحتج أحتج أحتج.. :zael: :zael: :zael:

اللي أعرف إن القردنة ممنوعة في هاللعبة.. صح والا لا؟؟ طيب ليش أبو حمد قاعد يقردني عالخاص يبيني أعترف :zael: :jeng:

شوفوا وش داز لي عالخاص


السلام عليكم..

كيف حالك اخو دلال...

وش فيك زعلت يااااخخخي؟؟ ترى الدعوى ماخذينها سعة صدر لاتشيل في قلبك شي تراني واحد اذا دخل الساخر اطيح الميانة بزود يعني لاتستغرب اذا قلت لك انقلع انت وجبهتك...فاذا صار شي زعلك فالعذر والسموحة ولاتشيل في خاطرك..
يالله...رح ادخل بمن انا واعترف

تحياتي لك..
اخوك ابوحمد..

<< كب عفش أبو حمد :D :D


إنني من هذا المنبر الحر.. من منبر العدل والانصاف أطالب من حضرات المشرفين أن يوجهوا إنذارا شديد اللهجة إلى المدعو أبو حمد وتحذيره من قردنة الضعوف مثلي اللي ما يهشون ولا ينشون :kello: :kello: والا ترى والله لأبطل ولا عاد ألعب معكم.. (himo) (himo)

وبيق سلام من أخو دلال مرة ثانية.. :)

[أبوحمـــ15ـــــــــــد]

^
^
^
يخخخخخرب بيتك هذي رسالة خاصة فضحتنا الله يفضحك<<يحلّف ويقول قسم بالله معاد ارسله له شي ذالفضيحة...حمار اللي يرسله مرة ثانية :zael:

لا ومسوي معك اخلاق مابيك تزعل وهذي اخرتها... :zael:

اقول تقلع بس انت وجبهتك :D

واخلص علينا اعترف وخلصنا...ماصارت هذي...اكثر واحد طول وهو مكشوف انت :D

[<<< من أ نـ ؟ ـا >>>]

الهواوي

ووش الدول اللي سافرت لها..اابيك تعددهم لي كلهم مو تختاار على كيفك

تبيني اسوي دعايه ؟ لااخوووي جده غير وابها ابهى :cool:


فيصل

انت مسجل بشبكه النمر ؟ واذا كنت مسجل هل هو نفس يوزرك هنا مسجل به هناك !!!

ايييه اكييييد مسجل بشبكة النمر

محمد الهلالي

وش رايك بالخبر ؟ وهل قد زرتها؟

ايه زرتها والخبررر حلوه باهلها

مشاركاتك فوق الالف ولا تحت؟

فووووق المييييه وبسسسس

[الهواوي]

^
^
^
ااقووول وامصالتااااه بس :D الحين قااعد ااسألك بأسئله مو ممنوووعه تتهرب يابو ركبه..

جااووب على سؤالي ولايكثر..قال اسووي دعاايه قال :angel:

[محمد الهلالي]

انا بعد لسى مصر على رايي
انه الهواوي او داج

< وبعدين ياخو جاوب على الاسئله كلها موتنقي

وسلامتكم

[الهواوي]

^
^
^
اقوول حط ببطنك بطيخه صيفي ترا مو انا..دوور غيري يالذهين :d

[يوسف]

ياعاااالم ذا وش مشكلته يجاوب علينااا بالتقصيد:o
ياخي جاوب على كل الاسئله همن نقرر انت وخشك ميين وثاني شي المفروض يجاوب على كل الاسئله مهوب يختار اللي يبي ويترك اللي يبي!!!

واستلم هالسؤال على طريقك:
* اختر الاجابه الصحيحه : وش نوع سيارتك:
هوندا والا فياقرا والا كابرس مثلي (himo)

* وشولوا تتهرب من بعض الاسئله مع انهاا مهب محرجه؟؟

* اذا حضرت لمباراه لهلاالناا وين تجلس بالمنصه والا بالدرجه الثانيه مع فواز الدوخي :asno:


يالله عجل عليناااا واترك عنك اللف والدوران :amle:

[9smsm9]

اخو دلال كانه انت اعترف وخلنا نوفر اسئلة للي بعدك

طيب جاوب على السؤال
وش افضل الألوان عندك ؟؟؟

وش لون سيارتك ؟؟

كم موديل سيارتك ؟؟؟

انت ترد على المواضيع في المدرج بصورة كثره ولا تقاطيع ؟؟؟

[يوسف]

مدرعم وين خووووويك من هو ذا مادري ميين انا:o
وش فيه مايرد زييين والا مجبوووور على هالاستضااافه:N:

[<<< من أ نـ ؟ ـا >>>]

محمد الهلالي ....

وبعدين ياخو جاوب على الاسئله كلها موتنقي

اللي اقدر اجاوب عليه ومايفضحني بجاوب عليه واللي بيفضحني ماقدر اسف :angel:

لكن ابسهل عليكم لاتخافون :p

داج

هوندا والا فياقرا والا كابرس مثلي

ياخخخي من قالك ان عندي سيارة اصلا , يمكككن ماعندي سيارة

وشولوا تتهرب من بعض الاسئله مع انهاا مهب محرجه؟؟

الشيوخ ابخص :D

اذا حضرت لمباراه لهلاالناا وين تجلس بالمنصه والا بالدرجه الثانيه مع فواز الدوخي

يمكن ماروح للملعب اصلا :nrey:

smsm

وش افضل الألوان عندك ؟؟؟

الازررررق

وش لون سيارتك ؟؟

اتمنى لونها لؤلؤي

كم موديل سيارتك ؟؟؟

اتمنى موديلها 2005

انت ترد على المواضيع في المدرج بصورة كثره ولا تقاطيع ؟؟؟

الللي يشدني منها فقط :magkiss:


داااج

وش فيه مايرد زييين والا مجبوووور على هالاستضااافه

ماحد جبرني على شيييء وانا ارد زيين واتحداكم تعرفوووني :fghty:

[الطيرالهلالي]

انتم كلكم تقولون انه اخو دلال.. ومن اول صفحه بعد قلتوه...

وهو بالفعل هو اخو دلال..بأكثر من دليل ... ومنها انه اول مره اشوفه يشارك عن كثب في موضوع من انا ..انا كنت العضو الي هبلبكم ولولا انه عطاكم عدة تلميحات عن نفسه كان مافي امل تعرفونه..في الموضوع الي راح ولا شفت له اي رد...وش معنى الحين كثر مشاركاته ..
عموماً انا بسأل اسئله اتمنى ان يكون الرد بنعم او لا .. واسئلتي مافيها اي مخالفه لقوانين اللعبه..يعني مالك اي حق تتجاهل الاسلئه..

السؤال الاول...
1\ هل مره قد رحت مع طريق حرض..؟؟؟
2\ هل سبق لك وان زرة امريكا ..؟؟
3\ تعرف انجليزي ؟؟؟
4\ انت معي بالماسنجر ..؟؟




اتمنى الا يتهرب من الاسئله ...

[أخو دلال]

بيق سلام من أخو دلال..

الحين ياللي فوقي على بالك ذهين.. أقول الفقه بس.. :)

وبيق سلام من أخو دلال مرة ثانية..

[الطيرالهلالي]

اخول دلال ...

انا ماسألتك ...

ياشين اللقافه الي مالها سنع ...

[alhilalia_9]

ليش تتهرب من اسئلتي؟

ولا عشانها بتكشفك علطول

يلله ننتظر ومب من شروط اللعبه انك تتجاهل اللي تبي عشان ماتنفضح :d

[يوسف]

طييييب هالحيين ذا من هو يتهرب من بعض الاجابات علشاان يقول اخاف انفضح اجل وش الفايده من الاسئله اللي تبي تعلمناا منهو انت:o

طييييب ابسالك عن كذا شي بس ابيك تجااوب بكل صرااحه ومن غيير لف ولا دوران لان من شروط اللعبه المصداقيه بالاجابات وخلناا نشوف اجاباتك:

* وش رايك بالاعبين:
يووسف الثنيان
ساامي الجابر
الدوخي
نوااف
المطرف

* وش رايك بالمشرفين بشبكتنا وهم:
الاسطوره
صقر النوادي
مدرعم
النجيدي
سفر
برستيج

* وش بقى :req:
ايوه وش رايك بالحرووف:
ع
ي <<حرفي (himo)
م
ض
ق

* وش لووون المسبحه اللي بيدك قبل شوووي<<كني شاايفك :jhgy:

[** { برنس الزعيم } **]

بصراحه ~ نظام الهروب من الا سئله غير مسموح به بالموضوع والا اذا تجاوب على اس~له معينه وتطنش باسئله مهمه لكي توصل لبر الامان فهذه ليست شطااااااااره :)

الموضوع اسئله واجوبه ومنعت بعض الاسئله ولا بد من الا لتزام على جميع الاسئله من الاخوه الاعضاء لأنهم من حقهم يسالون وانت مثل الشطار تجاوبهم :)

<<< واحد ملقوووووووووف :) تجاوب ولا اعلمهم من تكوووووووون ... ؟؟؟ :)

[برستيج]

هلا من انا


اقول ..

جاوب زين والا ترى بنسحب اليوزر منك .. (himo) << -- يمارس حقه للضغط على المتهم .. :D

[هاجس]

^
^
^
انور التوقيع اللي حاطه من له ؟؟


=======> وده يقلب الموضوع شات :)

[9smsm9]

كفو والله تدخلت السلطات العليا وبدت بالضغط عليك يالهارب

وش لوحة سيارتك ؟؟؟

مراتب السيارة وش لونها ؟؟؟

كم مرة قد رحت للنادي ؟؟؟


رد ولا تراك بنتصل على السلطات العليا ونخليهم يقفلون الموضوع بالشمع الأحمر ...........

[<<< من أ نـ ؟ ـا >>>]

الطير الهلالي ..


1\ هل مره قد رحت مع طريق حرض..؟؟؟

نعممم

2\ هل سبق لك وان زرة امريكا ..؟؟

نعممم

3\ تعرف انجليزي ؟؟؟

نعممم

4\ انت معي بالماسنجر ..؟؟

السووال هذا ممنوووع


داج

* وش رايك بالاعبين:
يووسف الثنيان
شمسس

ساامي الجابر

قمررر

الدوخي

نجممم

نوااف

عالمم كامل
المطرف

ماحبهوش

* وش رايك بالمشرفين بشبكتنا وهم:
الاسطوره

احلى مشرف بالشبكه

صقر النوادي

شمعة المنتددددى

مدرعم

خفيف دممم

النجيدي

من زمااان ماشفناه

سفر

افضضل من يكتب عن ساامي

برستيج

مشرررف محبوووب

ايوه وش رايك بالحرووف:
ع
ي <<حرفي
م
ض
ق

حروووف مثل باقي الحروووف

* وش لووون المسبحه اللي بيدك قبل شوووي<<كني شاايفك


ماعندي مسبحححه

برنس الزعيم


بصراحه ~ نظام الهروب من الا سئله غير مسموح به بالموضوع والا اذا تجاوب على اس~له معينه وتطنش باسئله مهمه لكي توصل لبر الامان فهذه ليست شطااااااااره

الموضوع اسئله واجوبه ومنعت بعض الاسئله ولا بد من الا لتزام على جميع الاسئله من الاخوه الاعضاء لأنهم من حقهم يسالون وانت مثل الشطار تجاوبهم

<<< واحد ملقوووووووووف تجاوب ولا اعلمهم من تكوووووووون ... ؟؟؟

اخووي برنس انا اجاوب حسب القووانيين وبتتتعلم عن ايييش :ignor:


برستيج

جاوب زين والا ترى بنسحب اليوزر منك .. << -- يمارس حقه للضغط على المتهم ..

واللللله اجاوب زين واذا تشوووف اني مووو صح اسحبووا اليوزر عااادي كل شي ولازعلك

smsm

وش لوحة سيارتك ؟؟؟

بتدووورها في الشووارع يعني ؟ والله ماراح تلقاها ههههههههاي

مراتب السيارة وش لونها ؟؟؟

اي سياااره منهم تقصد الولييد على غفللله :D

كم مرة قد رحت للنادي ؟؟؟

اي نااادي حدد

[برستيج]

وينكم يالداجين


الرجال اعترف الا شوي .. وهذا ناتج عن الضغوط اللي مارسناها عليه .. (rambo)

اعترف يا ....... .. ;)

والا اقول .. نخلي غيرنا يصيده متلبس .. (himo)

[أخو دلال]

بيق سلام من أو دلال.. :)

"من أنا" صراحة إنت كذا :yes:

وبيق سلام من أخو دلال مرة ثانية.. (himo)

[محمد]

يا شباب ...

انا مادري ... أحس انه ابو دلال ..

بس أحس بعد ان ابو دلال يموه على من انا !!

وبكذا انجرفتوا تقولون انه ابو دلال ... وهو مهوب ابو دلال

وابو دلال قاعد يرد علشان يخليكم تبصمون اكثر انه هو .... ولا انا غلطان !!

[alhilalia_9]

ماينفع الا كذا يجي احد المشرفين ويعلمك وشلون ترد :d :d

المهم هذي الاسئله عندك ولازم تجاوب

وين كنت تدرس؟

ووش تخصصك

وحالياتدرس ماجستير ولا بكالوريس

[أبوحمـــ15ـــــــــــد]

خلاص ياجماعة وضح انه اخو دلال...

زيادة على الادلة اللي كتبتها..

2\ هل سبق لك وان زرة امريكا ..؟؟




نعممم

واخو دلال قد راح لامريكا للدراسة ((احلى قد راح لامريكا:)))

3\ تعرف انجليزي ؟؟؟




نعممم

اخو دلال اصلا تخصصه انجليزي حسب مااعرف..

هاه؟؟؟ ادلة ميب كافية بعد؟؟:)

طيب وش رايك في مشرفنا باور ((ابوحسين)) ومن اي ديرة انت؟؟ لاتستذهن وتقول من المملكة ابي من اي مدينة...:)<<<حجرت لك صح؟:)

[الطيرالهلالي]

يا اخوان هذا هو اخو دلال..

والدليل ان الاخ اخو دلال... يعمل مع بقر المراعي بطريق حرض يعني يروح مع هالطريق واكيد يعرفه... وانه سبق وان زار امريكا وانه يعرف انجليزي طبعاً هذا على حسب المعلومات الي قالها عن نفسه لي...؟؟؟

الصراحه اخو دلال انكشف بس المشرفين خافو ان تتكرر قصة هاجس مره ثانيه وتخرب اللعبه ..

[أخو دلال]

بيق سلام من أخو دلال.. :)

هلا شباب.. بما أن الموضوع ولله الحمد وصل خمس صفحات.. وبما إني رفعت ضغطكم حبتين.. وبما إني حسيت إنكم زلايب شوي.. لازم أعترف و أقول بالفم المليان..




















قسما بالله العظيم إني ماني راعي يوزر " من أنا" و إني دخلت عرض بالسالفة وشفتكم مخفات قلت يا ولد سحب فيهم شوي.. (himo) :p

وقسما بالله العظيم إني ما أدري من هو صاحب اليوزر ولا نسقت معه لكنها جت كذا صدفة وطحنا في مهبل مثلكم فحبينا الشغلة :D :D

يالله الحين شدوا حيلكم ودوروا عليه وتكفون لي عرفتوه عطوني خبر لاني وربي للحين ما أعرفه.. :)


وبيق سلام من اللي دوخكم شوي أخو دلال مرة ثانية.. :)

[برستيج]

:D
:D :D
:D :D :D
:D :D :D :D
:D :D :D :D :D .. :yes:

[هاجس]

خخخخخخخخخخخخخخخخخخخخخخخخخخخخخخخخخخخخخخخخخخ

كم واحد تسحب على وجهه ؟



شباب في واحد متحمس مع الموضوع ومسوي فيها ذهين اذا جا قولوا له هاجس يسلم عليك خخخخخخخخخخخخخخخخخخخخخخخخخخخ يا حبي لك ياللي في بالي قال ايش قال عرفته زي كل مره :D :D :D (تكفى لا عاد تتحمس :p )





من انا انت اكه :asno: :yes:

[محمد]

قايلكم ،

ركبت مع اخو دلال ...... ومشت عليكم !!

بس من جد .... ما سحبت فيهم وبس .... سحبت بخششهم بعد :yes:

[أبوحمـــ15ـــــــــــد]

http://www.yousif15.com/vb/images/smilies/Cry.gif

[هاجس]

^
^
^
^


من اكثر الناس اللي كسروا خاطري خخخخخخخخخخخخخخخخخخخخخخخخخ

[أبوحمـــ15ـــــــــــد]

^
^
^
^
^
اقول ازين من اللي ينكشفون من اول يوم:d

[هاجس]

^
^
^
عادي انكشف اول يوم ولا اتسحب من اول يوم خخخخخخخخخخخخخخخخخخخخخخخ

[.•:*¨`*:•. بنت ملكـعه .•:*¨`*:•.]

اللللللللللللللللللللللله اكبررررررررررررررررررر


الله اكبررررررررررررررررررررر..

الحمدلله ماكنت معكم ولاتسحبت ...

السؤاال اللي في بالي..
انت عضو؟؟؟ صح..<<<احلفي قولي والله..:)

[هاجس]

الى كل من تسحب على خشته




اخبركم هلاليين يعني روح الهزيمه لا تصير عندكم عادي شارك مره ثانيه واسال وحاول تعرف اللي سحبك خخخخخخخخخخخخخخخخخخخخخخخخخ


خل وجهك وسيع وشارك بنفس اليوزر اللي تسحبت فيه :D


واذا ودك بيوزر ثاني عادي ترا يوزري يفداكم كلكم :cool:




والله لو ان اخو دلال ما رد كان انواع الردود الحين اللي يقول اعترف واللي يقول خلاص بلا استهبال اعترف يا اخو دلال والله من زود الثقه اللي شفتها عندكم كنت متوقع واحد يسأل العضو

عندك اخت اسمها دلال والا لا :D :D :D :D




======> وده يجحد المذاكره ويجلس يضحك

[محمد الهلالي]

انا باقي مصر على رأيي
<< ياشيخ طير مسوي زحمه
المهم هم الهواوي او داج
<< وين الادله

انا قلتلكم وانتوا بكيفكم

وسلامتكم

[أخو دلال]

بيق سلام من أخو دلال.. (himo)

برستيج.. هاجس.. ما تلاحظون فيه ناس ما عاد شفناهم :req: :req:

<< ما يقصد داج والهواوي وسداح أبد.. :fghty: :fghty:

شكلهم راح يرممون خششهم بعد التسحيب.. يمدحون الفازلين.. :D :D

وبيق سلام من أخو دلال مرة ثانية.. (himo)

[الهواوي]

^
^
^
اي خشش واللي يرحم والديك :angel: ااااصلا هاللعبه فقدت مصداقيتها لن الاخ اللي معه اليوزر قاعد يجاوب على اسئله بلساان الكمخه اخو دلال :D

[عـــهـــود]

:D :D



اقول شباب الله العالم انها بنيه بس مهي انا :rolleyes:



لاوالله ماتلاحظون انها تقول ماعندي سياره >>على بالها بس الحريم اللي ماعندهم سيارات :req:


وتقول بعد انها ماسبق وراحت للمعلب او النادي


بس اللي ماهضمته انها تشتغل وتدرس بنفس الوقت :amle:


بس تصير في اكبر العوايل :rolleyes:



ياللا شدو همتكم ويسلموووو اخو دلال على التسحيييبه الحلووووووووه





تحياااااااااااااااااااااتي

[<<< من أ نـ ؟ ـا >>>]

الهواوي

ااااصلا هاللعبه فقدت مصداقيتها لن الاخ اللي معه اليوزر قاعد يجاوب على اسئله بلساان الكمخه اخو دلال

والله ماجاوبت بلسان احد ولاحاولت اني اجاوب بلسان احد واذا كان على تردييييييد الحروووف خلاص ماراح اردد الحروف عشان ترتاحون وكل المعلومات اللي جاوبت عليها صحيحه وماكذبت باي شي

هلاليه 9 كيف تبين اجاوبك وش ادرس ويمكن فيه ناس تعرف وش ادرس اسالو اسئله سهله وممكن اجاوب عليها وانا بصراحه رحمتكم وودي تعرفون من انا :p

[أخو دلال]

بيق سلام من أخو دلال.. :cool:

سداح..

يا اخوان هذا هو اخو دلال..

والدليل ان الاخ اخو دلال... يعمل مع بقر المراعي بطريق حرض يعني يروح مع هالطريق واكيد يعرفه... وانه سبق وان زار امريكا وانه يعرف انجليزي طبعاً هذا على حسب المعلومات الي قالها عن نفسه لي...؟؟؟

الصراحه اخو دلال انكشف بس المشرفين خافو ان تتكرر قصة هاجس مره ثانيه وتخرب اللعبه ..

خخخخخخ والله يا أبو حميد مدري شقولك.. أحس وضعك صعب الحين ونفسيتك متحطمة.. مدري بس الاخبارية تقول إنك تمشي وتسولف على روحك من قوة الصدمة :D :D تصدق ودي أقول إنه أنا لو علشان خاطرك بس.. :D :D

الهواوي..

اي خشش واللي يرحم والديك ااااصلا هاللعبه فقدت مصداقيتها لن الاخ اللي معه اليوزر قاعد يجاوب على اسئله بلساان الكمخه اخو دلال

جعلي أموت إن لساني معي.. :jhgy: :jhgy:


<< مرتفع وضارب بالسقف.. :D :D


وبيق بوسة للي انجروا من أخو دلال.. :cool:

[هاجس]

تو مرسلي من انا رساله خاصه يقول فيها

















لا زال للتسحيب بقيه


=======> مخلص اختبارات وبيفضى لكم :d

[alhilalia_9]

من انا ؟؟؟؟؟؟؟؟!!!!!!!!!!!!!!! عساااا ماشر

وش اسالو اسئله سهله؟

طيب يلله وش تشجع يمكن بكذا اعرفك :yuupy:

اهم شي انك رحمتنا

انواع التنقيط بالاجوبه ويقول رحمتكم بعذرنا صراحه :D :D

[يوسف]

افااااااااااااااااا ضاااعت علوووم ابو حمد المتسحب :angel:

طيييب طلع ذا مهوب اخو دلال :req:
يقول انه موظف وطالب بنفس الوقت ويدخل ويشارك بالمدرج اكثر شي ومسوووي خفيف دم هو وخشته :angel: ودخووله للمنتدى قلييله من فتره..

فهذا هو صقر النوادي لانه يشتغل ويدرس بنفس الوقت واغلب مشاركاته بالمدرج ودخوووله هالاياام قلييل جدا وبكذا تكون ردود من انا قليله ;)
وهو تهرب من سوؤال نوع السياره لان الكثيييير عارف وش هي سيارته :jhgy:

[GAHERHM]

بس
شباب
مابي صوت
عرفت من هو من انا
انا عارفة
وهو يعرف نفسة
اكيد
انه دااااااج افندم
<<<<< جديدي بالشبكة يعني لاتلومنه ماعرف شئ
بس نقول دااج ...
اوكي

[GAHERHM]

واسئل
كم سوال
كم سنة وانت بالشبكة
؟
اممممممممممممممممم
وش رايك بالتصميم الجديد ...؟

[<<< من أ نـ ؟ ـا >>>]

الهلاليه 9

طيب يلله وش تشجع يمكن بكذا اعرفك

اشجع الهلال :fghty:

داج

فهذا هو صقر النوادي لانه يشتغل ويدرس بنفس الوقت واغلب مشاركاته بالمدرج ودخوووله هالاياام قلييل جدا وبكذا تكون ردود من انا قليله
وهو تهرب من سوؤال نوع السياره لان الكثيييير عارف وش هي سيارته

كلامك مقنع شوي لكن راح اريحك واقول انه انا مو صقر النوادي

قاهرهم

كم سنة وانت بالشبكة؟[/QUOTE

هذا سؤال زين مهوب مثل سوال هلوله ام تسعه انا اخوي من الاعضاء القدامي بالشبكه

[QUOTE]وش رايك بالتصميم الجديد ...؟

حلو جدا

[<<< من أ نـ ؟ ـا >>>]

ياجماعه بقولكم شيء ارجعوا للصفحات اللي قبل تراني مانسالت اسئله واجد الموضوع صار تشات وبعدين الاسئله الشخصيه اكيد تبفضح الضيف على طول اسئلوا عن اليوزر الاصلي من خلال معرفتكم باليوزر وفي حدود العلاقات بالمنتدى لاننا "اغلبنا" نكتب باسماء مستعاره فاكيد مانبي احد يعرف معلوماتنا الشخصيه واكيد فيه اسئله ذكيه ممكن تكشف الضيف ومايقدر يتهرب منها لكن ماجا اسئله مثل كذا الا سوال او سوالين

هاه وضحت شوي :cool:

[يوسف]

امممممممممممممم

يقول مهوب صقر النوادي :req:

طيييب استلم هالكم سؤال بس نبي اجابات صريحه ولا تقول لي ذا السؤال بيفضحن ;)

* متى اخر مره رحت للقصيم؟؟
* متى اخر مره رحت للرياض؟؟
* متى اخر مره رحت لشقراء؟؟
* ليش تحب الشرقيه؟؟
* قلت مايعني لك رقم 10بشي قبل كذا طيييب ويوم 10محرم يعني لك شي؟؟
* ايهم احسن بالنسبه لك بريده والا عنيزه؟؟

* وش رايك بالفرق :
اليوفي
اسي ميلان
ريال مدريد

* تلبس شماغ والا غتره اذا رحت لعملك ولدراستك؟؟والا تلبس عبايه :fghty:

عجججججل علي بالاجاباااات (himo)

[<<< من أ نـ ؟ ـا >>>]

داج ...


* متى اخر مره رحت للقصيم؟؟
* متى اخر مره رحت للرياض؟؟
* متى اخر مره رحت لشقراء؟؟

ولو ان اسالتك هذي شخصيه ومسوي فيها ذكي وبتسال ابجاوبك لكن مثل ماقلتلك الاسئله كلها حول شي شخصي بتعرفه عن الضيف لانك تتوقع انك تعرفه صديقك مثلا او معك بالمسنجر
اخر مرة رحت للقصيم من زمان والله واخر مره رحت للرياض من شهر ونص تقريبا واخر مره رحت لشقراء في الربيع

* ليش تحب الشرقيه؟؟

هي قرة العين

* قلت مايعني لك رقم 10بشي قبل كذا طيييب ويوم 10محرم يعني لك شي؟؟

يوم صيامه سنه مع يوم قبله او يوم بعده

* ايهم احسن بالنسبه لك بريده والا عنيزه؟؟

كلهم عينين في راس


* وش رايك بالفرق :
اليوفي
اسي ميلان
ريال مدريد

اليوفي فريق كبير ويقولون فريق تحكيم وميلان فريق كبير ويقولون فريق حكومه والريال فريق كبير ويقولون فريق حكومه

* تلبس شماغ والا غتره اذا رحت لعملك ولدراستك؟؟والا تلبس عبايه

شماغ

[GAHERHM]

والله من انا اجوبتك اجوبت واحد اعرفة
واسلوبك بيني وبينك ( كيف الحال))
شكلك برستيج
انتهاء المووضع

[أبوحمـــ15ـــــــــــد]

داج على بالك ماتسحبت انت وخشتك :angel:

والله مشكلة ذا..
بس لازلت مصرّ انه اخو دلال:)<<< يكابر:)

كم سؤال اذا كانت اجاباتها هي اللي في بالي فانا صدتك..

اول سؤال..
وش رايك برابطة الهلال في الشرقية؟؟؟ :rolleyes:

ثاني سؤال..
وش رايك بعضو شبكة الهلال الرهيب؟؟ :rolleyes:

ثالث سؤال..
رايك بمدرعم؟؟

بعدين فيه كم سؤال ماجاوبت عليه..

طيب وش رايك في مشرفنا باور ((ابوحسين)) ومن اي ديرة انت؟؟ لاتستذهن وتقول من المملكة ابي من اي مدينة...

سؤال لمن انا في حالة انه صار معجزة ولاصار اخو دلال...وش رايك بسامي الجابر وكثرة اجازاته؟؟

جاوب لاهنت..

[هاجس]

^
^
^
بو حمد الحمدالله على السملامه تصدق كنت متوقع انك مسافر امس خخخخخخخخخخخخخخخخخخخخخ



من انا ابيك تقول بيق سلام خلهم يطرطعون خخخخخخخخخخخخخخخخخخخخخخ

[.•:*¨`*:•. بنت ملكـعه .•:*¨`*:•.]

هذا شكلو واحد ساكن بالشرقيه اذا ماخاب ضني..
تحليل حلو.. لاوازيدك من الشعر بيت اهو مو ساكن الرياض لانو يقول صار له شهر ونص عنها..
لا وبعد من تحليلاتي انه عضو وليس عضوه لانه يقول يلبس شماغ..
وش بعد ياربيه؟؟؟لا اللحين انا اللي بجلده قصدي بكشفه..
مشاركاتك بين كم وكم؟؟
يوزرك هل هو من كلمتين ولا كلمه وحده..؟؟
قد تسحبت فيه تسحيبات الاخ الاستاذ الفاضل برستيج ولا لا؟؟
قد قابلت ممثل بالشارع<<<وش دخل عالسؤاال
عارفه بتقولون كوذيه لاكن انا اللي كافشته والله لايعوقني بشر...بصورعه يامن انا؟؟

تحياتي

[هلالي غير متعصب]

انا خاش عرض بالسالفه و اقول لا تستبعدون انه هاجس.. يبي يعوض فضيحته اول مرره.. و اشوفه اكثر واحد مبسوط انكم اتسحبتوا على وجيهكم... ولا اشوفه يسئل ولا سؤال...

ما ادري اذا فيه شئ من الاجوبه ينطبق عليه ولا لا... بس محاوله فلسفه مني..

[<<< من أ نـ ؟ ـا >>>]

ابو حمد ...

اول سؤال..
وش رايك برابطة الهلال في الشرقية؟؟؟

جيدة وفيها شباب متحمسين ويحبون الهلال


ثاني سؤال..
وش رايك بعضو شبكة الهلال الرهيب؟؟

الرهيب رهيب

ثالث سؤال..
رايك بمدرعم؟؟

منتهي


طيب وش رايك في مشرفنا باور ((ابوحسين)) ومن اي ديرة انت؟؟ لاتستذهن وتقول من المملكة ابي من اي مدينة...

ابو حسين يسوي فاهم وهو من جنبها :D وانا نجدي الهوى


سؤال لمن انا في حالة انه صار معجزة ولاصار اخو دلال...وش رايك بسامي الجابر وكثرة اجازاته؟؟

طالما سمحوله ادارة النادي بكيفه (himo)

بنت ملكعه

مشاركاتك بين كم وكم؟؟

بين الميه والالفين

يوزرك هل هو من كلمتين ولا كلمه وحده..؟؟

كلمه وحده

قد تسحبت فيه تسحيبات الاخ الاستاذ الفاضل برستيج ولا لا؟؟

يرستيج مايعرف يسحب دجاجه علشان يسحب احد

قد قابلت ممثل بالشارع<<<وش دخل عالسؤاال

واجد



ياخوان الوقت انتهى وش رايكم نكمل ولالا ؟ الكلمه الاولى والاخيره بيد مدرعم وربعه هاه وش رايكم وللمعلوميه حتى لو جلسنا اسبوع ثاني ماراح تكشفوني وهالحين انا فزت عليكم ومبروك لي وهاردلكم ويالله اللي يتوقع من انا يقول

[يوسف]

مادري عندي شك انك مدرعم بس خبري مدرعم ماقد راح لشقراء :rolleyes:

بس معقوله تكون ابو معتوق :yuupy:

[هاجس]

طلب من هاجس


انت يا من انا

لاتعترف


خلك كذا على هالمنوال

سحب فيهم يمين وشمال


ابي بو حمد يرد يقول خلاص استسلمت خخخخخخخخخخخخخخخخخخخخخخخخخخخ =====> حاط راسه براس بو حمد

[أبوحمـــ15ـــــــــــد]

هاجس وش فيك متعقد من الاعضاء وواقف مع من انا؟؟؟

يعني عشانهم كفشوك من اول يوم تبي تعوضها مع من انا :angel:

___________________________


المتميز :eek: :eek: :eek:

اخبر المتميز اذا بغى يكتب كلمه بين قوسين كتبها كذا "......" ويوزره كلمه وحده..
ويوم قال الامر يرجع لمدرعم وربعه...ماقال المتميز؟؟

99% انه المتميز...!

[<<< من أ نـ ؟ ـا >>>]

ياهلا بالحبايب كلهم

بما اني فزت عليكم وانتهى الموضوع من الساعه 12 بالليل بتعرفون من انا اليوم الساعه 3 عصرا ان شاءالله ومعليش ياشباب خيرها بغيرها وكل تسحيبه وانتم بخير :angel:

[<<< من أ نـ ؟ ـا >>>]

اللعبه يابو حمد انتهت سواء كنت المتميز او لا وبعدين وشلون تحط رد وترجع تعدل فيه مسوي ذكي يعني :angel:

على العموم اللي مسوي " ذكي" الاستاذ "ابوحمد" يقول اني المتميز انتم وش رايكم :cool:

انتظروا الى الساعه ثلاث عصرا

[هاجس]

======> جايب كرتون جلكسي وكرتون ببسي بينتظر اعلان الاسم ويبي يضحك بقووووووه على بعض الناس




اما تخيلوا يطلع اخو دلال صدق والله اللي بيروح بخرايطها

[أخو دلال]

بيق سلام من أخو دلال.. :)

طوط.. عند الإشارة تكون الساعة الواحدة بعد الظهر و خمس و أربعين دقيقة و عشرين ثانية..

(himo)

وبيق سلام من أخو دلال مرة ثانية.. :)

[هاجس]

مدري عندي احساس ان العضو ما راح يعترف بيشوف توقاعتكم وبيقول وش هالدلوخ ذولي ورا ما اهبل بهم زياده خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ



يا شماتة ابله طازه فيا خخخخخخخخخخخخخخخخخخخخخخخخخ

[هاجس]

اخو دلال تعال خل نسولف هنا


بما انك احد مدراء فرقه التسحيب ماهي مرئياتك لنفسية المتسحبين ؟؟


========> مستر استقعاد

[أخو دلال]

بيق سلام من أخو دلال..

هاجس.. جد وش موقفك لو صرت أنا "من أنا" .. بتكفخني :)

<< يبي واحد بيبسي وواحد جالكسي :)

وبيق سلام من أخو دلال مرة ثانية..

[هاجس]

ههههههههههههههههههههههههه


اخو دلال شف وانا اخوك


نبي نسوي جدول

كل واحد قال ان العضو هو اخو دلال نبي نحطه بهالجدول وثمن نستلمهم واحد واحد وش رايك ؟؟


عطني الموافقه عشان نسوي القرعه من نبدا فيه

بحط كل الاوراق بو حمد عشان نبدا فيه غصب







برايفت بو حمد : احبك ياخي خخخخخخخخخخخخخخخخخخخخخخخخخ

[أخو دلال]

هههههههههههههه

اعنبوا بليسك يا هاجس..

لو أنا أبو حمد كان قد جتني عقدة نفسية من زماااااان.. والله انك امتحنته.. لا والذهين داز لي عالخاص يقردني بس كبيت عفشه قدام الله وخلقه :)

أنا ودي نستلم المحقق كونان << الهواوي .. لان أحب ذاك الرجال ومن عقب التسحيبة وهو غاطس ماله شوفه.. وإن بغيت برستيج اللي على باله مسوي ضغط على راعي اليوزر ما عندي مانع :)

<< فاضي لي الساعة 3 :)

[أبوحمـــ15ـــــــــــد]

من انا ياخي ردي وعلى كيفي اعدل متى ماابي...مابقى الا انت تعلمني متى ارد...<<<شوفوا اذا صار من انا مشرف وتوهّق:(

___________________________

هاجس الشرّي<<على وزن حسينوه الشري:)

والله يالعقد تسوي اكثر:)

خلاص خلهم يعطونك يوزر من انا ثانية وحاول تجلس يوم ونص ماتنكشف :angel:

بس المشكلة اذا صادوك من اول رد :angel: وش نسوي عاد تبي تتدبل العقده :D

[هاجس]

البريئين ما يصلح لهم من انا وانا واحد منهم وانا ماخذ اليوزر لو واحد سالني

اسمك فيه حرف الالف على طول بقول ايه واسمي هاجس خخخخخخخخخخخخخخخ ياخي مهيب مشكلتي اني بريء المشكله في اللي اختارني خخخخخخخخخخخخخخخخخخخخ




يالله ارس لك على بر يا اخو دلال من تبي نستلم

الهواوي ؟؟

[أخو دلال]

يس :)

[هاجس]

تررررررررررررررررررم



نبدا برد الهواوي الاول عن كشف الشخصيه



انا ااصلا كنت بقوول اانه اخو دلال اللي قااعد يتميلح هالاياام ومنززل كم موضووع يقاله رررجع


خخخخخخخخخخخخخخخخخخخخخ يعنني مسوي كاشفه الحين خخخخخخخخخخخخخخ



ركدت شووي وووقلت خله يجاوب على بقية الاسئله لأني ااذكره دايمن متبطح بالسااخر..


والله لا صرت تذكره ولا شيء ما عندك ما عند جدتي كشفت واحد وبالغلط ومزعجنا :d




دااايمن اااخو دلال يقووول هالكلمه (( بالمررررررره)) من ززين خشته عااد يقوولها بدلع تسنه لبنانيه تغنج



هههههههههههههههههههههههههههه قال ايش قال دايم يقولها





اخو دلال ترى احس اني بتسطر تكفى احلف مره ثانيه انك مهب انت :d

[أخو دلال]

بيق سلام من أخو دلال..

خخخخ لا وش وشو يقول..


طيب يالدددلخ جااوب على الاسئله بيوزر اخو دلال مو ااحسن لك.. شكلك تعبت من كثر ماتغير اليوزر

شوووف حبيبي حتى لو يجي غيرك ويقوول انه هو من انا..مارااح نصدق يعني ناااشبين فييك نشبه

على باله مسوي زحمة وهو من جنب القدة.. :D :p

هذي مشكلة اللي كشف له واحد بالصدفة واخذ بنفسه مقلب.. :D :D

تصدق يا هاجس بديت أحس إنه أنا.. يا خوفي أصير أنا وأنا ما دريت.. :jhgy: :jhgy:

<< بدا الجالكسي يلعب لعبته.. (himo)

[هاجس]

خخخخخخخخخخخخخخخ الله يرجك يا اخو دلال

يالله هذي الاوراق اختر ورقه وقلي من طلع عشان نشرشحه قبل اعلان الشخصيه

[أخو دلال]

هاجس.. وشرايك نشرشح "من أنا" ذاته.. ما تحس إنه مسوي ثقل هو وخشته.. مع إن لولا الله ثم أنا كان كشفوه من ثاني والا ثالث سؤال..

[هاجس]

ههههههههههههههههههههههه لا تكفى الا من انا


شرشحني انا بس لا تقررررربه هههههههههههههههههه


في سؤال في بالي من امس يا اخو دلال

امس المغرب انت ومن انا اون لاين وشلون سويتها خخخخخخخخخخخخخخخخخخخخخخخخخخخخخخخخ

[GAHERHM]

والله شكله المتميز مثل ماقال ابو احمد ....؟

[GAHERHM]

أبوحمـــ15ـــــــــــد, الهواوي, داج, هاجس, قرقو
وش مجمعكم هالحزة ماتدرون ان هالحزة حزة نوم
ولا بس تخربون علينا
...
يلا لا اشوف واحد يلعب كورة ..
<< متعود

[أبوحمـــ15ـــــــــــد]

قاهرهم وش تبيني اسوي وتصدق اني ((ابوحمد))؟؟؟

[GAHERHM]

والان الســــــاعة 3.00 وين الوعد

[GAHERHM]

بيني وبينك مو واضح مشوار اقعد اركز بالاسم
الوقت من ذهب ان لم تطعه شلخك..

[<<< من أ نـ ؟ ـا >>>]

يالله حي كل باسمه وحيا الله الجميع في هاللعبه واول شيء ...

اهدي هالتسحيبه لهاجس ....

اخو دلال ...

اهدي التسحيبه لك بعد انت

هاجس.. وشرايك نشرشح "من أنا" ذاته.. ما تحس إنه مسوي ثقل هو وخشته.. مع إن لولا الله ثم أنا كان كشفوه من ثاني والا ثالث سؤال..

اخو دلال لا كذا زعلتني :( ياخي اللي يحقله ينفي ويثبت في اللعبه الضيف بس لانه لو كل واحد نفى بنفسه خربت اللعبه وبيني وبينك رغم نفيك مازال فيه ناس الله يستر عليهم مصرين انه انت :d :d


هالحين برجع ارد بيوزري ...

سي يو

[GAHERHM]

وبعدين مافرقت حرف واحد ((أ))

[أخو دلال]

الساعة 3:10 ومن أنا ما بعد جاء وش القصة..

<< بيسوي لوق اوت وبيرجع باليوزر الثاني

:)

[أبوحمـــ15ـــــــــــد]

هلا ساحرهم<<<بيقهره:( تعقد من الاسم...

جد والله شوفوا الواو اذا فيه بعدها الف قولوا ابواحمد اذا فيه حاء قولوا ابوحمد عقدني ذالاسم...

[المتميز]

باركولي سحبتكم تسحيب ولمدة أسبوع كااااااااااااامل (rambo) (rambo)

[GAHERHM]

انا جاء اطق مسمار .. :D :D :D :D :D
وابي ارجع بعد الصلاة (himo) (himo) (himo)
----------------------------------------
فاصل ونواصل

[هاجس]

هههههههههههههههههههههههههههههههههههههههههههههههههههههههههههههههههه


ودي اصيح

ودي افحط

ودي امسك كل بزر بالشارع واعطيه ريال


يلعن ام الفله اللي كذا

فيصل قسمن بايات الله انك بطل

ابدااااع بكل ما تعنيه الكلمه

لكل من تسحب ابتداء من بو حمد والهواوي وداج والبقيه ;) سجلوا بيوزرات ثانيه عشان تشاركون في من انا القادم


تو المتميز راسلي رساله يقول في واحد ثاني يبي يسحبكم اكثر منه بس ما يصير تتسحبون بيوزركم مرتين سجلوا بيوزر ثاني شوفوا لكم حل



خخخخخخخخخخخخخخخخخخخخخخخخخخخخخخخخخخخخخخخخخخخخخخ

لكل من تسحب نصيحه لاترد بيوزرك اللي تسحبت في من انا القادم والله اللي ما نساكم ولا في امل يناسكم كلكم


خاصه بو حمد حتى لو ترد على اخبار الاسطوره اللي ينزلها كل صباح برد بعدك وبجيب طاري التسحيب يعني وراكم وراكم خخخخخخخخخخخخخخخخخخخخخخخ


اااااااااااه يا بطني ابي اضحك

[GAHERHM]

ابو احمد ياذيب
<<< يابي يرد الصاع صاعين

[يوسف]

لالالالالالالالالالالالالالالالالالالالالالالالالالالالالالالا
احتج هالمشرف المتمييز نصب بكثيييير من الاجااباااات هو وخشته ساكن بالرياض وشلون يقول قبل شهر ونص رايح للرياض؟؟
وشوي ابرجع لك يالمتميييز انت ونصيبااتك:p

[أبوحمـــ15ـــــــــــد]

جبتك..بس في الدقيقه 90:(

[GAHERHM]

شاطر يابواحمد
<< يبي ينشب ابو احمد له
-----------------------------
وش لون مامعك موتر وانت موترك لونه اسود .....؟
وموديلة ....؟

[أبوحمـــ15ـــــــــــد]

ساحرهم...

شاطر ولا الاسطورة:)

[هاجس]

بو حمد


عندك اعتراضات على الاجوبه ؟؟

[أخو دلال]

بيق سلام من أخو دلال..:)

هاردلك للمتسحبين .. مبروك للفايزين < < المتميز وأنا وهاجس :)

بس بيني وبينك يا فيصل ادع بسلامتي والا كان سداح والشلة كاشفينك من زمان..

<< حاقد عليك فيصل ليش ما تقوله شكرا عالاقل.. :(

وبيق سلام من أخو دلال مرة ثانية..

[أبوحمـــ15ـــــــــــد]

عندك اعتراضات على الاجوبه ؟؟

ابدن:)

[هاجس]

داج تفاهم مع بو حمد على الاعتراضات

مع تحيات المتحدث الرسمي للمتميز

[برستيج]

هلا فيصل

اول شي .. ليش ما ترد في يوزر من انا وتقول انك المتميز .. لان هذا اللي تعودناه من الشخصيه .. (rambo)
ثاني شي .. فيه اجابات ما كانت منطقيه او صحيحه مثل ما قال داج .. انا باتكلم عن النقطه اللي

تهمني وهي ردك في هالعباره ..

برستيج مايعرف يسحب دجاجه علشان يسحب احد
انت ناسي انك اول المتسحبين .. :p .. واجابتك تقول غير هالكلام .. :amle:

انا يا جماعه انا خايف من شي .. ان المصداقيه تنعدم في الاجابات القادمه ..

وهالشي بياثر على فكرة اللعبه بشكل كبير .. :)


(himo)

[هاجس]

عدد الأعضاء الذي يتصفحون هذا الموضوع : 15 (8 عضو و 7 ضيف)



شباب ترى لقطات التحسيب بنسقها وبنحطها ضمن اللقطات الموجوده بالشبكه


بيصير كل عضو له لقطه :)


مع تحيات المتحدث الرسمي للأسطوره

[المتميز]

سلام ,,,

داج

انت سالتني سؤال مباشر متى رحت للرياض اخر مره وانا جاوبتك جواب مباشر وقلتلك لاتتذاكى وانا جاوبتك جواب ذكي وقلتلك من شهر ونص وانا فعلا كنت قبل شهر ونص في الشرقيه ورحت للرياض ولو سائلني انت من الرياض كان فيه كلام ثاني وعموما قلتلكم اسالو حول اليوزر لاتسالون اسئله شخصيه كيف ابقولكم وش نوع سيارتي وكثيرين يعرفونها او اقولكم وش ادرس انت تسالون عن المتميز ولا عن فيصل حددوا ؟؟ وبعدين ارجع لاجاباتي زين والله العظيم ماكذبت في شيء اللي ماقدرت اجاوب عليه اجابه دبلوماسيه رفضت اجاوب عليه ...


برستيج .. بالله عليك كم واحد سحبت في موضوعك مايتعدون العشرين كيف بجاوب على السؤال وانا من ضمن اللي سحبت فيهم فجاوبت اجابه دبلوماسيه لاني امون عليك وتهربت من الاجابه المباشره واعتقد من بدايات الحلقات الامر متروك للضيف يجاوب على هالسؤال خصوصا ولا جت على انا ؟؟

ياشباب كل تسحيبه وانتم بخير واتمنى ترجعون لاجوبتي زين قبل لاتتهمون :angel: :angel:

[أبوحمـــ15ـــــــــــد]

بصراحه انا مع المتميز في اللي قاله..

الواحد المفروض يكشف ((من انا)) من خلال يوزره موب من شخصيته...ولا كان صارت هذي لعبه شلليه..يعني اللي يعرفون بعض هم اللي يشتركون فيها بدون الباقين...
مثلا انا ماادري ان المتميز ساكن في الرياض...وش استفيد من اجابته؟؟ ماحد مستفيد منها الا اللي يعرفونه وبكذا تفقد اللعبة نكهتها ((شاهي:)))

وبالنسبة للسؤال المقدس اللي لازم ينسئل كل مرة ((سحبك برستيج ولالا؟)) هذا بيحصر عدد الاعضاء اللي ممكن نشك فيه ولا يصير للعبة طعم ((برضه شاهي:) ))

باختصار الاسئلة الشخصية + سؤال برستيج لو يمنعون تكون اللعبه احسن...

سلام،،،

[أخو دلال]

بيق سلام من أخو دلال.. :)

داج.. أتحداك ترد على المتميز.. شف وش قاعد يقول عنك.. :eek: :eek:

و إنت يا برستيج .. شف إنت مشرف ومع ذلك زلب برايك.. :eek: :eek:


<<< المتحدث الرسمي باسم بليس (himo)

<< ملعون يبيها تشب بينهم.. :D :D


وبيق سلام من أخو دلال مرة ثانية.. :)

[** { برنس الزعيم } **]

^^^^^^^^^^^^^
هههههههههههههه أي ابليس فيهم :)

[الهواوي]

المتميز شوف حبيبي انا للحين اقوول ان هاللعبه بصرااحه فقدت مصداقيتها والديل اانك تجاوب على اسئله وتقول قصدي كذا.. :req:

انت سالتني سؤال مباشر متى رحت للرياض اخر مره وانا جاوبتك جواب مباشر وقلتلك لاتتذاكى وانا جاوبتك جواب ذكي وقلتلك من شهر ونص وانا فعلا كنت قبل شهر ونص في الشرقيه ورحت للرياض ولو سائلني انت من الرياض كان فيه كلام ثاني

الحين تجاااوب على سؤال وبالاخير تقول لو اانك سألتني كذا كان جوابي كذا؟؟ طيب معروف قصد داج بها السؤال.. :angel: ماادري انا بصرااحه ااحس اان فييه شي خلف الكواليس وابطالها اانت والكمخه اخو دلال يقااااله يطبل بها الموضوووع راااز خشته كل يووم.. :D

[مدرعـم]

:D :D :D :D :D :D :D :D

ههههههههههههههههههههههههههههههه

والله انك سحبتهم تسحيب يافيصل واللي ساعدك اكثر انهم من الصفحة الاولى وهم يقولون انك اخودلال ماصبروا شوي وجمعوا ادلتهم مستعجلين ماعندهم وقت :D :D

وهذا اجمل مافي اللعبة انه يكون فيه تحدي بين اليوزر وبين الاعضاء .. لانه اذا ماكان في تحدي ماراح يكون للعبة طعم ولا ريحة ..

وبعدين اللي يقول ان اللعبة فقدت مصداقيتها مع احترامي وتقديري اختلف معااه بهذا الشي بالعكس اللعبة كل ماكانت اصعب صارت احلى وهذي احد الاسباب اللي خلتنا نعمل تطوير للعبة وندخل عليها قوانين جديدة .. لان بالنظام القديم صارت باصقة ولو استمرينا عليها لاصبحت فاشلة وهي احد الاسباب اللي خلتنا نوقفها لفترة ثم(ن) نرجعها ..

لان الاخوان فهموا اللعبة عالمضبوط وفهموا المغزى منها وصار في اسعله صريحة ومعروفة تكشف اليوزر على طول لانه مايقدر ينكرها مثل انت عضو ولا مشرف ولا وش آخر رد لك او مشاركة وبأي منتدى ، اسمك في ارقام وفي مده لا مافيه ، عندك توقيع ولا ماعندك .. الخ

والدليل ان اكبر ضحية للنظام القديم كان هاجس .. واي واحد يقدر يرجع لحلقة هاجس ويعرف ليه تم كشفه بسرعة ومن اول يوم (( محامي لهاجس واتعابه ببسي وجالكسي :D ))..

عالعموم هالحلقة كانت من اجمل الحلقات واقواها ومافي زعل .. وكل اجابات المتميز راجعتها مره ثانية ووجدتها سليمة ومافيها اي شي لان من حق اليوزر انه يموه .. والتمويه يختلف عن الانكار والمتميز فاهم اللعبة مثل ماانتم فاهمينها وماهي غريبة عليه وعارف وش اللي له ووش اللي عليه .. ولو كان في اي شي مخالف كان تم توقيف اللعبة على طول <<< اخسسس ياشديد :D :D

يعطيك العافية يافيصل .. ويعطيكم العافية كل ابوكم :mad:

هاجس واخودلال الله يرج ابليسكم يالمهبل .. يعطيكم العافية :D :D :D

طحياطي :magkiss: