الـــــــعندليب
23/2/2002, 04:23
وصلنا يا حبايبنا الى ومسكت لي خط لعب في مخي ما دريت قام يبترم بي(يلف بي) على الرياض ويوم قفلت مع نفسي وتقوم وتذب هاك الحلف علي اني القط اطرف مخرج !!!
وانا الي اقول سمي واروح مع مخرج يقولون انه في ايام الامطار يصيدون فيه السمك وفاقدين عامل ماكله قرش هناك.
واطلع مع خط ويذبني في حاره كلها سيارات واجد ذكرتني بقدر بلا غطى اول ما شفت ذالمواتر قلت: وينه يضف لمنتداه وانا الي ادخل
لشارع كبير في ذالحي طبعاً كان معي زي ما قلت لكم في الجزء الاول في بداية مشواري صالون حق ربوع بلادي وما دريت الا وذالعالم الي تناقزو علي ويخبطون الموتر؟؟؟؟؟؟؟؟؟
ويقولون : بع بع بع قلت وش ذولا غنم؟؟؟ وش بع انت واياه؟؟؟ قال: تراه مصدم وما يسوا كوم حديد راح بعشره!!!!!!!!!!!!
قلت : وش السالفه وش عشرته جعلك تعشر اثري طاب في معارض النسيم يا عالم الله لا يوريكم
يا هناك اوادم ما يخافون الله في المسلمين لودروا عنهم بعض فئات هاليومين كان كفروهم على
شغلهم بالمسلمين يلعبون على الواحد ويسرقونه!!!!!
عيني عينك يعني الضمير عنده معدوم يعني ليته مستتر تقديره هو<<< متاثر بالنحو
وانا الي ما صدق على ربي اني اهج يوم طلعت من حيهم والقى الطيس مشلحه والانتل مسروق وغطى البنزيم مفكوك والدعوا خلها على ربك بس!!!
وازبن حي كله ناس غريبين!! من قبل التاريخ شكيت اني طاب في الجنادريه !!!!
بس يا ولد ذولا صدق ناسحياه طبيعيه مو تمثيل!! قلت بس انا رجعت لقبل التاريخ!!!!
والله لقيت عالم عجيب مخيف كانك في شيكاغو<<<يسمع بها
يناس تصدقون بزارين بالشارع يلعبون بالسلاح قالك يمزح مع خويه يثور فيه بابو محاله لا ويقول ابك ما تعرف المزح ابك هذي مزوح تجي وتروح وانا الي انفعلت وقلت يا ابن ال؟؟؟ تذبح الرجال وتقول مزوح
وابعد عنهم واخذ لفه بالحي والقى شيبان متسدحين بالشارع الواحد الله لا يبلانا قشه طالع وشي قايل لكم قبل التاريخ والجغرافيا بعد!!!!
ولغريب في ذاك الحي دورياتهم تختلف عن باقي الاحياء هذا الي اكد لي انهم من قبل التاريخ!!!!
وما امداني اكمل لي لفه بالحاره الا يوم توسطت الشارع هاك المبرقعه تعطيها30او35 سنه ولها سن ذهب ولابسه دراعه من حقات الاولين ورافعتها!!!! وطالع ساقها فيه شعر ذكرتني بساق واحد من الاعضاء ابد موب سلطان نجد وبالماريه ركبتها سودا هذا الي اكد لي انها من بلدي الحبيب واني في عصرنا ذا المهم يوم قالت وقف يا ولد
وش عندك تدور فيذيا هــــاه؟ قلت: يا اختي مضيع والله،
قالت: ابك تقول اختي يالحضوري،
انا ورطت الحين بنت الايه معها عجرا يوم دريت!!! الا يوم دخلت يدها في جيب سري في مكان ماء في جسمها(لا تفهمون غلط) وتطلع مفك يا عالم ذي شكلها تشتغل كهربائي ميب مره ذي!!!!
قالت: اسمع !!!!! قلت: سمي وانا بالع العافيه قالت: ان عاد شفتك تمر من هنيا والله
اني لا افضخ عويناتك !! انت توحي؟؟؟ قلت: اوحي يا طويلة العمر قالت: انت جاي تبي تغزل بي (عاد من زينها والله يا مصرقع الخبر احلا منها )
قلت: اسمعي يا بنت الاجواد انا بقولك سالفتي واحكمي وما امداني اكمل السالفه الي يو قامت تبسي !!!!
قلت: بس رحمتني بتفكني يوم دريت وتبقسني الين طيرت واحد من سنوني وطلعت اثرم
قالت: وانا الي احسبك تغزل بي خر عن وجهي وانا الي اهج اثرها كانت تميلح على تبيني اغازلها ذالشينه وععععع(والله يا كحيلان على شينه ازين منها ) المهم زبنت حاره جمبهم مهيب بعيده يقاللها النظيم!!!!
ياخي ميزة اهل هاك الحي انهم شعب فري يعني تلقى الباب مفتوح اقلط ولا تشاور الله من الكرم فيهم(عاش مصرف)
بس استغربت عندهم بيع قوارير موية الصحه اغلا من السوق؟؟؟؟
الصغيره ب60 ريال والكبيره ب 140 انا ما ادري قالت نفسي ايه شكلها موية زمزم هالي بذالسعر!!!
قلت حلو خلني اشيك وانا صحيح خبركم قلت ابي من موية زمزم يوم طمر لي ذاك الي منكس عقالة بس هرجه موب سعودي ويتسعود وبالماريه تراه راعي سطحه(السطحه هي السياره الي تنقل السيارات الخربانه)
وقال ياخي هاض مو زمزم هاض محلي!!!! وانا الياقول: مطار هو محلي والا دولي قال: انت شو فهمك قلت: انا ابي اشتري!!
بس لازم اذوق؟؟؟ قال: اله يوخذك لا تفضحنا روح بالله بعيد قلت والله ما اروح الا ذايقه يوم فك لي القاروره وانا الي اشرب على طول منها والا يوم طلعت ريحه وعععععع وانا الي استفرغ لعنبو داره حوم كبدي طلع بلا من بلاويهم وانا اقول وشو المحلي؟؟
اثره هذاك الي اول حرف من اسمه عرّق ياهو مروح بيني وبينك حللت اهل السويدي عندهم!!
اجل فيه عاقل يشرب من ذالخايس والله ما جا على بالي الا عضو عندنا اسمه ابو علبه ليش ما ادري؟؟
المهم وتطمر نفسي وتقول موب زي عوايدك ما خذت لفه في ذالحاره؟؟؟
قلت: والله وبراسك!!!!
واخذ لي لفه وشفت لك بلاوي زرقاء وخضراء وحمراء وما خلق الله بس منيب قايلها لاني ما احب افضح بالعالم !!!
واشوفلك ذاك الموتر الكشخه الي يشق الجبهه من زينه بس وش جابه في حاره زي ذي حتى شوارعها محفره الحفره تغطس فيها الكوريلا والمطب اكبر من الصمرقع
المهم قلت : خل اتابع ذالموتر واشوف وين بيروح يمكن هو عمدة الحاره تعرفون العمده شي كبير
والدليل انه ما يداوم في قسم الشرطه الا بعد الساعه 11 واذا جا يوم وهو موب مروق او مزعلته المدام جحدك!!
يقول منيب معرف عليك انا ما اعرفك الي يشوفه يقول يعرف اهل الحاره او ساكن عندهم
ما علينا تابعت الرجال وكان موتره مظلل والموتر فيه حركه غريبه وانا الي الحقه الين مسك خط يقاله خريص
ياهو خط تصدقون ان المواتر تحبي فيه يعني لو تمشي رجليه كان توصل قبل الي معه موتر ما علينا المهم ودعس بي ووداني لحي يروع كله بيوت كبيره وفلل وناس غير الي انا اشوفهم في حارتنا منفوحه!!!!!
وما دريت الا يوم لبق الموتر في بيت كبير بابه مفتوح ويوم نزل السواق واثره خال وكلنا خوال لله
وفتح الباب الي ورا ء يوم نزلت هاك ال(فقره مقطوعه من الرقابه المحليه)
المهم تركتهم ورحت اتشوف هالحي الي يفتح النفس انا شكيت اني في حلم قلت يمكن الجنه ذي بس صار ذا حي من احياء الشمال بس يالربع ناس غريبين من جد قاهريني ثيابهم نظيفه وما تتعفط ابد تقول مكويه عليهم وانا الي اوقف انشد واحد من اهل ذاك الحي وين المسجد يا ابو الشباب يوم رد على ذاك المايع!!!!
والله انا بققت عيوني ما صدقت رجال كذا كلامه؟؟
قال: يا حبيبي انت تروح يمين زين عيوني قلت: ايوه؟ قال: وبعدين اول لفه يسار ثم تروح طوالي زين حياتي!! قلت: زين، وانا اقول لنفسي الله ياخذ روحه قالت: لي نفسي جنسه واجد لا تتضايق يا سوقي(قالك تدلعني)
المهم ما صدقت انه خلص من توصيفه الي كنه وجهه، قلت : مشكور يا ابوي وروح للمسجد واصلي وحتى مساجدهم نظيفه هذا الي تمنيته بحارتنا لان عندنا يدخل الواحد صنانه يطرد والثاني وافد<<<حلوه وافد يعني ابو شكيم وابو مصير والطقه تلقى الواحد منهم ريحته ثوم لو تثاوب طيح له طياره
طلعت من المسجد واشوا لقيت نعالي(من زينها بعد) ما انسرقت زي حوارينا الواحد ما يمديه يطق الباتا الا هي مجطوله
ورحت لي في شارع كبير فيه مواتر كثيره وزينه شي نعرفه وشي ما نعرفه الا بعد مية سنه لانه ما نزل في منفوحه
بس الغريب انا قلت يمكن عندهم مذهب غريب؟؟؟؟
لاني ا خبر الطواف في مكه في الحرم لكن ذولا يطوفون في ذالشارع تقول مواجرين قلت بلف معهم بدور المحب وين(الحجر الاسود) يوم جا ذاك الولد الكشخه الي معه هاك الموتر الي يروع ورقمه اذكره الى الحين كانت لوحته( ع ن ز 666) واظن موتره الي يقاله الروز يوم كبس لي وانا الي وخرت عنه ويجي وراي وانا ادعس والرجال ملحم وراي في البدايه شكيت بعمري بعدين قلت اكيد يا سايق انك مسوي غلط او مخالف نظام الطواف في ذالشارع؟
قام وكبس يعني لبق قالت: نفسي يا ولد لبق ما عليك خوف انت حرفي الخوف عليهم
وانا الي اصفط على جمب واشمر وانطل المحفظه بدرج الموتر مجهز للشر يوم برقت في الموترو الا الي يسوق خال موب غريب علي فناخره قد مرت علي يا بالحاره يا بحديقة الملز يوم نزل الخال قلت بس ورطنا قال انزل كلم عمي يبيك !!!
الخال ذا طلع واحد من عيال الحاره ناشب في ذالكشخه.
قلت : قل لعمك سم بس بلبق صح وانزل اكلم طويل العمر.
قالت: نفسي الحق شكل الرجال يبي يشرهك!!!
انا قلت: بس هذا الي بيدعم مشروعي الي كنت ناوي افتحه وهو استغلال كوادر حارتنا منفوحه بفتح
مغسلة سيارات تعرفون شباب الحاره يقدرون التغسيل ولحس المواتر
المهم نزلت للرجال وانا اركض يوم ناظرني بنص عين وفتح نص الشباك قلت: سم طال عمرك( وانا احسبه ذاك التاجر الي يشره الي له عماره طويله )!!!!
قال: معليش يا اخوي القى معك 150 ريال سلف!!!!!!!!!!!!!!!!!!
قلت: سم تمزح معي؟؟؟؟؟؟؟؟؟ قال: لا جاد بس انا ناسي محفظتي في البيت ومتعيجز اجيبها قلت علينا ؟
شاف اني ما صدقت قال: الصراحه انا من برا الرياض وقدر الله علي وتورطت وطفرت وبي فزعتك ياللحيه الغانمه!!!!!!!!!!!!!
هذاالي يقول عائل مستكبر!! لا متكبر ومتغطرس ويشحذعلى قول المثل من برا الله الله ومن جوا يعلم الله
قلت: لو ما تحل عن سماي توطيت في بطنك يا شين!!!
طيب ابي اعرف العينه ذي كثيره بالمجتمع يكلف اهله ديون علشان يشتري موتر وهو ما يقدر على قيمة البنزين طيب ليش الفشخره يا ناس ارضا بالي عطاك ربك ماله داعي تسوي انك احسن واحد على حساب نفسك وتطفر باهلك يالضعيف الشخص القوي مو بالمظاهر لكن من يفهم؟؟؟؟
انا لحد كذا قلت بوقف وارجع لمنفوحه اجيب لي غرض ناسيه وبرجع لكم في مواضيع ثانيه والقصد من الموضوع باجزائه الفائده وليس السخريه وشكرا لكم ومن اعماق قلبي
--------------------
وانا الي اقول سمي واروح مع مخرج يقولون انه في ايام الامطار يصيدون فيه السمك وفاقدين عامل ماكله قرش هناك.
واطلع مع خط ويذبني في حاره كلها سيارات واجد ذكرتني بقدر بلا غطى اول ما شفت ذالمواتر قلت: وينه يضف لمنتداه وانا الي ادخل
لشارع كبير في ذالحي طبعاً كان معي زي ما قلت لكم في الجزء الاول في بداية مشواري صالون حق ربوع بلادي وما دريت الا وذالعالم الي تناقزو علي ويخبطون الموتر؟؟؟؟؟؟؟؟؟
ويقولون : بع بع بع قلت وش ذولا غنم؟؟؟ وش بع انت واياه؟؟؟ قال: تراه مصدم وما يسوا كوم حديد راح بعشره!!!!!!!!!!!!
قلت : وش السالفه وش عشرته جعلك تعشر اثري طاب في معارض النسيم يا عالم الله لا يوريكم
يا هناك اوادم ما يخافون الله في المسلمين لودروا عنهم بعض فئات هاليومين كان كفروهم على
شغلهم بالمسلمين يلعبون على الواحد ويسرقونه!!!!!
عيني عينك يعني الضمير عنده معدوم يعني ليته مستتر تقديره هو<<< متاثر بالنحو
وانا الي ما صدق على ربي اني اهج يوم طلعت من حيهم والقى الطيس مشلحه والانتل مسروق وغطى البنزيم مفكوك والدعوا خلها على ربك بس!!!
وازبن حي كله ناس غريبين!! من قبل التاريخ شكيت اني طاب في الجنادريه !!!!
بس يا ولد ذولا صدق ناسحياه طبيعيه مو تمثيل!! قلت بس انا رجعت لقبل التاريخ!!!!
والله لقيت عالم عجيب مخيف كانك في شيكاغو<<<يسمع بها
يناس تصدقون بزارين بالشارع يلعبون بالسلاح قالك يمزح مع خويه يثور فيه بابو محاله لا ويقول ابك ما تعرف المزح ابك هذي مزوح تجي وتروح وانا الي انفعلت وقلت يا ابن ال؟؟؟ تذبح الرجال وتقول مزوح
وابعد عنهم واخذ لفه بالحي والقى شيبان متسدحين بالشارع الواحد الله لا يبلانا قشه طالع وشي قايل لكم قبل التاريخ والجغرافيا بعد!!!!
ولغريب في ذاك الحي دورياتهم تختلف عن باقي الاحياء هذا الي اكد لي انهم من قبل التاريخ!!!!
وما امداني اكمل لي لفه بالحاره الا يوم توسطت الشارع هاك المبرقعه تعطيها30او35 سنه ولها سن ذهب ولابسه دراعه من حقات الاولين ورافعتها!!!! وطالع ساقها فيه شعر ذكرتني بساق واحد من الاعضاء ابد موب سلطان نجد وبالماريه ركبتها سودا هذا الي اكد لي انها من بلدي الحبيب واني في عصرنا ذا المهم يوم قالت وقف يا ولد
وش عندك تدور فيذيا هــــاه؟ قلت: يا اختي مضيع والله،
قالت: ابك تقول اختي يالحضوري،
انا ورطت الحين بنت الايه معها عجرا يوم دريت!!! الا يوم دخلت يدها في جيب سري في مكان ماء في جسمها(لا تفهمون غلط) وتطلع مفك يا عالم ذي شكلها تشتغل كهربائي ميب مره ذي!!!!
قالت: اسمع !!!!! قلت: سمي وانا بالع العافيه قالت: ان عاد شفتك تمر من هنيا والله
اني لا افضخ عويناتك !! انت توحي؟؟؟ قلت: اوحي يا طويلة العمر قالت: انت جاي تبي تغزل بي (عاد من زينها والله يا مصرقع الخبر احلا منها )
قلت: اسمعي يا بنت الاجواد انا بقولك سالفتي واحكمي وما امداني اكمل السالفه الي يو قامت تبسي !!!!
قلت: بس رحمتني بتفكني يوم دريت وتبقسني الين طيرت واحد من سنوني وطلعت اثرم
قالت: وانا الي احسبك تغزل بي خر عن وجهي وانا الي اهج اثرها كانت تميلح على تبيني اغازلها ذالشينه وععععع(والله يا كحيلان على شينه ازين منها ) المهم زبنت حاره جمبهم مهيب بعيده يقاللها النظيم!!!!
ياخي ميزة اهل هاك الحي انهم شعب فري يعني تلقى الباب مفتوح اقلط ولا تشاور الله من الكرم فيهم(عاش مصرف)
بس استغربت عندهم بيع قوارير موية الصحه اغلا من السوق؟؟؟؟
الصغيره ب60 ريال والكبيره ب 140 انا ما ادري قالت نفسي ايه شكلها موية زمزم هالي بذالسعر!!!
قلت حلو خلني اشيك وانا صحيح خبركم قلت ابي من موية زمزم يوم طمر لي ذاك الي منكس عقالة بس هرجه موب سعودي ويتسعود وبالماريه تراه راعي سطحه(السطحه هي السياره الي تنقل السيارات الخربانه)
وقال ياخي هاض مو زمزم هاض محلي!!!! وانا الياقول: مطار هو محلي والا دولي قال: انت شو فهمك قلت: انا ابي اشتري!!
بس لازم اذوق؟؟؟ قال: اله يوخذك لا تفضحنا روح بالله بعيد قلت والله ما اروح الا ذايقه يوم فك لي القاروره وانا الي اشرب على طول منها والا يوم طلعت ريحه وعععععع وانا الي استفرغ لعنبو داره حوم كبدي طلع بلا من بلاويهم وانا اقول وشو المحلي؟؟
اثره هذاك الي اول حرف من اسمه عرّق ياهو مروح بيني وبينك حللت اهل السويدي عندهم!!
اجل فيه عاقل يشرب من ذالخايس والله ما جا على بالي الا عضو عندنا اسمه ابو علبه ليش ما ادري؟؟
المهم وتطمر نفسي وتقول موب زي عوايدك ما خذت لفه في ذالحاره؟؟؟
قلت: والله وبراسك!!!!
واخذ لي لفه وشفت لك بلاوي زرقاء وخضراء وحمراء وما خلق الله بس منيب قايلها لاني ما احب افضح بالعالم !!!
واشوفلك ذاك الموتر الكشخه الي يشق الجبهه من زينه بس وش جابه في حاره زي ذي حتى شوارعها محفره الحفره تغطس فيها الكوريلا والمطب اكبر من الصمرقع
المهم قلت : خل اتابع ذالموتر واشوف وين بيروح يمكن هو عمدة الحاره تعرفون العمده شي كبير
والدليل انه ما يداوم في قسم الشرطه الا بعد الساعه 11 واذا جا يوم وهو موب مروق او مزعلته المدام جحدك!!
يقول منيب معرف عليك انا ما اعرفك الي يشوفه يقول يعرف اهل الحاره او ساكن عندهم
ما علينا تابعت الرجال وكان موتره مظلل والموتر فيه حركه غريبه وانا الي الحقه الين مسك خط يقاله خريص
ياهو خط تصدقون ان المواتر تحبي فيه يعني لو تمشي رجليه كان توصل قبل الي معه موتر ما علينا المهم ودعس بي ووداني لحي يروع كله بيوت كبيره وفلل وناس غير الي انا اشوفهم في حارتنا منفوحه!!!!!
وما دريت الا يوم لبق الموتر في بيت كبير بابه مفتوح ويوم نزل السواق واثره خال وكلنا خوال لله
وفتح الباب الي ورا ء يوم نزلت هاك ال(فقره مقطوعه من الرقابه المحليه)
المهم تركتهم ورحت اتشوف هالحي الي يفتح النفس انا شكيت اني في حلم قلت يمكن الجنه ذي بس صار ذا حي من احياء الشمال بس يالربع ناس غريبين من جد قاهريني ثيابهم نظيفه وما تتعفط ابد تقول مكويه عليهم وانا الي اوقف انشد واحد من اهل ذاك الحي وين المسجد يا ابو الشباب يوم رد على ذاك المايع!!!!
والله انا بققت عيوني ما صدقت رجال كذا كلامه؟؟
قال: يا حبيبي انت تروح يمين زين عيوني قلت: ايوه؟ قال: وبعدين اول لفه يسار ثم تروح طوالي زين حياتي!! قلت: زين، وانا اقول لنفسي الله ياخذ روحه قالت: لي نفسي جنسه واجد لا تتضايق يا سوقي(قالك تدلعني)
المهم ما صدقت انه خلص من توصيفه الي كنه وجهه، قلت : مشكور يا ابوي وروح للمسجد واصلي وحتى مساجدهم نظيفه هذا الي تمنيته بحارتنا لان عندنا يدخل الواحد صنانه يطرد والثاني وافد<<<حلوه وافد يعني ابو شكيم وابو مصير والطقه تلقى الواحد منهم ريحته ثوم لو تثاوب طيح له طياره
طلعت من المسجد واشوا لقيت نعالي(من زينها بعد) ما انسرقت زي حوارينا الواحد ما يمديه يطق الباتا الا هي مجطوله
ورحت لي في شارع كبير فيه مواتر كثيره وزينه شي نعرفه وشي ما نعرفه الا بعد مية سنه لانه ما نزل في منفوحه
بس الغريب انا قلت يمكن عندهم مذهب غريب؟؟؟؟
لاني ا خبر الطواف في مكه في الحرم لكن ذولا يطوفون في ذالشارع تقول مواجرين قلت بلف معهم بدور المحب وين(الحجر الاسود) يوم جا ذاك الولد الكشخه الي معه هاك الموتر الي يروع ورقمه اذكره الى الحين كانت لوحته( ع ن ز 666) واظن موتره الي يقاله الروز يوم كبس لي وانا الي وخرت عنه ويجي وراي وانا ادعس والرجال ملحم وراي في البدايه شكيت بعمري بعدين قلت اكيد يا سايق انك مسوي غلط او مخالف نظام الطواف في ذالشارع؟
قام وكبس يعني لبق قالت: نفسي يا ولد لبق ما عليك خوف انت حرفي الخوف عليهم
وانا الي اصفط على جمب واشمر وانطل المحفظه بدرج الموتر مجهز للشر يوم برقت في الموترو الا الي يسوق خال موب غريب علي فناخره قد مرت علي يا بالحاره يا بحديقة الملز يوم نزل الخال قلت بس ورطنا قال انزل كلم عمي يبيك !!!
الخال ذا طلع واحد من عيال الحاره ناشب في ذالكشخه.
قلت : قل لعمك سم بس بلبق صح وانزل اكلم طويل العمر.
قالت: نفسي الحق شكل الرجال يبي يشرهك!!!
انا قلت: بس هذا الي بيدعم مشروعي الي كنت ناوي افتحه وهو استغلال كوادر حارتنا منفوحه بفتح
مغسلة سيارات تعرفون شباب الحاره يقدرون التغسيل ولحس المواتر
المهم نزلت للرجال وانا اركض يوم ناظرني بنص عين وفتح نص الشباك قلت: سم طال عمرك( وانا احسبه ذاك التاجر الي يشره الي له عماره طويله )!!!!
قال: معليش يا اخوي القى معك 150 ريال سلف!!!!!!!!!!!!!!!!!!
قلت: سم تمزح معي؟؟؟؟؟؟؟؟؟ قال: لا جاد بس انا ناسي محفظتي في البيت ومتعيجز اجيبها قلت علينا ؟
شاف اني ما صدقت قال: الصراحه انا من برا الرياض وقدر الله علي وتورطت وطفرت وبي فزعتك ياللحيه الغانمه!!!!!!!!!!!!!
هذاالي يقول عائل مستكبر!! لا متكبر ومتغطرس ويشحذعلى قول المثل من برا الله الله ومن جوا يعلم الله
قلت: لو ما تحل عن سماي توطيت في بطنك يا شين!!!
طيب ابي اعرف العينه ذي كثيره بالمجتمع يكلف اهله ديون علشان يشتري موتر وهو ما يقدر على قيمة البنزين طيب ليش الفشخره يا ناس ارضا بالي عطاك ربك ماله داعي تسوي انك احسن واحد على حساب نفسك وتطفر باهلك يالضعيف الشخص القوي مو بالمظاهر لكن من يفهم؟؟؟؟
انا لحد كذا قلت بوقف وارجع لمنفوحه اجيب لي غرض ناسيه وبرجع لكم في مواضيع ثانيه والقصد من الموضوع باجزائه الفائده وليس السخريه وشكرا لكم ومن اعماق قلبي
--------------------