الحاير
29/11/2001, 20:22
هذا الموضوع كتبته بساحة الاقلاع واليوزر نيم حقي هناك اسمه قوطي ببسي
فلا تستغربون (لكن محد عطاني وجه هناك ولقطت وجهي وجيت واتمنى تعجبكم )
الله يسلمكم سالفتي يوم ادخل الكليه الحربيه أكاالسنه يوم اخلص الثنوي عقب مرار سنين من الحك في ثالث ثانوي اخوكم في الله قوطي...( هذا أنا... خلكم معي لحد يسوي لي احباط تراي بمسك خط وبسرع بعد!!)... جاء طاير لابوه من الفرحه يهفهف والجريده معه طالعن به اسمه تقل طالع من مجلس الوزراء الحين الله اكبر(انواع التحطيم )ويوم دخل البيت والا الوالد مترنكز على الكرسي في الحوش (ابوي ثقافته... باردون... فغرنسي) يبه! يبه! يبه!هااااااااااااااااااه" ------> انواع الحنان ... يبه ابشرك نجحت!! ... "هااااااااااااااه؟؟" ... الله يهديك يبه هذا وقته تصيمخ علي! (طبعا الحتسي ذا في خاطري والا انتسان يحطني بفتيك ويتعشى علي )... اقول لك نجحت يبه!! ... "ايه ...وش ازين لك طيب!!" ...(قشر لي بصل)... رديت عاد انا .. هاه ... آآآآ... لا أبد سلامتك بس بغيت اعلمك ... قال "ايه ميخالف درينا ...رح بشر امك!!" ... (يعني كسر ماطور سفينتي... مهوب مجاديفي ... شوي على ابوي)
المهم وانقز لأم قوطي.. ومن قبل اقول ولا كلمه ... من يوم شافت الجريده تهفهف والكشره منفقه وهي والله اللي تجي تررررركض ... تخيل معي شيء مدعرم قادم باتجاهك وفاتح يديه بيخمك ... وهي والله اللي تخمني وتفعصني وتهز بي يمين وشمال ...تقل مرجيحه يا حبي له !!! مبروووووووك ... طبعا انا ما اقدر ارد ... غايص
المهم بعد هالسوالف بدا الجد عاد ... "هاه وش قررت تدخل؟؟" ...(انا اصلا هقيت اني بنجح عشان تقولين قررت... والله يا خوفي انها غلطه مطبعيه وبكره يهونون!)... مدري ... ومن غير تفكير... وتسذامير وتمسك معي الحربيه!! ... قلت والله يا ام قوطي بدخل الحربيه ابي اصير ظابط اخدم وطني وادافع عن حمى بلادي ... (عاد خذ من التنيفش عند امي والا الى جاء الصدز ظرطي)...
والله وتسفهل يا حبي له ... وتقعد تمصع من هالدعاوي ... للملك ولعبدالله ولسلطان ... وبعدها نجيك ونسجل بالكليه... ويجي الفحص الطبي ... وما ادراك ما الفحص الطبي ... والله انواع الفشايل ... هل تعلم عزيزي القارئ انهم يفحصون كل مغز ابره في الكشف الطبي ... ايه كلشششششش ... وراكم طيرتو عيونكم !!! تسني به الحين مسطول جايب المقص وبيقص موضوعي كخخخخخخخخ.
بس اخوكم حليوه صحيح قوطي فاضي بس عنده لياقه ومير يقبلونن ويبدا عاد النفاس (الخمس واربعين يوم)... هنا عاد تبدأ القصه الحقيقيه (ادري بيقولون كل ذا وهي ما بدت ..ايه ما بدت كخخخخخخخ).وصلنا يوم بدا النفاس ... والله يوم قبلوني ويقولون رح جب غريضاتك وودع اميمتك وتعال لمنا ... وانواع التفغيص من الوالده الله يخليها ... واجيكم حاملن شنيطتي على كتفي وادخل الكليه .
طيعا نظامنا في الكليه ما فيه شي اسمه تدريب في الخمس واربعين يوم ... لا ... هذا طال عمرك من يوم تطب رجيلتك الكليه وهم مسلمينك لواحد من حقين نهائي(الطلاب اللي على وشك يتخرجون) ويقولون لك ..."شفت ذا...ترى رقيبتك بيده!"..
عاد انا طحت في واحدن حبيــــــــــــــــــــــــــــــــب بالحيل ... ومهوب مهستر أبد!أول ليله جيت اسولف معه على بالي زميله ومسوي فيها ...قال انطم وانزلع على فراشك !!... ولايجي باتسر الا انت مشغلن الدباب اللي في الساحه ..,ويعطيني المفاتيح ... (يا والله البلشه وين اجيب له دباب في الكليه.. لا ويبيني اشغله بمفتاح الغرفه!) ... والله ويوم اصبحت واطمر بالمفتاح واقعد ألوب على هالدباب ابي اشغله ولا لقيت شي ... ويطقني بجزا ويوقفني في الشمس.
يوم جاء بالليل ... واقعد اتعذر منه عشاني ما شغلت الدباب (اردى من الحريّم الى قامن يهكن على رجالهن وهن داريات ان الغلط راكبهم من الراس لاخر الاصبع الصغير) ويسامحني ويقول خلاص اذا قمت بكرا التميس والفول عليك اطمر جبهن من يوم يذن الفجر...مدري وشلون نطقت وقلت طيب منين اجيبه ... قال رح للبوابه الفوال يوصله لهم كل يوم ...
وما كذب هالدلخ خبر ..واطير بعد الصلاة للبوابه واقول لهم ... ما مركم راعي الفول ... والى يوم كعو يضحكون ...وقالو ستطعش ستطعش ... اثري الدلخ رقم ست طعش ... يا والله البلشه وش ازين بها اللي يحتري الفول الحين في الغرفه!!... طبعا كالعاده ...جزا ووقفه بالشموس.
المهم انواع الاستهبال بالكليه ... وكله على هالضعوف الجدد ... بس كله كوووووم ويم فاز المنتخب كوم ... يا ويح قلبي ذيك الليله كنا نايمين من التعب والكرف لعماتنا نهائي ...(ايه كود حنا اردى من الشغالات مغير مسح بسطاري ... رتب سريري .. حل واجبي ...وهلم جر) ...وما عندنا من الشيطان طاري ... والى يوم سمعنا المهابد والصياح والمراكض في العنابر ...!!!! .. يا ولد .. وش العلم .. والله وأجلد في فراشي اخاف ارفع راسي ويجازونن ... مير هيهااااااااات ..
جوك ويرفّسونا ويمعطون كنابلنا ... "يالله يا دلخ انت وياه ...قومو فاز المنتخب" ...يا ابوي وش دخلن(والله لو انه الهلال) خلني انام كود باتسر يطلع على واطس اشوف اهلي ...الحتسي ذا طبعا في بطني..(كان اخر يوم في النفاس)...
قالو قومو يالله سو لنا حفله !!! ... (عسى ماشر)
وكل واحد من نهائي عاد يبي يسوي فيها قدام ربعه ... وانواع الهبال اللي طلعوه من عيونا... اللي يقول يالله طقّ ... واللي يقول غني ... واللي يقول طب من فوق الدولاب ... واللي يقول أذن وأقم للصلاة وحنا الساعه وحده بالليل ...
بس اناالحبيب اللي معي اظرط من البشكه كلهم ... هذا طال عمرك قال تحزم وارقص مصري ... افا يا ذا العلم ...غير ..بدل ...عدل ... قال ماوالله تشوف امك باتسر الا ان تحزمت ورقصت .. والله واتحزم وعينك ما تشوف الا النور ... قمت ارقص ويقومون الشبيبه ينقطوني ... واللي يدعس الفلوس بصدري ... واللي يبقصن اذا جيت حوله ... وانا يا ويلي مغير هز يا وز... ولهان على تفغيص اميمتي
تحياتي
أبوماجد
فلا تستغربون (لكن محد عطاني وجه هناك ولقطت وجهي وجيت واتمنى تعجبكم )
الله يسلمكم سالفتي يوم ادخل الكليه الحربيه أكاالسنه يوم اخلص الثنوي عقب مرار سنين من الحك في ثالث ثانوي اخوكم في الله قوطي...( هذا أنا... خلكم معي لحد يسوي لي احباط تراي بمسك خط وبسرع بعد!!)... جاء طاير لابوه من الفرحه يهفهف والجريده معه طالعن به اسمه تقل طالع من مجلس الوزراء الحين الله اكبر(انواع التحطيم )ويوم دخل البيت والا الوالد مترنكز على الكرسي في الحوش (ابوي ثقافته... باردون... فغرنسي) يبه! يبه! يبه!هااااااااااااااااااه" ------> انواع الحنان ... يبه ابشرك نجحت!! ... "هااااااااااااااه؟؟" ... الله يهديك يبه هذا وقته تصيمخ علي! (طبعا الحتسي ذا في خاطري والا انتسان يحطني بفتيك ويتعشى علي )... اقول لك نجحت يبه!! ... "ايه ...وش ازين لك طيب!!" ...(قشر لي بصل)... رديت عاد انا .. هاه ... آآآآ... لا أبد سلامتك بس بغيت اعلمك ... قال "ايه ميخالف درينا ...رح بشر امك!!" ... (يعني كسر ماطور سفينتي... مهوب مجاديفي ... شوي على ابوي)
المهم وانقز لأم قوطي.. ومن قبل اقول ولا كلمه ... من يوم شافت الجريده تهفهف والكشره منفقه وهي والله اللي تجي تررررركض ... تخيل معي شيء مدعرم قادم باتجاهك وفاتح يديه بيخمك ... وهي والله اللي تخمني وتفعصني وتهز بي يمين وشمال ...تقل مرجيحه يا حبي له !!! مبروووووووك ... طبعا انا ما اقدر ارد ... غايص
المهم بعد هالسوالف بدا الجد عاد ... "هاه وش قررت تدخل؟؟" ...(انا اصلا هقيت اني بنجح عشان تقولين قررت... والله يا خوفي انها غلطه مطبعيه وبكره يهونون!)... مدري ... ومن غير تفكير... وتسذامير وتمسك معي الحربيه!! ... قلت والله يا ام قوطي بدخل الحربيه ابي اصير ظابط اخدم وطني وادافع عن حمى بلادي ... (عاد خذ من التنيفش عند امي والا الى جاء الصدز ظرطي)...
والله وتسفهل يا حبي له ... وتقعد تمصع من هالدعاوي ... للملك ولعبدالله ولسلطان ... وبعدها نجيك ونسجل بالكليه... ويجي الفحص الطبي ... وما ادراك ما الفحص الطبي ... والله انواع الفشايل ... هل تعلم عزيزي القارئ انهم يفحصون كل مغز ابره في الكشف الطبي ... ايه كلشششششش ... وراكم طيرتو عيونكم !!! تسني به الحين مسطول جايب المقص وبيقص موضوعي كخخخخخخخخ.
بس اخوكم حليوه صحيح قوطي فاضي بس عنده لياقه ومير يقبلونن ويبدا عاد النفاس (الخمس واربعين يوم)... هنا عاد تبدأ القصه الحقيقيه (ادري بيقولون كل ذا وهي ما بدت ..ايه ما بدت كخخخخخخخ).وصلنا يوم بدا النفاس ... والله يوم قبلوني ويقولون رح جب غريضاتك وودع اميمتك وتعال لمنا ... وانواع التفغيص من الوالده الله يخليها ... واجيكم حاملن شنيطتي على كتفي وادخل الكليه .
طيعا نظامنا في الكليه ما فيه شي اسمه تدريب في الخمس واربعين يوم ... لا ... هذا طال عمرك من يوم تطب رجيلتك الكليه وهم مسلمينك لواحد من حقين نهائي(الطلاب اللي على وشك يتخرجون) ويقولون لك ..."شفت ذا...ترى رقيبتك بيده!"..
عاد انا طحت في واحدن حبيــــــــــــــــــــــــــــــــب بالحيل ... ومهوب مهستر أبد!أول ليله جيت اسولف معه على بالي زميله ومسوي فيها ...قال انطم وانزلع على فراشك !!... ولايجي باتسر الا انت مشغلن الدباب اللي في الساحه ..,ويعطيني المفاتيح ... (يا والله البلشه وين اجيب له دباب في الكليه.. لا ويبيني اشغله بمفتاح الغرفه!) ... والله ويوم اصبحت واطمر بالمفتاح واقعد ألوب على هالدباب ابي اشغله ولا لقيت شي ... ويطقني بجزا ويوقفني في الشمس.
يوم جاء بالليل ... واقعد اتعذر منه عشاني ما شغلت الدباب (اردى من الحريّم الى قامن يهكن على رجالهن وهن داريات ان الغلط راكبهم من الراس لاخر الاصبع الصغير) ويسامحني ويقول خلاص اذا قمت بكرا التميس والفول عليك اطمر جبهن من يوم يذن الفجر...مدري وشلون نطقت وقلت طيب منين اجيبه ... قال رح للبوابه الفوال يوصله لهم كل يوم ...
وما كذب هالدلخ خبر ..واطير بعد الصلاة للبوابه واقول لهم ... ما مركم راعي الفول ... والى يوم كعو يضحكون ...وقالو ستطعش ستطعش ... اثري الدلخ رقم ست طعش ... يا والله البلشه وش ازين بها اللي يحتري الفول الحين في الغرفه!!... طبعا كالعاده ...جزا ووقفه بالشموس.
المهم انواع الاستهبال بالكليه ... وكله على هالضعوف الجدد ... بس كله كوووووم ويم فاز المنتخب كوم ... يا ويح قلبي ذيك الليله كنا نايمين من التعب والكرف لعماتنا نهائي ...(ايه كود حنا اردى من الشغالات مغير مسح بسطاري ... رتب سريري .. حل واجبي ...وهلم جر) ...وما عندنا من الشيطان طاري ... والى يوم سمعنا المهابد والصياح والمراكض في العنابر ...!!!! .. يا ولد .. وش العلم .. والله وأجلد في فراشي اخاف ارفع راسي ويجازونن ... مير هيهااااااااات ..
جوك ويرفّسونا ويمعطون كنابلنا ... "يالله يا دلخ انت وياه ...قومو فاز المنتخب" ...يا ابوي وش دخلن(والله لو انه الهلال) خلني انام كود باتسر يطلع على واطس اشوف اهلي ...الحتسي ذا طبعا في بطني..(كان اخر يوم في النفاس)...
قالو قومو يالله سو لنا حفله !!! ... (عسى ماشر)
وكل واحد من نهائي عاد يبي يسوي فيها قدام ربعه ... وانواع الهبال اللي طلعوه من عيونا... اللي يقول يالله طقّ ... واللي يقول غني ... واللي يقول طب من فوق الدولاب ... واللي يقول أذن وأقم للصلاة وحنا الساعه وحده بالليل ...
بس اناالحبيب اللي معي اظرط من البشكه كلهم ... هذا طال عمرك قال تحزم وارقص مصري ... افا يا ذا العلم ...غير ..بدل ...عدل ... قال ماوالله تشوف امك باتسر الا ان تحزمت ورقصت .. والله واتحزم وعينك ما تشوف الا النور ... قمت ارقص ويقومون الشبيبه ينقطوني ... واللي يدعس الفلوس بصدري ... واللي يبقصن اذا جيت حوله ... وانا يا ويلي مغير هز يا وز... ولهان على تفغيص اميمتي
تحياتي
أبوماجد