<<< من أ نـــ ؟ ـــا >>> <<< من أ نـــ ؟ ـــا >>>

[<<< من أ نـ ؟ ـا >>>]

همتكم شباب

[المتميز]

مرحبا ...


نرحب بضيفنا أو ضيفتنا ونتمنى أنكم تقدرون تكشفون الشخصيه المجهوله للحلقه هذي ...

وطبعا نحب نذكركم بالشروط و نرجو من كل مشارك أن يراعي بعض الامور ...

1\ مدة الاستضافه أسبوع كامل في حال إكتشاف شخصية الضيف قبل الاسبوع يتم اختيار ضيف جديد والتنويه في الحلقه الجديده عن اسم مكتشف الضيف السابق ., وفي حال مرور الاسبوع وعدم اكتشافه يكون الضيف قد تغلب على الاعضاء ..

2\ تمنع أسئلة هل انت عضو أو عضوه وهل انت مشرف أو لا ... ل

3 \ يمنع مراسلة الضيف برسائل خاصه ..


علما بأن مكتشف الضيف السابق ( هاجس ) هو الاخت شمس الغنيه ...

وفي النهايه نتمنى اكتشاف الشخصيه المجهوله

[هاجس]

هلا بضيفنا الجديد :)



كيف الحال ؟؟


لو تكرمت تقول لنا متى اخر مباراه حظرتها للهلال ؟؟


وعدد ردودك اكثر من 1000؟


قد كتبت موضوع جاته ردود اكثر من 50 رد ؟؟



توقيعك تصميم والا فلاش ؟؟


حاط ايميلك في التوقيع ؟؟




بس هذا اللي عندي الحين وراجع لك بعدين


سي يو

[المتميز]

8
8
8
8

انت المفروض ماتسال :D :D :D

[هاجس]

لا يكثر


المهم عندي سؤال ثاني



يوزرك اول ما دخلت المنتدى هنا غيرته والا لا ؟؟



يوزرك من كم كلمه كلمه او كلمتين

[** { برنس الزعيم } **]

<p align=CENTER>:D اول مرة أسال (himo)

انا عندي سؤال واحد لو جابوت عليه عرفت منو انت ولو ما جاوبت عليه استعين بصديق لن الصديق عند الديق ياكل بطريق في الطريق :fghty:

سؤالي هو .......... ما هو اليوزر نيم لك داخل منتدى الهلال ........؟ :p

شفت كيف سؤال ذكي ما سالت عن اسمك الحقيقي لأنه خاص :jhgy:


سؤالي هوووووووو :confused:

ما هو اكثر منتدى مشاركه فيه في الشبكه وهل انت جوفنتساوي وهل تؤيد من يقول بان ديل بييرو ملك ايطاليا :love: :asno: :yes: :noo: </p>

[برستيج]

هاجس ..

راجع الخاص .. على شان اقول لك من هو .. :kayf:

وش بلاك مطفوق كذا انت وخشتك .. ياخي اثقل .. :amle:

وياخوفي تسال .. وغيرك هو اللي يفوز .. :D

[زعيم الهــــلال]

طيب انت عضو ولا عضوه :D ادمي ولا ادميه :D

ورع لا ورعه :angel:



انسان ولا حيوان (rambo) استغفر الله العظيم (himo)


يواد........

كم عدد مشاركتك فوق 1000؟؟؟ ولا1000

داج ولا داجه :D


اقول ياطيب ايش ايملك <<<<<<شفت الالقافه

دب ولا نحيف <<<<كرسي الاعتراف:angel:

يالله ياطيب رد علينا :angel:

[<<< من أ نـ ؟ ـا >>>]

لو تكرمت تقول لنا متى اخر مباراه حظرتها للهلال ؟؟

بصراحة هالسؤال بيكشف اليوزر عضو أو عضوه ما راح أجاوب

وعدد ردودك اكثر من 1000؟

أكثر من 500 وأقل من 5000 رد

قد كتبت موضوع جاته ردود اكثر من 50 رد ؟؟

يالييييييييييييييييييييييييت بس ممكن ليش لا

توقيعك تصميم والا فلاش ؟؟

متغير يعني مرة كذا ومرة كذا

حاط ايميلك في التوقيع ؟؟

هذا السؤال بيكشفني عضو أو عضوه

يوزرك اول ما دخلت المنتدى هنا غيرته والا لا ؟؟



يوزرك من كم كلمه كلمه او كلمتين

بصراحة ماأتوقع أني غيرته لكن هو كلمة وحده او كلمتين صراحة ما أدري

ما هو اكثر منتدى مشاركه فيه في الشبكه وهل انت جوفنتساوي وهل تؤيد من يقول بان ديل بييرو ملك ايطاليا

مشاركاتي أغلبها بمنتدى المدرج أما ملك إيطاليا أسئل عنها جمهور إيطاليا مو أنا أما انا فهلالي

باي

[هاجس]

حط كل الاجوبه ما ادري احسن لك صدقني




فيصل ياخي لو كل سؤال بقول ما ادري والله ما كشفتوني الا بعد قرن :)



شفتوا اني على نياتي يا الهواوي وبرستيج لاحظا الفرق بين اجوبتي واجوبته :D

تحياتي ،،

[هاجس]

بصراحة ماأتوقع أني غيرته لكن هو كلمة وحده او كلمتين صراحة ما أدري

لا وتبينا نكشفك:D

[المتميز]

8
8
8

اجل تقولي لايكثر ...

ياشين تبي تسوي ذيب وتكشف الضيف من اول ساعه بعدين انا قايلك في البدايه لاتجاوب على الاسئله اللي تكشفك مباشره وفهمتك بس ماش لاحياة لمن تنادي (rambo) (rambo)

[أبوحمـــ15ـــــــــــد]

سلام...

كاشفك كاشفك الله لا يعوق بشر...


السؤال الاول كيفك مع الفلاش؟؟ تفت ولالا؟
الثاني/مسجل في الشبكة من بداياتها؟؟؟يعني ايام ماكانت منتديات....



سلام..

[برستيج]

اقول يا من انا ..

وش هالجواب ..

بصراحة ماأتوقع أني غيرته لكن هو كلمة وحده او كلمتين صراحة ما أدري
فيه احد ما يدري يوزره من كلمه او كلمتين ..:confused: .. ياشين اللي يبي يتنكر بس ما يعرف .. :p


انت يالمدير ( المتميز ) ..

الاجابات مو المفروض تكون واضحه ؟؟


حبيبي هاجس ..

تعال نتمشى شوي .. لان صاحبنا الظاهر انه مطوووول .. :D

[<<< من أ نـ ؟ ـا >>>]

ياشباب اذا عرفتوني بتشوفون ان اليوزر ماهو واضح من اسم او اثنين وأنا قديم بالمنتدى وأعرف للفلاش بس ما أفت فيه يعني بسيطه معلوماتي

[هاجس]

ياشباب اذا عرفتوني بتشوفون ان اليوزر ماهو واضح من اسم او اثنين وأنا قديم بالمنتدى وأعرف للفلاش بس ما أفت فيه يعني بسيطه معلوماتي




!! الوعد لا كشفنا اجل بس شف لا صار اسمك واضح بنعتبر اللي كشفك هو هاجس:D




تحياتي ،،

[أبوحمـــ15ـــــــــــد]

طيب يوزرك بالانجليزي ولا العربي؟؟

ويوزرك فيه ارقام ولالا؟

[المتميز]

سلام ...

شباب ليش الاسئله كلها تتمحو حول اليوزر ..؟؟

أساسا فكرة اللعبه هي استدراج الضيف اللي يتخفى علشان يطلع باسلوبه الحقيقي وصيد زلاته وهذا اللي تقدرون تشوفونه في الحلقات الاولى واللى بدأ فيها الاخ برنس الزعيم صاحب الفكره الاصلي ...

اما الاسئله المباشره اعتقد بتكشف الضيف بسرعه ومافيها اي محاوله جاده من قبل الاخوان للكشف عن هوية الضيف وارجع اقول ان ذكاء الاخوان واستدراجهم للضيف هو اللي بيكشفه ولكن حصر الاسئله في ماهية اليوزر ( النيك نيم ) صعبه جدا على الضيف وبالنسبه للاخوان اللي يستصعبون القوانين بالعكس اعتقد هي سهله جدا خصوصا ان المده المحدده اسبوع كامل وهنا تكمن حلاوة اللعبه :) :)

[<<< من أ نـ ؟ ـا >>>]

الصراحة كلامك صحيح المتميز اليوزر يكشف الواحد بسرعه لكن يوزري عربي كامل

[** { برنس الزعيم } **]

<p align=CENTER>اخي الكريم المتميز

كلامك سليم 100% اذا كان المطلوب والهدف من اللعبة هو كشف اليوزر نيم فكيف نسأل المتسابق عليه فمن الممكن على من يشك في المتسابق يسال سؤال مباشر وليس عن اليوزر سواء سواء في العربي ام الانجليزي ارقام او احرف .... الخ

فارجوا وضع بند من بنود الشروط على ان لا يكون هناك سوال خاص باليوزر وعلى المتسابق حريه الاجابه عليه وليس مجبر عليه .

فالاسئلة كثيره ومتعددة لكشف هوية المتسابق وحلاوة اللعبة ان تطول وليس من اول يوم :asno:

:nrey: هناك سؤال ........ للمتسابق :nrey:


عندما يطلب منك احد الاعضاء ان تقول له انك عضو ولا عضوة او مشرف فهذا من حقه وسؤال طبيعي فلا وجود للهرب منه :lkj:

هيا جاوبني هل انت عضو اكيد عضو وقديم ولكن هل عدد مشاركاتك فوق ال2000 ..؟ :confused:

:noo: </p>

[ياسر عبدالعزيز]

اهلين:)

اممممممممممممممممممممممممممممممممممممممممم
مدري ترها الدعوه تخمين;)
اتوقع انك صقر النوادي:D

[الوصــال]

سلام

ياليييييييييييييل مااطولك ...:rolleyes:
اجل احد ماايعرف يوزره من كم كلمة متكون :confused:
طيب انتا ماجاوبت ولا على سؤااال يحدد لنا شوي اش شخصيتك :zael:
كله ((ماادري ...يمكن ...بيكشفني عضو/عضوة ....))
طيب كيف تبغانا نجمع معلووومات:slv:


طاااااااااااااااااااااااااااااايب
قد كتبت في العاااااااام ؟؟؟ ومتى اخر مرة كتبت...؟؟ مش رد لا ابغى.اخر موضوع كتبته
قد تسمممت من اكلاتي زماااااااااااااااااااااان :angel: ....
طططططططططيييييييييييييييب....
لو انك تكتب بالمدرج اش اخر موضوع او رد كتبته ؟؟؟
طيب .....لك لمساااات في منتدى التصاااميم؟؟؟


رااجعه ...

تحياااتي..

[أبوحمـــ15ـــــــــــد]

معليش دام معزبنا المتميز مايبي اسئلة عن اليوزرات اسحب اسئلتي...

بما انك في المدرج ابسألك عن الهلال..

وش رايك في مستوى الهلال؟؟؟

وش رايك في يوسف الثنيان:love:

وش رايك بسامي الجابر؟؟


لا احد يجيني يقول وش هالاسئلة اللي ميب يم سنع:D
لي اساليبي الخاصة(himo)

[الوحداني]

<p align=CENTER>يا شباب عرفت المجهول

هذا الطير3000

الدليل الأول
ياشباب اذا عرفتوني بتشوفون ان اليوزر ماهو واضح من اسم او اثنين
يعني من اسم ورقم

الدليل الثاني
وأنا قديم بالمنتدى
التسجيل » Jul 2002

الدليل الثالث
وأعرف للفلاش بس ما أفت فيه يعني بسيطه معلوماتي
الكل يعرف أن الطير في أغلب مباريات الهلال يضع التشكيلة بطريقة فلاشية

الدليل الرابع
أكثر من 500 وأقل من 5000 رد
الكاتب >> الطير3000
الرتبة >> هلالي مبدع
المشاركات >> 936

الدليل الخامس
مشاركاتي أغلبها بمنتدى المدرج أما ملك إيطاليا أسئل عنها جمهور إيطاليا مو أنا أما انا فهلالي
لم أرى الطير3000 في منتدى العالمية أبداً

الدليل السادس
أفت فيه
وهذه الكلمه من كلمات أهل الغربية والطير3000 من أهل جده
الدولة » جده</p>

[الوحداني]

<p align=CENTER>تعالوا هذا دليل سابع
الكل يعرف موضوعي المعتاد قبل اي مباراة لزعيمنا وهو (الهلالvs.......التشكيلة+
الحكام+القنوات الناقلة+التصاريح) الفلاشي.
ولذا قررت على عمل موقع هلالي مبسط يحتوي على هذه المعلومات قبل اي لقاء لزعيمنا انشالله
وهذا هو الموقع
http://members.lycos.co.uk/ab3000

وهذا دليل على كلامه
وأعرف للفلاش بس ما أفت فيه يعني بسيطه معلوماتي

خلاص يالمتميز
قفل على الموضوع
خلاص أنكشف المجهول
وبمجهود الوحداني;)

:mad: :mad: :mad: :mad: :mad:

تحياتي للجميع:noo: </p>

[<<< من أ نـ ؟ ـا >>>]

الوحداني غلط

ياسر عبدالعزيز وش الدليل ؟

الوصال المنتدى العام من زمان ماكتبت فيه او رديت فيه اما الجمهور ما انقطع عنه يعني تقريبا يوميا موجود هناك وأرد وأكتب مواضيع أما منتدى التصاميم ما كتبت فيه ولا مرة

أبو أحمد الهلال يقدم مستوى بفضل الله ثم النجوم يعني إجتهادات والله يستر من الجاي أما الثنيان وسامي فهم من أساطرة الكرة العربية والآسيوية

[أبوحمـــ15ـــــــــــد]

ادارة المنتدى الله لايهينكم غيروا اسمي لابو احمد ميب طريقه هذي كلً يسميني ابو احمد:slv: :slv: :slv:

مااسهبت يامن انا في الكلام عن يوسف وسامي؟

[الوحداني]

<p align=CENTER>شباب أجل المجهول واحد من هذه الأسماء

ملك التسحيب 15, abadi15, مالها الى هلالها, أبوحمـــ15ـــــــــــد, almftres, مهبول ابو يعقوب, المثلث الازرق, المتميز, المرعب2, الأســــــــــــــير, الذئب الأزرق, التمياط نت, الباش مهندس يوسف 15, الشاخط, السندباد الازرق, العالمي, الفارس الأزرق, الورنتل, الوصــال, القهر, ابونواف, اسير الاحزان, اوين, بدر, fattoh2002, nawras, سم .. سم ... فؤادي, سابق و لاحق, سيد الملاعب, سعد الهلالي, زعيم الهــــلال, شـلـهـوبـي10, عاشق الذيب, عاشق شبكة الهلال, فتى الذهب, هلال العز, هلال نجد, هلالي بحراني, هلالي تنومة, هلالي دابل تسبودنا, هلالي شقراوي, هلالي عين بن فهيد, هاجس, واثـــق, وحيد الجزيرة, طلال, طلال الحربي, طيف

لأنه خرج من يوزره ودخل بيوزر <<< من أ نـــ ؟ ـــا >>> على السريع

وبعدين رجع ليوزره <<<< أحلى دليل :D :D :D

وراح أحدد

اليوزر واحد من هذه الأسماء
المتميز, الوصــال, أبوحمـــ15ـــــــــــد, زعيم الهــــلال, ابونواف, طلال الحربي, almftre
وهو زعيم الهلال ما غيره

لا تنكر
أعترف بسرعه

الدليل
أفت فيه
وهذه الكلمه من كلمات أهل الغربية وزعيم الهلال من أهل مكة
الدولة » مكة المكرمة

التسجيل » May 2002
هذا دليل على قوله وأنا قديم بالمنتدى

المشاركات » 3195
وهذا دليل على قوله أكثر من 500 وأقل من 5000 رد

الحالة » متصل
خرج من يوزره ودخل بيوزر <<< من أ نـــ ؟ ـــا >>> على السريع وبعدين رجع ليوزره
صح وإلا لا يا زعيم الهلال;)</p>

[Prince of the Stadiums]

يالله هذي المشاركة الأولى لي بجميع شخصيات <<< من أ نـــ ؟ ـــا >>> :D :D
وشرايك بالصورة حقت داااج اللي حطها الأسطورة بالمدرج الهلالي منذ فترة
ووش رايك بالعضو طلال الحربي:kany: ؟
متى مباراة الهلال الجاية ؟
وشرايك بزيارة شبكة الهلال لوالد الهلالييـــــن عبدالرحمن بن سعيد؟

تحياتي .. لــك
ولازم تجاوب على الأسئلة السابقة كلها وأبجيب خبرك:cool:

[شابع بطولات]

مممممم مدري بس اتوقع ابو حمد (himo) (himo)

لا تقول لي جب دليل بس توقع من انا هو ابو حمد :fghty: موب ابو احمد لا تزعل ;)

[أبوحمـــ15ـــــــــــد]

ينصر دينك ياشابع بطولات...

اخيرا لقيت من يناديني بابوحمد:kany:




بس موب انا من انا<<<<هذا بحد ذاته لغز:D

[يوسف]

هلا بالداجين والداجات:magkiss:
هلا من انت او انتي
<p align=CENTER>استلم هالاسئله انت وخشك:
* وش رايك باددموس الغبي:jeng:
* انت من سكان السعوديه والا من خارج السعوديه واذا بالسعوديه وين باي ديره:kayf:
* طيب وش رايك بهنري(himo) <<هالسؤال مهوب من فراااغ لاني شااك بوااحد شك مهوب طبيعي والا اقول ترى هاللي شااك به هو شابع بطولات مشاركاته وصلت(515)وبعد بعد سؤاله عن ديل بيروا قال اسال عنه اهل ايطاليا وهو برد له قبل فتره بمنتدى الرياضه العالميه قال تراني مااتابعهم وااجد يقصد الدوري في الدول الاوربيه(himo)
وبعد عنده معلومات بسيطه عن الفلاش وهالاشياء لان السعلو يعرف لهذي الاشياء واكيد علمه لانه يقرب له(himo)
وشاابع اغلب وقته بالمدرج قليل جدا يدخل للعام او الساخر;)
وبعد سؤاله عن قد وصل لاحد مواضيعه لاكثر من 50رد قالي ياليييت بس ممكن فهذي صحيحه ففي وااحد من مواضيعه بالمنتدى العاام قبل فتره حليله نزله هو وخشته يستهبل يبي يخليه شاات وصاار شاات ووصلناا الردوود لحوول 200رد واكثر والله:kany:

خلاص يسد شااابع توصي شي ثاااني:noo: </p>
:magkiss: بااي:yes:

[أبوحمـــ15ـــــــــــد]

اضافة لداج:


من انا يقول انه دايم في المدرج...
ولو نشوف الغالي شابع بطولات اليوم مضيف 3 ردود في الساخر في موضوع منبع الثلج وموضوع الصورة لمدرعم وفي هالموضوع

:: كتبت في اليوم عند الساعة 06:22

:: كتبت في اليوم عند الساعة 06:23

:: كتبت في اليوم عند الساعة 19:40

كل هذي لشابع بطولات:)

سبحان الله شابع بطولات نعرف دايم انه في المدرج وش طرى عليه ودخل للساخر؟؟؟؟
(himo)

بعبارة ثانية وش جابه للساخر؟؟؟ جابه المشرف اللي قال له نبيك تصير ((من انا)):)

اعتقد كل شي وضح:)

[الكاسر888]

سلام

وش رايك في سامي الجابر؟

وش رايك في ماجد عبدالله؟

وش رايك في نجوى كرم؟

وش افضل قماش للمريول؟

وش رايك بالفنانه اليسا؟

تعرف تطبخ؟

مواصفات شريك حياتك؟

هل سامي هو الهلال؟

اخيرا هل تشرب شاهي الضيافه بعد كل بطولة هلاليه حتى تهضم;)

[<<< من أ نـ ؟ ـا >>>]

ياساتر كل هذي أسئله
ابو حمد معليش اسف أما يوسف هو لاعب خرافي بصراحة ولم تنجب الملاعب مثله أما سامي فهو علامة الهلال البارزة وله الفضل بعد الله في أغلب بطولات الهلال في السنوات الأخيره
الوحداني مرة ثانية غلط
طلال الحربي صورة داج بصراحة مرعبه ، أما طلال الحربي عضو متألق أما مباراة الهلال الجاية إن الله راد يوم 1 - 1 - 1424هـ ضد الزوراء العراقي وزيارة شبكة الهلالين للشيخ بن سعيد غير مستغربه على شبكة الهلال
شابع بطولات غلط توقعك
داج رأيي بأديموس الغبي <--- تعليقك يكفي ، وأنا من السعودية ، ورأيي بهنري أنه قنبلة كروية غير طبيعية ، لكن توقعك أن شابع بطولات غلط
ابو حمد غلط بعد
الكاسر رأيي في سامي قلته قبل أما رأيي في ماجد أنه لاعب خدمه الحظ والصدفه والثنيان ، أما رأيي عن نجوى كرم مثل رأيي عن أصاله وكلهم فنانات متألقات ، قماش المريول أمتنع عن الإجابة علشان ماينكشف أنا عضو او عضوه ، أما رأيي بأليسا صوتها حلو لكن طلتها ماني مقتنع فيها ، أما أعرف أطبخ ومواصفات شريك حياتي متنع عن الإجابة علشان ما أكشف انا عضو أو عضوه ، أما أن سامي هو الهلال فالإجابة لا الهلال هو الهلال وسامي هو سامي .

[يوسف]

ابو حمد
وين راااح خويناا من اناا اخبره رد قبل ارد وعقب ردي كاان شاابع موجود بالمنتدى بعد وراد قبلي بكم دقيقه يعني وش الساالفه(rambo)

[يوسف]

افاااا:yuupy:
يعني ماطلع شاابع
طيب نبي نفكر من جديد ونرجع لك يامن انت:req:

[هاجس]

اخر مره شفت البحر على الطبيعه متى ؟؟

[<<< من أ نـ ؟ ـا >>>]

البحر من زمان ماشفته يعني ما أذكر متى آخر مرة بس ترى ممكن أكون ساكن في منطقة على البحر بس ما أروح له وممكن أكون بعيد عنه أصلا

[يوسف]

<p align=CENTER>أما مباراة الهلال الجاية إن الله راد يوم 1 - 1 - 1424ه
يااقدمك يامن انت وين 1424:D بعد كم يووم السنه الجديده واول يوم فيها مباراه هلاالناا 1/1/1425هـــ;)

طيب نبي نااصل لشي جديد كذا مهنى شي يسوى:req:
خذ هالاسئله:

* هل استضافك الكاسر888 بكرسي الاعتراف؟؟
* منه لاعبك المفضل هلاالياا:mad:
* وش يعني لك عقب تسحيبااته لبعض الاعضاء بصراحه:angel:
* منه اكثر عضو ترد على مواضيعه ووش السبب:kayf:
* وش رايك بعبدالله الجمعان جاوب بصراحه:fghty: <<مادري كن هالسؤال فيه ان واخواتها:confused:
* كم تاريخ تسجيلك بالمنتدى منه اول انااا والا انت<<بعد يخطط على وااحد ثااني:rolleyes:
* يقال مدرعم شيخ المحششيين فانت وش رايك وهل لك علاقه بسوالف مدرعم وخراببيطه والا مالك علاقه نهائيا:jhgy:

رد والجزء الثاني من الاسئله بالطريق:o </p>

[عززوووز2006]

طيب عندي سؤال:)

تحت اسم يوزرك الاصلي حاط صوره ولا لا ؟؟

[صقر النوادي]

اممممممممممممممممممممممممممممممممممممممممم
مدري ترها الدعوه تخمين
اتوقع انك صقر النوادي

وش عنده راعي البران والمقناص مسوي ذيب :D
والله انك من جمبها ماغير تدربي هالراس على غير سنع :D (himo)

[Prince of the Stadiums]

كيف حالــك أخوي هلالي تنومـــــــة:fghty:
لاتقول لا جبت خبــرك:kany:

[هاجس]

يعني محنا عارفين عنك ولاشيء وشلون تبينا نعرفك ؟؟


شباب شوفوا هالجواب والله عاجبني :D

البحر من زمان ماشفته يعني ما أذكر متى آخر مرة بس ترى ممكن أكون ساكن في منطقة على البحر بس ما أروح له وممكن أكون بعيد عنه أصلا

الله يهديك وراك ما قلت ان هالجواب بيكشفك انك عضو والا عضوه:D



طيب طيب طيب خذ هالاسئله

اخر دوله سافرت لها ؟؟

هل يوزرك فيه مد ؟؟


هل شاركت في الردود ضمن هالموضوع ؟؟


هل كيف ناوي تجاوب على اسئلتي ؟ والا بتقول امتنع كالعاده:D




تحياتي ،،

[أبوحمـــ15ـــــــــــد]

داج ورا مانروح لموضوع الرسايل بس:D الظاهر من انا بيعصلق:D على قولة المصريين معنا لذلك ريح بالك ودبر لك كم نكتة فيما اشوف لي كم نكتة انزلها في الموضوع:)

[زعيم الهــــلال]

تصدق يا المتميز انت على المدرعم اختياركم لأنا اختيار فاشل :jeng: مثل وجيهكم (rambo) اول شيء (( من انا)) مايرد علينا بسرعه

ثاني شيء عنيد مره مايجوب على اسئلة الاعضاء كلها


ثالث شيء تحسه خبل مدري ليه ....:jhgy:


هاجس<<<<<<بعد التعديل :angel:

[.•:*¨`*:•. بنت ملكـعه .•:*¨`*:•.]

امممممممممممممممم
اممممممممممممممممم


اممممممممممممممممم

هل انت انس ولا جن..؟؟

هل انت متزوج زلا عانس؟؟
هل تعتقد ان الحياه بدون مويه تسوى ولا لا؟؟

[almftres]

انا أقول أنه برستيج

[يوسف]

<p align=CENTER>والله على قولتك يابو حمد شكل هالمن اناا يتمنن عليناا كل اجاباته مادري ويمكن وذا بيحدد انا عضو والا عضوه:zael:
والمشرفين ماقالوا له شي مثل هاجس ذاك اليوم مدرعم طب ببطنه وقال له مهوب انت اللي تقوله ممنوعه والا مهب ممنوعه..
يعني تتوقع ابو حمد هالمن اناا يكون من حموله المشرفين علشان كذا ساكتين عليه:req:

وترى اناا ماعندي مانع نروح لموضوع الرسايل الين يجي من انا جديد(himo)
وتراني مجهز لك نكتتين يحبهن قلبك يالله عجل علي:fghty: </p>

[المتميز]

8
8
8

داج وشلونك ..؟؟

ياخوي اسئلة اليوزر مامنعناها بس انا حطيت وجهة نظري علشان مايخرب الموضوع ورح قارن بين الاسئله في الحلقات الاولى والان كيف تغيرت الاسئله وبرنس الزعيم يقول المفروض مانمنع سؤال مشرف او عضو وهل انت عضو او عضوه ... طيب كم عدد العضوات هنا وكم عدد المشرفين يعني اعتقد هالاجابه بتختصر العدد من ثمانية الاف شخص الى حوالي 15 شخص وفيه اسئله مثل كذا تضيق على الضيف كثير ...

وبعدين ياخوي لاتلومونه عقب فضيحة هاجس التاريخيه خاف الرجال نقطع فيه مثل هويجس :D :D

بس علشان ماتزعل الضيف هذا والضيوف اللي بعده مع تقدم كل يوم لازم تكون اجاباته اكثر دقه وياجماعه لاتلومونا الضيف توه جاي شوفوا الاسئله والله اغلبها يفضح الضيف خلال نص ساعه , انا حرصي على الموضوع لانه لو انكشف الضيف خلال فتره بسيطه بيكون فيه ملل من الموضوع ;)

ولنفرض ياداج انك ضيف وجاك اسئله كالتالي من اول مشترك ....

1\ هل عدد مشاركاتك فوق 5000 ؟

2\ هل استضافك الكاسر ويوزرك من كم حرف ؟؟

بهالسؤالين واجوبتهم ابعرفك خلال خمس ثواني ;) ;)

تحياتي .

[<<< من أ نـ ؟ ـا >>>]

معليش تأخرت عليكم
هاجس ولاتزعل خلاص أنا ساكن في مدينه على البحر
داج لاعبي المفضل هلاليا سامي الجابر ، صراحة انا أرد على الكل يعني ما أدرعلى سخص محدد ، رأيي أن عبدالله الجمعان لو أهتم بنفسه بيصير أفضل لاعب آسيوي ، تسجيلي بالمنتدى قديم ، وبالعكس سوالف مدرعم أحبها
عزوز ايه تحت اسمي صورة
طلال الحربي غلط
هاجس آخر دولة كانت مصر ، أما حكاية أني شاركت بالردود أو لا هذي ما راح أجاوب عليها ، وأنا ما أمتنع أبد أنا بجاوب على كل سؤال
زعيم الهلال شكرا لك على كلامك
بنت ملكعه أنا أنس من فصيلة الجن ، وطبعاً الحياه بدون موية ما تسوى
المفترس غلط
المتميز كلامك سليم

[يوسف]

المتمييييز

والله اناا بخير الحمد لله:)
الا انت وشلون عسااك طيب؟؟

اناا معك به اسئله مالهاا داعي مثل مشاركاتك اقل من كم<<هو اللي بيتوهق من هاتلسؤال لو صار بيوم من الايااام ضيف:rolleyes:

ولا تخاااف ابنشب بحلق هالضيف اليييين نعرفه ان شاء الله بس قل له يجااوب مهوب يقول لناا ذا السؤال بيفضحن انا عضو الا عضوه:D
بس اخااف انه عضوه وحناا ندور بالاعضاء من امس:yuupy:

[يوسف]

<p align=CENTER>والله الشك وصل لــ
الرهييييييييب
اعتقد عنده خلفيه بالفلااش بس ماقد شفت له موضوع بمنتدى التصاميم:rolleyes:
وهو من سكان الشرقيه يعني فيها بحر;)
ومشاركاته اغلبهااا اذا مهب كلهاا الا كم مشاركه بالمدرج:kany:
مشاركاته قليله بالعالميه يعني ممكن مايهتم فيهاا وااجد بس هو يشجع ميلان يعني مايواطن اليوفي مثل ماساله اعتقد برنس الزعيم:confused:
وهو مثلي مايواطن الغبي اددموس:jeng:
وولاعب الرهيب الاول هو ساامي اذا ماكنت غلطان:rolleyes:
مشاركات الرهيييب فووق(2100مشاركه) ومن اناا مابين 500-5000:fghty:
وتحت اسمه صوره حسين العلي:yes:

مادري بااقي شي ثااني:req:
قل لي كلاامي صح والا اشوف لي شي جديد:rolleyes: </p>

[زعيم الهــــلال]

اعتقد انها عضوه والله علم :D

[هاجس]

لو انكشفت اليوم اعتبر نفسك انك انكشفت اول خمس دقايق :D لان الايام اللي راحت احس ان كل الاسئله صارت مثل

هل عندك عينين ؟؟ وهل عندك خشم ؟؟ :D :D




المهم ما علينا :D

نجي للجد

في حرف من حروف يوزرك مكرر ؟؟(السؤال لك يا داج حاول تستفيد منه اذا جاوب مع اني متوقع بيقول ما ادري )


قد شاركت في منتدى الملاحظات ؟؟ رح سو بحث وشف نبي جاوب اكيد لاتقول ما ادري



جاكم عج خلال الاسبوع الماضي في مدينتك اللي على البحر ؟؟



انتظر اجابتك :)

[<<< من أ نـ ؟ ـا >>>]

داج غلط
زعيم الهلال المتميز يقول مافيه أسئلة عضو أو عضوة
هاجس المتميز يقول مافيه أسئلة عن اليوزر ، منتدى الملاحظات ما كتبت ولا موضوع فيه نهائيا ، أما العج دائماً المدن اللي على البحر يجيها عج وهواء ومدينتي منها

[هاجس]

شف السؤال واقراه مره ومرتين وسبع مرات وست وثلاثين مره



قد شاركت في منتدى الملاحظات ؟؟ رح سو بحث وشف نبي جاوب اكيد لاتقول ما ادري


لاحظ كلمة قد شاركت :) انا ما اقول قد كتبت موضوع :)






ابشر ما راح نسالك عن يوزرك :)



ننتظرك يا بعدي

[<<< من أ نـ ؟ ـا >>>]

هاجس معليه فهمي ضعيف أيه شاركت أكيد لأني من القديمين بالشبكة

[أبوحمـــ15ـــــــــــد]

الله اعلم اني عرفته...

س/انت معروف في المنتدى بأسمك الحقيقي؟؟؟

س/وش رايك في مسلسلات رمضان الكويتية؟؟؟وخاصة ياخوي ومن اعجبك فيها؟؟

س/وش رايك في مشكلة الوظايف؟؟؟

س/مدينتك اللي فيها بحر:) هي مدينتك اللي ترجع لها؟؟؟

س/وش رايك في توتي وديل بييرو ومن هو الافضل؟؟؟

س/ رايك في ريال مدريد؟؟

س/ مطربك المفضل ومطربتك المفضلة؟؟
طيب اخر سؤال..

ليش يوم قال ياسر عبدالعزيز انك صقر النوادي قلت وش الدليل؟ والباقين قلت لهم على طول غلط؟؟

[<<< من أ نـ ؟ ـا >>>]

ابو حمد السؤال الاول أمتنع عنه لأنه بيكشف إذا عضو أو عضوه ، أما المسلسل بصراحة ما تابعتها ، مشكلة الوظايف في كل مكان بالعالم خلاص ، المدينة لا ما أرجع لها ، توتي ودل بييرو أهل إيطاليا أعرف بهم لكن أنا أفضل توتي ، أما ريال مدريد فيكفي أنه هو الفريق الملكي وهذا يكفيك ، لأن كل واحد قال توقعه كان معه أسباب وياسر عبدالعزيز ماجاب دليل ولا شيء

[هاجس]

عمليات البحث جاريه الان

[أبوحمـــ15ـــــــــــد]

ممكن يكون ســ9ــامـــ9ــي مشرفنا سفر المرزوقي؟؟؟

اولا يفضل توتي على ديل بييرو

ثانيا ساكن في ديرة فيها بحر ولا يرجع لها

ثالثا شارك في الملاحظات بس ماكتب فيها مواضيع ((ماعمرنا شفنا مشرف يكتب في منتدى الملاحظات موضوع))

رابعا نجمه المفضل سامي الجابر

خامسا قديم في الشبكة

مالها الا سفر(himo)

[هاجس]

ابو حمد حبيبي تراه غلط



يقول انه ما قد شارك في منتدى التصاميم ومنتدى التصاميم سفر له موضوع هناك باسمه :)



حاول مرة اخرى


مدري احس ان العضو مهب معروف لنا ولا يشارك في من انا دايم ..




ابو حمد هات ماسنجرك خل اقولك اخر تطورات عمليات البحث :D

[هاجس]

قد شاركت في منتدى التصاميم ؟؟


قد كتبت موضوع في منتدى الساخر ؟؟

[الوحداني]

<p align=CENTER>عرفتك يا أبوحمـــ15ـــــــــــد :ignor: <<< أقصد <<< من أ نـــ ؟ ـــا >>>


يوزر أبوحمـــ15ـــــــــــد
كتبت في اليوم عند الساعة 17:27

يوزر <<< من أ نـــ ؟ ـــا >>>
كتبت في اليوم عند الساعة 17:43



يوزر <<< من أ نـــ ؟ ـــا >>>
كتبت في الأمس عند الساعة 19:18

يوزر أبوحمـــ15ـــــــــــد
كتبت في الأمس عند الساعة 19:24



صح وإلا لا يا <<< من أ نـــ ؟ ـــا >>> أقصد أبوحمـــ15ـــــــــــد:D

ترى هذه المره الثالثة أتوقع
وأتوقع أن الثاثة ثابتة:fghty:

وإذا مو أبوحمـــ15ـــــــــــد أشك في هالدجه داااااااااااااج :amle:

تحياتي:noo: </p>

[<<< من أ نـ ؟ ـا >>>]

أبو حمد عشرة على عشرة :D :D :D ...

خلاص يالله وخروا عن وجهي :nrey: :nrey: ...

وياهاجس ما عمري كتبت بالتصاميم أبد يمكن موضوع منقول وأنا ما أدري عنه :angel: ...

ولكم تحياتي ...

أخوكم / سفر المرزوقي .

[يوسف]

<p align=CENTER>افااااا
طلع سفرووت هو وخشته:eek:
حركاات انت وخشك بس حوول هااجس يعني اربع وعشرين سااعه:p

وترى بوااحد من الردود قلت اشك انه من حموله المشرفين بس رااح عن بالي ان سفروت هالحييين صاار بجده:rolleyes:

ابو حمد رميه من غير راامي:angel: </p>

[يوسف]

<p align=CENTER>سفففففففففر تعااال انت وخشك:amle:
الحين انت وخشك تقوووول مالك ولا موضوع بمنتدى التصااميم وهالموضوع مييين كااتبه لك بمنتدى التصاامييم انت وخشك:jhgy:

http://www.alhilalclub.com/vb/showthread.php?s=&threadid=1647

وين سفروت:p </p>

[<<< من أ نـ ؟ ـا >>>]

يا داج والله يمكن منقول هناك أنا ما كتبت أبد هناك ;) ...

[أبوحمـــ15ـــــــــــد]

هاجس شف تلقى تحت صورة سعد مبارك ايميل تراه لي:D

داج... ياحبيبي مرتين وتقول لي رمية من غير رامي(himo)

:kany:

[يوسف]

طيب المفرووض يووم ينقلوون موضوعك للتصااميم يرسلون لك رساله يقولون لك ترى موضوعك هذا مكانه الاصلي والا وش رايك:req:
اناا اخبر مره نزلت موضوع بالمنتدى العام لعبه جتني رساله تقول موضوعك هذا مكانه منتدى المحذوفات مهوب المنتدى العام:kany:
والا العمر سفروت له دووور يمكنك منزله بالتصاميم بس نااسي وين انت منزله:kayf:
بس هالمره مساامحينك الا اذا هااجس بيجي الحيين وينشب بحلقك فهذا من ابسط حقوقه:fghty:



يابو حمد وسع صدرك كلهن رميه من غير رامي عياش:p
بس شف موضوع برنس الزعييم اصرف لناا(himo)

[أبوحمـــ15ـــــــــــد]

الوعد من انا الجاي(himo)

جايك في النكت بس اصبر:)

بس عندي سؤال لسفر وش القصة ماتعرف اسمك هو كلمتين ولا كلمة وحده:D

[هاجس]

اللي سماك ارنوب ما كذب



والله اني مفكر فيك بس سويت بحث لمنتدى التصاميم شفت لك موضوع حقت بطاقه المتميز وهونت



ياخي مشرف سو بحث وتاكد ترا البحث ببلاش




حلوه اجوبه ما ادري



اجل اسم سامي ما تدري هو كلمه والا كلمتين ؟؟ تكفى سفر اكتب لنا اسم اللي درسك نحو والله نقدم فيه شكوى


من شفت المتميز يدافع عنك وانا شااااااك والله :D




تحياتي ،،

[الكاسر888]

اجل صادوك يالمشرف المعتق


افا بس يالشايب وشكرا لك

شان ماتقول وراه ماتشكر الشايب

ومو شكرا للمدرعم ولمتميز

[عنيـــــد]

والله و صادوك خالي سفر :D :D

بس ما شاء الله مهوب بعيد من البطل هاجس :D :D

[المتميز]

جابوك ياسفروت ...

مبروك ابو ااااحمد

<==== يبي يقهرك يابو حمد :D :D

هاجوس من يوم استضفناك وانت ضاربه فيوزاتك مدري ليش (rambo) (rambo)

من شفت المتميز يدافع عنك وانا شااااااك والله

حبيبي اني مع احد ضد احد انا كل همي استمرارية اللعبه ونجاحها وماراح اتحيز لاحد ابدا وانت استضفناك واعتقد تعاملي معك نفس التعامل مع سفر :)

تحياتي .

[أبوحمـــ15ـــــــــــد]

مبروك ابو ااااحمد
:slv: :slv: :slv:

المهم هذا رقم الحساب 3465655456 ماعصرنا مخنا ببلاش<<<بتجوز لداج:D

[** { برنس الزعيم } **]

<p align=CENTER>:D صادووووووووووووووووه :D


:nrey: اخوي المتميز

عندي طلب

ياريت يكون من ياخذ اليوزر نيم للعضو الجديد يضع رقم الحلقه او رقم الموضوع الان اعتقد سفروت رقم 9 والقادم رقم 10 فارجوا ان يكون اسم الموضوع القادم هكذا ...

<<< من أ نـــ ؟ ـــا >>> 10 <<< من أ نـــ ؟ ـــا >>>

وللجميع الشكر والتقدير :noo: </p>

[يوسف]

ابو احمد
المهم هذا رقم الحساب 3465655456 ماعصرنا مخنا ببلاش
خخخخخخخخ
قاايل من متى انتم يالشقراويه تسوون شي ببلاااش كلش كم تدفع وكلش هاات:p


برنس مهوب لازم احط العنواان
<<< من أ نـــ ؟ ـــا >>> 10 <<< من أ نـــ ؟ ـــا >>>
:ignor: ابد مافضح عمره:ignor:

[<<< من أ نـ ؟ ـا >>>]

ياشباب الله يهديكم موضوع البطاقة كان قبل حتى يكون فيه شيء إسمه منتدى التصاميم ;) ;) ;) ...

وبعدين شوفو اليوزر مقسم كيف ســ9ــامــ9ــي ;) ;) ...

كأنه تقاطع التحلية مع التخصصي :D ...

ولكم تحياتي ...

أخوكم / سفر المرزوقي .

[** { برنس الزعيم } **]

<p align=CENTER>:nrey: داج :nrey:

<<< من أ نـــ ؟ ـــا >>> 10 <<< من أ نـــ ؟ ـــا >>>

انا قصدت بالعنوان وعلى سبيل المثال : -

العضو الماضي كان لا بد ان يكون هذا عنوان الموضوع

<<< من أ نـــ ؟ ـــا >>> 9 <<< من أ نـــ ؟ ـــا >>>

وسفر هذا العنوان

<<< من أ نـــ ؟ ـــا >>> 10 <<< من أ نـــ ؟ ـــا >>>

والقادم هذا عنوانه

<<< من أ نـــ ؟ ـــا >>> 11 <<< من أ نـــ ؟ ـــا >>>

وهكذااا ان يكون رقم الحلقه وليس العمر :p

او يمكن الاختصار بوضع الرقم هكذا

<<< مــ ؟ ـــن أ نـــ 10 ـــا >>>

<<< تحياتي سنفور مفكر :noo: </p>

[المتميز]

8
8
8

اقول يالاخو شكل اليوزر جازلك وبتستمر عليه وبتنسى يوزرك المخيس :D :D :D

والله بيني وبينك كنت خايف وانت تجاوب قبل لايكشفك ابو ااااحمد ( انقهر يابو حمد) انك تحط مع تحيات اخوكم سفر المرزوقي وتكب العفش كله ...

عالعموم عنديلك اقتراح بدال ماكل ماحطيت رد تزعجنا باسمك كله واسم خوالك والحموله كلهم حط مع تحيات ابو ريان وفكنا :angel: :angel:

[** { برنس الزعيم } **]

<p align=CENTER>8
8
8
:D
:angel:
(rambo)

طبعا الكلام الى من انا وليس لي وعلى ما يبدو اننا ردنا على الموضوع كان في نفس الدقيقه ولكن سبقتك بثواني :p

سلاماااااا :noo: ااااات</p>

[يوسف]

<p align=CENTER>8
8
8
خلااص برنس العنواان اللي ماتلقى في رقم الحلقه اعرف انه لي(himo)
وبعدي سفروت معجبه هاليوزر ماغير يرد به مادري وش سالفته:req: </p>

[.•:*¨`*:•. بنت ملكـعه .•:*¨`*:•.]

يؤ


تصدقون كنت متوقعه انه المتميز:angel: :angel:

<<<احلفي..خخخخخخخخخخ


:noo:

[9smsm9]

إلا أقول الموضوع هذا كل كم يوم :req: ,,, علشان نعرف نشارك فيه .............

[يوسف]

<p align=CENTER>8
8
8

هذا الموضوع ماله وقت محدد بس توقع هاليومين ينزل الجديد وعااد نبي تشد حيلك معنااا سمسم وخل هالشقراوي ابو احمد:p اللي رماهاا وهو مايدري وش السالفه فطلع توقعه صح يلعب على نفسه:kayf:
يالله نشوووفك بالحلقه القاادمه في من اناا بس عااد سمسم مهوب تقطع بالساخر الا شارك باستمرار;) </p>

[أبوحمـــ15ـــــــــــد]

^
^
^
^
ياكايدهم يالشقراوي:angel: :cool:

[يوسف]

8
8
8

على ايش كايدناا:o
قلتهاا لك رميه من غير راامي:angel:
يااحبي لك يالشقراوي مثل بااقي الشقراويين:magkiss:

[** { برنس الزعيم } **]

الرسالة الأصلية كتبت بواسطة داج
<p align=CENTER>8
8
8

هذا الموضوع ماله وقت محدد بس توقع هاليومين ينزل الجديد وعااد نبي تشد حيلك معنااا سمسم وخل هالشقراوي ابو احمد:p اللي رماهاا وهو مايدري وش السالفه فطلع توقعه صح يلعب على نفسه:kayf:
يالله نشوووفك بالحلقه القاادمه في من اناا بس عااد سمسم مهوب تقطع بالساخر الا شارك باستمرار;) </p>

:zael: الرجال قال مليون مره اسمه ابو حمد للحين تنادونه ابو احمد :zael:

يعطيك العافيه ابو أأأأأأ حمد :p
:noo:

[أبوحمـــ15ـــــــــــد]

قلتهاا لك رميه من غير راامي

وش قالوا لك قصيمي:angel:

يااحبي لك يالشقراوي مثل بااقي الشقراويين

مي تو;)

[يوسف]

ماعليناا برنس هو اسمه ابو ااااحمد وش بيضرناا لو قلناا له ابو حمد والا ابو احمد:kayf:
والا اش راايك يابو اااحمد:magkiss:


وش قالوا لك قصيمي
لو انك قصيمي كااان علوووم ثااانيه بس شقراوي لا تدفع ولا يحزنون ماغير هااات واديناا وين جالس انت وخشك عند باب مسجد:jhgy:
:magkiss: