معاناة .. عضو في المنتدى .. يحتاج لارائكم ..؟؟؟؟؟

[هاوي الهلال]

مساء الخير عليكم جميعا ... اخواني واخواتي ...


موضوعي .. عن احد اعضاء هالمنتدى الغاليين علي مرررررررره ..
وعنده معاناه .. ولااهو .. قادر يحلها ...
وهو فعلا محتاج .. لكل نصيحه .. تفيده في ... موضوعه ..
فقال مافي ... الا انه يستشير ... اخوانه في هالمنتندى ...
ولسوء حظي اختارني انا اللي اطرح الموضوع :(

انا بقولكم الحين وشهي المعاناه ..

بس من الحين .. لايجي احد يقول .. انه انا ... :mad:
انا الحمد لله ماعندي اي معاناة هاليومين .. بالعكس مبسوط ..



المهم لا اطول عليكم واقولكنم معاناة الاخ الغالي (..............) :D ماراح اقول اسمه :ignor:

بصراحه ماادري من وين ابدأ ....
لكن ... باختصار .. هالشخص ... تعرف على وحده ....
بدأ معها .. كصداقه ..
وتطور الموضوع لتعلق ..
فحب ...

اصبحت هي بالنسبه له ... المستقبل .. والامل ... والحلم ..
ينتظر اللحظه .. اللي يجمعهم بيت واحد ..
لقى فيها كل مايتمناه ..
ويكفي .. انها تحبه ..
وصعب في هالوقت ان الواحد يلقى انسانه تحبه ...


اما هي ...
كلمة محبه قليله ... لو حبت توصف شعورها نحوه ..
صار بالنسبه لها دنيتها ...
تغار عليه ... من نسمة الهواء ..
بالعربي ...(تموت فييييه)

والاهم من كل هذا ..
انهم مؤمنين ان .. تتويج لاي حب ... لازم يكون الزواج ..
وكان هذا هو هدفهم هم الاثنين ..


بعني .... هدفهم الزواج ...

يحبها + تحبه = بيت .. واسره .. واطفال .. :)


لكن في شئ يمنع هالمعادله انها تتحقق ...

العادات والتقاليد ....


عادات .. اهله ... انه مايتزوج ... من خارج العائله ... وحتى لو حصل ... غير مسموح الا بعائلات معينه قريبه منهم ..

هذي هي معاناته .. ومعاناتها ..

العادات .. والتقاليد وقفت بينهم ..

وقفت بين ... قلبين يتمنوا بعض ..

للاسف ... مازال .. البعض ... ياخذ الموضوع ... بعزة نفس ..

ماذنب ... هذان المحبان ..
ليبتتعدوا عن بعض ..
ماهي الجريمه اللي ارتكبوها ..

حبهم طاهر وشريف ..
هدفهم واضح ...؟؟؟؟؟؟

ايش الحل ....


------------------

انا حطيت الموضوع بين ايديكم ... واتمنى كل واحد يقول رأيه .. وبصراحه ... لان فعلا ..
هالموضوع ... من الواقع ... ويهم شخص عزيز علينا ... وعضو معنى ... :(







ملاححظه :
اتمنى ماحد يسالني .. من هو العضو ...
لانه سر يخصه .. وصعب اني .. اقوله لاحد ..


اخــــــــــــ خالد ــــوك
:jhgy:

[عاشق النمر]

يخطفها ويسافر معها ويتزوجون ويعيشون في ثبات ونبات ويخلفوا صبيان وبينات :angel:



<------ لاعبه في حسبته الافلام المصرية :yuupy:

[ســ9ــامــ9ــي]

يالله صباح خير يالله ...

ياناس هذا وش يبي كل يوم جايب لنا مشاكل :yuupy: ...

أنا أطلب من كم واحد من شعبي الكريم يصوت بإعدامه علشان نوريكم فيه :lkj: :lkj: ...

وأنت يالداج ما فيه حب هالأيام كلها حب نصب في نصب ...

وهو يضحك عليها وأحلق شنبي ياشيخ :amle: ...

مافيه أزين من زواج البنت المستورة وأنا أخوك لا نضحك على بعض ...

بنت تتعرف عليها بهالطريقة لا تقول أنه يحبها مهما كان ...

لأنه كذاب كذاب كذاب ...

ولكم تحياتي ...

عمكم ومهجدكم سفر المرزوقي .

[barbie_ksa]

هاااااااااااااااااااااي خلودي



لووووووووووووووووووووول حلوو حل جدول


يحبها + تحبه = بيت .. واسره .. واطفال ..





الحل هو انهم يرضوون بل واقع ويبعدوون عن بعض قبل لا يتعلقوون اكثر في بعض


هذا هو الحل



:jhgy:

[حكيم2000]

:req: :req: :req:
اول شئ يخلي اهل البنت يتعرفون على اهله باي طريقه من الطرق<===ان كان يبي يتزوجها(بيقدر يسوي كذا)
بعدين عاد اهل البنت يتعرفون على اهلها ومتى ما طلبوا اهله يروحون عند اهل البنت يروح لو كان اييش يحاول يخلي صلة الاهالي مع بعض قويه
وانا اقول هذا الحل الارجح
:amle: ويمكن يلين راس اهل الولد ويوافقون اهله:yes:
اذا لتزوجوا بها الطريقه لازم يعزموني لزواجهم:asno: :asno:

[الوصــال]

الحل عند رب العالمين
ومدام العادات دايم تكون اقوى مناا ..فطبعا فوقها اقوى منها باضعاف
فباختصار ...ان العادات لازم يجيها يوم تتفتت ......

وربي يسهلها لهم...قولوا امين

[عاشق العثرات]

انا اقووول .. والله انا اتمنى لهم السعاده .. والزواج .. و الامور هذي .. اما بالنسبة لرايي فبحسب الطريقه اللي تعاروفوا فيها .. اذا كانت من ترقيم .. :confused: .. او انترنت .. او اي شي .. او هي صديقة اخته وصار شي خلاها تتعرف عليه وكذا .. ؟؟؟



لا تقولون هذا قاعد يتفلسف .. والله كلامي .. واااضح .. وانتم فاهمين قصدي زيين .. اجل بنت الحموله .. مثل ..بنت:ignor: ..


ولكم تحياتي يا غالين ..

[ابو حنفي]

اي زواج بهذه الطريقه يكون مصيره الفشـــل

لان البنت زي ماتعرفت عليه اكيد تعرفت على واحد ثاني بعدين هذي الخرابيط مب عندنا احبك وتحبني مالك اختيار الوالده

<<- - - - - -وش يبي ذا:D

[TOTTI- 10]

و الله على قوله اخوي عاشق النمر يخطفاها و خلاص:D :D

وشكراً

[علي معتـوق العمـــري]

انا رائي من راي سفر :) :) :) :)

فالحب ستار للضحك على المهابيل وعندما تـــُــقضى الغاية اتحداه يتزوجها :cool: :cool:


مــاهو العيب : هو ماحاك في نفسك وخفت ان يطلع عليه الناس


اذا احد عرف بهذا الحب من اهلها الن تخجل ؟؟؟؟ هل تريد احد من اهلها يعرف بعلاقتها بهذا الشخص؟؟؟؟


نصيحتي له ولها : ما بني على باطل فهو باطل :jnbg:


وانت ياهاوي لاتتاثر سريعاً وتنقلنا هه المشاعر علشان نقول انك حنين ورومانسي :jnbg:

[هاوي الهلال]

مساء الخير جميعا ....


مشكورين على تفاعلكم ..


وارائكم ... بيشوفها .. صاحب الشأن ..
فمالي حق اعلق عليها ..


مشكورين وماقصرتوا ..:)


اخـــــــــــــ خالد ـــــــــوكم
;)

[عنود الصيد]

هلا اخوي خالد,

رأيي هو انه قبل لايفكر بحبه لها , يفكر قبل بنوع العلاقة اللي جمعتهم , طبعا هي علاقة غير شرعيه ( كونها غريبة عنه وهو غريب عنها ) .. يعني اساس غير سليم ..


و باعتقادي أن حبه لها مجرد نزوة .. وبعد الزواج بيتضح الوضع اكثر .. وبيبدأ يعيد حساباته معها ..




ونــــــصــــيـــحــتــي انه يفكر الف مرة قبل لا يقدم على هالخطوة (الزواج)..


وصدقني مافيه أحلى من زواجه لوحدة يعرفونها اهله زين , وحدة الكلمة الحلوة (اللي تقولها له) ماتكون قالتها لعشرة قبله ..


والله يــكـتــب له اللي فيه الخير :)

[هاوي الهلال]

اهلين اخت عنود الصيد ..

بغض النظر عن كون العلاقه .. ايش


لكن الحين هم .. يبون يصححون الوضع ..

يبون يتزوجون ..


وهالخطوه .. تغفر لهم اي غلط قبلها ..


ومشوره على ردك ..
:)


اخــــــــــــ خالد ــــــــوكي

[العاقل]

:req: :req: :req:

والله صراحه مدري وش اقولك بس زي ماقالو الاخوان ((الزواق زي ده مش كويس)) ولو خلا اهله يتعرفون على اهلها بيقولون له اهله وشلون تعرفت عليهم !!؟:confused:

وانا اقول ترا بنات الديره كثيييييييييير خله يطب ويتخير ويترك هالشغلات الي مالها داعي (احبها :love: و:love: اتحبني):confused:


وخيرها بغيرها



تحيـ العاقل ـاتي




:)

[عنود الصيد]

هلا اخوي خالد,
بغض النظر عن كون العلاقه .. ايش


تراك مافهمتني .. كيف يصححون الغلط :confused:



أهم شيء الأساس .. و اذا كان غلط .. فصدقني علاقتهم بتكون مهزوزة :(

مثل البيت اللي اساسه غلط فهو عرضه للانهيار :rolleyes:


شكلك متحمس لهم ياخالد :kany: وانا اقول , يارب ان يكتب لهم اللي فيه الخير ..

وصدقني ماقلت كلامي هذا الا لأنه بهالمشكلة لازم الواحد يفكر بعقله قبل قلبه :)



وتـحــيـاتي ,

[مها العالميه]

اهلين 00

الي يبي قصة حبه تفشل ينهيهاااااااا بزواااااااااج00

هم قالوها الزواج مقبرة الحب00

رغم اني ما اعترف ان فيه حب قبل الزوااااج00


هذا رايي00

[الذاهبه]

اذا كاااان يحبها حب صااااادق يتزوجها ....

ومصير اهله يرضون :)

[ياسر عبدالعزيز]

يحبها + تحبه = بيت .. واسره .. واطفال ..


يحبها + تحبه = طلاق وخرررررررراب بيوووووت:yuupy:

[ابو حنفي]

من ابيخ المواضيع التي قريتها

[اللورد سامي9]

:guns:

[اللورد سامي9]

الكاتب الأصلي للرسالة اللورد سامي9
:guns:


حبيب قلبي زي ماقال عاشوووق
يخطفها وينقلع بها االى اقرب ديار ويتزوجن
عاد الزاوج بكيفه موب بكيف اهله:jnbg: :jnbg: <=======شيطان

[هاوي الهلال]

اهلين ..

اخت عنود ... انا ماقلت انهم سوا شئ غلط
لكن انا اقول لو الجميع شايف ان حبهم غلط ..
وان الزواج هو الخطوه السليمه ..
فهم الحين فكروا في الخطوه السليمه ..
ويحتاجون .. اهلهم يوقفوا جنبهم ..


مشكوره يالعنود .. على ارائك القيمه :)



ابو حنفي .... مادام الموضوع بايخ ... ليه خاش ترد ..
وترى كل مواضيعي بايخه .. مثل كذا ..
:jnbg: :jnbg: :jnbg: :jnbg:



والشكر لجميع اللي ردوا ...



اخــــــــــ خالد ـــــــوكم
:jnbg:

[هاجس]

اهلين خالد



انا بقول رايي بس بشرط




انه ماحد يزعل من الطرفين سواء كان هو او هي يعني هذا مجرد راي هاجس بس :)






امور العادات والتقاليد مستحيل الواحد يغيرها مع العلم هي اللي ذابحتنا يعني في بعض العائلات توصل انه يتبرون من البيت اللي يغير عاداتهم ( ترى انا ضد هالامور ) لكن ماباليد حيله :(




اول شيء التفكير بالزواج منه او منها لازم ينمسح بتاتا لسبب العادات زي ما قلت يعني نسبة حدوث هالشيء شبه مستحيل ان لم يكن مستحيل وحرام البنت تكمل محبتها وتفكيرها بالزواج ونفس الشيء حرام الشاب يكمل محبته وتفكيره بالزواج ما دام انه في النهاية في شيء راح يعكره ،،،،


انا ما اقول خلاص لازم كل واحد منهم يكره الثاني لا انا اقول التفكير بالزوااااااج خلاص ينمحي من الطرفين يعني تبقى صداقه من اخ الى اخت يعني حرام نقول كل واحد يكمل هالمحبه ويمكن تصير اشياء قدام غلط مثل شوفته لها وتصير اشياء الواحد ما يقدر يتحكم فيها وما يدري انها غلط الا بعد ما تصير ( مهب لازم اوضح اتوقع انكم فهمتوا)



خالد وصل هالراي لصاحب هالمشكله وانشاءالله تنحل :)



تحياتي ،،،،

[هاوي الهلال]

اهلين هاجس .. :mad:


مالي دخل .. ماراح اوصل شئ ..

الموضوع والاراء موجوده .. قدام الجميع ..

وصاحب الشأن يشوف بنفسه ..

انا خلاص انتهت مهمتي ..

وسويت اللي علي ....


خالد

[ابو الذهب]

هاوى الهلال :
والله انا اقول لايفكر فى عادات ولا تقاليد يأخى اذا كان هو يحبها وهى تحبه
اعتقد انهم يقدرون يوقفون فى وجه هالعادات اللى للاسف الشديد جابتا لورى
واذا كانه يبى فزعه ابشر بالخير الجمس العبرتين جاهز بس الله يعينهم على الدف





















اخوى هاوى قل لخويك يقسى قلبه ويروح يخطب ترا هالعادات مهيب موجوده لافى شرع ولا فى الدين

[بـحـر]

حبهم طاهر وشريف
خذ النصيحه يالداج ولا تزعل لا انت ولا خويك اللي هو يعتبر خوينا:)

الحب ... لايلعب عليه والشـيطان شــاطر مامات.

اســمح لى بكره تمل منه وتعرف غيرة مع احترامى للجميع :eek:

قل له اتبع العادات و التقاليد ولا تعصى اهلك ياالمهبول .... فاهم :)


:angel:

[جـــلال]

مســــاء الانوار لنور المنتدى,,,

أقول الله يحفظك ماازيد شي على اللي قاله عمنا ومهجدنا (سفــــر):ignor: :ignor:

بصراحه هو الكلام الصحيح وكلام واحد عاقل,,,

تحياتي لك,,

[هاوي الهلال]

اهلين شباب ...


مشكورين على المشاركه ..

الغالي ابو الذهب ..

انا معك في ردك ..
وهذا اللي نصحته فيه ...:yes:


الغالي بحر ..
مشكور على الرد ...
رغم اني احس ان ردك عند في ابو الذهب .. :D


الغالي جلال .... :mad: مالقيت الا سفر .. تاخذ برأيه ... :kany:

مشكور حبيبي ...


اخــــــــــــ خالد ـــــــوكم
:)

[هلاليه بالفطره]

الكاتب الأصلي للرسالة ابو الذهب

والله انا اقول لايفكر فى عادات ولا تقاليد يأخى اذا كان هو يحبها وهى تحبه
اعتقد انهم يقدرون يوقفون فى وجه هالعادات اللى للاسف الشديد جابتا لورى
واذا كانه يبى فزعه ابشر بالخير الجمس العبرتين جاهز بس الله يعينهم على الدف





















اخوى هاوى قل لخويك يقسى قلبه ويروح يخطب ترا هالعادات مهيب موجوده لافى شرع ولا فى الدين




رأيي من راي اخوي ابو الذهب :yes: :yes: :yes:

[هاوي الهلال]

شكرا للجميع على تفاعلهم ..


واشكركم بالنيابه عن صاحب المشكله ..



:)